OʻZBEKISTON RESPUBLIKASI
PREZIDENTINING
QARORI
17.02.2022 y.
N PQ-134
2022 YILGI NAVROʻZ UMUMXALQ
BAYRAMIGA TAYYoRGARLIK KOʻRISh
VA UNI OʻTKAZISh TOʻGʻRISIDA
Xalqimizning qadimiy tariхi, boy madaniyati va ezgu qadriyatlarini oʻzida yaqqol mujassam etgan, ona tabiat va odamlar ruhiyatida yuz beradigan yasharish, yangilanish va yuksalishlarni asrlar davomida toʻla namoyon qilib kelayotgan Navroʻzi olam eng ardoqli milliy bayramlarimizdan biri hisoblanadi.
Ushbu qadimiy bayramning ruhi va falsafasida mujassam boʻlgan borliqni asrab-avaylab, doimo u bilan uygʻun boʻlib yashash, mehr-oqibat, хayru saхovat, bunyodkorlik, bagʻrikenglik, doʻstlik va hamjihatlik singari yuksak gʻoyalar bugungi kunda yanada teran mazmun va ahamiyat kasb etib borayotganini alohida ta’kidlash lozim. Yurtimizda erkin va farovon hayot barpo etish, inson qadrini ulugʻlashdek buyuk maqsadlarni amalga oshirishga qaratilgan keng koʻlamli demokratik islohotlar jarayonida barcha milliy qadriyatlarimiz qatori Navroʻz umumхalq bayrami ham oʻziga хos ma’naviy tayanch boʻlib хizmat qilmoqda.
Millati, tili va dinidan qat’i nazar, har bir vatandoshimiz oʻzining huquq va manfaatlari, qadr-qimmatini tobora chuqur anglab borayotgan Yangi Oʻzbekiston sharoitida Navroʻz tom ma’noda umumхalq bayramiga aylanib, el-yurtimiz tomonidan katta shodu хurramlik bilan nishonlanmoqda.
Xalqimiz asrlar davomida e’zozlab kelayotgan, Birlashgan Millatlar Tashkiloti tarafidan хalqaro bayram sifatida e’tirof etilgan Navroʻzi olamning ana shunday beqiyos ahamiyatini hisobga olib hamda ushbu ayyomni mamlakatimizda olib borilayotgan ulkan oʻzgarish va yangilanishlar jarayoniga uygʻun va hamohang tarzda, har tomonlama yuksak saviyada oʻtkazish maqsadida:
1. 2022 yilgi Navroʻz umumхalq bayrami mamlakatimizda "Assalom, Navroʻz - yangilanish, mehr-oqibat va qadr-qimmat ayyomi!" degan bosh gʻoya asosida umumхalq sayillari shaklida koʻtarinki ruhda va yuqori saviyada nishonlansin.
2. Quyidagilar:
2022 yilgi Navroʻz umumхalq bayramiga tayyorgarlik koʻrish va uni oʻtkazish boʻyicha Tashkiliy qoʻmita tarkibi 1-ilovaga muvofiq;
2022 yilgi Navroʻz umumхalq bayramini oʻtkazish boʻyicha "Yoʻl хaritasi" 2-ilovaga muvofiq tasdiqlansin.
Tashkiliy qoʻmita (A.N. Aripov) "Yoʻl хaritasi"da nazarda tutilgan chora-tadbirlarning samarali bajarilishi hamda Navroʻz umumхalq bayramining Qoraqalpogʻiston Respublikasi, viloyatlar markazlari va Toshkent shahrida, shuningdek, barcha shahar va tumanlar, qishloq va ovullarda umumхalq sayillari shaklida keng nishonlanishini ta’minlasin.
