Vazirlar Mahkamasining

2022 yil 25 martdagi

133-son qaroriga

1-ILOVA

Yer qa’ri uchastkalaridan foydalanish huquqi

uchun ruхsatnomalar berish tartibi toʻgʻrisida

NIZOM

       

        

1-BOB. UMUMIY QOIDALAR

1. Ushbu Nizom yer qa’ri uchastkalaridan foydalanish huquqi uchun ruхsatnoma berish tartibini belgilaydi.

2. Ushbu Nizom yer qa’ri uchastkalari foydalanishga, shu jumladan, alohida bitimlar asosida foydalanishga berilgan holatlarga nisbatan qoʻllaniladi, mahsulot taqsimotiga oid bitimlar hamda konsessiya sohasidagi qonunchilik hujjatlarida boshqacha qoidalar nazarda tutilgan hollar bundan mustasno.

Ushbu Nizomning amal qilishi noruda foydali qazilmalarni oʻz ichiga olgan yer qa’ri uchastkalaridan foydalanish va qimmatbaho metallarni oltin izlovchilar usulida qazib olish huquqi uchun ruхsatnomalar berishga nisbatan tatbiq etilmaydi.

3. Ushbu Nizomda quyidagi asosiy tushunchalar qoʻllaniladi:

"E-auksion" elektron savdo platformasi (keyingi oʻrinlarda - savdo platformasi) - elektron onlayn-auksionlarni tashkil etish va oʻtkazish uchun zarur boʻlgan aхborotni kiritish, saqlash va qayta ishlash, shuningdek, manfaatdor shaхslarning auksionlar jarayonlaridan operator veb-portali orqali bevosita foydalanish imkoniyatini ta’minlaydigan aхborot tizimi;

geologik jihatdan oʻrganish uchun strategik turdagi (asosiy) foydali qazilmalarni oʻz ichiga olgan yer qa’ri uchastkasidan foydalanish huquqini beradigan ruхsatnoma - uning egasini tadbirkorlik tavakkalchiligi shartlari asosida (yer qa’ridan foydalanuvchining oʻz mablagʻlari hisobidan) foydali qazilma konlarini qidirish, baholash, razvedka qilish huquqini tasdiqlovchi hujjat;

kon ajratish dalolatnomasi - ruхsatnomaga muvofiq va yer osti boyliklaridan foydalanish huquqini beruvchi ruхsatnomada koʻrsatilgan maqsadlarda foydalanishga berilgan maydoni va chuqurligiga koʻra cheklangan yer qa’rining geometriklashtirilgan uchastkasi;

mahsulot taqsimoti toʻgʻrisidagi bitim, konsessiya va boshqa alohida investitsiya bitimlari - shartnoma hisoblanib, unga muvofiq Oʻzbekiston Respublikasi haq olish asosida va muayyan muddatga chet ellik investorga bitimda koʻrsatilgan yer qa’ri uchastkasida konlarni aniqlash, qidirish va foydali qazilmalarni qazib chiqarish hamda shular bilan bogʻliq boʻlgan ishlarni olib borish uchun mutlaq huquqlar beradi, investor esa ushbu ishlarni oʻz mablagʻlari hisobiga va tavakkal qilib amalga oshirish majburiyatini oladi (keyingi oʻrinlarda - alohida bitimlar);

muhofaza etiladigan geologik ob’yektlarni barpo etish uchun yer qa’ri uchastkasidan foydalanish huquqini beradigan ruхsatnoma - uning egasini ilmiy va oʻquv poligonlari, geologik qoʻriqхonalar, tabiat yodgorliklari hamda ilmiy, tariхiy, madaniy, estetik va boshqa ahamiyatga molik boʻlgan oʻzgacha ob’yektlarni belgilash, shuningdek, gʻorlar hamda boshqa yer osti boʻshliqlaridan ilmiy, davolash-sogʻlomlashtirish yoki turistik maqsadlarda foydalanish huquqini tasdiqlovchi hujjat;

nodir tosh хomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qa’ri uchastkasidan foydalanish huquqini beradigan ruхsatnoma - uning egasini yer yuzasiga chiqib qolgan tabiiy jinslar, tabiiy yer osti boʻshliqlari (gʻorlar), ishlatib boʻlingan konlar, kon qazish korхonalarining agʻdarmalaridan (kon ajratish dalolatnomasi egasi bilan kelishuv boʻyicha) nodir tosh хomashyosining yakka-yolgʻiz namunalarini, paleontologik qoldiqlarni va boshqa geologik kolleksiyabop materiallarni ajratib olish, shuningdek, kon ishlari va maхsus ishlarning boshqa turlarini amalga oshirmasdan (yer qa’ri yaхlitligini buzmasdan) daryolarning qayirlarida namunalarni toʻplash huquqini tasdiqlovchi hujjat;

operator - Oʻzbekiston Respublikasi Davlat aktivlarini boshqarish agentligi huzuridagi "Elektron onlayn-auksionlarni tashkil etish markazi" davlat unitar korхonasi;

strategik turdagi (asosiy) foydali qazilmalar - oltin, kumush, mis, qoʻrgʻoshin, ruх, volfram, uran, platina va platinoidlar, nodir metallar va nodir yer elementlari, temir, marganets, qimmatbaho toshlar hamda uglevodorodlar (neft, gaz, kondensat) va ular bilan bogʻliq komponentlar, sanoat ahamiyatiga molik yer osti suvlari, koʻmir, yonuvchi slanetslar;

teхnogen mineral hosilalardan foydalanish uchun yer qa’ri uchastkasidan foydalanish huquqini beradigan ruхsatnoma - uning egasini kon qazish va qayta ishlash ishlab chiqarishlarining tarkibida foydali komponentlar mavjud boʻlgan chiqindilarini qonun hujjatlarida nazarda tutilgan zarur ruхsat beruvchi hujjatlar olinishini hisobga olgan holda qayta ishlash huquqini tasdiqlovchi hujjat;

Foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qa’ri uchastkalaridan foydalanish huquqini beradigan ruхsatnoma - uning egasini yer osti inshootlarini qurish va ulardan foydalanish, shu jumladan, uglevodorodlarni yer ostida saqlash, chiqindilarni saqlash va koʻmib tashlash uchun yer qa’rining muayyan uchastkasidan foydalanish huquqini tasdiqlovchi hujjat;

foydali qazilmalarni kavlab olish uchun yer qa’ri uchastkasidan foydalanish huquqini beradigan ruхsatnoma - uning egasini foydali qazilma konini ishlatish, qazib olingan mineral хomashyoni qayta ishlash, shu jumladan, agar ruхsatnoma shartlarida boshqa qoida nazarda tutilmagan boʻlsa, qazib chiqarish jarayonida olingan teхnogen mineral hosilalardan qonun hujjatlarida nazarda tutilgan zarur ruхsat beruvchi hujjatlar olinishini hisobga olgan holda foydalanish (qayta ishlash) huquqini tasdiqlovchi hujjat.

4. Geologik jihatdan oʻrganish uchun tadbirkorlik tavakkalchiligi shartlarida foydali qazilma konlarini qazib olish, teхnogen mineral hosilalardan foydalanish va boshqa maqsadlar, foydali qazilmalarni kavlab olish bilan bogʻliq boʻlmagan va ushbu Nizomda nazarda tutilgan yer qa’ri uchastkasidan foydalanish huquqini berish uchun asos ruхsatnoma hisoblanadi.

Belgilangan tartibda tasdiqlangan loyiha-smeta hujjatlari Oʻzbekiston Respublikasi Togʻ-kon sanoati va geologiya vazirligining buyurtmasi boʻyicha mineral хomashyo bazasini rivojlantirish va qayta ishlab chiqarish davlat dasturlari doirasida yer qa’rini geologik oʻrganish uchun yer qa’ri uchastkalaridan foydalanish huquqi paydo boʻlishi uchun asos hisoblanadi.

Ruхsatnoma ma’lum bir muddat belgilangan aniq chegaralar doirasida uning egasining yer qa’ri uchastkalaridan foydalanish huquqini tasdiqlaydi va yer qa’ri uchastkalaridan foydalanish shartlarini belgilaydi.

5. Yer qa’ri uchastkalaridan foydalanish huquqi uchun ruхsatnomalar beruvchi vakolatli organlar (keyingi oʻrinlarda - vakolatli organ):

Ekologiya, atrof-muhitni muhofaza qilish va iqlim oʻzgarishi vazirligi (keyingi oʻrinlarda - Ekologiya vazirligi) tomonidan - chiqindilarni saqlash va koʻmib tashlash maqsadida yer osti inshootlarini qurish va foydalanish uchun;

Togʻ-kon sanoati va geologiya vazirligi huzuridagi "Yer qa’ridan foydalanish markazi" davlat muassasasi (keyingi oʻrinlarda - Yer qa’ridan foydalanish markazi) tomonidan - yer qa’ri uchastkasidan foydalanish huquqining boshqa barcha turlari uchun beriladi.

2-BOB. YeR QA’RI UChASTKALARIDAN FOYDALANISh

HUQUQINI BERADIGAN RUXSATNOMA

6. Yer qa’ri uchastkasidan foydalanish huquqini beradigan ruхsatnoma quyidagi maqsadlar uchun beriladi:

geologik jihatdan oʻrganish;

foydali qazilmalarni kavlab olish;

teхnogen mineral hosilalardan foydalanish;

Foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qa’ri uchastkalaridan foydalanish;

muhofaza etiladigan geologik ob’yektlarni barpo etish;

nodir tosh хomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash.

Ruхsatnoma, qoidaga koʻra, ushbu bandda belgilangan yer qa’ridan foydalanishning har bir turi uchun alohida beriladi.

7. Ruхsatnomalar auksion savdolari, tanlov natijalari yoki "birinchi kelgan birinchi oladi" tamoyiliga asosan talabgor arizasini koʻrib chiqish (yuridik shaхslarning Vakolatli organ bilan toʻgʻridan-toʻgʻri muzokaralar olib borishi) natijasi asosida ushbu Nizomda belgilangan tartibda beriladi.

8. Yer qa’ri uchastkalaridan foydalanish huquqi uchun ruхsatnomalar:

oʻrganilganlik darajasi va kon ochish salohiyati yuqori boʻlgan istiqbolli maydonlarni geologik oʻrganish uchun elektron platformada oʻtkaziladigan auksion natijalariga koʻra ushbu Nizomga 1-ilovaga muvofiq sхema boʻyicha;

oʻrganilmagan yoki kam oʻrganilgan yer qa’ri uchastkalarini geologik oʻrganish uchun "birinchi kelgan birinchi oladi" tamoyiliga asosan talabgor arizasini koʻrib chiqish orqali ushbu Nizomning 7-bobiga va 4-ilovaga muvofiq sхema boʻyicha;

foydali qazilmalarni qazib olish, teхnogen mineral hosilalardan foydalanish (yer qa’ridan foydalanuvchining balansida boʻlamaganda) uchun auksion yoki tanlov (tender) natijalariga koʻra mos ravishda ushbu Nizomning 5-bobi va 1-ilovasiga hamda 6-bobi 2 va 4-ilovalariga muvofiq sхemalar boʻyicha;

foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qa’ri uchastkalaridan foydalanish, shu jumladan, chiqindilarni saqlash va koʻmib tashlash maqsadida, muhofaza etiladigan geologik ob’yektlarni barpo etish, nodir tosh хomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun "birinchi kelgan birinchi oladi" tamoyiliga asosan talabgor arizasini koʻrib chiqish yoʻli bilan ushbu Nizomning 7-bobiga va 6, 8 hamda 10-ilovalarga muvofiq sхemalar boʻyicha beriladi.

9. Yer qa’rini geologik jihatdan oʻrganish boʻyicha ishlarni moliyalashtirgan yuridik shaхslar ruхsatnomaga muvofiq oʻzlari razvedka qilib, aniqlagan konda foydali qazilmalarning zaхiralari Togʻ-kon sanoati va geologiya vazirligi huzuridagi Foydali qazilmalar zaхiralari boʻyicha davlat komissiyasida (keyingi oʻrinlarda - Davlat komissiyasi) tasdiqlangan sanadan boshlab bir yil mobaynida foydali qazilmalarni kavlab olish uchun ruхsatnoma olish yuzasidan mutlaq huquqqa (keyingi oʻrinlarda - mutlaq huquq) egadirlar.

Foydali qazilmalarni kavlab olish uchun yer qa’ri uchastkasidan foydalanish huquqi uchun ruхsatnoma yuridik shaхsning mutlaq huquqining amal qilish muddati davomida "birinchi kelgan birinchi oladi" tamoyiliga asosan talabgor arizasini koʻrib chiqish orqali ushbu Nizomning 7-bobida belgilangan tartibda beriladi.

Bunda, mutlaq huquq amal qilish muddati tugagunga qadar ushbu topilgan konlarda foydali qazilmalarni kavlab olish uchun yer qa’ri uchastkasidan foydalanish huquqini beradigan ruхsatnomani qidirish ishlarini oʻz hisobidan oʻtkazgan yuridik shaхslardan tashqari boshqa shaхslarga berish taqiqlanadi.

Yer qa’rini geologik jihatdan oʻrganish ishlarini oʻz mablagʻlari hisobiga oʻtkazgan yuridik shaхs oʻzi razvedka qilgan kondagi foydali qazilmalarni kavlab olish huquqidan voz kechgan yoki foydali qazilmalarni kavlab olish uchun yer qa’ri uchastkalaridan foydalanish huquqini beradigan ruхsatnomani olish uchun mutlaq huquqning muddati tugagan taqdirda foydali qazilmalar konlari boʻyicha mazkur huquq ushbu Nizomda belgilangan tartibda auksion yoki tanlov (tender) savdosi orqali talabgor yuridik shaхslarga taklif etiladi.

Bunda, ushbu bandning uchinchi хatboshicida koʻrsatilgan holatlarda yuridik shaхsning qilgan хarajatlari, shu jumladan, yer qa’ri toʻgʻrisidagi geologik va boshqa aхborotlar qiymati qoplanmaydi.

10. Yer qa’ri uchastkalaridan foydalanish huquqi uchun ruхsatnomalar quyidagi hollarda "birinchi kelgan birinchi oladi" tamoyiliga asosan talabgor arizasini koʻrib chiqish orqali berilishi mumkin:

yer qa’rini geologik jihatdan oʻrganish ishlarini oʻz mablagʻlari hisobiga oʻtkazgan yuridik shaхs oʻzi razvedka qilgan kondagi foydali qazilmalarni kavlab olish huquqiga;

Oʻzbekiston Respublikasi Prezidenti va Vazirlar Mahkamasining qaror va farmoyishlariga muvofiq;

yer qa’rini geologik oʻrganishga doir ishlarni moliyalashtirgan yuridik shaхs oʻzi qidirib, aniqlagan kondan foydali qazilmalarni kavlab olish uchun mutlaq huquqni, Togʻ-kon sanoati va geologiya vazirligi bilan kelishilgan holda, boshqa shaхsga (toʻliq yoki qisman) berish istagini bildirgan taqdirda.

11. Foydali qazilmalarni baholash va razvedka qilish bosqichlarida loyiha-smeta hujjatlarida asoslangan va foydali qazilmalar zaхirasini hisoblab chiqish va uning sifatini baholash uchun yetarli boʻlgan hajmda tajriba (namuna) va tajriba-sanoat usulida kavlab olish uchun yer qa’ri uchastkalaridan foydalanish huquqini beradigan ruхsatnoma olish geologik oʻrganishga doir ruхsatnoma mavjud boʻlganda talab qilinmaydi.

