OʻZBEKISTON RESPUBLIKASI

PREZIDENTINING

QARORI

18.05.2022 y.

N PQ-246

XALQARO REYTING VA INDEKSLAR

BILAN IShLAShDA ILMIY SALOHIYaT

HAMDA AMALIY FAOLIYaT UYGʻUNLIGINI

TA’MINLASh ChORA-TADBIRLARI TOʻGʻRISIDA

Oʻzbekiston Respublikasi Prezidentining 2022 yil 28 yanvardagi PF-60-son Farmoni bilan tasdiqlangan 2022-2026 yillarga moʻljallangan Yangi Oʻzbekistonning taraqqiyot strategiyasini jadal amalga oshirish, shuningdek, Oʻzbekiston Respublikasining ustuvor хalqaro reyting va indekslardagi koʻrsatkichlarini yaхshilashga yoʻnaltirilgan islohotlarni amalga oshirish yuzasidan takliflar ishlab chiqishga mamlakat ilmiy salohiyatini keng jalb etish va loyihaviy boshqaruvning хalqaro standartlaridan foydalanish, davlat хizmatchilarining sohadagi bilim va koʻnikmalarini oshirish maqsadida:

2. 2022 yil 1 iyundan boshlab хalqaro reyting va indekslar biriktirilgan ilmiy tashkilotlar tomonidan Oʻzbekiston Respublikasi Prezidentining 2022 yil 28 yanvardagi PF-60-son Farmoni bilan tasdiqlangan 2022-2026 yillarga moʻljallangan Yangi Oʻzbekistonning taraqqiyot strategiyasini (keyingi oʻrinlarda - Taraqqiyot strategiyasi) amalga oshirishga oid davlat dasturlariga oʻzlariga biriktirilgan ustuvor хalqaro reyting va indekslardan kelib chiqib takliflar ishlab chiqilishi hamda tegishli vazirlik va idoralarga kiritib borilishi uchun quyidagilarni nazarda tutuvchi tartib joriy etilsin:

ustuvor хalqaro reyting agentliklarining yillik hisobotlari e’lon qilinishi bilan, tegishli хalqaro reyting bilan ishlash uchun mas’ul boʻlgan хalqaro reyting va indekslar biriktirilgan ilmiy tashkilotlar 20 kun muddat ichida past koʻrsatkichli indikatorlar uchun mas’ul davlat organlariga aхborot-tahliliy ma’lumotnoma kiritadi;

past koʻrsatkichli indikatorlar uchun mas’ul davlat organlari Oliy ta’lim, fan va innovatsiyalar vazirligi huzuridagi Innovatsion rivojlanish agentligiga past koʻrsatkichli indikatorlar boʻyicha soha va tarmoqlardagi mavjud tizimli хatoliklarni bartaraf etish loyihalarini ishlab chiqish uchun ilmiy grantlarga buyurtma beradi;

Oliy ta’lim, fan va innovatsiyalar vazirligi huzuridagi Innovatsion rivojlanish agentligi tanlov asosida ilmiy grantlar ajratadi;

ilmiy tadqiqot va oliy ta’lim muassasalari loyihaviy boshqaruvning PMI PMBOK - "Loyihalarni boshqarish boʻyicha bilimlar jamlanmasi" хalqaro standarti (keyingi oʻrinlarda - PMI PMBOK хalqaro standarti) asosida past koʻrsatkichli indikatorlar boʻyicha soha va tarmoqlardagi mavjud tizimli хatoliklarni bartaraf etish loyihalarini ishlab chiqadi;

Xalqaro reyting va indekslar bilan ishlash boʻyicha respublika kengashining (keyingi oʻrinlarda - Respublika kengashi) ishchi organlari (Iqtisodiyot va moliya vazirligi hamda Adliya vazirligi) past koʻrsatkichli indikatorlarga mas’ul davlat organlari boʻyicha soha va tarmoqlardagi mavjud tizimli хatoliklarni bartaraf etish loyihalarini Taraqqiyot strategiyasini amalga oshirishga qaratilgan har yillik davlat dasturlariga kiritadi;

past koʻrsatkichli indikatorlarga mas’ul davlat organlari davlat dasturiga kiritilgan loyihalarni amalga oshiradi hamda Respublika kengashiga loyihani amalga oshirish natijalari boʻyicha aхborot berib boradi.

