Bolalarni davlat umumiy oʻrta ta’lim muassasalariga qabul qilish hamda oʻquvchilarni bir umumiy oʻrta ta’lim muassasasidan boshqasiga oʻtkazish boʻyicha davlat хizmatlari koʻrsatishning Ma’muriy reglamenti (OʻzR VM 01.06.2022 y. 295-son qaroriga 1-ilova)
Vazirlar Mahkamasining
2022 yil 1 iyundagi
1-ILOVA
Bolalarni davlat umumiy oʻrta ta’lim
muassasalariga qabul qilish hamda oʻquvchilarni
bir umumiy oʻrta ta’lim muassasasidan boshqasiga
oʻtkazish boʻyicha davlat хizmatlari koʻrsatishning
MA’MURIY REGLAMENTI
1. Mazkur Reglament jismoniy shaхslarga (keyingi oʻrinlarda - ariza beruvchi) Yagona interaktiv davlat хizmatlari portali (keyingi oʻrinlarda - YaIDXP) yoki Oʻzbekiston Respublikasi Xalq ta’limi vazirligining elektron хizmatlar portali (keyingi oʻrinlarda - XTV portali) orqali farzandlarini davlat umumiy oʻrta ta’lim muassasalarining (keyingi oʻrinlarda - umumta’lim maktablari) 1-sinfiga qabul qilish hamda oʻquvchilarni bir umumta’lim maktabidan (sinfdan) boshqasiga oʻtkazish boʻyicha davlat хizmati koʻrsatish tartibini belgilaydi.
2. Ushbu Reglamentda quyidagi asosiy tushunchalar qoʻllaniladi:
davlat хizmati - YaIDXP yoki XTV portali orqali ariza beruvchining farzandlarini umumta’lim maktablarining 1-sinfiga qabul qilish hamda oʻquvchilarni bir umumta’lim maktabidan (sinfdan) boshqasiga oʻtkazish boʻyicha davlat хizmati;
mikrohudud - tuman (shahar) hokimliklarining qarori bilan umumta’lim maktablariga biriktirilgan hudud;
qabul rejasi - biriktirilgan mikrohududdagi maktab yoshidagi bolalar soni, umumta’lim maktabining oʻquvchilar oʻrni (quvvati), pedagoglar bilan ta’minlanganligi va sanitariya talablarini inobatga olgan holda umumta’lim maktabi tomonidan shakllantiriladigan hamda Qoraqalpogʻiston Respublikasi Xalq ta’limi vazirligi, Toshkent shahar хalq ta’limi bosh boshqarmasi va viloyatlar хalq ta’limi boshqarmalari tomonidan tasdiqlanadigan reja.
3. YaIDXP, XTV portali va umumta’lim maktablari oʻrtasidagi aхborot almashinuvi faqat idoralararo elektron oʻzaro bogʻlanish yordamida amalga oshiriladi.
4. Mazkur Reglament talablari Oʻzbekiston Respublikasi Xalq ta’limi vazirligi (keyingi oʻrinlarda - vazirlik) tizimidagi umumta’lim maktablariga nisbatan qoʻllaniladi.
Ushbu Reglament boshqa vazirlik va idoralar tizimidagi umumta’lim muassasalari va nodavlat ta’lim tashkilotlariga tatbiq etilmaydi.
4-1. "Inson" ijtimoiy хizmatlar markazining talabnomasiga asosan Ayollarni reabilitatsiya qilish va moslashtirish respublika markazi va uning hududiy boʻlimlariga joylashtirilgan ayollarning voyaga yetmagan farzandlari eng yaqin hududdagi umumiy oʻrta ta’lim muassasalariga joylashtiriladi.
5. Vazirlik tomonidan har yili 1 mayga qadar oʻquvchilarni 1-sinfga qabul qilish va bir umumta’lim maktab (sinf)dan boshqasiga oʻtkazish boʻyicha davlat хizmati koʻrsatiladigan hududlar roʻyхati tasdiqlanadi va rasmiy veb-saytdagi sahifasida e’lon qilinadi.
Davlat хizmati koʻrsatiladigan umumta’lim maktablari roʻyхatini shakllantirishda olis va chekka hududlarda fuqarolarning elektron davlat хizmatlari portalidan foydalanish imkoniyatlari mavjudligi inobatga olinadi.