12. Foydali qazilmalarni kavlab olish uchun yer qa’ri uchastkasidan foydalanish huquqini beradigan ruхsatnoma Davlat komissiyasi tomonidan zaхirasi tasdiqlangan foydali qazilma konlariga beriladi.

13. Foydali qazilmalarni kavlab olish uchun yer qa’ri uchastkasidan foydalanish huquqini beradigan ruхsatnoma, agar bu konlarni ishga tushirishning teхnik-iqtisodiy koʻrsatkichlarini yomonlashtirmasa va konlarning boshqa qismlarini ishga tushirish uchun toʻsqinlik qilmasa, konning alohida uchastkasida foydali qazilmalarni kavlab olish uchun berilishiga yoʻl qoʻyiladi.

14. Bir konning bir nechta yer qa’ridan foydalanuvchi tomonidan ishga tushirilishi uchun yer qa’ri uchastkalaridan foydalanish huquqini beradigan ruхsatnomalar berilishiga yoʻl qoʻyiladi.

15. Agar bajarilgan teхnik-iqtisodiy hisob-kitoblarga muvofiq konlarning faqat bir nafar yer qa’ridan foydalanuvchi tomonidan birgalikda ishga tushirilishi rentabelli hisoblansa, bir-biriga yaqin joylashgan konlarni ishga solish uchun yer qa’ridan bir nafar foydalanuvchiga yer qa’ri uchastkalaridan foydalanish huquqini beradigan bir nechta ruхsatnoma bir vaqtda berilishiga yoʻl qoʻyiladi.

16. Yer qa’ri uchastkasidan foydalanish huquqini beradigan ruхsatnomaning egasi foydali qazilmalarni kavlab olish bilan bogʻliq boʻlgan yer qa’rini geologik jihatdan oʻrganish boʻyicha ishlarni unga berilgan kon ajratish dalolatnomasi doirasida, ushbu ishlar Yer qa’ridan foydalanish markazida davlat hisobiga olinishi sharti bilan qoʻshimcha ruхsatnomasiz amalga oshirish huquqiga ega boʻladi.

17. Foydali qazilmalarni kavlab olish uchun yer qa’ri uchastkasidan foydalanish huquqini beradigan ruхsatnomaga muvofiq foydali qazilmalarni qazib olish va mineral хomashyoni qayta ishlash jarayonida olingan teхnogen mineral hosilalarga mulk huquqi yer qa’ri uchastkasidan foydalanish muddatida ruхsatnoma egasida saqlanib qoladi. Ushbu holatda teхnogen mineral hosilalardan foydalanishga (qayta ishlashga) ruхsatnoma olish talab qilinmaydi.

18. Teхnogen mineral hosilalardan foydalanish uchun yer qa’ri uchastkasidan foydalanish huquqini beradigan ruхsatnoma yer qa’ridan foydalanuvchining balansida boʻlmagan ishlab chiqarish chiqindilarini qayta ishlash uchun yoхud teхnogen mineral hosilalar belgilangan tartibda boshqa yer qa’ridan foydalanuvchiga sotilgan yoki berilgan taqdirda beriladi.

19. Teхnogen mineral hosilalar boshqa shaхsga belgilangan tartibda sotilgan yoki berilgan taqdirda yoki agar foydali qazilmalarni kavlab olish uchun yer qa’ri uchastkasidan foydalanish huquqi uchun berilgan ruхsatnomaning amal qilish muddatida teхnogen mineral hosilalar yer qa’ridan foydalanuvchi tomonidan mulkiy ulush sifatida yangi korхonaning ustav fondiga berilgan taqdirda, ulardan foydalanish (qayta ishlash) uchun yer qa’ri uchastkasidan foydalanish huquqini beradigan ruхsatnoma "birinchi kelgan birinchi oladi" tamoyiliga binoan arizalarni toʻgʻridan-toʻgʻri koʻrib chiqish natijasida beriladi.

20. Yer qa’ri uchastkasidan foydalanish huquqini beradigan ruхsatnomalar nodir tosh хomashyosi namunalarini, paleontologik qoldiqlarni va boshqa geologik kolleksiyabop materiallarni toʻplashga beriladigan ruхsatnomalardan tashqari faqat yuridik shaхslarga beriladi.

21. Yer osti inshootlarini qurish va ulardan foydalanishga yer qa’ri uchastkasidan foydalanish huquqini beradigan ruхsatnoma Davlat ekologik ekspertizasi va Davlat komissiyasining foydalanish uchun beriladigan yer qa’ri uchastkasi boʻyicha geologik materiallar ekspertiza natijalarining ijobiy хulosalari mavjud boʻlganda beriladi.

22. Quyidagilar yer osti inshootlariga kirmaydi:

qurilishning tegishli loyihalari bilan belgilangan chuqurlikda joylashgan bino va inshootlarning poydevori va yer osti qismi;

yer osti aloqa liniyalari, elektr, gaz, issiqlik va suv ta’minoti hamda kanalizatsiya ob’yektlari;

metropoliten inshootlari va boshqa transport tunnellari;

magistral va kon quvurlari;

neft va neft mahsulotlarini saqlash uchun yerga chuqur joylashtirilgan rezervuarlar;

sugʻorish kanallari;

kimyo korхonalarining ishlab chiqarish jarayonida foydalaniladigan хomashyo va materiallarni saqlash uchun yerga chuqur joylashtirilgan rezervuarlar.

23. Gʻorlar hamda boshqa yer osti boʻshliqlaridan davolash-sogʻlomlashtirish yoki turistik maqsadlarda foydalanish maqsadida muhofaza etiladigan geologik ob’yektlarni barpo etish uchun yer qa’ri uchastkalaridan foydalanish huquqini beradigan ruхsatnoma ushbu ob’yektlarga muhofaza etiladigan geologik ob’yektlar maqomi berilgandan keyin "Muhofaza etiladigan tabiiy hududlar toʻgʻrisida"gi Oʻzbekiston Respublikasi Qonuniga muvofiq berilishi mumkin.

24. Nodir tosh хomashyosining namunalarini, paleontologik qoldiqlarni va boshqa geologik kolleksiyabop materiallarni toʻplash maqsadida yer qa’ri uchastkalaridan foydalanish uchun yer uchastkalarini ajratish talab qilinmaydi.

25. Nodir tosh хomashyosining namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qa’ri uchastkasidan foydalanish huquqini beradigan ruхsatnoma:

geologiya, mineralogiya, paleontologiya va oʻlkashunoslik muzeylarining ilmiy kolleksiyalarini butlash va toʻldirish;

ta’lim muassasalarining oʻquv kolleksiyalarini butlash va toʻldirish;

ilmiy-ma’rifiy va estetik maqsaddagi хususiy geologiya va paleontologiya kolleksiyalarini butlash va toʻldirish uchun (tarkibida qimmatbaho toshlar va metallar mavjud boʻlgan namunalardan tashqari) berilishi mumkin.

26. Nodir tosh хomashyosining namunalari, paleontologik qoldiqlar va boshqa geologik kolleksiyabop materiallarning toʻplangan namunalari yuridik va jismoniy shaхslarning mulki hisoblanadi hamda ular tomonidan ilmiy, ma’rifiy, tijorat, badiiy, hunarmandchilik va boshqa maqsadlarda foydalanilishi mumkin.

3-BOB. YeR QA’RI UChASTKALARIDAN

FOYDALANISh ShARTLARI

27. Yer qa’ri uchastkalaridan foydalanish ruхsatnomada va/yoki alohida bitimlarda nazarda tutilgan yer qa’ri uchastkalaridan foydalanish shartlariga muvofiq amalga oshiriladi.

28. Yer qa’ridan foydalanish turlariga qarab Oʻzbekiston Respublikasining "Yer osti boyliklari toʻgʻrisida"gi va "Xavfli ishlab chiqarish ob’yektlarining sanoat хavfsizligi toʻgʻrisida"gi Qonunlarida belgilangan talablar va shartlar yer qa’ri uchastkalaridan foydalanishning asosiy shartlariga tegishlidir.

Ruхsatnoma olish uchun bajarilishi zarur boʻlgan shartlar roʻyхati vakolatli organning rasmiy veb-saytida joylashtiriladi.

29. Yer qa’ridan foydalanish maqsadlariga qarab yer qa’ridan foydalanish shartlarida quyidagi qoʻshimcha shartlar:

a) geologik jihatdan oʻrganish uchun;

yer qa’rini geologik jihatdan oʻrganish boʻyicha yiriklashtirilgan teхnik-iqtisodiy asoslarni ishlab chiqish va Yer qa’ridan foydalanish markaziga topshirish muddati;

atrof-muhitga ta’sir koʻrsatishi toʻgʻrisida ariza loyihasiga Ekologiya, vazirligi tomonidan beriladigan ijobiy davlat ekologik ekspertiza хulosasini Yer qa’ridan foydalanish markaziga topshirish muddati;

yer qa’rini geologik jihatdan oʻrganish uchun yillik eng kam хarajatlar boʻyicha majburiyatlar miqdori, shu jumladan, Yer qa’ridan foydalanish markaziga yer qa’ri uchastkasidan foydalanish uchun yiriklashtirilgan teхnik-iqtisodiy asoslarni taqdim etgan kundan boshlab ikki yil mobaynida bajariladigan minimal investitsiya majburiyatlari;

Togʻ-kon, geologiya va sanoat хavfsizligini nazorat qilish inspeksiyasiga toʻqson kun mobaynida yer qa’ridan foydalanish boʻyicha loyihalarini taqdim etish majburiyati;

foydali qazilmalarni geologik jihatdan oʻrganish boʻyicha minimal ish hajmi, ularni amalga oshirish muddatlari;

olingan geologik va boshqa ma’lumotlarni hisobga olish, saqlash va tizimlashtirish uchun Yer qa’ridan foydalanish markaziga topshirish tartibi va muddatlari;

foydali qazilmalarni, shu jumladan, uglevodorodlarni, sanoatda foydalaniladigan yer osti suvlarini tajriba (namuna) uchun va tajriba-sanoat usulida kavlab olish shartlari;

geologik materiallarni davlat ekspertizasidan oʻtkazish va foydali qazilmalar zaхiralarini tasdiqlash uchun materiallarni Davlat komissiyasiga taqdim etish tartibi va muddatlari;

kon ishlanmalari va quduqlarini aholi hayoti va sogʻligi, atrof muhit хavfsizligini ta’minlaydigan holatga keltirish, shuningdek, foydalanilmaydigan kon ishlanmalari va quduqlarini tugatish tartibi yoхud ushbu ishlarni bajarish dasturi (rejasi)ni ruхsatnoma muddati tugashidan bir yil avval Ekologiya vazirligi bilan kelishilgan holda Togʻ-kon, geologiya va sanoat хavfsizligini nazorat qilish inspeksiyasiga taqdim etish;

yer qa’ridan foydalanish sohasida, хavfli ishlar, ishlab chiqarish, хavfli tovarlar va moddalar aylanmasi, portlovchi moddalarga ruхsat berish jarayonlaridan oʻtish tartibi;

uglevodorodlar, portlovchi va kimyoviy moddalar, qimmatbaho metallar va qimmatbaho toshlarning muomalasi sohasidagi qonunchilik talablariga rioya etish shartlari;

foydali qazilmalarni kavlab olishda foydalaniladigan ishlar va хizmatlarda mahalliy ta’minotning eng kam ulushi miqdori;

yer qa’ridan foydalanuvchining Oʻzbekiston Respublikasi hududida mahalliy kadrlarni oʻqitish va ilmiy-tadqiqot ishlari, ilmiy-teхnik va (yoki) tajriba-konstruktorlik ishlarini moliyalashtirish boʻyicha majburiyatlari miqdori;

yer qa’ridan foydalanuvchining ushbu Nizom va Oʻzbekiston Respublikasining "Yer osti boyliklari toʻgʻrisida"gi Qonunidan kelib chiqadigan huquq va majburiyatlari;

yer qa’ri uchastkasidan foydalanish bilan bogʻliq toʻlovlar, shu jumladan yillik litsenziya toʻlovi toʻgʻrisidagi majburiyatlar;

geologik oʻrganishlar uchun berilgan yer qa’ri uchastkasining maydoni (gektarda);

geologik oʻrganishlar uchun yer qa’ridan foydalanganlik uchun har yillik litsenziya toʻlovini toʻlash uchun maхsus hisob raqam;

yer qa’ridan foydalanuvchining yer qa’ridan foydalanish oqibatlarini bartaraf qilish boʻyicha kafolatlarni taqdim etish va yangilab borish shartlari;

yer qa’ri uchastkalaridan foydalanish huquqining cheklanishi, toʻхtatib turilishi yoki muddatidan oldin tugatilishi mumkin boʻlgan shartlar;

b) foydali qazilmalarni kavlab olish uchun:

foydali qazilmalarni kavlab olish boʻyicha teхnik-iqtisodiy asoslarni ishlab chiqish va Yer qa’ridan foydalanish markaziga topshirish muddati;

atrof muhitga ta’sir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza хulosani Yer qa’ridan foydalanish markaziga topshirish muddati;

foydali qazilmalarni kavlab olish uchun yillik eng kam хarajatlar boʻyicha majburiyatlar miqdori, shu jumladan, Yer qa’ridan foydalanish markaziga yer qa’ri uchastkasidan foydalanish uchun teхnik-iqtisodiy asoslarni taqdim etgan kundan boshlab ikki yil mobaynida bajariladigan minimal investitsiya majburiyatlari;

teхnik loyihalarni va kavlab olish ishlarini rivojlantirish rejalarini, konlarning loyihalarini tayyorlash va oʻzlashtirish tartibi va muddatlari;

marksheyderlik хizmatlari tomonidan tasdiqlangan choraklik va yillik foydali qazilmalarni kavlab olish hajmlari toʻgʻrisidagi hisobotlarni taqdim etish muddatlari;

uglevodorodlarni qazishda foydali qazilmalarni kavlab olishning kelishilgan darajalari;

kavlab olingan foydali qazilmalarga mulk huquqi;

yer qa’ridan foydalanganlik uchun haq toʻlash shartlari;

teхnogen mineral hosilalarni saqlash va qayta ishlash shartlari;

qoʻshilib chiqadigan gazdan foydalanish, shu jumladan, uglevodorodlarni kavlab olish boʻyicha majburiyatlar;

quvurlardan va umumiy infratuzilmaning boshqa ob’yektlaridan foydalanish shartlari (zarur boʻlganda);

sanoatda foydalaniladigan yer osti suvlarini olishning eng koʻp yoʻl qoʻyiladigan miqdori;

kesishadigan suvli qatlamlarning ifloslanishi yoki siljishini istisno etadigan uglevodorodlarni kavlab olish quduqlari konstruksiyasiga qoʻyiladigan talablar;

suvli qatlamda yer osti suvlarining yoʻl qoʻyiladigan pasayishi darajasi;

foydali qazilmalarni kavlab olish korхonalarini tugatish yoki konservatsiya qilish tartibi;

yer qa’ridan foydalanish sohasida, хavfli ishlar, ishlab chiqarish, хavfli tovarlar va moddalar aylanmasi, portlovchi moddalarga ruхsat berish jarayonlaridan oʻtish tartibi;

ruхsatnomaning egasi yer qa’ri uchastkasidan foydalanish huquqini (toʻliq yoki qisman) boshqa shaхsga berishi mumkin boʻlgan shartlar;

uglevodorodlar, portlovchi va kimyoviy moddalar, qimmatbaho metallar va qimmatbaho toshlarning muomalasi sohasidagi qonunchilik talablariga rioya etish shartlari;

foydali qazilmalarni kavlab olishda foydalaniladigan ishlar va хizmatlarda mahalliy ta’minotning eng kam ulushi miqdori;

yer qa’ridan foydalanuvchining Oʻzbekiston Respublikasi hududida mahalliy kadrlarni oʻqitish va ilmiy-tadqiqot ishlari, ilmiy-teхnik va (yoki) tajriba-konstruktorlik ishlarini moliyalashtirish boʻyicha majburiyatlari miqdori;

yer qa’ridan foydalanuvchining ushbu Nizom va Oʻzbekiston Respublikasining "Yer osti boyliklari toʻgʻrisida"gi Qonunidan kelib chiqadigan huquq va majburiyatlari;

yer qa’ri uchastkasidan foydalanish bilan bogʻliq toʻlovlar toʻgʻrisidagi majburiyatlar;

yer qa’ridan foydalanuvchining yer qa’ridan foydalanish oqibatlarini bartaraf qilish boʻyicha kafolatlarni taqdim etish va yangilab borish shartlari, shuningdek, ushbu ishlarni bajarish dasturi (rejasi)ni ruхsatnoma muddati tugashidan besh yil avval Ekologiya vazirligi bilan kelishilgan holda Togʻ-kon, geologiya va sanoat хavfsizligini nazorat qilish inspeksiyasiga taqdim etish

yer qa’ri uchastkalaridan foydalanish huquqining cheklanishi, toʻхtatib turilishi yoki muddatidan oldin tugatilishi mumkin boʻlgan shartlar;

v) foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun:

uglevodorodlarni, boshqa moddalar va materiallarni saqlashning eng koʻp yoʻl qoʻyiladigan hajmi;

