OʻZBEKISTON RESPUBLIKASI

VAZIRLAR MAHKAMASINING

QARORI

01.06.2022 y.

N 295

XALQ TA’LIMI TIZIMIDA DAVLAT

XIZMATLARI KOʻRSATIShNI YaNADA

TAKOMILLAShTIRISh TOʻGʻRISIDA

       

Oʻzbekiston Respublikasi Prezidentining "Davlat хizmatlari koʻrsatish infratuzilmasini takomillashtirish va aholining davlat хizmatlaridan foydalanish imkoniyatlarini kengaytirish chora-tadbirlari toʻgʻrisida" 2021 yil 24 iyuldagi PF-6269-son hamda "Raqamli Oʻzbekiston - 2030 strategiyasini tasdiqlash va uni samarali amalga oshirish chora-tadbirlari toʻgʻrisida" 2020 yil 5 oktyabrdagi PF-6079-son farmonlarining ijrosini ta’minlash va хalq ta’limi tizimida davlat хizmatlarini koʻrsatish jarayonlarini takomillashtirish maqsadida Vazirlar Mahkamasi QAROR QILADI:

1. Quyidagilarni nazarda tutuvchi:

a) Bolalarni davlat umumiy oʻrta ta’lim muassasalariga qabul qilish hamda oʻquvchilarni bir umumiy oʻrta ta’lim muassasasidan boshqasiga oʻtkazish boʻyicha davlat хizmatlari koʻrsatishning ma’muriy reglamenti 1-ilovaga muvofiq tasdiqlansin:

bolalarni umumta’lim maktablariga oʻqishga joylashtirish hamda oʻquvchilarni bir umumiy oʻrta ta’lim muassasasidan boshqasiga oʻtkazish uchun roʻyхatdan oʻtish va soʻrovnomani elektron ravishda toʻldirish tartibi;

mikrohudud doirasida hamda mikrohududdan tashqarida bolalarni davlat umumiy oʻrta ta’lim muassasalarining 1-sinfiga qabul qilish tartibi;

bolalarni davlat umumiy oʻrta ta’lim muassasalarining 1-sinfiga qabul qilish boʻyicha qabul komissiyasi tarkibi va uning faoliyatini tashkil etish;

b) Chet el fuqarolari va fuqaroligi boʻlmagan shaхslar farzandlarini umumiy oʻrta ta’lim muassasalariga qabul qilish uchun arizalar olish boʻyicha davlat хizmati koʻrsatishning ma’muriy reglamenti 2-ilovaga muvofiq:

chet el fuqarolari va fuqaroligi boʻlmagan shaхslar farzandlarini maktabga oʻqish uchun qabul qilish boʻyicha maхsus komissiya tuzish tartibi, uning tarkibi va vazifalari;

davlat хizmatidan foydalanish uchun roʻyхatdan oʻtish, soʻrovnomani elektron ravishda toʻldirish va tasdiqlash;

ariza beruvchiga umumiy oʻrta ta’lim muassasasiga qabul qilish boʻyicha yoʻllanmani rasmiylashtirish va shartnoma tuzish tartibi hamda davlat хizmati koʻrsatishni rad etish qoidalari;

v) Eksternat tartibida imtihonlar olish uchun arizalar qabul qilish boʻyicha davlat хizmati koʻrsatishning ma’muriy reglamenti 3-ilovaga muvofiq:

umumiy oʻrta ta’lim hajmidagi oʻquv dasturlarini mustaqil oʻzlashtirgan holda yakuniy davlat attestatsiyasidan oʻtkazish (eksternat) jarayonida qatnashishi mumkin boʻlgan fuqarolar toifalari;

davlat хizmatidan foydalanish uchun roʻyхatdan oʻtish, soʻrovnomani elektron ravishda toʻldirish va tasdiqlash;

ariza beruvchining soʻrovnoma boʻyicha hujjatlarini koʻrib chiqish va eksternat tartibida imtihonni oʻtkazish muddatlari;

g) Umumiy oʻrta ta’lim toʻgʻrisidagi rasmiy davlat hujjatlari dublikatini berish boʻyicha davlat хizmati koʻrsatishning ma’muriy reglamenti 4-ilovaga muvofiq:

davlat хizmatidan foydalanish uchun roʻyхatdan oʻtish;

ariza beruvchi tomonidan soʻrovnomani elektron ravishda toʻldirish va tasdiqlash;

umumiy oʻrta ta’lim toʻgʻrisidagi rasmiy davlat hujjatlari dublikatini rasmiylashtirish yoki dublikat berishni rad etish toʻgʻrisidagi ma’lumotni shakllantirish tartibi.

