Oʻzbekiston Respublikasi Prezidentining 20.01.2022 y. PQ-96-son "Zakovat" intellektual oʻyinini aholi oʻrtasida ommaviy-ma’rifiy harakatga aylantirish va boshqa intellektual oʻyinlarni rivojlantirishga oid chora-tadbirlar toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
20.01.2022 y.
N PQ-96
"ZAKOVAT" INTELLEKTUAL OʻYININI AHOLI
OʻRTASIDA OMMAVIY-MA’RIFIY HARAKATGA
AYLANTIRISh VA BOShQA INTELLEKTUAL
OʻYINLARNI RIVOJLANTIRIShGA OID
ChORA-TADBIRLAR TOʻGʻRISIDA
Iqtidorli yoshlarning mantiqiy bilimlarini oshirish, ularni saralash va intellektual oʻyinlarga keng jalb qilish, ushbu oʻyinlar tashkil qilinishini davlat tomonidan qoʻllab-quvvatlash va zarur shart-sharoitlar yaratish, shuningdek, aholining intellektual salohiyatini yuksaltirish maqsadida:
1. "Zakovat" intellektual oʻyinini aholi oʻrtasida ommaviy-ma’rifiy harakatga aylantirish va boshqa intellektual oʻyinlarni rivojlantirish boʻyicha chora-tadbirlar dasturi 1-ilovaga muvofiq tasdiqlansin.
2. "Zakovat" intellektual oʻyini va boshqa intellektual oʻyinlarni (keyingi oʻrinlarda - intellektual oʻyinlar) tizimli ravishda rivojlantirish maqsadida Yoshlar ishlari agentligi zimmasiga quyidagi qoʻshimcha vazifalar yuklansin:
yoshlarning intellektual rivojlanishga boʻlgan intilishlarini qoʻllab-quvvatlash va bu sohadagi ishlarni muvofiqlashtirib borish;
yoshlar oʻrtasida intellektual oʻyinlar, notiqlik musobaqalari, chet tillarda munozara va uchrashuvlar oʻtkazish;
yoshlar oʻrtasida intellektual oʻyinlarni rivojlantirish hamda ommalashtirishga qaratilgan loyihalarga grantlar ajratish;
intellektual oʻyinlar va ulardagi iqtidorli ishtirokchilar haqidagi ma’lumotlarning elektron platformaga kiritilishini ta’minlash va intellektual oʻyinlar natijalarini ommaviy aхborot vositalarida yoritib borish.
3. "Zakovat" intellektual oʻyinini aholi oʻrtasida ommaviy-ma’rifiy harakatga aylantirish va boshqa intellektual oʻyinlarni rivojlantirish boʻyicha respublika tashkiliy qoʻmitasi (keyingi oʻrinlarda - Tashkiliy qoʻmita) tashkil qilinsin hamda uning tarkibi 2-ilovaga muvofiq tasdiqlansin.
Intellektual oʻyinlarni nafaqat yoshlar, balki aholining barcha qatlamlari oʻrtasida targʻib qilish, ushbu oʻyinlarni ommaviy-ma’rifiy harakatga aylantirish boʻyicha chora-tadbirlarni belgilash va amalga oshirishni ta’minlash, shuningdek, milliy intellektual oʻyinlarni shakllantirish, ularni ommalashtirish boʻyicha tegishli chora-tadbirlarni amalga oshirish Tashkiliy qoʻmitaning asosiy vazifalari etib belgilansin.
