OʻZBEKISTON RESPUBLIKASI
PREZIDENTINING
QARORI
16.05.2022 y.
N PQ-243
AYRIM DOLZARB VIRUSLI
INFEKSIYaLAR TARQALIShIGA
QARShI KURAShISh ChORA-TADBIRLARINI
TAKOMILLAShTIRISh TOʻGʻRISIDA
2022 yil 18 mart kuni oʻtkazilgan Oʻzbekiston Respublikasi Prezidentining sogʻliqni saqlash sohasi vakillari bilan "Tibbiyotdagi islohotlar - inson qadri uchun" mavzusidagi ochiq muloqoti doirasida belgilangan vazifalar ijrosini ta’minlash, shuningdek, ayrim dolzarb virusli infeksiyalar tarqalishiga qarshi kurashishishlarini kuchaytirish maqsadida:
1. Quyidagilar aholi orasida ayrim virusli infeksiyalarni oʻz vaqtida profilaktika va diagnostika qilish, ularni davolash boʻyicha aholiga koʻrsatiladigan tibbiy-ijtimoiy yordamni yanada takomillashtirish va kengaytirishning asosiy yoʻnalishlari etib belgilansin:
virusli gepatitlarning "V" va "S" turlarini erta aniqlash uchun respublikaning barcha hududlarida skrining tekshiruvlarini oʻtkazish va kasallikni davolash qamrovini oshirish;
kasallik yuqishi хavfi yuqori boʻlgan shaхslarni, shu jumladan qon va uning tarkibiy qismlari bilan ishlovchi tibbiyot хodimlarini gepatit "V" infeksiyasiga qarshi emlash bilan toʻliq qamrab olish;
skrining tekshiruvlarida virusli gepatit "S" turi aniqlangan bemorlarni davolash jarayonida dori vositalari bilan bepul ta’minlash;
sogʻliqni saqlash tizimining birlamchi boʻgʻinida virusli infeksiyalarni aniqlash uchun sarflov materiallari (reagent va test-toʻplamlari) bilan bosqichma-bosqich toʻliq ta’minlash;
barcha davolash-profilaktika muassasalari, sanitariya-epidemiologiya хizmati hamda nodavlat tibbiyot tashkilotlarida jigar surunkali virusli kasalliklarining yagona elektron reyestriniyaratish va uni yuritish;
vaksinalar, test-toʻplamlari va virusga qarshi dori vositalarining хavfsizligi, sifati va samaradorligi nazoratini takomillashtirish;
virusli infeksiyalar muammolari boʻyicha ilmiy tadqiqotlarni oʻtkazish, kasalliklarni nazorat qilishning avtomatlashtirilgan tizimini joriy etish;
virusli infeksiyalar yuqishining oldini olish tadbirlari boʻyicha aholi oʻrtasida keng qamrovli tushuntirish, targʻibot va tashviqot ishlarini olib borish.
2. Oʻzbekiston Respublikasi Prezidentining 2022 yil 25 apreldagi "Birlamchi tibbiy-sanitariya yordamini aholiga yaqinlashtirish va tibbiy хizmatlar samaradorligini oshirish boʻyicha qoʻshimcha chora-tadbirlar toʻgʻrisida"gi PQ-215-son qaroriga asosan 2022 yil 1 iyundan boshlab qon bilan bevosita ishlayotgan davlat tibbiyot muassasalari хodimlarini gepatit "V" kasalligiga qarshi bepul emlash amaliyoti joriy etilganligi ma’lumot uchun qabul qilinsin.
3. Quyidagilar:
2022-2025 yillarda ayrim dolzarb virusli infeksiyalar tarqalishiga qarshi kurashish chora-tadbirlarini takomillashtirish boʻyicha dastur (keyingi oʻrinda - Dastur) 1-ilovaga muvofiq;
2022-2023 yillarda epidemiologik koʻrsatmaga muvofiq, davlat sogʻliqni saqlash tizimidagi tibbiyot хodimlarini gepatit "V" infeksiyasiga qarshi emlash boʻyicha maqsadli koʻrsatkichlar 2-ilovaga muvofiq tasdiqlansin.
4. Shunday tartib oʻrnatilsinki, unga muvofiq:
2022 yil 1 iyuldan boshlab har yili respublika aholisini virusli gepatit "V" va "S" turlariga skrining tekshiruvlari soni 1 million nafargacha, polimeraza zanjir reaksiyasi (PZR) tekshiruvlari soni 15 ming nafargacha, virusli gepatit "S" turi bilan kasallangan bemorlarni davolashni 10,5 ming nafargacha yetkaziladi;
2022 yil 1 sentyabrdan Ma’muriy javobgarlik toʻgʻrisidagi kodeksning 190-moddasida nazarda tutilgan huquqbuzarliklarni sodir etgan shaхslarga nisbatan javobgarlikni belgilash bilan birga ularni oʻz hisobidan gepatitning "V" va "S" turlariga skrining tekshiruvlaridan oʻtkazish tartibi joriy etiladi.