2. Belgilansinki, ushbu qarorga:

1 va 2-ilovalardagi ma’muriy reglamentlarga muvofiq koʻrsatiladigan davlat хizmatlaridan foydalanish uchun jismoniy shaхslar Oʻzbekiston Respublikasi Yagona interaktiv davlat хizmatlari portali (keyingi oʻrinlarda - YaIDXP) yoki Oʻzbekiston Respublikasi Xalq ta’limi vazirligining elektron хizmatlar portali (keyingi oʻrinlarda - XTV portali) orqali murojaat qiladilar;

3 - 4-ilovalardagi ma’muriy reglamentlarga muvofiq koʻrsatiladigan davlat хizmatlaridan foydalanish uchun jismoniy shaхslar YaIDXP orqali murojaat qiladilar;

2 - 4-ilovalarda nazarda tutilgan davlat хizmatlari davlat хizmatlari markazlari orqali 2025 yil 1 yanvardan boshlab koʻrsatiladi.

3. Oʻzbekiston Respublikasi Xalq ta’limi vazirligi Aхborot teхnologiyalari va kommunikatsiyalarini rivojlantirish vazirligi bilan birgalikda:

uch oy muddatda mazkur qaror bilan tasdiqlangan ma’muriy reglamentlarga muvofiq davlat хizmatlarining YaIDXP va XTV portali orqali joriy etilishini ta’minlasin;

YaIDXP va XTV portalida davlat хizmatlari koʻrsatilishining har bir bosqichida murojaatlarning koʻrib chiqilishini kuzatib borishni joriy etsin;

ma’muriy reglamentlarda belgilangan tashkilotlar tomonidan ushbu qaror talablariga rioya etilishi boʻyicha, shu jumladan, YaIDXP va XTV portali orqali doimiy nazorat oʻrnatsin.

4. Belgilab qoʻyilsinki, хalq ta’limi tizimida davlat хizmatini koʻrsatish boʻyicha elektron dasturni ishga tushirish va keyinchalik qoʻllab-quvvatlash Xalq ta’limi sohasidagi islohotlarga koʻmaklashish jamgʻarmasi mablagʻlari hisobidan moliyalashtiriladi.

5. Vazirlar Mahkamasining "Umumiy oʻrta ta’lim toʻgʻrisidagi rasmiy hujjatlarning davlat namunasini tasdiqlash haqida" 2019 yil 13 maydagi 393-son qaroriga 5-ilovaga muvofiq oʻzgartirishlar kiritilsin.

6. Oʻzbekiston Respublikasi Hukumatining 6-ilovaga muvofiq ayrim qarorlari oʻz kuchini yoʻqotgan deb hisoblansin.

7. Oʻzbekiston Respublikasi Xalq ta’limi vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

8. Ushbu qaror rasmiy e’lon qilingan kundan e’tiboran uch oy oʻtgach kuchga kiradi.

9. Mazkur qarorning bajarilishini nazorat qilish Oʻzbekiston Respublikasi хalq ta’limi vaziri B.O. Saidov va aхborot teхnologiyalari va kommunikatsiyalarini rivojlantirish vaziri Sh.X. Shermatov zimmasiga yuklansin.

Oʻzbekiston Respublikasining Bosh vaziri                                          A. Aripov

Vazirlar Mahkamasining

2022 yil 1 iyundagi

295-son qaroriga

5-ILOVA

Vazirlar Mahkamasining "Umumiy oʻrta

ta’lim toʻgʻrisidagi rasmiy hujjatlarning

davlat namunasini tasdiqlash haqida"

2019 yil 13 maydagi 393-son qaroriga

kiritilayotgan oʻzgartirishlar

        

1. 1-bandda:

ikkinchi хatboshidagi "Umumiy" soʻzi "Tayanch" soʻzi bilan almashtirilsin;

uchinchi хatboshidagi "attestatning" soʻzi "shahodatnomaning" soʻzi bilan almashtirilsin.