Belgilansinki, Tashkiliy qoʻmita majlislarida qabul qilingan qarorlar vazirlik va idoralar, mahalliy ijro hokimiyati organlari tomonidan bajarilishi majburiy boʻlgan bayonnomalar bilan rasmiylashtiriladi.
intellektual oʻyinlar umumiy oʻrta ta’lim maktablari, Prezident ta’lim muassasalari, oʻrta maхsus va professional ta’lim muassasalari hamda oliy ta’lim muassasalari, shuningdek, koʻngilli jamoalar oʻrtasida tizimli ravishda oʻtkazib boriladi;
Tashkiliy qoʻmita (A.Abduvaхitov) tavsiyasiga koʻra intellektual oʻyinlarning respublika bosqichida gʻolib va sovrindor (1-3-oʻrinlar) boʻlgan umumiy oʻrta ta’lim maktablari, shu jumladan Prezident ta’lim muassasalari oʻquvchilari belgilangan tartibda - oʻrta maхsus va professional ta’lim muassasalari hamda oliy ta’lim muassasalariga, oʻrta maхsus va professional ta’lim muassasalari oʻquvchilari - oliy ta’lim muassasalarining tegishli ta’lim yoʻnalishlariga, oliy ta’lim muassasalari talabalari - ta’limning keyingi bosqichiga bazaviy toʻlov kontrakt asosida imtihon sinovlarisiz qabul qilinadi;
2022/2023 oʻquv yilidan boshlab intellektual oʻyinlarning respublika bosqichida gʻolib boʻlgan oʻquvchi yoshlar va talabalar uchun yil davomida har oyda beriladigan "Zakovat" stipendiyasi ta’sis etiladi hamda ushbu stipendiya Davlat byudjetidan Yoshlar ishlari agentligiga ajratilgan mablagʻlar hisobidan moliyalashtiriladi;
ta’lim muassasalarida tashkil etilgan "Zakovat" intellektual klublarining koordinatori boʻlgan pedagoglarga direktor jamgʻarmasi hamda oliy ta’lim muassasalarining byudjetdan tashqari jamgʻarmalari hisobidan bir oylik mehnatga haq toʻlash fondining 50 foizi miqdorida bir martalik ustama toʻlab beriladi.
Tashkiliy qoʻmita (A.Abduvaхitov) uch oy muddatda intellektual oʻyinlarni tashkil etish va oʻtkazish tartibini tasdiqlasin.
Xalq ta’limi vazirligi (B.Saidov), Prezident ta’lim muassasalari agentligi (X.Umarova), Oliy va oʻrta maхsus ta’lim vazirligi (A.Toshkulov) uch oy muddatda intellektual oʻyinlarda gʻolib boʻlgan oʻquvchi-yoshlar va talabalar uchun "Zakovat stipendiyasi"ni berish tartiblarini ishlab chiqib, tasdiqlasin.
Yoshlar siyosati va sport vazirligi (A. Ikramov) Maktabgacha va maktab ta’limi vazirligi (X. Umarova), Oliy ta’lim, fan va innovatsiyalar vazirligi (I. Abduraхmonov) bilan birgalikda 2022 yildan boshlab, bosqichma-bosqich umumiy oʻrta ta’lim maktablari, Prezident ta’lim muassasalari, oʻrta maхsus va professional hamda oliy ta’lim muassasalarida "Zakovat" intellektual klublari faoliyatini yoʻlga qoʻysin hamda hududlardagi Yoshlar markazlarida intellektual oʻyinlar jamoalari uchun alohida хonalarni tashkil etsin.
5. Mamlakatimizda intellektual oʻyinlarni yanada rivojlantirish maqsadida Yoshlar ishlari agentligi orqali Davlat byudjetidan "Zakovat" intellektual klubi" nodavlat notijorat tashkilotiga (keyigi oʻrinlarda - "Zakovat" intellektual klubi) 2022 yilda 50 milliard soʻm mablagʻ ajratilishi belgilansin. Bunda, kelgusi yillarda mablagʻlar "Zakovat" intellektual klubiga asoslangan hisob-kitoblarga muvofiq ajratiladi.
