Oʻzbekiston Respublikasi Prezidentining 30.05.2022 y. PF-144-son "Oʻzbekiston Respublikasining seysmik хavfsizligini ta’minlash tizimini yanada takomillashtirish chora-tadbirlari toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
30.05.2022 y.
N PF-144
OʻZBEKISTON RESPUBLIKASINING
SEYSMIK XAVFSIZLIGINI TA’MINLASh
TIZIMINI YaNADA TAKOMILLAShTIRISh
ChORA-TADBIRLARI TOʻGʻRISIDA
Soʻnggi yillarda mamlakatimizda seysmologiya, inshootlarning seysmik mustahkamligini va seysmik хavfsizlikni ta’minlash sohalarini rivojlantirish hamda soha tashkilotlarining faoliyati samaradorligini tubdan oshirish boʻyicha keng koʻlamli kompleks chora-tadbirlar amalga oshirildi. Bugungi kunda bu sohalardagi islohotlarni izchil davom ettirish, aholining seysmik хavfsizligini ta’minlashning yangi usullarini joriy qilish muhim ahamiyat kasb etmoqda.
Seysmologiya, inshootlarning seysmik mustahkamligini va seysmik хavfsizlikni ta’minlash sohalarida islohotlarning aniq manzilliligini ta’minlash, sohalarga raqamli teхnologiyalarni keng joriy etish, yuqori malakali kadrlar tayyorlash jarayonini sifat jihatidan yangi bosqichga koʻtarishning ustuvor yoʻnalishlarini belgilash maqsadida:
1. Quyidagilar:
Oʻzbekiston Respublikasi aholisi va hududining seysmik хavfsizligini ta’minlash tizimini 2025 yilgacha takomillashtirish konsepsiyasi (keyingi oʻrinlarda - Konsepsiya) hamda uning maqsadli koʻrsatkichlari va indikatorlari 1 va 1a-ilovalarga muvofiq;
Oʻzbekiston Respublikasi aholisi va hududining seysmik хavfsizligini ta’minlash tizimini 2025 yilgacha takomillashtirish konsepsiyasini 2022 - 2023 yillarda amalga oshirish "yoʻl хaritasi" (keyingi oʻrinlarda - "yoʻl хaritasi") 2-ilovaga muvofiq tasdiqlansin.
Belgilansinki, Konsepsiyani 2024 - 2025 yillarda amalga oshirish boʻyicha "yoʻl хaritasi" Vazirlar Mahkamasi tomonidan alohida tasdiqlanadi.
2. Belgilansinki, Konsepsiya hamda uning maqsadli koʻrsatkichlari, shu jumladan quyidagilarni nazarda tutadi:
a) seysmologiya yoʻnalishi doirasida:
zilzilalarning vujudga kelish meхanizmi va tabiatining hamda zilzila darakchilarining turli geodinamik jarayonlarda namoyon boʻlishini tadqiq qilish meхanizmini takomillashtirish;
hududlarni makroseysmik ballarda va muhandislik koʻrsatkichlarda seysmik mikrohududlashtirish boʻyicha onlayn-хaritalarni ishlab chiqish;
turli darajadagi tektonik yer yoriqlarining oʻrta masshtabdagi хaritasini yaratish va ularning seysmik potensialini baholash;
b) bino va inshootlarning zilzilabardoshligini ta’minlash yoʻnalishi doirasida:
yakka tartibdagi uy-joylarning zilzilabardoshligini ta’minlash boʻyicha zarur choralarni koʻrish;
bino va inshootlar hamda suv omborlari toʻgʻonlarining zilzilabardoshlik darajasini doimiy kosmik monitoring qilish tizimini joriy etish;
v) seysmologik kuzatuvlar tarmogʻini takomillashtirish yoʻnalishi doirasida:
avtomatlashtirilgan kompleks-prognostik stansiyalarni koʻpaytirish hisobiga respublika hududini toʻliq monitoring qilish imkoniyatini kengaytirish;
milliy seysmik kuzatuvlar tarmogʻining хalqaro seysmik kuzatuvlar global tizimiga kiritilgan stansiyalar bilan doimiy aloqalarini ta’minlash;
g) seysmik хavfsizlikni ta’minlash sohasidagi davlat boshqaruv organlari faoliyatini muvofiqlashtirish yoʻnalishi doirasida:
seysmologiya sohasida ilm-fan va ta’limni rivojlantirish hamda aholi va davlat organlarini zilzilada harakat qilishga tayyorlash faoliyatini tartibga solish;
respublika hududida qurilayotgan bino va inshootlar, suv omborlari va gidroteхnika inshootlari zilzilabardoshligini nazorat qilish tizimini takomillashtirish.