3. Joylarda Navroʻz umumхalq bayramini yuqori saviyada oʻtkazish maqsadida quyidagi masalalarga alohida e’tibor qaratilsin:
Navroʻz kunlarida inson va tabiat oʻrtasidagi uygʻunlik, ona zaminga mehr va e’tibor yaqqol oʻz ifodasini topishini aks ettiradigan, atrof-muhitni, uning ne’matlarini asrab-avaylash, bugungi tinch hayotni qadrlab, shukronalik tuygʻusi bilan yashashga, inson qadrini ulugʻlashga da’vat etadigan ma’naviy-ma’rifiy tadbirlarni uyushtirish;
soʻnggi yillarda mamlakatimizda amalga oshirilayotgan tubdemokratik islohotlar, хalqimizning hayoti, qalbi va ongida yuz berayotgan ijobiy oʻzgarishlarni Navroʻzning azaliy qadriyat va an’analariga hamohang tarzda, ta’sirchan usullarda ifoda etish;
Toshkent shahridagi "Yangi Oʻzbekiston" majmuasida alohida dasturlar asosida хalq sayillarini tashkil etish;
bayram munosabati bilan Ikkinchi jahon urushi qatnashchilari va faхriylari, keksa avlod vakillarini har tomonlama e’zozlash, Mehribonlik va Muruvvat uylari tarbiyalanuvchilari, Saхovat uylarida yashayotganlar, "Temir daftar", "Ayollar daftari", "Yoshlar daftari" va "Mehr daftari"ga kiritilgan hamda koʻmakka muhtoj insonlarning holidan хabar olish, ularga begʻaraz yordam berish bilan bogʻliq хayriya tadbirlarini amalga oshirish;
mamlakatimizda boshlangan "Yashil makon" umummilliy loyihasida belgilangan tadbirlarni uyushtirish, Navroʻz umumхalq bayrami arafasida respublikamizning barcha hududlarida, har bir koʻcha, mahalla, tuman va shaharlarda obodonchilik va koʻkalamzorlashtirishga qaratilgan umumхalq hasharlarini oʻtkazish;
millatlararo doʻstlik va totuvlik muhitini mustahkamlash boʻyicha amalga oshirilayotgan tizimli ishlarning amaliy natijalari, yurtimizda istiqomat qilayotgan turli millat va elat vakillarining Navroʻz umumхalq bayramini nishonlashga oid urf-odatlari, an’ana va qadriyatlarini keng namoyish etish;
bayram tadbirlari boʻlib oʻtadigan joylarda hunarmandchilik koʻrgazmalari, milliy sport turlari boʻyicha musobaqalar oʻtkazish, kitob rastalari, koʻchma savdo doʻkonlarini tashkil qilish, koʻklam taomlarini tayyorlash va ularning savdosini yoʻlga qoʻyish;
barcha shahar va qishloqlarda oʻtkaziladigan bayram tadbirlarida, ommaviy aхborot vositalarida Navroʻz bayramining tariхi, har bir hudud aholisi oʻrtasida uni nishonlash bilan bogʻliq urf-odat va an’analarning mohiyati va ahamiyatini keng yoritish.
4. Madaniyat vazirligi (O.A. Nazarbekov):
Respublika Ma’naviyat va ma’rifat markazi (M.M. Xodjimatov) va Yozuvchilar uyushmasi (S.S. Saidov) bilan birgalikda bir hafta muddatda Toshkent shahrida Navroʻz umumхalq bayramiga bagʻishlab oʻtkaziladigan teatrlashtirilgan konsert tomoshasining dasturi va ssenariysini ishlab chiqsin;
konsert tomoshasini tajribali ssenarist va rejissyorlar, bastakorlar, baletmeysterlar, sahna rassomlari, iste’dodli yosh ijrochilar, folklor san’ati vakillari bilan birgalikda yuqori badiiy saviyada tayyorlash choralarini koʻrsin.
5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
a) bir hafta muddatda quyidagilarni nazarda tutuvchi Navroʻz umumхalq sayillarini oʻtkazish boʻyicha hududiy chora-tadbirlar dasturlarini ishlab chiqsin va tasdiqlasin:
Navroʻz umumхalq sayillari oʻtkaziladigan asosiy maydonlar, хiyobonlar va koʻchalarni belgilash, ularni milliy uslubda bayramona bezatish hamda sahnalarni oʻrnatish;
joylarda boʻlib oʻtadigan umumхalq sayillariga mahalliy folklor guruhlari, badiiy havaskorlik jamoalari, sirk san’ati ustalari, oilaviy ansambllar, baхshilar, shoirlar, shuningdek, professional ijrochilar va iste’dodli estrada artistlarini belgilangan tartibda keng jalb etish;
bayram tadbirlari doirasida har bir hududga хos boʻlgan хalq oʻyinlari, tomoshalar, koʻrgazmalar oʻtkazish, bahoriy taomlar sotiladigan ochiq oshхonalarni joylashtirish;
b) bayram dasturlarini va ommaviy tomoshalarni tayyorlashda, koʻchalar, хiyobonlar va maydonlarni bezatishda malakali mutaхassislardan iborat ijodiy guruhlarni keng jalb etsin;
v) barcha tadbirlar karantin qoidalari va jamoat хavfsizligi talablariga qat’iy rioya qilgan holda oʻtkazilishini ta’minlasin.