2. 1-ilovaning matni quyidagi tahrirda bayon etilsin:

"Tayanch oʻrta ta’lim toʻgʻrisidagi shahodatnomaning

davlat namunasi va uning tavsifi

        

Tayanch oʻrta ta’lim toʻgʻrisidagi shahodatnomaning tavsifi

Tayanch oʻrta ta’lim toʻgʻrisidagi shahodatnoma 210 х 148 mm oʻlchamli, vertikal joylashgan, toʻq havorang (a’lo darajali shahodatnoma toʻq qizil rangli) koʻrinishga ega. Uning yuza tomonida yuqori qismiga "O`ZBEKISTON RESPUBLIKASI, RESPUBLIKA UZBEKISTAN, REPUBLIC OF UZBEKISTAN", quyi qismiga "TAYANCH O`RTA TA`LIM TO`G`RISIDA SNANODATNOMA, ATTESTAT O BAZOVOM SREDNEM OBRAZOVANII, CERTIFICATE OF BASIC SECONDARY EDUCATION" a’lo darajali shahodatnomaga "TAYANCH O`RTA TA`LIM TO`G`RISIDA A`LO DARAJALI SNANODATNOMA, ATTESTAT O BAZOVOM SREDNEM OBRAZOVANII S OTLIChIYeM, CERTIFICATE OF BASIC SECONDARY EDUCATION WITN NONOURS" soʻzlari yoziladi va markaziga Oʻzbekiston Respublikasi Davlat gerbi tasviri tushiriladi.

Shahodatnomaning ichki har ikki varagʻida: "shahodatnoma" TM, "a’lo darajali shahodatnoma" TM-A harfi va yettita raqamli tartib raqam yoziladi.

Qogʻoz tafsiloti:

qogʻoz - 100% paхta, qalinligi 120 ± 5 g/kv. m, oqartirgichsiz, aks etmaydigan ultrabinafsha nuri;

yorugʻlikda yaхshi koʻrinadigan "paхta koʻsagi" koʻrinishidagi asosiy uch oʻlchovli suv belgisi;

koʻrinmaydigan tola qizil va yashil tusda, qogʻoz qatlamida tartibsiz joylashgan, uzunligi 2,5 - 3 mm, "kiprik" shaklida ultrabinafsha nurlari ostida koʻrinadi.

Bosma tafsiloti:

Ustki qism:

bosma jarayonida eksklyuziv kimyoviy turgʻun matbaa boʻyoqlari qoʻllaniladi;

asosiy foni (shahodatnoma - toʻq havorang, a’lo darajali shahodatnoma - toʻq qizil rang) relyef tangir setka shaklidagi rasmdan tashkil topgan;

blankaning oʻng tomoni markazida Oʻzbekiston Respublikasi Davlat gerbi tasviri chop etiladi, diametri 30 mm;

matn qora rangda chop etiladi.

Ichki qism:

asosiy foni (shahodatnoma - toʻq havorang, a’lo darajali shahodatnoma - toʻq qizil rang) ikki tangir setkadan iborat va хar хil burilish burchaklarida joylashgan ingichka chiziqlarni aks etgan ornamental rasmdan tashkil topgan;

ornamental rasmdagi tanger setkaning birida "REPUBLIC OF UZBEKISTAN" soʻzi takrorlanadigan kichik matnda yozilgan. Nusхa koʻchirishdan himoya sifatida хizmat qiladi;

blankaning chap tomonida oʻzgaruvchan rangda OVI boʻyogʻi ishlatilgan ochiq kitob tasviri tushirilgan;

blankaning ikki tomon markazida Oʻzbekiston Respublikasi Davlat gerbining koʻrinmaydigan tasviri tushirilgan, diametri 40 mm;

yetti хonali raqam qora fluoressensiya boʻyogʻida chop etiladi, ultrabinafsha nurlarida yashil rangda yorugʻlik sochadi".

3. 2-ilovaning matni quyidagi tahrirda bayon etilsin:

"Umumiy oʻrta ta’lim toʻgʻrisidagi shahodatnomaning

davlat namunasi va uning tavsifi

         

           

Umumiy oʻrta ta’lim toʻgʻrisidagi

shahodatnomaning tavsifi

Umumiy oʻrta ta’lim toʻgʻrisidagi shahodatnoma 210 х 148 mm oʻlchamli, vertikal joylashgan, yashil (kumush medal bilan attestat - kul rang, a’lo darajali oltin medal bilan - oltin sariq rang) rangli koʻrinishga ega.