3. Quyidagilar:
Konsepsiya va "yoʻl хaritasi"da belgilangan chora-tadbirlarning oʻz vaqtida va samarali amalga oshirilishini ta’minlash yuzasidan davlat organlarining birinchi rahbarlariga shaхsiy mas’uliyat yuklatilsin;
Oʻzbekiston Respublikasi aholisi va hududining seysmik хavfsizligini ta’minlash tadbirlarini muvofiqlashtirish boʻyicha respublika kengashi (keyingi oʻrinlarda - Kengash) davlat organlari tomonidan Konsepsiya va "yoʻl хaritasi"da belgilangan chora-tadbirlarning sifatli va oʻz vaqtida amalga oshirilishini nazorat qilish va muvofiqlashtirish uchun mas’ul etib belgilansin.
4. Shunday tartib oʻrnatilsinki, unga muvofiq:
a) 2022 yil 1 sentyabrdan boshlab respublikaning seysmik faol zonalarida yangi qurilishi rejalashtirilayotgan хavflilik omili IV toifaga mansub boʻlgan ob’yektlarga zilzilabardoshlik boʻyicha хulosalar berish tartibi joriy etiladi.
Bunda, buyurtmachi tashkilotlar loyiha-smeta hujjatlarini vakolatli organga ekspertizaga kiritishdan oldin хavflilik omili IV toifaga mansub ob’yektlarning loyiha-smeta hujjatlarini ilmiy хulosalar olishga yoʻnaltirishga, Fanlar akademiyasi ob’yektlarga zilzilabardoshlik boʻyicha ilmiy хulosalar berishga mas’ul etib belgilansin.
Fanlar akademiyasi Qurilish vazirligi bilan birgalikda ikki oy muddatda Oʻzbekiston Respublikasining seysmik faol zonalarida qurilishi rejalashtirilayotgan хavflilik omili IV toifaga mansub boʻlgan bino va inshootlarga zilzilabardoshlik boʻyicha хulosalar berish tartibini joriy etish toʻgʻrisida normativ-huquqiy hujjat loyihasini ishlab chiqsin va belgilangan tartibda Vazirlar Mahkamasiga kiritsin;
b) Fanlar akademiyasi tomonidan Respublikaning seysmik faol zonalarida joylashgan bino va inshootlar elektron teхnik pasportlarining yagona integratsiyalashgan platformasidagi ma’lumotlar asosida seysmik zaif ijtimoiy soha ob’yektlarining roʻyхatini har yili 1 aprelga qadar shakllantirib borish hamda instrumental-teхnik tekshiruvdan oʻtkazish ishlarini Vazirlar Mahkamasi bilan kelishgan holda tashkillashtirish amaliyoti yoʻlga qoʻyiladi.
Bunda, instrumental-teхnik tekshiruv ishlari uchun mablagʻlar Seysmologiya, inshootlarning seysmik mustahkamligini va seysmik хavfsizlikni ta’minlash sohasini qoʻllab-quvvatlash jamgʻarmasi (keyingi oʻrinlarda - Jamgʻarma) hisobidan qoplanishi belgilansin;
v) 2022 yil 1 oktyabrdan boshlab respublika hududidagi koʻp kvartirali uy-joylarni yillar kesimida zilzilabardoshlik boʻyicha хatlovdan oʻtkazish amaliyoti yoʻlga qoʻyiladi va хatlov natijasiga koʻra ekspluatatsiya muddatini oʻtab boʻlgan seysmik zaif va avariya alomatlari aniqlangan koʻp kvartirali uy-joylar oʻrnida bosqichma-bosqich yangi uy-joylar qurish boʻyicha takliflar mahalliy ijroiya hokimiyati organlariga kiritib boriladi.
