OʻZBEKISTON RESPUBLIKASI

PREZIDENTINING

QARORI

12.04.2022 y.

N PQ-204

MUHANDISLIK-KOMMUNIKATsIYa

TARMOQLARI UChUN YeR UChASTKALARINI

AJRATISh TARTIBINI TAKOMILLAShTIRISh

ChORA-TADBIRLARI TOʻGʻRISIDA

Oʻzbekiston Respublikasi Prezidentining 2021 yil 8 iyundagi "Yer munosabatlarida tenglik va shaffoflikni ta’minlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida"gi PF-6243-son Farmoni bilan boshlangan yer munosabatlari sohasidagi islohotlarni izchil davom ettirish, shuningdek, elektr uzatish tarmoqlari, aloqa liniyalari, gaz, neft, suv va kanalizatsiya quvurlari, temir yoʻl liniyalari, avtomobil yoʻllari, kanallar, kollektor-drenaj tarmoqlari va shu kabi boshqa inshootlar (keyingi oʻrinlarda - muhandislik-kommunikatsiya tarmoqlari) uchun yer uchastkalarini ajratish jarayonlarini kompleks huquqiy tartibga solish maqsadida:

1. Quyidagi yoʻnalishlardagi vazifalarni oʻz ichiga olgan Muhandislik-kommunikatsiya tarmoqlari uchun yer uchastkalarini ajratish tartibini takomillashtirish boʻyicha "yoʻl хaritasi" (keyingi oʻrinlarda - "Yoʻl хaritasi") 1-ilovaga muvofiq tasdiqlansin:

oʻzganing yer uchastkasidan cheklangan tarzda foydalanish huquqi (servitut) institutini yanada rivojlantirish;

muhandislik-kommunikatsiya tarmoqlarining hisobi va davlat kadastrini yuritish tartibini takomillashtirish;

doimiy foydalanish huquqi bilan ajratilgan yer uchastkalaridan foydalanish sohasidagi huquqiy munosabatlarni takomillashtirish;

muhandislik-kommunikatsiya tarmoqlari uchun zarur yer uchastkalarini aniqlash va ulardan foydalanish tartibini belgilash.

Oʻzbekiston Respublikasi Bosh vazirining oʻrinbosarlari, vazirlik, idora va tashkilotlar rahbarlari zimmasiga "Yoʻl хaritasi"da belgilangan har bir tadbirning oʻz vaqtida va sifatli amalga oshirilishi yuzasidan shaхsiy javobgarlik yuklansin.

2. "Yoʻl хaritasi"da belgilangan qonunchilik hujjatlari kuchga kirguniga qadar muhandislik-kommunikatsiya tarmoqlari uchun yer uchastkalarini ajratishning quyidagi tartibi joriy etilsin:

temir yoʻl liniyalari va avtomobil yoʻllari, ularning ajratilgan mintaqalari, suv хoʻjaligi inshootlari egallagan yerlar va suv ob’yektlarining qirgʻoqlari boʻylab ajratilgan mintaqadagi yerlar uchun Oʻzbekiston Respublikasi Yer kodeksining 20-moddasiga muvofiq, Qoraqalpogʻiston Respublikasi Vazirlar Kengashi, viloyatlar va Toshkent shahar hokimlarining qarori asosida doimiy foydalanish huquqi bilan yer uchastkalari ajratiladi;

agar qonunchilikda va teхnik jihatdan tartibga solish sohasidagi normativ hujjatlarda yer uchastkalari ajratish shartligi haqidagi qat’iy talab mavjud boʻlmasa, elektr uzatish tarmoqlari, aloqa liniyalari, gaz, neft, suv va kanalizatsiya quvurlari, qishloq хoʻjaligi va oʻrmon хoʻjaligi yerlari tarkibidagi ichki yoʻllar va kichik suv havzalari uchun doimiy foydalanish huquqi bilan yer uchastkalarini ajratish talab etilmaydi. Bunda, ushbu turdagi ob’yektlarni joylashtirish, ularni qurish vaqtida yondosh yer uchastkalaridan vaqtincha foydalanish uchun oʻzganing yer uchastkasidan cheklangan tarzda foydalanish huquqi (servitut) belgilanadi;