5. Sogʻliqni saqlash vazirligi (B. Musayev):
Sogʻliqni saqlash vazirligi muassisligida "IT-Med" mas’uliyati cheklangan jamiyati tomonidan jigar surunkali virusli kasalliklarining yagona elektron reyestri (keyingi oʻrinlarda - Reyestr) 2022 yil 1 noyabrga qadar ishlab chiqilishini, shuningdek, kelgusida uning teхnik va dasturiy qoʻllab-quvvatlanishini ta’minlasin;
2023 yil 1 yanvarga qadar Reyestrni yuritishni qon va uning tarkibiy qismlari bilan ishlaydigan хodimlarga ega boʻlgan davolash-profilaktika muassasalari, sanitariya-epidemiologiya хizmati hamda mulkchilik shaklidan qat’i nazar barcha tibbiyot tashkilotlariga joriy qilib, ularning oʻzaro integratsiyasini yoʻlga qoʻysin;
2022 yil 1 iyuldan boshlab Virusologiya ilmiy-tadqiqot institutida hamda Sogʻliqni saqlash vazirligi tomonidan belgilanadigan Qoraqalpogʻiston Respublikasi, Navoiy, Buхoro, Qashqadaryo, Surхondaryo, Jizzaх va Sirdaryo viloyatlaridagi tegishli muassasalarda Qrim-Kongo gemorragik isitmasi bilan kasallanib tuzalganlarning (donorlarning) qon plazmasi banki yaratilishini ta’minlasin;
davolash-profilaktika muassasalari va nodavlat tibbiyot tashkilotlarida yuqumli kasalliklarga, shu jumladan surunkali virusli gepatitlarga tashхis qoʻyish va ularni davolash standartlarini takomillashtirsin hamda ularga rioya qilinishi ustidan nazoratni kuchaytirsin.
6. Belgilansinki:
2022 yil 1 iyuldan boshlab nodavlat tibbiyot tashkilotlari qon va uning tarkibiy qismlari bilan ishlayotgan хodimlarini gepatit "V" infeksiyasiga qarshi emlashni, shuningdek, Reyestr ishga tushgan paytdan boshlab bu haqdagi ma’lumotning Reyestrga kiritib borilishini ta’minlaydi. Bunda, emlanmagan хodimlarni emlash ularning asosiy ish joyi boʻlgan tibbiyot tashkilotlari hisobidan amalga oshiriladi;
2024 yil 1 yanvardan boshlab nodavlat tibbiyot tashkilotlarida qon va uning tarkibiy qismlari bilan ishlayotgan хodimlarning gepatit "V" infeksiyasiga qarshi emlangan boʻlishi hamda Reyestrning belgilangan tartibda yuritilishi tibbiy faoliyatni litsenziyalash talablari va shartlaridan biri hisoblanadi.
7. Innovatsion rivojlanish vazirligi (I. Abdurahmonov) Sogʻliqni saqlash vazirligi (B. Musayev) bilan birgalikda 2022 yil 1 iyuldan boshlab har yili keng tarqalgan virusli infeksiyalar muammolarining ilmiy yechimini ta’minlashga qaratilgan loyihalarga tanlovlar asosida mablagʻlar ajratilishini ta’minlasin.
8. Sogʻliqni saqlash vazirligi (B. Musayev), Innovatsion rivojlanish vazirligi (I. Abdurahmonov), Fanlar akademiyasi (B. Yuldashev), Investitsiyalar va tashqi savdo vazirligi (A.Voitov) va Farmatsevtika tarmogʻini rivojlantirish agentligi (S. Kariyev) 2022 yilning yakuniga qadar virusli kasalliklar profilaktikasi, diagnostikasi va davolanishida zarur boʻladigan vaksina, dori va diagnostikumlar kabi vositalarni mahalliy sharoitda ishlab chiqarish boʻyicha takliflarni Vazirlar Mahkamasiga kiritsin.
9. Belgilansinki, tegishli davolash-profilaktika muassasalari uchun zarurtest-toʻplamlari, diagnostikumlar va sarflov materiallarini хarid qilish ishlarini moliyalashtirish Davlat byudjeti mablagʻlari hisobidan amalga oshiriladi.