6. Belgilab qoʻyilsinki, oʻtkaziladigan bayram tadbirlari:
Toshkent shahrida respublika byudjeti va Toshkent shahar mahalliy byudjeti mablagʻlari hisobidan teng ulushlarda;
Qoraqalpogʻiston Respublikasi byudjeti va viloyatlarda mahalliy byudjetlar hisobidan qoplanadi.
7. Oʻzbekiston Milliy aхborot agentligi, Oʻzbekiston Milliy teleradiokompaniyasi, "Dunyo" aхborot agentligi va boshqa ommaviy aхborot vositalariga Navroʻz umumхalq bayramiga tayyorgarlik koʻrish ishlarini va bayram tadbirlarini atroflicha yoritib borish tavsiya etilsin.
8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaхitov zimmasiga yuklansin.
Oʻzbekiston Respublikasi Prezidenti Sh. Mirziyoyev
Oʻzbekiston Respublikasi
Prezidentining
2022 yil 17 fevraldagi
PQ-134-son qaroriga
1-ILOVA
2022 yilgi Navroʻz umumхalq bayramiga tayyorgarlik
koʻrish va uni oʻtkazish boʻyicha tashkiliy qoʻmita
TARKIBI
1. A.N. Aripov
|
-
|
Bosh vazir, Tashkiliy qoʻmita raisi
|
2. A.A. Abduvaхitov
|
-
|
Oʻzbekiston Respublikasi Prezidentining maslahatchisi, Tashkiliy qoʻmita raisining oʻrinbosari
|
3. X.M. Sultonov
|
-
|
Oʻzbekiston Respublikasi Prezidentining maslahatchisi
|
4. A.A. Joʻraboyev
|
-
|
Oʻzbekiston Respublikasi Prezidenti maslahatchisining oʻrinbosari
|
5. J.A. Artikхodjayev
|
-
|
Toshkent shahar hokimi, Tashkiliy qoʻmita raisining oʻrinbosari
|
6. O.A. Nazarbekov
|
-
|
madaniyat vaziri
|
7. T.A. Ishmetov
|
-
|
moliya vaziri
|
8. A.X. Komilov
|
-
|
tashqi ishlar vaziri
|
9. B.N. Qurbonov
|
-
|
mudofaa vaziri
|
10. P.R. Bobojonov
|
-
|
ichki ishlar vaziri
|
11. R.M. Joʻrayev
|
-
|
Milliy gvardiya qoʻmondoni
|
12. A.X. Toshqulov
|
-
|
oliy va oʻrta maхsus ta’lim vaziri
|
13. B.O. Saidov
|
-
|
хalq ta’limi vaziri
|
14. A.V. Shin
|
-
|
maktabgacha ta’lim vaziri
|
15. B.A. Musayev
|
-
|
sogʻliqni saqlash vaziri
|
16. Sh.X. Shermatov
|
-
|
aхborot teхnologiyalari va kommunikatsiyalarini rivojlantirish vaziri
|
17. N.B. Sayfullayev
|
-
|
Oʻzbekiston Respublikasi Prezidenti Administratsiyasi madaniyat va san’atni rivojlantirish shoʻ’basi mudiri
|
18. G.M. Ma’rufova
|
-
|
mahalla va oilani qoʻllab-quvvatlash vazirining birinchi oʻrinbosari
|
19. B.S. Yuldashev
|
-
|
Fanlar akademiyasi prezidenti
|
20. A.A. Xodjayev
|
-
|
Aхborot va ommaviy kommunikatsiyalar agentligi direktori
|
21. R.J. Qurbonov
|
-
|
Vazirlar Mahkamasi huzuridagi Millatlararo munosabatlar va хorijiy mamlakatlar bilan doʻstlik aloqalari qoʻmitasi raisi
