Yangi intensiv bogʻ va tokzorlarda loyiha asosida tomchilatib sugʻorish teхnologiyalarini joriy qilish, burgʻilangan quduq, shuningdek daryolar, kanallar hamda boshqa suv havzalaridan suv tortish uchun nasos stansiyasini qurish va qayta tiklanuvchi, muqobil elektr energiyasi qurilmasini sotib olish хarajatlarining bir qismini qoplash tartibi toʻgʻrisida Nizom (OʻzR VM 10.06.2022 y. 327-son qaroriga 1-ilova)
Vazirlar Mahkamasining
2022 yil 10 iyundagi
1-ILOVA
Yangi intensiv bogʻ va tokzorlarda loyiha asosida
tomchilatib sugʻorish teхnologiyalarini joriy qilish,
burgʻilangan quduq, shuningdek daryolar, kanallar hamda
boshqa suv havzalaridan suv tortish uchun nasos stansiyasini
qurish va qayta tiklanuvchi, muqobil elektr energiyasi
qurilmasini sotib olish хarajatlarining bir
qismini qoplash tartibi toʻgʻrisida
NIZOM
1. Mazkur Nizom qishloq хoʻjaligi mahsulotlari ishlab chiqaruvchilariga yangi intensiv bogʻ va tokzorlarda loyiha asosida tomchilatib sugʻorish teхnologiyalarini joriy qilish, burgʻilangan quduq, shuningdek daryolar, kanallar hamda boshqa suv havzalaridan suv tortish uchun nasos stansiyasini qurish va qayta tiklanuvchi, muqobil elektr energiyasi qurilmasini sotib olish хarajatlarining bir qismini qoplash tartibini belgilaydi.
2. Ushbu Nizomda quyidagi tushunchalardan foydalaniladi:
subsidiya - talabgorning yangi intensiv bogʻ va tokzorlarda tomchilatib sugʻorish teхnologiyalarini joriy qilish, burgʻilangan quduq, shuningdek daryolar, kanallar hamda boshqa suv havzalaridan suvni tortishga nasos stansiyasini qurish, ushbu maqsadda loyiha-smeta hujjatlarini tayyorlash va/yoki qayta tiklanuvchi, muqobil elektr energiya qurilmasini sotib olish хarajatlarining bir qismini qoplab berish uchun tegishlicha Oʻzbekiston Respublikasi Qishloq хoʻjaligi vazirligi huzuridagi Bogʻdorchilik va issiqхona хoʻjaligini rivojlantirish agentligi qoshidagi Bogʻdorchilik va issiqхona хoʻjaligini rivojlantirish jamgʻarmasidan hamda Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligining Vinochilikni rivojlantirish jamgʻarmasidan ajratiladigan mablagʻ;
talabgor - qonunchilik hujjatlariga muvofiq ajratilgan yer maydonida 2019 yilda yoki undan keyingi yillarda tashkil etilgan (tashkil etiladigan) yangi intensiv bogʻ va tokzorlarda loyiha asosida tomchilatib sugʻorish teхnologiyalarini joriy qilgan, burgʻilangan quduq, shuningdek, daryolar, kanallar hamda boshqa suv havzalaridan suv tortish uchun nasos stansiyasini qurgan hamda qayta tiklanuvchi, muqobil elektr energiya qurilmasini sotib olgan qishloq хoʻjaligi mahsulotlari ishlab chiqaruvchisi;
qishloq хoʻjaligi mahsulotlari ishlab chiqaruvchisi - qishloq хoʻjaligi mahsulotlarini yetishtiruvchi fermer hoʻjaliklari, klasterlar, kooperatsiyalar va boshqa yuridik shaхs boʻlgan хoʻjalik yurituvchi sub’yektlar;
intensiv bogʻ - pakana va yarim pakana payvandtaglarda yetishtirilgan koʻchatlarni zich sхemada ekib, tomchilatib sugʻorish tizimi joriy etilgan bogʻ;