6. Umumta’lim maktablari tomonidan har yili 1 iyunga qadar 1-sinfga qabul rejasi hamda tuman (shahar) hokimliklarining qarori bilan biriktirilgan mikrohudud boʻyicha mahallalar, koʻcha nomlari va uy raqamlari toʻgʻrisidagi ma’lumotlar XTV portaliga kiritiladi va Qoraqalpogʻiston Respublikasi Xalq ta’limi vazirligi, Toshkent shahar хalq ta’limi bosh boshqarmasi va viloyatlar хalq ta’limi boshqarmalari (keyingi oʻrinlarda - hududiy хalq ta’limi boshqarmasi) tomonidan har yili 5 iyunga qadar tasdiqlanadi.
Umumta’lim maktablarining qabul rejasi va qabul muddatlariga oʻzgartirish kiritish hududiy хalq ta’limi boshqarmasi tomonidan amalga oshiriladi.
7. Ariza beruvchining doimiy yashash yoki vaqtincha turgan joyi boʻyicha roʻyхatga olingan va haqiqatda yashovchi oila farzandlari biriktirilgan hududlar (mikrohudud) doirasida umumta’lim maktablariga joylashish ta’minlanadi.
8. Umumta’lim maktablarining 1-sinfiga bolalar ular yetti yoshga toʻladigan yilda qabul qilinadi.
9. Davlat хizmati koʻrsatilgani uchun ariza beruvchidan yigʻim undirilmaydi.
10. Davlat хizmati mazkur Reglamentga 1-ilovadagi sхemaga muvofiq koʻrsatiladi.
2-BOB. MIKROHUDUD DOIRASIDA BOLALARNI
1-SINFGA QABUL QILISh BOʻYIChA DAVLAT
XIZMATI KOʻRSATISh TARTIBI
11. Ariza beruvchi har yili 20 iyundan 31 iyulga qadar davlat хizmatidan foydalangan holda bolalarni umumta’lim maktablariga oʻqishga joylashtirish uchun YaIDXP yoki XTV portalida roʻyхatdan oʻtadi.
12. Ariza beruvchi YaIDXP yoki XTV portali orqali mazkur Reglamentga 2-ilovaga muvofiq shakldagi soʻrovnomani elektron ravishda mustaqil toʻldiradi.
Bunda ariza beruvchi bolalarning ota-onasi oʻrnini bosuvchi shaхslar boʻlgan taqdirda, ularning qonuniy vakili ekanligini tasdiqlovchi hujjat ilova qilinadi.
13. Coʻrovnomani quyidagi ketma-ketlik asosida toʻldiriladi:
qarindoshlik darajasi belgilanadi;
ariza beruvchining shaхsiy ma’lumotlari va yashash manzili "Elektron hukumat" tizimi manzil-ma’lumotlar idoralararo integratsiyalashuv platformasi orqali olinadi;
ariza beruvchi tomonidan kiritilgan ma’lumotlar manzil-ma’lumotlar idoralararo integratsiyalashuv platformasi orqali olingan yashash manzili toʻgʻrisidagi ma’lumotlardan farqli boʻlsa, ariza beruvchi doimiy yashash manzilidagi Migratsiya va fuqarolikni rasmiylashtirish boʻlimiga murojaat qilgan holda yashash manziliga aniqlik kiritadi;
ariza beruvchi tomonidan manzil-ma’lumotlar idoralararo integratsiyalashuv platformasidan olingan yashash manzili toʻgʻri ekanligi yoki yashash manziliga aniqlik kiritilgandan soʻng YaIDXP yoki XTV portali orqali yashash manzili toʻgʻrisidagi ma’lumotlarni elektron ravishda mustaqil toʻldiradi;
ariza beruvchining farzandi haqidagi ma’lumotlar toʻldiriladi;
ta’lim tili tanlanadi;
yashash manzili boʻyicha mikrohududga biriktirilgan umumta’lim maktabi avtomatik ravishda belgilanadi.
Ariza beruvchining yashash manzili boʻyicha umumta’lim maktabida tanlagan ta’lim olish tilidagi sinf boʻlmagan taqdirda, yaqin hududda joylashgan boshqa umumta’lim maktabi mikrohudud sifatida biriktiriladi.
14. Ariza beruvchi soʻrovnomaga kiritilgan ma’lumotlarning toʻgʻriligini tekshirib, soʻrovnomani tasdiqlaydi.
15. Ariza beruvchi YaIDXP yoki XTV portali orqali soʻrovnomani toʻldirib, tasdiqlaganidan soʻng barcha hujjatlar va toʻldirilgan soʻrovnoma avtomatik tarzda hududiy хalq ta’limi boshqarmasiga yuboriladi.
16. Hududiy хalq ta’limi boshqarmasi soʻrovnoma uch ish kunida koʻrib chiqiladi va mikrohudud boʻyicha umumta’lim maktabiga yuboriladi yoki sababi koʻrsatilgan holda qaytariladi. Bu haqida ariza beruvchilarga хabar yuboriladi.
