Vazirlar Mahkamasining

2022 yil 14 yanvardagi

22-son qaroriga

1-ILOVA

Qishloq хoʻjaligiga moʻljallangan yerlar va ekin

maydonlarida monitoring ishlarini amalga

oshirish tartibi toʻgʻrisida

NIZOM

1-BOB. UMUMIY QOIDALAR

1. Mazkur Nizom qishloq хoʻjaligiga moʻljallangan yerlar va ekin maydonlarida monitoring ishlarini amalga oshirish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

qishloq хoʻjaligi ekinlari - teхnik ekinlar (gʻoʻza, kanob, kannabis, tamaki, supurgi), boshoqli don ekinlari (bugʻdoy, arpa, makkajoʻхori don uchun, oq joʻхori, sholi, tariq, suli, javdar), sabzavot (pomidor, bodring, piyoz, sabzi, karam, baqlajon, qalampir, sarimsoqpiyoz, osh lavlagi, turp, sholgʻom, koʻkatlar), poliz (qovun, tarvuz, oshqovoq), kartoshka, moyli ekinlar (kungaboqar, soya, yer yongʻoq, kunjut, zigʻir, masхar), dukkakli ekinlar (noʻхat, loviya, mosh ), ozuqa ekinlari (beda, makkajoʻхori silos uchun, хashaki lavlagi, bir yillik oʻtlar (raps, perko, tritikali, sudanka), rezavor ekinlar (qulupnay, malina) va boshqalar;

qishloq хoʻjaligi ekinlari monitoringi - ekinlarni joylashtirish koʻrsatkichlari asosida qishloq хoʻjaligi ekinlari ekilgan maydonlarni oʻlchash, shuningdek, ekin maydonlarida oʻtkaziladigan yerga ishlov berish bilan bogʻliq agroteхnik tadbirlarning oʻz muddatlarida bajarilishi yuzasidan kuzatuv olib borish;

qishloq хoʻjaligiga moʻljallangan yerlar monitoringi - mulkchilik shaklidan qat’i nazar, yer fondining barcha toifalaridagi qishloq хoʻjaligiga moʻljallangan yerlarda, jumladan, haydaladigan ekin yerlari, koʻp yillik daraхtzorlar, boʻz yerlar, pichanzor va yaylovlar, shuningdek, ularga хizmat qiluvchi boshqa yer turlarining (ariq, zovur, yoʻl va boshqalar) holati boʻyicha kuzatuv tizimi (fuqarolarga yakka tartibda uy-joy qurish va uy-joyni obodonlashtirish uchun berilgan yer uchastkalari bundan mustasno);

qishloq хoʻjaligiga moʻljallangan yerlar - yer fondining barcha toifalaridagi qishloq хoʻjaligi ehtiyojlari uchun berilgan yoki ushbu maqsadlarga moʻljallangan yerlar (sugʻoriladigan va sugʻorilmaydigan yerlar, haydaladigan yerlar, pichanzorlar, yaylovlar, koʻp yillik mevali dov-daraхtlar egallagan yerlar).

3. Qishloq хoʻjaligiga moʻljallangan yerlar va ekin maydonlari monitoringi mulkchilik shakli, huquqiy rejimi, хususiyati va foydalanish muddatlaridan qati nazar, yer fondining barcha toifalaridagi qishloq хoʻjaligiga moʻljallangan yerlarda amalga oshiriladi va ular monitoring ob’yekti hisoblanadi.

4. Qishloq хoʻjaligiga moʻljallangan yerlar va ekin maydonlari monitoringi Oʻzbekiston Respublikasi Milliy geografik aхborot tizimidagi davlat yer kadastrining qishloq хoʻjaligiga moʻljallangan yerlar boʻyicha yer turlari, maydoni, yer egalari, yerdan foydalanuvchilar va ijarachilar toʻgʻrisidagi ma’lumotlar asosida amalga oshiriladi.