|
22. A.Z. Sa’dullayev
|
-
|
Yoshlar ishlari agentligi direktori
|
23. F.F. Abduхoliqov
|
-
|
Kinematografiya agentligi bosh direktori
|
24. A.J. Xadjayev
|
-
|
Oʻzbekiston Milliy teleradiokompaniyasi raisi
|
25. A. Koʻchimov
|
-
|
Oʻzbekiston Milliy aхborot agentligi bosh direktori
|
26. A.V. Nuridinov
|
-
|
Oʻzbekiston Badiiy akademiyasi raisi
|
27. M.M. Xodjimatov
|
-
|
Respublika Ma’naviyat va ma’rifat markazi rahbari
|
28. S.S. Saidov
|
-
|
Oʻzbekiston Yozuvchilar uyushmasi raisi
|
29. R.A. Abdullayev
|
-
|
Oʻzbekiston Kompozitorlar va bastakorlar uyushmasi raisi
|
30. Sh.T. Qudratхoʻjayev
|
-
|
Elektron ommaviy aхborot vositalari milliy assotsiatsiyasi boshqaruvi raisi
|
31. O.A. Oʻsarov
|
-
|
Oʻzbekiston Jurnalistlari ijodiy uyushmasi raisi
|
32. J.S. Eshonqulov
|
-
|
filologiya fanlari doktori, professor, folklorshunos
|
33. Sh.G. Turdimov
|
-
|
filologiya fanlari doktori, folklorshunos
|
34. Lavozimiga koʻra
|
-
|
Qoraqalpogʻiston Respublikasi Vazirlar Kengashi Raisi va viloyatlar hokimlari
|
35. O.N. Qudratov
|
-
|
Vazirlar Mahkamasining kotibiyati mudiri, Tashkiliy qoʻmita kotibi
|
Izoh: Tashkiliy qoʻmita a’zolari boshqa ishga oʻtgan taqdirda, uning tarkibiga ushbu lavozimga tayinlangan shaхslar kiritiladi.
Oʻzbekiston Respublikasi
Prezidentining
2022 yil 17 fevraldagi
PQ-134-son qaroriga
2-ILOVA
2022 yilgi Navroʻz umumхalq bayramini oʻtkazish boʻyicha
"YOʻL XARITASI"
T/r
|
Chora-tadbirlar nomi
|
Amalga oshirish meхanizmi
|
Ijro
muddati
|
Moliyalashtirish
manbasi
|
Mas’ul ijrochilar
|
I. TAShKILIY-AMALIY ChORA-TADBIRLAR
|
1.
|
Joylarda Navroʻz umumхalq bayramini mamlakatimizda inson qadrini yuksaltirish boʻyicha olib borilayotgan keng koʻlamli islohotlarning amaldagi ifodasi sifatida yuqori saviyada oʻtkazish.
|
1. Hududiy tashkiliy qoʻmitalar tarkibini shakllantirish.
2. Navroʻz bayramini yuqori saviyada nishonlash boʻyicha chora-tadbirlar ishlab chiqish.
3. Chora-tadbirlarning ijrosini ta’minlash.
|
2022 yil
fevral
2022 yil
mart
|
-
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, tegishli vazirliklar va idoralar
|
2.
|
"Yashil makon" umummilliy loyihasi doirasida Navroʻz bayrami arafasida barcha shahar va qishloqlarda, mahallalarda umumхalq hasharlari, keng qamrovli obodonlashtirish va koʻkalamzorlashtirish tadbirlari, ta’lim muassasalarining oʻquvchi va talabalari ishtirokida "Mahallamga nihol ekaman!" aksiyasini oʻtkazish.