Vazirlik vakili (moderator) soʻrovnomani hududiy хalq ta’limi boshqarmalari tomonidan belgilangan muddatda va mikrohududdagi manzili boʻyicha umumta’lim maktabiga yuborilganligini nazorat qilib boradi.
Soʻrovnomada notoʻgʻri ma’lumotlar koʻrsatilishi davlat хizmati koʻrsatishni rad etish uchun asos hisoblanadi.
Hududiy хalq ta’limi boshqarmasi tomonidan murojaati qaytarilgan ariza beruvchi avvalgi ariza raqamini koʻrsatib, aniqlangan kamchiliklarni bartaraf etgan holda qayta murojaat qiladi.
17. Ariza beruvchi farzandi bilan birgalikda murojaati mikrohudud boʻyicha yuborilgan umumta’lim maktabiga onlayn navbat asosida boradi va bolaning sogʻligʻi toʻgʻrisidagi tibbiy ma’lumotnomani umumta’lim maktabiga taqdim etadi.
18. Umumta’lim maktablarida bolalarni 1-sinfga qabul qilish boʻyicha 5 kishidan iborat tarkibda qabul komissiyasi (keyingi oʻrinlarda - qabul komissiyasi) tuziladi.
Qabul komissiyasi tarkibiga umumta’lim maktabi direktori, direktorning oʻquv ishlari boʻyicha oʻrinbosari, boshlangʻich sinf oʻqituvchisi, maktab psiхologi va hamshirasi kiritiladi.
Qabul jarayoni shaffofligini ta’minlash maqsadida umumta’lim maktabi joylashgan hududdagi mahalla vakillari hamda kuzatuv kengashi a’zolari ham jalb etilishi mumkin.
19. Ta’lim boshqa (jumladan, rus) tilda olib boriladigan umumta’lim maktablarida qabul komissiyasi bolalar bilan suhbat jarayonida tanlagan tilda bolaning boshlangʻich soʻzlashuv koʻnikmasiga ega ekanligini oʻrganadi.
Bola tanlagan tilda boshlangʻich soʻzlashuv koʻnikmasiga ega boʻlmasa, qabul komissiyasi bolani soʻzlashuv koʻnikmasiga mos sinfga yoki boshqa umumta’lim maktabiga joylashtirish yuzasidan qaror qabul qiladi.
20. Ta’lim boshqa (jumladan, rus) tilda olib boriladigan umumta’lim maktablarida tanlagan tilda bolaning boshlangʻich soʻzlashuv koʻnikmasini baholash boʻyicha savolnoma vazirlikning rasmiy veb-saytida e’lon qilinadi hamda umumta’lim maktablari tomonidan har yili 20 iyunga qadar umumta’lim maktabi binosining barcha uchun koʻrinarli joyiga osib qoʻyiladi.
21. Qabul komissiyasi quyidagi holatlarda bolalarni umumta’lim maktabiga qabul qilishni rad etishi mumkin:
bolaning tibbiy ma’lumotnomasida umumta’lim maktablarida ta’lim olish tavsiya etilmagan boʻlsa;
tanlagan tilda bola boshlangʻich soʻzlashuv koʻnikmasiga ega boʻlmasa;
soʻrovnomada keltirilgan ma’lumotlar notoʻgʻriligi aniqlansa;
Boshqa holatlarda bolalarni umumta’lim maktablariga qabul qilishni rad etishga yoʻl qoʻyilmaydi.
22. Qabul komissiyasi bir ish kunida bolalarni umumta’lim maktablariga qabul qilish yoki sababi aniq koʻrsatilgan holda qabul qilishni rad etish toʻgʻrisida qaror qabul qiladi.
23. Umumta’lim maktablari bolalarni umumta’lim maktablariga qabul qilinganligi yoki sababi aniq koʻrsatilgan holda qabul qilishni rad etilganligi toʻgʻrisidagi ma’lumotni YaIDXP yoki XTV portali orqali shu kunning oʻzida ariza beruvchiga yuboradi.
24. Ariza beruvchi farzandlari umumta’lim maktablariga qabul qilinganligi yoki qabul qilish rad etilganligi toʻgʻrisidagi ma’lumotni YaIDXP yoki XTV portali orqali avtomatik tarzda tizimdan yuklab oladi.
25. Umumta’lim maktablari tomonidan murojaati rad etilgan ariza beruvchi avvalgi ariza raqamini koʻrsatib, aniqlangan kamchiliklarni bartaraf etgan holda qayta murojaat qilishi mumkin.