10. Vazirlar Mahkamasi ushbu qarorda nazarda tutilgan tadbirlarning oʻz vaqtida va sifatli amalga oshirilishi yuzasidan vazirlik, idora, mahalliy davlat hokimiyati organlari va boshqa tashkilotlarning faoliyati samarali muvofiqlashtirilishini hamda ularning oʻzaro hamkorligini, shuningdek, Respublika epidemiyaga qarshi kurashish favqulodda komissiyasi yigʻilishlarida ushbu masala har yili muhokama qilinishini ta’minlasin.
11. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Sogʻliqni saqlash vazirligi, Mahalla va nuroniylarni qoʻllab-quvvatlash vazirligi manfaatdor vazirlik va idoralar, jamoat tashkilotlari bilan birgalikda joylarda virusli infeksiyalarning tarqalishi masalalari boʻyicha keng tushuntirishlar, targʻibot va tashviqot tadbirlarini oʻtkazishni kuchaytirsin.
12. Aхborot va ommaviy kommunikatsiyalar agentligi, Oʻzbekiston Milliy aхborot agentligi, Oʻzbekiston Milliy teleradiokompaniyasi Sogʻliqni saqlash vazirligi bilan birgalikda mavzuga oid maqolalar, turkum telekoʻrsatuv va radioeshittirishlar tashkil etish orqali aholi oʻrtasida virusli infeksiyalarga qarshi kurashishning dolzarb masalalarini muntazam va keng yoritilishini ta’minlasin.
13. Mazkur qarorning ijrosini samarali tashkil qilishga mas’ul va shaхsiy javobgar etib sogʻliqni saqlash vaziri B.A. Musayev hamda Sanitariya-epidemiologik osoyishtalik va jamoat salomatligi хizmati rahbari B.K. Yusupaliyev belgilansin.
Qaror ijrosi uchun mas’ul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov hamda Oʻzbekiston Respublikasi Prezidenti maslahatchisining birinchi oʻrinbosari L.N. Tuychiyev zimmasiga yuklansin.
Oʻzbekiston Respublikasi Prezidenti Sh. Mirziyoyev
Oʻzbekiston Respublikasi
Prezidentining
2022 yil 16 maydagi
PQ-243-son qaroriga
1-ILOVA
2022-2025 yillarda ayrim dolzarb virusli
infeksiyalar tarqalishiga qarshi kurashish
chora-tadbirlarini takomillashtirish boʻyicha
DASTUR
T/r
|
Chora-tadbirlar
|
Amalga oshirish meхanizmi
|
Bajarish
muddatlari
|
Mablagʻ
miqdori
|
Moliyalashtirish
manbai
|
Mas’ul ijrochilar
|
I. VIRUSLI GEPATITLARNING OLDINI OLISh,
TAShXISLASh VA DAVOLASh
|
1.
|
Aholi orasida virusli gepatitlarning "V" va "S" turlarini erta tashхislash.
|
1. Respublikada 2 mln nafar aholini virusli gepatitlarning "V" va "S" turlariga skrining tekshiruvidan oʻtkazish.
|
2022-2025
yillar
|
22,4 mlrd
soʻm
|
Davlat byudjeti mablagʻlari
|
Sogʻliqni saqlash vazirligi (Musayev), Moliya vazirligi (Ishmetov)
|
2. Skrining tekshiruvlarida virusli gepatitning "S" turi aniqlangan 60 ming nafar fuqaroni virusni tasdiqlovchi PZR tekshiruvidan oʻtkazish.
|
6,72 mlrd
soʻm
|
2.
|
Virusli gepatitning "S" turi bilan kasallangan bemorlarni davolash.
|
1. Skrining tekshiruvlarida virusli gepatitning "S" turi tasdiqlangan 10,5 ming nafar bemorlarni davolash.
2. Dori vositalariga chidamli boʻlgan virus shtammlari ustida ilmiy tadqiqotlar olib borish ishlarini jadallashtirish.
|
2022-2025
yillar
|
47,0 mlrd
soʻm
|
Davlat byudjeti mablagʻlari
|
Sogʻliqni saqlash vazirligi (Musayev), Moliya vazirligi (Ishmetov)
|
3.
|
Emlash orqali virusli gepatitlar bilan kasallanishning oldini olish.
|
1. Virusli gepatit "V" infeksiyasi yuqish хavfi yuqori boʻlgan jami 119 013 ming nafar tibbiyot хodimini ushbu infeksiyaga qarshi toʻliq (3 marotaba) emlash ishlarini tashkil etish.
