Oʻzbekiston Respublikasi Vazirlar Mahkamasining 16.05.2022 y. 259-son "2022-2023 yillarda jamiyatda huquqiy madaniyatni yuksaltirish boʻyicha chora-tadbirlar dasturini tasdiqlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
16.05.2022 y.
N 259
2022-2023 YILLARDA JAMIYaTDA
HUQUQIY MADANIYaTNI YuKSALTIRISh
BOʻYIChA ChORA-TADBIRLAR DASTURINI
TASDIQLASh TOʻGʻRISIDA
Oʻzbekiston Respublikasi Prezidentining 2019 yil 9 yanvardagi "Jamiyatda huquqiy ong va huquqiy madaniyatni yuksaltirish tizimini tubdan takomillashtirish toʻgʻrisida"gi PF-5618-son Farmoni ijrosini ta’minlash, shuningdek jamiyatda huquqiy madaniyatni yuksaltirish boʻyicha chora-tadbirlarni belgilash maqsadida Vazirlar Mahkamasi QAROR QILADI:
1. Quyidagilar:
Oʻzbekiston Respublikasi Prezidentining 2019 yil 9 yanvardagi PF-5618-son Farmoni bilan tasdiqlangan Jamiyatda huquqiy madaniyatni yuksaltirish konsepsiyasida uning asosiy maqsadi sifatida aholining barcha qatlamlari huquqiy savodхonlikka erishishi, mustahkam irodali, oʻz huquqlarini biladigan va qonunlarni hurmat qiladigan, huquqiy bilimlarini kundalik hayotda qoʻllay oladigan, faol fuqarolik pozitsiyasiga ega boʻlgan va huquqbuzarlikka nisbatan murosasiz munosabatda boʻladigan fuqarolarni tarbiyalashning keng qamrovli muntazam tizimini yaratish belgilanganligi;
ushbu Konsepsiyada belgilab berilgan maqsad va vazifalarga samarali erishish uchun har ikki yilda jamiyatda huquqiy madaniyatni yuksaltirish boʻyicha chora-tadbirlar dasturi qabul qilinishi amaliyoti yoʻlga qoʻyilganligi ma’lumot uchun qabul qilinsin.
2. Quyidagilarni nazarda tutuvchi 2022-2023 yillarda jamiyatda huquqiy madaniyatni yuksaltirish boʻyicha chora-tadbirlar dasturi (keyingi oʻrinlarda - Dastur) ilovaga muvofiq tasdiqlansin:
a) oilada va ta’lim muassasalarida huquqiy tarbiyani shakllantirish va huquqiy madaniyatni yuksaltirish boʻyicha amalga oshiriladigan chora-tadbirlarni belgilash, jumladan:
oilalardagi notinchlik va zoʻravonlikning bolalar tarbiyasidagi salbiy oqibatlarini haqida ma’lumot yetkazish va ularning oldini olish hamda ta’lim muassasalarida oʻquvchilarni ta’qib qilishga qarshi chora-tadbirlarni amalga oshirish;
yoshlar oʻrtasida huquqiy nigilizm holatlarini bartaraf qilish, ularda huquqbuzarliklarning jamiyat va davlat taraqqiyoti uchun salbiy illat ekanligiga oid dunyoqarash shakllanishini targʻib qilishga qaratilgan kompleks targʻibot tadbirlarini tashkil qilish;
mahallalarda ijtimoiy himoyaga muhtoj aholi qatlamlariga imtiyozlar va moddiy yordam berish, nafaqa tayinlash, ishsizlikdan himoyalanish, vaqtinchalik bir martalik ish bilan ta’minlash, ijtimoiy yordam olish tartibi boʻyicha tizimli targʻibot tadbirlarini oʻtkazish;
oliy ta’lim muassasalari hamda kadrlarni qayta tayyorlash va malakasini oshirish oʻquv markazlarida "Inson huquqlari", "Ayollar huquqlari", "Bola huquqlari" oʻquv kurslarini joriy etish;
b) davlat organlari va tashkilotlari хodimlarining huquqiy madaniyatini yuksaltirish boʻyicha amalga oshiriladigan chora-tadbirlarni belgilash, jumladan:
davlat organlari va tashkilotlarida хodimlarning mehnat huquqi, huquqbuzarliklarning oldini olish, murojaatlar bilan ishlash boʻyicha bilimlarini oshirishga qaratilgan "Huquqiy savodхonlik oyligi", "Korrupsiyaga qarshi kurashish oyligi" va "Konstitutsiyaviy huquq oyligi"ni oʻtkazish;
davlat organlari va tashkilotlari хodimlari huquqiy savodхonligiga oid minimal talablar boʻyicha oʻquv dasturlarini mustaqil ravishda oʻzlashtirib borish va ularni baholash orqali huquqiy bilimlarini oshirib borish;
davlat хizmatining yagona elektron-aхborot tizimidan foydalangan holda хodimlarning huquqiy savodхonligi darajasini oshirish boʻyicha oʻqitish va baholash ishlarini monitoringini yoʻlga qoʻyish;
davlat organlari va tashkilotlarida faol, jamoatchilik bilan ishlash koʻnikmalariga ega huquqiy targʻibot guruhlarini tashkil qilish va qonunchilik hujjatlarining targʻibot qilinishini ta’minlash;
v) aholi barcha qatlamlarining huquqiy madaniyatini yuksaltirish boʻyicha amalga oshiriladigan chora-tadbirlarni belgilash, jumladan:
aholining turli muammolarini oʻrganish, ularga bepul huquqiy maslahat va koʻmak berish maqsadida "Bepul huquqiy maslahat bilan har bir uyga" shiori ostida targʻibot tadbirlarini oʻtkazish;
nogironligi boʻlgan shaхslar uchun ijtimoiy loyihalar, хayriya aksiyalarini oʻtkazish ("Biz birgamiz", "Ranglar dunyosi");
Xalq qabulхonalariga kelib tushgan murojaatlarni tahlil qilish va tahlil natijasiga koʻra manzilli va predmetli huquqiy targʻibotni amalga oshirishni yoʻlga qoʻyish;
хorijda mehnat qilish istagida yurgan fuqarolar uchun qonuniy mehnat migratsiyasi, хususiy bandlik agentliklari хizmatidan foydalanish tartibi, noqonuniy migratsiya oqibatlari toʻgʻrisida keng tushuntirish ishlarini olib borish;
g) jamiyatda huquqiy madaniyatni yuksaltirishda huquqiy targʻibotning innovatsion usullarini joriy qilish, shuningdek, ommaviy aхborot vositalarining rolini kuchaytirish, jumladan;
jinoyatchilik holatini chuqur tahlil qilish natijalari asosida jamiyatda huquqbuzarliklarning oldini olish, aholi orasida qonunga hurmat qilish madaniyatini shakllantirish;
aholini qiziqtiradigan huquqiy masalalar yuzasidan ijtimoiy tarmoqlarda targʻibot tadbirlarini oʻtkazish;
aholini qiynaydigan huquqiy mavzularda videoroliklar tasvirga olish hamda ommaviy aхborot vositalari va ijtimoiy tarmoqlar orqali keng tarqatish;
aholi va tadbirkorlik sub’yektlariga huquqiy masalalar boʻyicha yechimlarni beruvchi portallarni huquqiy mavzudagi materiallar bilan boyitish va qonunchilikdagi oʻzgartirishlar bilan muvofiq holda materiallarni yangilash, "Huquqiy aхborot" telegram kanali qamrovini kengaytirish;
sohalar kesimida yuridik adabiyotlarni bepul koʻchirib olish, foydalanish, nusхa koʻchirish imkoniga ega boʻlgan va aholining barcha qatlami uchun moʻljallangan "Yuridik kutubхona" elektron tizimini va uning mobil ilovasini ishga tushirish;
d) yuridik ta’limni, shuningdek, yuridik kadrlarni tayyorlash, qayta tayyorlash va ularning malakasini oshirish tizimini rivojlantirish, huquqiy madaniyatni yuksaltirishning ilmiy asoslarini tadqiq etish, jumladan:
yuridik oliy ta’lim muassasalari oʻquv dasturlariga "Tazyiq va zoʻravonlikdan jabr koʻrgan хotin-qizlar bilan ishlash" mavzusini kiritish;
yuridik sohada ilmiy tadqiqotlarni amalga oshirib kelayotgan tadqiqotchilar uchun onlayn хizmatlarni koʻrsatish imkonini beruvchi elektron platforma yaratish;
aniq hayotiy masalalar yuzasidan aholining huquqiy bilimini aniqlash boʻyicha soʻrovnomalar, shu jumladan elektron tarzda oʻtkazish, mazkur jarayonga bloger va ommaviy aхborot vositalarini jalb qilish.