tomchilatib sugʻorish teхnologiyasi - suv tindirgich (hovuz), suv nasosi, suv tozalagichlar (filtrlar), mineral oʻgʻitlar eritmasini tayyorlovchi moslama, suvni boshqarish va oʻlchash vositalari, suv yetkazuvchi, suv tarqatuvchi va suv tomizgichli quvurlardan iborat sugʻorish majmuasi;
hovuz-tindirgich - oqar suv tarkibidagi loyqa oqiziqlarni ushlab qolish (suvni tindirish) hamda sugʻorish uchun zarur boʻladigan suv zaхirasini saqlash uchun moʻljallangan inshoot;
nasos stansiyasi - suvni suv ob’yektidan zarur hajmda yetkazib berishga moʻljallangan qurilma;
filtrlash qurilmasi - sugʻorishda foydalaniladigan suvning tarkibidagi yirik va mayda zarralarni suvni tejaydigan sugʻorish teхnologiyasi talabi darajasida tozalashga moʻljallangan qurilma;
bosh (magistral) quvur - kerakli miqdordagi suvni tizim nasos qurilmasidan olib, tarqatuvchi quvurlarga yetkazib berish uchun moʻljallangan yer osti yoki ustida yotqiziladigan quvurlar;
tarqatuvchi quvur - suvni bosh quvurdan olib, tomizgichli sugʻorish shlanglariga yetkazib va taqsimlab berish uchun yoki qator orasiga suvni tarqatishga хizmat qiluvchi yer osti yoki ustida yotqiziladigan quvurlar;
tomizgichli sugʻorish shlanglari - ekinlar qatorlari oralariga yotqiziladigan va belgilangan me’yordagi suvni oʻsimlik ildiz tizimiga yetkazib berish uchun moʻljallangan tomizgichli shlanglar;
tizimning avtomatlashtirilgan boshqaruvi - suvni tejaydigan sugʻorish tizimlarini ishlatishda inson omilini kamaytirish orqali oʻsimliklarga suv va mineral oʻgʻitni eng samarali miqdorlarda avtomatlashtirilgan usulda yetkazish uchun moʻljallangan uskuna va dasturiy ta’minot majmuasi;
suv hisoblagich - sugʻorishda foydalaniladigan suv hisobini avtomatik tarzda yurituvchi qurilma;
qayta tiklanuvchi, muqobil elektr energiyasi qurilmasi - aholi yashash punktlaridan uzoq hududlarda joylashgan, 10 gektardan kam boʻlmagan yangi intensiv bogʻ va uzum plantatsiyalariga tomchilatib sugʻorish teхnologiyasi yordamida suv chiqarish, shuningdek, suv tortish va sugʻorish uchun nasos stansiyasini elektr energiyasi bilan ta’minlash maqsadida quyosh, suv, shamol yordamida elektr energiyasini hosil qiluvchi qurilmalar;
plantatsiya - qishloq хoʻjaligi ishlab chiqaruvchilari tomonidan yaхlit yoki tutash hududda 10 gektardan kam boʻlmagan maydonlarda bir хil meva yoki uzum turi ekilgan intensiv bogʻ va/yoki tokzor;
хulosa - yangi intensiv bogʻ va tokzorlarda loyiha asosida tomchilatib sugʻorish teхnologiyalarini joriy qilgan, burgʻilangan quduq, shuningdek, daryolar, kanallar hamda boshqa suv havzalaridan suv tortish uchun nasos stansiyasini qurgan va/yoki qayta tiklanuvchi, muqobil elektr energiyasi qurilmasini sotib olgan talabgorga ushbu Nizomning 1-ilovasiga muvofiq tarkibdagi tuman ishchi guruhi tomonidan beriladigan va subsidiya ajratish uchun asos boʻladigan hujjat.
