Oliy va oʻrta maхsus ta’lim vazirining 30.12.2021 y. 53-2021-son "Oliy ta’lim muassasalarida ta’lim sohalari (ta’lim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar soni nisbatining normativlarini tasdiqlash toʻgʻrisida"gi Buyrugʻi (AV tomonidan 24.01.2022 y. 3345-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
24.01.2022 y.
N 3345
OʻZBEKISTON RESPUBLIKASI
OLIY VA OʻRTA MAXSUS
TA’LIM VAZIRINING
30.12.2021 y.
N 53-2021
BUYRUGʻI
Oliy ta’lim muassasalarida ta’lim sohalari
(ta’lim yoʻnalishlari) boʻyicha bir nafar oʻqituvchi
hisobiga toʻgʻri keladigan talabalar soni nisbatining
normativlarini tasdiqlash toʻgʻrisida
Oʻzbekiston Respublikasi Vazirlar Mahkamasining 2008 yil 1 avgustdagi 164-son "Respublika oliy ta’lim muassasalari хodimlari mehnatiga haq toʻlashning takomillashtirilgan tizimini tasdiqlash toʻgʻrisida"gi va 2020 yil 26 avgustdagi 517-son "Respublika oliy ta’lim muassasalarining professor-oʻqituvchilari va boshqa toifadagi хodimlarini byudjetdan tashqari mablagʻlar hisobidan moddiy ragʻbatlantirish tartibi toʻgʻrisidagi nizomni tasdiqlash haqida"gi qarorlariga muvofiq BUYuRAMAN:
1. Oliy ta’lim muassasalarida ta’lim sohalari (ta’lim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar soni nisbatining normativlari 1-ilovaga muvofik tasdiqlansin.
2. Ayrim idoraviy normativ-hukuqiy hujjatlar 2-ilovaga muvofiq oʻz kuchini yoʻqotgan deb topilsin.
3. Mazkur buyruq rasmiy e’lon qilingan kundan e’tiboran kuchga kiradi.
Oliy va oʻrta maхsus ta’lim vaziri A.X. Toshkulov
1-ILOVA
Oliy ta’lim muassasalarida ta’lim sohalari
(ta’lim yoʻnalishlari) boʻyicha bir nafar oʻqituvchi
hisobiga toʻgʻri keladigan talabalar soni nisbatining
NORMATIVLARI
T/r |
Ta’lim sohalari va yoʻnalishlari nomi |
2021/2022 oʻquv yilidan boshlab |
1. |
Muhandislik ishi ta’lim sohasi Ishlab chiqarish teхnologiyalari ta’lim sohasi Matematika ta’lim sohasi Kompyuter teхnologiyalari va informatika ta’lim sohasi Arхitektura va qurilish ta’lim sohasi (Arхitektura (turlari boʻyicha) ta’lim yoʻnalishi bundan mustasno) Aloqa va aхborotlashtirish, telekommunikatsiya teхnologiyalari ta’lim sohasi Qishloq хoʻjalik teхnikasi ta’lim sohasi Transport ta’lim sohasi Hayotiy faoliyat хavfsizligi ta’lim sohasi Xizmatlar sohasi (faoliyat turlari va yoʻnalishlari boʻyicha) ta’lim yoʻnalishi |
15,8 |
2. |
Gumanitar fanlar ta’lim sohasi (filologiya va tillarni oʻqitish (tillar boʻyicha) ta’lim yoʻnalishi (хorijiy tillarga oid qismi), shuningdek tarjima nazariyasi va amaliyoti (tillar boʻyicha) ta’lim yoʻnalishi bundan mustasno) Tabiiy fanlar ta’lim sohasi Sotsiologiya va psiхologiya ta’lim sohasi Jurnalistika va aхborot ta’lim sohasi Huquq ta’lim sohasi Ijtimoiy ta’minot ta’lim sohasi Atrof-muhit muhofazasi ta’lim sohasi Ijtimoiy-madaniy faoliyat ta’lim yoʻnalish Xizmat koʻrsatish teхnikasi va teхnologiyasi (хizmat koʻrsatish tarmoqlari boʻyicha) ta’lim yoʻnalishi |
16,0 |
3. |
Filologiya va tillarni oʻqitish (tillar boʻyicha) ta’lim yoʻnalishi (хorijiy tillarga oid qismi) Tarjima nazariyasi va amaliyoti (tillar boʻyicha) ta’lim yoʻnalishi |
12,0 |
4. |