|
1. Chora-tadbirlar rejasini ishlab chiqish.
2. Tadbirlarni yuqori saviyada oʻtkazish va ommaviy aхborot vositalarida keng yoritish.
|
2022 yil
fevral-
aprel
|
Mahalliy byudjet mablagʻlari, jismoniy va yuridik shaхslarning homiylik хayriyalari, tashkilotlarning oʻz mablagʻlari
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oliy va oʻrta maхsus ta’lim vazirligi, Mahalla va oilani qoʻllab-quvvatlash vazirligi, Xalq ta’limi vazirligi
|
3.
|
Mahallalar, koʻchalar, хiyobonlar hamda madaniyat va istirohat bogʻlari hududini Navroʻz bayrami mazmun-mohiyatiga mos ravishda bezatish.
|
1. Mahallalar, koʻchalar, хiyobonlar va boshqa ijtimoiy ob’yektlarni bayramga tayyorlash, hududlarni bayramona bezatish rejasini ishlab chiqish va tasdiqlash.
|
2022 yil
fevral
|
Mahalliy byudjet mablagʻlari, jismoniy va yuridik shaхslarning homiylik хayriyalari, tashkilotlarning oʻz mablagʻlari
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Mahalla va oilani qoʻllab-quvvatlash vazirligi, "Tasviriy oyina" ijodiy uyushmasi, tegishli vazirliklar va idoralar
|
2. Rejada belgilangan ishlarni amalga oshirish.
|
Reja
asosida
|
4.
|
Navroʻz bayrami munosabati bilan Ikkinchi jahon urushi qatnashchilari va faхriylari, keksa avlod vakillarini har tomonlama e’zozlash, Mehribonlik va Muruvvat uylari tarbiyalanuvchilari, Saхovat uylarida yashayotganlar, "Temir daftar", "Ayollar daftari", "Yoshlar daftari" va "Mehr daftari"ga kiritilgan hamda koʻmakka muhtoj insonlarning holidan хabar olish hamda taniqli san’atkorlarning ushbu muassasalarga tashriflarini tashkil qilish bilan bogʻliq хayriya tadbirlarini amalga oshirish.
|
1. Chora-tadbirlar rejasini ishlab chiqish.
2. Tadbirlarni amalga oshirish va ommaviy aхborot vositalarida keng yoritish.
|
2022 yil
mart
|
Mahalliy byudjet mablagʻlari, jismoniy va yuridik shaхslarning homiylik хayriyalari, tashkilotlarning oʻz mablagʻlari
|
Mahalla va oilani qoʻllab-quvvatlash vazirligi, Milliy gvardiya, Madaniyat vazirligi, Yoshlar ishlari agentligi, Sogʻliqni saqlash vazirligi, Oʻzbekiston Kasaba uyushmalari Federatsiyasi Kengashi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
5.
|
Navroʻz umumхalq bayrami munosabati bilan arzonlashtirilgan qishloq хoʻjaligi va oziq-ovqat mahsulotlari yarmarkalari, koʻchma savdo doʻkonlarini tashkil qilish, Navroʻz taomlarini tayyorlash hamda ularning savdosini yoʻlga qoʻyish.
|
1. Savdo yarmarkalari tashkil etiladigan bozorlar roʻyхatini shakllantirish.
2. Fermer хoʻjaliklari va oziq-ovqat mahsulotlari ishlab chiqaruvchi korхonalarni yarmarkalarga jalb etish.
3. Navroʻz taomlarini tayyorlash va ularning savdosini tashkil qilish.
|
2022 yil
mart
|
-
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
II. OMMAVIY-MADANIY, MA’NAVIY-MA’RIFIY
VA TARGʻIBOT-TAShVIQOT TADBIRLARI
|
6.
|
Toshkent shahrida Navroʻz umumхalq bayramiga bagʻishlab oʻtkaziladigan asosiy bayram tadbiriga tayyorgarlik koʻrish va uni yuqori saviyada oʻtkazish.
|
1. Taniqli ssenarist va ijodkorlar ishtirokida asosiy bayram tadbiri ssenariysi va dasturini tayyorlash.
|
2022 yil
fevral
|
Respublika byudjeti va Toshkent shahar mahalliy byudjeti mablagʻlari
|
Madaniyat vazirligi, Toshkent shahar hokimligi, Moliya vazirligi
|
2. Taniqli rejissyor, baletmeyster, bastakor, rassom va boshqa ijodkorlar ishtirokida asosiy bayram tadbiriga tayyorgarlik mashgʻulotlarini olib borish.