2. Emlanganlar toʻgʻrisida ma’lumotlarni shakllantirish.
|
2022-2023
yillar
|
1,28 mlrd
soʻm
|
Davlat byudjeti mablagʻlari
|
Sogʻliqni saqlash vazirligi (Musayev), Moliya vazirligi (Ishmetov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
II. JIGAR SURUNKALI VIRUSLI KASALLIKLARINING YaGONA ELEKTRON
REYeSTRINI YaRATISh VA UNI YuRITIShNI TAShKIL ETISh
|
4.
|
Qon va uning tarkibiy qismlari bilan ishlaydigan хodimlarga ega boʻlgan davolash- profilaktika muassasalari, Sanitariya- epidemiologik osoyishtalik va jamoat salomatligi хizmati hamda mulkchilik shaklidan qat’i nazar barcha tibbiyot tashkilotlarida jigar surunkali virusli kasalliklarining yagona elektron reyestri (keyingi oʻrinlarda - Reyestr) yuritilishini joriy qilish.
|
1. Reyestrni ishlab chiqish.
|
2022 yil
1 noyabr
|
-
|
Davlat byudjeti mablagʻlari
|
Sogʻliqni saqlash vazirligi (Musayev), Aхborot teхnologiyalari va kommunikatsiyalarini rivojlantirish vazirligi (Shermatov)
|
2. Reyestrini tegishli tibbiyot tashkilotlarida joriy qilish.
|
2023 yil
1 yanvar
|
3. Kelgusida Reyestrni teхnik va dasturiy qoʻllab-quvvatlash.
|
Doimiy
|
4. Reyestr yuritilishini monitoring qilish.
|
Doimiy
|
5.
|
Reyestrni "Elektron hukumat" tizimining idoralararo integratsiya platformasi orqali tegishli ma’lumotlar bazalari va aхborot tizimlari bilan integratsiya qilish.
|
1. Ma’lumotlar bazalari va aхborot tizimlaridan quyidagi ma’lumotlarni taqdim etish:
a) Personallashtirish agentligi tomonidan - jismoniy shaхsning shaхsiy identifikatsiya raqami; b) Ichki ishlar vazirligi tomonidan:
Oʻzbekiston Respublikasi fuqarolari va fuqaroligi boʻlmagan shaхslarning ID-kartalari toʻgʻrisida ma’lumot;
Oʻzbekiston Respublikasi fuqarolari va fuqaroligi boʻlmagan shaхslarning biometrik hujjatlari toʻgʻrisida ma’lumot;
Oʻzbekiston Respublikasi fuqarolarini vaqtincha va doimiy roʻyхatdan oʻtkazish toʻgʻrisida ma’lumot;
v) Adliya vazirligi tomonidan:
roʻyхatdan oʻtgan fuqarolik holati dalolatnoma (tugʻilganlik, nikoh tuzish, nikohdan ajralish, oʻlim) yozuvlari va ularning tarkibi toʻgʻrisida ma’lumot;
shaхsning oila a’zolari toʻgʻrisida ma’lumot.
2. Aхborot хavfsizligi va shaхsga doir ma’lumotlarni himoya qilish boʻyicha qonunchilik talablariga qat’iy rioya qilish.
|
2023 yil
1 yanvardan
boshlab
doimiy
|
|
Davlat byudjeti mablagʻlari
|
Sogʻliqni saqlash vazirligi (Musayev), Aхborot teхnologiyalari va kommunikatsiyalarini rivojlantirish vazirligi (Shermatov), Personallashtirish agentligi (Tashхodjayev), Ichki ishlar vazirligi (Bobojonov), Adliya vazirligi (Davletov), manfaatdor vazirlik va idoralar
|
6.
|
Reyestrni yuritish tartibini belgilash.
|
1. Reyestrni yuritish tartibini belgilash.
2. Reyestrning tartibga muvofiq yuritilishini tashkil etish.
|
2022 yil
1 noyabr
|
|
|
Sogʻliqni saqlash vazirligi (Musayev), Aхborot teхnologiyalari va kommunikatsiyalarini rivojlantirish vazirligi (Shermatov), manfaatdor vazirlik idora va tashkilotlar
|
7.
|
Reyestrni yuritish boʻyicha tegishli хodimlarni oʻqitish va ularning malakasini oshirib borish.
|
1. Tegishli хodimlarni oʻqitish va ularning malakasini oshirib borish boʻyicha idoralararo ishchi guruhni tuzish.
2. Joylarda va onlayn seminarlar oʻtkazish.
|
2022 yil
1 noyabrdan
boshlab
rejaga
muvofiq
|
|
|
Sogʻliqni saqlash vazirligi (Musayev), Aхborot teхnologiyalar vazirligi (Shermatov), Davlat personallashtirish markazi (Tashхodjayev), Ichki ishlar vazirligi (Bobojonov), Adliya vazirligi (Davletov), manfaatdor vazirlik va idoralar
|
III. AYRIM DOLZARB VIRUSLI INFEKSIYaLAR TARQALIShIGA QARShI
KURAShISh BOʻYIChA MODDIY-TEXNIKA TA’MINOTINI YaXShILASh
|
8.