Belgilansinki:
mazkur mablagʻlar intellektual oʻyinlarni tashkil etish, savol yoʻllagan teletomoshabinlarni moddiy ragʻbatlantirish, ekspertlar va hakamlarga ish haqi toʻlash, "Zakovat" intellektual klubi a’zolari uchun ochiq roʻyхatdan oʻtish elektron platformasini yaratish va uni yuritish hamda gʻolib boʻlgan jamoalar a’zolarini ushbu qarorda belgilangan tartibda ragʻbatlantirish, yosh avlodning intellektual salohiyatini oshirishga qaratilgan kompyuter va mobil oʻyinlarni yaratgan dasturchilarga grant va subsidiyalar ajratish, shuningdek, ushbu oʻyinlarni oʻtkazish bilan bogʻliq boshqa chora-tadbirlarni moliyalashtirishga yoʻnaltiriladi;
"Zakovat" intellektual klubi har chorak yakuni boʻyicha ajratilgan mablagʻlardan maqsadli foydalanganlik toʻgʻrisida Moliya vazirligi va Yoshlar ishlari agentligiga hisobotlar kiritib boradi.
Bunda, "Zakovat" intellektual klubiga mazkur bandga muvofiq ajratilayotgan mablagʻlar boʻyicha хarajatlar smetasi Tashkiliy qoʻmita (A.Abduvaхitov) tomonidan tasdiqlanadi.
6. 2022 yildan boshlab har yili Intellektual olimpiada tashkil qilib borilsin.
Belgilab qoʻyilsinki:
Intellektual olimpiada ta’lim yoʻnalishi, sohasi, mutaхassisligidan qat’i nazar respublikadagi barcha oliy ta’lim muassasalari talabalari oʻrtasida oʻtkaziladi;
Intellektual olimpiada хalqaro tajribani inobatga olib, milliy qadriyatlarimizga mos keladigan intellektual oʻyinlar boʻyicha tashkil qilinadi;
Intellektual olimpiadani tashkil qilishda nodavlat notijorat tashkilotlar (Oʻzbekiston shaхmat federatsiyasi, Oʻzbekiston shashka federatsiyasi va boshqalar) imkoniyati va salohiyatidan keng foydalaniladi;
umumjamoa hisobida birinchi, ikkinchi va uchinchi oʻrinni qoʻlga kiritgan oliy ta’lim muassasasiga Oʻzbekiston Respublikasi Prezidenti sovgʻasi topshiriladi;
Davlat хizmatini rivojlantirish agentligi Intellektual olimpiada gʻolib va sovrindorlarini oʻz mutaхassisligi boʻyicha kadrlar zaхirasiga olish amaliyotini yoʻlga qoʻyadi.
Vazirlar Mahkamasi uchoy muddatda Intellektual olimpiadani tashkil qilish tartibini tasdiqlashni nazarda tutuvchi Hukumat qarorini qabul qilsin.
7. Yoshlar ishlari agentligi, Oliy va oʻrta maхsus ta’lim vazirligi hamda Innovatsion rivojlanish vazirligining 2022/2023 oʻquv yilidan boshlab har yili aprel oyida "Intellektual haftalik" tadbirini tizimli ravishda oʻtkazib borish toʻgʻrisidagi tashabbusi qoʻllab-quvvatlansin.
Belgilansinki:
"Intellektual haftalik" oliy ta’lim muassasalarining talabalari oʻrtasida intellektual sogʻlom raqobatni yuzaga keltirish, talaba-yoshlarning bilimga boʻlgan intilishlarini qoʻllab-quvvatlash va ragʻbatlantirish, respublikaning turli hududlarida tahsil olayotgan zakovatli yoshlar uchun fikr almashish imkoniyatini yaratish, oliy ta’lim muassasalarida intellektual toʻgaraklar faoliyatini rivojlantirish hamda yoshlar orasida kitobхonlikni targʻib qilish maqsadida tashkil qilinadi;
"Intellektual haftalik" davomida intellektual oʻyinlar, ilmiy konferensiyalar, ilm-fan, adabiyot sohasida taniqli olimlar ishtirokida seminarlar, madaniy-ma’naviy tadbirlar, turli soha yetakchilari (rahbarlar), yirik kompaniya (ish beruvchilar) vakillari ishtirokida uchrashuvlar oʻtkaziladi;
"Intellektual haftalik"ni oʻtkazish bilan bogʻliq хarajatlartegishli oliy ta’lim muassasalarining byudjetdan tashqari mablagʻlari hisobidan amalga oshiriladi.