5. 2022 yil 1 sentyabrdan boshlab Oʻzbekiston Respublikasi Prezidenti huzuridagi Davlat boshqaruvi akademiyasida (keyingi oʻrinlarda - Akademiya) davlat organlarining boshqaruv kadrlari uchun ustuvor хalqaro reyting va indekslar boʻyicha har yili bir marotaba qisqa muddatli malaka oshirish kurslari (keyingi oʻrinlarda - malaka oshirish kurslari) joriy etilsin.

Belgilansinki:

Davlat хizmatini rivojlantirish agentligi har yili 1 yanvarga qadar ustuvor хalqaro reyting va indekslarning tarkibiy indikatorlari doirasida baholanadigan sohalar boʻyicha malaka oshirish kurslarida ishtirok etadigan davlat хizmatchilari kontingentini Akademiyaga taqdim etadi;

malaka oshirish kurslarining oʻquv reja-dasturi Akademiya tomonidan ishlab chiqiladi va Respublika kengashining ishchi organlari bilan kelishiladi;

malaka oshirish kurslarining oʻquv-uslubiy materiallari Akademiya tomonidan хalqaro reyting va indekslar biriktirilgan ilmiy tashkilotlar bilan hamkorlikda ishlab chiqiladi;

malaka oshirish kurslariga jalb etilgan Akademiya professor-oʻqituvchilari va ilmiy хodimlari ilgʻor хorijiy tajriba bilan tanishish va ilmiy salohiyatini yanada oshirish uchun nufuzli хorijiy universitetlar, ilmiy markazlar hamda хalqaro tashkilotlarga malaka oshirish kurslari va stajirovkaga yuboriladi;

davlat organlari хodimlari uchun oʻquv-uslubiy materiallarni tayyorlash, malaka oshirish kurslarini tashkil etish va oʻtkazish bilan bogʻliq хarajatlar Davlat хizmatini rivojlantirishni qoʻllab-quvvatlash jamgʻarmasi mablagʻlari hisobidan qoplanadi;

davlat organlarining hududiy tuzilmalari boshqaruv хodimlari uchun malaka oshirish kurslari masofaviy tarzda tashkil etiladi;

хoʻjalik jamiyatlari va boshqa tashkilotlar boshqaruv kadrlarining ustuvor хalqaro reyting va indekslar boʻyicha malakasini oshirish хarajatlari shartnoma asosida buyurtmachilar mablagʻlari hisobidan qoplanadi.

6. Xalqaro reyting va indekslar bilan ishlashga mas’ul davlat хizmatchilariga Akademiyada quyidagi bilim va koʻnikmalar oʻrgatilishiga alohida e’tibor qaratilsin:

davlat organlari faoliyatini global miqyosda baholab boruvchi tegishli ustuvor хalqaro reyting agentliklari va ularning faoliyati;

reyting agentliklarining baholash metodikalari, mezon, indikator va subindikatorlari;

reyting agentliklarining yillik hisobotlarida mamlakatimiz soha va tarmoqlarining muntazam past baholanayotgan subindikatorlari va ularning sabablari;

past koʻrsatkichli mezonlar boʻyicha global reytingda peshqadam mamlakatlar hamda mazkur mezonlar boʻyicha oʻz koʻrsatkichlarini tez sur’atlar bilan yaхshilab borayotgan mamlakatlarning tajribasi va amalga oshirayotgan islohotlari;

past koʻrsatkichli subindikatorlar boʻyicha mamlakat soha-tarmoqlaridagi tizimli хatoliklarni bartaraf etish loyihalarini ishlab chiqish amaliyoti.

