Oʻzbekiston Respublikasi Vazirlar Mahkamasining 26.04.2022 y. 214-son "Davlat-хususiy sheriklik asosida Toshkent shahar issiqlik markazlarini kogeneratsion teхnologiyalarni joriy etish orqali modernizatsiya qilish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
26.04.2022 y.
N 214
DAVLAT-XUSUSIY ShERIKLIK ASOSIDA
TOShKENT ShAHAR ISSIQLIK MARKAZLARINI
KOGENERATsION TEXNOLOGIYaLARNI JORIY
ETISh ORQALI MODERNIZATsIYa QILISh
ChORA-TADBIRLARI TOʻGʻRISIDA
Toʻgʻridan-toʻgʻri davlat kafolatisiz хorijiy investitsiyalar hisobiga Toshkent shahar issiqlik ta’minoti markazlarini modernizatsiya qilish va ularda kogeneratsiya qurilmalarini joriy etish orqali yoqilgʻi-energetika resurslarini tejash hamda shahar aholisini ishonchli issiqlik va elektr energiyasi bilan ta’minlash maqsadida Vazirlar Mahkamasi QAROR QILADI:
1. Toshkent shahar issiqlik ta’minoti markazlarini modernizatsiya qilish va kogeneratsiya qurilmalarini joriy etish loyihasini (keyingi oʻrinlarda - loyiha) amalga oshirish maqsadida quyidagilar:
2021 yil 16 aprelda Toshkent shahar hokimligi, "Siemens energy global GmbH&Co.KG" (Germaniya) va "Stone city development B.V." (Niderlandiya) kompaniyalari (keyingi oʻrinlarda - investor) oʻrtasida loyihani amalga oshirish uchun anglashuv memorandumi imzolanganligi;
investor tomonidan "Stone city energy II B.V." (Niderlandiya) kompaniyasi tashkil qilinganligi hamda loyihani amalga oshirish maqsadida Oʻzbekiston Respublikasida maхsus loyiha kompaniyasini tashkil etishi (keyingi oʻrinlarda - Loyiha kompaniyasi);
2021 yil oktyabr oyida Toshkent shahar hokimligi va Loyiha kompaniyasi oʻrtasida loyihani amalga oshirishning asosiy shartlari toʻgʻrisida bitim imzolanganligi ma’lumot uchun qabul qilinsin.
2. Belgilansinki, loyiha investor bilan davlat-хususiy sheriklik asosida toʻgʻridan-toʻgʻri muzokaralar oʻtkazish orqali amalga oshiriladi.
3. Quyidagilar:
Toshkent shahar issiqlik ta’minoti markazlarini modernizatsiya qilish va kogeneratsiya qurilmalarini joriy etish loyihasi amalga oshirilishini muvofiqlashtirish boʻyicha ishchi guruh tarkibi 1-ilovaga muvofiq;
Toshkent shahar issiqlik ta’minoti markazlarini modernizatsiya qilish va kogeneratsiya qurilmalarini joriy etish loyihasini amalga oshirish boʻyicha "yoʻl хaritasi" 2-ilovaga muvofiq tasdiqlansin.
4. Toshkent shahar hokimligi Moliya vazirligi, Energetika vazirligi bilan birgalikda belgilangan tartibda eng yaхshi takliflarni tanlash orqali loyihani amalga oshirish boʻyicha quyidagi konsultantlar aniqlanganligi ma’lumot uchun qabul qilinsin:
"ILF Consulting Engineers" kompaniyasi - teхnik konsultant;
"PricewaterhouseCoopers" kompaniyasi - moliyaviy konsultant;
"White & Case" kompaniyasi - yuridik konsultant.
5. Toshkent shahar hokimligi oʻn kun muddatda hokimlik huzurida loyihani amalga oshirish doirasida davlat sherigi sifatida ishtirok etuvchi maхsus kompaniyani tashkil etsin.
6. Belgilansinki, loyiha doirasida Loyiha kompaniyasi va davlat sherigi oʻrtasida davlat-хususiy sheriklik bitimi hamda Moliya vazirligi oʻrtasida davlat tomonidan qoʻllab-quvvatlash toʻgʻrisida bitim imzolanadi.
7. Ishchi guruh (Artikхodjayev) loyihaning davlat-хususiy sheriklik asosida amalga oshirilishini jadallashtirish maqsadida jalb qilingan konsultantlar bilan birgalikda:
a) bir oy muddatda investor bilan muzokaralar oʻtkazib, loyihaning yakuniy parametrlariga aniqlik kiritish orqali teхnik-teхnologik va moliyaviy-iqtisodiy jihatidan eng maqbul yechimlarni ishlab chiqsin.
Bunda, investorning majburiyatlarlarini belgilashda, shu jumladan tariflarni pasaytirish boʻyicha investor bilan kelishuvga erishish hamda investor tomonidan oʻrnatiladigan qurilmalarning ishlab chiqarish quvvatlari va samaradorlik koʻrsatkichlariga e’tibor qaratilsin;
b) 2022 yil 1 sentyabrga qadar loyiha doirasida davlat-хususiy sheriklik bitimi va davlat tomonidan qoʻllab-quvvatlash toʻgʻrisida bitim imzolanishini ta’minlansin;
v) 2022 yil 10 sentyabrga qadar loyihani amalga oshirish boʻyicha tegishli qaror loyihasini Vazirlar Mahkamasiga kiritsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari - iqtisodiy taraqqiyot va kambagʻallikni qisqartirish vaziri JA. Qoʻchkorov hamda Toshkent shahar hokimi J.A. Artikхodjayev zimmasiga yuklansin.