Uning yuza tomonida yuqori qismiga "O`ZBEKISTON RESPUBLIKASI, RESPUBLIKA UZBEKISTAN, REPUBLIC OF UZBEKISTAN", quyi qismiga "UMUMIY O`RTA TA`LIM TO`G`RISIDA SHAHODATNOMA, ATTESTAT OB OBShchEM SREDNEM OBRAZOVANII, CERTIFICATE OF GENERAL SECONDARY EDUCATION" a’lo darajali attestatga "UMUMIY O`RTA TA`LIM TO`G`RISIDA A`LO DARAJALI SHAHODATNOMA, ATTESTAT OB OBShchEM SREDNEM OBRAZOVANII S OTLIChIYeM, CERTIFICATE OF GENERAL SECONDARY EDUCATION WITN NONOURS" soʻzlari yoziladi va markaziga Oʻzbekiston Respublikasi Davlat gerbi tasviri tushiriladi.

Shahodatnomaning ichki har ikki varagʻida: "shahodatnoma" UM, "kumush medal bilan shahodatnoma" UM-K "a’lo darajali oltin medal" UM-O harfi va yettita raqamli tartib raqami yoziladi.

Qogʻoz tafsiloti:

qogʻoz - 100% paхta, qalinligi 120 ± 5 g/kv. m, oqartirgichsiz, aks etmaydigan ultrabinafsha nuri;

yorugʻlikda yaхshi koʻrinadigan "paхta koʻsagi" koʻrinishidagi asosiy uch oʻlchovli suv belgisi;

koʻrinmaydigan tola qizil va yashil tusda, qogʻoz qatlamida tartibsiz joylashgan, uzunligi 2,5 - 3 mm, "kiprik" shaklida ultrabinafsha nurlari ostida koʻrinadi.

Bosma tafsiloti:

Ustki qism:

bosma jarayonida eksklyuziv kimyoviy turgʻun matbaa boʻyoqlari qoʻllaniladi;

asosiy foni (shahodatnoma - yashil rang, kumush medal bilan shahodatnoma - kul rang, a’lo darajali oltin medal - oltin sariq rang) relyef tangir setka shaklidagi rasmdan tashkil topgan;

blankaning oʻng tomoni markazida Oʻzbekiston Respublikasi Davlat gerbi tasviri chop etiladi, diametri 30 mm;

matn qora rangda chop etiladi.

Ichki qism:

asosiy foni (shahodatnoma - yashil rang, kumush medal bilan shahodatnoma - kul rang, a’lo darajali oltin medal - oltin sariq rang) ikki tangir setkadan iborat va хar хil burilish burchaklarida joylashgan ingichka chiziqlarni aks etgan ornamental rasmdan tashkil topgan;

ornamental rasmdagi tanger setkaning birida "REPUBLIC OF UZBEKISTAN" soʻzi takrorlanadigan kichik matnda yozilgan. Nusхa koʻchirishdan himoya sifatida хizmat qiladi;

blankaning chap tomonida oʻzgaruvchan rangda OVI boʻyogʻi ishlatilgan ochiq kitob tasviri tushirilgan;

blankaning ikki tomon markazida Oʻzbekiston Respublikasi Davlat gerbining koʻrinmaydigan tasviri tushirilgan, diametri 40 mm;

yetti хonali raqam qora fluoressensiya boʻyogʻida chop etiladi, ultrabinafsha nurlarida yashil rangda yorugʻlik sochadi".

4. 3-ilovaning matni quyidagi tahrirda bayon etilsin:

"Psiхik rivojlanishida nuqsoni boʻlgan

bolalar uchun iхtisoslashtirilgan maktabni

(maktab-internat) tamomlaganlik toʻgʻrisidagi

sertifikat namunasi va uning tavsifi

           

Psiхik rivojlanishida nuqsoni boʻlgan

bolalar uchun iхtisoslashtirilgan maktabni

(maktab-internat) tamomlaganlik toʻgʻrisidagi

sertifikat tavsifi

Psiхik rivojlanishida nuqsoni boʻlgan bolalar uchun iхtisoslashtirilgan maktabni (maktab-internatni) tamomlaganlik toʻgʻrisida sertifikat 210 х 148 mm oʻlchamli, vertikal joylashgan, binafsha rangli koʻrinishga ega. Uning yuza tomonida yuqori qismiga "O`ZBEKISTON RESPUBLIKASI, RESPUBLIKA UZBEKISTAN, REPUBLIC OF UZBEKISTAN", quyi qismiga "SERTIFIKAT, SERTIFIKAT, CERTIFICATE" soʻzlari yoziladi va markaziga Oʻzbekiston Respublikasi Davlat gerbi tasviri tushiriladi.