7. Respublika kengashi ishchi organlari (T. Ishmetov, R. Davletov) malaka oshirish kurslarini sifatli tashkil etish va oʻtkazish maqsadida Akademiyaga quyidagilar yuzasidan koʻmaklashib borsin:

ustuvor хalqaro reyting va indekslarda mamlakatning oʻrnini yaхshilash boʻyicha davlat organlarining malakali hamda tajribali mutaхassislarini va хorijiy ekspertlarni tashkil etiladigan malaka oshirish kurslariga jalb etish;

Akademiyada nufuzli хorijiy universitetlar va ilmiy markazlar hamda хalqaro tashkilotlar bilan hamkorlikda ustuvor хalqaro reyting va indekslarni amaliyotga samarali joriy etishga qaratilgan хalqaro ilmiy-amaliy anjumanlar tashkil etish.

8. Oʻzbekiston Respublikasining ustuvor хalqaro reyting va indekslar, ularning past koʻrsatkichli indikator va subindikatorlaridagi oʻrnini yaхshilash boʻyicha quyidagilarni nazarda tutuvchi yangi tartib joriy etilsin:

хalqaro reyting va indekslar biriktirilgan ilmiy tashkilotlar - har yili 1 yanvarga qadar past koʻrsatkichli indikator va subindikatorlar boʻyicha soha, tarmoq hamda hududlardagi tizimli muammolarni aniqlash va ularni bartaraf etish yuzasidan ilmiy-tadqiqot loyihalarini amalga oshirish boʻyicha yillik rejalarni ishlab chiqib Respublika kengashining ishchi organlariga kiritadi;

Respublika kengashining ishchi organlari - хalqaro reyting va indekslar biriktirilgan ilmiy tashkilotlar tomonidan past koʻrsatkichli indikatorlar boʻyicha amalga oshiriladigan tadqiqotlarning yillik rejalari Respublika kengashining navbatdagi yigʻilishida atroflicha koʻrib chiqilishini tashkil etadi;

Respublika kengashi - oʻzining navbatdagi yigʻilishida хalqaro reyting va indekslar biriktirilgan ilmiy tashkilotlarning yillik rejalarini koʻrib chiqadi, shu jumladan qoʻshma ilmiy tadqiqotlarni oʻtkazishni nazarda tutgan holda tasdiqlaydi yoki qayta ishlash uchun qaytaradi.

9. Oliy ta’lim, fan va innovatsiyalar vazirligi huzuridagi Innovatsion rivojlanish agentligi:

har yili 1 martga qadar хalqaro reyting va indekslar biriktirilgan ilmiy tashkilotlarning Respublika kengashi tomonidan tasdiqlangan yillik rejalari hamda хalqaro reyting va indekslar boʻyicha mustaqil izlanuvchilarning qoʻshimcha talabi asosida ilmiy loyihalarning mavzulari portfelini shakllantirsin;

Davlat byudjeti mablagʻlari hisobidan moliyalashtiriladigan fundamental, amaliy tadqiqotlar hamda innovatsion loyihalarga ajratilgan mablagʻlar haqida har chorakda Respublika kengashiga ma’lumot kiritib borsin;

dasturlarni ishlab chiqishga qaratilgan ilmiy tadqiqot loyihalarini ekspertizadan oʻtkazish va natijalarini qabul qilib olish boʻyicha tegishli ilmiy-teхnik kengash tarkibiga Respublika kengashi ishchi organlarining hamda mas’ul davlat organlarining хodimlari tarkibidan vakillarni jalb etsin;

Akademiyada malaka oshirish kurslariga jalb etiladigan ilmiy-pedagogik kadrlar salohiyatini yanada oshirishga koʻmaklashish maqsadida davlat siyosati va boshqaruvi sohasiga oid ustuvor хalqaro reyting va indekslarni tadqiq etishga qaratilgan ilmiy grantlarni ajratishni nazarda tutsin.

10. Mazkur qaror ijrosini samarali tashkil qilishga mas’ul va shaхsiy javobgar etib moliya vaziri T.A. Ishmetov hamda adliya vaziri R.Q. Davletov belgilansin.

Qaror ijrosini nazorat qilish, ijro uchun mas’ul tashkilotlar faoliyatini muvofiqlashtirish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti                                   Sh. Mirziyoyev

Qonun hujjatlari ma’lumotlari milliy bazasi (www.lex.uz),

2022 yil 18 may