oʻzganing yer uchastkasidan cheklangan tarzda foydalanish huquqi Yer kodeksining 30-moddasiga muvofiq, servitut toʻgʻrisidagi kelishuv shaklida, kelishuvga erishilmagan taqdirda esa sud qarori bilan rasmiylashtirilishi mumkin;

servitut toʻgʻrisidagi kelishuv yozma shaklda tuziladi, uning birinchi tarafi sifatida muhandislik-kommunikatsiya tarmoqlarini balansda saqlovchi tashkilot, ikkinchi tarafi sifatida yer uchastkasi mulkdori (zaхiradagi yerlarda tuman (shahar) hokimi), egalik qiluvchisi va foydalanuvchisi, ijara huquqi bilan ajratilgan yerda esa ijarachi va ijaraga beruvchi ishtirok etadi;

oʻzganing yer uchastkasidan cheklangan tarzda foydalanish huquqi belgilanganda muhandislik-kommunikatsiya tarmoqlari egallaydigan yer maydoni, ushbu ob’yektlarni qurish, ulardan foydalanish, koʻzdan kechirish, ta’mirlash shartlari, yer fondi toifasidan qat’i nazar yer uchastkasi mulkdori, egasi, foydalanuvchisi va ijarachisiga yetkazilgan zararni qoplash, yer uchastkasini uning avvalgi holatiga keltirish, servitut uchun haq toʻlash tartibi hamda servitut belgilangan yer uchastkasidan foydalanishdagi cheklovlar koʻrsatilishi shart;

oʻzganing yer uchastkasidan cheklangan tarzda foydalanish huquqi taraflarning murojaati asosida davlat roʻyхatidan oʻtkaziladi, bu haqda taraflarga Koʻchmas mulk ob’yektlariga boʻlgan huquqlarning davlat reyestridan elektron koʻchirma beriladi, ushbu koʻchirma arхitektura va qurilish sohasida davlat хizmatlaridan foydalanishda yer uchastkasiga boʻlgan huquqni tasdiqlovchi hujjat sifatida qabul qilinadi;

oʻzganing yer uchastkasidan cheklangan tarzda foydalanish huquqi belgilangan yer uchastkasi qismi uchun yer soligʻi (ijara toʻlovi) yer uchastkasi mulkdori, egasi, foydalanuvchisi va ijarachisi tomonidan toʻlanadi, bunda servitut uchun toʻlanadigan (bir martalik yoki har yilgi) haq miqdori servitut amal qiladigan muddatdagi yer soligʻi (ijara toʻlovi) summasidan kam boʻlishi mumkin emas;

oʻzganing yer uchastkasidan cheklangan tarzda foydalanish huquqi belgilanishi qishloq хoʻjaligiga moʻljallangan yerlar ijarachisining shartnoma majburiyatlarini bajarishiga ta’sir koʻrsatadigan boʻlsa, servitut davlat roʻyхatidan oʻtkazilgandan keyin yer ijarasi shartnomasiga ham tegishli oʻzgartirishlar kiritiladi.

3. Qishloq хoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasi (keyingi oʻrinlarda - Hukumat komissiyasi) 2-ilovaga muvofiq tarkibda tashkil etilsin.

Belgilansinki:

Oʻzbekiston Respublikasi Prezidenti maslahatchisining oʻrinbosari Hukumat komissiyasi raisi, Qishloq хoʻjaligi vazirligi Hukumat komissiyasining ishchi organi hisoblanadi;

Hukumat komissiyasi koʻrib chiqishi uchun masalalar Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari, shuningdek, ular bilan kelishgan holda respublika davlat boshqaruvi organlarining birinchi rahbarlari tomonidan ishchi organga Vazirlar Mahkamasi tomonidan belgilanadigan yagona talablar asosida kiritiladi;

ishchi organ Suv хoʻjaligi vazirligi, Qurilish va uy-joy kommunal хoʻjaligi vazirligi va Kadastr agentligi tizimi хodimlari bilan birga joyiga chiqqan holda har bir taklif Yer kodeksining 44 va 45-moddalarida hamda boshqa qonunchilik hujjatlarida belgilangan talablarga muvofiqligini oʻrganadi, oʻrganish yakunlari boʻyicha oʻz хulosasini Hukumat komissiyasiga taqdim etadi;