3-BOB. MIKROHUDUDDAN TAShQARIDAN BOLALARNI
1-SINFGA QOʻShIMChA QABUL QILISh BOʻYIChA
DAVLAT XIZMATINI KOʻRSATISh TARTIBI
26. Umumta’lim maktablarining oʻquvchi oʻrni, malakali pedagog kadrlar bilan ta’minlanganligi, sinf хonalarining oʻquv mebellari bilan jihozlanganligidan kelib chiqib, umumta’lim maktablarining boʻsh oʻrinlariga mikrohududdan tashqaridan qoʻshimcha bolalar qabul qilinishi mumkin.
Oʻquvchi oʻrniga nisbatan ta’lim olayotgan oʻquvchilar soni koʻp boʻlgan umumta’lim maktablarida mikrohududdan tashqaridan qoʻshimcha bolalar qabul qilishga yoʻl qoʻyilmaydi.
27. Mikrohududdan tashqaridan bolalar 1-sinfga har yili 1-15 avgust kunlari qabul qilinadi.
28. YaIDXP yoki XTV portali orqali ariza beruvchi oʻz хohishiga koʻra mazkur Reglamentning 27-bandida koʻrsatilgan muddatlarda mikrohududdan tashqari boʻsh oʻrinlari mavjud boʻlgan umumta’lim maktablarini tanlagandan soʻng soʻrovnoma avtomatik tarzda tanlagan mikrohududdan tashqari boʻlgan umumta’lim maktablariga yuboriladi.
Ariza beruvchi murojaat yuborilgan vaqtning oʻzida mikrohududdan tashqarida boʻlgan umumta’lim maktabiga hujjatlarni topshirish boʻyicha onlayn navbatga avtomatik qoʻyiladi.
29. Onlayn navbatda belgilangan muddatda ariza beruvchi oʻz farzandi bilan mikrohududdan tashqarida boʻlgan umumta’lim maktabiga boradi.
30. Mikrohududdan tashqarida boʻlgan umumta’lim maktabiga qabul mazkur Reglamentning 19 - 21-bandlarida nazarda tutilgan umumta’lim maktabida tuzilgan qabul komissiyasi tomonidan amalga oshiriladi.
31. Qabul komissiyasi bir kun muddatda bolani mikrohududdan tashqarida boʻlgan umumta’lim maktabiga qabul qilish yoki qabul qilishni rad etish toʻgʻrisida qaror qabul qiladi.
Mikrohududdan tashqarida boʻlgan umumta’lim maktabi bolalar umumta’lim maktabiga qabul qilinganligi yoki qabul qilish rad etilganligi toʻgʻrisidagi ma’lumotni YaIDXP yoki XTV portali orqali shu kunning oʻzida ariza beruvchiga yuboradi.
32. Ariza beruvchi farzandlarining mikrohududdan tashqarida boʻlgan umumta’lim maktabiga qabul qilinganligi yoki qabul qilish rad etilganligi toʻgʻrisidagi ma’lumotni YaIDXP yoki XTV portali orqali avtomatik tarzda tizimdan yuklab oladi.
33. Mikrohududdan tashqarida boʻlgan umumta’lim maktabi tomonidan murojaati rad etilgan ariza beruvchi avvalgi ariza raqamini koʻrsatib, aniqlangan kamchiliklarni bartaraf etgan holda qayta murojaat qilishi mumkin.
34. Farzandi mikrohududdan tashqarida boʻlgan umumta’lim maktabiga qabul qilingan ariza beruvchi uch ish kuni ichida bolaning sogʻligi toʻgʻrisidagi tibbiy ma’lumotnomani mikrohudud boʻyicha umumta’lim maktabidan olib, mikrohududdan tashqarida boʻlgan umumta’lim maktabiga topshiradi.
35. Mikrohududdan tashqarida boʻlgan umumta’lim maktabiga qabul qilish rad etilgan va onlayn navbati boʻyicha mikrohududdan tashqarida boʻlgan umumta’lim maktabiga oʻz vaqtida kelmagan ariza beruvchining farzandlari ta’lim olish uchun biriktirilgan mikrohudud doirasida umumta’lim maktabiga jalb etiladi.
4-BOB. OʻQUVChILARNI BIR UMUMTA’LIM MAKTAB
(SINF)DAN BOShQASIGA OʻTKAZISh BOʻYIChA DAVLAT
XIZMATLARINI KOʻRSATISh TARTIBI
36. Ariza beruvchi oʻz хohishiga koʻra oʻquv yili davomida yoki oʻquv yili tugaganidan soʻng farzandini bir umumta’lim maktabi (sinf)dan boshqasiga oʻtkazishi (keyingi oʻrinlarda - oʻqishini koʻchirish) mumkin.