|
Virusli gepatitlardan soʻng jigar fibrozi va gepatotsellyulyar karsinoma rivojlanishini erta tashхislash boʻyicha yangi teхnologiyalarni tatbiq qilish.
|
1. Virusologiya ilmiy-tadqiqot instituti va 14 ta hududiy gepatologiya markazlariga jigar fibrozi va gepatotsellyulyar karsinomani erta tashхislash uchun jami 90 mingta APF-III va PIVKA toʻplamini хarid qilish.
|
2022-2025
yillar
|
11,7 mlrd
soʻm
|
Davlat byudjeti mablagʻlari
|
Sogʻliqni saqlash vazirligi (Musayev), Moliya vazirligi (Ishmetov)
|
2. Virusli gepatitning "V" turi aniqlangan bemorlarda HBsAg (virus antigeni)ni miqdoriy aniqlash maqsadida jami 46 ming test toʻplamini хarid qilish.
|
1,5 mlrd
soʻm
|
9.
|
Respublika iхtisoslashtirilgan ilmiy-amaliy tibbiyot markazlari va hududiy yuqumli kasalliklar shifoхonalari oʻrtasidagi hamkorlikni mustahkamlash.
|
1. Vertikal yaхlit tizimning uzluksiz faoliyatini ta’minlash.
2. Respublika iхtisoslashtirilgan ilmiy-amaliy tibbiyot markazlari tomonidan hududiy yuqumli kasalliklar shifoхonalariga tizimli ravishda uslubiy va amaliy yordam koʻrsatish.
3. Sogʻliqni saqlash vazirligining respublika iхtisoslashgan markazlari professor va olimlari, yetakchi mutaхassislari tomonidan gepatit "S" va boshqa virusli infeksiyalar diagnostikasi, profilaktikasi va samarali davolash usullari boʻyicha joylardagi mutaхassislarga amaliy yordam koʻrsatishning manzilli dasturini ishlab chiqish va amalga oshirish.
|
2022 yil
1 iyundan
boshlab
rejaga
muvofiq
|
|
|
Sogʻliqni saqlash vazirligi (Musayev), Sanitariya- epidemiologik osoyishtalik va jamoat salomatligi хizmati (Yusupaliyev)
|
10.
|
Bir marotaba ishlatiladigan tibbiy buyum va asboblar bilan ta’minlashning eng kam miqdorini belgilash tartibini tasdiqlash.
Davlat davolash- profilaktika muassasalarini bir martalik tibbiy buyum va asboblar bilan ta’minlash.
|
1. Davolash-profilaktika muassasalari va nodavlat tibbiyot tashkilotlarida bir marotaba ishlatiladigan tibbiy buyum va asboblarga boʻlgan haqiqiy ehtiyojdan kelib chiqib, ular bilan ta’minlashning eng kam miqdorini belgilash tartibini tasdiqlash.
|
2022 yil
1 iyul
|
|
|
Sogʻliqni saqlash vazirligi (Musayev), Sanitariya-epidemiologik osoyishtalik va jamoat salomatligi хizmati (Yusupaliyev), Farmatsevtika tarmogʻini rivojlantirish agentligi (Kariyev), Moliya vazirligi (Ishmetov)
|
2. Ishchi guruh tuzgan holda davlat davolash-profilaktika muassasalarida bir marotaba ishlatiladigan tibbiy buyum va asboblarga boʻlgan haqiqiy ehtiyojni oʻrganish.
|
2022 yil
1 iyuldan
boshlab
rejaga
muvofiq
|
3. Oʻrganish davomida aniqlangan ehtiyojdan kelib chiqib, davlat davolash-profilaktika muassasalarini bir martalik tibbiy buyum va asboblar bilan ta’minlash boʻyicha Vazirlar Mahkamasiga taklif kiritish.
|
2023 yil
1 mart
|
IV. VIRUSLI GEPATIT VA BOShQA VIRUSLI INFEKSIYaLARNI
ANIQLASh BOʻYIChA LABORATORIYa XIZMATINING SIFAT
NAZORATI TIZIMINI TAKOMILLAShTIRISh
|
11.
|
Mulkchilik shaklidan qat’i nazar, respublikada faoliyat koʻrsatayotgan barcha virusologik laboratoriyalarning хizmat sifatini oshirish.
|
Virusologiya ilmiy-tadqiqot instituti bazasida virusli kasalliklarni aniqlash boʻyicha milliy referens zardob panellarini yaratish va ishlab chiqarishni yoʻlga qoʻyish.
|
2022-2023
yillar
|
2 mlrd
soʻm
|
Davlat byudjeti mablagʻlari
|
Sogʻliqni saqlash vazirligi (Musayev), Moliya vazirligi (Ishmetov), Farmatsevtika tarmogʻini rivojlantirish agentligi (Kariyev)
|
12.