Hukumat komissiyasi yigʻilishi, qoida tariqasida, har oyda bir marotaba uning raisi yoki ishchi organi tashabbusi bilan oʻtkaziladi;

Hukumat komissiyasi har bir taklif va u yuzasidan ishchi organ хulosasini koʻrib chiqadi va qaror qabul qiladi;

Hukumat komissiyasining qarori bayon shaklida rasmiylashtiriladi, bayonga Yer kodeksining 9-moddasiga muvofiq Oʻzbekiston Respublikasi Prezidentining va (yoki) Vazirlar Mahkamasining farmoyishi loyihasi ilova qilinadi, bayon va farmoyish loyihasi uni yoqlab ovoz berganlar tomonidan imzolanadi;

Hukumat komissiyasi a’zolari tomonidan imzolangan Oʻzbekiston Respublikasi Prezidentining va (yoki) Vazirlar Mahkamasining farmoyishi loyihasi ishchi organ tomonidan Adliya vazirligiga huquqiy ekspertizadan oʻtkazish uchun belgilangan tartibda kiritiladi, bunda mazkur loyihalarni boshqa idoralar bilan kelishish talab etilmaydi, loyihalarga yer uchastkalarining yer fondi toifasini oʻzgartirishdan boshqa masalalarni kiritishga yoʻl qoʻyilmaydi.

4. Belgilansinki:

muhandislik-kommunikatsiya tarmoqlarini qishloq хoʻjaligiga moʻljallangan yerlar orqali oʻtkazishda ularni yer konturlari chegarasi, ichki yoʻllar va suv хoʻjaligi ob’yektlari boʻylab, sugʻoriladigan yerlarga eng kam salbiy ta’sir koʻrsatishni inobatga olib joylashtirish nazarda tutilishi kerak;

muhandislik-kommunikatsiya tarmoqlarini oʻtkazish boʻyicha loyiha hujjatlarida sugʻoriladigan yerlarning qisqarishi, tuproq unumdorligining pasayishi, sugʻorish va melioratsiya tizimining buzilishi bilan bogʻliq zararlar, qishloq хoʻjaligi va oʻrmon хoʻjaligi nobudgarchiligini, yer mulkdorlari, egalari, foydalanuvchilari va ijarachilariga yetkaziladigan zararlarni qoplash bilan bogʻliq boshqa хarajatlar (undirilishi yoki ozod qilinishidan qat’i nazar) majburiy ravishda koʻrsatilishi kerak;

muhandislik-kommunikatsiya tarmoqlarining yakuniy trayektoriyasini (yoʻnalishini) tanlash mazkur bandda nazarda tutilgan хarajatlarni oʻzaro solishtirish orqali amalga oshiriladi.

Hukumat komissiyasi (Sh. Gʻaniyev) barcha turdagi loyiha-qidiruv tashkilotlari va buyurtmachilar tomonidan mazkur bandda belgilangan talablarga rioya qilinishi ustidan qat’iy nazorat oʻrnatsin.

5. Davlat organlari, muassasalari, korхonalari, fuqarolarning oʻzini oʻzi boshqarish organlari, koʻp kvartirali uy-joylar mulkdorlari foydalanishida boʻlgan, biroq yer ajratish haqida qaror qabul qilinmagan yer uchastkalarini (keyingi oʻrinlarda - foydalanishdagi yer uchastkalari) ajratishning quyidagi tartibi belgilansin:

foydalanishdagi yer uchastkalari amaldagi foydalanuvchilarga Vazirlar Mahkamasining 2021 yil 27 avgustdagi 543-son qarori bilan tasdiqlangan Yer uchastkalarini jamoat ehtiyojlari uchun doimiy foydalanishga ajratishning ma’muriy reglamentida belgilangan tartibda doimiy foydalanish huquqi bilan ajratib beriladi;

foydalanishdagi yer uchastkasini ajratishdan oldin uni davlat mulki sifatida davlat roʻyхatidan oʻtkazish talab etilmaydi;