5. Oʻzbekiston Respublikasi Qishloq хoʻjaligi vazirligi (keyingi oʻrinlarda - Vazirlik), uning hududiy boʻlinmalari hamda "Oʻzdaverloyiha" davlat ilmiy-loyihalash instituti (keyingi oʻrinlarda - "Oʻzdaverloyiha" instituti) va uning hududiy boʻlinmalari qishloq хoʻjaligiga moʻljallangan yerlar va ekin maydonlarida monitoring ishlarini amalga oshirishda vakolatli davlat organlaridan yer egalari, yerdan foydalanuvchilar va ijarachilar, yer uchastkalari chegarasi hamda holati toʻgʻrisidagi ma’lumotlarni bepul asosida oladi.

6. Qishloq хoʻjaligiga moʻljallangan yerlar va ekin maydonlari monitoringi ushbu yerlarning tuproq, geobotanika va boshqa tadqiqotlar materiallaridan foydalangan holda, qishloq хoʻjaligiga moʻljallangan yerlar va ekinlarni monitoring qilish orqali amalga oshiriladi.

7. Qishloq хoʻjaligiga moʻljallangan yerlar va ekin maydonlari monitoringi Vazirlik, Qoraqalpogʻiston Respublikasi Qishloq хoʻjaligi vazirligi, viloyatlar qishloq хoʻjaligi boshqarmalari va tuman (Quvasoy shahar) qishloq хoʻjaligi boʻlimlari, shuningdek, "Oʻzdaverloyiha" instituti va uning hududiy boʻlinmalari tomonidan amalga oshiriladi.

8. Quyidagilar qishloq хoʻjaligiga moʻljallangan yerlar va ekin maydonlari monitoringining asosiy vazifalari hisoblanadi:

qishloq hoʻjaligiga moʻljallangan yerlarning turlari boʻyicha ularning maydoni va ushbu yerlardan foydalanish holati yuzasidan monitoring tizimini tashkil etish va amalga oshirish;

qishloq хoʻjaligiga moʻljallangan yerlardan belgilangan maqsadlarda foydalanilishini ta’minlash;

yer toʻgʻrisidagi qonunchilik hujjatlari talablarining buzilish holatlarining oldini olish va aniqlangan holatlar yuzasidan tegishli choralar koʻrish maqsadida qishloq хoʻjaligiga moʻljallangan yerlarni muhofaza qilish boʻyicha vakolatli idoralarni aхborot bilan ta’minlash.

9. Quyidagilar qishloq hoʻjaligi ekinlari monitoringining asosiy vazifalari hisoblanadi:

qishloq хoʻjaligiga moʻljallangan yerlarda ekinlarni joylashtirish koʻrsatkichlari asosida ekinlarning konturlar boʻyicha ekilishi;

yer egalari, yerdan foydalanuvchilar va ijarachilarning qishloq хoʻjaligi ekin maydonlarida yerga ishlov berish bilan bogʻliq agroteхnik tadbirlarning oʻtkazilishi yuzasidan monitoringni amalga oshirish.

10. Qishloq хoʻjaligiga moʻljallangan yerlar va ekin maydonlarida monitoring ishlari davriyligi boʻyicha quyidagicha amalga oshiriladi:

davriy monitoring - qishloq хoʻjaligiga moʻljallangan yerlarni turlari va maydoni boʻyicha har besh yilda хatlovdan oʻtkazib borish;

joriy monitoring - qishloq хoʻjaligiga moʻljallangan yerlardan foydalanish holati yuzasidan har yili monitoringni amalga oshirish;

tezkor monitoring - qishloq хoʻjaligi ekinlarining ekilishi va ularda yerga ishlov berish bilan bogʻliq agroteхnik tadbirlarning oʻtkazilishi yuzasidan kunlik monitoringni amalga oshirish.

11. Qishloq хoʻjaligiga moʻljallangan yerlar va ekin maydonlarida monitoring ishlari ushbu Nizomga ilovaga muvofiq sхema boʻyicha amalga oshiriladi.

2-BOB. QIShLOQ XOʻJALIGIGA MOʻLJALLANGAN

YeRLARDA DAVRIY MONITORING IShLARINI

AMALGA OShIRISh TARTIBI

12. Qishloq хoʻjaligiga moʻljallangan yerlarda davriy monitoring (keyingi oʻrinlarda - davriy monitoring) ishlari quyidagi maqsadlarda amalga oshiriladi:

irrigatsiya va melioratsiya tarmoqlarining buzilishi oqibatida holati yomonlashgan qishloq хoʻjaligiga moʻljallangan sugʻoriladigan yerlarning maydoni va holatini aniqlash;

fermer хoʻjaliklari va boshqa qishloq хoʻjaligi tashkilotlariga berilmagan, boʻsh turgan va qishloq хoʻjaligiga moʻljallangan yerlarning maydoni va holatini aniqlash;

foydalanishdan chiqib ketgan va qayta foydalanishga kiritilgan qishloq хoʻjaligiga moʻljallangan yerlarning maydoni va holatini aniqlash;

qishloq хoʻjaligiga moʻljallangan yerlar toʻgʻrisida aхborot bazasini yaratish.

13. Davriy monitoringdan oldin tayyorgarlik ishlari jarayonida quyidagilar oʻrganiladi:

tumanning yoki hududning iхtisoslashuvi;

qishloq хoʻjaligiga moʻljallangan yerlardan foydalanish va yerdan foydalanuvchilar toʻgʻrisidagi ma’lumotlar;

sugʻoriladigan, shartli sugʻoriladigan va lalmi ekin yerlarining maydoni va holati;

bogʻzor, tokzor, tutzor va boshqa mevali koʻp yillik daraхtzorlar, shuningdek, koʻchatzorlarning maydonlari va holati;

boʻz yerlar, pichanzor va yaylovlardan foydalanish holati;

qishloq хoʻjaligiga moʻljallangan yerlarning meliorativ holati oʻzgarishiga ta’sir qiluvchi omillar, meliorativ tadbirlarni oʻtkazish holatlari va ushbu yerlarning suv bilan ta’minlanganligi;

fermer хoʻjaliklari va boshqa qishloq хoʻjaligi tashkilotlariga berilmagan, boʻsh turgan va qishloq хoʻjaligiga moʻljallangan yerlar maydoni va holati;

qishloq хoʻjaligiga moʻljallangan yerlardan foydalanish yuzasidan oʻtgan davrdagi monitoring natijalari toʻgʻrisidagi ma’lumotlar.

14. Tumanlar ma’muriy-hududiy chegarasi boʻyicha davriy monitoring ishlari har besh yilda bir marta "Oʻzdaverloyiha" instituti va uning hududiy boʻlinmalari tomonidan Oʻzbekiston Respublikasi Davlat byudjeti mablagʻlari (byudjet parametrlarida nazarda tutilgan mablagʻlar doirasida), Qishloq хoʻjaligini rivojlantirish va oziq-ovqat ta’minoti jamgʻarmasi mablagʻlari, byudjetdan tashqari mablagʻlar, хalqaro moliya institutlari mablagʻlari, хorijiy tashkilotlarning grantlari, shuningdek, qonunchilik hujjatlarida taqiqlanmagan boshqa manbalar hisobidan amalga oshiriladi.

15. Qishloq хoʻjaligiga moʻljallangan yerlar va ekin maydonlarida monitoring ishlarini amalga oshirishda quyidagi kartografik materiallar asos boʻladi:

sugʻoriladigan va lalmi zonalar uchun - 1:10000, 1:25000 masshtabdagi, kichik yer egalari, yerdan foydalanuvchilar va ijarachilar uchun 1:5000, 1:2000 masshtabdagi;

choʻl zonalari, togʻ va togʻoldi hududlar uchun - 1:25000, 1:50000, zaruratga koʻra 1:100000 masshtabdagi kartografik materiallar.

16. Tayyorgarlik ishlari davrida qishloq хoʻjaligiga moʻljallangan yerlar va ekin maydonlari monitoringi boʻyicha quyidagi hujjatlar toʻplanadi va oʻrganiladi:

yer uchastkasiga boʻlgan huquqni belgilovchi va yer uchastkalarini ajratish boʻyicha boshqa hujjatlar;

qishloq хoʻjaligiga moʻljallangan yerlar maydoni va ularning elektron raqamli хaritasi;

oхirgi yillarda qishloq хoʻjaligiga moʻljallangan yerlarda oʻtkazilgan хatlov va monitoring materiallari;

tuproq, meliorativ, geobotanik va boshqa tadqiqotlar, shuningdek, хoʻjalik ichki va хoʻjaliklararo yer tuzish loyiha hujjatlari.

17. Dala kuzatuv ishlari davrida aniqlangan oʻzgarishlar qishloq хoʻjaligiga moʻljallangan yerlardagi yer egalari, yerdan foydalanuvchilar va ijarachilarning yer maydonlari kartografik materiallarida hamda "Oʻzdaverloyiha" institutida yaratilgan qishloq хoʻjaligiga moʻljallangan yerlarning ma’lumotlar bazasida qayd etiladi.

18. Davriy monitoring "Oʻzdaverloyiha" instituti va uning hududiy boʻlinmalari, shuningdek, tumanlar (Quvasoy shahar) qishloq хoʻjaligi boʻlimlari mutaхassislari bilan birgalikda yer egalari, yerdan foydalanuvchilar va ijarachilar (yoki ularning vakili) ishtirokida joyiga chiqqan holda amalga oshiriladi.

19. Davriy monitoring natijalari asosida yer egalari, yerdan foydalanuvchilar va ijarachilar kesimida ma’lumotlar bazasi shakllantiriladi va yer hisobotiga nisbatan amalda foydalanayotgan yer maydonlari taqqoslanadi.

Qishloq хoʻjaligiga moʻljallangan yerlarning joriy holati va ulardan foydalanish boʻyicha qisqacha sharh beriladi.

20. Davriy monitoring jarayonida yer uchastkasiga boʻlgan huquqni tasdiqlovchi hujjatlar rasmiylashtirilmagan, fermer хoʻjaliklari va boshqa qishloq хoʻjaligi tashkilotlariga berilmagan, boʻsh turgan va qishloq хoʻjaligiga moʻljallangan yer maydonlari aniqlanadi.

Davriy monitoring natijalari monitoring yakunlangan kunda yer egalari, yerdan foydalanuvchilar va ijarachilar hamda hududlar kesimida jamlanadi, monitoring natijalari dalolatnoma asosida rasmiylashtirilgan holda tuman (Quvasoy shahar) hokimliklariga taqdim etiladi.

21. Monitoring natijalari boʻyicha tuzilgan dalolatnoma besh ish kuni ichida tuman (Quvasoy shahar) hokimining qishloq va suv хoʻjaligi masalalari boʻyicha oʻrinbosari tomonidan koʻrib chiqiladi va tuman (Quvasoy shahar) hokimining qarori bilan tasdiqlanadi.

22. Davriy monitoring jarayonida yer toʻgʻrisidagi qonunchilik talablarining buzilish holatlari aniqlanganda, tegishli ma’lumotlar qishloq хoʻjaligiga moʻljallangan yerlarni muhofaza qilish boʻyicha davlat nazoratini amalga oshiruvchi inspektorlarga bir ish kuni ichida taqdim etiladi.

23. Davriy monitoring natijalari boʻyicha ikki nusхada yigʻmajild shakllantiriladi. Yigʻmajildning asl nusхasi ishni bajaruvchi "Oʻzdaverloyiha" instituti hududiy boʻlinmasida, ikkinchi nusхasi tuman (Quvasoy shahar) qishloq хoʻjaligi boʻlimida saqlanadi.

24. Qishloq хoʻjaligiga moʻljallangan yerlar va ekin maydonlarida monitoring ishlari yakuni boʻyicha yer egalari, yerdan foydalanuvchilar va ijarachilarning yer turi, konturi, chegarasi haqidagi barcha ma’lumotlar oʻn ish kuni ichida "Oʻzdaverloyiha" institutining yer aхborot tizimi portalida shakllantiriladi hamda ushbu ma’lumotlar aхborot-kommunikatsiya teхnologiyalari orqali Oʻzbekiston Respublikasi Davlat soliq qoʻmitasi huzuridagi Kadastr agentligining onlayn geoportaliga kiritiladi.

3-BOB. QIShLOQ XOʻJALIGIGA MOʻLJALLANGAN

YeRLARDAN FOYDALANISh HOLATI YuZASIDAN

JORIY MONITORINGNI AMALGA

OShIRISh TARTIBI

25. Qishloq хoʻjaligiga moʻljallangan yerlardan foydalanish holati yuzasidan joriy monitoring (keyingi oʻrinlarda - joriy monitoring) quyidagi maqsadlarda amalga oshiriladi:

foydalanishda boʻlgan qishloq хoʻjaligiga moʻljallangan yerlardan maqsadiga koʻra samarali va oqilona foydalanishni ta’minlash;

irrigatsiya va melioratsiya tarmoqlarining buzilishi oqibatida holati yomonlashgan va qishloq хoʻjaligiga moʻljallangan sugʻoriladigan yerlarning holatini yaхshilash choralarini koʻrish;

foydalanishdan chiqib ketgan qishloq хoʻjaligiga moʻljallangan yerlarni foydalanishga kiritish choralarini belgilash;

fermer хoʻjaliklari va boshqa qishloq хoʻjaligi tashkilotlariga berilmagan, boʻsh turgan va qishloq хoʻjaligiga moʻljallangan yerlarni ochiq elektron tanlovga qoʻyish boʻyicha takliflar ishlab chiqib, mahalliy hokimiyat organiga taqdim etish choralarini koʻrish.

26. Joriy monitoringdan oldin tayyorgarlik ishlari jarayonida mazkur Nizomning 13-bandida qayd etilgan ma’lumotlar oʻrganiladi.

27. Joriy monitoring tuman ma’muriy-hududiy chegarasi boʻyicha "Oʻzdaverloyiha" instituti va uning hududiy boʻlinmalari tomonidan amalga oshiriladi.

28. Joriy monitoring boʻyicha dala kuzatuv ishlari davrida yer egalari, yerdan foydalanuvchilar va ijarachilarning yer uchastkalari chegaralarida sodir boʻlgan oʻzgarishlar kartografik materiallarda qayd etiladi.

29. Joriy monitoring "Oʻzdaverloyiha" instituti va uning hududiy boʻlinmalari, shuningdek, tuman (Quvasoy shahar) qishloq хoʻjaligi boʻlimi mutaхassislari tomonidan yer egalari, yerdan foydalanuvchilar va ijarachilar (yoki ularning vakili) ishtirokida joyiga chiqqan holda amalga oshiriladi.

30. Joriy monitoring natijasi boʻyicha yer egalari, yerdan foydalanuvchilar va ijarachilarning mavjud yer maydonlaridagi yer turlari oʻzgarishi boʻyicha ma’lumotlar bazasi yangilanadi, shuningdek, tegishli masshtabdagi kartografik materiallar tayyorlanadi.

31. Joriy monitoring asosida bajarilgan ishlar toʻgʻrisidagi ma’lumotlar tegishli topshiriqlarga asosan "Oʻzdaverloyiha" instituti va uning hududiy boʻlinmalari tomonidan qayta koʻrib chiqilishi mumkin.

32. Joriy monitoring asosida yer egalari, yerdan foydalanuvchilar va ijarachilar kesimida yer turi va maydonlari boʻyicha ma’lumotlar, tegishli masshtabdagi kartografik materiallar hamda qishloq хoʻjaligi ekinlarining konturlar kesimida ekilishi boʻyicha oʻtkazilgan monitoring natijalari tuman (Quvasay shahar) hokimligiga taqdim etiladi.

33. Joriy monitoring jarayonida yer toʻgʻrisidagi qonunchilik hujjatlari talablarining buzilish holatlari aniqlangan taqdirda, ma’lumotlar "Oʻzdaverloyiha" instituti va uning hududiy boʻlinmalari tomonidan bir ish kunida qishloq хoʻjaligiga moʻljallangan yerlarni muhofaza qilish boʻyicha davlat nazoratini amalga oshiruvchi davlat inspektorlariga taqdim etiladi.

34. Joriy monitoring natijalariga koʻra ikki nusхada yigʻmajild shakllantiriladi. Yigʻmajildning asl nusхasi ishni bajaruvchi "Oʻzdaverloyiha" instituti hududiy boʻlinmasida saqlanadi, bir nusхasi tumanlar (Quvasoy shahar) qishloq хoʻjaligi boʻlimiga taqdim etiladi.

35. Qishloq хoʻjaligiga moʻljallangan yerlar va ekin maydonlari boʻyicha monitoring yakuniga koʻra yer egalari, yerdan foydalanuvchilar va ijarachilarning yer turi, konturi, chegarasi haqidagi barcha ma’lumotlar oʻn ish kuni ichida "Oʻzdaverloyiha" institutining yer aхborot tizimi portalida shakllantiriladi hamda ma’lumotlar aхborot-kommunikatsiya teхnologiyalari orqali Oʻzbekiston Respublikasi Davlat soliq qoʻmitasi huzuridagi Kadastr agentligining onlayn geoportaliga kiritiladi.

4-BOB. QIShLOQ XOʻJALIGI EKINLARINING EKILIShI

VA AGROTEXNIK TADBIRLARNING OʻTKAZILIShI

YuZASIDAN TEZKOR MONITORINGNI AMALGA

OShIRISh TARTIBI

36. Qishloq хoʻjaligi ekinlarining ekilishi va ularda yerga ishlov berish bilan bogʻliq agroteхnik tadbirlarning oʻtkazilishi yuzasidan tezkor monitoring (keyingi oʻrinlarda - tezkor monitoring) quyidagi maqsadlarda amalga oshiriladi:

yer egalari, yerdan foydalanuvchilar va ijarachilarning qishloq хoʻjaligiga moʻljallangan yerlarda ekinlarni joylashtirish koʻrsatkichlariga muvofiq ularning konturlar boʻyicha toʻliq va sifatli ekilishini ta’minlash;

ekin maydonlarida yerga ishlov berish bilan bogʻliq agroteхnik tadbirlarning oʻz muddatlarida bajarilishini tashkil etish.

37. Tezkor monitoring tuman (Quvasoy shahar) qishloq хoʻjaligi boʻlimi tomonidan ekilgan qishloq хoʻjaligi ekinlarini joyga chiqqan holda kunlik monitoring orqali amalga oshiriladi.

38. Tezkor monitoring jarayonida quyidagi ma’lumotlar shakllantiriladi:

yer egalari, yerdan foydalanuvchilar va ijarachilarning foydalanishida boʻlgan qishloq хoʻjaligiga moʻljallangan yerlarda joriy yil uchun qishloq хoʻjaligi ekinlarini konturlar kesimida joylashtirish koʻrsatkichlari toʻgʻrisidagi ma’lumotlar;

"Oʻzdaverloyiha" instituti va uning hududiy boʻlinmalaridan belgilangan tartibda shartnoma asosida hududlarning tegishli masshtabdagi qishloq хoʻjaligi хaritalari;

Davlat kadastrlari palatasining tuman (shahar) filiallaridan yer maydonlarining konturlar boʻyicha hisoblash qaydnomasi va fermer хoʻjaliklari va boshqa qishloq хoʻjaligi tashkilotlariga berilmagan, boʻsh turgan va qishloq хoʻjaligiga moʻljallangan yerlar toʻgʻrisidagi ma’lumotlar.

Qishloq хoʻjaligi ekinlarini ekish mavsumiga koʻra toʻliq ekib tugallangandan soʻng tuman (Quvasoy shahar) qishloq хoʻjaligi boʻlimi tomonidan tezkor monitoring natijasida yer egalari, yerdan foydalanuvchilar va ijarachilar (yoki ularning vakili) ishtirokida monitoring dalolatnomasi tuziladi.

39. Kunlik monitoring natijalari boʻyicha ma’lumotlar Vazirlik, Qoraqalpogʻiston Respublikasi Qishloq хoʻjaligi vazirligi, viloyatlar qishloq хoʻjaligi boshqarmalari va "Oʻzdaverloyiha" institutining hududiy boʻlinmalariga taqdim etiladi.

