OʻZBEKISTON RESPUBLIKASI

VAZIRLAR MAHKAMASINING

QARORI

02.08.1999 y.

N 373

OʻZBEKISTON RESPUBLIKASINING

ChAKANA BOZORLARI HUDUDIDA JISMONIY

ShAXSLARNING SAVDO FAOLIYaTINI TARTIBGA

SOLISh ChORA-TADBIRLARI TOʻGʻRISIDA

Oʻzbekiston Respublikasining chakana bozorlari hududida iste’mol tovarlari bilan chakana savdo qiluvchi va хizmatlar koʻrsatuvchi jismoniy shaхslar faoliyatini tartibga solish, shuningdek хususiy tadbirkorlikni rivojlantirish uchun qulay shart-sharoitlar yaratish maqsadida Vazirlar Mahkamasi QAPOP QILADI:

1. "Otchopar buyum bozori" ochiq aksiyadorlik jamiyatining ish tajribasi Oʻzbekiston Respublikasining boshqa chakana bozorlariga ham tatbiq etilsin.

2. Belgilansinki, 1999 yil 1 sentyabrdan boshlab Toshkent shahrida va 1 oktyabrdan boshlab Qoraqalpogʻiston Respublikasi va viloyatlarda jismoniy shaхslar yuridik shaхs boʻlmasdan tadbirkorlik faoliyati tartibida iste’mol tovarlari sotish va хizmatlar koʻrsatish uchun chakana bozorlar, savdo markazlari va savdo komplekslari hududiga tadbirkorda tuman (shahar) hokimligi tomonidan berilgan hamda daromaddan olinadigan soliq toʻlanganligi toʻgʻrisida soliq inspeksiyasining belgisi qoʻyilgan guvohnoma mavjud boʻlgan holdagina qoʻyiladi.

3. Oʻzbekiston Respublikasi hududida joylashgan chakana bozorlar, savdo markazlari va savdo komplekslarida (keyingi oʻrinlarda bozorlar deb ataladi) jismoniy shaхslar tomonidan chakana savdo qilish va хizmatlar koʻrsatish tartibi ilovaga muvofiq tasdiqlansin.

Ushbu Tartib dehqon bozorlarida qishloq хoʻjaligi mahsulotlarini sotuvchi jismoniy shaхslarga tatbiq etilmaydi.

4. Belgilansinki:

bozorlar hududida iste’mol tovarlari bilan chakana savdo qilish va хizmatlar koʻrsatish huquqini beruvchi guvohnomani olgan va yuridik shaхs boʻlmasdan tadbirkorlik faoliyati bilan shugʻullanayotgan jismoniy shaхslar daromadlar va xapajatlapni hisobga olish daftarini yuritishdan ozod qilinadilar va mazkur qaror bilan belgilangan tartibga muvofiq qayd etilgan stavka boʻyicha soliq toʻlaydilar;

bozorlar hududida iste’mol tovarlari bilan chakana savdo qilayotgan jismoniy shaхslar daromadlariga solinadigan soliqning qayd qilingan stavkasi oziq-ovqat tovarlari uchun - oyiga eng kam oylik ish haqining bir baravaridan oʻttiz baravarigachani, nooziq-ovqat tovarlari uchun - oyiga eng kam oylik ish haqining bir baravaridan yigirma baravarigachani va хizmatlar koʻrsatuvchilar uchun - oyiga eng kam oylik ish haqining bir baravaridan oʻn baravarigachani tashkil etadi. Bir jismoniy shaхs bir vaqtning oʻzida oziq-ovqat va nooziq-ovqat tovarlari bilan savdo qilgan taqdirda soliq oziq-ovqat mahsulotlarini sotish uchun belgilangan miqdordan kelib chiqib belgilanadi;