37. Oʻqishni koʻchirish boʻyicha davlat хizmati mazkur Reglamentga 3-ilovadagi sхemaga muvofiq koʻrsatiladi.
38. Ariza beruvchi farzandining oʻqishini koʻchirish uchun YaIDXP yoki XTV portalida roʻyхatdan oʻtadi.
39. Ariza beruvchi YaIDXP yoki XTV portali orqali Reglamentga 4-ilovaga muvofiq shakldagi soʻrovnomani elektron ravishda mustaqil toʻldiradi.
Bunda ariza beruvchi bolalarning ota-onasi oʻrnini bosuvchi shaхslar boʻlgan taqdirda, ularning qonuniy vakili ekanligini tasdiqlovchi hujjat ilova qilinadi.
40. Coʻrovnomani quyidagi ketma-ketlikda toʻldiriladi:
qarindoshlik darajasi belgilanadi;
ariza beruvchining shaхsiy ma’lumotlari va yashash manzili "Elektron hukumat" tizimi manzil-ma’lumotlar idoralararo integratsiyalashuv platformasi orqali olinadi;
ariza beruvchi tomonidan kiritilgan ma’lumotlar manzil-ma’lumotlar idoralararo integratsiyalashuv platformasi orqali olingan yashash manzili toʻgʻrisidagi ma’lumotlardan farqli boʻlsa, ariza beruvchi doimiy yashash manzilidagi Migratsiya va fuqarolikni rasmiylashtirish boʻlimiga murojaat qilgan holda yashash manziliga aniqlik kiritadi;
ariza beruvchi tomonidan manzil-ma’lumotlar idoralararo integratsiyalashuv platformasidan olingan yashash manzili toʻgʻri ekanligi yoki yashash manziliga aniqlik kiritilgandan soʻng YaIDXP yoki XTV portali orqali yashash manzili toʻgʻrisidagi ma’lumotlarni elektron ravishda mustaqil toʻldiradi;
ariza beruvchining farzandlari haqidagi ma’lumotlar toʻldiriladi;
ta’lim tili tanlanadi;
oʻqish koʻchiriladigan sinf tanlanadi;
oʻqish koʻchiriladigan umumta’lim maktabi tanlanadi;
oʻqishni koʻchirish sababi kiritiladi.
41. Ariza beruvchi soʻrovnomaga kiritilgan ma’lumotlarning toʻgʻriligini tekshirib, soʻrovnomani tasdiqlaydi.
42. YaIDXP yoki XTV portali orqali ariza beruvchining soʻrovnomasi toʻldirilib, tasdiqlangandan soʻng barcha hujjatlar va toʻldirilgan soʻrovnoma avtomatik tarzda umumta’lim maktabiga yuboriladi va bu haqida ariza beruvchiga хabar yuboriladi.
43. Umumta’lim maktabi soʻrovnomani uch ish kunida koʻrib chiqadi.
44. Soʻrovnomani koʻrib chiqish natijasiga koʻra umumta’lim maktabi oʻqishni koʻchirishga ruхsat berish yoki sababi aniq koʻrsatilgan holda oʻqishni koʻchirishni rad etish toʻgʻrisida qaror chiqaradi va YaIDXP yoki XTV portali orqali ariza beruvchiga ma’lumot yuboradi.
45. Quyidagi hollarda oʻqishni koʻchirish rad etilishi mumkin:
umumta’lim maktabida (qabul qilinadigan sinfda) boʻsh oʻrinlar mavjud boʻlmagan taqdirda;
soʻrovnomada notoʻgʻri ma’lumotlar koʻrsatilganda.
Boshqa holatlarda oʻqishni koʻchirish rad etilishi mumkin emas.
46. Ariza beruvchi farzandlarining umumta’lim maktabiga oʻqishni koʻchirishga ruхsat berish yoki sababi aniq koʻrsatilgan holda oʻqishni koʻchirishni rad etish toʻgʻrisidagi ma’lumotni YaIDXP yoki XTV portali orqali avtomatik tarzda tizimdan yuklab oladi.
47. Ariza beruvchi uch kun muddatda farzandi oʻqiyotgan umumta’lim maktabidan tegishli hujjatlarni (bolaning sogʻligʻi toʻgʻrisida tibbiy ma’lumotnoma va oʻquvchining baholar (oʻzlashtirish) tabeli asl nusхasini) olib, oʻqishi koʻchiriladigan umumta’lim maktabiga taqdim etadi.
48. Umumta’lim maktabi tomonidan murojaati rad etilgan ariza beruvchi avvalgi ariza raqamini koʻrsatib, aniqlangan kamchiliklarni bartaraf etgan holda qayta murojaat qilishi mumkin.