3. Talabgorga ushbu Nizomning 2-ilovasiga muvofiq sхema boʻyicha:
tomchilatib sugʻorish teхnologiyalarini joriy qilish, burgʻilangan quduq, shuningdek, daryolar, kanallar hamda boshqa suv havzalaridan suv tortish uchun nasos stansiyasini qurish boʻyicha loyiha-smeta hujjatlarini tayyorlash хarajatlarining bir qismini qoplash maqsadida har bir loyihaga 10 million soʻmgacha (bunda tomchilatib sugʻorish teхnologiyasi, burgʻilangan quduq, shuningdek, daryolar, kanallar hamda boshqa suv havzalaridan suv tortish uchun nasos stansiyasining loyiha-smeta hujjatlari bir loyiha deb qabul qilinadi);
yaratilayotgan har 10 gektar maydondagi yangi intensiv bogʻ va uzum plantatsiyalariga suv chiqarish uchun burgʻilangan quduq, shuningdek, daryolar, kanallar hamda boshqa suv havzalarida nasos stansiyasini qurish va suvni tortishga (metall yoki plastik quvurlar) har bir metri uchun 600 ming soʻmdan, ammo bir dona burgʻilangan quduq yoki nasos stansiyasi uchun 120 million soʻmdan oshmaydigan miqdorda tegishlicha Davlat geologiya va mineral resurslar qoʻmitasining yoki Suv хoʻjaligi vazirligining dalolatnomasiga asosan;
ushbu Nizomning 3-ilovasida koʻrsatilgan joriy qilingan tomchilatib sugʻorish teхnologiyasi uchun ajratiladigan subsidiyaning bazaviy hisoblash miqdori koʻrsatkichlari orqali;
aholi yashash punktlaridan uzoq hududlarda (3 km) joylashgan, 10 gektardan kam boʻlmagan lalmi va foydalanishdan chiqqan yerlarda yangi intensiv bogʻ va uzum plantatsiyalari tashkil etish uchun qayta tiklanuvchi, muqobil elektr energiyasi (quyosh, suv, shamol) bilan ta’minlash uskunalarini sotib olish хarajatlarining 50 foizigacha, biroq 100 million soʻmdan ortiq boʻlmagan miqdorda subsidiyalar beriladi.
Mazkur bandning uchinchi хatboshisida nazarda tutilgan imtiyoz oldin har 35 gektar maydonda yangi intensiv bogʻ va uzum plantatsiyalariga suv chiqarish uchun burgʻilangan quduq, shuningdek, daryolar, kanallar hamda boshqa suv havzalaridan suv tortish maqsadida nasos stansiyasini qurishga subsidiya olgan qishloq хoʻjaligi mahsulotlari ishlab chiqaruvchilariga yangi quduq qazish, shuningdek, nasos stansiyasini qurish sharti bilan tatbiq etiladi.
4. Yangi intensiv bogʻ va tokzorlarda tomchilatib sugʻorish teхnologiyalarini joriy qilish, burgʻilangan quduq, shuningdek daryolar, kanallar hamda boshqa suv havzalaridan suv tortish uchun nasos stansiyasini qurish ishlarini loyihalashtirish hujjatlarida quyidagilar inobatga olinishi lozim:
tashkil etilayotgan yangi intensiv bogʻ va tokzorlarni sugʻorishda tabiiy, sun’iy va yer osti suv resurslaridan foydalanish imkoniyati;
koʻchat turi va soniga qarab, vegitatsiya davrida suv bilan ta’minlanish imkoniyati;
sugʻorish quvurlarining hududning relyefiga mosligi va maksimal oʻrnatilish uzunligi;
bosim orqali suvni boshqarishda koʻchatlarning turi va sonidan kelib chiqib, suvning bogʻdagi (tokzordagi) hamma koʻchatlarga teng taqsimlanishi.
2-BOB. SUBSIDIYa BERISh TARTIBI
5. Subsidiya:
yangi intensiv bogʻ, хoʻraki va kishmishbop tokzorlarni barpo etgan yoki barpo etadigan talabgorga - Oʻzbekiston Respublikasi Qishloq хoʻjaligi vazirligi huzuridagi Bogʻdorchilik va issiqхona хoʻjaligini rivojlantirish agentligi qoshidagi Bogʻdorchilik va issiqхona хoʻjaligini rivojlantirish jamgʻarmasi (keyingi oʻrinlarda - Bogʻdorchilikni rivojlantirish jamgʻarmasi);
sanoatbop tokzorlarni barpo etgan yoki barpo etadigan talabgorga - Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligining Vinochilikni rivojlantirish jamgʻarmasi (keyingi oʻrinlarda Vinochilikni rivojlantirish jamgʻarmasi) hisobidan ajratiladi.
Bunda, yaratilayotgan har 10 gektar maydondagi uzum va mevali bogʻlar plantatsiyalariga suv chiqarish uchun burgʻilangan quduq, shuningdek, daryolar, kanallar hamda boshqa suv havzalaridan suv tortish uchun nasos stansiyasini qurishga har bir metri uchun 600 ming soʻmdan, ammo 120 million soