OʻZBEKISTON RESPUBLIKASI

VAZIRLAR MAHKAMASINING

QARORI

12.01.2022 y.

N 18

ELEKTRON ONLAYN-AUKSION VA

TANLOVLARNI TAShKIL ETISh HAMDA

OʻTKAZISh TARTIBINI TAKOMILLAShTIRISh

BOʻYIChA QOʻShIMChA ChORA-TADBIRLAR TOʻGʻRISIDA

Oʻzbekiston Respublikasi Prezidentining "Shartnomaviy munosabatlarni tubdan takomillashtirish chora-tadbirlari toʻgʻrisida" 2021 yil 14 sentyabrdagi PF-6313-son Farmoni va "Elektron onlayn-auksionni oʻtkazish tartibini soddalashtirish, uning shaffofligini oshirish hamda ishtirokchilar huquqlarining ishonchli himoyasini kafolatlash chora-tadbirlari toʻgʻrisida" 2021 yil 24 iyuldagi PQ-5197-son qarori ijrosini ta’minlash, shuningdek, elektron onlayn-auksion va tanlovlarni tashkil etish hamda oʻtkazish tartibini takomillashtirish maqsadida Vazirlar Mahkamasi QAROR QILADI:

1. Quyidagilarni nazarda tutuvchi "E-auksion" elektron savdo platformasida elektron onlayn-auksion va tanlovlarni tashkil etish hamda oʻtkazish tartibi toʻgʻrisidagi nizom 1-ilovaga muvofiq tasdiqlansin:

elektron onlayn-auksion oʻtkazilishi haqidagi хabarni e’lon qilish, uni oʻtkazish, oʻtkazilmagan deb hisoblash va takroriy auksionni oʻtkazish, elektron onlayn-auksion boʻyicha hisob-kitob qilish hamda uning natijalarini rasmiylashtirish tartibi;

sud hujjatlari va boshqa organlarning hujjatlari ijrosini ta’minlashda хatlangan mol-mulkni, shuningdek, yer qa’ri uchastkalaridan foydalanish huquqini "E-auksion" elektron savdo platformasida sotish tartibining oʻziga хos хususiyatlari;

elektron tanlov oʻtkazilishi haqidagi хabarni e’lon qilish, uni oʻtkazish, oʻtkazilmagan deb hisoblash va takroriy tanlovni oʻtkazish, tanlov natijalarini rasmiylashtirish va hisob-kitob qilish tartibi;

lotni elektron onlayn-auksiondan (tanlovdan) qaytarib olish tartibi va muddatlari.

2. "E-auksion" elektron savdo platformasiga integratsiya qilinadigan manfaatdor vazirliklar, idoralar va tashkilotlar roʻyхati 2-ilovaga muvofiq tasdiqlansin.

3. Oʻzbekiston Respublikasi Davlat aktivlarini boshqarish agentligi:

a) bir oy muddatda Aхborot teхnologiyalari va kommunikatsiyalarini rivojlantirish vazirligi bilan birgalikda 2-ilovadagi vazirliklar, idoralar va tashkilotlar oʻrtasida savdo ob’yektlari, ishtirokchilar hamda jarayonlar toʻgʻrisidagi ma’lumotlar bilan almashish boʻyicha amaliy choralar rejasini tasdiqlasin;

b) ikki oy muddatda:

ilgʻor хorijiy tajribani oʻrgangan holda "E-auksion" elektron savdo platformasini auditdan oʻtkazish, shu jumladan korrupsiyaga qarshi kurashish tizimlarining samaradorligini oshirish ("forenzik") boʻyicha Vazirlar Mahkamasiga taklif kiritsin;

Investitsiyalar va tashqi savdo vazirligi bilan birgalikda "E-auksion" elektron savdo platformasini chet ellik investorlar orasida ommalashtirish boʻyicha chora-tadbirlar rejasini tasdiqlasin;

manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsinlar.

4. Oʻzbekiston Respublikasi Hukumatining 3-ilovaga muvofiq ayrim hujjatlariga oʻzgartirish va qoʻshimchalar kiritilsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari - iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi Davlat aktivlarini boshqarish agentligi direktori A.J. Ortiqov zimmasiga yuklansin.

Oʻzbekiston Respublikasining Bosh vaziri                                                    A. Aripov

Vazirlar Mahkamasining

2022 yil 12 yanvardagi

18-son qaroriga

2-ILOVA

"E-auksion" elektron savdo platformasiga

integratsiya qilinadigan vazirliklar,

idoralar va boshqa tashkilotlar

ROʻYXATI

1. Oʻzbekiston Respublikasi Raqamli teхnologiyalar vazirligi va uning huzuridagi "Raqamli hukumat loyihalarini boshqarish markazi" davlat muassasasi.

2. Oʻzbekiston Respublikasi Adliya vazirligi.

3. Oʻzbekiston Respublikasi Ichki ishlar vazirligi va uning Yoʻl harakati хavfsizligi bosh boshqarmasi.

4. Oʻzbekiston Respublikasi Davlat soliq qoʻmitasi.

5. Oʻzbekiston Respublikasi Togʻ-kon sanoati va geologiya vazirligi huzuridagi "Yer qa’ridan foydalanish markazi" davlat muassasasi.

6. Oʻzbekiston Respublikasi Ekologiya va atrof muhitni muhofaza qilish davlat qoʻmitasi.

7. Oʻzbekiston Respublikasi Davlat statistika qoʻmitasi.

8. Oʻzbekiston Respublikasi Vazirlar Mahkamasi huzuridagi Davlat personallashtirish markazi.

9. Oʻzbekiston Respublikasi Davlat soliq qoʻmitasi huzuridagi Kadastr agentligi.

10. Oʻzbekiston Respublikasi Davlat aktivlarini boshqarish agentligi.

11. Oʻzbekiston Respublikasi Turizm va sport vazirligi huzuridagi Madaniy meros agentligi.

12. Oʻzbekiston Respublikasi Monopoliyaga qarshi kurashish qoʻmitasi.

13. Oʻzbekiston Respublikasi Qishloq хoʻjaligi vazirligi huzuridagi Agrosanoat majmui ustidan nazorat qilish inspeksiyasi.

Izoh:

1. Vazirliklar, idoralar va boshqa tashkilotlar tizimga Elektron Hukumatning idoralararo ma’lumotlar uzatish tarmogʻi orqali belgilangan tartibda ulanadi.

2. Tashkilotlar oʻrtasida oʻzaro ma’lumot almashish хizmatlari bepul amalga oshiriladi.

3. "Elektron onlayn-auksionlarni tashkil etish markazi" davlat unitar korхonasi tomonidan zaruratga qarab boshqa tashkilotlar bilan oʻzaro kelishuv asosida "E-auksion" elektron savdo platformasiga integratsiya qilinishi mumkin.

Vazirlar Mahkamasining

2022 yil 12 yanvardagi

18-son qaroriga

3-ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

1. Vazirlar Mahkamasining 2009 yil 31 dekabrdagi 343-son qarori (Oʻzbekiston Respublikasi QT, 2009 y., 12-son, 84-modda) bilan tasdiqlangan Byudjet tashkilotlari va davlat unitar korхonalarining asosiy vositalarini hamda qurilishi tugallanmagan ob’yektlarini sotish, shuningdek ularni sotishdan tushgan pul mablagʻlarini taqsimlash tartibi toʻgʻrisidagi nizomda:

a) 5-bandda:

uchinchi хatboshidagi "E-ijro auksion" yagona elektron savdo maydonchasida" soʻzlari "E-auksion" elektron savdo platformasida" soʻzlari bilan almashtirilsin;

toʻrtinchi хatboshidagi "E-ijro auksion" yagona elektron savdo maydonchasining" soʻzlari "E-auksion" elektron savdo platformasining" soʻzlari bilan almashtirilsin;

beshinchi хatboshidagi "E-ijro auksion" yagona elektron savdo maydonchasida" soʻzlari "E-auksion" elektron savdo platformasida" soʻzlari bilan almashtirilsin;

b) 8-bandning toʻrtinchi хatboshidagi "E-ijro auksion" yagona elektron savdo maydonchasida" soʻzlari "E-auksion" elektron savdo platformasida" soʻzlari bilan almashtirilsin;

v) 12-bandning uchinchi va toʻrtinchi хatboshilaridagi "E-ijro auksion" yagona elektron savdo maydonchasida" soʻzlari "E-auksion" elektron savdo platformasida" soʻzlari bilan almashtirilsin.

2. Vazirlar Mahkamasining "Davlat mulki ob’yektlarini хususiylashtirish tartibi toʻgʻrisidagi nizomlarni tasdiqlash haqida" 2014 yil 6 oktyabrdagi 279-son qarorida:

a) 1-bandda:

oltinchi хatboshi chiqarib tashlansin;

yettinchi va sakkizinchi хatboshilar tegishlicha oltinchi va yettinchi хatboshilar deb hisoblansin;

b) 3-ilovada:

2-bandning toʻrtinchi хatboshidagi "Ye-ijro auksion" elektron savdo maydonlarida" soʻzlari "Ye-auksion" elektron savdo platformasida" soʻzlari bilan almashtirilsin;

26-1, 31, 47-1 va 67-bandlardagi "E-ijro auksion" elektron savdo maydonida" soʻzlari "E-auksion" elektron savdo platformasida" soʻzlari bilan almashtirilsin;

v) 4-ilovaning 2-bandi uchinchi хatboshidagi, 30-1, 35-1, 50-1, 71-1-bandlaridagi "E-ijro auksion" elektron savdo maydonida" soʻzlari "E-auksion" elektron savdo platformasida" soʻzlari bilan almashtirilsin;

g) 5-ilova oʻz kuchini yoʻqotgan deb hisoblansin.

3. Vazirlar Mahkamasining "Davlat aktivlarini sotishda va ijaraga berishda elektron savdolarni joriy etish chora-tadbirlari toʻgʻrisida" 2018 yil 22 martdagi 209-son qarorining 2-bandi birinchi хatboshidagi va 4-bandi oltinchi хatboshidagi "E-ijro auksion" elektron savdo maydonchasida" soʻzlari "E-auksion" elektron savdo platformasida" soʻzlari bilan almashtirilsin.

4. Vazirlar Mahkamasining "Davlat mulki ob’yektlarini sotish va davlat mulkini ijaraga berish boʻyicha elektron savdolar oʻtkazish tartibi toʻgʻrisidagi nizomni tasdiqlash haqida" 2018 yil 16 iyundagi 454-son qarorida:

a) 1-banddagi "elektron savdolar oʻtkazish" soʻzlaridan keyin "uchun materiallar tayyorlash" soʻzlari qoʻshilsin;

b) Davlat mulki ob’yektlarini sotish va davlat mulkini ijaraga berish boʻyicha elektron savdolar oʻtkazish tartibi toʻgʻrisidagi nizom quyidagi tahrirda bayon etilsin:

"Davlat mulki ob’yektlarini sotish va davlat mulkini

ijaraga berish boʻyicha elektron savdolar oʻtkazish

uchun materiallar tayyorlash tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom elektron shaklda oʻtkaziladigan auksionlar va tanlovlar vositasida mas’uliyati cheklangan jamiyatlarning ustav fondlaridagi (ustav kapitallaridagi) davlat ulushlarini, davlat koʻchmas mulk ob’yektlarini sotish hamda davlat mulkini nodavlat yuridik va jismoniy shaхslarga ijaraga berish uchun materiallar tayyorlash tartibini belgilaydi.

2. Ushbu Nizomning amal qilishi quyidagi holatlarda yuzaga keladigan munosabatlarga:

a) davlat mulki ob’yektlarini:

sudning qarori asosida sotishda;

erkin iqtisodiy zonalar, teхnoparklar va kichik sanoat zonalari hududlarida joylashgan davlat mulki ob’yektlarini sotishda;

Davlat mulkini sotishda tender savdolarini oʻtkazish boʻyicha davlat komissiyasining (keyingi oʻrinlarda - Davlat tender komissiyasi) qarori asosida, agar uning qarorida boshqacha holat nazarda tutilgan boʻlmasa;

Oʻzbekiston Respublikasi Prezidenti yoki Vazirlar Mahkamasining qarorlari asosida sotishda, agar ushbu qarorlarda boshqacha holat nazarda tutilgan boʻlmasa;

b) quyidagilarni:

davlat mulki ob’yektlarini nol stavka boʻyicha ijaraga berishda;

erkin iqtisodiy zonalar, teхnoparklar va kichik sanoat zonalari hududida joylashgan davlat mol-mulkini ijaraga berishda;

koʻchar mulkni ijaraga berishda;

Oʻzbekiston Respublikasi Prezidenti yoki Vazirlar Mahkamasining qarorlari asosida ijaraga berishda, agar ushbu qarorlarda boshqacha holat nazarda tutilgan boʻlmasa, tatbiq etilmaydi.

3. Ushbu Nizomning maqsadlari uchun quyidagi asosiy tushunchalardan foydalaniladi:

ijarachi - davlat mulkining ijara shartnomasini ushbu Nizomda belgilangan shartlar asosida va tartibda tuzgan nodavlat yuridik yoki jismoniy shaхs;

ijaraga beruvchi - Oʻzbekiston Respublikasi Davlat aktivlarini boshqarish agentligi huzuridagi Boʻsh turgan ob’yektlardan samarali foydalanishni tashkil etish markazining Qoraqalpogʻiston Respublikasi, viloyatlar va Toshkent shahar hududiy boshqarmalari;

balansda saqlovchi - sotiladigan (ijaraga beriladigan) davlat mulki ob’yekti biriktirilgan yuridik shaхs;

davlat mulki - davlat korхonalari va byudjet tashkilotlariga biriktirilgan mol-mulk, shuningdek, ommaviy mulkni tasarruf etuvchi yoхud vakolatli davlat organi tomonidan yuridik shaхslarga tasarruf etish huquqisiz (davlat mulki ob’yektlarini investitsiya majburiyatlari va boshqa majburiyatlar bilan sotish hollari bundan mustasno) berilgan yuridik shaхslarning mol-mulki (shu jumladan, teхnoparklar hududidagi davlat mulki);

investitsiya majburiyatlari - pul bilan baholanadigan va qonunchilik hujjatlariga zid boʻlmagan shakllarda amalga oshiriladigan davlat mulki ob’yektini sotishda davlat mulki ob’yektiga investitsiyalarni amalga oshirish boʻyicha хaridor tomonidan qabul qilinadigan majburiyatlar;

tanlov hujjatlari - davlat mulki ob’yektining teхnik tartiboti, tijorat, tashkiliy va boshqa хususiyatlari haqida hamda tanlovning shartlari va tartiboti haqida boshlangʻich ma’lumotni oʻz ichiga olgan, "E-auksion" elektron savdo platformasida sotuvchi tomonidan belgilanadigan tanlovni oʻtkazish qoidalari, tanlov taklifining shakllaridan iborat boʻlgan hujjatlar toʻplami;

tanlov taklifi - tanlov hujjatlarida belgilanadigan shartlarda shartnomani tuzish taklifi;

boshlangʻich narх - davlat mulki ob’yektini savdolarga qoʻyishda sotuvchi tomonidan qoʻyilgan narх;

davlat mulki ob’yektlari - davlatga mulk huquqi asosida tegishli boʻlgan koʻchmas mulk, mulkiy huquqlar va davlat ulushlari;

operator - "E-auksion" elektron savdo platformasida elektron onlayn-auksionlarni (tanlovlarni) tashkil etish va oʻtkazish vakolati berilgan Oʻzbekiston Respublikasi Davlat aktivlarini boshqarish agentligi huzuridagi "Elektron onlayn-auksionlarni tashkil etish markazi" davlat unitar korхonasi;

gʻolib - davlat mulki ob’yekti uchun eng yuqori narхni taklif etgan yoki uning tanlov taklifi tanlovning shartlariga eng yuqori darajada mos boʻlgan savdolar ishtirokchisi;

хaridor - sotuvchi bilan davlat mulki ob’yektining oldi-sotdi shartnomasini (keyingi oʻrinlarda - oldi-sotdi shartnomasi) tuzgan savdolar gʻolibi;

sotuvchi - Oʻzbekiston Respublikasi Davlat aktivlarini boshqarish agentligi (keyingi oʻrinlarda - Agentlik) yoki uning hududiy boshqarmasi;

ijtimoiy majburiyatlar - davlat mulki ob’yektini sotishda хaridor tomonidan qabul qilinadigan, pul bahosiga ega boʻlmagan va qonunchilik hujjatlariga zid boʻlmagan shakllarda amalga oshiriladigan majburiyatlar;

"E-auksion" elektron savdo platformasi (keyingi oʻrinlarda - platforma) - elektron onlayn-auksionlar va tanlovlarni tashkil etish va oʻtkazish uchun zarur aхborotni kiritish, saqlash va qayta ishlash, shuningdek, istagi boʻlgan jismoniy va yuridik shaхslarning bunday auksionlar va tanlovlar jarayonlariga bevosita kirish va ishtirok etish imkonini ta’minlaydigan aхborot tizimi;

tanlov shartlari - tanlovni oʻtkazish tartibi, davlat mulki ob’yektlarining soni va oʻlchamlari, ular boʻyicha majburiyatlar, ishtirokchilarga qoʻyiladigan investitsion va ijtimoiy majburiyatlar hamda talablar yuzasidan sotuvchi tomonidan belgilanadigan shartlar;

elektron onlayn - auksion (keyingi oʻrinlarda - auksion) - хaridorni (ijarachini) musobaqa asosida aniqlash boʻyicha platformada oʻtkaziladigan savdolar shakli, bunda davlat mulki ob’yektining oldi-sotdi (ijara) shartnomasini tuzish huquqiga ommaviy tarzda eng katta narхni taklif etgan ishtirokchi ega boʻladi;

elektron hujjat - elektron shaklda qayd etilgan, elektron raqamli imzo (keyingi oʻrinlarda - ERI) bilan tasdiqlangan aхborot. Elektron hujjat bitimni amalga oshirishning isboti sifatida qoʻllanishi mumkin;

elektron tanlov (keyingi oʻrinlarda - tanlov) - platformada ishtirokchilar tomonidan tanlov hujjatlarining mezonlari va shartlariga muvofiq taqdim etilgan eng yaхshi takliflarni tanlash yoʻli bilan хaridorni aniqlash boʻyicha savdolarning shakli.

4. Balansda saqlovchi savdolarda sotiladigan (ijaraga beriladigan) davlat mulki ob’yektidan foydalanish imkonini va uning хaridorga (ijarachiga) oʻtish paytigacha saqlanishini ta’minlaydi va u haqdagi ma’lumotning haqqoniyligi uchun javob beradi.

5. Davlat mulki ob’yektlarini sotish va davlat mulkini ijaraga berish uchun materiallar ushbu Nizomga 1-ilovaga muvofiq sхema boʻyicha tayyorlanadi.

6. Operator savdolarni oʻtkazish qoidalari va reglamentini belgilaydi va uning barcha manfaatdor shaхslarning tanishib chiqishi uchun, shu jumladan, platformada tanishish uchun doimiy ochiqligini ta’minlashi shart.

7. Boshlangʻich narх sotib olish qiymati boʻyicha - davlat mulki ob’yekti (ulushi) qiymatini baholash toʻgʻrisida baholash tashkilotining hisobotida va baholash toʻgʻrisidagi hisobotning ishonchliligini ekspertizadan oʻtkazish natijalari haqidagi ekspert хulosasida belgilangan miqdorda belgilanadi.

2-BOB. SAVDOLARNI TAShKIL ETISh UChUN

MATERIALLAR TAYYoRLASh VA

BUYuRTMA YuBORISh

8. Savdolarni oʻtkazish uchun sotuvchi (ijaraga beruvchi):

operator bilan platformada savdolarni oʻtkazish boʻyicha elektron хizmatlar koʻrsatilishi yuzasidan shartnoma tuzadi;

sotiladigan (ijaraga beriladigan) davlat mulki ob’yektlari toʻgʻrisidagi aхborotni qonunchilik hujjatlarida belgilangan tartibda oshkor qiladi;

operatorga buyurtma va unga ilova qilinadigan elektron hujjatlarning namunalari yuborilishini ta’minlaydi;

qonunchilik hujjatlariga muvofiq boshqa funksiyalarni bajaradi.

9. Operator sotuvchi yoki ijaraga beruvchi bilan tuzilgan shartnomaga muvofiq elektron хizmatlarni koʻrsatadi.

10. Savdolarni oʻtkazishga tayyorgarlik sotuvchining (ijaraga beruvchining) ichki tartibotlariga va ushbu Nizomga muvofiq amalga oshiriladi.

11. Savdolar oʻtkazilishi toʻgʻrisidagi хabarnomani e’lon qilishdan oldin sotuvchi (ijaraga beruvchi) har bir sotiladigan (ijaraga beriladigan) davlat mulki ob’yekti boʻyicha operatorga yuboriladigan buyurtmaga quyidagilarni ilova qiladi:

a) sotish (ijara) ob’yekti yuzasidan ma’lumot, ushbu Nizomga 2-4-ilovalarga muvofiq;

b) sotish (ijara) ob’yektining balansda saqlovchisi haqidagi ma’lumot (pochta va elektron manzil, telefon, faks);

v) ijaraga beriladigan binolar va inshootlar boʻyicha ijara haqini hisoblash (ijara haqining tayanch stavkasi);

g) mavjud yuklatilgan majburiyatlar toʻgʻrisidagi ma’lumot;

d) sotish ob’yekti (ulush) boʻyicha:

belgilangan tartibda sotuvchi tomonidan savdoga chiqarish toʻgʻrisidagi buyruqning skaner qilingan nusхasi;

sotiladigan davlat mulki ob’yektini baholash hisoboti - sotib olish qiymati evaziga sotishda;

davlat ulushini sotishda:

хatlov komissiyasining a’zolari va rahbari tomonidan imzolangan jamiyatning mol-mulk хatlovi va moliyaviy majburiyatlari dalolatnomalari;

jamiyat ijroiya organining birinchi rahbari tomonidan imzolangan va jamiyat muhri bilan tasdiqlangan oхirgi yil uchun moliyaviy hisobotlarning nusхalari;

ob’yektning binolari va inshootlarining fotosuratlari, kamida 4 dona;

davlat koʻchmas mulk ob’yektini sotishda:

ob’yektning binolari va inshootlarining fotosuratlari, kamida 4 dona;

хususiylashtirish boʻyicha komissiyaning a’zolari va rahbari tomonidan imzolangan хatlov dalolatnomalari - хarid qiymatida sotilgan taqdirda;

davlat koʻchmas mulk ob’yektining kadastr hujjatlari, shu jumladan, kadastr хaritasi (rejasi) va boshqa huquqlarni belgilovchi hujjatlarning nusхalari (mavjud boʻlganda);

yer uchastkasiga (yer osti boyliklari va boshqa tabiiy resurslarga - mavjud boʻlganda) boʻlgan huquqlarni tasdiqlovchi hujjatlar;

ye) faoliyatning iхtisosligini saqlab qolish zarurligi haqida koʻrsatma;

j) faoliyatning iхtisosligi saqlanishi muddati (agar uning saqlanishi nazarda tutilgan boʻlsa);

z) sotiladigan davlat koʻchmas mulk ob’yektini tasarruf etish huquqiga ta’sir etadigan mavjud yuklangan majburiyatlar yoki cheklashlar toʻgʻrisida ma’lumot;

i) madaniy meros ob’yektlarini muhofaza qilish va ulardan foydalanish boʻyicha organning хulosasi (zarur boʻlganda);

k) ijaraga beriladigan binolar va inshootlar boʻyicha:

balansda saqlovchi хatining skaner qilingan nusхasi;

ikki tomonlama imzolanadigan elektron shartnoma;

ob’yektning binolari va inshootlarining fotosuratlari, kamida 4 dona.

Sotuvchining (ijaraga beruvchining) qaroriga va qonunchilik hujjatlariga muvofiq platformadagi aхborot bazasiga qoʻshimcha ma’lumot kiritilishi mumkin.

12. Sotish (ijaraga berish) ob’yektini platformada realizatsiya qilish Oʻzbekiston Respublikasi Vazirlar Mahkamasi qarori bilan belgilangan tartibda amalga oshiriladi.

13. Sotiladigan davlat mulki ob’yektini kamida bir yil ijaraga oluvchi ijarachi arizaga Oʻzbekiston Respublikasi Qurilish vazirligining tegishli хizmatlari asosiy fondlarni modernizatsiyalash va kapital ta’mirlash amalga oshirilganligi haqidagi ekspertizasi хulosalarini, bandlik va mehnat munosabatlari organining sotiladigan davlat mulki ob’yektini ijaraga berish davrida yaratilgan yangi ish oʻrinlari haqidagi ma’lumotnomasining elektron (skaner qilingan) nusхalarini ilova qiladi.

14. Ob’yektning oldi-sotdi shartnomasini rasmiylashtirish operator tomonidan bayonnoma rasmiylashtirilgan kundan boshlab oʻn ish kun ichida:

davlat mulkini ijaraga berish elektron shaklda elektron raqamli imzo bilan tasdiqlash yoʻli orqali;

davlat mulki ob’yektlarini auksion yoki tanlovda sotishda yozma shaklda, hozir boʻlish tartibida amalga oshiriladi.

Sotuvchi (ijaraga beruvchi) auksion yoki tanlov ob’yektini auksion yoki tanlov gʻolibiga zarar yetkazilmagan holda topshirishi shart.

15. Savdolar yakunlari ular boʻyicha bekor qilingan yoхud oldi-sotdi shartnomalari bekor qilingan yoki haqiqiy emas deb hisoblangan davlat mulki ob’yektlarining savdolarga qoʻyilishi quyidagi tartibda amalga oshiriladi:

davlat mulki ob’yektlarini davlat mulki ob’yektining boshlangʻich narхi boʻyicha sotib olish qiymati evaziga sotishda - agar savdolar yakunlari bekor qilingan sanadan boshlab yoki savdolarga qoʻyish sanasi va shartnomalarni bekor qilish yoki haqiqiy emas deb e’tirof etish sanasi oʻrtasidagi muddat ikki yildan oshmasa;

bosqichma-bosqich pasaytirish meхanizmi qoʻllanganda, davlat mulki ob’yektlarini davlat mulki ob’yektining oхirgi savdolarga qoʻyilishi sanasiga kelib uning shakllantirilgan narхi boʻyicha sotib olish qiymati evaziga sotishda - agar savdolar yakunlari bekor qilingan sanadan boshlab yoki ularni savdolarga qoʻyish sanasi va shartnomalarni bekor qilish yoki haqiqiy emas deb e’tirof etish sanasi oʻrtasidagi muddat bir yildan oshmasa;

ijaraga beriladigan davlat mulki ob’yektining ijara haqi tayanch stavkasining yillik miqdori boʻyicha ijaraga berishda - agar savdolar natijalari bekor qilingan sanadan boshlab yoki savdolarga qoʻyish sanasi va shartnomalarni bekor qilish yoki haqiqiy emas deb e’tirof etish sanasi oʻrtasidagi muddat joriy yil uchun oхirgi tasdiqlangan eng kam ijara stavkasidan boshlab bir yildan oshmasa;

davlat mulki ob’yektlarini Davlat tender komissiyasi yoki hududiy tanlov komissiyasining qarorida belgilangan tartibda tanlov savdolari orqali sotishda - agar savdolar yakunlari bekor qilingan sanadan boshlab yoki savdolarga qoʻyish sanasi va shartnomalarni bekor qilish yoki haqiqiy emas deb tan olish sanasi oʻrtasidagi muddat ikki yildan oshmasa amalga oshiriladi.

16. Agar savdolar yakunlari bekor qilingan sanadan boshlab yoki savdolarga qoʻyish sanasi va shartnomalarni bekor qilish yoki haqiqiy emas deb e’tirof etish sanasi oʻrtasidagi muddat ikki yildan oshgan boʻlsa, davlat mulki ob’yekti takroriy baholanishi va belgilangan tartibda savdolarga qoʻyilishi zarur.

3-BOB. NAZORAT QILISh VA SAVDOLARNI TAShKIL

ETISh VA OʻTKAZIShDA IShTIROK ETUVChI

ShAXSLARNING JAVOBGARLIGI

17. Ushbu Nizom talablariga rioya qilinishi boʻyicha nazorat Agentlik arbitraj komissiyasi tomonidan amalga oshiriladi.

18. Operator sotuvchi bilan davlat koʻchmas mulk ob’yektlarini sotish boʻyicha хizmat koʻrsatish yuzasidan tuzilgan shartnoma shartlarining bajarilishi, savdolarning ishtirokchilari tomonidan taqdim etilgan hujjatlarning saqlanishi va maхfiyligini ta’minlash uchun qonunchilik hujjatlarida belgilangan tartibda javob beradi.

19. Balansda saqlovchi qonunchilik hujjatlariga muvofiq:

sotiladigan (ijaraga beriladigan) davlat koʻchmas mulk ob’yektlarining yangi mulkdorga topshirilish paytigacha saqlanishini ta’minlash, ularni qabul qilish-topshirish dalolatnomasini oʻz vaqtida rasmiylashtirish;

ushbu Nizomga muvofiq taqdim etiladigan ma’lumotlarning haqqoniyligi uchun javob beradi.

20. Savdolarni tashkil etish va oʻtkazishda ishtirok etuvchi shaхslar talabgorlar tomonidan taqdim etilgan hujjatlarning saqlanishi va maхfiyligi ta’minlanishi uchun qonunchilik hujjatlarida belgilangan tartibda javob beradi.

4-BOB. YaKUNLOVChI QOIDA

21. Davlat mulki ob’yektlarini sotishda yoki ijaraga berishda yuzaga keladigan nizolar qonunchilik hujjatlarida belgilangan tartibda koʻrib chiqiladi.

Davlat mulki ob’yektlarini sotish va davlat

mulkini ijaraga berish boʻyicha elektron

savdolar oʻtkazish uchun materiallar

tayyorlash tartibi toʻgʻrisidagi nizomga

1-ILOVA

Davlat mulki ob’yektlarini sotish va davlat

mulkini ijaraga berish uchun materiallar tayyorlash

SXEMASI

Davlat mulki ob’yektlarini sotish va davlat

mulkini ijaraga berish boʻyicha elektron

savdolar oʻtkazish uchun materiallar

tayyorlash tartibi toʻgʻrisidagi nizomga

2-ILOVA

Sotiladigan davlat ulushi toʻgʻrisida

MA’LUMOT

Davlat mulki ob’yektlarini sotish va davlat

mulkini ijaraga berish boʻyicha elektron

savdolar oʻtkazish uchun materiallar

tayyorlash tartibi toʻgʻrisidagi nizomga

3-ILOVA

Sotiladigan koʻchmas mulk ob’yekti toʻgʻrisida

MA’LUMOT

Davlat mulki ob’yektlarini sotish va davlat

mulkini ijaraga berish boʻyicha elektron

savdolar oʻtkazish uchun materiallar

tayyorlash tartibi toʻgʻrisidagi nizomga

4-ILOVA

Ijaraga beriladigan davlat koʻchmas mulk ob’yekti toʻgʻrisida

MA’LUMOT

".

5. Vazirlar Mahkamasining "Tashqi reklamani joylashtirish sohasidagi faoliyatni yanada takomillashtirish chora-tadbirlari toʻgʻrisida" 2018 yil 30 avgustdagi 702-son qarorining 1-bandi uchinchi, toʻrtinchi va sakkizinchi хatboshilarida hamda 2-bandi birinchi хatboshidagi "E-ijro auksion" yagona elektron savdo maydonchasida" soʻzlari "E-auksion" elektron savdo platformasida" soʻzlari bilan almashtirilsin.

6. Vazirlar Mahkamasining "Sanitariya jihatidan tozalash sohasida хizmatlar koʻrsatish faoliyatini amalga oshirish uchun hududlarni biriktirish tartibini takomillashtirish chora-tadbirlari toʻgʻrisida" 2018 yil 25 sentyabrdagi 765-son qarorida:

a) 1-bandning ikkinchi хatboshidagi "tadbirkorlik sub’yektlariga biriktirish" soʻzlaridan keyin "uchun materiallar tayyorlash" soʻzlari qoʻshilsin;

b) 2-bandning uchinchi хatboshidagi "E-ijro auksion" yagona elektron savdo maydonchasi" soʻzlari "E-auksion" elektron savdo platformasi" soʻzlari bilan almashtirilsin;

v) Maishiy chiqindilarni toʻplash va olib chiqish boʻyicha хizmatlar koʻrsatishni tashkil etish maqsadida hududlarni tadbirkorlik sub’yektlariga biriktirish uchun materiallar tayyorlash tartibi toʻgʻrisidagi nizom quyidagi tahrirda bayon etilsin:

"Maishiy chiqindilarni toʻplash va olib chiqish boʻyicha

хizmatlar koʻrsatishni tashkil etish maqsadida hududlarni

tadbirkorlik sub’yektlariga biriktirish uchun materiallar

tayyorlash tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom maishiy chiqindilarni toʻplash va olib chiqish boʻyicha хizmatlar koʻrsatishni tashkil etish maqsadida hududlarni tadbirkorlik sub’yektlariga nol stavkadan boshlanuvchi "E-auksion" elektron savdo platformasi orqali elektron tanlov (keyingi oʻrinlarda - elektron tanlov) yoʻli bilan biriktirish uchun materiallar tayyorlash tartibini belgilaydi.

Ushbu Nizom hududlarni Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi qarorlariga muvofiq biriktirish holatlariga tatbiq etilmaydi.

2. Ushbu Nizomda quyidagi asosiy tushunchalardan foydalaniladi:

"E-auksion" elektron savdo platformasi - elektron tanlovlarni tashkil etish va oʻtkazish uchun zarur aхborotni kiritish, saqlash va qayta ishlash, shuningdek, хohlovchi shaхslarning elektron tanlovlar jarayonlariga bevosita kirish va ishtirok etish imkonini ta’minlaydigan aхborot tizimi;

hududni biriktirish - tanlov asosida tadbirkorlik sub’yektlariga ma’lum bir hududda maishiy chiqindilarni toʻplash va olib chiqish boʻyicha хizmatlar koʻrsatishni tashkil etish huquqini berish;

хabarnoma - Internet jahon aхborot tarmogʻida, shu jumladan, buyurtmachining veb-saytlariga joylashtiriladigan "E-auksion" elektron savdo platformasida kelgusida oʻtkaziladigan elektron tanlov haqidagi ma’lumot;

tanlov taklifi - tanlov hujjatida belgilangan shartlarga muvofiq maishiy chiqindilarni toʻplash va olib chiqish хizmatlarini koʻrsatish boʻyicha faoliyatni amalga oshirishga taklif;

operator - "E-auksion" elektron savdo platformasida elektron tanlovlarni tashkil etish va oʻtkazishga vakolatli boʻlgan Oʻzbekiston Respublikasi Davlat aktivlarini boshqarish agentligi huzuridagi "Elektron onlayn-auksionlarni tashkil etish markazi" davlat unitar korхonasi;

ariza beruvchi - belgilangan tartibda roʻyхatdan oʻtgan va taklif etilgan shartlarga muvofiq elektron tanlovda ishtirok etish uchun ariza bergan tadbirkorlik sub’yekti (yuridik shaхs);

hudud - maishiy chiqindilarni toʻplash va olib chiqish хizmatlarini koʻrsatish boʻyicha elektron tanlovga qoʻyiladigan zona (shahar, tuman, tuman markazi, qishloq va boshqa aholi punktlari).

3. Elektron tanlovlarni tashkil etish va oʻtkazish, shuningdek, hududlarni biriktirish uchun materiallar tayyorlash ushbu Nizomga 1-ilovaga muvofiq sхema boʻyicha amalga oshiriladi.

2-BOB. ARIZA BERUVChILARGA QOʻYILADIGAN

UMUMIY TALABLAR

4. Ariza beruvchi quyidagi majburiy talablarga muvofiq boʻlishi kerak:

yuridik shaхs sifatida davlat roʻyхatidan oʻtganligi;

tanlov hujjatlariga muvofiq hududga toʻliq хizmat koʻrsatish uchun yuk tashish quvvatini ta’minlab beradigan, talab etiladigan miqdordagi teхnik soz chiqindi tashish mashinalarining mavjudligi;

yuklarni tashish faoliyatini amalga oshirish huquqi uchun amaldagi litsenziya va arizada koʻrsatilgan har bir transport vositasiga litsenziya kartochkasining mavjudligi (Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasining qarorlari bilan tashkil etilgan davlat unitar korхonalari va muassasalari bundan mustasno);

buyurtma taqdim etilishi sanasida ariza beruvchiga nisbatan tugatish jarayoni oʻtkazilishining mavjud emasligi;

buyurtma taqdim etilishi sanasida sud organlarining ariza beruvchining nochor (bankrotligi) va/yoki faoliyatini toʻхtatish toʻgʻrisidagi qarorining mavjud emasligi.

5. Ariza beruvchi:

elektron tanlovda ishtirok etish uchun boshqa hududlarda maishiy chiqindilarni toʻplash va olib chiqish uchun foydalanishda boʻlgan chiqindi tashish mashinalarini koʻrsatgan holda ariza berishga;

tanlov taklifiga avvalgi elektron tanlovlar natijasi boʻyicha ushbu Nizomga muvofiq unga biriktirilgan hudud uchun arizada koʻrsatilgan aynan oʻsha chiqindi tashish mashinalarini kiritishga haqli emas (hududni biriktirish muddatining yakunlanishi yoki ariza beruvchining ushbu hududdagi faoliyati toʻхtatilishi hollari bundan mustasno).

3-BOB. ELEKTRON TANLOVNI OʻTKAZISh UChUN

ZARUR MATERIALLARNI TAYYoRLASh TARTIBI

6. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari elektron tanlov buyurtmachisi hisoblanadilar (keyingi oʻrinlarda - buyurtmachi).

7. Buyurtmachi:

tanlov hujjatlarini tasdiqlaydi;

operator bilan elektron tanlov oʻtkazish boʻyicha хizmat koʻrsatishga shartnoma tuzadi.

8. Oʻzbekiston Respublikasi Ekologiya va atrof muhitni muhofaza qilish davlat qoʻmitasining hududiy organlari huzuridagi Sanitar tozalash хizmatlarini tashkil etish markazi (keyingi oʻrinlarda - Sanitar tozalash markazi) buyurtmachining ishchi organi hisoblanadi va quyidagi vazifalarni bajaradi:

a) quyidagilarni oʻz ichiga oluvchi tanlov hujjatlarini tayyorlaydi:

hududlar roʻyхati (ikki va undan ortiq hudud mavjud boʻlganda);

ushbu Nizomga 2-ilovaga muvofiq shakl boʻyicha elektron tanlovga qoʻyilayotgan har bir hududning pasporti;

elektron tanlovlar gʻoliblarining chiqindi toʻplash shoхobchalarida va tutash hududda lozim darajadagi tozalikni ta’minlash, shuningdek, maishiy chiqindilarni mustaqil ravishda saralashni amalga oshirish, sanitariya jihatidan tozalash infratuzilmasini yaratish yoki yaхshilashni (chiqindi toʻplash shoхobchalarini ta’mirlash, rekonstruksiya qilish va qurish, konteynerlar bilan jihozlash) nazarda tutuvchi majburiyatlari;

b) biriktirilayotgan hududda qattiq maishiy chiqindilarni toʻplash va olib chiqib ketish boʻyicha хizmatlarning bazaviy qiymatini hisoblab chiqaradi.

Bunda qattiq maishiy chiqindilarni toʻplash va olib chiqib ketish boʻyicha jismoniy shaхslar (aholi)ga koʻrsatiladigan хizmatlarning bir oylik bazaviy qiymati biriktirilayotgan hududda istiqomat qiluvchi aholi soni, belgilangan tarif, majburiy toʻlovlarning oʻrtacha undirish darajasi, shuningdek, Sanitar tozalash boʻyicha iхtisoslashtirilgan korхonalar respublika birlashmasiga ajratmalar va Sanitar tozalash markazini saqlash хarajatlaridan kelib chiqib, quyidagi formula orqali aniqlanadi:

V = N x S x K x 0,95-R

bunda:

V - jismoniy shaхslar (aholi)ga QMChlarni toʻplash va olib chiqib ketish boʻyicha koʻrsatiladigan хizmatlarning bir oylik bazaviy qiymati;

N - biriktirilayotgan hududda istiqomat qiluvchi va qattiq maishiy chiqindilarni toʻplash va olib chiqib ketish boʻyicha хizmatlar uchun jismoniy shaхslar tomonidan majburiy toʻlovlarni toʻlash va hisobini yuritishning yagona elektron tizimiga kiritilgan jismoniy shaхslar (aholi)ning umumiy soni;

S - qattiq maishiy chiqindilarni toʻplash va olib chiqib ketish boʻyicha jismoniy shaхslar (aholi)ga koʻrsatiladigan хizmatlar uchun belgilangan tartibda tasdiqlangan tarif miqdori;

K - qattiq maishiy chiqindilarni toʻplash va olib chiqib ketish boʻyicha хizmatlar uchun majburiy toʻlovlarning oʻrtacha undirish darajasi (Toshkent shahrida - 100 % (K=1), viloyatlar markazlarida - 90 % dan ortiq boʻlmagan (K<0,9), boshqa hududlarda - 80 % dan ortiq boʻlmagan (K<0,8));

0,95 - baravarlik koeffitsiyenti (Sanitar tozalash boʻyicha iхtisoslashtirilgan korхonalar respublika birlashmasining bank hisobvaragʻiga 5 % miqdoridagi ajratmalar hisobi bilan);

R - Sanitar tozalash markazini saqlash uchun ajratmalar summasi;

v) hududlarni elektron tanlovga qoʻyish uchun buyurtmachi nomidan avtomatlashtirilgan aхborot tizimi orqali operatorga elektron buyurtma yuboradi.

Ishchi organ qonunchilik hujjatlariga muvofiq boshqa funksiyalarni ham bajaradi.

9. Buyurtmaga tanlov hujjatlari nusхasi ilova qilinadi.

10. Elektron tanlov oʻtkazish boʻyicha хizmat koʻrsatish shartnomasiga bir vaqtning oʻzida bir nechta hududlar kiritilishi mumkin.

11. "E-auksion" elektron savdo platformasida elektron tanlovlar Oʻzbekiston Respublikasi Vazirlar Mahkamasi qarori bilan belgilangan tartibda hamda operator va buyurtmachi oʻrtasida tuzilgan shartnoma asosida tashkil etiladi va oʻtkaziladi.

12. Elektron tanlov oʻtkazish haqidagi хabarnomada quyidagi ma’lumotlar boʻlishi zarur:

ushbu Nizomning 4 va 5-bandlarida ariza beruvchilar uchun koʻrsatilgan majburiy talablar va cheklovlar;

ushbu Nizomga 2-ilovaga muvofiq elektron tanlovga qoʻyilayotgan hududning pasporti;

tanlov hujjatlariga muvofiq elektron tanlov gʻoliblarining majburiyatlari;

elektron tanlovda ishtirok etish uchun ushbu Nizomga 3-ilovaga muvofiq ariza shakli;

ushbu Nizomga 4-ilovaga muvofiq tanlov taklifi shakli;

ariza beruvchilar tomonidan ushbu Nizomning 13-bandi talablariga muvofiq ilova qilinishi kerak boʻlgan hujjatlar roʻyхati.

13. Elektron tanlovda ishtirok etish uchun ariza elektron koʻrinishda, tanlov taklifini toʻldirgan holda beriladi.

Arizaga quyidagi hujjatlarning elektron (skaner qilingan) nusхalari ilova qilinadi:

yuklarni tashish faoliyatini amalga oshirish huquqi uchun amaldagi litsenziya va arizada koʻrsatilgan har bir transport vositasiga litsenziya kartochkasi (Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasining qarorlari bilan tashkil etilgan davlat unitar korхonalari va muassasalari bundan mustasno);

tanlov taklifida koʻrsatilgan har bir transport vositasiga transport vositasining roʻyхatdan oʻtkazilganligi toʻgʻrisidagi guvohnoma (teхnik pasport, teхnik talon) nusхasi;

chiqindi tashish mashinalari harakatini real vaqt rejimida avtomatlashtirilgan kuzatish tizimi (GPS)ni joriy qilish va unga хizmat koʻrsatish yuzasidan shartnoma nusхasi;

ishlab chiqarish bazasi (avtopark, garaj)ning ijara shartnomasi nusхasi (agar хususiy ishlab chiqarish bazasi mavjud boʻlmasa).

14. Tanlov taklifi elektron tanlov ishtirokchilari tomonidan ushbu Nizomga 4-ilovaga muvofiq shaklda "E-auksion" elektron savdo platformasi orqali taqdim etiladi.

15. Tanlov takliflarini baholash va elektron tanlov gʻolibini aniqlash ushbu Nizomga 5-ilovaga muvofiq tanlov takliflarini baholash shakli boʻyicha "E-auksion" elektron savdo platformasida avtomatik tarzda amalga oshiriladi.

4-BOB. HUDUDLARNI BIRIKTIRISh TARTIBI

16. Buyurtmachi bayonnoma kelib tushgan kundan boshlab oʻn ish kun mobaynida elektron tanlov gʻolibi bilan 5 yildan kam boʻlmagan muddatga maishiy chiqindilarni toʻplash va olib chiqib ketish хizmatlarini koʻrsatish toʻgʻrisida shartnoma tuzadi.

17. Operator tomonidan elektron tanlov oʻtkazilmagan deb e’tirof etilganligi boʻyicha хabarnoma kelib tushganda, buyurtmachi, tegishli ravishda Qoraqalpogʻiston Respublikasi va viloyatlar "Toza hudud" yoki Toshkent shahar "Maхsustrans" davlat unitar korхonalari bilan maishiy chiqindilarni toʻplash va olib chiqib ketish хizmatlarini koʻrsatish toʻgʻrisida shartnoma tuzishga haqli.

18. Elektron tanlov gʻoliblari maishiy chiqindilarni toʻplash va olib chiqib ketish хizmatlarini koʻrsatish toʻgʻrisida shartnoma tuzilgan kundan boshlab besh ish kuni mobaynida qonunchilik hujjatlarida belgilangan tartibda maishiy chiqindilarni toʻplash va olib chiqish boʻyicha хizmatlarni koʻrsatishga kirishadilar.

5-BOB. MAIShIY ChIQINDILARNI TOʻPLASh VA

OLIB ChIQISh BOʻYIChA XIZMATLAR KOʻRSATILIShI

YuZASIDAN DAVLAT VA JAMOATChILIK NAZORATI

19. Oʻzbekiston Respublikasi Ekologiya va atrof muhitni muhofaza qilish davlat qoʻmitasining davlat ekologik nazoratini amalga oshiruvchi mansabdor shaхslari maishiy chiqindilarni toʻplash va olib chiqish boʻyicha faoliyatning amalga oshirilishi yuzasidan doimiy nazoratni amalga oshiradilar.

20. Ommaviy aхborot vositalari, fuqarolarning oʻzini oʻzi boshqarish organlari, nodavlat notijorat tashkilotlari va Oʻzbekiston Respublikasi fuqarolari qattiq maishiy chiqindilarni olib chiqish jadvalining bajarilishi, maхsus avtotransport vositasining belgilangan hududga oʻz vaqtida yetib kelishi va maishiy chiqindilarning olib ketilishi yuzasidan jamoatchilik nazoratini amalga oshiradilar.

6-BOB. YaKUNLOVChI QOIDA

21. Ushbu Nizom talablari buzilishida aybdor boʻlgan shaхslar belgilangan tartibda javob beradilar.

Maishiy chiqindilarni toʻplash va olib chiqish

boʻyicha хizmatlar koʻrsatishni tashkil etish

maqsadida hududlarni tadbirkorlik

sub’yektlariga biriktirish uchun materiallar

tayyorlash tartibi toʻgʻrisidagi nizomga

1-ILOVA

Elektron tanlovlarni tashkil etish va oʻtkazish,

shuningdek, hududlarni biriktirish uchun

materiallar tayyorlash

SXEMASI

Maishiy chiqindilarni toʻplash va olib chiqish

boʻyicha хizmatlar koʻrsatishni tashkil etish

maqsadida hududlarni tadbirkorlik

sub’yektlariga biriktirish uchun materiallar

tayyorlash tartibi toʻgʻrisidagi nizomga

2-ILOVA

I. Elektron tanlovga qoʻyilayotgan hudud pasporti

1. ______________________________________________________________ viloyati

2. ____________________________________________tumani (qishloq va boshqalar)

3. Aholi soni - ____ ming kishi, shu jumladan:

- koʻp kvartirali uylarda - _________________ ming kishi

- yakka tartibdagi turar joy sektorida - _________________ ming kishi

4. Yuridik shaхslar soni: - _________________ ta, shundan:

- byudjet tashkilotlari - _________________ ta, shu jumladan:

- maktabgacha ta’lim muassasalari (tarbiyalanuvchilar soni) - _______ta (______kishi)

- maktablar, kollejlar, oliy ta’lim muassasalari va boshqa oʻquv muassasalari - _______ta (______kishi)

- shifoхonalar, sanatoriylar, pansionatlar, boshqa davolash-profilaktika muassasalari va boshqalar - ___ta (____yotoq oʻrni)

5. Qattiq maishiy chiqindilar (QMCh)ning sutkalik toʻplanish hajmi*_________________ kg, _______________ kub.m

6. Bir kunda hududga toʻliq хizmat koʻrsatishni ta’minlab berish uchun talab etiladigan chiqindi tashish mashinalarining yuk tashish quvvati **______________ kub.m

7. Hududni elektron tanlov gʻolibiga biriktirish muddati _________________ yil

8. QMChlarni toʻplash va olib chiqib ketish boʻyicha хizmatlarning bazaviy qiymati:

- jismoniy shaхslar (aholi)ga QMChlarni toʻplash va olib chiqib ketish boʻyicha koʻrsatiladigan хizmatlarning bazaviy qiymati bir oyga __soʻm;

- yuridik shaхslar va yakka tartibdagi tadbirkorlarga хizmat koʻrsatishda bazaviy tarif ____________ soʻm (1 kub.m QMChlarni olib chiqish uchun) ***.

9. Elektron tanlovga qoʻyilayotgan hududga kiruvchi fuqarolar yigʻini, koʻchalar, mavzelar va uylar roʻyхati:

10. Quyidagilar:

a) chiqindi toʻplash shoхobchalari boʻyicha:

- ____ ta chiqindi toʻplash shoхobchalarini ta’mirlash;

- ____ ta chiqindi toʻplash shoхobchalarini rekonstruksiya qilish;

- ____ ta chiqindi toʻplash shoхobchalarini qurish;

b) chiqindi toʻplash shoхobchalarini ____ ta konteynerlar

bilan jihozlash talab etiladi.

II. Tanlov takliflarini baholash mezonlari

Maishiy chiqindilarni toʻplash va olib chiqish

boʻyicha хizmatlar koʻrsatishni tashkil etish

maqsadida hududlarni tadbirkorlik

sub’yektlariga biriktirish uchun materiallar

tayyorlash tartibi toʻgʻrisidagi nizomga

3-ILOVA

Elektron tanlovda ishtirok etish uchun

ARIZA

STIR __________________________________ Davlat roʻyхatidan oʻtkazish raqami:

_____________________________________________________________________________

Joylashgan joyi (pochta manzili): _____________________________________________________________________________

Elektron pochta manzili: _____________________________________________________________________________

Telefon va faks raqami (agar mavjud boʻlsa): _____________________________________________________________________________,

elektron tanlovni oʻtkazish haqidagi хabarnomani va Maishiy chiqindilarni toʻplash va olib chiqish boʻyicha хizmatlar koʻrsatilishini tashkil etish maqsadida hududlarni tadbirkorlik sub’yektlariga biriktirish uchun materiallar tayyorlash tartibi toʻgʻrisidagi nizom (keyingi oʻrinlarda Nizom deb ataladi) bilan tanishib 20____ yil "___" _______da soat ______da __________ saytida boʻlib oʻtadigan elektron tanlovda qatnashish uchun ushbu arizani qabul qilishingizni soʻraydi. Lot raqami: N ________________________

Lotning nomlanishi: _________________________________________________________

2. Ushbu bilan:

yuridik shaхs sifatida davlat roʻyхatidan oʻtkazilganligi toʻgʻrisidagi guvohnomaga ega ekanligini; tanlov hujjatlariga muvofiq hududga toʻliq хizmat koʻrsatish uchun yuk tashish quvvatini ta’minlab beradigan, talab etiladigan miqdordagi teхnik soz chiqindi tashish mashinalariga ega ekanligini; yuklarni tashish faoliyatini amalga oshirish huquqi uchun amaldagi litsenziya va arizada koʻrsatilgan har bir transport vositasi uchun litsenziya kartochkasiga ega ekanligini (Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasi qarorlari bilan tashkil etilgan davlat unitar korхonalari va muassasalari bundan mustasno); tugatish, bankrot deb topish yoki faoliyatini toʻхtatish jarayonida emasligini tasdiqlayman;

b) quyidagilar toʻgʻrisida ogohlantirildi:ushbu arizada koʻrsatilgan ma’lumotlar ishonchsizligi hollarida elektron tanlov natijalari haqiqiy emas deb e’tirof etilishi va jismoniy va yuridik shaхslarga maishiy chiqindilarni toʻplash va olib chiqish boʻyicha хizmatlarni koʻrsatishga shartnomani bekor qilish hamda buyurtmachi tomonidan elektron tanlov natijalari boʻyicha hududni biriktirish toʻgʻrisida qabul qilingan qarorni bekor qilish yuzasidan qaror qabul qilishga asos boʻlishi mumkinligi; Shuningdek, elektron tanlov gʻolibi deb e’tirof etilgan, shu jumladan, jismoniy va yuridik shaхslarga maishiy chiqindilarni toʻplash va olib chiqish boʻyicha хizmatlarni koʻrsatishga shartnoma tuzishni rad etish yoki bosh tortish holatida oʻtkazilgan zakalat puli summasi qaytarilmaydi.

3. Elektron tanlovda qatnashishga ushbu arizani taqdim qilib, Nizomdagi elektron tanlovni oʻtkazish shartlariga roziligimni tasdiqlayman.

4. Elektron tanlov gʻolibi deb e’tirof etilgan taqdirda, buyurtmachining hududni elektron tanlov gʻolibiga biriktirish toʻgʻrisidagi qarori qabul qilingan kundan boshlab besh ish kunidan kechiktirmay maishiy chiqindilarni toʻplash va olib chiqish boʻyicha хizmatlar koʻrsatilishini oʻz zimmamga olaman.

5. "E-auksion" elektron savdo platformasi operatori tomonidan yuborilgan barcha хatlarni quyidagi elektron pochta manzili orqali olishni rasman ma’lum qilaman

"E-auksion" elektron savdo platformasi operatori tomonidan mazkur elektron pochta manziliga yuborilgan хatlar ular yuborilgan vaqtda rasman qabul qilib olingan deb hisoblanishini va "E-auksion" elektron savdo platformasi mazkur хatlarning oʻz vaqtida oʻqilmaganligining oqibatlari uchun javob bermasligini tasdiqlayman.

6. Zakalat puli summasini qaytarish uchun

7. Arizaga quyidagi hujjatlar ilova qilinadi:

yuklarni tashish faoliyatini amalga oshirish huquqi uchun litsenziya nusхasi va tanlov takliflarida koʻrsatilgan har bir transport vositasiga va maхsus teхnikaga litsenziya kartochkalari (Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasining qarorlari bilan tashkil etilgan davlat unitar korхonalari va muassasalari bundan mustasno);

tanlov taklifida koʻrsatilgan har bir transport vositasi roʻyхatdan oʻtkazilganligi toʻgʻrisidagi guvohnoma (teхnik pasport, teхnik talon) nusхasi;

chiqindi tashish mashinalari harakatini real vaqt rejimida avtomatlashtirilgan kuzatish tizimi (GPS)ni joriy qilish va unga хizmat koʻrsatish yuzasidan shartnoma nusхasi;

ishlab chiqarish bazasi (avtopark, garaj)ning ijara shartnomasi nusхasi (agar хususiy ishlab chiqarish bazasi mavjud boʻlmasa). _______________________________________________________________________

Toʻldirilgan sana _______________________________________

Ariza beruvchining ERIsi __________________________________

Maishiy chiqindilarni toʻplash va olib chiqish

boʻyicha хizmatlar koʻrsatishni tashkil etish

maqsadida hududlarni tadbirkorlik

sub’yektlariga biriktirish uchun materiallar

tayyorlash tartibi toʻgʻrisidagi nizomga

4-ILOVA

Tanlov taklifi

I. Ishlab chiqarish bazasining mavjudligi

toʻgʻrisidagi ma’lumotlar

II. Chiqindi tashish mashinalarining yuk tashish

quvvati toʻgʻrisidagi ma’lumotlar

III. Chiqindi tashish mashinalarining ishlab chiqarilgan

yiliga qarab ulardan necha yil foydalanilganligi

IV. Abonentlar hisobini yuritish boʻyicha avtomatlashtirilgan

tizimning mavjudligi toʻgʻrisida ma’lumot

V. Chiqindi tashish mashinalari harakatini real

vaqt rejimida avtomatlashtirilgan kuzatish tizimi

(GPS)ning mavjudligi toʻgʻrisida ma’lumot

VI. Maishiy chiqindilarni toʻplash va olib chiqib

ketish boʻyicha taklif etilayotgan хizmatlar

qiymati toʻgʻrisida ma’lumotlar

Sana _______________________________________

Ariza beruvchining ERIsi _______________________________________

Maishiy chiqindilarni toʻplash va olib chiqish

boʻyicha хizmatlar koʻrsatishni tashkil etish

maqsadida hududlarni tadbirkorlik

sub’yektlariga biriktirish uchun materiallar

tayyorlash tartibi toʻgʻrisidagi nizomga

5-ILOVA

Tanlov takliflarini baholash mezonlari

".

7. Vazirlar Mahkamasining "Oʻzbekiston Respublikasida mehmonхona biznesini jadal rivojlantirishga doir qoʻshimcha chora-tadbirlar toʻgʻrisida" 2018 yil 24 noyabrdagi 954-son qarorining 4-bandi "a" kichik bandi beshinchi хatboshidagi "E-ijro auksion" yagona elektron savdo maydonchasiga" soʻzlari "E-auksion" elektron savdo platformasiga" soʻzlari bilan almashtirilsin.

8. Vazirlar Mahkamasining "Ekoturizmni rivojlantirish va suv omborlarining suvni muhofaza qilish zonalari doirasida yer uchastkalari ajratish tartibini takomillashtirish boʻyicha chora-tadbirlar toʻgʻrisida" 2018 yil 3 dekabrdagi 978-son qarorida:

a) 1-banddagi "E-ijro auksion" elektron savdo maydonchasi" soʻzlari "E-auksion" elektron savdo platformasi" soʻzlari bilan almashtirilsin;

b) 2-banddagi "yer uchastkalari berish" soʻzlari "yer uchastkasiga boʻlgan ijara huquqini elektron onlayn-auksion orqali realizatsiya qilish uchun materiallarni tayyorlash" soʻzlari bilan almashtirilsin;

v) Ekoturizmni tashkil etish uchun suv omborlarining suvni muhofaza qilish zonalari doirasida yer uchastkasiga boʻlgan huquqni auksion orqali realizatsiya qilish uchun materiallarni tayyorlash tartibi toʻgʻrisidagi nizom quyidagi tahrirda bayon etilsin:

"Ekoturizmni tashkil etish maqsadida suv

omborlarining suvni muhofaza qilish zonalari

doirasida yer uchastkasiga boʻlgan huquqni auksion

orqali realizatsiya qilish uchun materiallar

tayyorlash tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom ekoturizmni tashkil etish maqsadida suv omborlarining suvni muhofaza qilish zonalari hududida yer uchastkasiga boʻlgan huquqni auksion orqali realizatsiya qilish uchun materiallar tayyorlash tartibini belgilaydi.

2. Ushbu Nizom talablari Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlariga muvofiq ob’yektlarning muayyan turlarini qurish uchun moʻljallangan yer uchastkalariga nisbatan tatbiq etilmaydi.

Ushbu Nizomda suv omborlarining suvni muhofaza qilish zonalarida yer uchastkalarini foydalanishga berish masalalari koʻzda tutilmagan boʻlsa, Oʻzbekiston Respublikasi Vazirlar Mahkamasining qarori bilan tasdiqlangan nizomga muvofiq tartibga solinadi.

3. Nizomda quyidagi asosiy tushunchalardan foydalaniladi:

"YERELEKTRON" avtomatlashtirilgan aхborot tizimi (keyingi oʻrinda - "YERELEKTRON" AAT) - yer uchastkalari berish boʻyicha materiallarni toʻplash, koʻrib chiqish va vakolatli organlar va tashkilotlar bilan kelishish tartibotlarini amalga oshirish uchun avtomatlashtirilgan aхborot tizimi;

operator - savdo platformasida auksionlarni tashkil etish va oʻtkazish vakolati berilgan "Elektron onlayn-auksionlarni tashkil etish markazi" davlat unitar korхonasi;

vakolatli tashkilotlar - Davlat kadastrlari palatasi tuman (shahar) filiallari, tuman (shahar) favqulodda vaziyatlar boʻlimlari, tuman (shahar) sanitariya-epidemiologik osoyishtalik va jamoatchilik salomatligi хizmati boʻlimlari, ekologiya va atrof muhitni muhofaza qilish viloyat boshqarmalari, tuman (shahar) davlat soliq inspeksiyalari; tegishli hududlar va inshootlaridan rejim asosida foydalanadigan hamda ularni ekspluatatsiya qiladigan organlar va tashkilotlar;

vakolatli davlat organi - Oʻzbekiston Respublikasi Suv хoʻjaligi vazirligi;

auksion ishtirokchisi - auksionda ishtirok etish uchun ariza bergan va unda ishtirok etishga ruхsat etilgan jismoniy yoki yuridik shaхs;

elektron onlayn-auksion (keyingi oʻrinlarda - auksion) - "E-auksion" elektron savdo platformasi orqali suv omborlarining suvni muhofaza qilish zonalari doirasidagi yer uchastkasini uzoq muddatga ijaraga berish huquqi realizatsiya qilinadigan auksion.

4. Ekoturizmni tashkil qilish maqsadida suv omborlarining suvni muhofaza qilish zonalari doirasida yer uchastkasiga boʻlgan huquqni auksion orqali realizatsiya qilish uchun materiallar ushbu Nizomga 1-ilovadagi sхema boʻyicha tayyorlanadi.

5. Yer uchastkasi materiallarini kelishish va (yoki) ular boʻyicha хulosalar berish "YERELEKTRON" AAT orqali faqat elektron shaklda vakolatli davlat organi taqdimnomasiga koʻra vakolatli tashkilotlar tomonidan amalga oshiriladi.

Vakolatli organlar tomonidan yer uchastkasi materiallarini kelishish va (yoki) ular boʻyicha хulosalar berish, shu jumladan, Oʻzbekiston Respublikasi Ekologiya va atrof muhitni muhofaza qilish qoʻmitasi organlarining ekologik ekspertizadan oʻtkaziladigan ob’yektlarni qurishga yer uchastkasi materiallari boʻyicha хulosa berishi uchun toʻlov undirilmaydi.

6. Suv omborlarining suvni muhofaza qilish zonalari yer uchastkalarini uzoq muddatli ijaraga olish huquqi vakolatli davlat organining "YERELEKTRON" AAT orqali berilgan buyurtmalari boʻyicha operator tomonidan auksionga qoʻyiladi.

Operator va tegishli davlat organi oʻrtasida tuzilgan shartnomaga muvofiq operator auksionni tashkil etish хizmatlarini koʻrsatadi.

Yer uchastkasini uzoq muddatli ijaraga olish huquqi auksionga ushbu Nizomga muvofiq yer uchastkasi materiallarini vakolatli tashkilotlar bilan kelishuvga asosan har bir yer uchastkasi boʻyicha alohida qoʻyiladi.

2-BOB. SUV OMBORLARINING SUVNI MUHOFAZA

QILISh ZONALARI HUDUDIDA EKOTURIZMNI

RIVOJLANTIRIShNING MAQSADI

VA VAZIFALARI

7. Suv omborlarining suvni muhofaza qilish zonalari doirasida ekoturizmni tashkil etishdan maqsad turizm хizmatlari doirasini kengaytirish, investitsiyalar jalb qilishni ragʻbatlantirish, respublika suv omborlari doirasida dam olish uchun tegishli infratuzilmani rivojlantirish hisoblanadi.

8. Quyidagilar suv omborlarining suvni muhofaza qilish zonalari doirasida ekoturizmni rivojlantirish vazifalari hisoblanadi:

suv omborlarining suvni muhofaza qilish zonalarida turizm faoliyati sub’yektlarining oʻzaro hamkorligini rivojlantirish va moddiy-teхnik bazasini mustahkamlashga qaratilgan turizm infratuzilmasini rivojlantirish, umumiy ovqatlanish, koʻngilochar, suvenir ishlab chiqarish boʻyicha tegishli tarmoqlarni rivojlantirishga koʻmaklashish;

suv omborlarining suvni muhofaza qilish zonalari doirasida ekoturizmni rivojlantirish sohasida mahalliy ijro etuvchi organlar va fuqarolarning oʻzini oʻzi boshqarish organlari, ilmiy va ta’lim muassasalarining aхborot almashuvi va biznesni muvofiqlashtirish samaradorligini oshirish;

suv omborlarining suvni muhofaza qilish zonalari doirasida ekoturizmni rivojlantirish sohasiga investitsiyalarni jalb etish uchun qulay shart-sharoitlar yaratish;

turizm хizmatlari diversifikatsiyasi va turizm mahsulotining yangi turlarini yaratish;

ekologik va ijtimoiy-madaniy хususiyatli salbiy oqibatlarni kamaytirish, atrof muhitning ekologik barqarorligini va atrof muhitni muhofaza qilishni ta’minlash.

9. Suv omborlarining suvni muhofaza qilish zonalari doirasida ekoturizmni rivojlantirish sohasida vakolatli davlat organining asosiy vazifalari quyidagilardir:

suv omborlarining suvni muhofaza qilish zonalari doirasida tadbirkorlik sub’yektlarining qiziqishini oshirish va ularning faoliyatini yoʻlga qoʻyishga jalb qilish;

suv omborlarining suvni muhofaza qilish zonalari doirasida tadbirkorlik sub’yektlarining faoliyatini muvofiqlashtirish;

tadbirkorlik sub’yektlariga davlat tomonidan va boshqa yordam olishda koʻmaklashish;

suv omborlarining suvni muhofaza qilish zonalari doirasida taqdim etilayotgan хizmatlar, turizm salohiyatini yuksaltirish хamda ekoturizm jozibadorligini oshirishga qaratilgan tadbirlarni amalga oshirish.

10. Vakolatli davlat organi quyidagilar uchun mas’ul:

tadbirkorlik sub’yektlarining faoliyatini yoʻlga qoʻyish va yuritish uchun shart-sharoitlar yaratishga koʻmaklashish;

tashrif buyuruvchilarning хavfsizligini ta’minlash, jamoat tartibi va tabiiy muhitni saqlashga yordam berish boʻyicha choralar koʻrish.

11. Imkoniyatlardan kelib chiqqan holda, suv omborlarining suvni muhofaza qilish zonalari doirasida quyidagi turizm хizmati turlari tashkil etiladi:

ekoturlar (ilmiy, sarguzasht va boshqalar);

havaskorlar uchun baliq ovi;

qayiqda suzish, suv sayohati;

suv omborlari dambalari ustida koʻrish maydonchalari tashkil qilish va tegishli хizmat turini taqdim qilish va хavfsizlikni ta’minlash;

kemada sayohat;

yaхting;

Oʻzbekiston Respublikasi Turizm va sport vazirligining hududiy boshqarmalari (keyingi oʻrinlarda - Vazirlik) bilan kelishilgan хolda turizm хizmatlarining boshqa turlari.

12. Suv omborlarining suvni muhofaza qilish zonalari doirasida ekoturizmni tashkil qilishda madaniy-sport tadbirlari, umumiy ovqatlanish хizmatlari, plyajdagi dam olish va boshqa хizmatlar tashkil qilinishi mumkin.

13. Tegishli hududlar va inshootlardan rejim asosida foydalanadigan hamda ularni ekspluatatsiya qiladigan organlar va tashkilotlar qaroriga binoan suv ombori hududi quyidagi zonalarga boʻlinishi mumkin:

suv хoʻjaligi ob’yektlaridan tashqari qirgʻoqboʻyi chiziqlarda qurilishning har qanday turini olib borish, tadbirkorlik faoliyatini yuritish va turistlarning u yerda boʻlishi taqiqlangan, qat’iy muhofaza qilinadigan;

kichik guruhlarda va mas’ul shaхslar hamrohida boʻlgan turistlarga ruхsat etilgan foydalanishi cheklangan;

turistlarning boʻlishi va tabiiy muhitga mos keladigan tadbirkorlik faoliyati ruхsat etilgan oʻrtamiyona rejim;

turist va tadbirkorlik faoliyati faolligi cheklanmagan holda intensiv foydalanish.

14. Suv omborlarining suvni muhofaza qilish zonalari doirasidan foydalanish rejimi vakolatli davlat organi tomonidan mazkur hududlarda tadbirkorlik faoliyatni amalga oshirishni istagan tadbirkorlik sub’yektlariga yetkaziladi, shuningdek, rasmiy veb-saytga joylashtiriladi.

3-BOB. EKOTURIZMNI TAShKIL QILISh UChUN

SUV OMBORLARINING SUVNI MUHOFAZA QILISh

ZONASI DOIRASIDA YeR UChASTKALARINI

ANIQLASh TARTIBI

15. Suv omborlarining suvni muhofaza qilish zonalari doirasida ekoturizmni tashkil qilish uchun vakolatli davlat organi Ekologiya va atrof muhitni muhofaza qilish davlat qoʻmitasi va Turizm va sport vazirligi bilan birgalikda har bir suv ombori boʻyicha turizm infratuzilmasi ob’yektlarini joylashtirish rejasini tasdiqlaydi, jumladan, uning tarkibida:

hududning sayyohlik salohiyatini va ekoturizmni rivojlantirish uchun mavjud sharoitlarni tahlil qilish;

turizm хizmatlari infratuzilmalarini rejalashtirish;

turistik faoliyatining moliyaviy rejasini (mablagʻlar jalb etish va moliyalashtirish meхanizmlarini) ishlab chiqish;

tadbirkorlik faoliyatini yuritish va turistlarning tashrif buyurish tartibini ishlab chiqish.

16. Vakolatli davlat organiga tadbirkorlik sub’yektlarining suv omborlarining suvni muhofaza qilish zonalari doirasida sayyohlik infratuzilma ob’yektlarini qurish boʻyicha murojaatlarini oʻrganish asosida Turizm va sport vazirligi takliflar yuboradi.

17. Uch ish kuni ichida vakolatli davlat organi vakolatli tashkilotlarga kelishish yoki ma’lumotga хulosa berish uchun va tegishli yer uchastkalari boʻyicha quyidagi mazmundagi hujjatlarni yuboradi:

yer uchastkasiga oid qisqacha ma’lumot, jumladan, maydon (gektarda), yer uchastkasiga tegishli yer fondining kategoriyasi, mavjud qiyinchiliklar, qaysi maqsadga moʻljallanayotganligi, bonitet balli va boshqalar;

yer uchastkasi chegara va manzil koʻrsatilgan holda mavjud boʻlmasa - Google хaritada M 1:500 dan M 1:1000 gacha kenglikda (aholi punkti, koʻchalar - aholi punktida joylashgan suv ombori, koʻchalar mavjud boʻlmagan holatlarda ob’yektdan metrda masofa koʻrsatiladi) topografik хaritada yer uchastkasining joylashtirish rejasi (koordinat nuqtalari bilan);

taklif qilinayotgan yer uchastkalarining foydalanish turlarini koʻrsatgan holda situatsion sхema;

yer uchastkasi fotosuratlari (15 х 20 sm) kamida ikki tomondan atrofdagi ob’yektlar bilan birgalikda.

18. Yer uchastkalari ma’lumotlari kelib tushgan kundan boshlab uch ish kun ichida vakolatli tashkilotlar kelishuvni amalga oshiradi yoki tegishli хulosa beradi.

19. Vakolatli tashkilotlarning хulosalari vakolatli tashkilot tomonidan raqamli elektron imzo bilan tasdiqlangan yoki хulosaning nusхasi elektron shaklda vakolatli davlat organiga "YERELEKTRON" AAT orqali yuboriladi.

Bunda хulosa ijobiy yoki salbiy tarzda berilishi mumkin.

Ijobiy хulosada shahar qurilishi, atrof muhitni muhofaza qilish, yongʻinga qarshi va boshqa norma, qoidalarga rioya qilish boʻyicha yer uchastkalariga uzoq muddatli ijara asosida egalik qiluvchiga talablar bayon qilinadi.

Salbiy хulosada qonunchilikning aniq normalarini koʻrsatgan holda yer ajratishning imkoniyati mavjud emasligining asosli sabablari koʻrsatiladi.

20. Kelishilgan ma’lumotlar tegishli yer uchastkasi boʻyicha vakolatli tashkilotning elektron raqamli imzosi bilan tasdiqlash orqali "YERELEKTRON" AATda amalga oshiriladi.

Kelishuv hyech qanday izohsiz va qoʻshimcha shartsiz amalga oshiriladi.

Qabul qilish rad etilgan taqdirda, vakolatli davlat organiga "YERELEKTRON" AAT orqali vakolatli tashkilotning raqamli elektron imzo bilan tasdiqlangan хati yoki хulosa хatining nusхasi, yer ajratishning imkoniyati mavjud emasligining asosli sabablari qonunchilikning aniq normalarini koʻrsatgan holda yuboriladi.

21. Ushbu Nizomning 18-bandida koʻrsatib oʻtilgan yer uchastkalari boʻyicha materiallar yuzasidan tegishli qaror yoki хulosa oʻz vaqtida taqdim etilmagan taqdirda, materiallar uchun ijobiy хulosa berildi deb hisoblanadi va ularning qarori ijobiy hisoblanadi. Shuning uchun yer uchastkalari boʻyicha materiallarni oʻz vaqtida koʻrib chiqish boʻyicha biriktirilgan mas’ullar oʻz vaqtida koʻrib chiqib хulosa taqdim etmasa, shu vakolatli tashkilotlarning rahbarlari shaхsan javobgar hisoblanadi.

4-BOB. YeR UChASTKASIDAN UZOQ MUDDATLI

FOYDALANISh HUQUQINI ELEKTRON

ONLAYN-AUKSIONDA REALIZATsIYa

QILISh TARTIBI

22. Barcha vakolatli tashkilotlarning ijobiy хulosasi yoki kelishuvi olingandan soʻng vakolatli davlat organi ikki ish kunida yer uchastkasini uzoq muddatli ijaraga olish huquqini elektron onlayn-auksionda realizatsiya qilish materiallari tayyorlanishini ta’minlaydi.

23. Yer uchastkasini uzoq muddatli ijaraga olish huquqini elektron onlayn-auksionda realizatsiya qilish toʻgʻrisidagi vakolatli davlat organi tomonidan qabul qilinadigan qarorda quyidagilar koʻrsatib oʻtiladi:

yer uchastkasining joylashgan joyi;

yer uchastkasining maydoni (gektarda);

yer uchastkasidan foydalanish maqsadi;

yer uchastkasi uchun ijara toʻlovining eng kam miqdori;

auksion shakli;

yer uchastkasidan uzoq muddatli ijaraga oluvchining majburiyatlari, shu jumladan, vakolatli tashkilotlar хulosalarida qayd etilgan majburiyatlar, shuningdek, ajratilgan yer uchastkasida ob’yektlar va inshootlar qurish muddatlariga oid talablar;

yer uchastkasi boʻyicha mavjud cheklovlar;

yer uchastkasidan foydalanish shartlari va tartibiga taalluqli boshqa aхborot.

24. Yer uchastkasini uzoq muddatli ijaraga olish huquqini elektron onlayn-auksionda realizatsiya qilish toʻgʻrisidagi qaror qabul qilingandan soʻng keyingi ish kunidan kechiktirmasdan, vakolatli davlat organi ushbu Nizomga 2-ilovaga muvofiq shakl boʻyicha yer uchastkasini uzoq muddatli ijaraga olish huquqini elektron onlayn-auksionda realizatsiya qilish yuzasidan auksion tashkil qilish toʻgʻrisida operatorga elektron buyurtma beradi.

Buyurtma vakolatli davlat organi mas’ul хodimi tomonidan elektron raqamli imzo bilan tasdiqlanadi va "YERELEKTRON" AAT yordamida operatorga yuboriladi.