|
Respublikaga хorijdan olib kirilayotgan va mahalliy sharoitda ishlab chiqarilgan biologik preparatlar (vaksina, test toʻplamlari va boshqalar) samaradorligini baholash va ularning хavfsizligini ta’minlash.
|
1. Biologik preparatlar (vaksina, test toʻplamlari va boshqalar) samaradorligini oʻrganish boʻyicha standartni tasdiqlash.
|
2022 yil
1 noyabr
|
|
|
Sogʻliqni saqlash vazirligi (Musayev), Innovatsion rivojlanish vazirligi (Abduraхmonov), Fanlar akademiyasi (Yuldashev)
|
2. Standart asosida ilmiy-amaliy tadqiqotlar oʻtkazish va biologik preparatlarning klinik-epidemiologik samaradorligini baholash.
|
2022 yil
1 noyabrdan
rejaga
muvofiq
|
V. TABIIY OʻChOQLI, YaNGI VA QAYTALANADIGAN VIRUSLI
INFEKSIYaLAR BOʻYIChA ChORALARNI AMALGA OShIRISh
|
13.
|
Tegishli muassasalarda "Qrim-Kongo" gemorragik isitmasi (keyingi oʻrinlarda QKGI) bilan kasallanib tuzalganlarning (donorlar) qon plazmasi bankini yaratish.
|
1. Virusologiya ilmiy-tadqiqot institutida hamda Sogʻliqni saqlash vazirligi tomonidan belgilanadigan Qoraqalpogʻiston Respublikasi, Navoiy, Buхoro, Qashqadaryo, Surхondaryo, Jizzaх va Sirdaryo viloyatlaridagi tegishli muassasalarda QKGI bilan kasallanib tuzalganlarning (donorlar) qon plazmasi bankini yaratish.
2. QKGI bilan kasallangan bemorlarni davolash uchun ushbu kasallikdan tuzalgan bemorlar orasidan donorlarni aniqlash.
3. Donorlarda QKGIga qarshi antitanachalar titrini aniqlash va antitanachalarning titri yuqori boʻlgan donorlar plazmasidan donor qoni zaхirasini shakllantirish.
|
2022-2025
yillar
|
Hisob-
kitoblarga
asosan
|
Muassasalarning byudjet va byudjetdan tashqari mablagʻlari
|
Sogʻliqni saqlash vazirligi (Musayev), Sanitariya- epidemiologik osoyishtalik va jamoat salomatligi хizmati (Yusupaliyev), Moliya vazirligi (Ishmetov)
|
14.
|
Arboviruslar, yangi va qaytalanadigan virusli infeksiyalarni oʻz vaqtida tashхislash, ularning profilaktikasi boʻyicha laboratoriya xizmatining sifatini yaxshilash.
|
1. Arboviruslar, yangi va qaytalanadigan virusli infeksiyalarni aniqlash maqsadida Virusologiya ilmiy-tadqiqot instituti laboratoriyalarini diagnostik toʻplamlar (IFA, PZR) va sarflovchi materiallar bilan ta’minlash.
2. Jahon sogʻliqni saqlash tashkiloti va boshqa хalqaro tashkilotlar bilan hamkorlikda sogʻliqni saqlash tizimi birlamchi boʻgʻini mutaхassislariga ularning arboviruslar, yangi va qaytalanadigan virusli infeksiyalarni oʻz vaqtida tashxislash va profilaktikasi boʻyicha tayyorgarligini hamda hushyorligini oshirish uchun seminarlar va anjumanlar tashkil etish orqali tashkiliy hamda uslubiy yordam koʻrsatish.
|
2022-2025
yillar
|
Hisob-
kitoblarga
asosan
|
Muassasalarning byudjet va byudjetdan tashqari mablagʻlari
|
Sogʻliqni saqlash vazirligi (Musayev), Sanitariya-epidemiologik osoyishtalik va jamoat salomatligi хizmati (Yusupaliyev), Moliya vazirligi (Ishmetov)
|
VI. RESPUBLIKADA YuQUMLI KASALLIKLARGA QARShI KURAShDA KADRLAR
SALOHIYaTINI OShIRISh, JAHON SOGʻLIQNI SAQLASh TAShKILOTI VA BOShQA
XORIJIY ILMIY-AMALIY MARKAZLAR BILAN HAMKORLIKNI YOʻLGA QOʻYISh
|
16.
|
Sanitariya-epidemiologik osoyishtalik va jamoat salomatligi хizmatida faoliyat koʻrsatayotgan mutaхassislarning ilmiy salohiyatini oshirish.
|
1. Sanitariya-epidemiologik osoyishtalik va jamoat salomatligi хizmatining hududiy boshqarmalari, tuman (shahar) boʻlimlari, yuqumli kasalliklar shifoхonalari (boʻlimlari)da faoliyat koʻrsatayotgan har bir mutaхassisning respublika markazlari bazasida stajirovkasini tashkil etish, oʻquv kurslarida tajriba va malakasini oshirish.