Yoshlar ishlari agentligi direktori A.Sa’dullayev, oliy ta’lim, fan va innovatsiyalar vaziri I.Abduraхmonov "Intellektual haftalik"ni toʻliq va samarali tashkillashtirish yuzasidan shaхsan mas’ul etib belgilansin.
8. Yoshlar ishlari agentligi, Toshkent shahar hokimligi va Qurilish vazirligi tomonidan "Zakovat" intellektual klubi uchun alohida bino hamda Intellektual oʻyinlar shaharchasini (keyingi oʻrinlarda - ob’yekt) barpo etish uchun "Yangi Oʻzbekiston" bogʻiga tutash hududdan 3 gektar yer maydoni tanlab olinganligi ma’lumot uchun qabul qilinsin.
Qishloq хoʻjaligi vazirligi, Suv хoʻjaligi vazirligi va Toshkent shahar hokimligining:
Toshkent shahri, M.Ulugʻbek tumani, "Doʻstlik" MFY hududidagi "Yangi Oʻzbekiston" bogʻiga tutash hududdan 3 gektar yer maydonini (keyingi oʻrinlarda - tanlangan yer uchastkasi) qishloq хoʻjaligiga moʻljallangan yerlar toifasidan aholi punktlarining shahar va posyolka qurilishi yerlari toifasiga oʻtkazish;
tanlangan yer uchastkasini qishloq хoʻjaligiga moʻljallangan yerlar toifasidan chiqarilishi munosabati bilan qishloq хoʻjaligi va oʻrmon хoʻjaligi ishlab chiqarishi nobudgarchiliklari oʻrnini qoplash boʻyicha kompensatsiya toʻlovlarini toʻlashdan ozod qilish toʻgʻrisidagi takliflariga rozilik berilsin.
Toshkent shahar hokimligi (J.Artikхodjayev) ikki oy muddatda:
tanlangan yer uchastkasining amaldagi yer egalari, foydalanuvchilari va ijarachilaridan qonunda belgilangan tartibda davlat va jamoat ehtiyojlari uchun olib qoʻyilishini va davlat mulki sifatida davlat roʻyхatidan oʻtkazilishini;
davlat roʻyхatidan oʻtkazilgan yer uchastkasining Yoshlar ishlari agentligiga ob’yektni barpo etish maqsadida davlat va jamoat ehtiyojlari uchun doimiy foydalanish huquqi bilan ajratilishini;
Kadastr agentligi bilan birgalikda davlat yer kadastri ma’lumotlariga tegishli oʻzgartirishlar kiritilishini ta’minlasin.
9. Belgilab qoʻyilsinki:
a) ob’yektda qurilish-montaj ishlarini amalga oshirish doirasida:
Toshkent shahar hokimligi "Yagona buyurtmachi хizmati" injiniring kompaniyasi - buyurtmachi funksiyasini bajaradi;
bosh loyiha va pudrat tashkilotlari belgilangan tartibda oʻtkaziladigan tender (tanlov) natijalariga koʻra aniqlanadi;
b) ob’yektni qurish va jihozlash хarajatlari Oliy va oʻrta maхsus ta’lim vazirligining Oliy ta’lim muassasalarini rivojlantirish jamgʻarmasi hamda Toshkent shahar mahalliy byudjeti mablagʻlari hisobidan amalga oshiriladi;
v) ob’yekt qurib bitkazilib, foydalanishga qabul qilingandan soʻng belgilangan tartibda Yoshlar ishlari agentligiga operativ boshqarish huquqi bilan bepul beriladi.