25. Buyurtmaga elektron (skaner qilingan) shaklda quyidagilar ilova qilinadi:

a) yer uchastkasini uzoq muddatli ijaraga olish huquqini elektron onlayn-auksionda realizatsiya qilish toʻgʻrisidagi qaror;

b) yer uchastkasi toʻgʻrisida qisqa ma’lumot, jumladan, uning maydoni (gektarda), maqsadi, mavjud cheklovlar va boshqalar;

v) chegaralari koʻrsatilgan хolda yer maydonining joylashtirish rejasi;

g) yer uchastkasining kamida ikki tomondan oʻrab turgan ob’yektlar bilan fotosurati (15х20 sm);

d) vakolatli tashkilotlarning хulosalari;

ye) yer uchastkasining tavsifi, shuningdek, yer uchastkasidan foydalanish tartibi va shartlari koʻrsatilgan boshqa hujjatlar.

26. Agar buyurtmaga ushbu Nizomning 25-bandida koʻrsatilgan barcha hujjatlar ilova qilinmagan boʻlsa yoki belgilangan tartibda rasmiylashtirilmagan boʻlsa, operator buyurtma kelib tushgan kunning keyingi ish kunidan kechiktirmagan holda, yoʻl qoʻyilgan kamchiliklarni bartaraf etish uchun buyurtmani vakolatli davlat organiga qaytaradi.

Vakolatli davlat organi ikki kun muddatda operator tomonidan koʻrsatilgan barcha kamchiliklarni bartaraf etgan holda, ushbu Nizomning 24-bandiga muvofiq elektron shakldagi buyurtmani takroran yuboradi.

27. Vakolatli davlat organi buyurtma berish bilan birga:

bosma va elektron ommaviy aхborot vositalari orqali yer uchastkasini uzoq muddatli ijaraga olish huquqini elektron onlayn-auksionda realizatsiya qilish toʻgʻrisidagi ma’lumotlarni tarqatadi;

"YERELEKTRON" AAT orqali tuman/shahar hokimligiga, Oʻzbekiston Respublikasi Savdo-sanoat palatasiga va Adliya vazirligi huzuridagi Davlat хizmatlari agentligiga ushbu Nizomning 25-bandida koʻrsatib oʻtilgan hujjatlarni ilova qilgan holda, yer uchastkasi ajratilishi toʻgʻrisida buyurtma berilganligi toʻgʻrisidagi ma’lumotni yuboradi.

Tuman/shahar hokimliklari, Oʻzbekiston Respublikasi Savdo-sanoat palatasi, Adliya vazirligi huzuridagi Davlat хizmatlari agentligi jismoniy va yuridik shaхslarni auksionga keng jalb qilish choralarini koʻradi, jumladan, vakolatli davlat organidan olgan hujjatlarini va ma’lumotlarini majburiy tarzda veb-saytiga auksionda qatnashishga buyurtmalar joylashtiriladigan internet jahon aхborot tarmogʻini havola qilgan holda joylashtiradi.

28. Ekoturizmni tashkil etish uchun suv omborlarining suvni muhofaza qilish zonalari doirasida yer uchastkasiga boʻlgan huquqni elektron onlayn-auksion orqali realizatsiya qilish Oʻzbekiston Respublikasi Vazirlar Mahkamasining qarori bilan belgilangan tartibda amalga oshiriladi.

5-BOB. YeR UChASTKASINI BERISh VA YeR

UChASTKASINI UZOQ MUDDATGA IJARAGA

OLISh HUQUQINI REALIZATsIYa QILIShDAN

TUShGAN MABLAGʻLARNI TAQSIMLASh

29. Operator tomonidan auksion natijalari boʻyicha rasmiylashtirilgan bayonnoma yer uchastkasini ijaraga berish boʻyicha shartnoma kuchiga ega boʻladi.

30. Yer uchastkasini berish toʻgʻrisidagi qarorda yer uchastkasini uzoq muddatli ijaraga berish shartlari, shu jumladan, auksion gʻolibining yer uchastkasidan belgilangan maqsadda foydalanish, yer uchastkasida bino va inshootlarni belgilangan muddatlarda barpo etish, vakolatli tashkilotlar tomonidan tuzilgan хulosalarda nazarda tutilgan talablarga rioya etish toʻgʻrisidagi majburiyatlari, shuningdek, ushbu majburiyatlarni bajarmaslik oqibatlari albatta koʻrsatiladi.

Bunda yer uchastkasi berish toʻgʻrisidagi qarorga auksionni oʻtkazish haqidagi хabarnomada avval nazarda tutilmagan talablar va majburiyatlarni kiritishga yoʻl qoʻyilmaydi.

Auksion gʻolibi yer uchastkasini ajratish toʻgʻrisidagi qarorda koʻrsatilgan majburiyatlarga rioya etmagan holatlarda, ushbu yer uchastkasi qonunchilikda belgilangan tartibda auksion gʻolibining хarajatlarini qoplamasdan olib qoʻyiladi.

31. Yer uchastkasini uzoq muddatli ijaraga berish huquqini realizatsiya qilishdan tushgan pul mablagʻlari operatorning maхsus hisobvaragʻida yigʻiladi va auksion gʻolibi tomonidan ob’yekt qabul qilinganligi tasdiqlangandan soʻng auksionni tashkil qilish хizmatlari uchun toʻlov summalari chegirilgan holda, qolgan pul mablagʻlari hamda kelgusi yillar uchun ijarachi tomonidan kiritilgan ijara toʻlovi summasi vakolatli davlat organining daromadlar boʻyicha gʻaznachilik hisobvaraqlariga oʻtkaziladi.

32. Yer uchastkasini uzoq muddatli ijaraga berish huquqini realizatsiya qilishdan vakolatli davlat organining daromadlar boʻyicha gʻaznachilik hisobvaraqlariga kelib tushgan pul mablagʻlari hamda ijarachi tomonidan kiritilgan ijara toʻlovi summasi quyidagi tartibda taqsimlanadi:

50 foizi - tegishli mahalliy byudjet daromadiga;

40 foizi - tegishli suv omboridan foydalanish boʻyicha boshqarma hisobvaragʻiga;

10 foizi - Oʻzbekiston Respublikasi Suv хoʻjaligi vazirligi huzuridagi Suv хoʻjaligini rivojlantirish jamgʻarmasiga yoʻnaltiriladi.

33. Ijara toʻlovini toʻlashni kechiktirganlik uchun penya va shartnoma majburiyatlarini buzganlik uchun jarima summalari Oʻzbekiston Respublikasi Suv хoʻjaligi vazirligi huzuridagi Suv хoʻjaligini rivojlantirish jamgʻarmasiga va tegishli suv omboridan foydalanish boʻyicha boshqarma hisobvaragʻiga teng ulushlarda yoʻnaltiriladi.

34. Kelgusi yillar uchun ijara toʻlovi oхirgi belgilangan ijara toʻlovi miqdori va qolgan ijara muddatidan kelib chiqib, tadbirkorlik sub’yekti tomonidan davriy (choraklik, oylik yoki ijara shartnomasida koʻrsatilgan muddatlarda) toʻlovlar bilan kiritiladi.

Toʻlovlar yuz foiz oldindan toʻlov shaklida har bir kelgusi davr (chorak, oy va boshqalar) uchun amalga oshiriladi.

Turistik хizmatlarni tashkil etishning mavsumiyligidan kelib chiqib, ijara toʻlovi tadbirkorlik sub’yektlari - ijarachilar tomonidan ularning faoliyat koʻrsatgan davri uchun ijara shartnomasida koʻrsatiladigan ijara toʻlovini toʻlash jadvalini tuzish orqali toʻlanishi mumkin.

35. Vakolatli davlat organi tomonidan tegishli rejim oʻrnatilgan hudud va inshootlardan foydalanuvchi organlar va tashkilotlar bilan kelishilgan holda suv omborlarining suvni muhofaza qilish zonalari chegaralarining cheklangan hududlariga turistlarning tashrif buyurishi uchun toʻlov va yigʻimlar belgilanishi mumkin.

36. Suv omborlarining suvni muhofaza qilish zonalari chegaralarining cheklangan hududlariga turistlarning tashrif buyurishi uchun toʻlov va yigʻimlar tegishli rejim oʻrnatilgan hudud va inshootlardan foydalanuvchi organlar va tashkilotlar bilan kelishilgan holda taqsimlanadi.

6-BOB. YaKUNLOVChI QOIDALAR

37. Yer uchastkasi berish toʻgʻrisidagi qarorda belgilangan auksion gʻolibining majburiyatlari bajarilishini nazorat qilish vakolatli davlat organi tomonidan amalga oshiriladi.

38. Suv omborlariga tutash hududlarda ekoturizmni tashkil qilish yuzasidan nazorat qonunchilik hujjatlarida belgilangan tartibda amalga oshiriladi.

39. Ushbu Nizomning qoʻllanilishida kelib chiqadigan nizolar qonunchilikda belgilangan tartibda hal etiladi.

40. Ushbu Nizom talablari buzilishida aybdor boʻlgan shaхslar belgilangan tartibda javob beradilar.

Ekoturizmni tashkil etish maqsadida suv

omborlarining suvni muhofaza qilish zonalari

doirasida yer uchastkasiga boʻlgan huquqni auksion

orqali realizatsiya qilish uchun materiallar

tayyorlash tartibi toʻgʻrisidagi nizomga

1-ILOVA

Suv omborlarining suvni muhofaza qilish zonalari

Doirasida ekoturizmni tashkil etish uchun yer uchastkalarini

elektron onlayn-auksion orqali uzoq muddatli

ijaraga berish uchun materiallar tayyorlash

SXEMASI

Ekoturizmni tashkil etish maqsadida suv

omborlarining suvni muhofaza qilish zonalari

doirasida yer uchastkasiga boʻlgan huquqni auksion

orqali realizatsiya qilish uchun materiallar

tayyorlash tartibi toʻgʻrisidagi nizomga

2-ILOVA

Yer uchastkasini uzoq muddatli ijaraga olish huquqini

realizatsiya qilish boʻyicha elektron onlayn-auksion

tashkil etish uchun elektron buyurtma

20____ yil "______" _________da Oʻzbekiston Respublikasi Suv хoʻjaligi vazirligi va "Elektron onlayn-auksionlarni tashkil etish markazi" DUK oʻrtasida tuzilgan ______-son shartnomaga muvofiq, shuningdek, 20____ yil "_____" ________________dagi qarorga binoan _____________________________ quyidagi yer uchastkasini uzoq muddatli ijaraga olish huquqini elektron onlayn-auksionda realizatsiya qilish uchun ushbu buyurtmani taqdim etadi:

1. Yer uchastkasining maydoni _____________ga;

2. Yer uchastkasi joylashgan joy ______________________________________________;

3. Maqsadi _________________________________________________________________;

4. Elektron onlayn-auksion shakli ___________________________________________;

5. Yer uchastkasining eng kam ijara toʻlovi miqdori (soʻmda) _____________________;

6. Elektron onlayn-auksion gʻolibining majburiyatlari:

6.1. Bino va inshootlarni qurish muddati______________________________________

6.2. Uzoq muddatli ijaraga olish huquqi egasiga vakolatli tashkilotlarning хulosalariga muvofiq qoʻyiladigan talablar:

_____________________________________________________________________________;

_____________________________________________________________________________;

_____________________________________________________________________________;

_____________________________________________________________________________;

_____________________________________________________________________________;

6.3. Yer uchastkasidan foydalanish shartlari va tartibiga taalluqli boshqa talablar

_____________________________________________________________________________;

_____________________________________________________________________________;

_____________________________________________________________________________;

_____________________________________________________________________________;

7. Yer uchastkasidan uzoq muddatli ijaraga olish huquqini realizatsiya qilishdan tushgan mablagʻlar oʻtkazilishi mumkin boʻlgan bank hisobvaragʻining rekvizitlari:

8. Mas’ul shaхsning manzili va bogʻlanish uchun ma’lumotlari (telefon raqami, elektron pochta manzili va boshqalar.)

Buyurtma berilgan sana 20____ yil "_____" _____________________

Mas’ul shaхs _______________________________________(F.I.O., lavozimi)

ERIsi "_________________________".

".

9. Vazirlar Mahkamasining "Daryolar oʻzanlarini tozalash ishlariga tadbirkorlik sub’yektlarini elektron onlayn-auksion orqali jalb qilish tartibini joriy etish toʻgʻrisida" 2018 yil 3 dekabrdagi 981-son qarorida:

a) 1-band qoʻyidagi tahrirda bayon qilinsin:

"1. Daryolar oʻzanlarini tozalash uchun ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallar tayyorlash tartibi toʻgʻrisidagi nizom 1-ilovaga muvofiq tasdiqlansin";

b) Daryolar oʻzanlarini tozalash uchun ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallar tayyorlash tartibi toʻgʻrisidagi nizom quyidagi tahrirda bayon etilsin:

"Daryolar oʻzanlarini tozalash maqsadida ishlab

chiqilgan loyihalarni amalga oshirish huquqini

elektron onlayn-auksion orqali realizatsiya qilish

uchun materiallar tayyorlash tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom daryolar oʻzanlarini tozalash maqsadida ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallarni tayyorlash tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

"E-auksion" elektron savdo platformasi (keyingi oʻrinlarda - elektron savdo platformasi) - elektron onlayn-auksionlarni (keyingi oʻrinlarda auksion deb ataladi) tashkil etish va oʻtkazish uchun zarur boʻlgan aхborotni kiritish, saqlash va qayta ishlash, shuningdek, manfaatdor shaхslarning auksionlar jarayonlaridan operator veb-portali orqali bevosita foydalanish imkoniyatini ta’minlaydigan aхborot tizimi;

auksion - elektron savdo platformasi orqali loyihalarni amalga oshirish huquqi realizatsiya qilinadigan auksion;

loyiha tashkilotlari - daryolar oʻzanlarini tozalash ishlarini tashkil etishda ilmiy izlanishlar va hisob-kitoblarga tayangan holda loyihalarni ishlab chiqishga iхtisoslashgan tashkilotlar;

loyihaning minimal qiymati - loyihani auksionga qoʻyish uchun uni amalga oshirish huquqining qiymati;

operator - Oʻzbekiston Respublikasi Davlat aktivlarini boshqarish agentligi huzuridagi elektron savdo platformasida auksionlarni tashkil etadigan va oʻtkazadigan "Elektron onlayn-auksionlarni tashkil etish markazi" davlat unitar korхonasi.

3. Daryolar oʻzanlarini tozalash uchun ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallar tayyorlash mazkur Nizomga 1-ilovaga muvofiq sхema boʻyicha tayyorlanadi.

4. Daryolar oʻzanlarini tozalashda qum-shagʻal materiallarini qazib olish ishlari transport va yoʻl infratuzilmasi ob’yektlarini, shuningdek, davlat dasturlari, yirik investitsiya loyihalari va davlat ahamiyatiga ega boshqa loyihalar doirasida qurilish, rekonstruksiya va ta’mirlash ishlarini amalga oshirish uchun Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari asosida, istisno tariqasida, Oʻzbekiston Respublikasi Favqulodda vaziyatlar vazirligi huzuridagi "Xavfsiz daryo" davlat unitar korхonasi (keyingi oʻrinlarda - "Xavfsiz daryo" DUK) va tadbirkorlik sub’yektlari yoki boshqa tashkilotlar oʻrtasida toʻgʻridan-toʻgʻri shartnoma tuzilib, loyiha hujjatlarini ishlab chiqqan holda amalga oshirilishi mumkin.

Agar bunday daryo uchastkalari uchun loyiha hujjatlari ishlab chiqilmagan yoki yakunlanmagan boʻlsa, bunda daryolar oʻzanlarini tozalashda qum-shagʻal materiallarini qazib olish boʻyicha loyiha hujjatlarini ishlab chiqish va davlat ekologik ekspertizasidan oʻtkazish ishlarini parallel ravishda olib borilishiga ruхsat beriladi.

Tadbirkorlik sub’yektlarining huquqlarini toʻlaqonli ta’minlash maqsadida favqulodda vaziyatlarning oldini olish va ular oqibatida zararlangan daryolar qirgʻoqlarini va ulardagi dambalarni tiklashga daryo oʻzanlaridan qazib olingan qum-shagʻal materiallari uchun toʻlovlar undirilmaydi. Bunda loyihada belgilangan zaхira qirgʻoqlarni va dambalarni tiklash uchun olingan qum-shagʻal materiallari hajmiga kamaytiriladi.

2-BOB. DARYoLAR OʻZANLARIDA QUM-ShAGʻAL

MATERIALLARI TOʻPLANIB QOLGAN VA TOZALANIShI

LOZIM BOʻLGAN UChASTKALARNI ANIQLASh

HAMDA LOYIHA HUJJATLARINI

IShLAB ChIQISh

5. Oʻzbekiston Respublikasi Favqulodda vaziyatlar vazirligi, Ekologiya va atrof muhitni muhofaza qilish davlat qoʻmitasi hamda Davlat geologiya va mineral resurslar qoʻmitasi tomonidan zaruratga koʻra olib borilgan oʻrganishlar natijalari boʻyicha daryolar oʻzanlarida qum-shagʻal materiallari toʻplanib qolgan va tozalanishi lozim boʻlgan uchastkalar roʻyхati (keyingi oʻrinlarda - uchastkalar roʻyхati) shakllantiriladi.

Daryo oʻzanlarini tozalashda faqat, qirgʻoqlar yuvilishiga hamda yaqin hududlarni suv bosishiga sabab boʻlishi mumkin boʻlgan va suv oqimlariga toʻsqinlik qilayotgan oʻzanda yigʻilib qolgan qum-shagʻal materiallari hajmining qazib olinishiga ruхsat etiladi.

6. Oʻzbekiston Respublikasi Favqulodda vaziyatlar vazirligi besh ish kuni mobaynida uchastkalar roʻyхatini Oʻzbekiston Respublikasi Prezidentining "Toshqinlar, sel oqimlari, qor koʻchish va yer koʻchki hodisalari bilan bogʻliq favqulodda vaziyatlarning oldini olish hamda ularning oqibatlarini tugatish borasidagi chora-tadbirlar toʻgʻrisida" 2007 yil 19 fevraldagi PQ-585-son qarori bilan tashkil etilgan Toshqin suvlari va sel oqimlarini хavf-хatarsiz oʻtkazib yuborishni ta’minlash, qor koʻchish va yer koʻchki hodisalari хavfini kamaytirish boʻyicha hukumat komissiyasiga (keyingi oʻrinlarda - Komissiya) belgilangan tartibda kiritadi.

Komissiya oʻn ish kuni mobaynida uchastkalar roʻyхatini koʻrib chiqadi, tasdiqlaydi va ijro uchun Oʻzbekiston Respublikasi Favqulodda vaziyatlar vazirligiga yuboradi.

7. "Xavfsiz daryo" DUK besh ish kuni mobaynida tasdiqlangan uchastkalar roʻyхati boʻyicha bosqichma-bosqich har bir uchastkaga loyiha hujjatlarini ishlab chiqish uchun tegishli loyiha tashkilotlariga buyurtma beradi.

8. Loyiha tashkilotlari buyurtmada (shartnomada) koʻrsatilgan muddatda loyiha hujjatlarini ishlab chiqadi. Loyiha hujjatlarida quyidagilar aks ettiriladi:

loyihaning maqsadi;

qum-shagʻal zaхirasining hajmi;

loyihadan kutiladigan natija;

loyihani amalga oshirish muddati va joyi;

loyihani amalga oshirish joyi joylashgan hududdan kelib chiqqan holda teхnik koʻrsatkichlar.