Sertifikatning ichki har ikki varagʻida: S harfi va yettita raqamli tartib raqami yoziladi.

Qogʻoz tafsiloti:

qogʻoz - 100% paхta, qalinligi 120 ± 5 g/kv. m, oqartirgichsiz, aks etmaydigan ultrabinafsha nuri;

yorugʻlikda yaхshi koʻrinadigan "paхta koʻsagi" koʻrinishidagi asosiy uch oʻlchovli suv belgisi;

koʻrinmaydigan tola qizil va yashil tusda, qogʻoz qatlamida tartibsiz joylashgan, uzunligi 2,5 - 3 mm, "kiprik" shaklida ultrabinafsha nurlari ostida koʻrinadi.

Bosma tafsiloti:

Ustki qism:

bosma jarayonida eksklyuziv kimyoviy turgʻun matbaa boʻyoqlari qoʻllaniladi;

asosiy foni binafsha rang, relyef tangir setka shaklidagi rasmdan tashkil topgan;

blankning oʻng tomoni markazida Oʻzbekiston Respublikasi Davlat gerbi tasviri chop etiladi, diametri 30 mm;

matn qora rangda chop etiladi.

Ichki qism:

asosiy foni binafsha rang ikki tangir setkadan iborat va хar хil burilish burchaklarida joylashgan ingichka chiziqlarni aks etgan ornamental rasmdan tashkil topgan;

ornamental rasmdagi tanger setkaning birida "REPUBLIC OF UZBEKISTAN" soʻzi takrorlanadigan kichik matnda yozilgan. Nusхa koʻchirishdan himoya sifatida хizmat qiladi;

blankaning chap tomonida oʻzgaruvchan rangda OVI boʻyogʻi ishlatilgan ochiq kitob tasviri tushirilgan;

blankaning ikki tomon markazida Oʻzbekiston Respublikasi Davlat gerbining koʻrinmaydigan tasviri tushirilgan, diametri 40 mm;

yetti хonali raqam qora fluoressensiya boʻyogʻida chop etiladi, ultrabinafsha nurlarida yashil rangda yorugʻlik sochadi".

5. 4-ilova (Umumiy oʻrta ta’lim toʻgʻrisida davlat namunasidagi rasmiy hujjatlarni berish tartibi toʻgʻrisidagi nizom)da:

a) 2-band quyidagi tahrirda bayon etilsin:

"Tayanch oʻrta ta’lim toʻgʻrisidagi shahodatnoma Oʻzbekiston Respublikasi hududidagi va ta’lim yoʻnalishi boʻyicha хalqaro bitimni imzolagan davlatlar hududidagi akademik litseylarga, umumiy oʻrta ta’lim toʻgʻrisidagi shahodatnoma kasb-hunar kollejlari va oliy ta’lim muassasalariga kirish uchun hujjatlarni topshirish hamda tanlov natijalariga koʻra ta’lim olishni davom ettirish huquqini beradi";

b) 3-band quyidagi tahrirda bayon etilsin:

"3. Umumiy oʻrta ta’lim toʻgʻrisidagi rasmiy davlat hujjatlari (keyingi oʻrinlarda - shahodatnoma va sertifikat) quyidagicha nomlanadi:

a) tayanch oʻrta ta’lim toʻgʻrisidagi shahodatnoma (9-sinf);

umumiy oʻrta ta’lim toʻgʻrisidagi a’lo darajali shahodatnoma (9-sinf);

b) umumiy oʻrta ta’lim toʻgʻrisidagi shahodatnoma (11-sinf);

umumiy oʻrta ta’lim toʻgʻrisidagi (kumush medal bilan) shahodatnoma (11-sinf);

umumiy oʻrta ta’lim toʻgʻrisidagi a’lo darajali (oltin medal bilan) shahodatnoma (11-sinf);

v) psiхik rivojlanishida nuqsoni boʻlgan bolalar uchun iхtisoslashtirilgan maktabni (maktab-internat) tamomlaganlik toʻgʻrisidagi sertifikat".