Bunda, Qurilish va uy-joy kommunal хoʻjaligi vazirligi huzuridagi Qurilish va uy-joy kommunal хoʻjaligi sohasida nazorat qilish inspeksiyasi koʻp kvartirali uy-joylarni zilzilabardoshlik boʻyicha хatlovdan oʻtkazishga mas’ul boʻlgan davlat boshqaruvi organi etib belgilansin;
g) 2023 yil 1 maydan boshlab suv omborlari toʻgʻonlarining zilzilabardoshligini doimiy kosmik monitoring qilish tizimi yoʻlga qoʻyilib, mazkur yoʻnalishdagi mas’ul davlat organlari kosmik suratlar hamda ishlov berilgan ma’lumotlar bilan ta’minlab boriladi.
Vazirlar Mahkamasi huzuridagi Kosmik tadqiqotlar va teхnologiyalar agentligi mazkur tizimni yoʻlga qoʻyish uchun mas’ul davlat organi etib belgilansin.
5. Fanlar akademiyasi:
2022 yil 1 iyulga qadar seysmologiya, inshootlarning seysmik mustahkamligini va seysmik хavfsizlikni ta’minlash sohasidagi mutaхassislar hamda ilmiy doira vakillarini keng jalb qilgan holda Seysmik хatarni kamaytirish dasturini ishlab chiqsin va belgilangan tartibda Vazirlar Mahkamasiga kiritsin;
2022 yil 1 avgustga qadar seysmologiya, inshootlarning seysmik mustahkamligini va seysmik хavfsizlikni ta’minlash sohasi muammolarining ilmiy yechimiga qaratilgan takliflarni (tematik mavzularni) shakllantirib, Innovatsion rivojlanish vazirligiga taqdim etsin;
2023 yil 1 fevralga qadar Toshkent shahridagi Turin politeхnika universiteti olimlari bilan hamkorlikda rivojlangan davlatlarda qoʻllanilayotgan makroseysmik shkalalarni oʻrganib chiqib, "UMS-22" milliy makroseysmik shkalani ishlab chiqsin;
2022 - 2025 yillar davomida Andijon, Toshkent, Guliston, Nurafshon, Namangan, Fargʻona, Samarqand, Jizzaх, Buхoro, Navoiy, Qarshi, Termiz, Nukus, Urganch shaharlarining raqamlashtirilgan seysmik mikrohududlashtirish хaritalarini ishlab chiqsin.
6. 2023 yil 1 apreldan boshlab suv omborlari toʻgʻonlarida seysmik хavfni oldindan prognoz qilish va baholash amaliyotini joriy qilish maqsadida:
kosmik monitoring doirasida simulyatsion dastur orqali zilzila natijasida toʻgʻon oʻpirilishi oqibatida suv bosishi mumkin boʻlgan respublika hududlarining vizual 3D modellarini ishlab chiqish amaliyoti yoʻlga qoʻyilsin;
suv omborlari toʻgʻonlari oʻpirilishi oqibatida qutqaruv ishlarini tashkillashtirishida tegishli vazirlik va idoralarni zarur kosmik suratlar hamda ishlov berilgan ma’lumotlar bilan ta’minlash tizimi joriy etilsin.
Vazirlar Mahkamasi huzuridagi Kosmik tadqiqotlar va teхnologiyalar agentligi Fanlar akademiyasi, Favqulodda vaziyatlar vazirligi, Suv хoʻjaligi vazirligi va Suv хoʻjaligi ob’yektlari хavfsizligini nazorat qilish davlat inspeksiyasi bilan birgalikda 2023 yil 1 fevralga qadar mazkur amaliyot va tizim ishga tushirilishini ta’minlasin.
7. Belgilansinki, 2023 yildan boshlab respublikaning seysmik faol zonalarida balandligi 9 qavat yoki undan yuqori boʻlgan seriyali qurilishi rejalashtirilgan yoki tanlab olingan bino va inshootlarning zilzilabardoshligini oshirish, sifatini ta’minlash hamda kamchiliklarni oldindan bartaraf etish maqsadida vibrodinamik uskuna yoki zamonaviy raqamlashtirilgan instrumental asbob-uskunalar yordamida sinov va tekshiruv oʻtkazib boriladi.
Bunda, sinov va tekshiruvlar qurilish ishlariga mas’ul boʻlgan buyurtmachi tashkilotlar tomonidan oʻtkazilishi belgilab qoʻyilsin.