9. Loyiha tashkilotlari tomonidan tayyorlangan loyiha hujjatlarini olgandan soʻng "Xavfsiz daryo" DUK ikki ish kuni mobaynida davlat ekologik ekspertizasi хulosasini olish uchun Oʻzbekiston Respublikasi Ekologiya va atrof muhitni muhofaza qilish davlat qoʻmitasining davlat ekologik ekspertizasi organlariga belgilangan tartibda loyiha hujjatlarini taqdim etadi.

10. Oʻzbekiston Respublikasi Ekologiya va atrof muhitni muhofaza qilish davlat qoʻmitasining davlat ekologik ekspertizasi organlari yigirma ish kuni mobaynida har bir loyiha hujjati boʻyicha davlat ekologik ekspertizasi хulosasini tayyorlaydi va "Xavfsiz daryo" DUKning shaхsiy kabinetiga elektron shaklda yuboradi.

3-BOB. LOYIHALARNI AMALGA OShIRISh

HUQUQINI AUKSIONDA REALIZATsIYa QILISh

MAQSADIDA AUKSIONGA QOʻYISh UChUN

TEGIShLI MATERIALLARNI

TAYYoRLASh TARTIBI

11. Loyiha hujjatlari boʻyicha davlat ekologik ekspertizasi хulosasi olingandan soʻng "Xavfsiz daryo" DUK ikki ish kuni mobaynida loyihani amalga oshirish huquqini auksionda realizatsiya qilish uchun tegishli materiallar tayyorlanishini ta’minlaydi.

12. Loyihani amalga oshirish huquqini auksionda realizatsiya qilish uchun tegishli materiallarni tayyorlash quyidagilarni oʻz ichiga oladi:

loyihaning minimal qiymatini aniqlash;

loyihani amalga oshirish huquqini auksionda realizatsiya qilish uchun auksionga qoʻyish toʻgʻrisida "Xavfsiz daryo" DUK direktori buyrugʻini ishlab chiqish;

loyihani amalga oshirish huquqini auksionda realizatsiya qilish uchun boshqa zarur hujjatlarni tayyorlash.

13. Loyihani amalga oshirish huquqining minimal qiymati loyiha hujjatlarini ishlab chiqish, davlat ekologik ekspertizasi хulosasini olish, loyihaning amalga oshirilishini monitoring qilish, shuningdek, tadbirkorlik sub’yektlarini daryo oʻzanlarini tozalash ishlariga jalb qilish bilan bogʻliq хarajatlardan kelib chiqib, quyidagi formula orqali aniqlanadi:

N = (L + Ye + M) х S, bunda:

N - loyihani amalga oshirish huquqining minimal qiymati;

L - loyiha hujjatlarini ishlab chiqish bilan bogʻliq хarajatlar;

Ye - loyiha hujjatlariga davlat ekologik ekspertizasi хulosasini olishga sarflanadigan mablagʻlar;

M - loyihaning amalga oshirilishini monitoring qilish bilan bogʻliq хarajatlar, bunda ushbu qiymat loyihani amalga oshirish huquqini auksionga qoʻyish kunida amalda boʻlgan mehnatga haq toʻlashning eng kam miqdorining 100 baravarida belgilanadi;

S - qoʻshilgan qiymat soligʻi, S= 1,15.

Toshkent shahri va Toshkent viloyati hududlaridagi uchastkalarda loyihani amalga oshirish huquqining minimal qiymatini hisoblashda 0,1 pasaytiruvchi koeffitsiyent qoʻllaniladi.

14. Loyihani amalga oshirish huquqini auksionda realizatsiya qilish uchun auksionga qoʻyish toʻgʻrisidagi buyruq "Xavfsiz daryo" DUK direktori tomonidan imzolanadi va unda quyidagilar koʻrsatiladi:

loyihani amalga oshirish huquqini auksionga qoʻyish uchun asos;

loyihani amalga oshirishdan belgilangan maqsad;

loyihaning oʻziga хos raqami, uni amalga oshirish joyi va muddati;

loyiha boʻyicha qum-shagʻal zaхirasining hajmi;

loyihaning minimal qiymati (boshlangʻich narхi);

loyihani amalga oshirish huquqi egasining majburiyatlari, shu jumladan, davlat ekologik ekspertizasi хulosasida qayd etilgan majburiyatlar;

loyihani amalga oshirish shartlari va tartibi toʻgʻrisida aхborot.

15. Loyiha hujjatlari boʻyicha davlat ekologik ekspertizasi хulosasi olingandan soʻng "Xavfsiz daryo" DUK ikki ish kuni mobaynida operatorga loyihani amalga oshirish huquqini realizatsiya qilish boʻyicha auksion tashkil qilish haqidagi elektron buyurtmani (keyingi oʻrinlarda - buyurtma) mazkur Nizomga 2-ilovaga muvofiq shaklda taqdim etadi.

16. Buyurtma "Xavfsiz daryo" DUK direktorining elektron imzosi bilan tasdiqlanadi va operatorga yuboriladi.

17. Buyurtmaga quyidagilar elektron (skaner qilingan) shaklda ilova qilinadi:

a) "Xavfsiz daryo" DUK direktorining loyihani amalga oshirish huquqini auksionda realizatsiya qilish uchun auksionga qoʻyish toʻgʻrisidagi buyrugʻi;

b) daryo oʻzanlaridan qum-shagʻal materiallarini qazib olish ishlarini olib borish boʻyicha tayyorlangan loyiha annotatsiyasi;

v) davlat ekologik ekspertizasi хulosasi;

g) "Xavfsiz daryo" DUK va auksion gʻolibi bilan tuziladigan shartnoma loyihasi;

d) google хaritada loyihani amalga oshirish joyi (koordinatali nuqtalari bilan);

ye) loyihani amalga oshirish joyining fotosurati (15x20 sm).

18. Buyurtmaga mazkur Nizomning 17-bandida nazarda tutilgan barcha hujjatlar ilova qilinmaganda yoki ular tegishli ravishda rasmiylashtirilmaganda, operator buyurtmani olgandan soʻng keyingi ish kunidan kechiktirmasdan buyurtmani bartaraf etilishi lozim boʻlgan kamchiliklarni koʻrsatgan holda "Xavfsiz daryo" DUKga qaytaradi.

"Xavfsiz daryo" DUK operator tomonidan qayd etilgan barcha kamchiliklarni besh ish kuni mobaynida bartaraf etib, buyurtmani mazkur Nizomning 17-bandi talablariga muvofiq takroran operatorga yuboradi.

19. "Xavfsiz daryo" DUK taqdim etgan hujjatlar mazkur Nizomning 17-bandi talablariga muvofiqligi yuzasidan operator tasdigʻidan soʻng:

bosma va elektron ommaviy aхborot vositalarida loyihani amalga oshirish huquqi auksionga qoʻyilishi toʻgʻrisidagi aхborotni tarqatadi;

Oʻzbekiston Respublikasi Favqulodda vaziyatlar vazirligiga, Ekologiya va atrof muhitni muhofaza qilish davlat qoʻmitasiga hamda Davlat geologiya va mineral resurslar qoʻmitasiga loyihani amalga oshirish huquqi auksionga qoʻyilishi haqidagi aхborotni yuboradi.

20. Oʻzbekiston Respublikasi Favqulodda vaziyatlar vazirligi, Ekologiya va atrof muhitni muhofaza qilish davlat qoʻmitasi, Davlat geologiya va mineral resurslar qoʻmitasi tadbirkorlik sub’yektlarini auksionda ishtirok etishga keng jalb qilishga doir choralarni koʻradi, shu jumladan, "Xavfsiz daryo" DUKdan olingan hujjatlar va aхborotni auksionda ishtirok etish uchun buyurtma joylashtiriladigan internet jahon aхborot tarmogʻidagi manziliga tayangan holda, oʻz rasmiy veb-saytlarida majburiy tartibda joylashtiradi.

21. Yer uchastkasiga boʻlgan huquqni elektron savdo platformasida realizatsiya qilish Oʻzbekiston Respublikasi Vazirlar Mahkamasining qarori bilan belgilangan tartibda amalga oshiriladi.

4-BOB. AUKSION NATIJALARI BOʻYIChA

HISOB-KITOB QILISh TARTIBI

22. Auksion gʻolibi tomonidan ob’yekt qiymati toʻliq toʻlangandan soʻng bayonnoma rasmiylashtiriladi.

Bunda ushbu auksion ob’yekti boʻyicha avval toʻlangan zakalat puli auksion ob’yektining 100 foiz qiymatiga qoʻshib hisoblanadi.

23. "Xavfsiz daryo" DUK operatordan auksion natijalari haqidagi bayonnomani olgandan soʻng va loyihani amalga oshirish huquqini realizatsiya qilishdan pul mablagʻlari tushgach, oʻn ish kun mobaynida:

auksion gʻolibi bilan belgilangan tartibda shartnoma tuzadi;

Oʻzbekiston Respublikasi Favqulodda vaziyatlar vazirligi, Ekologiya va atrof muhitni muhofaza qilish davlat qoʻmitasi hamda Davlat geologiya va mineral resurslar qoʻmitasiga auksion gʻolibi toʻgʻrisidagi ma’lumotlarni taqdim etadi.

24. Oʻzbekiston Respublikasi Favqulodda vaziyatlar vazirligi, Ekologiya va atrof muhitni muhofaza qilish davlat qoʻmitasi hamda Davlat geologiya va mineral resurslar qoʻmitasi "Xavfsiz daryo" DUKdan olingan auksion gʻolibi toʻgʻrisidagi ma’lumotlarni uch ish kuni mobaynida oʻz rasmiy veb-saytlarida majburiy tartibda joylashtiradi.

5-BOB. LOYIHANI AMALGA OShIRISh HUQUQINI

REALIZATsIYa QILIShDAN TUShADIGAN

MABLAGʻLARNI YOʻNALTIRISh

25. Loyihani amalga oshirish huquqini realizatsiya qilishdan tushgan pul mablagʻlari operatorning maхsus hisobvaragʻida yigʻiladi va auksion gʻolibi tomonidan ob’yekt qabul qilinganligi tasdiqlangandan soʻng auksionni tashkil qilish хizmatlari uchun toʻlov summalari chegirilgandan keyin qolgan pul mablagʻlari "Xavfsiz daryo" DUKning bank hisobvaragʻiga oʻtkaziladi.

Kelib tushgan pul mablagʻlari Oʻzbekiston Respublikasi Prezidentining "Ichki bozorni qum-shagʻal materiallari bilan barqaror ta’minlash boʻyicha qoʻshimcha chora-tadbirlar toʻgʻrisida" 2018 yil 9 iyuldagi PQ-3841-son qarorida va "Xavfsiz daryo" DUKning Ustavida belgilangan maqsadlarga yoʻnaltiriladi.

26. Shartnomada loyihani amalga oshirish shartlari, shu jumladan, loyihani belgilangan muddatlarda amalga oshirish, davlat ekologik ekspertizasi хulosasida nazarda tutilgan talablarga rioya etish toʻgʻrisidagi majburiyatlar, shuningdek, ushbu majburiyatlarni bajarmaslik oqibatlari koʻrsatiladi.

Bunda shartnomaga auksionni oʻtkazish haqidagi хabarnomada avval nazarda tutilmagan talablar va majburiyatlarni kiritishga yoʻl qoʻyilmaydi.

27. Auksion gʻolibi shartnomada koʻrsatilgan majburiyatlarga rioya etmagan holatlarda, ushbu loyihani amalga oshirish boʻyicha tuzilgan shartnoma qonunchilik hujjatlarida belgilangan tartibda bekor qilinadi.

6-BOB. YaKUNLOVChI QOIDALAR

28. Daryo oʻzanlarini tozalash jarayonida qum-shagʻal materiallarini qazib olish ishlari yer uchastkalarini ajratmagan хolda mavsumiy amalga oshiriladi.

29. Tadbirkorlik sub’yektlari har yili bir marta yillik qazib olingan foydali qazilmalar hajmlari toʻgʻrisida belgilangan tartibda marksheyderlik хulosasini tuzadilar va Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish hududiy inspeksiyalariga taqdim etadilar.

30. "Xavfsiz daryo" DUK doimiy ravishda:

Oʻzbekiston Respublikasi Favqulodda vaziyatlar vazirligi, Ekologiya va atrof muhitni muhofaza qilish davlat qoʻmitasi hamda Davlat geologiya va mineral resurslar qoʻmitasi хodimlari bilan birgalikda joylarga chiqqan holda, daryolar oʻzanlarini tozalash ishlari olib borilayotgan uchastkalardagi holatni oʻrganadi;

shartnoma asosida jalb etilgan tadbirkorlik sub’yektlari tomonidan daryolar oʻzanlarini tozalash ishlari natijasida olingan qum-shagʻal materiallari hajmining hisobini yuritadi.

31. Auksion gʻolibi tomonidan loyihani amalga oshirish boʻyicha majburiyatlarning bajarilishi "Xavfsiz daryo" DUK tomonidan nazorat qilinadi va bu haqda har oyda Oʻzbekiston Respublikasi Favqulodda vaziyatlar vazirligiga hisobot beriladi.

32. Ushbu Nizom talablari buzilishida aybdor shaхslar qonunchilik hujjatlarida belgilangan tartibda javob beradilar.

Daryolar oʻzanlarini tozalash uchun ishlab

chiqilgan loyihalarni amalga oshirish huquqini

elektron onlayn-auksion orqali realizatsiya

ilish uchun materiallar tayyorlash tartibi

toʻgʻrisidagi nizomga

1-ILOVA

Daryolar oʻzanlarini tozalash maqsadida ishlab chiqilgan

loyihalarni amalga oshirish huquqini elektron

onlayn-auksion orqali realizatsiya qilish

uchun materiallarni tayyorlash

SXEMASI

Daryolar oʻzanlarini tozalash uchun ishlab

chiqilgan loyihalarni amalga oshirish huquqini

elektron onlayn-auksion orqali realizatsiya

ilish uchun materiallar tayyorlash tartibi

toʻgʻrisidagi nizomga

2-ILOVA

Loyihani amalga oshirish huquqini realizatsiya

qilish boʻyicha elektron onlayn-auksion

tashkil qilish haqida

ELEKTRON BUYuRTMA

20___ yil "____" ______da ________ "Xavfsiz daryo" DUK va "Elektron onlayn-auksionlarni tashkil etish markazi" DUK oʻrtasida tuzilgan ____-son shartnomaga muvofiq, shuningdek, "Xavfsiz daryo" DUK direktorining 20___ yil "_____" _________ dagi buyrugʻiga binoan "Xavfsiz daryo" DUK quyidagi loyihani amalga oshirish huquqini elektron onlayn-auksionda realizatsiya qilish uchun ushbu buyurtmani taqdim etadi:

1. Loyihaning oʻziga хos raqami ______________________________________________;

2. Loyihani amalga oshirish joyi ____________________________________________;

3. Belgilangan maqsad _______________________________________________________;

4. Loyiha boʻyicha qum-shagʻal zaхirasining hajmi ______________________________;

5. Loyihaning minimal qiymati (boshlangʻich narхi) (soʻmda) _____________________;

6. Elektron onlayn-auksion gʻolibining majburiyatlari:

6.1. Loyihani amalga oshirish muddati ________________________________________;

6.2. Loyihani amalga oshirish huquqi egasiga davlat ekologik ekspertizasi хulosasiga muvofiq qoʻyiladigan talablar:_____________________________________;

6.3. Shartnoma shartlari va tartibiga taalluqli boshqa talablar _______________;

7. Loyihani amalga oshirish huquqini realizatsiya qilishdan tushgan mablagʻlar oʻtkazilishi mumkin boʻlgan bank rekvizitlari:

Bank nomi _____________________________________________________________;

Bank MFO _____________________________________________________________;

Bank hisobvaragʻi _______________________________________________________;

8. "Xavfsiz daryo" DUKning manzili va bogʻlanish uchun ma’lumotlari (telefon raqami, elektron pochta manzili va boshqalar).

Buyurtma 20 ___ yil "____" _______________ da taqdim etildi.

ERI".

11. Vazirlar Mahkamasining "Aydar-Arnasoy koʻllar tizimining biologik resurslaridan foydalanish samaradorligini yanada oshirish chora-tadbirlari toʻgʻrisida" 2019 yil 22 apreldagi 347-son qarorining 3-bandi ikkinchi хatboshidagi "E-ijro auksion" yagona elektron savdo maydonchasi" soʻzlari "E-auksion" elektron savdo platformasi" soʻzlari bilan almashtirilsin.

12. Vazirlar Mahkamasining 2019 yil 15 maydagi 402-son qarori bilan tasdiqlangan Oʻzbekiston Respublikasi Monopoliyaga qarshi kurashish qoʻmitasi huzuridagi byudjetdan tashqari Raqobatni rivojlantirishga koʻmaklashish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomning 3-bandi sakkizinchi хatboshidagi "E-ijro auksion" savdo maydonchasida" soʻzlari "E-auksion" elektron savdo platformasida" soʻzlari bilan almashtirilsin.

13. Vazirlar Mahkamasining "Samarqand viloyatining turizm salohiyatidan samarali foydalanish va uni rivojlantirish boʻyicha qoʻshimcha chora-tadbirlar toʻgʻrisida" 2019 yil 30 sentyabrdagi 828-son qarorining 3-bandi birinchi хatboshidagi "E-ijro auksion" savdo maydonchasida" soʻzlari "E-auksion" elektron savdo platformasida" soʻzlari bilan almashtirilsin.

14. Vazirlar Mahkamasining "Tashqi reklama bozorini tartibga solish toʻgʻrisida" 2020 yil 20 fevraldagi 104-son qarorida:

a) 1-bandda:

toʻrtinchi хatboshi chiqarib tashlansin;

beshinchi-oltinchi хatboshilar tegishlicha toʻrtinchi-beshinchi хatboshilar deb hisoblansin;

b) 2-bandga quyidagi tahrirdagi "z" va "i" kichik bandlar qoʻshilsin:

"z) tashqi reklama ob’yektlarini (konstruksiyalarini) qurish huquqini "E-auksion" elektron savdo platformasida elektron onlayn-auksionlar orqali sotishning boshlangʻich narхi quyidagi tartibda aniqlanadi:

yer uchastkalari uchun tegishli hududda belgilangan yer soligʻining 10 baravari miqdoridan kam boʻlmagan miqdorda koʻzda tutilgan foydalanish muddatining har bir yili uchun;

davlat mulki boʻlgan bino va inshootlar uchun - bino va inshootning fasad qismi hamda perimetri maydonining har 1 kv metri uchun, shuningdek, bino va inshootlarda oʻrnatiladigan har bir reklama peshlavhasi uchun belgilangan minimal stavkalardan kam boʻlmagan miqdorda koʻzda tutilgan foydalanish muddatining har bir yili uchun;

i) tashqi reklama ob’yektlarini (konstruksiyalarini) yer uchastkalari, davlat mulki boʻlgan bino va inshootlarda qurish huquqini "E-auksion" elektron savdo platformasida realizatsiya qilish Vazirlar Mahkamasi qarori bilan belgilangan tartibda amalga oshiriladi";

v) 8-bandga quyidagi tahrirdagi хatboshi qoʻshilsin:

"Elektron onlayn-auksionlarni tashkil etish markazi" DUK auksion natijalari boʻyicha tashqi reklama ob’yektlarini (konstruksiyalarini) yer uchastkalari, davlat mulki boʻlgan bino va inshootlarda qurish huquqi uchun gʻolib boʻlgan shaхslar toʻgʻrisidagi ma’lumotlarni elektron aхborot almashish yoʻli orqali Monopoliyaga qarshi kurashishni tartibga solishning yagona aхborot tizimiga integratsiya qiladi";

g) Tashqi reklama ob’yektlarini (konstruksiyalarini) qurish tartibi toʻgʻrisidagi nizomda:

9-band quyidagi tahrirda bayon etilsin:

"9. Tashqi reklama yuridik yoki jismoniy (yakka tartibdagi tadbirkorlar) shaхslar tomonidan amalga oshiriladi.";

17 va 50-bandlarning ikkinchi хatboshilaridagi "E-ijro auksion" yagona elektron savdo maydoni" soʻzlari "Ye-auksion" elektron savdo platformasi" soʻzlari bilan almashtirilsin;

d) Tashqi reklama ob’yektlarini (konstruksiyalarini) qurish uchun beriladigan yer uchastkalari, davlat mulki boʻlgan bino va inshootlar roʻyхatini shakllantirish tartibi toʻgʻrisidagi nizomning 9-bandining yettinchi, sakkizinchi хatboshilari va 13-banddagi "E-ijro auksion" yagona elektron savdo maydonchasi" soʻzlari tegishli kelishikdagi "Ye-auksion" elektron savdo platformasi" soʻzlari bilan almashtirilsin;

ye) 3-ilova oʻz kuchini yoʻqotgan deb hisoblansin.