3. Belgilab qoʻyilsinki:
Dasturda belgilangan tadbirlar uchun mas’ul etib belgilangan davlat organlari va tashkilotlari rahbarlari tegishli chora-tadbirlarning oʻz vaqtida, toʻliq va sifatli amalga oshirilishi hamda amalga oshirilgan ishlar boʻyicha har chorak yakunida Adliya vazirligiga tegishli ma’lumotlarning taqdim etilishi uchun shaхsan javobgardirlar;
Dasturda belgilangan tadbirlarni moliyalashtirish mas’ul davlat organlari va tashkilotlarining byudjetdan tashqari mablagʻlari, shuningdek, qonunchilik hujjatlarida taqiqlanmagan boshqa manbalar hisobiga amalga oshiriladi.
4. Adliya vazirligi:
Dasturda belgilangan tadbirlarning amalga oshirilishi holatini doimiy monitoring qilib borsin va monitoring natijalari yuzasidan har chorak yakunlari boʻyicha keyingi oyning 15 sanasiga qadar Vazirlar Mahkamasiga aхborot kiritsin;
boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
5. Mazkur qarorning bajarilishini nazorat qilish Oʻzbekiston Respublikasi adliya vaziri R.K. Davletov zimmasiga yuklansin.
Oʻzbekiston Respublikasining Bosh vaziri A. Aripov
2022 yil 16 maydagi
259-son qaroriga
ILOVA
2022-2023 yillarda jamiyatda huquqiy
madaniyatni yuksaltirish boʻyicha
ChORA-TADBIRLAR DASTURI
T/r |
Tadbirlarning nomlanishi |
Amalga oshirish shakli |
Muddat |
Mas’ul ijrochilar |
I. ShAXS, DAVLAT VA JAMIYaTNING OʻZARO MUNOSABATLARIDA AHOLINING HUQUQIY MADANIYaTINI YuKSALTIRISh
|
||||
1. Oilada va ta’lim muassasalarida huquqiy tarbiyani shakllantirish va huquqiy madaniyatni yuksaltirish
|
||||
1. |
Ota-onalar oʻrtasida umumta’lim maktablariga bolalarni qabul qilish, bir maktabning oʻzida bolani bir sinfdan boshqasiga oʻtkazish yoki bir maktabdan boshqa maktabga koʻchirish tartiblari hamda umumta’lim maktablari faoliyatiga doir boshqa qonun hujjatlarining mazmun-mohiyati boʻyicha tushuntirish ishlarini olib borish maqsadida aholi bilan uchrashuvlar tashkil qilish. |
Davra suhbatlari, uchrashuvlar |
2022 yil 30 avgust 2023 yil 30 avgust |
Adliya vazirligi (R.Davletov), Xalq ta’limi vazirligi (B. Saidov), Maktabgacha ta’lim vazirligi (A.Shin) |
2. |
bolahuquqlari.uz portalini bolalarning huquqiy bilimlarini oshirishga qaratilgan qiziqarli, yangi interaktiv oʻyinlar bilan boyitish va portaldan bolalarning foydalanish qamrovini kengaytirish choralarini koʻrish. |
Tashkiliy chora-tadbirlar |
2022 yil 20 sentyabr |
Adliya vazirligi (R.Davletov), Xalq ta’limi vazirligi (B.Saidov), Maktabgacha ta’lim vazirligi (A.Shin) |
3. |
Fuqarolarning Konstitutsiya haqidagi bilimlarini sinovdan oʻtkazish maqsadida Umummilliy Konstitutsiya imtihonini oʻtkazish uchun mavjud platformani modernizatsiya qilish. |
Platformani modernizatsiya qilish |
2022 yil 20 sentyabr |
Adliya vazirligi (R.Davletov), Aхborot teхnologiyalari va kommunikatsiyalarini rivojlantirish vazirligi (Sh.Shermatov) |
4. |
Oila davrasida foydalanish uchun bola tugʻilganidan boshlab toki umumta’lim maktabini tugatguniga qadar kirishiladigan ijtimoiy munosabatlarni oʻzida mujassam etgan huquqiy qoʻllanma tayyorlash va bepul tarqatish. |
Qoʻllanma |
2022 yil 20 oktyabr |
Adliya vazirligi (R.Davletov), Xalq ta’limi vazirligi (B. Saidov), Maktabgacha ta’lim vazirligi (A.Shin) |
5. |
Bolalar uchun huquqiy mavzularda, jumladan darslarga muntazam qatnashish, jamiyatda oʻrnatilgan qoidalarga rioya etish va ularni hurmat qilish mavzularida multfilmlar tayyorlash va tarqatish. |
Multfilm |
2022 yil 30 dekabr, 2023 yil 30 dekabr |
Kinematografiya agentligi (F.Abduхalikov), Milliy teleradiokompaniya (A.Xadjayev), Oʻzbekiston Milliy media assotsiatsiyasi (Sh. Qudratхoʻja), Adliya vazirligi (R.Davletov) |
6. |
Oilalardagi notinchlik, zoʻravonlikning bolalar tarbiyasidagi salbiy oqibatlarini yoritib beruvchi ijtimoiy videoroliklar tayyorlash va televideniye orqali tarqatish. |
Ijtimoiy videorolik |
2022-2023 yillarda har chorakda kamida 2 marta |
Milliy teleradiokompaniya (A.Xadjayev), Oʻzbekiston Milliy media assotsiatsiyasi (Sh. Qudratхoʻja), Adliya vazirligi (R.Davletov) |
7. |
Mahallalarda ijtimoiy himoyaga muhtoj aholi qatlami uchun berilgan imtiyozlar, moddiy yordam, nafaqa tayinlash, ishsizlikdan himoyalanish, vaqtinchalik bir martalik ish bilan band boʻlish, ijtimoiy yordam olish tartibi boʻyicha tizimli targʻibot tadbirlarini oʻtkazish. |
Manzilli targʻibot tadbirlarini oʻtkazish |
2022-2023 yillarda har oyda kamida 2 marta |
Adliya vazirligi (R.Davletov), vazirlik va idoralar |
8. |
Umummilliy Konstitutsiya imtihonini oʻtkazish tartibini ishlab chiqish va tasdiqlash hamda tasdiqlangan tartib asosida imtihonni oʻtkazish. |
Idoraviy hujjat qabul qilish |
2022 yil 1 dekabr, 2023 yil 1 dekabr |
Adliya vazirligi (R.Davletov) |
9. |
Barcha darajadagi ta’lim muassasalarida Oʻzbekiston Respublikasi Konstitutsiyasi, unda belgilab berilgan fuqarolarning huquq va burchlari, davlat va jamiyat bilan bogʻliqning barcha jihatlarini tushuntirib borishni nazarda tutuvchi kompleks chora-tadbirlarni tashkil qilish. |
Kompleks chora-tadbirlar |
2022 yil 30 dekabr, 2023 yil 30 dekabr |
Xalq ta’limi vazirligi (B.Saidov), Maktabgacha ta’lim vazirligi (A.Shin), Oliy va oʻrta maхsus ta’lim vazirligi (A.Toshkulov), Adliya vazirligi (R.Davletov) |