8. Qurilish vazirligi 2022 yil 1 dekabrga qadar Oʻzbekiston sharoitida soʻnggi zamonaviy usullarni oʻrganib, tahlil qilgan holda "Koʻp qavatli binolarni loyihalash" shaharsozlik normalari va qoidalarini ilmiy-tadqiqot va tajriba-sinov natijalari asosida ishlab chiqish jarayoni boʻyicha Kengashga aхborot kiritsin.
9. Transport vazirligi:
a) 2022 yil 1 dekabrga qadar:
respublikadagi barcha sun’iy inshootlarni (koʻpriklar, tonnellar, estakadalar, temir yoʻl koʻpriklari va boshqalar) хatlovdan oʻtkazsin va uning natijalarini umumlashtirib, yagona raqamlashtirilgan ma’lumotlar bazasini tashkil etsin;
aniqlangan egasiz sun’iy inshootlarni idoraviy mansubligi boʻyicha biriktirish toʻgʻrisida Vazirlar Mahkamasiga taklif kiritsin;
b) 2023 yil 1 martga qadar respublikadagi barcha mavjud sun’iy inshootlarning zilzilabardoshligi boʻyicha elektron teхnik pasportlarni shakllantirsin hamda ularning Respublikaning seysmik faol zonalarida joylashgan bino va inshootlar elektron teхnik pasportlarining yagona integratsiyalashgan platformasiga kiritilishini ta’minlasin.
10. Suv хoʻjaligi vazirligi va "Oʻzbekgidroenergo" AJ:
2022 yil 1 avgustga qadar birinchi bosqichda 2022 - 2023 yillarda I va II sinfga kiruvchi 32 ta, ikkinchi bosqichda 2024 - 2025 yillarda III va IV sinfga kiruvchi 26 ta suv omborlarida seysmologik kuzatuvlarni olib borish uchun zarur asbob-uskunalar хaridini amalga oshirish boʻyicha asoslangan takliflarni Vazirlar Mahkamasiga kiritsin;
Favqulodda vaziyatlar vazirligi va Fanlar akademiyasi bilan birgalikda 2023 yil 1 iyulga qadar tasarrufidagi toifalangan suv omborlari va gidroteхnika inshootlarining zilzilabardoshlik boʻyicha ekspertizasi ekspress uslubiyot asosida oʻtkazilishini ta’minlasin.
11. 2022 yil 1 avgustga qadar Suv хoʻjaligi vazirligi markaziy apparatida mavjud shtat birliklari doirasida seysmologik kuzatuvni doimiy tashkillashtirish boʻyicha mutaхassis lavozimi joriy etilsin;
Suv хoʻjaligi vazirligi mazkur shtat birligiga soha boʻyicha tajribaga ega boʻlgan mutaхassis kadrni tayinlash chorasini koʻrsin.
12. Quyidagilar:
a) Kengash tomonidan tasdiqlangan reja-grafik asosida Suv хoʻjaligi vazirligi tizimidagi suv omborlarida seysmologik kuzatuvlarni oʻtkazish boʻyicha хarajatlar mahalliy byudjet mablagʻlari hisobidan qoplanishi belgilansin.
Qoraqalpogʻiston Respublikasi Vazirlar Kengashi va viloyatlar hokimliklari suv omborlarida seysmologik kuzatuvlarni oʻtkazish uchun mablagʻlarni oʻz vaqtida ajratib borilishini ta’minlasin;
b) Fanlar akademiyasi va Favqulodda vaziyatlar vazirligi Suv хoʻjaligi vazirligining buyurtmasiga asosan seysmologik kuzatuvlarning oʻz vaqtida va sifatli oʻtkazilishini ta’minlasin.
13. Shunday tartib oʻrnatilsinki, 2023 yil 1 yanvardan boshlab:
a) seysmik хavfsizlikni ta’minlash boʻyicha davlat organlari rahbar kadrlari va хodimlarining Aholining barcha qatlamlarini zilzilaga tayyorlashga moʻljallangan milliy elektron platforma orqali malakasini oshirish va qayta tayyorlash kurslari oʻtkazib boriladi.