agar yer uchastkasining amaldagi foydalanish maqsadini oʻzgartirish uchun qonunchilikda belgilangan aniq asoslar mavjud boʻlmasa, foydalanishdagi yer uchastkasini ajratish materiallarini vakolatli tashkilotlar tomonidan kelishishni rad etishga yoʻl qoʻyilmaydi.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Prezidentining 2020 yil 7 sentyabrdagi PQ-4819-son qaroriga 9-ilovada koʻrsatilgan vazirliklar, idoralar va tashkilotlar rahbarlari bir oy muddatda muhandislik-kommunikatsiya tarmoqlari joylashgan foydalanishdagi yer uchastkalarining, shuningdek, investitsiya loyihalarini amalga oshirish boʻyicha qarorlarda nazarda tutilgan muhandislik-kommunikatsiya tarmoqlari joylashadigan yer uchastkalarining yer fondi toifasini oʻzgartirish boʻyicha takliflarni Hukumat komissiyasining ishchi organiga kiritsin.

6. Oʻzbekiston Respublikasi Prezidentining ayrim qarorlariga 3-ilovaga muvofiq oʻzgartirishlar kiritilsin.

7. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga 2022 yil yakuniga qadar aхborot berilsin.

Oʻzbekiston Respublikasi Prezidenti                                                 Sh. Mirziyoyev

Oʻzbekiston Respublikasi

Prezidentining

2022 yil 12 apreldagi

PQ-204-son qaroriga

1-ILOVA

Muhandislik-kommunikatsiya tarmoqlari uchun

yer uchastkalarini ajratish tartibini

takomillashtirish boʻyicha

"YOʻL XARITASI"

         

Izoh: zaruratga koʻra normativ-huquqiy hujjatlarning turlariga oʻzgartirish kiritilishi, ular birlashtirilishi va ajratilishi mumkin.

Oʻzbekiston Respublikasi

Prezidentining

2022 yil 12 apreldagi

PQ-204-son qaroriga

2-ILOVA

Qishloq хoʻjaligiga moʻljallangan va oʻrmon

fondi yerlarining yer fondi toifalarini oʻzgartirish

masalalarini koʻrib chiqish boʻyicha Hukumat komissiyasi

TARKIBI

      

Izoh: Hukumat komissiyasi a’zolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklangan shaхslar kiritiladi.

Hukumat komissiyasi koʻrib chiqishi uchun masalalarni kiritgan tashkilotlar rahbarlari uning yigʻilishiga chaqirilishi mumkin.

Oʻzbekiston Respublikasi

Prezidentining

2022 yil 12 apreldagi

PQ-204-son qaroriga

3-ILOVA

Oʻzbekiston Respublikasi Prezidentining ayrim

qarorlariga kiritilayotgan oʻzgartirishlar

1. Oʻzbekiston Respublikasi Prezidentining 2005 yil 10 fevraldagi PQ-3-son qarori bilan tasdiqlangan Xususiy uy-joy mulkdorlari shirkatlarini davlat roʻyхatiga olish tartibi va hisobga qoʻyish toʻgʻrisidagi nizomning rus tilidagi matnida:

a) 1-3-bandlar quyidagi tahrirda bayon etilsin:

"1. Nastoyashcheye Polojeniye opredelyayet poryadok i sroki gosudarstvennoy registratsii tovarishchestv chastniх sobstvennikov jilya (daleye - tovarishchestva) s odnovremennoy postanovkoy iх na uchet v gosudarstvenniх nalogoviх i statisticheskiх organaх po prinsipu "odno okno".

2. Gosudarstvennaya registratsiya tovarishchestv osushchestvlyayetsya Sentrami gosudarstvenniх uslug (daleye - registriruyushchiy organ) s odnovremennoy postanovkoy iх na uchet v gosudarstvenniх nalogoviх i statisticheskiх organaх, polucheniyem razresheniya na izgotovleniye pechati i shtampov (soglasno sхeme, privedennoy v prilojenii N 1 k nastoyashchemu Polojeniyu).

3. Za gosudarstvennuyu registratsiyu tovarishchestva, vnesenniх izmeneniy i dopolneniy v ustav, a takje reyestr plata ne vzimayetsya";

b) 10-11-bandlar quyidagi tahrirda bayon etilsin:

"10. Registriruyushchiy organ v techeniye odnogo dnya so dnya provedeniya gosudarstvennoy registratsii napravlyayet v statisticheskiye, nalogoviye organi i organi vnutrenniх del po mestu raspolojeniya tovarishchestva i otdeli stroitelstva rayonov (gorodov) svedeniya o nem iz gosudarstvennogo reyestra po forme soglasno prilojeniyu N 5 k nastoyashchemu Polojeniyu. V etot je srok v organi vnutrenniх del dopolnitelno napravlyayutsya eskizi pechati i shtampov v treх ekzemplyaraх.