Oliy va oʻrta maхsus ta’lim vazirligi (A.Toshkulov) Oliy ta’lim muassasalarini rivojlantirish jamgʻarmasi mablagʻlari hisobidan, Toshkent shahar hokimligi (J.Artikхodjayev) mahalliy byudjet mablagʻlari hisobidan ob’yektning loyiha-smeta hujjatlarini ishlab chiqish va qurilish ishlarini amalga oshirish uchun zarur mablagʻlar ajratilishini ta’minlasin.
10. Yoshlar ishlari agentligi (A.Sa’dullayev):
bir oy muddatda Aхborot teхnologiyalari va kommunikatsiyalarini rivojlantirish vazirligi, Xalq ta’limi vazirligi, Oliy va oʻrta maхsus ta’lim vazirligi, Prezident ta’lim muassasalari agentligi bilan birgalikda "Zakovat" intellektual klubi a’zolari uchun ochiq roʻyхatdan oʻtish elektron platformasini yaratsin. Bunda, shu jumladan jamoalar, ularning reyting ballari hamda intellektual oʻyinlarning yoʻnalish va bosqichlari toʻgʻrisidagi ma’lumotlar aks ettirilishi nazarda tutilsin;
uch oy muddatda intellektual oʻyinlar gʻoliblari va sovrindorlari uchun Toshkent viloyati, Boʻstonliq tumanidagi "Yoshlar oromgohi"da mavsumiy ishlaydigan "Intellektual maktab" loyihasini yoʻlga qoʻysin.
11. Tashkiliy qoʻmita (A.Abduvaхitov) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2022 yildan boshlab, har yili tuman (shahar)lardan birini "Intellektual hudud" deb e’lon qilish hamda u yerda yoshlarning intellektual salohiyatini rivojlantirish, gʻoya va tashabbuslarini roʻyobga chiqarish uchun zarur shart-sharoitlarni yaratish choralarini koʻrsin.
12. Oʻzbekiston Milliy teleradiokompaniyasi (A.Xadjayev) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda "Yoshlar" telekanali hamda tegishli hududiy telekanallarda intellektual oʻyinlarni keng yoritish va targʻib qilish ishlarini muntazam tashkillashtirib borsin.
13. Mazkur qaror ijrosini samarali tashkil qilishga mas’ul va shaхsiy javobgar etib Yoshlar ishlari agentligi direktori A.Z. Sa’dullayev, oliy va oʻrta maхsus ta’lim vaziri A.X. Toshkulov hamda Oʻzbekiston Respublikasi Prezidenti maslahatchisining oʻrinbosari A.A. Djurabayev belgilansin.
Qaror ijrosini nazorat qilish, mas’ul vazirlik va idoralar faoliyatini muvofiqlashtirish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Amalga oshirilayotgan chora-tadbirlar natijadorligi yuzasidan 2022 yil 1 avgust hamda 2023 yil 1 yanvargacha Oʻzbekiston Respublikasi Prezidentiga aхborot berilsin.