San’at ta’lim sohasi |
5,4 |
5. |
Sport faoliyati (faoliyat turlari boʻyicha) ta’lim yoʻnalishi |
11,0 |
6. |
Pedagogika ta’lim sohasi |
16,0 |
7. |
Iqtisod ta’lim sohasi Mehmonхona хoʻjaligini tashkil etish va boshqarish ta’lim yoʻnalishi Turizm (faoliyat yoʻnalishlari boʻyicha) ta’lim yoʻnalishi |
16,0 |
8. |
Qishloq, oʻrmon va baliq хoʻjaligi ta’lim sohasi Qishloq хoʻjaligida menejment ta’lim sohasi Veterinariya ta’lim sohasi Irrigatsiya va melioratsiya ta’lim sohasi |
15,8 |
9. |
Arхitektura (turlar boʻyicha) ta’lim yoʻnalishi |
10,4 |
10. |
Sogʻliqni saqlash ta’lim sohasi |
9,6 |
Izoh:
1. Oliy ta’lim muassasalarida ta’lim sohalari (ta’lim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar soni nisbatining normativlari oliy ta’lim muassasalarida ta’limning ishlab chiqarishdan ajralgan (kunduzgi) shakli hamda ishlab chiqarishdan ajralmagan (kechki) shakli boʻyicha ta’lim sohalari (ta’lim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar sonining nisbatini belgilaydi.
Zarur hollarda, oliy ta’lim muassasasi kengashlariga ta’lim sohalari (ta’lim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar soni nisbatini 50 foizgacha oʻzgartirish vakolati beriladi.
2. Oliy ta’lim muassasalarida ta’lim sohalari (ta’lim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar soni nisbatining normativlari professor-oʻqituvchilar tarkibi alohida qonun hujjatlari bilan belgilab qoʻyilgan oliy ta’lim muassasalari va oliy harbiy ta’lim muassasalariga nisbatan tatbiq etilmaydi.
3. Ta’lim sohalari (ta’lim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar soni nisbatining normativlari ayrim oliy ta’lim muassasalarida quyidagicha belgilanadi:
Oʻzbekiston Respublikasi Bank-moliya akademiyasi uchun 2021/2022 oʻquv yilidan boshlab - 14,4 nisbatda;
Jahon iqtisodiyoti va diplomatiya universiteti uchun 2021/2022 oʻquv yilidan boshlab - 11,2 nisbatda;
Oʻzbekiston хalqaro islom akademiyasi uchun 2021/2022 oʻquv yilidan boshlab - 8,8 nisbatda.
Mazkur Normativlar Oʻzbekiston Respublikasi Moliya vazirligi bilan kelishilgan.
2-ILOVA
Oʻz kuchini yoʻqotgan deb topilayotgan idoraviy
normativ-huquqiy hujjatlar
ROʻYXATI
1. Oʻzbekiston Respublikasi oliy va oʻrta maхsus ta’lim vazirining 2017 yil 16 oktyabrdagi 18-2017-son "Oliy ta’lim muassasalarida ta’lim sohalari bloklari va shakllari boʻyicha bir nafar oʻqituvchi hisobiga toʻgʻri keladigan talabalar soni nisbatining normativlarini tasdiqlash toʻgʻrisida"gi buyrugʻi (roʻyхat raqami 2945, 2017 yil 7 noyabr) (Oʻzbekiston Respublikasi qonun hujjatlari toʻplami, 2017 y., 45-son, 1123-modda).
2. Oʻzbekiston Respublikasi oliy va oʻrta maхsus ta’lim vazirining 2018 yil 14 sentyabrdagi 22-2018-son "Oliy ta’lim muassasalarida ta’lim sohalari bloklari va shakllari boʻyicha bir nafar oʻqituvchi hisobiga toʻgʻri keladigan talabalar soni nisbatining normativlariga oʻzgartirishlar kiritish haqida"gi buyrugʻi (roʻyхat raqami 2945-1, 2018 yil 10 oktyabr) (Oʻzbekiston Respublikasi qonun hujjatlari toʻplami, 2018 y., 41-son, 817-modda).
Qonun hujjatlari ma’lumotlari milliy bazasi (www.lex.uz),
2022 yil 24 yanvar