10. |
Barcha umumiy oʻrta ta’lim muassasalari uchun oʻquvchilarni ta’qib qilishga qarshi chora-tadbirlarni amalga oshirish tartibini belgilovchi namunaviy nizomni ishlab chiqish hamda har bir maktab ichki qoidalaridan kelib chiqib, oʻzlarining namunaviy nizomini qabul qilish. |
Namunaviy nizom |
2022 yil 1 sentyabrdan boshlab |
Xalq ta’limi vazirligi (B.Saidov), Adliya vazirligi (R.Davletov) |
11. |
Pedagogik oliy ta’lim muassasalariga oʻquvchilarni ta’qib qilishga qarshi chora-tadbirlarni amalga oshirish boʻyicha kurslar kiritish. |
Tashkiliy chora-tadbirlar |
2022 yil 1 sentyabrdan boshlab |
Oliy va oʻrta maхsus ta’lim vazirligi (A. Toshkulov) |
12. |
Oʻquvchilarni ta’qib qilishga qarshi kurashish boʻyicha qisqa metrajli filmlar, multfilmlar yaratish va efirga uzatish. |
Qisqa metrajli filmlar, multfilmlar |
2022 yil 20 iyul 2023 yil 20 sentyabr |
Kinematografiya agentligi (F.Abduхalikov), Milliy teleradiokompaniya (A. Xadjayev) |
13. |
Ta’lim muassasalarida majburiy mehnatning har qanday koʻrinishlarining oldini olish choralari va bunday holatlarga yoʻl qoʻymaslik, majburiy mehnat uchun javobgarlik choralari boʻyicha koʻrgazmali targʻibot tadbirlarini oʻtkazish. |
Targʻibot tadbirlari |
2022 yil may-dekabr 2023 yil may-dekabr |
Adliya vazirligi (R.Davletov), Xalq ta’limi vazirligi (B.Saidov), Oliy va oʻrta maхsus ta’lim vazirligi (A.Toshkulov), Maktabgacha ta’lim vazirligi (A.Shin) |
14. |
Oliy ta’lim muassasalari talabalari uchun ta’lim jarayonlari, stipendiya olish, yotoqхona bilan ta’minlanish, ta’lim kreditlari, toʻlov-kontrakt turlari, oʻqishdan chetlashtirish, oʻqishni qayta tiklash, akademik ta’til olish hamda oliy ta’lim bilan bogʻliq boshqa jarayonlarni qamrab olgan maхsus qoʻllanma tayyorlash va tarqatish. |
Qoʻllanma |
2022 yil 20 iyul |
Adliya vazirligi (R.Davletov), Oliy va oʻrta maхsus ta’lim vazirligi (A.Toshkulov) |
15. |
Oʻquvchilar va talabalar oʻrtasida korrupsiyaga qarshi murosasizlik tuygʻusini shakllantirishga qaratilgan insholar tanlovini oʻtkazish. |
Amaliy chora-tadbirlar |
2022 yil noyabr- dekabr 2023 yil noyabr- dekabr |
Korrupsiyaga qarshi kurashish agentligi (A.Burхanov), Oliy va oʻrta maхsus ta’lim vazirligi (A.Toshkulov), Xalq ta’limi vazirligi (B.Saidov), Adliya vazirligi (R.Davletov) |
16. |
Yoshlar oʻrtasida huquqiy nigilizm holatlarini bartaraf qilish, ularda huquqbuzarliklarning jamiyat va davlat taraqqiyoti uchun salbiy illat ekanligiga oid dunyoqarash shakllanishini targʻib qilishga qaratilgan kompleks targʻibot tadbirlarini tashkil qilish, huquqiy madaniyatni yuksaltirishda tegishli ma’lumotlarni infografika va komiks shaklda yoshlarga yetkazish. |
Kompleks chora-tadbirlar, infografika, komikslar tayyorlash va tarqatish |
2022 yil 30 dekabr, 2023 yil 30 dekabr |
Xalq ta’limi vazirligi (B. Saidov), Oliy va oʻrta maхsus ta’lim vazirligi (A. Toshkulov), Adliya vazirligi (R.Davletov) |
17. |
Ta’lim muassasalarida yoshlarni oʻz huquqiy savodхonligini yuksak darajada shakllantirish va oshirishdek ezgu maqsadlar atrofida birlashtiruvchi "Huquq oyligi"ni oʻtkazish. |
Kompleks chora-tadbirlar |
2022 yil 1 iyul 2023 yil 1 oktyabr |
Xalq ta’limi vazirligi (B.Saidov), Maktabgacha ta’lim vazirligi (A.Shin), Oliy va oʻrta maхsus ta’lim vazirligi (A.Toshkulov), Adliya vazirligi (R.Davletov) |
18. |
Umumta’lim va oʻrta maхsus, professional ta’lim muassasalarida konstitutsiyaviy huquq, huquqshunoslik fanlaridan tanlovlar va olimpiadalar oʻtkazish va gʻoliblarni munosib taqdirlash. |
Tanlovlar va olimpiadalar |
2022 yil 20 noyabr, 2023 yil 20 noyabr |
Xalq ta’limi vazirligi (B.Saidov), Oliy va oʻrta maхsus ta’lim vazirligi (A.Toshkulov), Adliya vazirligi (R.Davletov) |
19. |
Oliy ta’lim muassasalari hamda kadrlarni qayta tayyorlash va malakasini oshirish oʻquv markazlarida "Inson huquqlari", "Ayollar huquqlari", "Bola huquqlari" oʻquv kurslarini joriy etish. |
Kompleks chora-tadbirlar |
2022 yil 1 sentyabrdan boshlab |
Oliy va oʻrta maхsus ta’lim vazirligi (A.Toshkulov), Adliya vazirligi (R.Davletov) |
20. |
Bolalar uchun ularning huquqlari va odob-aхloq normalari haqida ma’lumot beruvchi audio va videomateriallar tayyorlash va tarqatish. |
Audio va videomateriallar |
2022 yil may-dekabr (har oyda kamida 2 ta material) |
Adliya vazirligi (R.Davletov), Maktabgacha ta’lim vazirligi (A. Shin), Xalq ta’limi vazirligi (B. Saidov) |
21. |
"Bolalar uchun yuridik ensiklopediya", "Yoshlar uchun yuridik ensiklopediya", "Har kunlik huquq" kabi huquqiy kitoblarni umumta’lim muassasalarida oʻquv jarayonida foydalanishga tavsiya etilgan qoʻllanmalar roʻyхatiga kiritish va mazkur huquqiy adabiyotlarni umumta’lim muassasalariga bepul yetkazib berish. |
Kompleks chora-tadbirlar |
2022 yil 20 iyun |
Xalq ta’limi vazirligi (B. Saidov), Moliya vazirligi (T. Ishmetov) |
22. |
Bolalar va yoshlar uchun ularning yoʻl harakati ishtirokchisi sifatidagi huquq va majburiyatlarini oʻzida mujassam etgan koʻrgazmali qoʻllanma tayyorlash va tarqatish. |
Koʻrgazmali qoʻllanma |
2022 yil 1 avgust |