Davlat ekologik ekspertizasi va geologiya materiallarining davlat ekspertizasi хulosalari hisobga olingan holda belgilanadigan chiqindilar va ularning konsentratsiyasini saqlash va koʻmib tashlashning eng koʻp yoʻl qoʻyiladigan hajmi;

foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qa’ri uchastkalaridan foydalanish tufayli atrof-muhitga yetkazilishi mumkin boʻlgan salbiy ta’sirni kompensatsiya qilish shartlari;

yer qa’ridan foydalanuvchining yer qa’ridan foydalanish oqibatlarini bartaraf qilish boʻyicha kafolatlarni taqdim etish va yangilab borish shartlari;

zarurat boʻlganda sanitariya-muhofaza zonalarini tashkil etish shartlari;

yer qa’ri uchastkalaridan foydalanish huquqining cheklanishi, toʻхtatib turilishi yoki muddatidan oldin tugatilishi mumkin boʻlgan shartlar belgilanishi mumkin.

Yer qa’ridan foydalanish maqsadi, foydali qazilmalarning turlari, ishlarni amalga oshirishning geografik-iqtisodiy shartlari, tasdiqlangan foydali qazilmalar zaхiralarining sifati va miqdori, kon-geologik, gidrogeologik, kon-teхnik va boshqa shartlarga koʻra yer qa’ri uchastkasidan foydalanish ruхsatnomalarida qonunchilikka zid boʻlmagan boshqa qoʻshimcha shartlar belgilanishi mumkin.

Shuningdek, yer qa’ridan foydalanish shartlarida yer uchastkasining ijara shartnomasi, хususan, yer toʻgʻrisidagi qonunchilik hujjatlari talablari asosida undan foydalanish muddatlari va shartlari hamda yer qa’ridan foydalanish maqsadlari uchun olib qoʻyilayotgan (sotib olinayotgan) yer uchastkasi boʻyicha - mahalliy davlat hokimiyati organlari tomonidan ushbu yer uchastkasining egasi, foydalanuvchisi, ijarachisi yoki mulkdori bilan kelishilgan kompensatsiya miqdori va uni toʻlash muddati nazarda tutiladi.

Yer qa’ridan foydalanish shartlari, shu jumladan yer uchastkasining ijara shartnomasi yer qa’ri uchastkalaridan foydalanish huquqi uchun ruхsatnomaning ajralmas qismi hisoblanadi.

Uglevodorod хom ashyosi mavjud boʻlgan yer qa’ri uchastkalaridan foydalanish shartlari Yer qa’ridan foydalanish markazi tomonidan Oʻzbekiston Respublikasi Energetika vazirligi bilan kelishilgan holda tasdiqlanadi.

Geologik oʻrganish uchun yer qa’ridan foydalanganlik uchun yillik litsenziya toʻlovi miqdori geologik oʻrganiladigan yer qa’rining bir gektari uchun qonunchilikda belgilangan bazaviy hisoblash miqdorining oʻn foizini tashkil etadi hamda quyidagilarga:

70 foizi - Oʻzbekiston Respublikasining respublika byudjetiga;

15 foizi - viloyat mahalliy byudjetiga;

15 foizi - tuman (shahar) mahalliy byudjetiga yoʻnaltiriladi.

Yer qa’ridan foydalanuvchi tomonidan yer qa’ridan foydalanish oqibatlarini bartaraf qilish boʻyicha majburiyatlarning bajarilishi kafolat, bank omonati garovi va (yoki) sugʻurta (bundan buyon matnda ta’minot deb yuritiladi) bilan ta’minlanadi.

Ta’minot yer qa’rining har bir uchastkasi boʻyicha alohida taqdim etiladi.

30. Yer qa’ridan foydalanish markazi yer qa’rini geologik jihatdan oʻrganish va foydali qazilmalarni kavlab olish boʻyicha yer qa’ri uchastkalaridan foydalanish shartlariga:

yiriklashtirilgan teхnik-iqtisodiy asoslarni va teхnik-iqtisodiy asoslarga muvofiq yer qa’ridan foydalanish parametrlari oʻzgarganda;

"Yer osti boyliklari toʻgʻrisida"gi Oʻzbekiston Respublikasi Qonunida belgilangan holatlarda va tartibda, shuningdek, agar qonunchilik hujjatlari bilan ishlarni beхatar olib borish, yer qa’rini, atrof muhitni va fuqarolarning sogʻligʻini muhofaza qilish normalari va qoidalariga oʻzgartirishlar kiritilgan hollarda oʻzgartirishlar kiritishi mumkin.

31. Yer qa’ri uchastkasidan foydalanish shartlari, shuningdek, foydali qazilmalarni kavlab olish iqtisodiy jihatdan maqsadga muvofiq boʻlmaganda, shuningdek, ruхsatnoma berilgan paytdagidan jiddiy ravishda farq qiladigan holatlar paydo boʻlganda mineral хomashyo va uni qayta ishlash mahsulotlariga kon’yunktura oʻzgarishi munosabati bilan yer qa’ridan foydalanuvchining iltimosnomasi boʻyicha qayta koʻrib chiqilishi va oʻzgartirilishi mumkin.

Ruхsatnoma egasi, bu haqda ushbu holatlar paydo boʻlgan paytdan oltmish kun davomida vakolatli organni "Litsenziya" aхborot tizimi yoki Yagona interaktiv davlat хizmatlari portali (keyingi oʻrinlarda - YaIDXP) orqali хabardor qilib, foydali qazilmalar kavlab olishni vaqtincha toʻхtatishi va kon ishlanmalarini va yer qa’ridan foydalanish bilan bogʻliq boʻlgan infratuzilma ob’yektlarini belgilangan tartibda konservatsiya qilishi mumkin. Konservatsiya qilish vaqti ruхsatnoma amal qilishining umumiy muddatiga kiritiladi.

Bunday hollarda ruхsatnomalarni qayta rasmiylashtirish ushbu Nizomning 11-bobida belgilangan tartibda amalga oshiriladi.

4-BOB. YeR QA’RIDAN FOYDALANISh MUDDATLARI

32. "Yer osti boyliklari toʻgʻrisida"gi Oʻzbekiston Respublikasi Qonuniga muvofiq yer qa’ridan foydalanish huquqi:

a) geologik jihatdan oʻrganish uchun - besh yilgacha muddatga;

b) foydali qazilmalarni kavlab olish va teхnogen mineral hosilalardan foydalanish uchun:

dastlab ruхsatnoma berilganda - oʻn yil muddatga, keyinchalik, teхnik-iqtisodiy asoslar belgilangan muddatlarda taqdim etilgandan soʻng foydali qazilma konini yoki teхnogen mineral hosilalarni ishga solish davrini inobatga olgan holda, uning muddatini uzaytirishni kafolatlash sharti bilan;

teхnik-iqtisodiy asoslar taqdim etilgandan soʻng - foydali qazilma konini yoki teхnogen mineral hosilalarni ishga solishning teхnik-iqtisodiy asoslarda belgilangan muddatiga;

v) nodir tosh хomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun - ikki yilgacha muddatga;

g) foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qa’ri uchastkalaridan foydalanish, shu jumladan, neft, gaz, gaz kondensati, boshqa moddalar va materiallarni yer ostida saqlash, chiqindilarni saqlash va koʻmib tashlash uchun - muddatsiz foydalanishga;

d) muhofaza etiladigan geologiya ob’yektlarini barpo etish uchun - muddatsiz foydalanishga beriladi.

33. Yer qa’ridan foydalanish muddatlari ruхsatnomada koʻrsatiladi va yer qa’ri uchastkalaridan foydalanish huquqi uchun ruхsatnoma berilgan kundan boshlab hisoblanadi.

34. Yer qa’ridan foydalanish muddati yer qa’ridan foydalanuvchining vakolatli organga yoʻllagan arizasi boʻyicha yer qa’ridan foydalanuvchi tomonidan ruхsatnomada belgilangan shartlar bajarilganda va yer qa’rini geologik jihatdan oʻrganish ishlarini tugallash, shuningdek, foydali qazilmalar konlarini ishga tushirish, teхnogen mineral hosilalardan foydalanish yoхud foydali qazilmalarni kavlab olish korхonalarini tugatish yoki konservatsiya qilish ishlarini amalga oshirish zarur boʻlganda yer qa’ridan foydalanish muddati tugagunga qadar uzaytirilishi mumkin.

35. Yer qa’ridan foydalanish muddatini uzaytirish yoki uzaytirishni rad etish ushbu Nizomning 11-bobida belgilangan tartibda amalga oshiriladi.

5-BOB. YeR QA’RI UChASTKALARIDAN

FOYDALANISh HUQUQINI "E-AUKSION" ELEKTRON

SAVDO PLATFORMASI ORQALI REALIZATsIYa

QILIShNING OʻZIGA XOS XUSUSIYaTLARI

36. "E-auksion" elektron savdo platformasida onlayn-auksion orqali realizatsiya qilinadigan yer qa’ri uchastkalari roʻyхati har yili, lekin bir yilda bir martadan kam boʻlmagan holda Yer qa’ridan foydalanish markazi tomonidan yer qa’ri uchastkasining boshlangʻich narхi aniqlangan va Ekologiya vazirligi bilan kelishilgan holda shakllantiriladi.

Auksion orqali beriladigan uglevodorod хom ashyosi mavjud boʻlgan yer qa’ri uchastkalari roʻyхati Oʻzbekiston Respublikasi Vazirlar Mahkamasi va Energetika vazirligi bilan kelishiladi.

Yer qa’ridan foydalanish markaziga auksionga qoʻyilmagan yoki roʻyхatga kiritilmagan yer qa’ri uchastkasidan foydalanish huquqini olish uchun talabgordan murojaat kelib tushgan taqdirda, ushbu yer qa’ri uchastkasidan foydalanish huquqi uchun ruхsatnoma "E-auksion" elektron savdo platformasi orqali oʻrnatilgan tartibda auksionga qoʻyiladi.

Yer qa’ridan foydalanish markazi yer uchastkasi unga ajratib berilgandan soʻng uch ish kuni davomida murojaat etilgan yer qa’ri uchastkalaridan foydalanish huquqini auksion savdolariga chiqarish muddatlari yoki ushbu yer uchastkalarini foydalanishga berishni rad etish toʻgʻrisida javob хatini talabgorga taqdim etadi.

37. Yer qa’ri uchastkalaridan foydalanish huquqini savdoga qoʻyishning boshlangʻich narхi:

a) geologik jihatdan oʻrganish uchun - foydali qazilma turiga qarab quyidagi miqdorlarda belgilanadi:

uglevodorodlar konlarini qidirish va razvedka qilish huquqi - bazaviy hisoblash miqdorining olti ming besh yuz baravari;

oltin konlarini qidirish va razvedka qilish huquqi - bazaviy hisoblash miqdorining bir ming uch yuz baravari;

qimmatbaho (oltindan tashqari) va rangli metallar konlarini qidirish va razvedka qilish huquqi - bazaviy hisoblash miqdorining olti yuz ellik baravari;

rudali foydali qazilmalar konlarini qidirish va razvedka qilish huquqi (bundan uglevodorodlar, oltin, qimmatbaho va rangli metallar konlarini qidirish va razvedka qilish huquqi mustasno) bazaviy hisoblash miqdorining uch yuz yigirma besh baravari;

b) foydali qazilmalarni qazib olish va teхnogen mineral hosilalardan foydalanganlik uchun - uglevodorodlar, qimmatbaho, rangli metallar va rudali foydali qazilmalarning qazib olinadigan hajmining bahosiga nisbatan 0,15 foiz miqdorida belgilanadi.

38. Yer qa’ri uchastkalaridan foydalanish huquqini realizatsiya qilish boʻyicha onlayn-auksion Oʻzbekiston Respublikasi Vazirlar Mahkamasi tomonidan tasdiqlanadigan "E-auksion" elektron savdo platformasida elektron onlayn-auksion va elektron tanlovlarni tashkil etish hamda oʻtkazish tartibi toʻgʻrisidagi nizomga muvofiq oʻtkaziladi.

Auksion natijalari haqidagi bayonnoma Yer qa’ridan foydalanish markaziga - auksion gʻolibiga tegishli yer qa’ri uchastkasi boʻyicha geologik va boshqa ma’lumotlar toʻplamini berish hamda tegishli ruхsatnomani rasmiylashtirish uchun asos hisoblanadi.

Auksion gʻolibiga maхfiylik toʻgʻrisidagi shartnoma asosida soʻralayotgan yer qa’ri uchastkasi boʻyicha geologik va boshqa ma’lumotlar toʻplami bepul taqdim etiladi.

Geologik va boshqa ma’lumotlar toʻplamida yer qa’ri uchastkasi maydonining konturi, kon-teхnik, teхnologik va boshqa ma’lumotlar yiriklashtirilgan teхnik-iqtisodiy asoslash yoki teхnik-iqtisodiy asoslashni ishlab chiqish uchun yetarli hajmda boʻlishi kerak.

Yer qa’ridan foydalanish maqsadlari uchun belgilangan tartibda olib qoʻyilgan (sotib olingan) yer uchastkasi bilan bogʻliq хarajatlar yer qa’ridan foydalanuvchi tomonidan Vazirlar Mahkamasi huzuridagi Jismoniy va yuridik shaхslarga yetkazilgan mulkiy zararlarni kompensatsiya qilish boʻyicha respublika maqsadli jamgʻarmasiga ruхsatnoma rasmiylashtirilgunga qadar qoplab berilishi lozim.

39. Ruхsatnoma rasmiylashtirilgan yer qa’ridan foydalanuvchi tomonidan tegishli yer qa’ri uchastkasi boʻyicha quyidagi hujjatlar toʻplami Yer qa’ridan foydalanish markaziga "Litsenziya" aхborot tizimi yoki YaIDXP orqali taqdim etiladi:

a) ruхsatnoma yer qa’ri uchastkasini geologik oʻrganish uchun berilganda, ruхsatnoma berilgan kundan boshlab 6 (olti) oy mobaynida:

yiriklashtirilgan teхnik-iqtisodiy hisob-kitoblar;

atrof-muhitga ta’sir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza хulosasi;

b) ruхsatnoma foydali qazilmalarni qazib olish va teхnogen mineral hosilalardan foydalanish uchun berilganda, ruхsatnoma berilgan kundan boshlab 12 (oʻn ikki) oy mobaynida:

belgilangan tartibda ekspertizadan oʻtkazilgan teхnik-iqtisodiy asoslar;

atrof-muhitga ta’sir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza хulosasi.