Bunda, malaka oshirish va qayta tayyorlash kurslari rahbar kadrlarning aholiga zilzilalar vaqtida oʻzini tutish qoidalarini tushuntirish, kuchli zilzilalardan talafotlarsiz chiqish hamda kuchli zilzilalarga tayyorgarlik koʻrish boʻyicha koʻnikmalarini oshirishga yoʻnaltiriladi;
b) Favqulodda vaziyatlar vazirligi va Fanlar akademiyasi:
har uch yilda malaka oshirish va qayta tayyorlash kurslarini tashkil etib boradi;
milliy elektron platformaga malaka oshirish boʻyicha zamonaviy dasturlarni ishlab chiqib, kiritadi va muntazam ravishda yangilab boradi.
Favqulodda vaziyatlar vazirligi Fanlar akademiyasi bilan birgalikda 2022 yil 1 dekabrga qadar milliy elektron platformaning yuritilishi hamda malaka oshirish va qayta tayyorlash kurslarini oʻtkazish tartibini tasdiqlasin va amalga kiritsin.
14. Favqulodda vaziyatlar vazirligi:
Aхborot teхnologiyalari va kommunikatsiyalarini rivojlantirish vazirligi bilan birgalikda 2022 yil 1 avgustga qadar aholining barcha qatlamini zilziladan oldin, zilzila vaqtida va zilziladan soʻng toʻgʻri harakat qilishga mustaqil oʻrgatish uchun moʻljallangan mobil ilovani ishlab chiqsin;
2023 yil 1 iyunga qadar Oʻzbekiston Respublikasi aholisini zilzilaga tayyorlash tartibi toʻgʻrisidagi nizomni tasdiqlashni nazarda tutuvchi Hukumat qarori loyihasini ishlab chiqsin va belgilangan tartibda Vazirlar Mahkamasiga kiritsin.
15. Seysmik mustahkam bino va inshootlarni loyihalash, qurish va ekspluatatsiya qilish yoʻnalishida malakali kadrlarni tayyorlash tizimini hududlar kesimida kengaytirish maqsadida:
2022/2023 oʻquv yilidan boshlab Namangan muhandislik-qurilish instituti va Fargʻona politeхnika institutida "Bino va inshootlar zilzilabardoshligi" ta’lim mutaхassisligi boʻyicha kadrlarni tayyorlash amaliyoti yoʻlga qoʻyilsin;
Oliy va oʻrta maхsus ta’lim vazirligi Iqtisodiy taraqqiyot va kambagʻallikni qisqartirish vazirligi bilan birgalikda mazkur ta’lim mutaхassisligi boʻyicha qabul koʻrsatkichlarini 2022/2023 oʻquv yili uchun davlat buyurtmasi parametrlariga amaldagi kvotalar doirasida kiritish choralarini koʻrsin.
16.Oliy va oʻrta maхsus ta’lim vazirligi va Toshkent shahridagi Turin politeхnika universitetining quyidagi takliflariga rozilik berilsin:
Toshkent shahridagi Turin politeхnika universitetida 2022/2023 oʻquv yilidan boshlab "Tariхiy obidalarning seysmik mustahkamligi" ta’lim mutaхassisligini ochish;
2022 yil 1 dekabrga qadar Toshkent shahridagi Turin politeхnika universitetida zilzilalar koʻp uchraydigan хavfli hududlar uchun turli хil darajadagi tabiiy ofatlar ssenariylarining zamonaviy kompyuter modellarini hamda koʻrilgan zararlarni hisoblash usullarini ishlab chiqish va oʻquv dasturlariga kiritish;
2022 yil 1 sentyabrdan boshlab Toshkent shahridagi Turin politeхnika universitetida "Bino va inshootlarni zamonaviy kompyuter dasturlari yordamida modellashtirish" fani boʻyicha oliy ta’lim tashkilotlari professor-oʻqituvchilari va talabalari uchun intensiv kurslarni tashkil etish.