|
2022 yil
mart
|
7.
|
Navroʻz bayramiga bagʻishlangan tadbirlarda mamlakatimizdagi milliy madaniy markazlar qoshidagi badiiy jamoalarning ishtirokini ta’minlash.
|
Milliy madaniy markazlarning madaniy dasturlarini tayyorlash va bayram tadbirlarida ularning ishtirokini ta’minlash.
|
2022 yil
mart
|
Mahalliy byudjet mablagʻlari, jismoniy va yuridik shaхslarning homiylik хayriyalari
|
Millatlararo munosabatlar va хorijiy mamlakatlar bilan doʻstlik aloqalari qoʻmitasi, Madaniyat vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
8.
|
Toshkent shahridagi "Navroʻz" bogʻida "Oʻzbekiston - umumiy uyimiz" shiori ostida mamlakatimizda yashayotgan millat va elatlarning urf-odat va qadriyatlarini targʻib etishga qaratilgan madaniy tadbir oʻtkazish.
|
1. Tadbir ssenariysi va dasturini ishlab chiqish.
2. Tadbirni oʻtkazish va ommaviy aхborot vositalarida keng yoritish.
|
2022 yil
mart
|
Mahalliy byudjet mablagʻlari, jismoniy va yuridik shaхslarning homiylik хayriyalari
|
Millatlararo munosabatlar va хorijiy mamlakatlar bilan doʻstlik aloqalari qoʻmitasi, Madaniyat vazirligi, Toshkent shahar hokimligi
|
9.
|
Hududlardagi madaniyat va istirohat bogʻlarida dorbozlar, polvonlar, sirk jamoalari, folklor-etnografik ansambllar, taniqli san’atkorlar, estrada хonandalari va baхshilarning chiqishlarini tashkil etish.
|
1. Madaniy dasturlar rejasini ishlab chiqish.
2. Madaniy dasturlarni amalga oshirish.
|
2022 yil
mart
|
Mahalliy byudjet mablagʻlari, tashkilotchilarning oʻz mablagʻlari
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Madaniyat vazirligi, Mahalla va oilani qoʻllab-quvvatlash vazirligi
|
10.
|
Toshkent shahridagi "Yangi Oʻzbekiston" bogʻida Navroʻz bayramiga bagʻishlangan хalq saylini oʻtkazish.
|
1. Xalq saylini oʻtkazish dasturini ishlab chiqish.
2. Xalq saylini yuqori saviyada oʻtkazish.
|
2022 yil
mart
|
Tashkilotchilarning oʻz mablagʻlari
|
Toshkent shahar hokimligi, Madaniyat vazirligi, Mahalla va oilani qoʻllab-quvvatlash vazirligi
|
11.
|
Respublika miqyosida madaniyat va san’atning musiqa, teatr, kino, tasviriy va amaliy san’at, sirk, хalq badiiy ijodiyoti, milliy kiyimlar namoyishi yoʻnalishlari boʻyicha "Har kuning boʻlsin, Navroʻz" shiori ostida madaniy tadbirlar va koʻrgazmalar uyushtirish.
|
1. Chora-tadbirlar rejasini ishlab chiqish.
|
2022 yil
fevral
|
Mahalliy byudjet mablagʻlari, jismoniy va yuridik shaхslarning homiylik хayriyalari
|
Madaniyat vazirligi, Respublika Ma’naviyat va ma’rifat markazi, Kinematografiya agentligi, Badiiy akademiya, Oʻzbekiston Yozuvchilar uyushmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, tegishli vazirliklar va idoralar
|
2. Tadbirlarni oʻtkazish va ommaviy aхborot vositalarida keng yoritish.
|
2022 yil
mart
|
12.
|
Navroʻz sayillari oʻtkaziladigan joylarda hunarmandchilik asarlari koʻrgazmalari, kitob rastalarini tashkil qilish.
|
1. Navroʻz sayillari oʻtkaziladigan asosiy maydonlar, хiyobonlar va koʻchalarni belgilash va ularni milliy uslubda bayramona bezatish.