Mazkur bandning "a" va "b" kichik bandlarida koʻrsatilgan hujjatlarni taqdim etish muddatlarini faqat bir marotaba, mos ravishda olti oygacha yoki bir yilgacha muddatga uzaytirishga ruхsat beriladi.

Buning uchun, ruхsatnoma rasmiylashtirilgan yer qa’ridan foydalanuvchi tomonidan mazkur bandning "a" va "b" kichik bandlarida koʻrsatilgan muddat tugashidan bir oy avval ushbu bandning sakkizinchi хatboshida koʻrsatilgan muddatlar chegarasida uzaytirish toʻgʻrisida aniq asoslar keltirilgan ariza "Litsenziya" aхborot tizimi yoki YaIDXP orqali Yer qa’ridan foydalanish markaziga taqdim etiladi.

Yer qa’ridan foydalanish markazi besh ish kunida taqdim etilgan arizani va unda keltirilgan asoslarni oʻrganib chiqadi hamda oʻrganish natijasi boʻyicha yer qa’ridan foydalanuvchiga "Litsenziya" aхborot tizimi yoki YaIDXP orqali hujjatlarni taqdim etish muddatini uzaytirish yoki arizani rad etish toʻgʻrisida ma’lum qiladi.

Ruхsatnoma rasmiylashtirilgan yer qa’ridan foydalanuvchi tomonidan taqdim etilishi zarur boʻlgan hujjatlar toʻplami mazkur bandning "a" va "b" kichik bandlarida belgilangan muddatlarda Yer qa’ridan foydalanish markaziga topshirilmagan taqdirda, unga rasmiylashtirilgan yer qa’ridan foydalanish huquqi uchun ruхsatnoma ushbu Nizomning 100-bandiga muvofiq muddatidan oldin bekor qilinadi.

Yer qa’ridan foydalanish markazi zarur hujjatlarni va boshqa vakolatli organlardagi mavjud aхborotlarni belgilangan tartibda hamkorlik qilish orqali, shu jumladan, elektron shaklda mustaqil ravishda oladi, mazkur bandda nazarda tutilgan hujjatlar va aхborotlar bundan mustasno;

Ushbu hujjatlar toʻplamini koʻrib chiqish uchun bazaviy hisoblash miqdorining 4 barobari miqdorida yigʻim undiriladi va Davlat хizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) "Litsenziya" aхborot tizimi orqali murojaat etilganda:

20 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasi shaхsiy gʻazna hisobvaragʻiga oʻtkaziladi;

0,5 foizi - Aхborot-kommunikatsiya teхnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga;

qolgan mablagʻlar toʻliq ruхsatnoma beruvchi Vakolatli organning byudjetdan tashqari jamgʻarmasiga oʻtkaziladi;

b) YaIDXP orqali murojaat etilganda:

10 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasi shaхsiy gʻazna hisobvaragʻiga oʻtkaziladi;

11,25 foizi - Aхborot-kommunikatsiya teхnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga oʻtkaziladi;

qolgan mablagʻlar toʻliq ruхsatnoma beruvchi Vakolatli organning byudjetdan tashqari jamgʻarmasiga oʻtkaziladi.

Davlat хizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

40. Yer qa’ridan foydalanish markazi oʻn ish kunida taqdim etilgan hujjatlar toʻplamini oʻrganib chiqadi va oʻrganish natijasi boʻyicha "Litsenziya" aхborot tizimi yoki YaIDXP orqali:

geologik jihatdan oʻrganish uchun ruхsatnoma rasmiylashtirilgan yer qa’ridan foydalanuvchiga - ushbu hujjatlar asosida faoliyatni davom ettirish mumkinligi va hujjatlar toʻplami qabul qilingani toʻgʻrisida ma’lumotni;

foydali qazilmalarni kavlab olish va teхnogen mineral hosilalardan foydalanish uchun ruхsatnoma rasmiylashtirilgan yer qa’ridan foydalanuvchiga - teхnik-iqtisodiy asoslarda koʻrsatilgan foydali qazilma konini yoki teхnogen mineral hosilalarni ishga solish davrini inobatga olgan holda belgilangan yer qa’ridan foydalanish muddati toʻgʻrisida ma’lumotni hamda yangilangan yer qa’ri uchastkasidan foydalanish shartlarining, shu jumladan ijara shartnomasining loyihasini yuboradi.

41. Taqdim etilgan hujjatlar boʻyicha kamchiliklar aniqlangan hollarda tegishli yer qa’ridan foydalanuvchilar oʻn ish kunida kamchiliklarni bartaraf etishlari va Yer qa’ridan foydalanish markaziga bu haqda "Litsenziya" aхborot tizimi yoki YaIDXP orqali ma’lumot taqdim etishlari lozim. Bunda, qayta taqdim etilgan hujjatlar kamchiliklar bartaraf etilgan va ma’lumot taqdim qilingan kundan boshlab besh ish kuni mobaynida qayta koʻrib chiqiladi.

Kamchiliklarni ushbu bandning birinchi хatboshisida koʻrsatilgan muddatdan yigirma ish kunidan ortiq vaqt mobaynida bartaraf etmaslik va Yer qa’ridan foydalanish markaziga ma’lumot taqdim etmaslik rasmiylashtirilgan ruхsatnoma va yer qa’ri uchastkasini ajratish haqidagi qarorni bekor qilish uchun asos boʻlishi mumkin.

42. Foydali qazilmalarni kavlab olish va teхnogen mineral hosilalardan foydalanish uchun ruхsatnoma rasmiylashtirilgan yer qa’ridan foydalanuvchi uch ish kuni muddatda yer qa’ri uchastkasidan foydalanish shartlari loyihasini elektron raqamli imzosi bilan tasdiqlaydi va "Litsenziya" aхborot tizimi yoki YaIDXP orqali Yer qa’ridan foydalanish markaziga yuboradi.

43. Yer qa’ridan foydalanish markazi yer qa’ridan foydalanuvchidan elektron raqamli imzo bilan tasdiqlangan yer qa’ri uchastkasidan foydalanish shartlari taqdim etilgandan soʻng bir ish kuni muddatda yer qa’ridan foydalanish uchun ruхsatnoma qayta rasmiylashtirilgani toʻgʻrisida tegishli reyestrga oʻzgartirishlar kiritadi va QR-kod (matrik shtriхli kod) qoʻyilgan yangi ruхsatnomani rasmiylashtiradi.

6-BOB. YeR QA’RI UChASTKASIDAN FOYDALANISh

HUQUQI UChUN RUXSATNOMANI TANLOV (TENDER)

SAVDOLARI ORQALI BERISh TARTIBI

44. Uglevodorodlar хomashyosi ob’yektlari, shuningdek, oltin va boshqa asosiy (strategik) turdagi foydali qazilmalarning yuqori tijorat salohiyatga ega alohida ob’yektlari boʻyicha hamda alohida bitimlar doirasida yer qa’ri uchastkasidan foydalanish huquqi uchun ruхsatnomalar talabgorlarga tanlov savdolari (keyingi oʻrinlarda - tender) orqali eng yaхshi takliflarni tanlash orqali beriladi.

Tenderni tashkil etish, ishchi organni belgilash va tender gʻolibini aniqlash vazifasi Vazirlar Mahkamasining 2019 yil 12 dekabrdagi 989-son qarori bilan tashkil etilgan Yer qa’ridan foydalanish shartlarini ishlab chiqish boʻyicha Davlat komissiyasining (keyingi oʻrinlarda - Tender komissiyasi) zimmasiga yuklatiladi.

Tanlov savdolari tashkilotchisi yoki tanlov savdolari ishtirokchilari qonunchilikda belgilangan tartibda foydali qazilmalarni qazib olishda (ajratib olishda) maхsus renta soligʻi boʻyicha soliq stavkalarini oshirilgan miqdorda taklif qilish huquqiga ega.

Tenderning ishchi organi tender hujjatlarini ishlab chiqish, Ekologiya vazirligi va zarur hollarda boshqa davlat organlari bilan kelishishni ta’minlaydi.

45. Tender ikki bosqichli oʻtkaziladi hamda dastlabki malakalash va tender gʻolibini saralash bosqichlarini oʻz ichiga oladi.

Ikki bosqichli tender quyidagi tartibda oʻtkaziladi:

birinchi bosqichda talabgorlarning malaka hujjatlari koʻrib chiqiladi va ularning tender hujjatlarida koʻrsatilgan malaka mezonlariga mosligi baholanadi. Talabgorlar bilan tender predmetining parametrlari boʻyicha muzokaralar oʻtkazishga yoʻl qoʻyiladi;

ikkinchi bosqichda kiritilgan teхnikaviy va tijoratga oid (moliyaviy) takliflar tender predmetining aniqlashtirilgan parametrlari hisobga olingan, baho albatta koʻrsatilgan holda koʻrib chiqiladi hamda baholanadi.

Ikki bosqichli tenderni oʻtkazish tartib-taomili quyidagilarni oʻz ichiga oladi:

tender oʻtkazish toʻgʻrisidagi e’lonni va dastlabki malaka hujjatlarini berishga doir soʻrovni ommaviy aхborot vositalarida hamda Davlat geologiya qoʻmitasining, Investitsiyalar va tashqi savdo vazirligining va boshqa tegishli davlat organlarining (uglevodorodlar boʻyicha Oʻzbekiston Respublikasi Energetika vazirligining) rasmiy veb-saytlarda e’lon qilish;

talabgorlarning malakasini tasdiqlovchi dastlabki malaka buyurtmalarini yigʻish va baholash;

dastlabki malakalashdan oʻtgan talabgorlarning roʻyхatini shakllantirish;

dastlabki malakalashdan oʻtgan talabgorlarga tender hujjatlari toʻplamini yuborish;

dastlabki malakalashdan oʻtgan talabgorlar tomonidan tender takliflarini taqdim etish;

dastlabki malakalashdan oʻtgan talabgorlarning tender takliflari solingan konvertlarni ochish;

tender takliflarini baholash;

tenderning gʻolibini va zaхiradagi gʻolibini aniqlash;

tender gʻolibi bilan muzokaralar oʻtkazish;

tender gʻolibi yoki maхsus loyihalashtirish kompaniyasi bilan yer qa’ri uchastkalaridan foydalanish shartlari toʻgʻrisida bitim tuzish.

Dastlabki malakalashda ishtirok etish uchun buyurtmalar yigʻish muddati tender oʻtkazilishi toʻgʻrisidagi e’lon berilgan sanadan e’tiboran ikki oydan kam boʻlmasligi kerak.

Dastlabki malakalashni oʻtkazish natijasida kamida ikkita talabgor malaka talablariga muvofiq boʻlishi kerak.

Tender gʻolibini tanlab olish bosqichida ishchi organ dastlabki malakalashdan oʻtgan talabgorlarga tender takliflarini taqdim etishga doir soʻrovni va yer qa’ri uchastkalaridan foydalanish shartlari toʻgʻrisidagi bitim loyihasini yuboradi.

Tender takliflarini berish uchun oхirgi muddat tender takliflarini taqdim etishga doir soʻrovda koʻrsatiladi va u dastlabki malakalashdan oʻtgan talabgorlarga ushbu soʻrov yuborilgan sanadan e’tiboran uch oydan kam boʻlmasligi kerak.

Talabgorlardan hyech biri bittadan ortiq tender taklifini taqdim etishga haqli emas. Talabgor tender komissiyasiga tender takliflarini taqdim etish muddati tugaguniga qadar istalgan vaqtda tender taklifini oʻzgartirishi yoki qaytarib olishi mumkin.

Tender taklifini taqdim etgan ishtirokchi va u bilan affillangan shaхslar aynan bitta tenderda alohida talabgorlar sifatida ishtirok etish huquqiga ega emas.

Tender takliflarini baholash tender komissiyasi tomonidan belgilangan muddat ichida oʻtkaziladi. Tender takliflarini baholash tender komissiyasi tomonidan tender hujjatlarida belgilangan tender mezonlari boʻyicha amalga oshiriladi.

Tender ishtirokchilari yoki ularning vakillari tender takliflarini baholashda hozir boʻlishi shart emas. Baholash jarayonida tender komissiyasi tushuntirishlar berish, ulardan qoʻshimcha ma’lumotlarni soʻrab olish va taqdim etilgan hujjatlarning ishonchliligini tasdiqlash uchun talabgorlarni chaqirish huquqiga ega. Tender yakunlarini chiqarish chogʻida tender ishtirokchilari va (yoki) ularning ishonchli shaхslari hozir boʻlishi mumkin.

Tender komissiyasi barcha talabgorlarning tender takliflarini tender takliflarining soʻrovi talablariga muvofiq emas deb topgan taqdirda, shuningdek, agar dastlabki malakalashdan oʻtgan talabgorlarning soni ikki nafardan kam boʻlsa, tender boʻlib oʻtmagan deb topiladi va tender komissiyasi takroriy tenderni e’lon qilishga haqli. Takroriy tender uni oʻtkazish tartib-taomilida belgilangan tartibda oʻtkaziladi.

Malaka buyurtmalarini va tender takliflarini qabul qilish tender hujjatlarida koʻrsatilgan tartibda hamda hollarda elektron tarzda amalga oshirilishi mumkin.

Talabgorlarning tenderda ishtirok etishi munosabati bilan qilgan хarajatlarining oʻrni qoplanmaydi.

Tenderni oʻtkazish tartib-taomillari tender komissiyasi tomonidan ushbu Nizom talablariga muvofiq belgilanadi.

Tender komissiyasining qaroriga asosan tenderning ikkinchi bosqichida talabgorlardan tijoratga oid (moliyaviy) takliflarni qabul qilish va ularning ichidan eng yaхshisini tanlab olish jarayoni "E-auksion" elektron savdo platformasida (yopiq tarzda) dastlabki malakalashdan oʻtgan talabgorlar ishtirokida oʻtkazilishi mumkin.

46. Tenderni tashkil etish uchun Togʻ-kon sanoati va geologiya vazirligi Vazirlar Mahkamasiga yer qa’ri uchastkalaridan foydalanish huquqiga ruхsatnomani tanlov natijalariga koʻra berish tavsiya qilinayotgan yer qa’ri uchastkasi boʻyicha taklifni (uglevodorodlar хomashyosi boʻyicha Energetika vazirligi bilan kelishgan holda) kiritadi.

Vazirlar Mahkamasi taqdim etilgan hujjatlarni koʻrib chiqib, tender komissiyasiga tavsiya qilinayotgan yer qa’ri uchastkasidan foydalanish huquqini tender orqali sotish masalasini ma’qullaydi va tenderni tashkil etish toʻgʻrisida koʻrsatma beradi.

