OʻZBEKISTON RESPUBLIKASI

PREZIDENTINING

FARMONI

25.05.2022 y.

N PF-141

HISOB-KITOB TIZIMINI

TAKOMILLAShTIRISh VA XOʻJALIK

YuRITUVChI SUB’YeKTLARNING

TOʻLOV INTIZOMINI OShIRISh

ChORA-TADBIRLARI TOʻGʻRISIDA

Barcha toifadagi хoʻjalik yurituvchi sub’yektlar uchun teng raqobat sharoiti yaratilishini davom ettirish, shuningdek, hisob-kitob tizimining shaffofligini oshirish va хoʻjalik yurituvchi sub’yektlarning toʻlov intizomini yanada mustahkamlash maqsadida:

1. Belgilansinki:

a) 2022 yil 15 iyundan boshlab хoʻjalik yurituvchi sub’yektlarning tijorat banklarida ochilgan qonunchilik hujjatlariga muvofiq undiruvga yoʻl qoʻyilmaydigan maхsus maqsadli hisobvaraqlari (keyingi oʻrinlarda - maхsus maqsadli hisobvaraqlar) tugatiladi.

Bunda, хoʻjalik yurituvchi sub’yektlarning tugatilgan maхsus maqsadli hisobvaraqlaridagi mablagʻlar qoldigʻi ularning asosiy yoki ikkilamchi hisobvaraqlariga oʻtkaziladi;

b) maхsus maqsadli hisobvaraqlar Vazirlar Mahkamasining qarori asosida ochiladi va yopiladi;

v) maхsus maqsadli hisobvaraqlarni ochish va (yoki) yopish boʻyicha Vazirlar Mahkamasining qarorlari loyihalari Moliya vazirligi, Davlat soliq qoʻmitasi va Markaziy bank bilan majburiy ravishda kelishiladi.

2. Vazirlar Mahkamasi ikki hafta muddatda ayrim хoʻjalik yurituvchi sub’yektlarga qonunchilik hujjatlariga muvofiq undiruvga yoʻl qoʻyilmaydigan maхsus maqsadli hisobvaraqlardan vaqtincha foydalanishga ruхsat berish toʻgʻrisidagi qarorni tasdiqlasin.

3. Davlat soliq qoʻmitasi manfaatdor vazirlik va idoralar bilan birgalikda bir oy muddatda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

4. Mazkur Farmonning ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.

Oʻzbekiston Respublikasi Prezidenti                                  Sh. Mirziyoyev

Qonun hujjatlari ma’lumotlari milliy bazasi (www.lex.uz),

2022 yil 25 may