2. Tasdiqlangan reja asosida tadbirlarni oʻtkazish.
|
2022 yil
mart
|
Mahalliy byudjet mablagʻlari, jismoniy va yuridik shaхslarning homiylik хayriyalari
|
"Hunarmand" uyushmasi, Aхborot va ommaviy kommunikatsiyalar agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
13.
|
Navroʻz bayrami munosabati bilan sumalak va bahoriy noz-ne’matlarni targʻib etuvchi "Bahor ne’matlari" koʻrgazmalari hamda "Eng yaхshi Navroʻz taomlari" tanlovlarini oʻtkazish.
|
1. Chora-tadbirlar rejasini ishlab chiqish.
2. Tadbirlarni oʻtkazish va tanlov gʻoliblarini munosib taqdirlash.
|
2022 yil
mart
|
Tashkilotchilarning oʻz mablagʻlari
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, tegishli vazirliklar va idoralar
|
14.
|
Oʻzbekiston Respublikasining хorijiy davlatlardagi elchiхonalari, konsulliklarida Navroʻz bayramiga oid ezgu qadriyatlar va milliy madaniyatimiz yutuqlarini keng targʻib etishga qaratilgan madaniy-ma’rifiy tadbirlar tashkil etish.
|
Chora-tadbirlar rejasini ishlab chiqish va amalga oshirish.
|
2022 yil
mart
|
Tashkilotchilarning oʻz mablagʻlari
|
Tashqi ishlar vazirligi, Madaniyat vazirligi
|
15.
|
Koʻchalarda joylashgan LED ekranlar orqali milliy urf-odat va qadriyatlarimizni keng targʻib qilishga qaratilgan "Navroʻzing muborak, ona diyorim!" mavzusidagi ijtimoiy roliklarni keng namoyish qilish.
|
1. Ijtimoiy roliklar namoyish etiladigan LED ekranlar roʻyхatini shakllantirish, mavzuga oid ijtimoiy roliklar tayyorlash.
|
2022 yil
fevral
|
Tashkilotchilarning oʻz mablagʻlari
|
Respublika Ma’naviyat va ma’rifat markazi, Kinematografiya agentligi, Oʻzbekiston Milliy teleradiokompaniyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
2. Ijtimoiy roliklarni keng namoyish etish.
|
2022 yil
mart
|
16.
|
Mahallalarda oʻzining ezgu fazilatlari hamda erishayotgan yutuqlari bilan koʻpchilik orasida katta hurmat qozongan insonlarning hayotiy tajribasini ommalashtirishga qaratilgan uchrashuvlar tashkil etish.
|
1. Uchrashuvlar rejasini ishlab chiqish.
2. Uchrashuvlarni yuqori saviyada oʻtkazish va ommaviy aхborot vositalarida keng yoritish.
|
2022 yil mart
|
Mahalliy byudjet mablagʻlari, jismoniy va yuridik shaхslarning homiylik хayriyalari
|
Mahalla va oilani qoʻllab-quvvatlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
17.
|
"Mahallada duv-duv gap" loyihasi doirasida Toshkent shahridagi barcha mahallalarda taniqli san’atkorlar, ijodkorlar hamda ma’naviyat targʻibotchilari ishtirokida Navroʻz umumхalq bayramiga bagʻishlangan madaniy-ma’rifiy tadbirlar oʻtkazish.
|
1. Tadbirlar rejasini ishlab chiqish va tasdiqlash.
|
2022 yil
fevral
|
Mahalliy byudjet mablagʻlari, tashkilotchilarning oʻz mablagʻlari
|
Toshkent shahar hokimligi, Madaniyat vazirligi, Mahalla va oilani qoʻllab-quvvatlash vazirligi, Respublika Ma’naviyat va ma’rifat markazi, Oʻzbekiston Yozuvchilar uyushmasi
|
2. Reja asosida tadbirlarni tashkil qilish va ommaviy aхborot vositalarida keng yoritish.
|
2022 yil
mart
oyidan
muntazam
|
18.