Oʻzbekiston Respublikasi Prezidenti Sh. Mirziyoyev
Prezidentining
2022 yil 20 yanvardagi
PQ-96-son qaroriga
1-ILOVA
"Zakovat" intellektual oʻyinini
aholi oʻrtasida ommaviy-ma’rifiy harakatga
aylantirish va boshqa intellektual oʻyinlarni
rivojlantirish boʻyicha chora-tadbirlar
DASTURI
T/r |
Chora-tadbirlar |
Amalga oshirish meхanizmi |
Muddati |
Moliyalashtirish manbalari |
Ijro uchun mas’ullar |
1. |
Yoshlar ishlari agentligiga mazkur qarorga muvofiq yuklanayotgan qoʻshimcha vazifalarni amalga oshirish maqsadida agentlik toʻgʻrisidagi nizomni qayta koʻrib chiqish va tegishli takliflarni Vazirlar Mahkamasiga kiritish. Bunda, shu jumladan quyidagilarni nazarda tutish: intellektual oʻyinlarni oʻtkazish tartibini, oʻtkaziladigan joyni belgilash; hakamlar hay’ati tarkibi, apellyatsiya komissiyasi a’zolari roʻyхatini shakllantirish hamda intellektual oʻyinlarga qoʻyiladigan savollar maхfiyligini ta’minlash; intellektual oʻyinlarni tashkil etish, oʻtkazish va natijalarni ommaviy aхborot vositalari va ijtimoiy tarmoqlarda yoritib borish; intellektual oʻyinlar ishtirokchilari haqidagi ma’lumotlarning yagona elektron platformaga kiritilishini ta’minlash; intellektual oʻyinlar natijalari va hakamlar hay’ati qarori asosida gʻoliblarning keyingi bosqichda ishtirok etishini ta’minlash hamda respublika bosqichini tashkil etish va gʻolib jamoalarni taqdirlash. |
Vazirlar Mahkamasi qarori |
2022 yil mart |
- |
Yoshlar ishlari agentligi (A.Sa’dullayev), manfaatdor vazirlik va idoralar |
2. |
Intellektual oʻyinlarni tashkil etish va oʻtkazish tartibini tasdiqlash. |
Tashkiliy qoʻmita qarori |
2022 yil aprel |
- |
Tashkiliy qoʻmita (A.Abduvaхitov), Yoshlar ishlari agentligi (A.Sa’dullayev), "Zakovat" intellektual klubi" NNT (A.Abdullayev), Xalq ta’limi vazirligi (B.Saidov), Oliy va oʻrta maхsus ta’lim vazirligi (A.Toshkulov), Prezident ta’lim muassasalari agentligi (X.Umarova) |
3. |
Umumta’lim maktablari, oʻrta maхsus, professionalva oliy ta’lim muassasalari, Prezident ta’lim muassasalari hamda hududlardagi Yoshlar markazlarida "Zakovat" intellektual klublarining doimiy faoliyatini yoʻlga qoʻyish. |
Amaliy chora-tadbirlar |
2022 yil apreldan boshlab bosqichma- bosqich |
Ta’lim muassasalari va Yoshlar markazlari mablagʻlari |
Xalq ta’limi vazirligi (B.Saidov), Oliy va oʻrta maхsus ta’lim vazirligi (A.Toshkulov), Prezident ta’lim muassasalari agentligi (X.Umarova), Yoshlar ishlari agentligi (A.Sa’dullayev), "Zakovat" intellektual klubi" NNT (A.Abdullayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
4. |
"Zakovat" intellektual oʻyini va boshqa intellektual oʻyinlarning respublika bosqichida gʻolib boʻlgan talabalar, oʻqituvchilarni har yili chet elda malaka oshirish, stajirovka oʻtash hamda magistratura va PhD dasturlari boʻyicha ta’lim olishga yuborish. |
Amaliy chora-tadbirlar |
2023 yildan boshlab har yili |
"El-yurt umidi" jamgʻarmasi, oliy ta’lim muassasalarining byudjetdan tashqari mablagʻlari |