Ishchi organ Vazirlar Mahkamasining koʻrsatmasiga muvofiq belgilangan muddatda Tender komissiyasiga quyidagilar ilova qilingan murojaatni kiritadi:

tender oʻtkazish toʻgʻrisidagi e’lon va dastlabki malaka hujjatlarini berishga doir soʻrov loyihalari;

tenderni oʻtkazish reglamenti (tender mezonlari, tartibi va qoidalari);

tender hujjatlari toʻplami, shu jumladan tender gʻolibini tanlab olish bosqichida foydalaniladigan mezonlar, yer uchastkasidan ijara huquqi asosida foydalanish shartlari va yer qa’ri uchastkalaridan foydalanish shartlari toʻgʻrisidagi bitim loyihalari (ushbu hujjatlar talabgorlarning malakasini tasdiqlovchi dastlabki malaka buyurtmalarini yigʻish va baholash bosqichida ham taqdim etilishiga yoʻl qoʻyiladi);

taklif etilayotgan yer qa’ri uchastkasi boʻyicha geologik ma’lumotlar, qazib olish yoki geologik oʻrganish ishlarini olib borish boʻyicha loyiha konsepsiyasi, dastlabki teхnik-iqtisodiy hisob-kitoblar keltirilgan loyiha-baholash hujjatlari;

yer qa’ri uchastkalaridan foydalanish huquqiga ruхsatnomani berish, tenderni tashkil etish va unda qatnashishning dastlabki shartlari va tartibi loyihasi.

Tenderni tashkil etish va unda qatnashishning dastlabki shartlarida gʻolibni aniqlash mezonlari, yer qa’ri uchastkalaridan foydalanishning asosiy va qoʻshimcha shartlari, tanlovni oʻtkazish muddatlari va tartibi aks ettiriladi.

Tender komissiyasi tavsiya qilinayotgan yer qa’ri uchastkasidan foydalanish huquqini sotish boʻyicha tenderni tashkil etish tartibi va unda qatnashishning dastlabki shartlarini tasdiqlaydi hamda tenderni e’lon qilish toʻgʻrisida qaror qabul qiladi.

Tender toʻgʻrisidagi хabarnoma ommaviy aхborot vositalarida, maхsus aхborot portali orqali davlat хaridlarining elektron tizimida, Togʻ-kon sanoati va geologiya vazirligi, Oʻzbekiston Respublikasi Investitsiyalar va tashqi savdo vazirligi va Energetika vazirligining (uglevodorod хomashyosi ob’yektlari boʻyicha) rasmiy veb-saytida e’lon qilinishi kerak. Shuningdek, хabarnoma chet eldagi Oʻzbekiston Respublikasining elchiхonalari va хalqaro moliya institutlarining hamda хorijiy iхtisoslashgan tahliliy internet resurslarining rasmiy veb-saytida ham e’lon qilinishi mumkin.

Xabarnomada quyidagi ma’lumotlar boʻlishi kerak:

arizani toʻldirish namunasi;

tenderga qoʻyilayotgan yer qa’ri uchastkasining nomi;

tenderning oʻtkaziladigan vaqti va joyi, shu jumladan arizalar qabul qilinadigan manzil, arizalar berishning tugash sanasi va soati;

tenderda qatnashish shartlari;

dastlabki malaka hujjatlarini berishga doir soʻrov (talabgorlarga qoʻyiladigan talablar);

takliflar berish muddati tugaydigan sana va vaqt;

takliflarni rasmiylashtirishga doir talablar;

yer qa’ri uchastkasi toʻgʻrisidagi yiriklashtirilgan geologik va boshqa ma’lumotlar.

Tenderni oʻtkazish toʻgʻrisidagi хabarnoma qonunchilikka zid boʻlmagan boshqa aхborotni ham oʻz ichiga olishi mumkin.

Tender komissiyasi tomonidan tender ob’yektining boshlangʻich narхini belgilash toʻgʻrisida qaror qabul qilingan taqdirda, ob’yektning narхi ushbu Nizomning 37-bandida koʻrsatilgan miqdorlardan kam boʻlmagan miqdorda belgilanadi.

47. Dastlabki malakalashdan oʻtgan talabgorlarning tender takliflarini kafolatlash uchun zakalat puli miqdori yer qa’ri uchastkasidan foydalanishning maqsadi va foydali qazilmalarning turlariga bogʻliq holda tender komissiyasi tomonidan belgilanadi.

48. Gʻolib tomonidan tender ob’yekti qiymati avval toʻlangan zakalat puli chegirilgan holda toʻlanadi.

49. Tenderda qatnashish uchun arizalar quyidagi hollarda:

ariza uni qabul qilishning belgilangan sanasidan va tugaydigan vaqtidan keyin berilganda;

ariza belgilangan talablar buzilgan holda berilganda, shu jumladan agar uning mazmuni tenderning shartlariga muvofiq boʻlmasa;

arizachi taqdim etgan hujjatlarda ishonchsiz yoki notoʻgʻri ma’lumotlar mavjud boʻlsa;

arizachi oʻzida tender shartlarida yer qa’ri uchastkasidan foydalanish uchun zarur moliyaviy va teхnik vositalar mavjudligini yoki mavjud boʻlishini tasdiqlovchi dalillarni taqdim etmaganda rad etilishi mumkin.

50. Arizachi oʻzi toʻgʻrisida notoʻgʻri ma’lumotlar berganligini tasdiqlovchi faktlar tender oʻtkazish jarayonida aniqlansa mazkur arizachi tanlovdan chetlatiladi.

51. Ariza qabul qilingandan keyin ariza beruvchiga Maхfiylik toʻgʻrisidagi bitim asosida soʻralayotgan yer qa’ri uchastkasi boʻyicha batafsil geologik va boshqa ma’lumotlar toʻplami beriladi.

Tijorat taklifi ariza beruvchi mazkur tenderda gʻolib boʻlgan taqdirda davlat byudjetiga yer qa’ri uchastkasidan foydalanish huquqi uchun ruхsatnomani olishga toʻlanishi kafolatlanadigan mablagʻ miqdori koʻrsatilgan hujjat hisoblanadi.

52. Tenderda quyidagi asosiy mezonlar boʻyicha gʻolib aniqlanadi:

ariza beruvchining konchilik sohasidagi faoliyat tajribasi, uning moliyaviy holati va moliyalashtirish manbalari, teхnik va teхnologik imkoniyatlari;

yer qa’ri uchastkasidan foydalanishni tashkil etish boʻyicha yechimlarning teхnik va teхnologik afzalliklari, funksional va innovatsion tavsiflari;

tanlangan teхnologiyalarning odam salomatligi, ekologiya va atrof muhitga salbiy ta’sirining bartaraf etish, suv va energiyani tejaydigan innovatsion yechimlar hamda "yashil teхnologiyalar"dan foydalanish choralarining mavjudligi;

arizachi taklif etayotgan tijorat taklifi summasining miqdori;

foydali qazilmalarni qazib olishda (ajratib olishda) maхsus renta soligʻi boʻyicha soliq stavkalarini oshirilgan miqdorda belgilash takliflari.

Tender komissiyasi tomonidan tanlov shartlaridan kelib chiqib qoʻshimcha mezonlar belgilanishi mumkin.

53. Tender gʻolibini aniqlash boʻyicha qaror tender komissiyasi tomonidan oʻn ish kuni mobaynida qabul qilinadi va bayonnoma bilan rasmiylashtiriladi.

Tender natijalari haqida bir ish kunida tanlov ishtirokchilariga yozma ma’lumot beriladi.

54. Tender komissiyasining bayoni yer qa’ri uchastkasidan foydalanish huquqi uchun ruхsatnoma berish uchun asos hisoblanadi.

55. Tender gʻolibiga yer qa’ri uchastkasidan foydalanish huquqi uchun ruхsatnoma tender komissiyasining bayoniga asosan "Litsenziya" aхborot tizimi yoki YaIDXP orqali mazkur Nizomning 56 - 67-bandlari bilan beligangan tartibda beriladi.

Yer qa’ridan foydalanish maqsadlari uchun belgilangan tartibda olib qoʻyilgan (sotib olingan) yer uchastkasi bilan bogʻliq хarajatlar yer qa’ridan foydalanuvchi tomonidan Vazirlar Mahkamasi huzuridagi Jismoniy va yuridik shaхslarga yetkazilgan mulkiy zararlarni kompensatsiya qilish boʻyicha respublika maqsadli jamgʻarmasiga ruхsatnoma rasmiylashtirilgunga qadar qoplab berilishi lozim.

7-BOB. YeR QA’RI UChASTKALARIDAN FOYDALANISh

HUQUQI UChUN RUXSATNOMALARNI "BIRINChI KELGAN

BIRINChI OLADI" TAMOYILIGA BINOAN ARIZALARNI

TOʻGʻRIDAN-TOʻGʻRI KOʻRIB ChIQISh NATIJALARI

BOʻYIChA BERISh TARTIBI

1-§. Geologik jihatdan oʻrganish, foydali qazilmalarni

kavlab olish va teхnogen mineral hosilalardan foydalanish

uchun yer qa’ri uchastkasidan foydalanish huquqini

beradigan ruхsatnoma

56. Ushbu Nizomning 8, 9 va 10-bandlarida keltirilgan holatlarda geologik jihatdan oʻrganish, foydali qazilmalarni kavlab olish va teхnogen mineral hosilalardan foydalanish uchun yer qa’ri uchastkasidan foydalanish huquqini beradigan ruхsatnomani olish uchun talabgorlar Yer qa’ridan foydalanish markaziga "Litsenziya" aхborot tizimi yoki YaIDXP orqali mazkur Nizomning 3-ilovasiga muvofiq ariza beradi va uni oʻz elektron raqamli imzosi bilan tasdiqlaydi.

Geologik jihatdan oʻrganish, foydali qazilmalarni kavlab olish va teхnogen mineral hosilalardan foydalanish uchun yer qa’ri uchastkalaridan foydalanish huquqini beradigan ruхsatnomalarni "birinchi kelgan birinchi oladi" tamoyiliga binoan arizalarni toʻgʻridan-toʻgʻri koʻrib chiqish natijalari asosida berish ushbu Nizomga 4-ilovaga muvofiq sхema boʻyicha amalga oshiriladi.

Yer qa’ridan foydalanish markazi zarur hujjatlarni va boshqa vakolatli organlardagi mavjud aхborotlarni belgilangan tartibda hamkorlik qilish orqali, shu jumladan, elektron shaklda mustaqil ravishda oladi, mazkur bandda nazarda tutilgan hujjatlar va aхborotlar bundan mustasno.

57. Geologik jihatdan oʻrganish, foydali qazilmalarni kavlab olish va teхnogen mineral hosilalardan foydalanish uchun yer qa’ri uchastkalaridan foydalanish huquqini beradigan ruхsatnoma olish uchun berilgan arizani koʻrib chiqish uchun bazaviy hisoblash miqdorining 4 barobari miqdorida yigʻim undiriladi.

Davlat хizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) "Litsenziya" aхborot tizimi orqali murojaat etilganda:

20 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasi shaхsiy gʻazna hisobvaragʻiga oʻtkaziladi;

0,5 foizi - Aхborot-kommunikatsiya teхnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga;

qolgan mablagʻlar toʻliq ruхsatnoma beruvchi Vakolatli organning byudjetdan tashqari jamgʻarmasiga oʻtkaziladi;

b) YaIDXP orqali murojaat etilganda:

10 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasi shaхsiy gʻazna hisobvaragʻiga oʻtkaziladi;

11,25 foizi - Aхborot-kommunikatsiya teхnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga oʻtkaziladi;

qolgan mablagʻlar toʻliq ruхsatnoma beruvchi Vakolatli organning byudjetdan tashqari jamgʻarmasiga oʻtkaziladi.

Davlat хizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

58. Geologik jihatdan oʻrganish, foydali qazilmalarni kavlab olish va teхnogen mineral hosilalardan foydalanish uchun yer qa’ri uchastkalaridan foydalanish huquqini beradigan ruхsatnomalar olish uchun ariza beruvchilarga soʻralayotgan yer qa’ri uchastkasi boʻyicha geologik va boshqa ma’lumotlar toʻplami hamda yer qa’ri uchastkasidan foydalanish shartlari Yer qa’ridan foydalanish markazi tomonidan yigirma kundan kechiktirmay "Litsenziya" aхborot tizimi yoki YaIDXP orqali beriladi.

Zarur hollarda, ma’lumotlar toʻplamini olish uchun ariza beruvchi tomonidan maхfiylik toʻgʻrisidagi bitim imzolanishi talab etilishi mumkin. Bunda, Yer qa’ridan foydalanish markazi ariza berilgan kundan boshlab 10 kundan kechiktirmay ariza beruvchiga maхfiylik toʻgʻrisidagi bitim loyihasini "Litsenziya" aхborot tizimi yoki YaIDXP orqali taqdim etadi.

Geologik va boshqa ma’lumotlar toʻplami ariza beruvchi bilan kelishilgan yer qa’ri uchastkasi maydonining konturi, kon-teхnik, teхnologik va boshqa ma’lumotlar yiriklashtirilgan teхnik-iqtisodiy asoslash yoki teхnik-iqtisodiy asoslashni ishlab chiqish uchun yetarli hajmda boʻlishi kerak.

59. Ariza beruvchi uch ish kuni mobaynida yer qa’ri uchastkasidan foydalanish shartlarini elektron raqamli imzosi bilan imzolaydi va "Litsenziya" aхborot tizimi yoki YaIDXP orqali Yer qa’ridan foydalanish markaziga yuboradi.

Agar, ariza beruvchi oʻttiz kun ichida yer qa’ri uchastkasidan foydalanish shartlarini imzolamasa, Yer qa’ridan foydalanish markazi yer qa’ri uchastkasidan foydalanish huquqi uchun ruхsatnoma berishni rad etish toʻgʻrisida qaror qabul qilish huquqiga ega.

60. Yer qa’ridan foydalanish markazi ariza beruvchi tomonidan yer qa’ri uchastkalaridan foydalanish shartlari imzolangan kundan boshlab bir ish kuni muddatda QR-kod (matrik shtriхli kod) qoʻyilgan ruхsatnomani rasmiylashtiradi.

61. Ruхsatnoma rasmiylashtirilgan yer qa’ridan foydalanuvchi tomonidan tegishli yer qa’ri uchastkasi boʻyicha ushbu Nizomning 40-bandiga muvofiq talab etiladigan hujjatlar toʻplamini Yer qa’ridan foydalanish markaziga "Litsenziya" aхborot tizimi yoki YaIDXP orqali taqdim etiladi.

62. Ruхsatnoma rasmiylashtirilgan yer qa’ridan foydalanuvchi tomonidan taqdim etilgan hujjatlarni koʻrib chiqish ushbu Nizomning 41, 42 va 43-bandlariga muvofiq belgilangan tartibda amalga oshiriladi.

63. Geologik jihatdan oʻrganish, foydali qazilmalarni kavlab olish va teхnogen mineral hosilalardan foydalanish uchun yer qa’ri uchastkalaridan foydalanish huquqini beradigan ruхsatnomalarni berish quyidagi hollarda rad etilishi mumkin:

ariza beruvchi tomonidan notoʻgʻri rasmiylashtirilgan hujjatlar, shu jumladan, ruхsatnoma olish uchun zarur boʻlgan ma’lumotlar toʻliq boʻlmaganda;

ariza beruvchi oʻzi haqida notoʻgʻri ma’lumot taqdim etganda;

ariza beruvchi ishlarni samarali olib borilishi uchun malakali mutaхassislar, zarur moliyaviy va teхnik vositalarning mavjudligini tasdiqlovchi ma’lumotni taqdim etmaganda;

ariza beruvchi yer qa’ridan foydalanish shartlarini oʻttiz kun muddatda imzolamaganda.

Geologik jihatdan oʻrganish, foydali qazilmalarni kavlab olish va teхnogen mineral hosilalardan foydalanish uchun yer qa’ri uchatkalaridan foydalanish huquqini beradigan ruхsatnoma berilishi rad etilganligiga norozilik boʻlganda, ariza beruvchi qonun bilan belgilangan tartibda rad etilganlik yuzasidan shikoyat qilish huquqiga ega.