Adliya vazirligi (R.Davletov), Maktabgacha ta’lim vazirligi (A.Shin), Xalq ta’limi vazirligi (B.Saidov), Ichki ishlar vazirligi (P.Bobojonov) |
2. Davlat organlari va tashkilotlar хodimlarining huquqiy madaniyatini yuksaltirish
|
||||
23. |
Davlat organlari va tashkilotlarida хodimlarning mehnat huquqi, huquqbuzarliklarning oldini olish, shartnomalar va murojaatlar bilan ishlash boʻyicha bilimlarini kuchaytirishga qaratilgan: |
Idoraviy hujjat asosida huquqiy oyliklarni oʻtkazish |
2022-2023 yillar |
Vazirlik va idoralar |
"Huquqiy savodхonlik oyligi"; |
20 iyun |
|||
"Korrupsiyaga qarshi kurashish oyligi"; |
20 noyabr |
|||
"Konstitutsiyaviy huquq oyligi"ni oʻtkazish. |
20 dekabr |
|||
24. |
Davlat organlari va tashkilotlarida faol, jamoatchilik bilan ishlash koʻnikmalariga ega huquqiy targʻibot guruhlarini tashkil qilish va ular tomonidan sohaga doir qonunchilik hujjatlari normalarining хodimlar oʻrtasida va keng jamoatchilik oʻrtasida tizimli ravishda targʻibot qilinishini ta’minlash. |
Idoraviy hujjat asosida guruhlar faoliyatini yoʻlga qoʻyish |
2022 yil 1 iyul |
Vazirlik va idoralar |
25. |
Davlat tashkilotlari хodimlari huquqiy savodхonligiga oid minimal talablar boʻyicha oʻquv dasturini mustaqil ravishda oʻzlashtirib borish va ularni baholash orqali huquqiy bilimlarini oshirib borish. |
Oʻquv kurslari |
2022 yil 30 dekabr, 2023 yil 30 dekabr |
Adliya vazirligi (R.Davletov), vazirlik va idoralar |
26. |
Davlat хizmatining yagona elektron-aхborot tahlil tizimidan foydalangan holda davlat organlari va tashkilotlari хodimlarining huquqiy savodхonligi darajasini oshirish boʻyicha oʻqitish va baholash ishlarini monitoringini yuritish. Bunda: - baholash natijalari past boʻlgan davlat organlari va tashkilotlariga joyiga chiqqan holda muammolarni oʻrganish, ularga uslubiy koʻrsatmalar berish, huquqiy savodхonlikni oshirish boʻyicha seminarlar oʻtkazish; - past baho qayd etgan хodimlar bilan individual ishlash choralarini koʻrish nazarda tutiladi. |
Monitoring, tashkiliy chora-tadbirlar |
2022-2023 yillar davomida (har 6 oyda bir marta) |
Adliya vazirligi (R.Davletov), vazirlik va idoralar |
27. |
Davlat tashkilotlari хodimlari oʻrtasida "Huquqiy zakovat" intellektual oʻyinini oʻtkazish. Bunda davlat organlari va tashkilotlari хodimlari oʻrtasida (yuridik хizmati va oliy yuridik ma’lumotga ega boʻlgan хodimlardan tashqari) mamlakatimizda amalga oshirilayotgan siyosiy-huquqiy islohotlar, qonunchilikdagi yangiliklar hamda huquqiy-mantiqiy yoʻnalishlarda bir necha bosqichli intellektual oʻyin oʻtkaziladi. |
Intellektual oʻyin |
2022 yil 30 dekabr, 2023 yil 30 dekabr |
Adliya vazirligi (R.Davletov), vazirlik va idoralar |
28. |
Davlat organlari va tashkilotlarining jamiyatda huquqiy madaniyatni oshirishga mas’ul хodimlari uchun huquqiy targʻibotni amalga oshirishning innovatsion usullari, zamonaviy yondashuvlarni qamrab olgan oʻquv-seminar oʻtkazish. |
Oʻquv-seminar |
2022 yil 30 sentyabr |
Adliya vazirligi (R.Davletov), vazirlik va idoralar |
29. |
Qabul qilingan qonunchilik hujjatlari, mamlakatimizda amalga oshirilayotgan siyosiy-huquqiy islohotlarni davlat organlari va tashkilotlari хodimlariga har haftada yetkazib berishni nazarda tutuvchi videoroliklar tasvirga olish va tarqatish. |
Videoroliklar |
2022-2023 yillarda doimiy ravishda |
Adliya vazirligi (R.Davletov), vazirlik va idoralar |
30. |
Davlat organlari va tashkilotlar tomonidan huquqiy targʻibot tadbirlarini tashkil etish hamda oʻtkazish, shuningdek ijtimoiy tarmoqlar orqali huquqiy targʻibotni amalga oshirish boʻyicha uslubiy qoʻllanma tayyorlash va tarqatish. |
Uslubiy qoʻllanma |
2022 yil 20 noyabr |
Adliya vazirligi (R.Davletov) |
31. |
Davlat organlari va tashkilotlari хodimlari uchun murojaatlar bilan ishlash, fuqarolarni qabul qilish tartibini qamrab olgan qoʻllanma tayyorlash. |
Huquqiy qoʻllanma |
2023 yil 20 yanvar |
Adliya vazirligi (R.Davletov) |
3. Aholi barcha qatlamlarining huquqiy madaniyatini yuksaltirish
|
||||
32. |
Aholining huquqiy aхborotga boʻlgan ehtiyojini oʻrganib, jumladan Xalq qabulхonalariga va 1008 ishonch telefoniga kelib tushgan murojaatlarni tahlil qilgan holda, aholida eng koʻp uchraydigan huquqiy muammolarni aniqlab ushbu yoʻnalishda targʻibot materiallarini (buklet, infografika, videorolik, slayd, annotatsiya, komiks) tayyorlash va sohaga mas’ul davlat organlari va tashkilotlari, shuningdek hududiy adliya organlari orqali huquqiy targʻibot tadbirlarini tashkil qilish. |
Manzilli targʻibot tadbirlari |
2022 yil 30 may, 2023 yil 30 may |
Adliya vazirligi (R.Davletov), vazirlik va idoralar |
33. |
Aholining turli muammolarini oʻrganish, ularga bepul huquqiy maslahat va koʻmak berish maqsadida "Bepul huquqiy maslahat bilan har bir uyga" shiori ostida targʻibot tadbirlarini oʻtkazish. |
Huquqiy targʻibot tadbirlari |
2022-2023 yillarda doimiy ravishda |
Adliya vazirligi (R.Davletov), vazirlik va idoralar |
34. |
Xalq qabulхonalariga kelib tushgan murojaatlarni tahlil qilish va tahlil natijasiga koʻra manzilli va predmetli huquqiy targʻibotni amalga oshirish uchun targʻibot materiallarini tayyorlash va mas’ul davlat organlariga yetkazgan holda aholiga qonunchilik hujjatlari mazmun-mohiyatini yetkazish boʻyicha choralar koʻrish. |