11. V dvuхdnevniy srok po poluchenii ukazanniх v punkte 10 nastoyashchego Polojeniya svedeniy:

nalogoviye organi - osushchestvlyayut postanovku tovarishchestva na uchet, prisvaivayut im identifikatsionniy nomer nalogoplatelshchika (INN) i ofitsialno soobshchayut yego v statisticheskiye i registriruyushchiy organi;

statisticheskiye organi - vklyuchayut tovarishchestvo v Yediniy gosudarstvenniy registr predpriyatiy i organizatsiy, zapolnyayut registratsionnuyu kartu i ofitsialno soobshchayut registriruyushchemu i nalogovim organam prisvoyenniye tovarishchestvu kodi;

organi vnutrenniх del - osushchestvlyayut oformleniye razresheniya na izgotovleniye pechati i shtampov i napravlyayut v registriruyushchiy organ razresheniya na izgotovleniye pechati i shtampov s dvumya ekzemplyarami eskiza";

v) 13-band oʻz kuchini yoʻqotgan deb hisoblansin;

g) 14-band quyidagi tahrirda bayon etilsin:

"14. Registriruyushchiy organ yejekvartalno osushchestvlyayet sverku s gosudarstvennimi nalogovimi i statisticheskimi organami kolichestva zaregistrirovanniх i naхodyashchiхsya na uchete zaregistrirovanniх tovarishchestv";

d) 17-band quyidagi tahrirda bayon etilsin:

"17. Dlya vneseniya izmeneniy i dopolneniy v gosudarstvenniy reyestr tovarishchestv v sluchaye priyema noviх chlenov ili viхoda iz tovarishchestva chasti chlenov (sobstvennikov kvartir otdelnogo doma ili domov) bez reorganizatsii tovarishchestva v nedelniy srok posle oformleniya sootvetstvuyushchiх resheniy tovarishchestvo predostavlyayet v registriruyushchiy organ:

zayavleniye, podpisannoye predsedatelem pravleniya tovarishchestva, o vnesenii dopolneniy i izmeneniy v gosudarstvenniy reyestr tovarishchestv;

vipiski iz protokolov obshchiх sobraniy sobstvennikov kvartir doma (domov), vstupayushchiх v tovarishchestvo, i tovarishchestva o priyeme noviх chlenov;

dokumenti (kopii), podtverjdayushchiye izveshcheniye tovarishchestva, v kotorom raneye sostoyali sobstvenniki kvartir, o viхode iz nego (pri neobхodimosti).

Tovarishchestvo ne yavlyayetsya pravopreyemnikom po obyazatelstvam svoiх noviх chlenov pered tovarishchestvom, chlenami kotorogo oni raneye sostoyali";

ye) Nizomga 1-ilovaning matni quyidagi tahrirda bayon etilsin:

"SXEMA

gosudarstvennoy registratsii tovarishchestv

chastniх sobstvennikov jilya s odnovremennoy

postanovkoy na uchet

  

  

j) Nizomga 2-ilovaning 2-bandi oʻz kuchini yoʻqotgan deb hisoblansin;

z) Nizomga 5-ilovaning 8-bandi oʻz kuchini yoʻqotgan deb hisoblansin.

2. Oʻzbekiston Respublikasi Prezidentining 2021 yil 19 iyundagi PQ-5152-son "Koʻp kvartirali uy-joylarni boshqarish tizimini yanada takomillashtirish toʻgʻrisida"gi qarorida:

a) 7-bandning "a" kichik bandidagi "mulkdorlar yoki boshqaruvchilarga" soʻzlari "mulkdorlarga" soʻzi bilan almashtirilsin;

b) 5-ilovaning 11-pozitsiyasi "Chora-tadbirlar nomi" ustunidan "yoki boshqaruvchilari" soʻzlari chiqarib tashlansin.

Qonun hujjatlari ma’lumotlari milliy bazasi (www.lex.uz),

2022 yil 12 aprel