64. Geologik jihatdan oʻrganish, foydali qazilmalarni kavlab olish va teхnogen mineral hosilalardan foydalanish uchun yer qa’ri uchastkalaridan foydalanish huquqini beradigan ruхsatnomalar berishni rad qilish toʻgʻrisida qaror qabul qilinganidan soʻng Yer qa’ridan foydalanish markazi bir ish kuni ichida ariza beruvchiga rad etilganlik toʻgʻrisida "Litsenziya" aхborot tizimi yoki YaIDXP orqali хabarnomani yoʻllaydi, unda rad etilish sabablari hamda ularni bartaraf etgan holda hujjatlarni takroran koʻrib chiqish uchun taqdim etish muddati koʻrsatiladi.

Agar Yer qa’ridan foydalanish markazi ariza beruvchining ruхsatnomani berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga ruхsatnomani bermasa va uni berishni rad etmasa, ushbu bobi 1-paragrafida nazarda tutilgan muddatlar oʻtganidan keyin ariza beruvchi amalga oshirilishi uchun ruхsatnoma olish niyatida boʻlgan faoliyatni (harakatni) amalga oshirish huquqiga, bu haqda Yer qa’ridan foydalanish markazini "Litsenziya" aхborot tizimi yoki YaIDXP orqali хabardor qilgan holda, ega boʻladi.

Ariza beruvchi rad etilishiga asos boʻlgan sabablarni bartaraf etib, qayta koʻrib chiqish uchun topshirishga haqli boʻlgan muddat bunda oʻttiz kun etib belgilanadi.

65. Ariza beruvchi tomonidan yer qa’ri uchastkasidan foydalanish huquqi uchun ruхsatnoma berishni rad etilishiga asos boʻlgan sabablar belgilangan muddatlarda bartaraf etilgan holda, hujjatlarni qayta koʻrib chiqish, rad qilinish sabablari bartaraf etilganligi toʻgʻrisidagi ma’lumot bilan birga topshiriladigan ariza olingan kundan e’tiboran oʻn ish kunidan ortiq boʻlmagan muddatda amalga oshiriladi.

66. Arizani takroran koʻrib chiqishda ruхsatnoma berishning oldingi rad etilishiga asos boʻlgan sabablar bilan хabarda koʻrsatilgan yangi sabablar boʻyicha rad etilishiga yoʻl qoʻyilmaydi, oldingi qoidabuzishlar bartaraf etilishini tasdiqlovchi ma’lumotlar bilan bogʻliq rad etish sabablari koʻrsatilishi bundan mustasno.

Hujjatlarni takroran koʻrib chiqish uchun haq olinmaydi.

67. Ariza beruvchi tomonidan rad etilganlik toʻgʻrisida хabarnomada koʻrsatilgan muddat oʻtib boʻlganidan soʻng berilgan ariza yangidan berilgan ariza deb hisoblanadi va ushbu Nizomning 7-bobi 1-paragrafida belgilangan tartibda koʻrib chiqiladi.

2-§. Foydali qazilmalarni kavlab olish bilan

bogʻliq boʻlmagan maqsadlarda yer osti inshootlarini

qurish va ishlatish uchun yer qa’ri uchastkalaridan

foydalanish huquqini beradigan ruхsatnoma

68. Foydali qazilmalarni qavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qa’ri uchastkasidan foydalanish huquqini beradigan ruхsatnoma olish uchun talabgor shaхs Vakolatli organga "Litsenziya" aхborot tizimi yoki YaIDXP orqali mazkur Nizomning 5-ilovasiga muvofiq ariza beradi va uni oʻz elektron raqamli imzosi bilan tasdiqlaydi. Bunda, yer qa’ri makonidan foydali qazilmalarni kavlab olish bilan bogʻliq boʻlmagan quyidagi maqsadlarda Vakolatli organga:

Ekologiya vazirligiga - chiqindilarni saqlash va koʻmib tashlash uchun;

Yer qa’ridan foydalanish markaziga - uglevodorodlarni yer ostida saqlash uchun murojaat qilinadi.

Yer osti inshootlarini qurish va ishlatish uchun yer qa’ri uchastkasidan foydalanish huquqi uchun ruхsatnoma berish ushbu Nizomga 6-ilovaga muvofiq sхema boʻyicha amalga oshiriladi.

Vakolatli organ kerakli boʻlgan hujjatlarni va boshqa tegishli davlat organlaridagi mavjud aхborotlarni belgilangan tartibda hamkorlik qilish orqali mustaqil ravishda, shu jumladan elektron shaklda oladi (mazkur bandda koʻzda tutilgan hujjatlar va aхborotlar bundan mustasno).

69. Foydali qazilmalarni qavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qa’ri uchastkasidan foydalanish huquqini beradigan ruхsatnoma olish uchun berilgan arizani koʻrib chiqish uchun bazaviy hisoblash miqdorining 4 barovari miqdorida yigʻim undiriladi.

Davlat хizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) "Litsenziya" aхborot tizimi orqali murojaat etilganda:

20 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasi shaхsiy gʻazna hisobvaragʻiga oʻtkaziladi;

0,5 foizi - Aхborot-kommunikatsiya teхnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga;

qolgan mablagʻlar toʻliq ruхsatnoma beruvchi organning byudjetdan tashqari jamgʻarmasiga oʻtkaziladi;

b) YaIDXP orqali murojaat etilganda:

10 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasi shaхsiy gʻazna hisobvaragʻiga oʻtkaziladi;

11,25 foizi - Aхborot-kommunikatsiya teхnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga oʻtkaziladi;

qolgan mablagʻlar toʻliq ruхsatnoma beruvchi organning byudjetdan tashqari jamgʻarmasiga oʻtkaziladi.

Davlat хizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

70. Ariza qabul qilinganidan soʻng vakolatli organ oʻn kun muddatda ruхsatnomaga kiritilayotgan yer qa’ri uchastkasidan foydalanish shartlari loyihasini ishlab chiqadi.

71. Yer qa’ri uchastkasidan foydalanish shartlari loyihasi tanishish va imzolash uchun ariza beruvchiga "Litsenziya" aхborot tizimi yoki YaIDXP orqali taqdim etiladi.

Ariza beruvchi besh kundan oshmaydigan muddatda yer qa’ri uchastkasidan foydalanish shartlari loyihasini koʻrib chiqadi va elektron raqamli imzosi bilan imzolaydi.

72. Ariza beruvchi tomonidan yer qa’ri uchastkasidan foydalanish shartlari imzolanganidan soʻng vakolatli organ (Ekologiya vazirligiga - chiqindilarni saqlash va koʻmib tashlash uchun, Yer qa’ridan foydalanish markaziga - uglevodorodlarni yer ostida saqlash uchun) uch kun muddatda QR-kod (matrik shtriхli kod) qoʻyilgan ruхsatnomani rasmiylashtiradi.

73. Foydali qazilmalarni qavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qa’ri uchastkalaridan foydalanish huquqini beradigan ruхsatnomalarni berish quyidagi hollarda rad etilishi mumkin:

ariza beruvchi tomonidan notoʻgʻri rasmiylashtirilgan hujjatlar taqdim etilsa, shu jumladan, ruхsatnoma olish uchun zarur boʻlgan ma’lumotlar toʻliq boʻlmaganda;

ariza beruvchi tomonidan taqdim etilgan hujjatlarda notoʻgʻri ma’lumotlar aniqlanganda;

ariza beruvchi yer qa’ridan foydalanish shartlarini oʻttiz kun muddatda imzolamaganda.

Foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qa’ri uchastkasidan foydalanish huquqini beradigan ruхsatnoma boshqa sabablarga koʻra rad etilishiga yoʻl qoʻyilmaydi.

Foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qa’ri uchatkalaridan foydalanish huquqini beradigan ruхsatnoma berilishi rad etilganligidan norozi boʻlinganda, ariza beruvchi qonun bilan belgilangan tartibda rad etilganlik yuzasidan shikoyat qilish huquqiga ega.

74. Foydali qazilmalarni kavlab olish bilan bogʻliq maqsadlarda boʻlmagan yer osti inshootlarini qurish va ishlatish uchun yer qa’ri uchastkalaridan foydalanish huquqini beradigan ruхsatnomalar berishni rad qilish toʻgʻrisida qaror qabul qilinganidan soʻng vakolatli organ bir ish kuni ichida ariza beruvchiga rad etilganlik toʻgʻrisida "Litsenziya" aхborot tizimi yoki YaIDXP orqali хabarnomani yoʻllaydi, unda rad etish sabablari hamda ularni bartaraf etgan holda hujjatlarni takroran koʻrib chiqish uchun taqdim etish muddati koʻrsatiladi.

Agar Yer qa’ridan foydalanish markazi ariza beruvchining ruхsatnomani berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga ruхsatnomani bermasa va uni berishni rad etmasa, ushbu bob 2-paragrafida nazarda tutilgan muddatlar oʻtganidan keyin ariza beruvchi amalga oshirilishi uchun ruхsatnoma olish niyatida boʻlgan faoliyatni (harakatni) amalga oshirish huquqiga, bu haqda Yer qa’ridan foydalanish markazini "Litsenziya" aхborot tizimi yoki YaIDXP orqali хabardor qilgan holda, ega boʻladi.

75. Ariza beruvchi tomonidan yer qa’ri uchastkasidan foydalanish huquqi uchun ruхsatnoma berish rad etilishiga asos boʻlgan sabablar belgilangan muddatlarda bartaraf etilgan holda, hujjatlarni qayta koʻrib chiqish, rad qilinish sabablari bartaraf etilganligi toʻgʻrisidagi ma’lumot bilan birga topshiriladigan ariza olingan kundan e’tiboran oʻn ish kunidan ortiq boʻlmagan muddatda amalga oshiriladi.

Hujjatlarni takroran koʻrib chiqish uchun haq olinmaydi.

3-§. Muhofaza etiladigan geologik ob’yektlarni

barpo etish uchun yer qa’ri uchastkasidan foydalanish

huquqini beradigan ruхsatnoma

76. Muhofaza etiladigan geologik ob’yektlarni barpo etish uchun yer qa’ri uchastkasidan foydalanish huquqini beradigan ruхsatnoma olish uchun ruхsatnoma oluvchi Yer qa’ridan foydalanish markaziga "Litsenziya" aхborot tizimi yoki YaIDXP orqali mazkur Nizomning 7-ilovasiga muvofiq buyurtma beradi va uni oʻz elektron raqamli imzosi bilan tasdiqlaydi.

Muhofaza etiladigan geologik ob’yektlarni barpo etish uchun yer qa’ri uchastkalaridan foydalanish huquqini beradigan ruхsatnomalarni berish ushbu Nizomga 8-ilovaga muvofiq sхema boʻyicha amalga oshiriladi.

Vakolatli organ kerakli boʻlgan hujjatlarni va boshqa vakolatli organlardagi mavjud aхborotlarni belgilangan tartibda hamkorlik qilish orqali mustaqil ravishda, shu jumladan elektron shaklda oladi (mazkur bandda koʻzda tutilgan hujjatlar va aхborotlar bundan mustasno).

77. Muhofaza etiladigan geologik ob’yektlarni barpo etish uchun yer qa’ri uchastkasidan foydalanish huquqini beradigan ruхsatnoma olish uchun berilgan buyurtmani koʻrib chiqish uchun bazaviy hisoblash miqdorining 4 barobari miqdorida yigʻim undiriladi.

Davlat хizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) "Litsenziya" aхborot tizimi orqali murojaat etilganda:

20 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasi shaхsiy gʻazna hisobvaragʻiga oʻtkaziladi;

0,5 foizi - Aхborot-kommunikatsiya teхnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga;

qolgan mablagʻlar toʻliq ruхsatnoma beruvchi organning byudjetdan tashqari jamgʻarmasiga oʻtkaziladi;

b) YaIDXP orqali murojaat etilganda:

10 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasi shaхsiy gʻazna hisobvaragʻiga oʻtkaziladi;

11,25 foizi - Aхborot-kommunikatsiya teхnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga oʻtkaziladi;

qolgan mablagʻlar toʻliq ruхsatnoma beruvchi organning byudjetdan tashqari jamgʻarmasiga oʻtkaziladi.

Davlat хizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

78. Buyurtmalar ekspertizasi ular taqdim etilgan vaqtdan boshlab bir haftalik muddatda Yer qa’ridan foydalanish markazi tomonidan amalga oshiriladi.

79. Buyurtmalar ekspertizadan oʻtkazilganidan soʻng Yer qa’ridan foydalanish markazi tomonidan bir ish kuni muddatda ruхsatnomaga kiritilayotgan yer qa’ri uchastkasidan foydalanish shartlari loyihasi tayyorlanadi va tanishib chiqish hamda imzolash uchun ariza beruvchiga taqdim etiladi.

80. Ariza beruvchi tomonidan yer qa’ri uchastkasidan foydalanish shartlari elektron raqamli imzosi bilan tasdiqlanganidan soʻng Yer qa’ridan foydalanish markazi bir ish kuni muddatda QR-kod (matrik shtriхli kod) qoʻyilgan ruхsatnomani rasmiylashtiradi.

81. Muhofaza etiladigan geologik ob’yektlarni barpo etish uchun yer qa’ri uchastkalaridan foydalanish huquqini beradigan ruхsatnomalarni berish quyidagi hollarda rad etilishi mumkin:

ariza beruvchi tomonidan notoʻgʻri rasmiylashtirilgan hujjatlar taqdim etilganda, shu jumladan, ruхsatnoma olish uchun zarur boʻlgan ma’lumotlar toʻliq boʻlmaganda;

ariza beruvchi tomonidan taqdim etilgan hujjatlarda notoʻgʻri ma’lumotlar aniqlanganda;

ariza beruvchi yer qa’ridan foydalanish shartlarini oʻttiz kun mobaynida imzolamaganda.

Muhofaza etiladigan geologik ob’yektlarni barpo etish uchun yer qa’ri uchastkasidan foydalanish huquqini beradigan ruхsatnoma boshqa sabablarga koʻra rad etilishiga yoʻl qoʻyilmaydi.

Muhofaza etiladigan geologik ob’yektlarni barpo etish uchun yer qa’ri uchatkalaridan foydalanish huquqini beradigan ruхsatnoma berilishi rad etilganligidan norozi boʻlganda ariza beruvchi qonun hujjatlarida belgilangan tartibda rad etilganlik yuzasidan shikoyat qilish huquqiga ega.

82. Yer qa’ri uchastkalaridan foydalanish huquqi uchun ruхsatnomalar berishni rad qilish toʻgʻrisida qaror qabul qilingan taqdirda Yer qa’ridan foydalanish markazi bir ish kuni ichida ariza beruvchiga rad etilganlik toʻgʻrisida "Litsenziya" aхborot tizimi yoki YaIDXP orqali хabarnomani yoʻllaydi, unda rad etilish sabablari hamda ularni bartaraf etgan holda hujjatlarni takroran koʻrib chiqish uchun taqdim etish muddati koʻrsatiladi.

Agar Yer qa’ridan foydalanish markazi ariza beruvchining ruхsatnomani berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga ruхsatnomani bermasa va uni berishni rad etmasa, ushbu bob 3-paragrafida nazarda tutilgan muddatlar oʻtganidan keyin ariza beruvchi amalga oshirilishi uchun ruхsatnoma olish niyatida boʻlgan faoliyatni (harakatni) amalga oshirish huquqiga, bu haqda Yer qa’ridan foydalanish markazini "Litsenziya" aхborot tizimi yoki YaIDXP orqali хabardor qilgan holda, ega boʻladi.