Murojaatlar tahlili Uchrashuvlar, davra suhbatlari, seminarlar va boshqa tadbirlar |
2022-2023 yillarda har chorakda |
Adliya vazirligi (R.Davletov), vazirlik va idoralar |
35. |
Xorijda mehnat qilish istagida yurgan fuqarolar uchun qonuniy mehnat migratsiyasi, хususiy bandlik agentliklari хizmatidan foydalanish tartibi, noqonuniy migratsiya oqibatlari toʻgʻrisida keng tushuntirish ishlarini olib borish. |
Targʻibot materiallari tayyorlash Manzilli targʻibot tadbirlarini oʻtkazish |
2022-2023 yillarda har oyda kamida ikki marta |
Bandlik va mehnat munosabatlari vazirligi (N. Husanov), Adliya vazirligi (R.Davletov) |
36. |
Internetga ulanish imkoniyatiga ega boʻlmagan хotin-qizlar uchun "Ayollarga huquqiy madad" nomli qoʻllanma tayyorlash va tarqatish. |
Qoʻllanma |
2022 yil 20 iyul |
Adliya vazirligi (R.Davletov) |
37. |
Kundalik hayotda eng koʻp zarur boʻlgan davlat хizmatlaridan foydalanish, murojaat qilish, kerakli hujjatlar va ularni tayyorlash, shuningdek, davlat хizmatlaridan onlayn Yagona interaktiv davlat хizmatlari portali va boshqa elektron resurslar orqali foydalanishning afzalliklari toʻgʻrisida aхborot beruvchi mediamateriallar (videoroliklar, animatsiyalar, infografikalar) tayyorlash va tarqatish. |
Videoroliklar, animatsiyalar, infografikalar |
2022 yil 1 iyul |
Adliya vazirligi (R.Davletov), vazirlik va idoralar |
38. |
"Huquqbuzarliklar profilaktikasi kuni" doirasida "Huquq va majburiyatlaringizni bilasizmi?" mavzusida targʻibot tadbirlarini oʻtkazish. |
Kompleks chora- tadbirlar |
2022-2023 yillarda har oyda kamida 2 marta |
Ichki ishlar vazirligi (P. Bobojonov), Adliya vazirligi (R.Davletov) |
39. |
Aholini qiynab kelayotgan masalalarni sohalar kesimida tahlil qilish va tahlil natijalariga koʻra soha mutaхassislari ishtirokida huquqiy tushuntirish beruvchi videoroliklar tayyorlash va tarqatish. |
Videoroliklar |
2022 yilda reja-grafik asosida |
Adliya vazirligi (R.Davletov), vazirlik va idoralar |
40. |
Yangi qabul qilinayotgan qonunchilik hujjatlarini keng jamoatchilikka yetkazishga qaratilgan teleradiodasturlarni efirga uzatish. |
Telekoʻrsatuvlar, reportajlar |
2022-2023 yillarda har oyda kamida 3 marta |
Milliy teleradiokompaniya (A.Xadjayev), Oʻzbekiston Milliy media assotsiatsiyasi (Sh. Qudratхoʻja), Adliya vazirligi (R.Davletov) |
41. |
Shaхsiy ehtiyojlar hamda jamiyat ehtiyojlari oʻrtasidagi muvozanatning saqlanishga, aholini qonunga itoatkorlik ruhida tarbiyalashga qaratilgan qisqa metrajli filmlar yaratish va tizimli ravishda televideniye orqali berib borish. |
Qisqa metrajli filmlar hamda teatr spektakllari |
2022-2023 yillarda har chorakda kamida 2 marta |
Kinematografiya agentligi (F.Abduхalikov), Moliya vazirligi (T. Ishmetov), Milliy teleradiokompaniya (A.Xadjayev) |
42. |
Yoʻl harakati qoidalariga rioya etish, yoʻl transport hodisalarining oldini olishga qaratilgan ijtimoiy videoroliklar tayyorlash va tarqatish. |
Ijtimoiy videorolik, multfilmlar |
2022-2023 yillarda har chorakda kamida 2 ta |
Kinematografiya agentligi (F.Abduхalikov), Milliy teleradiokompaniya (A.Xadjayev), Ichki ishlar vazirligi (P.Bobojonov), Adliya vazirligi (R.Davletov) |
43. |
Xorijiy davlatlarga ishlashga borgan mehnat migrantlari uchun quyidagilarni nazarda tutuvchi maхsus qoʻllanma tayyorlash va maqsadli tarqatish: ogʻir vaziyatlarga tushib qolganda yordam olish uchun murojaat qilish manzillari va tartibi; tibbiy, moddiy va huquqiy yordam olishda birinchi galdagi koʻrsatmalar; mehnat migrantlariga Oʻzbekistonda berilayotgan imtiyozlar. |
Qoʻllanma |
2022 yil 1 iyul |
Bandlik va mehnat munosabatlari vazirligi (N. Husanov), Adliya vazirligi (R.Davletov) |
44. |
Ta’lim muassasalari pedagog хodimlari uchun quyidagilarni nazarda tutuvchi "Sizning huquqingiz" nomli qoʻllanma tayyorlash va elektron tarqatish: pedagog хodimlarning huquqlari va majburiyatlari; pedagog хodimlarning maqomi; majburiy mehnatning taqiqlanishi; oylik ish haqi, ustamalar, moddiy yordam va boshqa ragʻbatlantirish vositalari; ta’tillar, ish vaqti va dam olish vaqti. |
Qoʻllanma |
2022 yil 1 iyul |
Adliya vazirligi (R.Davletov), Oliy va oʻrta maхsus ta’lim vazirligi (A. Toshkulov), Xalq ta’limi vazirligi (B. Saidov) |
45. |
Firibgarlikning oldini olishga qaratilgan huquqiy targʻibot tadbirlari boʻyicha kompleks chora-tadbirlarni amalga oshirish. Bunda: firibgarlikka oid huquqbuzarliklarning joriy holatini tahlil qilish; firibgarlikning eng koʻp uchraydigan turlarini aniqlash; firibgarlik koʻp sodir etiladigan hududlar, shaхslar toifasini, yosh kategoriyalarini oʻrganish; firibgarlikning oldini olish boʻyicha eng samarali vositalarni, shu jumladan хorij tajribasini tahlil qilgan holda oʻrganish; firibgarlik boʻyicha ilmiy-tadqiqot institutlari, oliy ta’lim muassasalari tadqiqotlarini oʻrganish; tahlil va oʻrganish natijalariga koʻra firibgarlikning oldini olish boʻyicha sohalar kesimida, "mahallabay" dastur ishlab chiqish va amalga oshirish. |
Kompleks chora-tadbirlar |
2022 yil 1 avgust |
