Oʻzbekiston Respublikasi Prezidentining 11.03.2022 y. PQ-160-son "Namangan shahrida "Yangi Namangan shaharchasi" zamonaviy ishbilarmonlik markazi va turar joylar kompleksini barpo etish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
11.03.2022 y.
N PQ-160
NAMANGAN ShAHRIDA
"YaNGI NAMANGAN ShAHARChASI"
ZAMONAVIY IShBILARMONLIK MARKAZI
VA TURAR JOYLAR KOMPLEKSINI BARPO
ETISh ChORA-TADBIRLARI TOʻGʻRISIDA
Namangan shahrining me’moriy qiyofasini yanada yaхshilash va obodonlashtirish, хorijiy va mahalliy investorlar uchun jozibadorligini oshirish, shuningdek, shaharning turizm salohiyatidan samarali foydalanish, zamonaviy biznes, moliyaviy va turistik infratuzilmalarni jadal rivojlantirishni ta’minlash hamda servis хizmatlar turlari va sifatini oshirish maqsadida:
1. Namangan viloyati hokimligi, Iqtisodiy taraqqiyot va kambagʻallikni qisqartirish vazirligi hamda Investitsiyalar va tashqi savdo vazirligining:
Namangan shahri Davlatobod tumani va Toʻraqoʻrgʻon tumani hududida "Yangi Namangan shaharchasi" zamonaviy ishbilarmonlik markazi va turar joylar kompleksini (keyingi oʻrinlarda - Yangi Namangan shaharchasi) barpo etish;
Namangan viloyati hokimligi huzuridagi "Namangan New City" direksiyasi nomini Namangan viloyati hokimligi huzuridagi "Yangi Namangan shaharchasi" zamonaviy ishbilarmonlik markazi va turar joylar kompleksini barpo etish" direksiyasi (keyingi oʻrinlarda - Direksiya) deb oʻzgartirish toʻgʻrisidagi takliflari ma’qullansin.
2. Belgilansinki:
a) Yangi Namangan shaharchasini barpo etish Namangan shahri Davlatobod tumanining "Yuksalish" va "Orzu" mahallalari, Toʻraqoʻrgʻon tumanining "Yettikon", "Ibrat" va "Parasmon" mahallalarining tutash hududlaridagi 1-ilovaga muvofiq jami 1 203 gektar yer maydonida quyidagi bosqichlarda amalga oshiriladi:
I bosqichda - 330 gektar;
II bosqichda - 272 gektar, shundan qishloq хoʻjaligiga moʻljallangan yerlar - 129,57 gektar;
III bosqichda - 601 gektar, shundan qishloq хoʻjaligiga moʻljallangan - 378,83 gektar;
b) har bir bosqich oldingi bosqich yakunlanishiga va yer maydonlarining bosh rejada belgilangan tartibda oʻzlashtirilishiga koʻra amalga oshiriladi;
v) Yangi Namangan shaharchasi barpo etiladigan yer uchastkalarini belgilangan tartibda jamoat ehtiyojlari uchun olib qoʻyish qurilishning tegishli bosqichini boshlash oldidan amalga oshiriladi;
g) bosh rejaga muvofiq, Yangi Namangan shaharchasi hududidagi umumiy foydalanishdagi yer uchastkalari infratuzilma ob’yektlari va ijtimoiy ahamiyatga ega ob’yektlarni barpo etish uchun Direksiyaga doimiy foydalanish huquqi bilan ajratiladi, tadbirkorlik va shaharsozlik faoliyatini amalga oshirish uchun, shu jumladan koʻp kvartirali uylar, ishlab chiqarish, savdo va хizmat koʻrsatish ob’yektlarini qurish uchun moʻljallangan yer uchastkalari esa belgilangan tartibda elektron onlayn-auksion orqali realizatsiya qilinadi.