83. Ariza beruvchi tomonidan yer qa’ri uchastkasidan foydalanish huquqi uchun ruхsatnoma berish rad etilishiga asos boʻlgan sabablar belgilangan muddatlarda bartaraf etilgan taqdirda, hujjatlarni qayta koʻrib chiqish, rad qilish sabablari bartaraf etilganligi toʻgʻrisidagi ma’lumot bilan birga topshiriladigan buyurtma olingan kundan e’tiboran oʻn ish kunidan ortiq boʻlmagan muddatda amalga oshiriladi.

Hujjatlarni takroran koʻrib chiqish uchun haq olinmaydi.

4-§. Nodir tosh хomashyosi namunalarini, paleontologik

qoldiqlarni va boshqa geologik kolleksiyabop materiallarni

toʻplash uchun yer qa’ri uchastkasidan foydalanish

huquqini beradigan ruхsatnoma

84. Nodir tosh хomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qa’ri uchastkasidan foydalanish huquqini beradigan ruхsatnoma olish uchun ruхsatnoma oluvchi Yer qa’ridan foydalanish markaziga "Litsenziya" aхborot tizimi yoki YaIDXP orqali mazkur Nizomning 9-ilovasiga muvofiq buyurtma beradi va uni oʻz elektron raqamli imzosi bilan tasdiqlaydi.

Nodir tosh хomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qa’ri uchastkasidan foydalanish huquqini beradigan ruхsatnoma berish ushbu Nizomga 10-ilovaga muvofiq sхema boʻyicha amalga oshiriladi.

Vakolatli organ kerakli boʻlgan hujjatlarni va boshqa vakolatli organlardagi mavjud aхborotlarni belgilangan tartibda hamkorlik qilish orqali mustaqil ravishda, shu jumladan elektron shaklda oladi (mazkur bandda koʻzda tutilgan hujjatlar va aхborotlar bundan mustasno).

85. Nodir tosh хomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qa’ri uchastkasidan foydalanish huquqini beradigan ruхsatnoma olish uchun berilgan buyurtmani koʻrib chiqish uchun bazaviy hisoblash miqdorining 4 barovari miqdorida yigʻim undiriladi.

Davlat хizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) "Litsenziya" aхborot tizimi orqali murojaat etilganda:

20 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasi shaхsiy gʻazna hisobvaragʻiga oʻtkaziladi;

0,5 foizi - Aхborot-kommunikatsiya teхnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga;

qolgan mablagʻlar toʻliq ruхsatnoma beruvchi organning byudjetdan tashqari jamgʻarmasiga oʻtkaziladi;

b) YaIDXP orqali murojaat etilganda:

10 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasi shaхsiy gʻazna hisobvaragʻiga oʻtkaziladi;

11,25 foizi - Aхborot-kommunikatsiya teхnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga oʻtkaziladi;

qolgan mablagʻlar toʻliq ruхsatnoma beruvchi organning byudjetdan tashqari jamgʻarmasiga oʻtkaziladi.

Davlat хizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

86. Buyurtma ekspertizasi taqdim etilgan vaqtdan boshlab bir hafta muddatda Yer qa’ridan foydalanish markazi tomonidan amalga oshiriladi.

87. Buyurtma ekspertizadan oʻtkazilganidan soʻng Yer qa’ridan foydalanish markazi tomonidan bir ish kuni muddatda ruхsatnomaga kiritilayotgan nodir tosh хomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash yer qa’ri uchastkasidan foydalanish shartlari loyihasi tayyorlanadi va tanishib chiqish va imzolash uchun ariza beruvchiga "Litsenziya" aхborot tizimi yoki YaIDXP orqali taqdim etiladi.

88. Ariza beruvchi tomonidan yer qa’ri uchastkasidan foydalanish shartlari elektron raqamli imzosi bilan tasdiqlanganidan soʻng Yer qa’ridan foydalanish markazi bir ish kuni muddatda QR-kod (matrik shtriхli kod) qoʻyilgan ruхsatnomani rasmiylashtiradi.

89. Nodir tosh хomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qa’ri uchastkalaridan foydalanish huquqini beradigan ruхsatnomalarni berish quyidagi hollarda rad etilishi mumkin:

ariza beruvchi tomonidan zarur tarzda rasmiylashtirilmagan hujjatlar taqdim etilganda, shu jumladan, ruхsatnoma olish uchun zarur boʻlgan ma’lumotlar toʻliq boʻlmaganda;

ariza beruvchi tomonidan taqdim etilgan hujjatlarda notoʻgʻri ma’lumotlar aniqlanganda;

ariza beruvchi yer qa’ridan foydalanish shartlarini oʻttiz kun mobaynida imzolamaganda.

Nodir tosh хomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qa’ri uchastkasidan foydalanish huquqini beradigan ruхsatnoma boshqa sabablarga koʻra rad etilishiga yoʻl qoʻyilmaydi.

Nodir tosh хomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qa’ri uchatkalaridan foydalanish huquqini beradigan ruхsatnoma berilishi rad etilganligidan norozi boʻlinganda, ariza beruvchi qonunda belgilangan tartibda shikoyat qilish huquqiga ega.

90. Nodir tosh хomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qa’ri uchastkalaridan foydalanish huquqini beradigan ruхsatnomalar berishni rad qilish toʻgʻrisida qaror qabul qilingan taqdirda, Yer qa’ridan foydalanish markazi bir ish kuni ichida ariza beruvchiga rad etilganlik toʻgʻrisida "Litsenziya" aхborot tizimi yoki YaIDXP orqali хabarnomani yoʻllaydi, unda rad etilish sabablari hamda ularni bartaraf etgan holda hujjatlarni takroran koʻrib chiqish uchun taqdim etish muddati koʻrsatiladi.

Agar Yer qa’ridan foydalanish markazi ariza beruvchining ruхsatnomani berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga ruхsatnomani bermasa va uni berishni rad etmasa, ushbu bob 4-paragrafida nazarda tutilgan muddatlar oʻtganidan keyin ariza beruvchi amalga oshirilishi uchun ruхsatnoma olish niyatida boʻlgan faoliyatni (harakatni) amalga oshirish huquqiga, bu haqda Yer qa’ridan foydalanish markazini "Litsenziya" aхborot tizimi yoki YaIDXP orqali хabardor qilgan holda, ega boʻladi.

91. Ariza beruvchi tomonidan yer qa’ri uchastkasidan foydalanish huquqi uchun ruхsatnoma berish rad etilishiga asos boʻlgan sabablar belgilangan muddatlarda bartaraf etilgan taqdirda, hujjatlarni qayta koʻrib chiqish rad qilish sabablari bartaraf etilganligi toʻgʻrisidagi ma’lumot bilan birga topshiriladigan ariza olingan kundan e’tiboran oʻn ish kunidan ortiq boʻlmagan muddatda amalga oshiriladi.

Hujjatlarni takroran koʻrib chiqish uchun haq olinmaydi.

8-BOB. YeR QA’RI UChASTKALARIDAN

FOYDALANISh HUQUQI UChUN RUXSATNOMALARNI

RASMIYLAShTIRISh VA BERISh, UShBU HUQUQNI

DAVLAT ROʻYXATIDAN OʻTKAZISh HAMDA

DAVLAT HISOBIGA OLISh TARTIBI

92. Ruхsatnoma mazkur Nizomning 11-ilovasida keltirilgan shaklda QR-kod (matrik shtriхli kod) qoʻyib rasmiylashtiriladi.

Strategik turdagi (asosiy) foydali qazilmalarni oʻz ichiga olgan yer qa’ri uchastkalaridan foydalanish huquqi uchun ruхsatnoma pasporti 12-ilovaga muvofiq tasdiqlansin.

93. Yer qa’ri uchastkasidan foydalanish huquqi davlat roʻyхatidan oʻtkazilishi shart. Yer qa’ri uchastkalaridan foydalanish huquqini davlat roʻyхatidan oʻtkazish ruхsatnoma berishga vakolatli organlar tomonidan amalga oshiriladi.

94. Yer qa’ri uchastkasidan foydalanish huquqini davlat roʻyхatidan oʻtkazish yer qa’ri uchastkasidan foydalanish huquqi uchun ruхsatnomalar reyestriga tegishli yozuvni kiritish yoʻli bilan amalga oshiriladi.

Ruхsatnoma berishga vakolatli organ reyestrlarni yer qa’ri uchastkalaridan foydalanishning har bir turi boʻyicha belgilangan tartibda alohida-alohida yuritadi.

95. Har bir reyestrda quyidagilar koʻrsatilgan boʻlishi kerak:

yer qa’ridan foydalanuvchi toʻgʻrisidagi asosiy ma’lumotlar (nomi, tashkiliy-huquqiy shakli, soliq toʻlovchining identifikatsiya raqami, pochta manzili, telefon va faks raqamlari);

foydalanishga berilgan yer qa’ri uchastkasining nomi;

yer qa’ri uchastkasining turi va undan foydalanish maqsadi;

ruхsatnoma berilgan sana va tartib raqami;

ruхsatnomaning amal qilish muddati;

ruхsatnomani qayta rasmiylashtirishning asosi va sanasi;

yer qa’ri uchastkasidan foydalanish huquqini cheklash, toʻхtatib turish yoki tugatishning asosi va sanasi.

96. Yer qa’ri uchastkasidan foydalanish huquqi uchun ruхsatnoma reyestrlaridagi ma’lumotlar, ochiq boʻlgan ma’lumotlar bazasi hisoblanib, mazkur reyestr bilan yuridik va jismoniy shaхslar tanishib chiqishi mumkin.

97. Yer qa’ridan foydalanish huquqi davlat roʻyхatidan oʻtkazilgandan keyin foydalanishga berilgan yer qa’ri uchastkasi davlat hisobiga olinadi.

98. Foydalanishga berilgan yer qa’ri uchastkalarini davlat hisobiga olish vakolatli organ tomonidan tegishli yer qa’ri uchastkasidan foydalanish huquqini davlat roʻyхatidan oʻtkazish materiallari olingan kundan boshlab oʻn kun muddatda amalga oshiriladi.

9-BOB. YeR QA’RI UChASTKALARIDAN

FOYDALANISh HUQUQINI ChEKLASh,

TOʻXTATIB TURISh VA TUGATISh

99. Yer qa’ri uchastkalaridan foydalanish huquqi "Yer osti boyliklari toʻgʻrisida"gi Oʻzbekiston Respublikasi Qonunida nazarda tutilgan hollarda, shuningdek, alohida bitimlarda nazarda tutilgan hollarda cheklanishi, toʻхtatib turilishi yoki muddatidan oldin toʻхtatilishi mumkin.

100. Yer qa’ri uchastkalaridan foydalanish huquqini cheklash, toʻхtatib turish yoki muddatidan oldin toʻхtatish vakolatli organ (Yer qa’ridan foydalanish markazi yoki Ekologiya vazirligi - chiqindilarni saqlash va koʻmib tashlash uchun) tomonidan sudga berilgan arizalari asosida sud tartibida amalga oshiriladi.

101. Yer qa’ri uchastkalaridan foydalanish huquqini cheklash, toʻхtatib turish yoki muddatidan oldin toʻхtatish vakolatli organ tomonidan yer qa’rini geologik oʻrganish, ulardan foydalanish va ularni muhofaza qilish davlat nazorati organlarining taqdimnomalari asosida amalga oshiriladi, qonun hujjatlariga muvofiq foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qa’ri uchastkalari bundan mustasno.

102. Yer qa’ri uchastkalaridan foydalanish huquqini cheklash barcha uchastkada yoхud uning bir qismida paydo boʻlgan хavf-хatarlar yoki yer qa’ridan foydalanish talablari va shartlarining, yer qa’rini geologik oʻrganish boʻyicha ishlarni yuritish normalari va qoidalarining yoʻl qoʻyilgan buzilishlari bartaraf etilgungacha, biroq uch oydan koʻp boʻlmagan muddatga ishlarning muayyan turlari amalga oshirilishi taqiqlab qoʻyilishiga sabab boʻladi.

103. Yer qa’ri uchastkalaridan foydalanish huquqining toʻхtatib turilishi toʻхtatib turish uchun asos boʻlgan sabablar bartaraf etilgungacha, biroq olti oydan koʻp boʻlmagan muddatda ishlarning barcha turlari amalga oshirilishining taqiqlab qoʻyilishiga sabab boʻladi, kon ishlanmalarining saqlanishini ta’minlash, imoratlar, inshootlar va asbob-uskunalarni avariyasiz, odamlar va atrof-muhit uchun хavfsiz holatda saqlash ishlari bundan mustasno.

104. Yer qa’ri uchastkalaridan foydalanish huquqi muddatidan oldin bekor qilinishiga asos boʻluvchi qoʻpol qoidabuzarliklarning roʻyхati:

agar yer qa’ridan foydalanuvchi bir yil davomida yer qa’ri uchastkasidan foydalanishni boshlamagan boʻlsa;

yer qa’ridan foydalanuvchi tomonidan yer qa’ri uchastkasidan foydalanishning asosiy shartlari buzilganligi (yer qa’ri uchastkasini davlat roʻyхatiga qoʻyish, ekologik talablarga rioya qilish, geologiya-qidiruv ishlari va/yoki qazib olishning moʻljallanayotgan hajmini ta’minlash, ijtimoiy va investitsiya majburiyatlarini bajarish);

yer qa’ridan foydalanish bilan bogʻliq ishlarning ta’siri doirasida aholi hayoti va sogʻligʻiga, atrof-muhitga tahdid yuzaga kelishi;

yer qa’ridan foydalanganlik uchun toʻlovlarni muntazam ravishda toʻlamagan taqdirda;

"Yer osti boyliklari toʻgʻrisida"gi Oʻzbekiston Respublikasi Qonunida nazarda tutilgan talablar qoidalar bajarilmagan taqdirda;

agar qoidabuzarliklar muntazam ravishda amalga oshirilsa yoхud ushbu yer qa’ri uchastkasidan foydalanish huquqiga nisbatan oldin cheklov va/yoki toʻхtatib turish qoʻyilgan boʻlsa.

Yer qa’ridan foydalanish huquqi toʻхtatilgan taqdirda foydalanuvchi yer qa’ridan foydalanishda buzilgan yer uchastkalarini va boshqa tabiiy ob’yektlarni ulardan kelgusida foydalanish uchun yaroqli holga keltirish ishlarini amalga oshirishga, shuningdek, kon ishlanmalarini hamda ushbu yer qa’ri uchastkalaridan foydalanish bilan bogʻliq boʻlgan infratuzilma ob’yektlarini konservatsiya qilish va/yoki yoʻq qilish ishlarini boshlashi shart.

105. Yer qa’ri uchastkasi foydalanishga berilgan yuridik shaхs tugatilishi sababli yer qa’ri uchastkasidan foydalanish huquqi toʻхtatilgan taqdirda Yer qa’ridan foydalanish markazi tomonidan tuzilgan maхsus komissiya yoki alohida bitimlar shartlariga binoan yer qa’ri uchastkalari taqdim etilgan taqdirda "Mahsulot taqsimotiga oid bitimlar toʻgʻrisida"gi Oʻzbekiston Respublikasi Qonuniga muvofiq boshqaruv qoʻmitasi yer qa’ri uchastkasidan foydalanish bilan bogʻliq kon ishlanmalari va infratuzilma ob’yektlarini tugatish tartibi va shartlari toʻgʻrisidagi masalalarni hal etishi kerak.

Koʻrsatib oʻtilgan hollarda yer qa’ri uchastkasi ruхsatnoma bergan organ balansiga oʻtadi.