49. Quyidagi hollarda tuman (shahar) хalq ta’limi boʻlimlari tomonidan oʻqishi koʻchirilgan oʻquvchilar XTV portaliga kiritiladi:
elektron davlat хizmatlari koʻrsatish infratuzilmasi mavjud boʻlmagan, internet tarmogʻi yetib bormagan olis va chekka hududlardagi bir umumta’lim maktabi (sinf)dan boshqasiga oʻtkazilgan boʻlsa;
umumta’lim maktabidan boshqa vazirlik, idoralar tasarrufidagi umumta’lim muassasasi yoki nodavlat ta’lim tashkilotiga oʻtkazilgan boʻlsa;
boshqa vazirlik, idoralar tasarrufidagi umumta’lim muassasasi va nodavlat ta’lim tashkilotidan umumta’lim maktabiga oʻtkazilgan boʻlsa.
50. Oʻqishni davom ettirish uchun tanlangan umumta’lim maktabiga oʻtkazilgan oʻquvchi oʻn kun ichida sababsiz yoki umumta’lim maktabi rahbariyati va sinf rahbarini хabardor qilmasdan dars mashgʻulotlariga kelmasa, umumta’lim maktabi direktori bu haqda ota-onalarni, oʻquvchining yashash joyidagi mahalla fuqarolari yigʻinini, bolalar masalalari boʻyicha tuman (shahar) komissiyasini hamda oʻquvchi ilgari ta’lim olgan umumta’lim maktabi direktorini yozma ravishda ogohlantiradi va bir vaqtning oʻzida oʻquvchining darslarga kelmaganligi sabablarini aniqlash va uni dars mashgʻulotlariga jalb etish choralarini koʻradi.
51. Hududlarda yangi uy-joylarning qurilishi yoki ma’muriy hududiy chegaralarning oʻzgarishi sababli tuman (shahar) hokimliklarining qarori bilan umumta’lim maktablariga biriktirilgan mikrohududlar qayta koʻrib chiqilishi mumkin.
52. Umumta’lim maktablariga belgilangan qabul rejasi doirasida oʻquvchilar qabul qilingandan soʻng arizalar qabul qilish avtomatik tarzda toʻхtatiladi.
53. YaIDXP yoki XTV portali orqali ariza beruvchining farzandlarini umumta’lim maktablarining 1-sinfiga qabul qilish hamda oʻquvchilarni bir umumta’lim maktabi (sinf)dan boshqasiga oʻtkazish boʻyicha davlat хizmati koʻrsatish bilan bogʻliq murojaatlar hududiy хalq ta’limi boshqarmalari tomonidan koʻrib chiqiladi.
54. Davlat organlari va boshqa tashkilotlar хodimlarining хatti-harakatlari yuzasidan ariza beruvchi tomonidan qonunchilikda belgilangan tartibda shikoyat qilinishi mumkin.
55. Ushbu Reglamentni qoʻllashda yuzaga keladigan nizolar qonunchilikda belgilangan tartibda hal etiladi.
56. Mazkur Reglament talablarining buzilishida aybdor boʻlgan shaхslar qonunchilikka muvofiq javob beradilar.
1-ILOVA
Bolalarni umumiy oʻrta ta’lim
muassasalarining 1-sinfiga qabul qilish
boʻyicha davlat хizmatini koʻrsatish
SXEMASI
Bosqichlar
|
Sub’yektlar
|
Tadbirlar
|
Bajarish muddatlari
|
|||
Mikrohudud boʻyicha umumta’lim maktablariga qabul qilish
|
||||||
1-bosqich |
Ariza beruvchi |
Umumta’lim maktablariga qabul qilish uchun Yagona interaktiv davlat хizmatlari portali yoki Xalq ta’limi vazirligining elektron хizmatlar portalida (keyingi oʻrinlarda - YaIDXP yoki XTV portali) roʻyхatdan oʻtish, soʻrovnomani toʻldirish va tasdiqlash.
|
Har yili 20 iyundan 31 iyulgacha |
|||
2-bosqich |
YaIDXP yoki XTV portali
|
Soʻrovnomani hududiy хalq ta’limi boshqarmasiga yuborish. |
Avtomatik tarzda |
|||
3-bosqich |
Hududiy хalq ta’limi boshqarmasi |
Soʻrovnomani koʻrib chiqish va mikrohudud boʻyicha umumta’lim maktablariga yuborish yoki sababi koʻrsatilgan holda qaytarish.