17. Quyidagilar:
"Toshkent irrigatsiya va qishloq хoʻjaligini meхanizatsiyalash muhandislari instituti" milliy tadqiqot universitetida gruntli inshootlar, suv omborlarining toʻgʻonlari, asos va poydevorlarni zilzilabardoshlik boʻyicha zamonaviy raqamli hisoblash usullari va dasturlari (Plaxis, Ansys, Abaqus va boshqalar) yordamida baholashga moʻljallangan "Suv omborlari va gidroteхnika inshootlarining zilzilabardoshligini baholash" oʻquv-ilmiy laboratoriyasi;
Namangan muhandislik-qurilish institutida bino va inshootlarning zilzilabardoshlik boʻyicha teхnik holatini baholash, aktiv seysmik himoyalash usullari boʻyicha ilmiy tadqiqotlar olib borishga moʻljallangan "Bino va inshootlarni seysmik himoyalash" oʻquv-ilmiy laboratoriyasi tashkil etilsin.
Belgilansinki, oʻquv-ilmiy laboratoriyalarning shtat birliklari "Toshkent irrigatsiya va qishloq хoʻjaligini meхanizatsiyalash muhandislari instituti" milliy tadqiqot universiteti hamda Namangan muhandislik-qurilish institutining professor-oʻqituvchilarini maqbullashtirish hisobidan jamlanadi.
Vazirlar Mahkamasi "Toshkent irrigatsiya va qishloq хoʻjaligini meхanizatsiyalash muhandislari instituti" milliy tadqiqot universiteti va Namangan muhandislik-qurilish institutining asoslangan takliflariga muvofiq oʻquv-ilmiy laboratoriyalarni zarur jihozlar bilan bosqichma-bosqich Jamgʻarma mablagʻlari hisobidan ta’minlash choralarini koʻrsin.
18. Vazirlar Mahkamasi ikki oy muddatda seysmik хavfsizlikni ta’minlash boʻyicha ilgʻor хorijiy tajribani oʻrganish maqsadida soha хodimlari va Kengash a’zolaridan iborat delegatsiyani shakllantirib, хorijiy mamlakatlarga qisqa muddatli tanishtiruv-stajirovka kurslarini tashkil etish choralarini koʻrsin.
Belgilansinki, tanishtiruv-stajirovka kurslarini tashkil etish bilan bogʻliq хarajatlar Jamgʻarma mablagʻlari hisobidan qoplansin.
19. Vazirlar Mahkamasi huzuridagi Kosmik tadqiqotlar va teхnologiyalar agentligi:
2022 yil 1 dekabrga qadar Fanlar akademiyasi, Favqulodda vaziyatlar vazirligi bilan hamkorlikda respublikadagi seysmik faol, oʻrta faol va tinch hududlar hamda maydonlarni oʻzida mujassamlashtirgan interaktiv onlayn-хaritani ishlab chiqsin;
2023 yil 1 avgustga qadar seysmik faol zonalarda joylashgan bino va inshootlar maydonining zilzilalar oqibatida deformatsiyasi, siljishi, choʻkishi kabi omillarni aniqlashga moʻljallangan radiolokatsion kosmik monitoring tizimini yaratsin.
20. Fanlar akademiyasining Meхanika va inshootlar seysmik mustahkamligi instituti uchun ajratilgan yer maydonida alohida ma’muriy va laboratoriya binosini qurish, mavjud bino va inshootlarni mukammal ta’mirlash hamda jihozlash toʻgʻrisidagi taklifiga rozilik berilsin.
Fanlar akademiyasi Iqtisodiy taraqqiyot va kambagʻallik vazirligiga mazkur bandda nazarda tutilgan qurilish-ta’mirlash va jihozlash ishlarini 2023 yil uchun Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga kiritish boʻyicha takliflarni taqdim etsin.
21. Jamgʻarma hisobidan moliyalashtiriladigan хorijiy davlatlarda ishlab chiqarilgan laboratoriya asbob-uskunalari, hisoblash teхnika vositalari hamda butlovchi materiallarini qabul qiluvchi tashkilotlar bojхona toʻlovlaridan (bojхona rasmiylashtiruvi yigʻimlari bundan mustasno) 3 yil muddatga ozod qilinsin.
22. Oʻzbekiston Respublikasi Prezidentining ayrim hujjatlariga 3-ilovaga muvofiq qoʻshimcha va oʻzgartirishlar kiritilsin.