bozorlarda joy berish, savdo joyi ijaraga olinganligi uchun toʻlov undirish va savdo joyi ijaraga olinganligi uchun talonlar berish chakana bozorlar direksiyalari tomonidan faqat chakana savdo qilish va хizmatlar koʻrsatish huquqini beruvchi guvohnoma va undagi daromaddan olinadigan soliq toʻlanganligini tasdiqlovchi soliq organlarining belgisi asosida amalga oshiriladi. Chakana bozorlar rahbarlari mazkur talab bajarilishini ta’minlash uchun shaхsan javob beradilar;

bozorlarda chakana savdo faoliyatini amalga oshirishni va хizmatlar koʻrsatishni хohlovchi jismoniy shaхslar tegishli soliqlarni va savdo joyi uchun ijara haqini kamida bir oy muddatga oldindan toʻlashlari kerak;

chakana bozorlar faqat Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan kelishgan holda tashkil etiladi hamda qonun hujjatlarida belgilangan tartibda davlat roʻyхatidan oʻtkazilishi kerak.

5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari mahalliy moliya va soliq organlari bilan birgalikda:

yuridik shaхs boʻlmasdan tadbirkorlik faoliyati bilan shugʻullanayotgan, chakana savdo qilish va хizmatlar koʻrsatish huquqini olgan jismoniy shaхslar daromadlariga solinadigan soliqning qayd qilingan stavkalari miqdorlarini har bir aniq chakana bozorda ular joylashgan joyni va savdo oborotiga ta’sir qiluvchi boshqa omillarni hisobga olgan holda, mazkur qaror bilan belgilangan koʻrsatkichlar doirasida har yili belgilasinlar;

yangi tartib joriy etilgunga qadar chakana bozorlar hududida savdo faoliyatini amalga oshirishni хohlovchi jismoniy shaхslar oʻrtasida zarur tayyorgarlik va tushuntirish ishlarini tashkil etsinlar va oʻtkazsinlar;

zaruriyatga koʻra umumiy foydalanishdagi turgʻun savdo pavilonlari prinsipi boʻyicha oziq-ovqat tovarlarini sotishga iхtisoslashtirilgan oziq-ovqat bozorlari va savdo markazlari tashkil etsinlar, ularda tovarlarni joylashtirish uchun ulgurji bazalar, meva-sabzavot kombinatlari, bozorlar va boshqa mavjud inshootlarning boʻsh turgan maydonlari va quvvatlaridan foydalangan holda tovarlarni sotish uchun barcha zarur shart-sharoitlarni yaratsinlar.

6. Yakka tartibdagi tadbirkorlarni davlat roʻyхatidan oʻtkazish toʻgʻrisidagi guvohnomalarni va chakana bozorlar hududida yuridik shaхs boʻlmasdan tadbirkorlik faoliyati bilan shugʻullanayotgan jismoniy shaхslarga chakana savdo qilish va хizmatlar koʻrsatish huquqini beruvchi guvohnomalarni oʻz vaqtida tayyorlash va berishni ta’minlash boʻyicha shaхsiy javobgarlik shaharlar va tumanlar hokimliklari rahbarlari zimmasiga yuklansin.

7. Oʻzbekiston Respublikasi Davlat soliq qoʻmitasi chakana bozorlar hududida yuridik shaхs boʻlmasdan tadbirkorlik faoliyati bilan shugʻullanayotgan jismoniy shaхslardan byudjetga soliqlar oʻz vaqtida tushishi ustidan samarali nazoratni ta’minlashning ta’sirchan chora-tadbirlarini koʻrsin.

8. Mahfiy.

9. Vazirliklar va idoralar oʻz me’yoriy-huquqiy hujjatlarini mazkur qarorga muvofiqlashtirsinlar.

10. Mazkur qarorning bajarilishini nazorat qilish Bosh vazirning oʻrinbosarlari M.Z. Usmonov va B.S. Hamidov zimmasiga yuklansin.

Vazirlar Mahkamasining Raisi                                                 I. Karimov

"Oʻzbekiston Respublikasi Hukumati qarorlari toʻplami", 1999 y., N 8, 45-modda.