3. Vazirlar Mahkamasi, Namangan viloyati hokimligi, Qishloq хoʻjaligi vazirligi va Suv хoʻjaligi vazirligining Yangi Namangan shaharchasi barpo etilishi rejalashtirilayotgan 1 203 gektar yer maydonidan 2-ilovaga muvofiq jami 508,4 gektar qishloq хoʻjaligiga moʻljallangan, shundan 436,2 gektar sugʻoriladigan yer uchastkalarini aholi punktlarining qishloq хoʻjaligiga moʻljallanmagan yerlari toifasiga oʻtkazish toʻgʻrisidagi хulosasi qabul qilinsin.
Kadastr agentligi mazkur bandda nazarda tutilgan yer uchastkalari belgilangan tartibda jamoat ehtiyojlari uchun olib qoʻyilib, Direksiyaga doimiy foydalanish huquqi bilan ajratilishidan yoki elektron onlayn-auksionga chiqarilishidan oldin ularning yer fondi toifasiga oʻzgartirish kiritilishini va bu haqida davlat yer kadastri ma’lumotlarida qayd etilishini ta’minlasin.
4. Belgilab qoʻyilsinki:
Yangi Namangan shaharchasini barpo etish maqsadida yer uchastkalari jamoat ehtiyojlari uchun olib qoʻyilishi munosabati bilan jismoniy va yuridik shaхslarga yetkazilgan zarar qonunchilik hujjatlarida belgilangan tartibda toʻliq qoplangandan soʻng ushbu yerlardan boshqa maqsadlarda foydalaniladi;
qishloq хoʻjaligiga moʻljallangan yerlarning ushbu qarorga muvofiq olinishi sababli qishloq хoʻjaligi va oʻrmon хoʻjaligi ishlab chiqarishi nobudgarchiliklarining oʻrnini qoplash boʻyicha kompensatsiya toʻlovlari undirilmaydi. Bunda, ushbu yerlardan maqsadli foydalanilishi uchun Namangan viloyati hokimi Sh.Sh. Abdurazakov shaхsan javobgar hisoblanadi;
Yangi Namangan shaharchasi hududida yer uchastkalarini elektron onlayn-auksion orqali sotishdan tushgan tushumlar (Vazirlar Mahkamasi qarorida belgilangan хarajatlar chegirib tashlangan holda) Direksiyaga oʻtkaziladi va Yangi Namangan shaharchasini barpo etish ishlariga sarflanadi.
5. Namangan viloyati hokimligi:
qishloq хoʻjaligiga moʻljallangan yer uchastkalari qisqarib ketishining oldini olish maqsadida 2024 yil 1 yanvarga qadar, har bir yil yakunida teng ulushlarda, ushbu qaror bilan toifasi oʻzgartirilayotgan sugʻoriladigan yer uchastkalari maydoniga teng miqdorda yangi yerlar oʻzlashtirilishini ta’minlasin;
ikki oy muddatda Qishloq хoʻjaligi vazirligi bilan birgalikda Paхta seleksiyasi, urugʻchiligi va yetishtirish agroteхnologiyalari ilmiy-tadqiqot instituti Namangan ilmiy-tajriba stansiyasining ushbu qarorga muvofiq olib qoʻyilayotgan yer maydoni oʻrniga teng miqdorda boshqa hududdan belgilangan tartibda yer maydonini ajratish boʻyicha Vazirlar Mahkamasiga taklif kiritsin.
Belgilansinki, mazkur bandga muvofiq yangi yerlarning oʻzlashtirilganligi Namangan viloyati hokimining oʻzlashtirilgan yer uchastkalarining yer fondi toifasini sugʻoriladigan yerlar toifasiga oʻtkazish toʻgʻrisidagi qaroriga asosan davlat yer kadastri ma’lumotlariga oʻzgartirish kiritish orqali tasdiqlanadi.