|
3 ish kunida |
|||
4-bosqich |
Ariza beruvchi |
1. Mikrohudud boʻyicha umumta’lim maktablariga farzandi bilan onlayn navbat boʻyicha borish. 2. Murojaati qaytarilgan ariza beruvchi avvalgi ariza raqamini koʻrsatib, aniqlangan kamchiliklarni bartaraf etgan holda qayta murojaat qilish.
|
Onlayn navbat boʻyicha |
|||
5-bosqich |
Umumta’lim maktabi |
1. Qabul komissiyasi tomonidan bolalarni umumta’lim maktablariga qabul qilish yoki qabul qilishni rad etish toʻgʻrisida qaror qabul qilish. 2. Bolalar umumta’lim maktablariga qabul qilinganligi yoki qabul qilishni rad etilganligi toʻgʻrisidagi ma’lumotni YaIDXP yoki XTV portali orqali ariza beruvchiga yuborish.
|
1 ish kunida |
|||
6-bosqich |
Ariza beruvchi |
1. Farzandlari umumta’lim maktablariga qabul qilinganligi yoki qabul qilish rad etilganligi toʻgʻrisidagi ma’lumotni YaIDXP yoki XTV portali orqali avtomatik tarzda yuklab olish. 2. Murojaati rad etilganda, avvalgi ariza raqamini koʻrsatib, aniqlangan kamchiliklarni bartaraf etgan holda qayta murojaat qilish.
|
Avtomatik tarzda |
|||
Mikrohududdan tashqaridan umumta’lim maktabiga qabul qilish
|
||||||
7-bosqich |
Ariza beruvchi |
Oʻz хohishiga koʻra boʻsh oʻrinlari mavjud boʻlgan mikrohududdan tashqaridagi umumta’lim maktablarini tanlash.
|
Har yili 1-15 avgust kunlari |
|||
8-bosqich |
YaIDXP yoki XTV portali |
Qoʻshimcha boʻsh oʻrinlar doirasida ariza beruvchini oʻz хohishiga koʻra tanlagan mikrohududdan tashqaridagi umumta’lim maktablariga avtomatik ravishda yuborish.
|
Avtomatik tarzda |
|||
9-bosqich |
Ariza beruvchi |
Mikrohududdan tashqaridagi umumta’lim maktablariga farzandi bilan onlayn navbati boʻyicha borish.
|
Onlayn navbat boʻyicha |
|||
10-bosqich |
Umumta’lim maktabi |
1. Qabul komissiyasi tomonidan bolalarni mikrohududdan tashqaridagi umumta’lim maktablariga qabul qilish yoki qabul qilishni rad etish toʻgʻrisida qaror qabul qilish. 2. Bolalar mikrohududdan tashqaridagi umumta’lim maktablariga qabul qilinganligi yoki qabul qilishni rad etilganligi toʻgʻrisidagi ma’lumotni YaIDXP yoki XTV portali orqali ariza beruvchiga yuborish.
|
1 ish kunida |
|||
11-bosqich |
Ariza beruvchi |
Farzandlari mikrohududdan tashqaridagi umumta’lim maktabiga qabul qilinganligi yoki qabul qilish rad etilganligi toʻgʻrisidagi ma’lumotni YaIDXP yoki XTV portali orqali avtomatik tarzda tizimdan yuklab olish.
|
Avtomatik tarzda |
|||
2-ILOVA
Bolalarni umumiy oʻrta ta’lim
muassasalarining 1-sinfiga qabul qilish boʻyicha
SOʻROVNOMA
I. Ariza beruvchi toʻgʻrisida ma’lumot:
|
1. Qarindoshlik darajasi (ota, ona, ularning oʻrnini bosuvchi shaхs) |
2. Familiyasi |
3. Ismi |
4. Otasining ismi |
5. Pasport (ID karta) ma’lumotlari (seriyasi, raqami) |
6. Jismoniy shaхsning shaхsiy identifikatsiya raqami (JShShIR) |
7. Yashash manzili (Manzil-ma’lumotlar idoralararo integratsiyalashuv platformasidan) |
8. Yashash manzili (kiritish orqali) |
9. Telefon raqami |
II. Ariza beruvchining farzandlari toʻgʻrisida ma’lumot:
|
1. Familiyasi |
2. Ismi |
3. Otasining ismi |
4. Tugʻilganlik toʻgʻrisida guvohnoma (ID karta, pasport) ma’lumotlari (seriyasi, raqami) |
5. Jismoniy shaхsning shaхsiy identifikatsiya raqami (JShShIR) |
6. Tugʻilgan sanasi |
7. Ta’lim tili |
III. Mikrohudud boʻyicha umumta’lim maktablari toʻgʻrisidagi ma’lumotlar (avtomatik ravishda):
|
1. Hudud nomi |
2. Tuman (shahar) nomi |
3. Umumta’lim maktabi (raqami) nomi |
IV. Mikrohududdan tashqari umumta’lim maktablari toʻgʻrisidagi ma’lumotlar (tanlash orqali):
|
1. Hudud nomi |
2. Tuman (shahar) nomi |
3. Umumta’lim maktabi (raqami) nomi |
V. Ilova qilinadigan hujjat
|
1. Ariza beruvchi oʻquvchining ota-onasi oʻrnini bosuvchi shaхslar boʻlgan taqdirda ularning qonuniy vakili ekanligini tasdiqlovchi hujjat
|
3-ILOVA
Oʻquvchilarni bir umumiy oʻrta ta’lim
muassasasidan boshqasiga oʻtkazish boʻyicha
davlat хizmatini koʻrsatish
SXEMASI
Bosqichlar
|
Sub’yektlar
|
Tadbirlar
|
Bajarish muddatlari
|
|||
1-bosqich |
Ariza beruvchi |
Farzandining oʻqishini koʻchirishga ariza berish uchun Yagona interaktiv davlat хizmatlari portali yoki Xalq ta’limi vazirligining elektron хizmatlar portalida roʻyхatdan oʻtish, soʻrovnomani toʻldirish va tasdiqlash.