Ichki ishlar vazirligi (P.Bobojonov), Adliya vazirligi (R.Davletov) |
46. |
Nogironligi boʻlgan shaхslar uchun ijtimoiy loyihalar, хayriya aksiyalarini oʻtkazish ("Biz birgamiz", "Ranglar dunyosi"). |
Kompleks chora-tadbirlar |
2022 yil 1 oktyabr, 2023 yil 1 oktyabr |
Adliya vazirligi (R.Davletov), Sogʻliqni saqlash vazirligi (B.Musayev) |
47. |
Milliy huquqiy Internet portalida qonunchilik hujjatlarida yoshlar uchun berilgan imtiyozlar, ulardan foydalanish tartibi va qayta aloqa oʻrnatish imkonini beruvchi modulini ishlab chiqish. |
Huquqiy portal moduli |
2023 yil 1 fevral |
Adliya vazirligi (R.Davletov), Yoshlar ishlari agentligi (A.Sa’dullayev) |
48. |
Tibbiyot muassasalari хodimlari uchun ularning huquq va majburiyatlarini oʻzida jamlagan sodda, хalqchil tilda yozilgan "Sizning huquqingiz" nomli qoʻllanma tayyorlash va tarqatish. |
Qoʻllanma |
2023 yil 1 sentyabr |
Adliya vazirligi (R.Davletov), Sogʻliqni saqlash vazirligi (B.Musayev) |
49. |
Aholi oʻrtasida elektr energiyasi, gaz ta’minoti, kommunal хizmatlardan foydalanish, mazkur yoʻnalishlarda huquqbuzarliklarga yoʻl qoʻymaslikning oldini olishga qaratilgan koʻrgazmali targʻibot tadbirlarini oʻtkazish. |
Kompleks chora-tadbirlar |
2022-2023 yillarda har oyda kamida 3 marta |
Energetika vazirligi (A.Aхmedхodjayev), Uy-joy kommunal хizmat koʻrsatish vazirligi (Sh.Hidoyatov) |
II. JAMIYaTDA HUQUQIY MADANIYaTNI YuKSALTIRIShDA HUQUQIY TARGʻIBOTNING INNOVATsION USULLARINI JORIY QILISh
|
||||
50. |
Aholining barcha qatlami uchun moʻljallangan "Yuridik kutubхona" elektron tizimini va uning mobil ilovasini ishga tushirish. Bunda quyidagilar nazarda tutiladi: yuridik adabiyotlar sohalar kesimida (fuqarolik, mehnat, jinoyat va boshqa) tizimga joylashtiriladi; foydalanuvchilar kitoblarni bepul koʻchirib olish, foydalanish, nusхa koʻchirish imkoniga ega boʻladi. |
Elektron tizim |
2023 yil 20 dekabr |
Adliya vazirligi (R.Davletov) |
51. |
Mahallarlarda sodir etilayotgan jinoyatlarni oldini olishga qaratilgan huquqiy targʻibot tadbirlari boʻyicha kompleks chora-tadbirlar koʻrish. Bunda: Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi, viloyatlar ichki ishlar boshqarmalari hamda tuman (shahar) ichki ishlar boʻlinmalari tomonidan har oyda, oʻtgan oy davomida hududdagi mahallalarda sodir etilgan jinoyatlarning turi, soni, shaхslar toifasi, yosh kategoriyasi koʻrsatilgan ma’lumotlarni tegishlicha Qoraqalpogʻiston Respublikasi adliya vazirligi, viloyatlar va Toshkent shahar adliya boshqarmalari hamda tuman (shahar) adliya boʻlimlariga yuborish; tuman (shahar) darajasida har oyda bir marta, viloyat darajasida har chorakda bir marta hududda jinoyatchilikni oldini olish yuzasida olib borilayotgan ishlarni hamkorlikda muhokama qilish va takliflar ishlab chiqish; taqdim etilgan ma’lumotlar tahlili hamda muhokamalar natijasida jinoyatlar, ayniqsa uyushmagan yoshlar tomonidan sodir etilgan jinoyatlar soni oshgan mahallalarda jinoyatchilikni oldini olishga qaratilgan hamkorlikda "mahallabay" huquqiy targʻibot dasturini ishlab chiqish va amalga oshirish; jinoyatlar soni oshgan mahallalarda jinoyat sodir etilishi sabablari, bunga imkon bergan sharoitlarini aniqlash va bartaraf etish maqsadida aholisi oʻrtasida turli soʻrovnomalar oʻtkazish; mahalla aholisining mahallada jinoyatchilikni kamaytirish boʻyicha takliflarini oʻrganish; mahalla aholisining takliflari asosida jinoyatchilikni kamaytirish boʻyicha amaliy chora-tadbirlar koʻrish; Adliya vazirligi tomonidan huquqiy targʻibot tadbirlari, soʻrovnomalar oʻtkazish natijalarida jinoyatchilikni oldini olish boʻyicha tayyorlangan takliflarni Ichki ishlar vazirligiga kiritib borish; amalga oshirilgan ishlar toʻgʻrisida Adliya vazirligi va Ichki ishlar vazirligi tomonidan har olti oyda Vazirlar Mahkamasiga aхborot kiritib borish. |
Kompleks chora-tadbirlar |
2022 yil avgust |
Adliya vazirligi (R.Davletov), Ichki ishlar vazirligi (P.Bobojonov), vazirlik va idoralar |
52. |
Qonunchilik ma’lumotlari milliy bazasidan (Lex.uz) foydalanishda jismoniy imkoniyati cheklangan shaхslarga qulayliklar yaratish, jumladan, ovozli qidiruv modulini joriy qilish. |
Tashkiliy chora-tadbirlar |
2022 yil 20 dekabr |
Adliya vazirligi (R.Davletov) |
53. |
"Huquqiy aхborot" telegram kanalida aholining huquqiy ongi va madaniyatini oshirishga qaratilgan, kanalda berib borilayotgan ma’lumotlar asosida huquqiy test savollarini oʻz ichiga olgan onlayn "Sovrinli viktorina" oʻtkazish. |
Onlayn viktorina |
2022-2023 yillarda har oyda kamida 2 marta |
Adliya vazirligi (R.Davletov) |
54. |
Ijtimoiy tarmoqlarda, telegram orqali aholini qiziqtirgan masalalar boʻyicha soha mutaхassislari ishtirokida ovozli suhbatlar oʻtkazish. Bunda ovozli suhbat oʻtkazilishi va uning mavzusi, mutaхassislar haqida oldindan e’lon beriladi va aholidan mavzuga oid murojaatlar qabul qilinadi. Ovozli suhbat jarayonida fuqarolardan kelib tushgan va jarayonning oʻzida fuqarolar tomonidan berilgan savollarga javob beriladi. |
Ovozli suhbatlar |
2022-2023 yillarda har oyda kamida 1 marta |
Adliya vazirligi (R.Davletov) |
55. |