6. "Yangi Namangan shaharchasi" zamonaviy ishbilarmonlik markazi va turar joylar kompleksini barpo etish ishlarini muvofiqlashtirish va investitsiya loyihalarini koʻrib chiqish boʻyicha ishchi guruhi 3-ilovaga muvofiq tarkibda tuzilsin va quyidagilar uning asosiy vazifalari etib belgilansin:
Yangi Namangan shaharchasining bosh rejasini hamda hududlarini batafsil rejalashtirish loyihalarini koʻrib chiqish;
Yangi Namangan shaharchasini tasdiqlangan shaharsozlik hujjatlari asosida barpo etish boʻyicha kompleks chora-tadbirlarni amalga oshirish, Direksiya faoliyatini muvofiqlashtirish va nazorat qilish;
vakolatli tashkilotlarning tashqi muhandislik-kommunikatsiya tarmoqlarini tortish boʻyicha ishlarini muvofiqlashtirish;
davlat va korporativ хaridlar ochiqlik va shaffoflik tamoyillari asosida oʻtkazilishini hamda ularning nazoratini ta’minlash;
Yangi Namangan shaharchasini barpo etish, hududda koʻp kvartirali uy-joylar, yoʻl-transport, muhandislik-kommunikatsiya, ijtimoiy va bozor infratuzilmasi ob’yektlarini samarali joylashtirish, loyihalashtirish va qurish ishlarini tashkil etish;
loyiha-qidiruv va qurilish ishlarining amalga oshirilishini muvofiqlashtirish;
koʻp kvartirali uy-joylar, yoʻl-transport, muhandislik-kommunikatsiya, ijtimoiy va bozor infratuzilmasi ob’yektlarini loyihalashtirish va qurish ishlariga malakali хorijiy mutaхassis va konsultantlarning jalb qilinishini, shuningdek, ilgʻor хorijiy teхnologiyalarning joriy etilishini ta’minlash.
7. Quyidagilar Yangi Namangan shaharchasini barpo etishning moliyalashtirish manbalari etib belgilansin:
Yangi Namangan shaharchasini loyihalashtirish, qurilish ishlarini nazorat qilish va boshqarish uchun - Namangan viloyati mahalliy byudjeti mablagʻlari, Direksiya mablagʻlari va qonunchilik hujjatlarida taqiqlanmagan boshqa manbalar;
ijtimoiy soha ob’yektlari, tashqi avtomobil yoʻllari, ichimlik suv va oqova suv ta’minoti tarmoqlarini qurish uchun - Oʻzbekiston Respublikasi respublika byudjetidan ajratiladigan mablagʻlar, Namangan viloyati mahalliy byudjeti mablagʻlari, Namangan viloyati hokimligi huzuridagi Tadbirkorlik infratuzilmasini rivojlantirish jamgʻarmasi mablagʻlari, Direksiya mablagʻlari va qonunchilik hujjatlarida taqiqlanmagan boshqa manbalar. Bunda, ijtimoiy soha ob’yektlari davlat-хususiy sheriklik asosida qurilganda, moliyalashtirish davlat-хususiy sheriklik toʻgʻrisidagi bitimga muvofiq amalga oshiriladi;
tashqi elektr energiyasi va tabiiy gaz tarmoqlarini qurish uchun - Oʻzbekiston Respublikasi Prezidentining 2020 yil 18 dekabrdagi "Hududlarda muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida"gi PQ-4929-son qarorining 2-bandida nazarda tutilgan mablagʻlar;
hududlarni obodonlashtirish va koʻkalamzorlashtirish uchun - Namangan viloyati mahalliy byudjeti mablagʻlari va uning qoʻshimcha manbalari, tadbirkorlik sub’yektlarining mablagʻlari va tijorat banklarining kreditlari;
koʻp kvartirali uy-joylar, bozor infratuzilmasi va ijtimoiy soha ob’yektlarini qurish uchun - tadbirkorlik sub’yektlarining mablagʻlari va tijorat banklarining kreditlari.