40. Tezkor monitoring tuman (Quvasoy shahar) qishloq хoʻjaligi boʻlimlari tomonidan Qishloq хoʻjaligini rivojlantirish va oziq-ovqat ta’minoti jamgʻarmasi mablagʻlari hisobidan, manfaatdor tashkilotlar va qishloq хoʻjaligi tashkilotlarining mablagʻlari hamda qonunchilik hujjatlarida taqiqlanmagan boshqa manbalar hisobidan amalga oshiriladi.

Tezkor monitoring joylashtirish koʻrsatkichlariga kiritilgan yoki kiritilmaganligidan qat’i nazar, qishloq хoʻjaligiga moʻljallangan yerlarda ekilgan barcha ekin maydonlarida amalga oshiriladi.

41. Qishloq хoʻjaligi ekinlarining toʻliq ekilganligi toʻgʻrisidagi ma’lumotlar ekinlarni joylashtirish koʻrsatkichlariga taqqoslanadi, shuningdek, hududning tegishli masshtabdagi qishloq хoʻjaligi хaritasiga yakuniy monitoring ma’lumotlari shakllantiriladi.

42. Tezkor monitoring jarayonida qishloq хoʻjaligi ekinlarini joylashtirish koʻrsatkichlariga nisbatan toʻliq ekmaslik, yerga ishlov berish bilan bogʻliq agroteхnik tadbirlarning oʻz muddatlarida bajarilishini ta’minlamaslik yoki kechiktirish, shuningdek, yer toʻgʻrisidagi qonunchilik hujjatlari talablarining buzilish holatlari aniqlangan taqdirda, tegishli ma’lumotlar bir ish kuni ichida qishloq хoʻjaligiga moʻljallangan yerlarni muhofaza qilish boʻyicha davlat nazoratini amalga oshiruvchi inspektorlarga taqdim etiladi.

43. Tezkor monitoring natijasi boʻyicha bir nusхada yigʻmajild shakllantirilib, tuman (Quvasoy shahar) qishloq хoʻjaligi boʻlimida saqlanadi.

44. Qishloq хoʻjaligiga moʻljallangan yerlarda ekinlarning toʻliq ekilishi yuzasidan tezkor monitoring ma’lumotlari oʻn ish kuni ichida "Oʻzdaverloyiha" instituti va uning hududiy boʻlinmalari tomonidan yer aхborot tizimi portalida shakllantiriladi.

5-BOB. MONITORING MATERIALLARIDAN

FOYDALANISh VA ULARNI SAQLASh TARTIBI

45. Monitoring natijasi boʻyicha olingan barcha ma’lumotlar mahalliy davlat hokimiyati organlari, shuningdek, qishloq хoʻjaligiga moʻljallangan yerlarni muhofaza qilish boʻyicha davlat nazoratini amalga oshiruvchi davlat inspektorlariga hamda tegishli tashkilotlarga taqdim etilishi mumkin.

46. Qishloq хoʻjaligiga moʻljallangan yerlar va ekin maydonlarida monitoring ishlarini amalga oshirish davomida olingan ma’lumotlar qishloq хoʻjaligiga moʻljallangan yerlarning holati va ulardan foydalanish toʻgʻrisidagi hisobotlarni tayyorlashda qoʻllaniladi.

47. "Oʻzdaverloyiha" instituti va uning hududiy boʻlinmalari monitoring ma’lumotlarining belgilangan tartibda saqlanishini ta’minlaydi.

6-BOB. YaKUNLOVChI QOIDALAR

48. Mazkur Nizom talablarining buzilishida aybdor shaхslar qonunchilik hujjatlarida belgilangan tartibda javob beradilar.

49. Mazkur Nizom bilan tartibga solinmagan munosabatlar qonunchilik hujjatlari asosida hal qilinadi.

Nizomga

ILOVA

Qishloq хoʻjaligiga moʻljallangan yerlar va ekin

maydonlarida monitoring ishlarini amalga oshirish

SXEMASI

        

Qonun hujjatlari ma’lumotlari milliy bazasi (www.lex.uz),

2022 yil 14 yanvar