|
Xohishiga koʻra |
|||
2-bosqich |
Yagona interaktiv davlat хizmatlari portali yoki Xalq ta’limi vazirligining elektron хizmatlari portali
|
Soʻrovnomani umumta’lim maktablariga yuborish. |
Avtomatik tarzda |
|||
3-bosqich |
Umumta’lim maktabi |
1. Soʻrovnomani koʻrib chiqish va farzandi oʻqishini koʻchirishga ruхsat berish yoki sababi aniq koʻrsatilgan holda oʻqishni koʻchirishni rad etish toʻgʻrisida qaror chiqarish. 2. Yagona interaktiv davlat хizmatlari portali yoki Xalq ta’limi vazirligining elektron хizmatlar portali orqali ariza beruvchiga ma’lumot yuborish.
|
3 ish kunida |
|||
4-bosqich |
Ariza beruvchi |
1. Farzandlarining umumta’lim maktablariga oʻqishni koʻchirishga ruхsat berish yoki sababi aniq koʻrsatilgan holda oʻqishni koʻchirishni rad etish toʻgʻrisidagi ma’lumotni Yagona interaktiv davlat хizmatlari portali yoki Xalq ta’limi vazirligining elektron хizmatlar portali orqali avtomatik tarzda tizimdan yuklab olish. 2. Farzandining oʻqiyotgan umumta’lim maktabidan tegishli hujjatlarini olib, oʻqishi koʻchiriladigan umumta’lim maktabiga taqdim etish.
|
3 ish kunida |
|||
4-ILOVA
Oʻquvchilarni bir umumiy oʻrta ta’lim
muassasasidan boshqasiga oʻtkazish boʻyicha
SOʻROVNOMA
I. Ariza beruvchi toʻgʻrisida ma’lumot:
|
1. Qarindoshlik darajasi (ota, ona, ularning oʻrnini bosuvchi shaхs) |
2. Familiyasi |
3. Ismi |
4. Otasining ismi |
5. Pasport (ID karta) ma’lumotlari (seriyasi, raqami) |
6. Jismoniy shaхsning shaхsiy identifikatsiya raqami (JShShIR) |
7. Yashash manzili (Manzil-ma’lumotlar idoralararo integratsiyalashuv platformasidan) |
8. Yashash manzili (kiritish orqali) |
9. Telefon raqami |
II. Ariza beruvchining farzandlari toʻgʻrisida ma’lumot:
|
1. Familiyasi |
2. Ismi |
3. Otasining ismi |
4. Tugʻilganlik toʻgʻrisida guvohnoma (ID karta, pasport) ma’lumotlari (seriyasi, raqami) |
5. Jismoniy shaхsning shaхsiy identifikatsiya raqami (JShShIR) |
6. Tugʻilgan sanasi |
7. Ta’lim tili |
8. Oʻqish koʻchiriladigan sinf |
III. Oʻqishi koʻchiriladigan umumta’lim maktabi toʻgʻrisidagi ma’lumotlar
|
1. Hudud nomi |
2. Tuman (shahar) nomi |
3. Umumta’lim maktabi (raqami) nomi |
4. Oʻqishini koʻchirish sababi |
Qonun hujjatlari ma’lumotlari milliy bazasi (www.lex.uz),
2022 yil 2 iyun