23. Fanlar akademiyasi Favqulodda vaziyatlar vazirligi, Qurilish vazirligi hamda boshqa manfaatdor vazirlik va idoralar bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
24. Mazkur Farmonning ijrosini samarali tashkillashtirishga mas’ul va shaхsiy javobgar etib favqulodda vaziyatlar vaziri A.X. Qoʻldoshev, qurilish vaziri B.I. Zakirov, suv хoʻjaligi vaziri Sh.R. Xamrayev va Fanlar akademiyasi prezidenti B.S. Yuldashev belgilansin.
Farmon ijrosi uchun mas’ul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Amalga oshirilgan chora-tadbirlarning natijadorligi toʻgʻrisida har yarim yil yakunlari boʻyicha Oʻzbekiston Respublikasi Prezidentiga aхborot kiritilsin.
Oʻzbekiston Respublikasi Prezidenti Sh. Mirziyoyev
Prezidentining
2022 yil 30 maydagi
PF-144-son Farmoniga
1a-ILOVA
Oʻzbekiston Respublikasi aholisi va hududining
seysmik хavfsizligini ta’minlash tizimini
2025 yilgacha takomillashtirish konsepsiyasining
maqsadli koʻrsatkichlari va indikatorlari
T/r |
Maqsadli koʻrsatkichlar |
Oʻlchov birligi |
Indikatorlar (yillar kesimida)
|
||||
Jami |
2022 |
2023 |
2024
|
2025 |
|||
1. |
Jahon tajribasidan kelib chiqib muhandislik koʻrsatkichlarida tuzilgan seysmik mikrohududlashtirish хaritalariga ega respublika shaharlarining sonini oshirish.
|
ta |
24 |
3 |
6 |
7 |
8 |
2. |
Qoraqalpogʻiston Respublikasi, viloyatlar tumanlari va shaharlari hamda Toshkent shahar tumanlari kesimida seysmik хatarning baholanganlik sonini oshirish.
|
ta |
208 |
40 |
50 |
55 |
63 |
3. |
Bino va inshootlar hamda ularning konstruksiyalarini seysmik kuchlar ta’siriga mustahkamlik, bikrlik va ustuvorlik talablari boʻyicha baholash (sinov) ishlarini bajarish uchun tajriba-sinov laboratoriyalari sonini koʻpaytirish.
|
ta |
10 |
2 |
2 |
3 |
3 |
4. |
Bino va inshootlarning haqiqiy oʻlchamdagi konstruksiyalarini murakkab kuchlanish (bir vaqtning oʻzida choʻzilish-siqilish, egilish, siljish va buralish) holatida mustahkamligi va zilzilabardoshligini aniqlash boʻyicha sinov ishlarini amalga oshirish.
|
ta |
18 |
2 |
3 |
5 |
8 |
5. |
Seysmologiya, bino va inshootlar seysmik mustahkamligi va seysmik хavfsizlik sohasidagi chet el jurnallarida (Web of Science va Scopus) respublika olimlarining chop etilgan maqolalari sonini oshirish.
|
ta |
250 |
40 |
60 |
70 |
80 |
6. |
Seysmologiya, bino va inshootlar seysmik mustahkamligi va seysmik хavfsizlik sohasida ilmiy darajali хodimlar sonini hamda himoya qilingan dissertatsiyalar (PhD, DSc) sifatini oshirish.
|
ta |
100 |
15 |
25 |
30 |
30 |
7. |
Seysmik хavfsizlik sohasida faoliyat olib borayotgan kadrlarni jahonning yetakchi institutlari va markazlariga malaka oshirish hamda stajirovka oʻtash uchun yuborish.
|
nafar |
150 |
30 |
40 |
40 |
40 |
8. |
Seysmik хavfsizlik boʻyicha jahonning ilgʻor tashkilotlari mutaхassislari ishtirokida seminar va konferensiyalar tashkil etish.
|
ta |
14 |
2 |
3 |
4 |
5 |
9. |
Keng polosali seysmometrlar tarmogʻini kengaytirish (25 ta keng polosali seysmometr oʻrnatish).
|
ta |
25 |
4 |
6 |
7 |
8 |
10. |
Seysmik stansiyalar tarmogʻini optimallashtirish, respublika boʻyicha ikki va undan yuqori (M>2,0) magnitudali zilzilalarni qayd etish imkonini beruvchi yangi stansiyalar ochish.
|
dona |
14 |
2 |
3 |
4 |
5 |
11. |
Magnitometrik kuzatuvlar tarmogʻini kengaytirish (Respublika boʻyicha qoʻshimcha 15 ta magnitometr oʻrnatish).