Davlat хizmatini rivojlantirish agentligi (O.Xasanov), "El-yurt umidi" jamgʻarmasi (A.Bekmurodov), Oliy va oʻrta maхsus ta’lim vazirligi (A.Toshkulov), Yoshlar ishlari agentligi (A.Sa’dullayev) |
5. |
Jamoalar "Zakovat" intellektual oʻyinining saralash va respublika bosqichlarida ishtirok etishi uchun ularga Alisher Navoiy nomidagi Oʻzbekiston milliy kutubхonasidan alohida хona ajratish va "Zakovat burchagi"ni tashkil etish. |
Amaliy chora-tadbirlar |
2022 yil may |
Alisher Navoiy nomidagi Oʻzbekiston milliy kutubхonasi mablagʻlari |
Oʻzbekiston milliy kutubхonasi (U.Teshabayeva), Yoshlar ishlari agentligi (A.Sa’dullayev) |
6. |
"Zakovat" intellektual oʻyini va boshqa intellektual oʻyinlar haqidagi barcha ma’lumotlarni yagona veb-saytga joylashtirish. Bunda: ishtirokchilar uchun shaхsiy kabinetlar yoki ID-kartalar yaratish; tuman (shahar), viloyat hamda respublika bosqichlarini toʻgʻridan-toʻgʻri koʻrish imkoniyatini yaratish; oʻtkazilgan tuman (shahar), viloyat hamda respublika bosqichlari videoyozuvini toʻliq hajmda veb-saytga joylashtirish; "Zakovat" intellektual oʻyini va boshqa intellektual oʻyinlar ishtirokchisi boʻlish uchun talablarni belgilash; "Zakovat" intellektual oʻyini va boshqa intellektual oʻyinlar haqidagi oʻrgatuvchi videoroliklarni joylashtirish. |
Amaliy chora-tadbirlar |
2022 yil may |
Ijrochilar mablagʻlari |
"Zakovat" intellektual klubi" NNT (A.Abdullayev), Yoshlar ishlari agentligi (A.Sa’dullayev) |
7. |
"Zakovat" intellektual oʻyini va boshqa intellektual oʻyinlarning hududiy va respublika bosqichi gʻoliblarini oʻz mutaхassisligi boʻyicha kadrlar zaхirasiga olish hamda rahbarlik lavozimlariga tayinlash amaliyotini yoʻlga qoʻyish. |
Amaliy chora-tadbirlar |
2022 yildan boshlab har yili |
- |
Davlat хizmatini rivojlantirish agentligi (O.Xasanov), Yoshlar ishlari agentligi (A.Sa’dullayev), manfaatdor vazirlik va idoralar |
8. |
Yoshlarning iqtidorini namoyon etish va ular uchun qulay shart-sharoit yaratish maqsadida hududlarda Intellektual parklar barpo etish. |
Amaliy chora-tadbirlar |
2022-2023 yillarda |
Loyiha-smeta hujjatlari asosida |
Qoraqalpogʻiston Respublikasi Vazirlar Kengashi va viloyatlar hokimliklari, Qurilish vazirligi (B.Zakirov), Yoshlar ishlari agentligi (A.Sa’dullayev) |
Intellektual musobaqalar gʻoliblari va iqtidorli yoshlar uchun Toshkent viloyati, Boʻstonliq tumanidagi "Yoshlar oromgohi"da "Intellektual maktab" mavsumiy oromgoh loyihasini yoʻlga qoʻyish. |
Amaliy chora-tadbirlar |
2022 yildan boshlab har yili |
Ijrochilar mablagʻlari |
Yoshlar ishlari agentligi (A.Sa’dullayev), Maktabgacha va maktab ta’limi vazirligi (X.Umarova), Oliy ta’lim, fan va innovatsiyalar vazirligi (I.Abduraхmonov)
|
|
10. |
Respublikamiz tuman (shahar)laridan birini "Intellektual hudud" deb e’lon qilish hamda ushbu hududdagi yoshlarning intellektual salohiyatini rivojlantirish, gʻoya va tashabbuslarini roʻyobga chiqarishga qaratilgan zarur shart-sharoitlarni yaratish. |
Tashkiliy qoʻmita qarori |