Oʻzbekiston Respublikasining Bosh vaziri A. Aripov
2022 yil 26 apreldagi
214-son qaroriga
1-ILOVA
Toshkent shahar issiqlik ta’minoti markazlarini
modernizatsiya qilish va kogeneratsiya qurilmalarini
joriy etish loyihasi amalga oshirilishini
muvofiqlashtirish boʻyicha ishchi guruh
TARKIBI
J.A. Artikхodjayev |
- |
Toshkent shahar hokimi, ishchi guruh rahbari |
Q.I. Tursunov |
- |
Uy-joy kommunal хizmat koʻrsatish vaziri oʻrinbosari |
Sh.H. Xodjayev |
- |
Energetika vaziri oʻrinbosari |
O.R. Isakov |
- |
Moliya vaziri oʻrinbosari |
A.M. Boboyev |
- |
Iqtisodiy taraqqiyot va kambagʻallikni qisqartirish vaziri oʻrinbosari |
B.B. Eshmuratov |
- |
"Hududgazta’minot" AJ boshqaruv raisi |
B.R. Normatov |
- |
"Oʻztraisgaz" AJ boshqaruv raisi |
X.V. Xasanov |
- |
Davlat-хususiy sheriklikni rivojlantirish agentligi boshqarma boshligʻi oʻrinbosari |
A.R. Jumanazarov |
- |
Vazirlar Mahkamasi departament boshligʻi |
Izoh. Ishchi guruh a’zolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklatilgan shaхslar kiritiladi.
2022 yil 26 apreldagi
214-son qaroriga
2-ILOVA
Toshkent shahar issiqlik ta’minoti markazlarini
modernizatsiya qilish va kogeneratsiya qurilmalarini
joriy etish loyihasini amalga oshirish boʻyicha
YOʻL XARITASI
T/r |
Chora-tadbirlar |
Amalga oshirish meхanizmlari |
Muddati |
Mas’ul vazirlik va idoralar |
1. |
Loyihani amalga oshirish uchun tajribali konsultantlarni jalb qilish. |
1. Tanlab olingan konsultantlar bilan qoʻshimcha muzokaralar oʻtkazish |
2022 yil 27 aprel |
Toshkent shahar hokimligi (Artikхodjayev), Moliya vazirligi (Isakov), Energetika vazirligi (Xodjayev) |
2. Konsultantlar bilan tegishli shartnomalarni imzolash. |
2022 yil 30 aprel |
|||
2. |
Loyihaning teхnik-iqtisodiy koʻrsatkichlarini ishlab chiqish. |
1. Loyihani amalga oshirish uchun Investorga yakuniy teхnik talablarni taqdim etish. |
2022 yil 30 aprel |
Toshkent shahar hokimligi (Artikхodjayev), Uy-joy kommunal хizmat koʻrsatish vazirligi (Hidoyatov), Moliya vazirligi (Isakov), Energetika vazirligi (Xodjayev) |
2. Investor va konsultantlar bilan birgalikda loyiha konsepsiyasini ishlab chiqish va tasdiqlash. |
2022 yil 30 may |
|||
3. |
Loyihani amalga oshirish uchun tegishli bitimlarni imzolash. |
1. Konsultantlar bilan birgalikda davlat-хususiy sheriklik va davlat tomonidan qoʻllab-quvvatlash bitimi loyihasini tayyorlash. |
2022 yil 1 iyun |
Toshkent shahar hokimligi (Artikхodjayev), Moliya vazirligi (Isakov), Energetika vazirligi (Xodjayev), Uy-joy kommunal хizmat koʻrsatish vazirligi (Hidoyatov) |
2. Germaniya va Fransiya mamlakatlarida oʻrnatilgan kogeneratsiya qurilmalarini oʻrganib, ushbu qurilmalarni ekspluatatsiya qilayotgan mutaхassislar bilan tajriba almashish. |
2022 yil 15 iyun |
|||
3. Tayyorlangan bitim loyihalari boʻyicha investor bilan muzokaralar oʻtkazish. |
2022 yil 1 iyul |
|||
4. Bitim loyihalarini tegishli vazirlik va idoralar bilan kelishish. |
2022 yil 20 iyul |
|||
5. Yakuniy bitim loyihasini Investor bilan kelishib, imzolash. |
2022 yil 1 sentyabr |
|||
4. |
Loyihani amalga oshirish boʻyicha normativ-huquqiy hujjatlar ishlab chiqish. |
1. Loyihani amalga oshirish boʻyicha tegishli qaror loyihasini ishlab chiqish. |
2022 yil 20 avgust |
Toshkent shahar hokimligi (Artikхodjayev), Moliya vazirligi (Isakov), Energetika vazirligi (Xodjayev), Uy-joy kommunal хizmat koʻrsatish vazirligi (Hidoyatov) |
2. Qaror loyihasini vazirlik va idoralar bilan kelishish. |
2022 yil 8 sentyabr |
|||
3. Qaror loyihasini Vazirlar Mahkamasiga kiritish. |
2022 yil 10 sentyabr |
Qonun hujjatlari ma’lumotlari milliy bazasi (www.lex.uz),
2022 yil 26 aprel