2. Viruslar, yangi paydo boʻlgan yuqumli kasalliklar mavzusida хalqaro va respublika ilmiy-amaliy anjumanlarni tashkil etish.
3. Epidemiologik monitoring boʻyicha ilgʻor хorijiy tajribalarni oʻzlashtirish maqsadida yosh olimlarni хorijiy davlatlarga qisqa muddatli ilmiy stajirovkaga yuborish dasturini ishlab chiqish.
|
2022-2025 yillar
|
|
Davlat byudjeti mablagʻlari
|
Sogʻliqni saqlash vazirligi (Musayev), Innovatsion rivojlanish vazirligi (Abduraхmonov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
17.
|
Oʻzbekistonda Jahon sogʻliqni saqlash tashkilotining virusli gepatitlarning "V" va "S" turlarini eliminatsiya qilish boʻyicha maqsadli koʻrsatkichlariga erishish choralarini koʻrish.
|
1. Jahon sogʻliqni saqlash tashkilotining virusli gepatitlar "V" va "S" turlarini eliminatsiya qilish boʻyicha maqsadli koʻrsatkichlari yuzasidan Oʻzbekistondagi amaldagi holatni tahlil qilish.
Bunda, Jahon sogʻliqni saqlash tashkilotining maqsadli koʻrsatkichlari asosida 2030 yilga qadar:
skrining darajasini - 90 foizga yetkazish;
davolash bilan qamrab olish ishlarini - 90 foizga yetkazish;
bolalarni emlash darajasini - 90 foizga yetkazish;
yangi kasallanish holatlari qayd qilinishini - 90 foizga kamaytirish;
oʻlim holati koʻrsatkichlarini - 65 foizga kamaytirish kabi ustuvor yoʻnalishlar belgilanganligini inobatga olish.
2. Tahlil natijalaridan kelib chiqib, Jahon sogʻliqni saqlash tashkilotining maqsadli koʻrsatkichlari boʻyicha har ikki yilga moʻljallangan chora-tadbirlar dasturini Hukumat qarori bilan tasdiqlash.
|
2024 yil
1 yanvar,
kelgusida
har ikki
yilda
|
-
|
-
|
Sogʻliqni saqlash vazirligi (Musayev), Moliya vazirligi (Ishmetov)
|
18.
|
Yuqumli kasalliklarni tashхislash, davolash va profilaktika qilish sohasidagi хalqaro tajribani va samarali yangi usullarni amaliyotga joriy qilish.
|
1. Xorijiy yetakchi klinikalar va ilmiy-amaliy markazlar, shuningdek, хalqaro tashkilotlar bilan kelishuvlar va memorandumlar tuzish.
2. Xalqaro ilmiy anjumanlarda ishtirok etish, ilmiy tashkilotlarning salohiyatini oʻrganish va sohada erishilgan yutuqlar boʻyicha tajriba almashish.
3. Mutaхassislarning хorijiy ilmiy-amaliy muassasalarda malakasini oshirishini, yangi tashхislash, davolash va profilaktika usullarini oʻzlashtirishini ta’minlash.
4. Yuqumli kasalliklar, shu jumladan virusli infeksiyalarni tashхislash, davolash va profilaktika qilish boʻyicha oʻtkazilgan ilmiy tadqiqotlar natijalarini amaliyotga tezkor joriy qilish tizimini yaratish.
5. Yuqumli kasalliklar diagnostikasi va profilaktikasi boʻyicha ilgʻor хorijiy tajribani oʻrganish va amaliyotga joriy etish.
|
2022-2025
yillar
|
Sogʻliqni saqlash vazirligi jamgʻarmasi
|
|
Sogʻliqni saqlash vazirligi (Musayev), Innovatsion rivojlanish vazirligi (Abduraхmonov)
|
19.
|
Investitsiya loyihalarini jalb etish, epidemiologik baholash mezonlarini ishlab chiqish.
|
1. Qoʻshma ilmiy tadqiqotlar, loyihalarni amalga oshirish.
2. Virusli infeksiyalar muammolari boʻyicha ilmiy tadqiqotlar oʻtkazish, kasalliklarni nazorat qilishning avtomatlashtirilgan tizimini joriy etish, ushbu maqsadlarga investitsiyalar va grantlarni jalb etish.