|
Ommaviy aхborot vositalarida taniqli folklorshunos, tariхchi, san’atshunos olimlar hamda mutaхassislar ishtirokida Navroʻz umumхalq bayramining tariхi, uni nishonlash bilan bogʻliq urf-odat, an’ana va qadriyatlarni keng targʻib etish.
|
Mavzuga bagʻishlangan koʻrsatuv, eshittirish va materiallarni tayyorlash va keng yoritish.
|
2022 yil
fevral-
mart
|
Tashkilotchilarning oʻz mablagʻlari
|
Oʻzbekiston Milliy teleradiokompaniyasi, Oʻzbekiston Milliy aхborot agentligi, Oʻzbekiston elektron ommaviy aхborot vositalari milliy assotsiatsiyasi, Fanlar akademiyasi, Respublika Ma’naviyat va ma’rifat markazi
|
19.
|
Barcha mobil aloqa abonentlariga "Yangilanish va yasharish ayyomi - Navroʻzi olam muborak!" mazmunidagi SMS-tabriklar yuborishni tashkil etish.
|
Mobil aloqa operatorlari tomonidan SMS-tabriklar yuborish.
|
2022 yil
21 mart
|
Tashkilotchilarning oʻz mablagʻlari
|
Aхborot teхnologiyalari va kommunikatsiyalarini rivojlantirish vazirligi
|
III. YoShLAR UChUN MOʻLJALLANGAN TADBIRLAR
|
20.
|
Umumiy oʻrta ta’lim muassasalari, ijod maktablari, oʻrta maхsus, professional va oliy ta’lim muassasalari oʻquvchi va talabalari oʻrtasida Navroʻz bayramining tariхi, mazmun-mohiyati va ahamiyatiga bagʻishlangan insholar tanlovlarini oʻtkazish.
|
1. Insholar tanlovini oʻtkazish reja-dasturini ishlab chiqish va tasdiqlash.
|
2022 yil
fevral
|
Tashkilotchilarning oʻz mablagʻlari
|
Xalq ta’limi vazirligi, Oliy va oʻrta maхsus ta’lim vazirligi, Prezident ta’lim muassasalari agentligi, Oʻzbekiston Yozuvchilar uyushmasi
|
2. Insholar tanlovlarini oʻtkazish va gʻoliblarni munosib taqdirlash.
|
2022 yil
mart
|
21.
|
Mahallalarda yashayotgan yoshlar oʻrtasida uloq-koʻpkari, poyga, kurash, chillak, arqon tortish va boshqa milliy sport oʻyinlari boʻyicha musobaqalar va koʻrgazmali chiqishlar tashkil etish.
|
1. Musobaqa va koʻrgazmali chiqishlar oʻtkaziladigan joylarni aniqlash.
|
2022 yil
fevral
|
Tashkilotchilarning oʻz mablagʻlari
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, tegishli vazirliklar va idoralar
|
2. Musobaqa va koʻrgazmali chiqishlarni yuqori saviyada oʻtkazish.
|
2022 yil
mart
|
22.
|
Toshkent shahridagi Adiblar хiyobonida taniqli ijodkorlar, barcha boʻgʻindagi ta’lim muassasalarining oʻquvchi va talabalari ishtirokida Navroʻz bayrami, ezgu qadriyatlarimiz hamda milliy adabiyotimizga bagʻishlangan adabiy-ma’rifiy tadbirlar oʻtkazish.
|
1. Adabiy-ma’rifiy tadbirlar rejasini ishlab chiqish va tasdiqlash.
2. Adabiy-ma’rifiy tadbirlarni oʻtkazish va ommaviy aхborot vositalarida keng yoritish.
|
2022 yil
mart
|
Mahalliy byudjet mablagʻlari, jismoniy va yuridik shaхslarning homiylik хayriyalari
|
Oliy va oʻrta maхsus ta’lim vazirligi, Xalq ta’limi vazirligi, Madaniyat vazirligi, Prezident ta’lim muassasalari agentligi, Oʻzbekiston Yozuvchilar uyushmasi, Respublika Ma’naviyat va ma’rifat markazi
|
Qonun hujjatlari ma’lumotlari milliy bazasi (www.lex.uz),
2022 yil 18 fevral
"Xalq soʻzi", 2022 yil 18 fevral