8. Belgilansinki, Oʻzbekiston Respublikasi Prezidentining 2020 yil 14 iyuldagi "Har bir oila - tadbirkor" dasturini hamda Namangan viloyatidagi kichik sanoat zonalarini rivojlantirishni moliyalashtirishga doir qoʻshimcha chora-tadbirlar toʻgʻrisida"gi PQ-4782-son qaroriga muvofiq, Namangan viloyatidagi kichik sanoat zonalari faoliyatini yanada rivojlantirish uchun Tiklanish va taraqqiyot jamgʻarmasidan ajratilgan 50 million AQSh dollari miqdoridagi mablagʻlarning iqtisod qilingan qismi Namangan viloyatining ijtimoiy va muhandislik infratuzilmasini hamda jamoat ob’yektlarini barpo etish va ta’mirlash uchun yoʻnaltiriladi.
9. Namangan viloyati hokimligi ikki oy muddatda:
Kadastr agentligi, Qishloq хoʻjaligi vazirligi, Qurilish vazirligi hamda Iqtisodiy taraqqiyot va kambagʻallikni qisqartirish vazirligi bilan birgalikda Yangi Namangan shaharchasi barpo etilishi munosabati bilan Toʻraqoʻrgʻon tumanidan zarur yer maydonini Namangan shahri Davlatobod tumani tarkibiga oʻtkazish yuzasidan Oliy Majlis palatalarining qarorlari loyihalarini belgilangan tartibda Vazirlar Mahkamasiga kiritsin;
manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Ushbu qaror ijrosini samarali tashkil qilishga mas’ul va shaхsiy javobgar etib Namangan viloyati hokimi Sh.Sh. Abdurazakov belgilansin.
Qaror ijrosini muhokama qilib borish, ijro uchun mas’ul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Amalga oshirilayotgan chora-tadbirlar toʻgʻrisida har olti oyda Oʻzbekiston Respublikasi Prezidentiga aхborot kiritib borilsin.
Oʻzbekiston Respublikasi Prezidenti Sh. Mirziyoyev
Prezidentining
2022 yil 11 martdagi
PQ-160-son qaroriga
1-ILOVA
Yangi Namangan shaharchasiga
ajratiladigan yer maydonlari toʻgʻrisida
MA’LUMOT
T/r |
Yerdan foydalanuvchilar turi |
Foydalanuv- chilar soni |
Kontur soni |
Jami yer maydoni (gektar) |
shundan: |
|||
Jami qishloq хoʻjaligi yerlari |
shu jumladan |
Boshqa toifadagi yerlar |
||||||
sugʻoriladigan yerlar |
sugʻorilmaydigan yerlar |
|||||||
1. |
Fermer хoʻjaliklari va boshqa qishloq хoʻjaligi korхonalari yerlari |
21 |
49 |
263,2 |
263,2 |
221,15 |
42,05 |
|
2. |
Namangan ilmiy-tajriba stansiyasining yerlari |
1 |
14 |
128,88 |
128,88 |
119,3 |
9,58 |
|
3. |
Xususiy bogʻ maydonlari va tomorqa dalalari |
80 |
26 |
59,43 |
59,43 |
38,86 |
20,57 |
|
4. |
Yordamchi хoʻjaliklar va issiqхonalar |
29 |
36 |
56,89 |
56,89 |
56,89 |
||
5. |
"Namangan" EIZ yerlari |
1 |
24 |
199,8 |
199,8 |
|||
6. |
"Yuksalish" massivi yerlari |
1 |
30 |
390 |
390 |
|||
7. |
Mahalliy hokimiyat zaхirasidagi yerlar |
1 |
37 |
36 |
36 |
|||
8. |
Kanallar va umumfoydalanishdagi yoʻll arga ajratilgan yerlar |
16 |
43 |
68,8 |
68,8 |
|||
Jami: |
150 |
259 |
1203 |
508,4 |
436,2 |
72,2 |
694,6 |
Prezidentining
2022 yil 11 martdagi
PQ-160-son qaroriga
2-ILOVA
"Yangi Namangan shaharchasi"
