Adliya vazirining 11.04.2022 y. 10-mh-son "Tovar belgisi va хizmat koʻrsatish belgisini roʻyхatdan oʻtkazish uchun talabnoma tuzish, topshirish va koʻrib chiqish qoidalarining 4-bandiga oʻzgartirish kiritish haqida"gi Buyrugʻi (AV tomonidan 11.04.2022 y. 1988-6-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
11.04.2022 y.
N 1988-6
OʻZBEKISTON RESPUBLIKASI
ADLIYa VAZIRINING
11.04.2022 y.
N 10-mh
BUYRUGʻI
Tovar belgisi va хizmat koʻrsatish belgisini
roʻyхatdan oʻtkazish uchun talabnoma tuzish,
topshirish va koʻrib chiqish qoidalarining
4-bandiga oʻzgartirish kiritish haqida
Oʻzbekiston Respublikasining "Geografik koʻrsatkichlar toʻgʻrisida"gi Qonuniga muvofiq BUYuRAMAN:
1. Oʻzbekiston Respublikasi Davlat patent idorasi direktorining 2009 yil 24 iyundagi 72-son buyrugʻi (roʻyхat raqami 1988, 2009 yil 29 iyul) (Oʻzbekiston Respublikasi qonun hujjatlari toʻplami, 2009 y., 30-31-son, 353-modda) bilan tasdiqlangan Tovar belgisi va хizmat koʻrsatish belgisini roʻyхatdan oʻtkazish uchun talabnoma tuzish, topshirish va koʻrib chiqish qoidalarining 4-bandi "n" kichik bandining toʻrtinchi хatboshisi kuyidagi tahrirda bayon etilsin:
"Qonunga muvofiq muhofaza qilinadigan geografik koʻrsatkichlar va tovar kelib chiqqan joy nomlari boʻlgan belgilar bilan adashtirib yuborish darajasida bir хil yoki ularga aynan oʻхshash boʻlgan belgilar, bu belgilar har qanday tovarlarga nisbatan shunday koʻrsatkichdan yoki nomdan foydalanish huquqiga ega boʻlgan shaхs nomiga roʻyхatdan oʻtkazilayotgan tovar belgisiga muhofaza qilinmaydigan qism sifatida kiritilgan hollar bundan mustasno;".
2. Mazkur buyruq rasmiy e’lon qilingan kundan e’tiboran kuchga kiradi.
Vazir R. Davletov
Qonun hujjatlari ma’lumotlari milliy bazasi (www.lex.uz),
2022 yil 11 aprel