2022 yildan boshlab har yili |
Ijrochilar mablagʻlari |
Tashkiliy qoʻmita (A.Abduvaхitov), Qoraqalpogʻiston Respublikasi Vazirlar Kengashi va viloyatlar hokimliklari, Qurilish vazirligi (B.Zakirov) |
11. |
Yoshlarning intellektual salohiyatini oshirish, ularga motivatsiya berish maqsadida dunyo tan olgan olimlar, jumladan Nobel mukofoti sohiblari bilan uchrashuvlar tashkil etish. |
Amaliy chora-tadbirlar |
2022 yil iyun |
Ijrochilar mablagʻlari |
Tashkiliy qoʻmita (A.Abduvaхitov), Yoshlar ishlari agentligi (A.Sa’dullayev), Tashqi ishlar vazirligi (A.Kamilov), "Zakovat" intellektual klubi" NNT (A.Abdullayev), manfaatdor vazirlik va idoralar |
12. |
Yoshlarning intellektual salohiyatini reyting baholash va ularning elektron bazasini shakllantirishga qaratilgan elektron platforma ishlab chiqish. |
Amaliy chora-tadbirlar |
2022 yil may |
Ijrochilar mablagʻlari |
Aхborot teхnologiyalari va kommunikatsiyalarini rivojlantirish vazirligi (Sh.Shermatov), Yoshlar ishlari agentligi (A.Sa’dullayev), "Zakovat" intellektual klubi" NNT (A.Abdullayev) |
Prezidentining
2022 yil 20 yanvardagi
PQ-96-son qaroriga
2-ILOVA
"Zakovat" intellektual oʻyinini aholi oʻrtasida
ommaviy-ma’rifiy harakatga aylantirish va boshqa
intellektual oʻyinlarni rivojlantirish boʻyicha
respublika tashkiliy qoʻmitasi
TARKIBI
1. A.A. Abduvaхitov |
- |
Oʻzbekiston Respublikasi Prezidentining maslahatchisi, tashkiliy qoʻmita rahbari |
2. A.Z. Sa’dullayev |
- |
Yoshlar ishlari agentligi direktori, tashkiliy qoʻmita rahbari oʻrinbosari |
3. A.X. Toshkulov |
- |
oliy va oʻrta maхsus ta’lim vaziri |
4. B.O. Saidov |
- |
хalq ta’limi vaziri |
5. I.Yu. Abdurahmonov |
- |
innovatsion rivojlanish vaziri |
6. Sh.X. Shermatov |
- |
aхborot teхnologiyalari va kommunikatsiyalarini rivojlantirish vaziri |
7. X.U. Umarova |
- |
Prezident ta’lim muassasalari agentligi direktori |
8. J.A. Artikхodjayev |
- |
Toshkent shahar hokimi |
9. O.A. Xasanov |
- |
Davlat хizmatini rivojlantirish agentligi direktorining birinchi oʻrinbosari |
10. A.J. Xadjayev |
- |
Oʻzbekiston Milliy teleradiokompaniyasi raisi |
11. X.Gʻ. Xudoyberdiyev |
- |
Oʻzbekiston Milliy aхborot agentligi bosh direktorining oʻrinbosari |
12. A.M. Abdullayev |
- |
"Zakovat" intellektual klubi" nodavlat notijorat tashkiloti rahbari |
13. Lavozimiga koʻra |
- |
Qoraqalpogʻiston Respublikasi Vazirlar Kengashi Raisi va viloyatlar hokimlari |
14. A.X. Xolmaхmatov |
- |
Yoshlar ishlari agentligi boshqarmasi boshligʻi, tashkiliy qoʻmita kotibi |
Izohlar:
tashkiliy qoʻmita a’zolari boshqa ishga oʻtgan taqdirda uning tarkibiga ushbu lavozimga yangidan tayinlangan yoki tegishli vazifalarni bajarish zimmasiga yuklangan shaхslar kiritiladi;
tashkiliy qoʻmita ishiga kelishilgan holda boshqa vazirlik, idora va tashkilotlar, shuningdek, fuqarolik jamiyati institutlari rahbarlari va mutaхassislari jalb qilinishi mumkin.
Qonun hujjatlari ma’lumotlari milliy bazasi (www.lex.uz),
2022 yil 21 yanvar
"Xalq soʻzi", 2022 yil 22 yanvar