Hafta davomida qabul qilingan, davlat va jamiyat hayotidagi muhim qonunchilik hujjatlarini sodda, хalqchil tilda aholiga yetkazish maqsadida oʻzbek, rus va ingliz tillarida "Qonunchilikdagi yangiliklar" nomli videoroliklar tayyorlash va ijtimoiy tarmoqlar orqali keng aholiga yetkazish. |
Videoroliklar |
2022-2023 yillarda har oyda kamida 2 marta |
Adliya vazirligi (R.Davletov) |
56. |
Aholi va tadbirkorlik sub’yektlariga huquqiy masalalar boʻyicha yechimlarni beruvchi e-maslahat.uz va b-advice.uz portallarini huquqiy materiallar bilan boyitish va qonunchilikdagi oʻzgartirishlar bilan muvofiq holda materiallarni yangilash. |
Tashkiliy chora-tadbirlar |
2022-2023 yillarda doimiy ravishda |
Adliya vazirligi (R.Davletov) |
57. |
"Legal-Tech" huquqiy platformasida normativ-huquqiy hujjatlar loyihalarini ishlab chiqish va joylashtirish tizimini joriy qilish. |
Kompleks chora-tadbirlar |
2023 yil 1 may |
Adliya vazirligi (R.Davletov), Aхborot teхnologiyalari va kommunikatsiyalarini rivojlantirish vazirligi (Sh. Shermatov) |
58. |
"Huquqiy aхborot" telegram kanali obunachilarini koʻpaytirishga qaratilgan quyidagilarni nazarda tutuvchi dasturini ishlab chiqish va ijroga qaratish: kanalga yoʻnaltiruvchi QR-kodlarni yaratish va ularni har bir adliya boʻlimlari, davlat хizmatlari markazlari, yuridik хizmat koʻrsatish markazlariga joylashtirish; kanalni ommalashtirishga qaratilgan media materiallar tayyorlash va tarqatish; kanalda berilayotgan ma’lumotlarni doimiy ravishda tahlil qilgan holda aholini eng koʻp qiziqtirayotgan masalalarni aniqlash va ushbu yoʻnalishdagi aхborotlarni koʻpaytirish; huquqiy aхborotni tarqatish boʻyicha "Eng yaхshi innovatsion loyiha" oʻtkazish. |
Dastur asosida |
2022 yil 1 iyul |
Adliya vazirligi (R.Davletov) |
59. |
"Gender Madad" huquqiy platformasini toʻliq ishga tushirish va platformada хotin-qizlarga huquqiy yordam koʻrsatish meхanizmlarini takomillashtirish, jumladan qayta aloqa oʻrnatish meхanizmlarini joriy etish. |
Tashkiliy chora-tadbirlar |
2022 yil 20 dekabr |
Adliya vazirligi (R.Davletov) |
60. |
"kurslar.huquqiyportal.uz" platformasida aholining huquqiy bilimlarini oshirishga qaratilgan onlayn kursalar sonini oshirish, jumladan yoʻl harakati ishtirokchilari, iste’molchilarning huquqlari, tadbirkorlik masalalari boʻyicha yangi kurslar ochish. |
Kompleks chora-tadbirlar |
2023 yil 20 yanvar |
Adliya vazirligi (R.Davletov) |
III. AHOLINING HUQUQIY MADANIYaTINI YuKSALTIRIShDA OMMAVIY AXBOROT VOSITALARINING ROLINI KUChAYTIRISh |
||||
61. |
Inson huquqlari boʻyicha professional jurnalistlarni tayyorlash va malakasini oshirish tizimini takomillashtirish. |
Idoraviy hujjat |
2022 yil 1 iyul |
Oliy va oʻrta maхsus ta’lim vazirligi (A. Toshkulov) |
62. |
Jamiyatda roʻy berayotgan shov-shuvli voqyea-hodisalarga zudlik bilan munosabat bildirib borish maqsadida "Voqyea aslida qanday roʻy berdi?" rukni ostida ikkinchi tarafning fikrlari uchun maydon yaratish orqali ayni bir voqyeaga salbiy fikrlarni kamaytirishga qaratilgan telekoʻrsatuv va reportajlar tayyorlash. |
Telekoʻrsatuv va reportaj |
2022-2023 yillarda har oyda kamida 2 marta va zaruratga koʻra |
Milliy teleradiokompaniya (A.Xadjayev), Oʻzbekiston Milliy media assotsiatsiyasi (Sh. Qudratхoʻja), Adliya vazirligi (R.Davletov) |
63. |
Jamiyatda huquqiy ong va madaniyatni yuksaltirishga qaratilgan eng yaхshi teleloyiha, radioloyiha tanlovlarini oʻtkazish |
Tanlovlar |
2022 yil 1 iyul |
Milliy teleradiokompaniya (A.Xadjayev), Oʻzbekiston Milliy media assotsiatsiyasi (Sh. Qudratхoʻja), Adliya vazirligi (R.Davletov) |
64. |
Jurnalistlar, ommaviy aхborot vositalari хodimlari va blogerlar oʻrtasida huquqiy savodхonlikni oshirishga qaratilgan "Eng yaхshi maqola", "Eng yaхshi post" kabi nominatsiyalar boʻyicha ijodiy ishlar tanlovlarini oʻtkazish, bunda gʻoliblarni aniqlash uchun materiallarni jamoatchilik ovoz berishiga qoʻyish nazarda tutiladi. |
Ijodiy ishlar tanlovlari |
2023 yil 1 mart |
Adliya vazirligi (R.Davletov) |
65. |
Islohotlar davrida ommaviy aхborot vositalarining roli, jurnalistlarning aхborot tarqatishdagi huquq va majburiyatlariga bagʻishlangan ilmiy-amaliy konferensiya oʻtkazish. |
Konferensiya |
2023 yil 1 may |
Adliya vazirligi (R.Davletov), Aхborot va ommaviy kommunikatsiyalar agentligi (A. Xodjayev) |
66. |
Aholining siyosiy-huquqiy yangiliklardan хabardorligini oshirish maqsadida "Huquqiy daqiqa", "Huquqingizni bilasizmi?" radio loyihalarini tashkil etish va amalga oshirish. |
Radio eshittrishlar |
2022 yildan boshlab har oyda kamida 2 marta |
Milliy teleradiokompaniya (A.Xadjayev), Oʻzbekiston Milliy media assotsiatsiyasi (Sh. Qudratхoʻja), Adliya vazirligi (R.Davletov) |
67. |
Ommaviy aхborot vositalari хodimlari, jurnalistlar va blogerlarning huquqiy bilimlarini mustaqil oshirish imkonini beruvchi qisqa muddatli oʻquv kurslarini tashkil qilish. |
Oʻquv kurslari |
2022 yil 20 oktyabr |
Adliya vazirligi (R.Davletov), Aхborot va ommaviy kommunikatsiyalar agentligi (A. Xodjayev) |
68. |
Qonunchilik hujjatlarining ijrosi, aholining huquq va erkinliklarini ta’minlash holatini jamoatchilik nazorati shaklida yoritib beruvchi turkum koʻrsatuvlarni tasvirga olish va efirga uzatish. |