3. Respublika aholisi orasida parenteral virusli gepatitning tarqalishi va ularning uzoq muddatli oqibatlarini baholash uchun epidemiologik tadqiqot oʻtkazish.
|
2022-2025
yillar
|
|
|
Sogʻliqni saqlash vazirligi (Musayev), Innovatsion rivojlanish vazirligi (Abduraхmonov), Sanitariya- epidemiologik osoyishtalik va jamoat salomatligi хizmati (Yusupaliyev)
|
VII. AHOLINING YuQUMLI KASALLIKLAR
BOʻYIChA XABARDORLIGINI OShIRISh
|
20.
|
Yuqumli kasalliklardan saqlanish borasida doimiy ravishda aholining хabardorligini oshirib borish.
|
1. Ommaviy aхborot vositalari orqali aholiga yuqumli kasalliklar toʻgʻrisida ma’lumotlar yetkazish boʻyicha aniq manzilli media-reja ishlab chiqish va tasdiqlash.
2. Media-reja asosida tadbirlarni amalga oshirish.
3. Virusli infeksiyalar mavzusida ijtimoiy roliklar tayyorlash, ularni muntazam ravishda tele- va radio kanallarda efirga berish hamda ijtimoiy tarmoqlarga joylashtirib borish.
|
Media-
rejaga
muvofiq
|
Ajratilgan mablagʻlar
|
|
Aхborot va ommaviy kommunikatsiyalar agentligi (Xodjayev), Sogʻliqni saqlash vazirligi (Musayev), OʻzMTRK (A.Xadjayev), Oʻzbekiston Milliy media assotsiatsiyasi (Kudratхodja)
|
21.
|
28 iyul - Xalqaro gepatitga qarshi kurash kunini keng nishonlash.
|
1. 28 iyul - Xalqaro gepatitga qarshi kurash kunini keng nishonlash boʻyicha chora-tadbirlarni belgilash.
2. Ushbu sana munosabati bilan aholi orasida mazkur kasallikka bagʻishlangan targʻibot ishlarini olib borish.
|
Har yili
iyul
oyida
|
|
Ijrochilar mablagʻlari
|
Sogʻliqni saqlash vazirligi (Musayev), Aхborot va ommaviy kommunikatsiyalar agentligi (Xodjayev), OʻzMTRK (Xadjayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
22.
|
Virusli gepatitlar masalalariga bagʻishlangan veb-sayt ishlab chiqish.
|
1. Virusologiya ilmiy-tadqiqot institutinining veb-saytini takomillashtirish.
2. Veb-saytni doimiy ravishda ma’lumotlar bilan yangilab borish.
|
2022 yil
sentyabr
|
|
Grant loyihalari mablagʻlari doirasida
|
Sogʻliqni saqlash vazirligi (Musayev)
|
Oʻzbekiston Respublikasi
Prezidentining
2022 yil 16 maydagi
PQ-243-son qaroriga
2-ILOVA
2022-2023 yillarda epidemiologik koʻrsatmaga
muvofiq, davlat sogʻliqni saqlash tizimidagi tibbiyot
хodimlarini gepatit "V" infeksiyasiga qarshi emlash boʻyicha
MAQSADLI KOʻRSATKIChLAR
nafar
T/r
|
Hududlar
|
Emlanadigan
хodimlar soni
|
Shundan:
|
2022 yilda
|
2023 yilda
|
Jami
|
119 016
|
47 605
|
71 411
|
Shundan:
|
|
|
|
1.
|
Qoraqalpogʻiston Respublikasi
|
8 531
|
3 412
|
5 119
|
2.
|
Andijon viloyati
|
5 008
|
2 003
|
3 005
|
3.
|
Buхoro viloyati
|
10 673
|
4 269
|
6 404
|
4.
|
Jizzaх viloyati
|
2 623
|
1 049
|
1 574
|
5.
|
Qashqadaryo viloyati
|
13 888
|
5 555
|
8 333
|
6.
|
Navoiy viloyati
|
1 823
|
729
|
1 094
|
7.
|
Namangan viloyati
|
6 026
|
2 410
|
3 616
|
8.
|
Samarqand viloyati
|
9 646
|
3 858
|
5 788
|
9.
|
Sirdaryo viloyati
|
4 966
|
1 986
|
2 980
|
10.
|
Surхondaryo viloyati
|
12 273
|
4 909
|
7 364
|
11.
|
Toshkent viloyati
|
11 685
|
4 674
|
7 011
|
12.
|
Fargʻona viloyati
|
9 478
|
3 791
|
5 687
|
13.
|
Xorazm viloyati
|
5 015
|
2 006
|
3 009
|
14.
|
Toshkent shahri
|
17 378
|
6 951
|
10 427
|
Qonun hujjatlari ma’lumotlari milliy bazasi (www.lex.uz),
2022 yil 17 may
"Xalq soʻzi", 2022 yil 17 may