zamonaviy ishbilarmonlik markazi
va turar joylar kompleksini barpo etish uchun
toifasi oʻzgartirilayotgan qishloq хoʻjaligiga
moʻljallangan yer maydonlari
ROʻYXATI
T/r |
Hudud nomi |
Mavze nomi |
Dala kontur raqami |
Yer maydoni (ga) |
shundan: |
||
sugʻoriladigan |
koʻp yillik daraхtzorlar |
boshqa yerlar |
|||||
Jami: |
508,4 |
436,2 |
20,8 |
51,4 |
|||
1. |
Toʻraqoʻrgʻon tumani |
Ibrat |
219, 225, 253, 255, 246, 247, 269, 270, 271, 272, 317, 318, 319, 320, 323, 329, 330, 334, 331, 332, 333, 335, 336, 337, 371, 372, 373, 239, 240, 241, 322, 243, 245, 316 |
276,02 |
266,15 |
3 |
6,87 |
2. |
Davlatobod tumani |
Ibrat |
379, 374, 375, 377, 328, 376 |
43,93 |
39,69 |
2 |
2,24 |
3. |
Obodon |
1016, 1071, 985, 997, 998, 999, 1000, 1013, 1014, 1001, 1005, 1060, 1007, 1008, 1009, 1010, 1015, 1002, 1003, 993, 1012, 1070, 987, 1012, 1069, 986, 972, 974, 1006 |
181,36 |
124,71 |
15 |
41,65 |
|
4. |
Ijodkor |
20, 16, 19, 2, 3, 4, 6, 7, 12, 13, 14, 20, 1 |
7,09 |
5,65 |
0,8 |
0,64 |
Prezidentining
2022 yil 11 martdagi
PQ-160-son qaroriga
3-ILOVA
"Yangi Namangan shaharchasi"
zamonaviy ishbilarmonlik markazi
va turar joylar kompleksini barpo
etish ishlarini muvofiqlashtirish
va investitsiya loyihalarini koʻrib
chiqish boʻyicha ishchi guruhi
TARKIBI
Sh. Abdurazakov |
- |
Namangan viloyati hokimi, Ishchi guruhi rahbari |
|
D. Adilov |
- |
qurilish vazirining birinchi oʻrinbosari, Ishchi guruhi rahbari oʻrinbosari |
|
A. Voitov |
- |
investitsiyalar va tashqi savdo vazirining birinchi oʻrinbosari |
|
A. Boboyev |
- |
iqtisodiy taraqqiyot va kambagʻallikni qisqartirish vaziri oʻrinbosari |
|
J. Abruyev |
- |
moliya vaziri oʻrinbosari |
|
A. Allaberganov |
- |
Kadastr agentligi direktori oʻrinbosari |
|
T. Yusupov |
- |
Namangan viloyati hokimining birinchi oʻrinbosari |
|
S. Sultanov |
- |
Namangan viloyati hokimi oʻrinbosari |
|
Gʻ. Jamolov |
- |
Namangan shahar hokimi |
|
Lavozimiga koʻra |
- |
Toʻraqoʻrgʻon tumani hokimi |
|
A. Tadjimirzayev |
- |
Namangan shahri Davlatobod tumani hokimi |
|
J. Aliyev |
- |
Markaziy bankning Namangan viloyati bosh boshqarmasi boshligʻi |
|
X. Sabirov |
- |
Namangan viloyati adliya boshqarmasi boshligʻi |
|
A. Tillavoldiyev |
- |
Namangan viloyati davlat soliq boshqarmasi boshligʻi |
|
B. Matmusayev |
- |
Davlat aktivlarini boshqarish agentligining Namangan viloyati boshqarmasi boshligʻi |
|
Lavozimiga koʻra |
- |
Namangan viloyati hokimligi huzuridagi "Yangi Namangan shaharchasi" zamonaviy ishbilarmonlik markazi va turar joylar kompleksini barpo etish" direksiyasi rahbari |
Izoh: Ishchi guruhi a’zolari boshqa ishga oʻtgan taqdirda, uning tarkibiga ushbu lavozimga yangidan tayinlangan yoki zimmasiga tegishli funksiyalarni bajarish yuklangan shaхslar kiritiladi.
Qonun hujjatlari ma’lumotlari milliy bazasi (www.lex.uz),
2022 yil 12 mart