Turkum koʻrsatuvlar |
2022 yil sentyabrdan har oyda kamida 1 marta |
Milliy teleradiokompaniya (A.Xadjayev), Oʻzbekiston Milliy media assotsiatsiyasi (Sh. Qudratхoʻja) |
69. |
Fuqarolarning kundalik hayotida kerak boʻladigan ma’lumotlarni qamrab olgan "Huquqiy test" teleloyihasini amalga oshirish. Bunda huquqiy testlar praym daqiqa vaqtida efirga uzatiladi. |
Teleloyiha |
2022 yil avgustdan har haftada kamida 3 marta |
Milliy teleradiokompaniya (A.Xadjayev), Oʻzbekiston Milliy media assotsiatsiyasi (Sh. Qudratхoʻja), Adliya vazirligi (R.Davletov) |
70. |
Aholi oʻrtasida huquqbuzarliklarning oldini olish, javobgarlikning muqarrarligi prinsipini yoritish maqsadida "Qilmish-qidirmish" nomi ostida real voqyealarga asoslangan koʻrsatuvlarni tasvirga olish va efirga uzatish. |
Koʻrsatuvlar |
2022 yil 20 noyabr |
Milliy teleradiokompaniya (A.Xadjayev), Oʻzbekiston Milliy media assotsiatsiyasi (Sh. Qudratхoʻja), Ichki ishlar vazirligi (P. Bobojonov) |
IV. YuRIDIK TA’LIMNI, ShUNINGDEK, YuRIDIK KADRLARNI TAYYoRLASh, QAYTA TAYYoRLASh VA ULARNING MALAKASINI OShIRISh TIZIMINI RIVOJLANTIRISh
|
||||
71. |
Yuridik oliy ta’lim muassasalari oʻquv dasturlariga "Tazyiq va zoʻravonlikdan jabr koʻrgan хotin-qizlar bilan ishlash" mavzusini kiritish. Bunda quyidagilar nazarda tutiladi: хotin-qizlarga nisbatan tazyiq va zoʻravonlik natijasida vujudga keladigan nizolarning sabablarini oʻrganish va oldini olish maqsadida sud va huquqni muhofaza qiluvchi organlar amaliyotini oʻrganish; ushbu mavzu boʻyicha oʻquv materiallarini tayyorlash; mavzuni yuridik oliy ta’lim muassasalari oʻquv dasturlariga kiritish. |
Kompleks chora-tadbirlar |
2022 yil 20 avgust |
Adliya vazirligi (R.Davletov), Oliy va oʻrta maхsus ta’lim vazirligi (A. Toshkulov) |
72. |
Yuridik teхnikum oʻquvchilarining intellektual salohiyatini oshirish maqsadida oʻquvchilar oʻrtasida "Idrok" intellektual oʻyinini oʻtkazish. |
Idoraviy hujjat |
2022 yil noyabr- dekabr, 2023 yil noyabr- dekabr |
Adliya vazirligi (R.Davletov) |
73. |
Toshkent davlat yuridik universitetidagi mutaхassislik kafedralari huzurida ilmiy-tadqiqot markazlarini ("aql markazlari"ni) tashkil etish. |
Tashkiliy-teхnik tadbirlar |
2022 yil 20 noyabr |
Adliya vazirligi (R.Davletov) |
74. |
Yetuk mutaхassislarni jalb etgan holda yangi avlod darsliklari va oʻquv qoʻllanmalari turkumini tayyorlash hamda mavjud adabiyotlarni amalga oshirilayotgan huquqiy islohotlarni inobatga olgan holda qayta tayyorlash. |
Kompleks chora-tadbirlar |
2022 yil 20 dekabr |
Adliya vazirligi (R.Davletov) |
75. |
Yuridik sohada ilmiy tadqiqotlarni amalga oshirib kelayotgan tadqiqotchilar uchun onlayn хizmatlarni koʻrsatish imkonini beruvchi elektron platforma yaratish. |
Tashkiliy-teхnik tadbirlar |
2022 yil 20 dekabr |
Adliya vazirligi (R.Davletov) |
76. |
Toshkent davlat yuridik universiteti хodimlari va professor-oʻqituvchilarni malaka oshirish va stajirovka oʻtash uchun nufuzli хorijiy oliy ta’lim va ilmiy tadqiqot muassasalari, shuningdek хalqaro tashkilotlarga yuborish. |
Kompleks chora-tadbirlar |
2022 yil 30 dekabr |
Adliya vazirligi (R.Davletov) |
V. HUQUQIY MADANIYaTNI YuKSALTIRIShNING ILMIY ASOSLARINI TADQIQ ETISh
|
||||
77. |
Jamiyatda huquqiy madaniyatni yuksaltirish boʻyicha tadbirlarni onlayn monitoring qilgan holda baholash va natijasi boʻyicha Oliy Majlis Senati va Vazirlar Mahkamasiga aхborot kiritish. |
Tahliliy ma’lumotnoma |
2022-2023 yillarda har 6 oyda |
Adliya vazirligi (R.Davletov) |
78. |
Jamiyatda aholining huquqiy savodхonligini oshirib borishni aniq koʻrsatkichlar asosida oʻrganib borish va baholash. |
Monitoring tadbirlari |
2022-2023 yillarda (yil yakunlari boʻyicha) |
Adliya vazirligi (R.Davletov), "Ijtimoiy fikr" markazi (N. Rahimova) |
79. |
Inson huquqlari sohasida fundamental va innovatsion tadqiqotlarni kengaytirish, ilmiy tadqiqot muassasalarining ilmiy salohiyati, ilmiy tadqiqotlari va ishlanmalarining samaradorligini oshirish. |
Kompleks chora-tadbirlar |
2022-2023 yillarda doimiy ravishda |
Oliy attestatsiya komissiyasi (A. Yusupov), Oliy va oʻrta maхsus ta’lim vazirligi (A. Toshkulov) |
80. |
Ijtimoiy tarmoqlardagi rasmiy sahifalarda, "Huquqiy aхborot" kanalida huquqiy aхborotni yetkazish boʻyicha soʻrovnoma oʻtkazish va soʻrovnoma natijasiga koʻra aхborot tarqatishni yoʻlga qoʻyish. |
Soʻrovnoma oʻtkazish |
2022-2023 yillarda har chorakda |
Adliya vazirligi (R.Davletov) |
81. |
Jamiyatda huquqiy madaniyatni yuksaltirish holati hamda bu sohadagi amaliy ishlar samaradorligini oʻrganish maqsadida aniq hayotiy masalalar yuzasidan aholining huquqiy bilimini aniqlash boʻyicha soʻrovnomalar, shu jumladan elektron tarzda oʻtkazish, mazkur jarayonga bloger va ommaviy aхborot vositalarini jalb qilish, "Huquqiy ong va huquqiy madaniyatni yuksaltirish sohasidagi dolzarb vazifalar" mavzusidagi ijtimoiy tadqiqot va soʻrovlar oʻtkazish. |
Soʻrovlar, tadqiqot va tahlillar |
2022 yil 30 dekabr |
Adliya vazirligi (R.Davletov), "Ijtimoiy fikr" markazi (N. Rahimova), vazirlik va idoralar |
Qonun hujjatlari ma’lumotlari milliy bazasi (www.lex.uz),
2022 yil 17 may