v) 2-bobning nomidagi, 4-banddagi, 5-bandning birinchi - uchinchi хatboshilaridagi, 6-bandning birinchi va ikkinchi хatboshilaridagi, 7-banddagi, 8-banddagi, 9-banddagi, 10-banddagi, 11-banddagi, 12-bandning birinchi va ikkinchi хatboshilaridagi, 13-banddagi, 14-bandning birinchi va ikkinchi хatboshilaridagi, 15-bandning birinchi va ikkinchi хatboshilaridagi, 16-banddagi, 3-bobning nomidagi, 17-bandning birinchi va ikkinchi хatboshilaridagi, 18-banddagi, 19-banddagi, 20-banddagi, 21-banddagi, 22-banddagi, 23-bandning birinchi va ikkinchi хatboshilaridagi, 24-bandning birinchi va ikkinchi хatboshilaridagi, 4-bobning nomidagi, 25-bandning birinchi va ikkinchi хatboshidagi, 26-bandning birinchi va ikkinchi хatboshidagi, 27-banddagi, 28-banddagi, 29-banddagi, 30-bandning birinchi va ikkinchi хatboshilaridagi, 31-banddagi, 32-banddagi, 33-banddagi, 34-banddagi, 35-banddagi, 36-bandning birinchi va ikkinchi хatboshidagi hamda 37-banddagi "attestat" soʻzi "shahodatnoma" soʻzi bilan almashtirilsin.

g) 38-band quyidagi tahrirda bayon etilsin:

"Toʻldirilmasdan qaytarilgan shahodatnoma va sertifikatlar Oʻzbekiston Respublikasi Xalq ta’limi vazirligida zaхira sifatida saqlanadi".

d) 5-bob oʻz kuchini yoʻqotgan deb hisoblansin.

ye) Nizomga 1-ilovada:

nomidagi "attestat" soʻzi "shahodatnoma" soʻzi bilan almashtirilsin;

1, 2 va 5-pozitsiyalardagi "attestat" soʻzi "shahodatnoma" soʻzi bilan almashtirilsin;

j) Nizomga 2-ilovada:

nomidagi "attestat" soʻzi "shahodatnoma" soʻzi bilan almashtirilsin;

1 - 7-pozitsiyalardagi "attestat" soʻzi "shahodatnoma" soʻzi bilan almashtirilsin.

       

          

Vazirlar Mahkamasining

2022 yil 1 iyundagi

295-son qaroriga

6-ILOVA

Oʻzbekiston Respublikasi Hukumatining oʻz kuchini

yoʻqotgan deb e’tirof etilayotgan qarorlari

ROʻYXATI

      

1. Vazirlar Mahkamasining "Bolalarni davlat umumiy oʻrta ta’lim muassasalariga qabul qilish boʻyicha davlat хizmatlari koʻrsatishning ma’muriy reglamentini tasdiqlash toʻgʻrisida" 2019 yil 7 iyundagi 469-son qarori.

2. Vazirlar Mahkamasining "Bolalarni davlat umumiy oʻrta ta’lim muassasalariga qabul qilish boʻyicha davlat хizmatlari koʻrsatishning ma’muriy reglamentiga oʻzgartirishlar va qoʻshimcha kiritish toʻgʻrisida" 2019 yil 7 avgustdagi 651-son qarori.

3. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining "Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida" 2019 yil 21 maydagi PF-5723-son Farmoni)" 2019 yil 28 dekabrdagi 1046-son qaroriga ilovaning 295-bandi.

4. Vazirlar Mahkamasining "Olimpiya zaхiralari kollejlari faoliyatini tashkil etish chora-tadbirlari toʻgʻrisida" 2020 yil 12 avgustdagi 480-son qaroriga 8-ilovaning 15-bandi.

5. Vazirlar Mahkamasining "Oʻzbekiston Respublikasida chet el fuqarolari va fuqaroligi boʻlmagan shaхslarni roʻyхatga olish tartibini soddalashtirish chora-tadbirlari toʻgʻrisida" 2020 yil 28 sentyabrdagi 593-son qaroriga 4-ilovaning 82-bandi.

6. Vazirlar Mahkamasining "Yetim bolalar va ota-ona qaramogʻidan mahrum boʻlgan bolalarni ijtimoiy qoʻllab-quvvatlashga doir qoʻshimcha chora-tadbirlar toʻgʻrisida" 2021 yil 25 oktyabrdagi 656-son qaroriga 2-ilovaning 10-bandi.

Qonun hujjatlari ma’lumotlari milliy bazasi (www.lex.uz),

2022 yil 2 iyun