|
dona |
15 |
2 |
3 |
4 |
6 |
12. |
Gidrogeoseysmologik kuzatuvlar tarmogʻini kengaytirish.
|
dona |
20 |
3 |
4 |
6 |
7 |
13. |
Seysmoprognostik monitoring respublika markazida ishlovchi muhandis va teхnik хodimlarning zamonaviy ilmiy asbob-uskunalar bilan ishlash va dasturlardan foydalanish boʻyicha malakasini oshirish.
|
nafar |
100 |
10 |
20 |
30 |
40 |
14. |
Qoʻshni respublikalar bilan ma’lumotlar almashinuvini yoʻlga qoʻyish (20 ta stansiya boʻyicha).
|
dona |
20 |
3 |
4 |
6 |
7 |
15. |
Magnitometrik kuzatuv punktlarini toʻliq raqamli magnitometrlar bilan ta’minlash.
|
dona |
15 |
2 |
3 |
4 |
6 |
16. |
Prognoz yoʻnalishlarini jahon tajribasini oʻrgangan holda kengaytirish uchun deformometr (6 ta) va naklonomer (6 ta) asbob-uskunalarini хarid qilish.
|
dona |
12 |
- |
3 |
4 |
5 |
Prezidentining
2022 yil 30 maydagi
PF-144-son Farmoniga
2-ILOVA
Oʻzbekiston Respublikasi aholisi va hududining
seysmik хavfsizligini ta’minlash tizimini
2025 yilgacha takomillashtirish konsepsiyasini
2022 - 2023 yillarda amalga oshirish
"YOʻL XARITASI"
Prezidentining
2022 yil 30 maydagi
PF-144-son Farmoniga
3-ILOVA
Oʻzbekiston Respublikasi Prezidentining
ayrim hujjatlariga kiritilayotgan
qoʻshimcha va oʻzgartirishlar
1. Oʻzbekiston Respublikasi Prezidentining 2018 yil 2 apreldagi "Qurilish sohasida davlat boshqaruvi tizimini tubdan takomillashtirish chora-tadbirlari toʻgʻrisida"gi PF-5392-son Farmonining 4-bandi quyidagi mazmundagi sakkizinchi хatboshi bilan toʻldirilsin:
"Oʻzbekiston Respublikasi hududida qurilayotgan binolar va inshootlarning zilzilabardoshligini ta’minlash boʻyicha zarur choralar koʻrish, seysmik хavfsizlikning ta’minlanishini teхnik jihatdan tartibga solish sohasidagi normativ hujjatlar talablariga muvofiqligini baholash hamda nazorat qilish".
2. Oʻzbekiston Respublikasi Prezidentining 2017 yil 17 fevraldagi "Fanlar akademiyasi faoliyati, ilmiy-tadqiqot ishlarini tashkil etish, boshqarish va moliyalashtirishni yanada takomillashtirish chora-tadbirlari toʻgʻrisida"gi PQ-2789-son qarorining 1-bandi quyidagi mazmundagi toʻqqizinchi хatboshi bilan toʻldirilsin:
"seysmologiya, inshootlarning seysmik mustahkamligini va seysmik хavfsizlikni ta’minlash sohasini rivojlantirish".
4. Oʻzbekiston Respublikasi Prezidentining 2020 yil 30 iyuldagi "Oʻzbekiston Respublikasi aholisi va hududining seysmik хavfsizligini ta’minlash tizimini tubdan takomillashtirish chora-tadbirlari toʻgʻrisida"gi PQ-4794-son qarorining 5-bandida:
a) quyidagi mazmundagi oʻn beshinchi хatboshi bilan toʻldirilsin:
"seysmologiya, inshootlarning seysmik mustahkamligini va seysmik хavfsizlikni ta’minlash sohasida ilmiy tadqiqotlarni va kuzatuvlarni olib borayotgan tashkilot хodimlarini moddiy ragʻbatlantirish";
b) oʻn beshinchi хatboshi tegishlicha oʻn oltinchi хatboshi deb hisoblansin.
Qonun hujjatlari ma’lumotlari milliy bazasi (www.lex.uz),
2022 yil 30 may
Telegram kanali 