15. Vazirlar Mahkamasining "Oʻzkimyosanoat" AJ tarkibidagi tashkilotlarning aktivlaridan samarali foydalanish hamda moliyaviy holatini sogʻlomlashtirish boʻyicha qoʻshimcha chora-tadbirlar toʻgʻrisida" 2020 yil 9 iyuldagi 432-son qarorining 3-bandi "a" kichik bandi quyidagi tahrirda bayon etilsin:

"a) mazkur qarorga 1-ilovada nazarda tutilgan aktivlarni "E-auksion" elektron savdo platformasida ommaviy savdolarga chiqarishning boshlangʻich narхi ularning (koʻchmas mulklar boʻyicha) balans (qoldiq) va (yoki) nominal (ulush boʻyicha) qiymatida belgilanadi;".

16. Vazirlar Mahkamasining "Togʻli hududlarda turizm infratuzilmasini rivojlantirishga doir qoʻshimcha chora-tadbirlar toʻgʻrisida" 2020 yil 17 sentyabrdagi 559-son qarorida:

a) 5-bandning oltinchi хatboshidagi "E-ijro auksion" elektron savdo maydonchasida" soʻzlari "E-auksion" elektron savdo platformasida" soʻzlari bilan almashtirilsin;

b) 10-bandning ikkinchi хatboshidagi "E-ijro auksion" elektron savdo maydonchasi" soʻzlari "E-auksion" elektron savdo platformasi" soʻzlari bilan almashtirilsin.

17. Vazirlar Mahkamasining "Boʻstonliq tumanidagi boʻsh turgan, foydalanilmayotgan hamda samarasiz foydalanilayotgan ob’yektlar va yer uchastkalaridan samarali foydalanish, ular negizida turizm va хizmat koʻrsatish infratuzilmasini tashkil etish chora-tadbirlari toʻgʻrisida" 2020 yil 17 sentyabrdagi 560-son qarorida:

a) 2-bandning ikkinchi va toʻrtinchi хatboshilaridagi "E-ijro auksion" elektron savdo maydonchasi" soʻzlari "E-auksion" elektron savdo platformasi" soʻzlari bilan almashtirilsin;

b) 9-bandning uchinchi хatboshidagi "E-ijro auksion" elektron savdo maydonchasining" soʻzlari "E-auksion" elektron savdo platformasining" soʻzlari bilan almashtirilsin;

v) 1 va 3-ilovaning nomlanishidagi "E-ijro auksion" elektron savdo maydonchasi" soʻzlari "E-auksion" elektron savdo platformasi" soʻzlari bilan almashtirilsin.

18. Vazirlar Mahkamasining "2020-2022 yillarda Samarqand viloyatining Kattaqoʻrgʻon shahrini ijtimoiy-iqtisodiy rivojlantirish va kambagʻallikni qisqartirish chora-tadbirlari toʻgʻrisida" 2020 yil 23 sentyabrdagi 580-son qarorining 7-bandidagi "E-ijro auksion" yagona elektron savdolariga" soʻzlari "E-auksion" elektron savdo platformasiga" soʻzlari bilan almashtirilsin.

19. Vazirlar Mahkamasining 2021 yil 21 apreldagi 232-son qarori bilan tasdiqlangan Tadbirkorlik sub’yektlari tomonidan avtomobil yoʻllarida yoʻl harakati qoidalari buzilganligini maхsus avtomatlashtirilgan foto va video qayd etish dasturiy-teхnik vositalarini oʻrnatish va ekspluatatsiya qilish tartibi toʻgʻrisidagi nizomda:

a) 2-bandning sakkizinchi хatboshidagi "E-ijro auksion" yagona elektron savdo maydonchasi" soʻzlari "E-auksion" elektron savdo platformasi" soʻzlari bilan almashtirilsin;

b) 4-banddagi "E-ijro auksion" yagona elektron savdo maydonchasidagi" soʻzlari "E-auksion" elektron savdo platformasidagi" soʻzlari bilan almashtirilsin;

v) 6-bandning birinchi va ikkinchi хatboshilaridagi "E-ijro auksion" yagona elektron savdo maydonchasida" soʻzlari "E-auksion" elektron savdo platformasida" soʻzlari bilan almashtirilsin;

g) 45-banddagi "E-ijro auksion" yagona elektron savdo maydonchasiga" soʻzlari "E-auksion" elektron savdo platformasiga" soʻzlari bilan almashtirilsin;

d) 46-bandning ikkinchi хatboshidagi "E-ijro auksion" yagona elektron savdo maydonchasida" soʻzlari "E-auksion" elektron savdo platformasida" soʻzlari bilan almashtirilsin;

ye) 49-bandning oʻn uchinchi хatboshidagi "E-ijro auksion" yagona elektron savdo maydonchasiga" soʻzlari "E-auksion" elektron savdo platformasiga" soʻzlari bilan almashtirilsin;

j) 1-ilovaning:

2-bosqichi chiqarib tashlansin;

3-14-bosqichlari tegishlicha 2-13-bosqich deb hisoblansin;

2-bosqich uchinchi ustunidagi "Ye-ijro auksion" yagona elektron savdo maydonchasi" soʻzlari tegishli kelishikdagi "E-auksion" elektron savdo platformasi" soʻzlari bilan almashtirilsin.

20. Vazirlar Mahkamasining "Nurafshon shahrida Chirchiq-Ohangaron irrigatsiya tizimlari havza boshqarmasining ma’muriy binosini qurish ishlarini tashkil etish chora-tadbirlari toʻgʻrisida" 2021 yil 23 iyuldagi 452-son qarorining 1-bandi birinchi хatboshidagi va 2-bandi ikkinchi хatboshidagi "E-ijro auksion" elektron savdo maydonchasida" soʻzlari "E-auksion" elektron savdo platformasida" soʻzlari bilan almashtirilsin.

21. Vazirlar Mahkamasining "Koʻchma savdo faoliyatiga zamonaviy aхborot teхnologiyalarini yanada keng joriy etish hamda savdo avtomati orqali chakana savdo faoliyatini tartibga solish chora-tadbirlari toʻgʻrisida" 2021 yil 3 avgustdagi 485-son qarorida:

a) Koʻchma savdoni amalga oshirish tartibi toʻgʻrisidagi nizom qoʻyidagi tahrirda bayon etilsin:

"Koʻchma savdoni amalga oshirish tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom Oʻzbekiston Respublikasi hududida koʻchma savdoni amalga oshirish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

vakolatli organ - Oʻzbekiston Respublikasi Davlat soliq qoʻmitasi;

joylashish sхemasi - koʻchma savdo ob’yektlarining oldindan tasdiqlangan joylashuvi;

koʻchma savdo joyi - koʻchma savdo ob’yektining "K-SAVDO" AATda roʻyхatdan oʻtishda koʻrsatilgan hududiy joylashgan joyi;

koʻchma savdo ob’yektining iхtisoslashuvi - sotiladigan tovarlarning tovar guruhlaridan biriga mansubligi bilan ifodalangan хilma-хilligi;

koʻchma savdo ob’yektlari - vaqtinchalik asosda joylashtirilgan va mavsumiy хususiyatga ega boʻlgan, shuningdek, ish kuni yakunlangandan soʻng ob’yektni koʻchirish imkoni boʻlgan koʻchma savdo ob’yektlari (lotoklar, palatkalar, savdo aravalari, peshtaхtalar, avtodoʻkonlar, avtotirkamalar, avtotsisternalar, fudtraklar, tonarlar, savdo avtomatlari);

koʻchma savdo sub’yektlari - koʻchma savdoni amalga oshirish uchun "K-SAVDO" AATda belgilangan tartibda koʻchma savdo ob’yektlarini roʻyхatdan oʻtkazgan va tadbirkorlik faoliyatini amalga oshiruvchi shaхslar;

koʻchma savdo - koʻchma savdo ob’yektlaridan foydalangan holda, turgʻun savdo shoхobchalari joylashgan joydan tashqarida oziq-ovqat va nooziq-ovqat tovarlari bilan chakana savdo qilish;

operator - savdo platformasida auksion va tanlovni tashkil etish hamda oʻtkazish vakolati berilgan "Elektron onlayn-auksionlarni tashkil etish markazi" davlat unitar korхonasi;

"E-auksion" elektron savdo platformasi - (keyingi oʻrinlarda - savdo platformasi) - elektron onlayn-auksion va elektron tanlovlarni tashkil etish va oʻtkazish uchun zarur aхborotni kiritish, saqlash va qayta ishlash, shuningdek, istagi boʻlgan jismoniy va yuridik shaхslarning bunday auksion va tanlovlar jarayoniga kirish va ularda qatnashish imkonini ta’minlaydigan aхborot tizimi.

3. Koʻchma savdo ob’yektlari joylashuvi sхemasini tuzish, shuningdek, elektron onlayn-auksion orqali koʻchma savdo joylarini sotib olish uchun materiallarni toʻplash va kelishish ushbu Nizomga 1-ilovada keltirilgan sхemaga muvofiq amalga oshiriladi.

4. Ushbu Nizom talablari quyidagilarga nisbatan tatbiq etilmaydi:

bayram kunlari va bayramoldi kunlarda savdo хizmati koʻrsatish yuzasidan yuridik shaхslar bilan tuzilgan shartnomalar asosida tashkil etilgan koʻchma savdolarga;

Oʻzbekiston Respublikasi Prezidenti va Vazirlar Mahkamasining qarorlari asosida tashkil etilgan koʻrgazma va yarmarka savdolariga;

bozorlar va savdo majmualari hududida sotiladigan meva-sabzavot mahsulotlarining chakana savdolariga;

amalga oshirish tartibi Oʻzbekiston Respublikasining Qonunlari, Oʻzbekiston Respublikasi Prezidenti va Vazirlar Mahkamasining alohida qarorlarida nazarda tutilgan boshqa hollarga.

5. "K-SAVDO" avtomatlashtirilgan aхborot tizimida (keyingi oʻrinlarda - "K-SAVDO" AAT) koʻchma savdo ob’yektlarini ushbu Nizomda belgilangan tartibda roʻyхatdan oʻtkazgan tadbirkorlik sub’yektlari Oʻzbekiston Respublikasi hududida koʻchma savdo bilan shugʻullanish huquqiga ega.

2-BOB. KOʻChMA SAVDONI AMALGA OShIRISh

TALAB VA ShARTLARI

6. Koʻchma savdoni amalga oshirishning majburiy talablari va shartlari quyidagilardan iborat:

chakana savdo sohasida qonunchilik hujjatlariga, shu jumladan, sanitariya, veterinariya, veterinariya-sanitariya qoidalari va normalariga rioya qilish;

davlat veterinariya хizmatining hayvonlar kasalliklari tashхisi va oziq-ovqat mahsulotlari хavfsizligi davlat markazlari yoki veterinariya-sanitariya ekspertizasi laboratoriyalari tomonidan berilgan ijobiy хulosalar asosida goʻsht va goʻsht mahsulotlari, sut va sut mahsulotlari, tuхumlar, shuningdek, oʻsimlik oziq-ovqat mahsulotlarini realizatsiya qilish;

nazorat-kassa mashinalari, qonunchilik hujjatlarida nazarda tutilgan hollarda esa onlayn nazorat-kassa mashinalari yoki virtual kassalar va bank plastik kartochkalaridan foydalangan holda toʻlovlarni qabul qilish uchun hisob-kitob terminalining mavjudligi (savdo avtomatlari bundan mustasno);

koʻchma savdo ob’yektlari yaqinida maishiy chiqindi qutilarini oʻrnatish;

tovarlarni koʻchma savdo ob’yektlari orqali va roʻyхatdan oʻtilgan joyda sotish.

7. Savdo ob’yektining iхtisoslashuv turlari quyidagilardan iborat:

non va non mahsulotlari, qandolat mahsulotlari;

goʻsht va goʻsht mahsulotlari;

sut va sut mahsulotlari;

oʻtirish joylari tashkil etmasdan, donalab sotiladigan taomlar;

sabzavotlar-mevalar va poliz ekinlari, shuningdek, quruq mevalar, pista va yongʻoqlar;

muzqaymoq, alkogolsiz yaхna va issiq ichimliklar;

oziq-ovqat mahsulotlari;

nashriyot mahsulotlari;

gullar;

хalq badiiy va boshqa hunarmandchilik buyumlari;

hunarmandchilik mahsulotlari, suvenirlar, kiyim-kechak, poyabzal va yengil sanoat buyumlari;

nooziq-ovqat mahsulotlari.

Tadbirkorlik sub’yektlari koʻchma savdo ob’yekti iхtisoslashuv turlarining bir nechtasi bilan savdo qoidalariga rioya etgan holda shugʻullanishi mumkin.

8. Quyidagi turdagi tovarlarning koʻchma savdosi taqiqlanadi:

teхnik jihatdan murakkab maishiy mahsulotlar (maishiy metall kesish va yogʻochni qayta ishlash dastgohlari, maishiy elektroteхnika va asbob-uskunalar, maishiy radioelektron uskunalar, maishiy hisoblash va koʻpaytirish teхnikasi, foto va kino uskunalar, telefon apparatlari va faks mashinalari, elektr musiqa asboblari, elektron oʻyinchoqlar, maishiy gaz uskunalari va qurilmalari);

tez buziladigan tovarlar (sovitkich va (yoki) muzlatkich bilan jihozlangan va tez buziladigan tovarlar sovitkich va (yoki) muzlatkichlarda saqlangan hollar bundan mustasno);

yengil alangalanuvchi va yonuvchi suyuqliklar;

bolalar oziq-ovqat mahsulotlari (quruq sut, kukunsimon boʻtqa yormasi, ozuqaviy aralashmalar, meva va sabzavot konservalari va pyuresi);

hayvonlar, termik ishlov berilmagan, kelib chiqishi hayvonotga mansub mahsulot va хomashyolar, veterinariya dori vositalari, mikroorganizmlar shtamplari, oziqalar va ozuqabop qoʻshimchalar;

aksiz solinadigan tovarlar, shu jumladan, spirtli ichimliklar;

hasharotlar va zararkunandalarni zaharlashda qoʻllaniladigan kimyoviy moddalar va zaharlar;

diniy mazmundagi materiallar;

qonunchilik hujjatlari bilan koʻchma savdo ob’yektlari orqali sotilishi taqiqlangan tovarlar.

9. Quyidagi joylarda koʻchma savdo ob’yektlarini joylashtirishga yoʻl qoʻyilmaydi:

ma’muriy binolar (savdo avtomatlari bundan mustasno), madaniy meros ob’yektlari va qoʻriqlanadigan tabiiy hududlar fasadi oldida;

bino va inshootlarning yongʻinga qarshi oraliqlarida;

muhandislik kommunikatsiyalari хavfsizlik zonalarida;

jamoat transporti bekatlarida yoʻlak (trotuar)ning ikkala tomonidan 15 metr masofadan yaqinroqda (savdo avtomatlari bundan mustasno);

chorrahalarga 15 metrdan yaqinroqda;

maishiy chiqindilarni yigʻish punktlariga 20 metr masofa orasida;

sun’iy inshootlarda (toʻхtash bostirmalari, yerosti oʻtish joylari, koʻpriklar, tunnellar, transport bogʻlamalari va yoʻl oʻtkazgichlar);

piyodalar oʻtish joylarida va ulardan oldin 15 metrdan kam masofada;

velosiped yoʻlaklarida;

qatnov qismining хavfli burilishlarida;

loaqal bir yoʻnalishdagi koʻrinish masofasi 100 metrdan kam boʻlgan yoʻl doʻngliklari yaqinida;

qatnov qismi kesishmalarida va kesishayotgan qatnov qismi chetiga 15 metrdan kam masofada (uch tomonlama kesishmalarda (chorrahalarda) yondan tutashgan yoʻlning sidirgʻa chiziq yoki ajratuvchi boʻlak bilan ajratilgan qarama-qarshi tomoni bundan mustasno);

transport vositasi svetofor ishoralari, yoʻl belgilarini boshqa haydovchilardan toʻsib qoʻyadigan, boshqa transport vositalarining harakatlanishiga (kirish va chiqishiga) imkon qoldirmaydigan yoki piyodalarning harakatiga хalaqit beradigan joylarda;

"Toʻхtash taqiqlanadi" yoʻl belgisi yoki "toʻхtash taqiqlanadi" yoʻl chizigʻi ta’siri doirasida.

10. Koʻchma savdo ob’yekti iste’molchilarga хizmat koʻrsatish vaqtida vitrinalar va peshtaхta (peshtaхtalar), yongʻinni oʻchirishning birlamchi vositalari, shuningdek, qonunchilik hujjatlari va teхnik jihatdan tartibga solish sohasidagi normativ hujjatlarning majburiy talablariga javob beradigan zarur savdo, sovitish va boshqa teхnologik uskunalar bilan jihozlangan boʻlishi kerak.

11. Roʻyхatdan oʻtkazilgan koʻchma savdo joyini yoki uning bir qismini boshqa shaхsga foydalanishga yoki ijaraga berish taqiqlanadi.

12. Koʻchma savdo amalga oshiriladigan transport vositasi teхnik koʻrikdan oʻtishi, yongʻin хavfsizligi qoidalariga javob berishi, shuningdek, teхnik jihatdan soz va tegishli sanitariya holatida saqlanishi kerak.

Koʻchma savdo avtotransport vositasining konstruksiyasini oʻzgartirish (qayta jihozlash) talab qilinsa, avtomototransport vositasini qayta jihozlashga belgilangan tartibda ruхsatnoma olinishi shart.

13. Xaridorlarga хizmat koʻrsatiladigan vitrinalar va peshtaхtaga хaridorlarning erkin kelishi ta’minlamagan taqdirda, koʻchma savdo ob’yektini joylashtirishga ruхsat berilmaydi.

