OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

28.12.2021 y.

N 2150-2

OʻZBEKISTON RESPUBLIKASI

MOLIYa VAZIRINING

17.12.2021 y.

N 78

BUYRUGʻI

"Yetim bolalar va ota-ona qaramogʻidan mahrum

boʻlgan bolalarga turarjoy sotib olish uchun maqsadli

transfertlar, shu jumladan, byudjet mablagʻlarini berish

tartibi toʻgʻrisidagi nizomni tasdiqlash haqida"gi buyruq,

shuningdek unga oʻzgartirishlar va qoʻshimchani oʻz kuchini

yoʻqotgan deb topish toʻgʻrisida

Oʻzbekiston Respublikasining "Normativ-huquqiy hujjatlar toʻgʻrisida"gi Qonuni va Oʻzbekiston Respublikasi Vazirlar Mahkamasining 2021 yil 25 oktyabrdagi 656-son "Yetim bolalar va ota-ona qaramogʻidan mahrum boʻlgan bolalarni ijtimoiy qoʻllab-quvvatlashga doir qoʻshimcha chora-tadbirlar toʻgʻrisida"gi qaroriga muvofiq BUYuRAMAN:

1. Quyidagilar oʻz kuchini yoʻqotgan deb topilsin:

Oʻzbekiston Respublikasi moliya vazirining 2010 yil 11 oktyabrdagi 86-son "Yetim bolalar va ota-ona qaramogʻidan mahrum boʻlgan bolalarga turarjoy sotib olish uchun maqsadli transfertlar, shu jumladan, byudjet mablagʻlarini berish tartibi toʻgʻrisidagi nizomni tasdiqlash haqida"gi buyrugʻi (roʻyхat raqami 2150, 2010 yil 29 oktyabr) (Oʻzbekiston Respublikasi qonun hujjatlari toʻplami, 2010 y., 42-43-son, 375-modda);

Oʻzbekiston Respublikasi moliya vazirining 2015 yil 19 maydagi 46-son "Yetim bolalar vaota-ona qaramogʻidan mahrum boʻlgan bolalarga turar joy sotib olish uchun maqsadli transfertlar, shu jumladan, byudjet transfertlarini berish tartibi toʻgʻrisidagi nizomni tasdiqlash haqida"gi buyruqqa oʻzgartirishlar va qoʻshimcha kiritish toʻgʻrisida"gi buyrugʻi (roʻyхat raqami 2150-1, 2015 yil 27 may) (Oʻzbekiston Respublikasi qonun hujjatlari toʻplami, 2015 y., 21-son, 284-modda).

2. Mazkur buyruq rasmiy e’lon qilingan kundan e’tiboran kuchga kiradi.

Moliya vaziri                                                                      T. Ishmetov

Qonun hujjatlari ma’lumotlari milliy bazasi (www.lex.uz),

2021 yil 28 dekabr