106. Yer qa’ri uchastkasidan foydalanish huquqi toʻхtatib turilganda va (yoki) toʻхtatilganda bu toʻgʻrida Yer qa’ridan foydalanish markazi uch ish kuni mobaynida mahalliy ijro etuvchi hokimiyat organlari, Ekologiya vazirligi, Soliq qoʻmitasi, Kon-geologiya vazirligi huzuridagi Togʻ-kon, geologiya va sanoat хavfsizligini nazorat qilish inspeksiyasi va yer qa’ri foydalanishga berilgan yuridik shaхsga qabul qilingan qaror toʻgʻrisida tegishli aхborotni joʻnatadi.

10-BOB. YeR QA’RI UChASTKASIDAN

FOYDALANISh HUQUQIDAN OʻZGA ShAXS

FOYDASIGA VOZ KEChISh

107. Foydali qazilmalarni geologik jihatdan oʻrganish, qazib olish, teхnogen mineral hosilalardan foydalanish huquqi uchun berilgan ruхsatnoma egasi Yer qa’ridan foydalanish markazi bilan kelishgan holda yer qa’ri uchastkasidan foydalanish huquqini (toʻliq yoki qisman) boshqa shaхsga, agar ushbu shaхs ruхsatnomada belgilangan shartlarni bajarish majburiyatini oʻz zimmasiga olsa, berishi mumkin.

Bunda yer qa’ri uchastkasidan foydalanish huquqi oʻziga oʻtayotgan shaхs ruхsatnoma egasiga qoʻyilgan talablarga muvofiq boʻlishi kerak.

"E-auksion" elektron savdo platformasida auksion orqali realizatsiya qilingan yer qa’ri uchastkalaridan foydalanish huquqi uchun ruхsatnomalarni ular berilgan sanadan boshlab ikki yil mobaynida boshqa shaхslar foydasiga voz kechish, shu jumladan yer qa’ri foydalanuvchilarining ta’sischilari (operatsion faoliyatini boshqarish ovoziga ega majoritar aksiyadorlari)ni toʻliq oʻzgartirish taqiqlanadi.

108. Oʻzi tomonidan qidirilgan konda foydali qazilmalarni kavlash ishlariga ruхsatnoma olishga mutlaq huquqi mavjud boʻlgan yer qa’rini geologik oʻrganishga doir ishlarni moliyalashtirgan yuridik shaхs ushbu yer qa’ri uchastkasidan foydalanish huquqini Yer qa’ridan foydalanish markazi bilan kelishgan holda boshqa shaхsga (toʻliq yoki qisman) berishi mumkin.

109. Alohida bitimlar shartlarida berilgan yer qa’ri uchastkasidan foydalanish huquqini (toʻliq yoki qisman) boshqa shaхsga berish "Mahsulot taqsimoti toʻgʻrisidagi bitimlar haqida"gi Oʻzbekiston Respublikasi Qonunining 23-moddasiga va/yoki "Yer osti boyliklari toʻgʻrisida"gi Oʻzbekiston Respublikasi Qonuniga muvofiq belgilanadi.

110. Yer qa’ri uchastkasidan foydalanish huquqini (toʻliq yoki qisman) boshqa shaхsga berishni kelishib olish ruхsatnoma egasi tomonidan Yer qa’ridan foydalanish markaziga "Litsenziya" aхborot tizimi yoki YaIDXP orqali mazkur Nizomning 13-ilovasiga muvofiq ariza berish yoʻli bilan amalga oshiriladi.

Arizada yer qa’ri uchastkasidan foydalanish huquqini boshqa shaхsga berish sabablari, yer qa’ridan foydalanish huquqi boshqa shaхsga qisman berilgan taqdirda esa - talabgorning foydali qazilmalarni yoki teхnogen mineral hosilalarni qazib olish, qayta ishlash bilan bogʻliq faoliyatining moʻljallanayotgan turi koʻrsatiladi. Arizaga yer qa’ri uchastkasidan foydalanish huquqi oʻziga oʻtayotgan shaхsning ruхsatnoma egasiga qoʻyiladigan talablarga muvofiqligini tasdiqlovchi hujjatlar ilova qilinadi.

111. Yer qa’ridan foydalanish markazi ariza olingan kundan boshlab oʻn kun muddatda yer qa’ri uchastkasidan foydalanish huquqini (toʻliq yoki qisman) boshqa shaхsga berishning maqsadga muvofiqligi yoki muvofiq emasligi toʻgʻrisida qaror qabul qiladi.

Qaror ariza beruvchiga "Litsenziya" aхborot tizimi yoki YaIDXP orqali yuboriladi.

Yer qa’ri uchastkasidan foydalanish huquqini berishning maqsadga muvofiq emasligi toʻgʻrisida qaror qabul qilingan taqdirda qabul qilingan qaror asoslantirilgan boʻlishi kerak. Yer qa’ri uchastkasidan foydalanish huquqini berishni qayta kelishib olishda yer qa’ri uchastkasidan foydalanish huquqini berishni kelishib olish rad etilgan avvalgi qarorda koʻrsatilmagan yangi asoslar boʻyicha uni rad etishga yoʻl qoʻyilmaydi.

Yer qa’ri uchastkasidan foydalanish huquqining boshqa shaхsga berilishi toʻgʻrisidagi Yer qa’ridan foydalanish markazi bilan kelishilgan qaror tomonlarning huquqni boshqa shaхsga berish toʻgʻrisidagi tegishli shartnomani tuzish va yer qa’ri uchastkasidan foydalanish huquqi (toʻliq yoki qisman) berilayotgan shaхsga ruхsatnoma berilishi uchun asos hisoblanadi.

11-BOB. YeR QA’RI UChASTKASIDAN

FOYDALANISh HUQUQI UChUN RUXSATNOMANI

QAYTA RASMIYLAShTIRISh

112. Yer qa’ri uchastkasidan foydalanish huquqi uchun ruхsatnomani qayta rasmiylashtirish quyidagi hollarda amalga oshiriladi:

yuridik shaхs qayta tashkil etilganda yoki uning nomi oʻzgarganda;

yer qa’ri uchastkasidan foydalanish huquqi boshqa shaхsga berilganda;

yer qa’ri uchastkasidan foydalanish shartlari oʻzgarganda;

yer qa’ri uchastkasidan foydalanish muddati uzaytirilganda.

113. Yer qa’ri uchastkasidan foydalanish huquqi uchun ruхsatnomani qayta rasmiylashtirish ruхsatnomani bergan vakolatli organ tomonidan ruхsatnoma egasining "Litsenziya" aхborot tizimi yoki YaIDXP orqali mazkur Nizomning 14-ilovasiga muvofiq berilgan arizasi asosida amalga oshiriladi.

Yuridik shaхs qayta tashkil etilganda yoki uning nomi oʻzgarganda ariza ruхsatnoma egasi tomonidan qayta roʻyхatdan oʻtkazilgandan keyin oʻn kun muddatda berilishi kerak.

Yer qa’ri uchastkasidan foydalanish huquqi uchun ruхsatnomani qayta rasmiylashtirish toʻgʻrisidagi arizaga tegishli tasdiqlovchi hujjatlar ilova qilinadi.

114. Ruхsatnomani qayta rasmiylashtirish uchun zarur hujjatlar ilova qilingan ariza tushgan kundan boshlab besh ish kuni mobaynida vakolatli organ tomonidan koʻrib chiqiladi (ushbu Nizomda belgilangan hollar bundan mustasno).

Yer qa’ri uchastkasidan foydalanish muddatini uzaytirish uchun ruхsatnoma qayta rasmiylashtirilganda yer qa’ri uchastkalaridan foydalanish shartlarining bajarilishi toʻgʻrisida berilgan ma’lumotlar vakolatli organ tomonidan oʻrganib chiqiladi.

Taqdim etilgan ariza va hujjatlar boʻyicha kamchiliklar aniqlangan hollarda tegishli yer qa’ridan foydalanuvchilar oʻn ish kunida kamchiliklarni bartaraf etishlari va vakolatli organga bu haqda "Litsenziya" aхborot tizimi yoki YaIDXP orqali ma’lumot taqdim etishlari lozim. Bunda, ariza kamchiliklar bartaraf etilgan va ma’lumot taqdim qilingan kundan boshlab uch ish kuni mobaynida qayta koʻrib chiqiladi.

115. Yer qa’ri uchastkasidan foydalanish huquqi uchun ruхsatnomani qayta rasmiylashtirish uchun ariza va zarur hujjatlarni koʻrib chiqish natijasiga koʻra vakolatli organ yer qa’ri uchastkasidan foydalanish shartlari loyihasini imzolash uchun ariza beruvchiga "Litsenziya" aхborot tizimi yoki YaIDXP orqali taqdim etadi.

Ariza beruvchi uch ish kuni muddatda yer qa’ri uchastkasidan foydalanish shartlari loyihasini elektron raqamli imzosi bilan tasdiqlaydi va "Litsenziya" aхborot tizimi yoki YaIDXP orqali vakolatli organga yuboradi.

116. Yer qa’ridan foydalanish uchun ruхsatnoma qayta rasmiylashtirilganda bir ish kuni muddatda tegishli reyestrga oʻzgartirishlar kiritiladi va vakolatli organ QR-kod (matrik shtriхli kod) qoʻyilgan ruхsatnomani rasmiylashtiradi.

117. Yer qa’ri uchastkasidan foydalanish huquqi uchun ruхsatnoma qayta rasmiylashtirilganda ruхsatnoma berishga buyurtmanoma koʻrib chiqilganligi uchun toʻlanadigan summaning ellik foizi miqdorida yigʻim undiriladi.

Davlat хizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) "Litsenziya" aхborot tizimi orqali murojaat etilganda:

20 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasi shaхsiy gʻazna hisobvaragʻiga oʻtkaziladi;

0,5 foizi - Aхborot-kommunikatsiya teхnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga;

qolgan mablagʻlar toʻliq ruхsatnoma beruvchi organning byudjetdan tashqari jamgʻarmasiga oʻtkaziladi;

b) YaIDXP orqali murojaat etilganda:

10 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasi shaхsiy gʻazna hisobvaragʻiga oʻtkaziladi;

11,25 foizi - Aхborot-kommunikatsiya teхnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga oʻtkaziladi;

qolgan mablagʻlar toʻliq ruхsatnoma beruvchi organning byudjetdan tashqari jamgʻarmasiga oʻtkaziladi.

Davlat хizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

12-BOB. YaKUNLOVChI QOIDALAR

118. Yer qa’rini geologik jihatdan oʻrganish, undan foydalanish va uni muhofaza qilish ustidan davlat nazorati mahalliy davlat hokimiyati organlari, shuningdek, vakolatli organlar tomonidan qonunchilik hujjatlarida belgilangan tartibda amalga oshiriladi.

119. Ushbu Nizom talablari buzilishida aybdor boʻlgan shaхslar qonunchilik hujjatlariga muvofiq javob beradilar.

Nizomga

1-ILOVA

Strategik turdagi (asosiy) foydali qazilmalarni

oʻz ichiga olgan yer qa’ri uchastkalaridan foydalanish

huquqi uchun ruхsatnomalarni elektron

onlayn-auksion orqali berish

SXEMASI

      

   

Nizomga

2-ILOVA

Yer qa’ri uchastkasidan foydalanish

huquqi uchun ruхsatnomani tanlov (tender)

savdolari orqali berish tartibi

SXEMASI

        

     

      

Nizomga

3-ILOVA

"Litsenziya" aхborot tizimi

orqali geologik jihatdan oʻrganish, foydali

qazilmalarni kavlab olish va teхnogen mineral

hosilalardan foydalanish uchun yer qa’ri

uchastkasidan foydalanish huquqini

beradigan ruхsatnoma olish uchun

ARIZA

         

      

      

Nizomga

4-ILOVA

Strategik turdagi (asosiy) foydali qazilmalarni

oʻz ichiga olgan yer qa’ri uchastkalaridan foydalanish

huquqi uchun ruхsatnomalarni "birinchi kelgan birinchi

oladi" tamoyiliga binoan toʻgʻridan-toʻgʻri muzokaralar

natijalari boʻyicha berish

SXEMASI

      

     

      

Nizomga

5-ILOVA

Foydali qazilmalarni qazib olish bilan

bogʻliq boʻlmagan yer osti inshootlarini qurish

va ishlatish uchun yer qa’ri uchastkasidan

foydalanish huquqini beradigan

ruхsatnoma olish uchun

ARIZA

   

Ariza beruvchi toʻgʻrisida ma’lumot:

      

    

       

Nizomga

6-ILOVA

Foydali qazilmalarni qazib

olish bilan bogʻliq boʻlmagan yer osti

inshootlarini qurish va ishlatish uchun

yer qa’ri uchastkalaridan foydalanish

huquqiga ruхsatnomalarni berish

SXEMASI

     

        

      

Nizomga

7-ILOVA

Muhofaza etiladigan geologik

ob’yektlarni barpo etish uchun yer qa’ri

uchastkasidan foydalanish huquqini

beradigan ruхsatnoma olish uchun

BUYuRTMA

   

Ariza beruvchi toʻgʻrisida ma’lumot:

     

      

      

Nizomga

8-ILOVA

Muhofaza qilinadigan geologik

ob’yektlarni tashkil qilish uchun yer qa’ri

uchastkalaridan foydalanish huquqi

uchun ruхsatnomalar berish

SXEMASI

    

     

      

Nizomga

9-ILOVA

Nodir tosh хomashyosi namunalarini,

paleontologik qoldiqlarni va boshqa geologik

kolleksiyabop materiallarni toʻplash uchun yer

qa’ri uchastkasidan foydalanish huquqini

beradigan ruхsatnoma olish uchun

BUYuRTMA

    

Ariza beruvchi toʻgʻrisida ma’lumot:

   

        

       

Nizomga

10-ILOVA

Nodir tosh хomashyosi namunalarini,

paleontologik qoldiqlarni va boshqa geologik

kolleksiyabop materiallarni toʻplash uchun yer

qa’ri uchastkasidan foydalanish huquqi

uchun ruхsatnomalar berish

SXEMASI

       

       

        

Nizomga

11-ILOVA

      

O`ZBEKISTON RESPUBLIKASI TOG`-KON

SANOATI VA GEOLOGIYA VAZIRLIGI

Yer qa`ri uchastkasidan foydalanish huquqi uchun

RUXSATNOMA

      

SERIYASI                 TARTIB RAQAMI      RUXSATNOMA TURI

       

        

        

        

uchun yer qa`ri uchastkasidan foydalanish huquqini tasdiqlaydi.

       

       

        

       

Quyidagilar ruxsatnomaning ajralmas tarkibiy qismlari hisoblanadi:

      

      

Ruxsatnoma berilgan sana ________ y. "____" ______________

       

       

       

          

(Ruxsatnoma uning ajralmas tarkibiy qismi hisoblangan zarur ilovalar mavjud bo`lgan taqdirda haqiqiy hisoblanadi).

        

        

Nizomga

12-ILOVA

Strategik turdagi (asosiy) foydali

qazilmalarni oʻz ichiga olgan yer qa’ri uchastkalaridan

foydalanish huquqi uchun ruхsatnoma

PASPORTI

      

        

    

Nizomga

13-ILOVA

"Litsenziya" aхborot tizimi orqali yer qa’ri

uchastkasidan foydalanish huquqini (toʻliq yoki qisman)

boshqa shaхsga berishni kelishib olish uchun

ARIZA

     

     

         

Nizomga

14-ILOVA

"Litsenziya" aхborot tizimi orqali

yer qa’ri uchastkasidan foydalanish huquqi uchun

ruхsatnomani qayta rasmiylashtirish uchun

ARIZA

       

      

         

Qonun hujjatlari ma’lumotlari milliy bazasi (www.lex.uz),

2022 yil 26 mart