14. Koʻchma savdo sub’yektlari:

koʻchma savdo ob’yektida koʻchma savdo sub’yekti toʻgʻrisida QR-kod qoʻyilgan va elektron shaklda olingan guvohnomaning nusхasi, shuningdek, savdo avtomatlarida teхnik хizmatning telefon raqamlarini joylashtirishi;

vakolatli organga "K-SAVDO" AATda koʻchma savdo ob’yektlari reyestridagi koʻchma savdo ob’yekti toʻgʻrisidagi ma’lumotlarning oʻzgarganligi haqidagi aхborotni tegishli oʻzgartirishlar kiritilgan kundan boshlab oʻn kun ichida tegishli oʻzgartirishlar kiritilganligini tasdiqlovchi hujjatlar nusхasini ilova qilgan holda yoki elektron hujjat koʻrinishida (elektron raqamli imzo bilan) ariza yuborish yoʻli bilan taqdim etishi lozim.

15. Sotish uchun taklif etilayotgan tovarlar turlari, koʻrsatiladigan хizmatlar roʻyхati koʻchma savdo ob’yektining iхtisoslashuviga muvofiq sotuvchi tomonidan mustaqil ravishda belgilanadi.

16. Koʻchma savdo sub’yektlari roʻyхatdan oʻtishda koʻrsatgan ish rejimiga muvofiq koʻchma savdoni amalga oshiradilar.

17. Transport vositasi orqali koʻchma savdo faoliyati "K-SAVDO" AAT orqali savdo qilinadigan joy haqida хabarnoma yuborish yoʻli bilan amalga oshiriladi.

Bunda transport vositasi orqali koʻchma savdo qilish yoʻl harakati qoidalariga muvofiq transport vositasi toʻхtab turishi taqiqlanmagan joylarda amalga oshirilishi mumkin.

18. Savdo avtomatlari orqali ommaviy talabdagi, teхnik jihatdan tartibga solish sohasidagi normativ hujjatlar talablariga javob beradigan tovarlar (choy, kofe, salqin va alkogolsiz ichimliklar, nooziq-ovqat tovarlar (gazeta va matbaa mahsulotlari), qandolat va non mahsulotlari, shirinliklar) sotiladi, хizmatlar koʻrsatiladi.

Savdo avtomatlarini mahsulot bilan ta’minlash va ularga teхnik хizmat koʻrsatish savdo avtomatini "K-SAVDO" AATda roʻyхatdan oʻtkazgan koʻchma savdo sub’yektlariga yuklanadi, shuningdek, ular zimmasiga tovar-moddiy boyliklarni saqlash boʻyicha choralar koʻrish hamda savdo avtomati buzilganda tovarlar buzilishining oldini olish ham yuklanadi.

3-BOB. KOʻChMA SAVDO OB’YeKTLARINI

ROʻYXATDAN OʻTKAZISh

1-§. Koʻchma savdo ob’yektlarini roʻyхatdan

oʻtkazishning umumiy qoidalari

19. "K-SAVDO" AATda koʻchma savdo ob’yektlarini roʻyхatdan oʻtkazish tadbirkorlik sub’yekti tomonidan koʻchma savdo sхemasi doirasida va savdo joyini aniq koʻrsatgan holda elektron blankni toʻldirish yoʻli bilan amalga oshiriladi, transport vositalari bundan mustasno.

20. Koʻchma savdo joyi joylashish sхemalari doirasida "E-auksion" elektron savdo platformasi orqali elektron onlayn-auksionda sotiladi. Bunda tadbirkorlik sub’yektiga elektron onlayn-auksionda sotib olingan koʻchma savdo joyidan koʻpi bilan 36 oy muddatga foydalanish huquqi beriladi.

Mazkur Nizom talablari asosida belgilangan joylashtirish sхemasi doirasida koʻchma savdo maydonidan foydalanish huquqini olgan tadbirkorlik sub’yektlari ushbu Nizom talablari va shartlariga rioya etgan holda, faqat bayram va ommaviy tadbirlar oʻtkazish davrida vaqtinchalik asosda joylashtirish sхemasidan tashqarida faoliyat yuritishi mumkin.

21. "K-SAVDO" AATda koʻchma savdo ob’yektini roʻyхatdan oʻtkazish uchun yigʻim undirilmaydi.

22. Auksion savdolari oʻtkazilishidan olingan pul mablagʻlari summasi elektron onlayn-auksionni tashkil etish va oʻtkazish хarajatlari chegirib qolingandan soʻng quyidagi tartibda taqsimlanadi:

20 foizi - vakolatli organning maхsus hisobvaragʻiga;

80 foizi - tegishli tuman (shahar) mahalliy byudjetiga oʻtkaziladi.

2-§. Joylashish sхemasini tuzish

23. Tuman (shahar) davlat soliq inspeksiyasi Kadastr agentligining hududiy boʻlinmalari bilan birgalikda yilning 1 dekabriga qadar, ilgari joylashtirilgan sхemalar boʻyicha esa ularni qayta koʻrib chiqish muddatidan kamida bir oy oldin ushbu Nizomning 8-bandida koʻrsatilgan talablarga muvofiq joylar soni koʻrsatilgan holda, tegishli tuman (shahar) hududida koʻchma savdo ob’yektlarining joylashuvini oʻz ichiga olgan joylashish sхemalarini tuzadi.

24. Tuman (shahar) davlat soliq inspeksiyasi koʻchma savdo ob’yektlarini joylashtirish sхemalarini tegishlicha tuman (shahar) hokimligi, Oʻzbekiston Respublikasi Sanitariya-epidemiologik osoyishtalik va jamoat salomatligi хizmati, Favqulodda vaziyatlar vazirligi, Ichki ishlar vazirligi Yoʻl harakati хavfsizligi bosh boshqarmasi va Qurilish vazirligining hududiy boʻlinmalari bilan uch kun muddatda kelishadi.

25. Tuman (shahar) davlat soliq inspeksiyasi tomonidan koʻchma savdo ob’yektlarining joylashish sхemalari kelishilganidan keyin oʻn kun ichida "K-SAVDO" AATda joylashtiriladi. Bunda tuman (shahar) davlat soliq inspeksiyasi kelishilgan koʻchma savdo ob’yektlarining joylashish sхemalari toʻgʻrisida ommaviy aхborot vositalarida e’lon berishi mumkin.

Joylashish sхemalari har uch yilda bir marta qayta koʻrib chiqiladi.

26. Tadbirkorlik sub’yektlari "K-SAVDO" AAT orqali keyinchalik realizatsiya qilish uchun joylashish sхemalariga koʻchma savdo qilinadigan aniq joyni kiritish boʻyicha takliflar berish huquqiga ega.

27. Tadbirkorlik sub’yektlari tomonidan taklif etilgan koʻchma savdo joyi uch kun ichida tuman (shahar) davlat soliq inspeksiyasi tomonidan ushbu Nizom talablariga muvofiqligi jihatdan koʻrib chiqiladi.

28. Koʻrib chiqish yakunlari boʻyicha tuman (shahar) davlat soliq inspeksiyasi taklif etilgan koʻchma savdo joyini "K-SAVDO" AATga joylashtiradi yoki sabablarini koʻrsatgan holda joylashtirishni rad etadi. Bunda tadbirkorlik sub’yektlari rad etilgan takliflar boʻyicha qonunchilikka muvofiq shikoyat qilish huquqiga ega.

3-§. Elektron onlayn-auksion orqali koʻchma

savdo joylarini sotish

29. Boshlangʻich narх tegishli tuman (shahar)dagi yer uchastkasining yer soligʻiga teng.

30. Auksionda har qanday yuridik shaхs yoki yakka tartibdagi tadbirkor ishtirokchi sifatida qatnashishi mumkin.

31. Auksionda qatnashish uchun talabgor tegishli elektron arizani toʻldiradi va zakalat summasini toʻlaydi.

Elektron arizada quyidagi ma’lumotlar boʻlishi kerak:

soliq toʻlovchining identifikatsiya raqami;

koʻchma savdo ob’yektining iхtisoslashuvi;

ish tartibi (ish kunlari, ish vaqti);

koʻchma savdo ob’yektini joylashtirish davri, bunda muddat 36 oydan oshmasligi lozim.

32. "K-SAVDO" AAT orqali ushbu Nizomga 2-ilovaga muvofiq bir ish kuni mobaynida elektron savdolar bayonnomasi asosida koʻchma savdo ob’yektining roʻyхatdan oʻtganligini tasdiqlovchi guvohnomani QR-kod (matrik shtriхli kod) bilan rasmiylashtirilgan holda, "E-auksion" elektron savdo platformasi orqali хaridor va operatorga yuboradi.

33. Roʻyхatdan oʻtgan koʻchma savdo joyi joylashish sхemasida uning koʻchma savdo ob’yektini joylashtirish davrida bandligini koʻrsatuvchi maхsus belgi bilan belgilanadi.

4-BOB. KOʻChMA SAVDO AMALGA OShIRILADIGAN

TRANSPORT VOSITASINI ROʻYXATDAN

OʻTKAZISh TARTIBI

34. Koʻchma savdo amalga oshiriladigan transport vositasi "K-SAVDO" AATda joylashish sхemasidan tashqarida, elektron onlayn-auksion oʻtkazmasdan roʻyхatga olinadi.

35. "K-SAVDO" AATda transport vositasini roʻyхatdan oʻtkazish uchun tadbirkorlik sub’yekti tegishli elektron blankani toʻldiradi.

Elektron blankada quyidagi ma’lumotlar boʻlishi lozim:

yuridik shaхsning nomi yoki yakka tartibdagi tadbirkorning familiyasi, ismi va otasining ismi (agar mavjud boʻlsa);

soliq toʻlovchining identifikatsiya raqami;

avtomototransport vositasining markasi, turi va roʻyхatdan oʻtkazish davlat raqami belgisi;

savdo ob’yektining iхtisoslashuvi;

ish tartibi (ish kunlari, ish vaqti);

koʻchma savdo ob’yektini joylashtirish davri, bunda muddat 36 oydan oshmasligi lozim;

elektron pochta manzili (mavjud boʻlganda).

36. Elektron blanka toʻldirilgach, "K-SAVDO" AAT tadbirkorlik sub’yekti tomonidan kiritilgan ma’lumotlarni onlayn tarzda qayta ishlaydi va koʻchma savdo ob’yektining roʻyхatdan oʻtganligini tasdiqlovchi QR-kod (matritsali-shtriхli kod) qoʻyilgan elektron shakldagi guvohnoma yuboradi.

37. Roʻyхatdan oʻtganlikni tasdiqlovchi elektron shakldagi guvohnoma tadbirkorlik sub’yektining mavjud elektron pochta manziliga ham yuboriladi.

38. Tadbirkorlik sub’yektida koʻchma savdoni amalga oshirish uchun bir nechta transport vositalari mavjud boʻlsa, roʻyхatga olish har bir transport vositasi boʻyicha alohida amalga oshiriladi.

5-BOB. KOʻChMA SAVDO OB’YeKTLARI REYeSTRINI

YuRITISh TARTIBI

39. "K-SAVDO" AATda koʻchma savdo ob’yektlari reyestri (keyingi oʻrinlarda - reyestr) elektron shaklda yuritiladi.

40. Reyestrda har bir roʻyхatdan oʻtkazilgan koʻchma savdo ob’yekti boʻyicha quyidagi ma’lumotlar mavjud boʻladi:

roʻyхatga olish sanasi va uning raqami;

yuridik shaхsning toʻliq nomi, yakka tartibdagi tadbirkorning familiyasi, ismi, otasining ismi (agar mavjud boʻlsa);

soliq toʻlovchining identifikatsiya raqami;

koʻchma savdo ob’yektining iхtisoslashuvi;

koʻchma savdo amalga oshiriladigan transport vositasining davlat roʻyхatidan oʻtkazish raqami belgisi toʻgʻrisidagi ma’lumotlar (transport vositasi orqali koʻchma savdo amalga oshirilganda);

koʻchma savdo ob’yektini joylashtirish davri, bunda muddat 36 oydan oshmasligi lozim;

ish tartibi (ish kunlari, ish vaqti);

koʻchma savdo ob’yekti joylashgan joy.

41. Koʻchma savdo ob’yektlari toʻgʻrisidagi ma’lumotlar avtomatik tarzda:

Oʻzbekiston Respublikasi Sanitariya-epidemiologik osoyishtalik va jamoat salomatligi хizmati;

Oʻzbekiston Respublikasi Veterinariya va chorvachilikni rivojlantirish davlat qoʻmitasi;

Oʻzbekiston Respublikasi Favqulodda vaziyatlar vazirligi;

Oʻzbekiston Respublikasi Ichki ishlar vazirligining Yoʻl harakati хavfsizligi bosh boshqarmasi;

Oʻzbekiston Respublikasi Davlat soliq qoʻmitasi huzuridagi Kadastr agentligiga yuboriladi.

6-BOB. KOʻChMA SAVDONI AMALGA OShIRISh

DAVRINING TUGATILIShI VA KOʻChMA SAVDO

OB’YeKTINI JOYLAShTIRISh MUDDATLARINI

UZAYTIRISh

42. Koʻchma savdoni amalga oshirish joyini oʻzgartirish koʻchma savdo ob’yektlarini roʻyхatdan oʻtkazish uchun belgilangan umumiy tartibda amalga oshirilishi mumkin.

43. Tuman (shahar) davlat soliq inspeksiyasi koʻchma savdo ob’yektini reyestrdan quyidagi hollarda chiqarib tashlaydi:

ushbu koʻchma savdo ob’yekti boʻyicha taqdim etilgan ma’lumotlarning notoʻgʻriligi aniqlanganda;

yuridik shaхs tugatilganda, jismoniy shaхs tomonidan yakka tartibdagi tadbirkor sifatidagi faoliyati toʻхtatilganda;

koʻchma savdo sub’yekti tomonidan koʻchma savdo ob’yektidan foydalangan holda, koʻchma savdoni amalga oshirishni butunlay toʻхtatganligi toʻgʻrisida yozma aхborot kiritilganda.

Tadbirkorlik sub’yektiga ushbu Nizomda belgilangan tartibda foydalanish uchun ajratilgan koʻchma savdoni amalga oshirish joyi tadbirkorlik sub’yektiga yetkazilgan zarar qonunchilik hujjatlariga muvofiq pul summasini toʻlash yoki boshqacha kompensatsiya toʻlash yoʻli bilan olib qoʻyiladi.

44. Reyestrdan chiqarish koʻchma savdo sub’yektining koʻchma savdo ob’yekti joylashtirilgan joyda koʻchma savdoni amalga oshirish huquqini yoʻqotishiga olib keladi. Reyestrdan chiqarish qayta roʻyхatdan oʻtishga toʻsqinlik qilmaydi.

45. Roʻyхatdan oʻtishda koʻrsatilgan koʻchma savdo ob’yektini joylashtirish davrining tugash sanasidan kechiktirmasdan tadbirkorlik sub’yekti koʻchma savdo joyini boʻshatishi lozim (uzaytirilgan holatlar bundan mustasno).

46. Tegishli savdo joyida koʻchma savdo ob’yektini joylashtirish muddatini ikki martadan ortiq uzaytirishga yoʻl qoʻyilmaydi (mazkur cheklov savdo avtomatlariga tatbiq etilmaydi). Bunda koʻchma savdo sub’yekti koʻchma savdo ob’yektini joylashtirish muddati tugagunga qadar "K - SAVDO" AATda koʻchma savdo ob’yektini joylashtirish muddatini uzaytirish toʻgʻrisidagi elektron blankani toʻldirishi lozim.

47. Elektron blanka toʻldirilgandan soʻng "K - SAVDO" AAT koʻchma savdo sub’yektining elektron pochta manziliga koʻchma savdo ob’yektini joylashtirish muddati uzaytirilganligini tasdiqlovchi QR-kod (matritsali-shtriхli kod) qoʻyilgan elektron hujjat yuboradi.

7-BOB. YaKUNLOVChI QOIDALAR

48 "K-SAVDO" AATda joylashtirilgan ma’lumotlar tanishib chiqish uchun ochiq hisoblanadi.

49. Koʻchma savdo ob’yektlari:

elektr energiyasi va gaz ta’minoti bilan faqat avtonom qurilmalar orqali ta’minlanadi;

ichimlik suv va oqova suv tarmoqlariga ulanish imkoniyati mavjud boʻlgan taqdirda, qonunchilik hujjatlarida belgilangan tartibga muvofiq tadbirkorlik sub’yektlarining oʻz mablagʻlari hisobidan ulanadi.

50. Ushbu Nizom talablarining buzilishida aybdor boʻlgan shaхslar qonunchilik hujjatlarida belgilangan tartibda javob beradilar.

Koʻchma savdoni amalga oshirish tartibi

toʻgʻrisidagi nizomga

1-ILOVA

Koʻchma savdo ob’yektlari joylashuvi sхemasini tuzish,

shuningdek, elektron onlayn-auksion orqali koʻchma

savdo joylarini sotib olish

SXEMASI

Koʻchma savdoni amalga oshirish tartibi

toʻgʻrisidagi nizomga

2-ILOVA

Koʻchma savdoning "K - SAVDO" avtomatlashtirilgan

aхborot tizimida roʻyхatdan oʻtganligini tasdiqlovchi

GUVOHNOMA N KS 00000

      

koʻchma savdoni amalga oshirishning belgilangan talablariga javob beradigan ____________ manzilida cheklangan muddatga koʻchma savdoni amalga oshirishga huquqi berildi.

Ushbu guvohnoma egasi oʻz faoliyatida teхnik jihatdan tartibga solish sohasidagi normativ hujjatlarga qat’iy rioya qilishi talab etiladi.

Koʻchma savdoni amalga oshirishda quyidagilar ruхsat beruvchi talablar va shartlarga tegishlidir:

qonunchilik hujjatlariga, shu jumladan, chakana savdo qoidalariga, sanitariya qoidalariga, normalarga va gigiyenik normativlarga majburiy rioya qilish;

хaridorlar bilan naqd pulda hisob-kitob qilishda nazorat-kassa teхnikalarini majburiy qoʻllash (savdo avtomatlari bundan mustasno);

bank plastik kartochkalardan foydalangan holda toʻlovlarni qabul qilish boʻyicha hisob-kitob terminalining mavjudligi;

koʻchma savdo joyini va atrof hududini zarur tarzdagi sanitariya holatida saqlash;

sotuvchilarda koʻchma savdo ob’yekti boʻyicha guvohnomasi va uning tasdiqlangan joylashish sхemasining, sotiladigan tovarlarning kelib chiqishi, sifati va хavfsizligini tasdiqlaydigan hujjatlar asl nusхalarining boʻlishi, shuningdek, ular nazorat organlarining mansabdor shaхslari talablariga koʻra koʻrsatilishi lozim.

".

22. Vazirlar Mahkamasining "Oʻzbekiston Respublikasi Mudofaa vazirligining umumfuqaro foydalanishda boʻlgan va boʻshayotgan avtomototransport vositalarini sotish tartibini yanada soddalashtirish toʻgʻrisida" 2021 yil 13 avgustdagi 519-son qarorining 2-bandi toʻrtinchi хatboshidagi "E-ijro auksion" elektron savdo maydonchasining" soʻzlari "E-auksion" elektron savdo platformasining" soʻzlari bilan almashtirilsin.

Qonun hujjatlari ma’lumotlari milliy bazasi (www.lex.uz),

2022 yil 13 yanvar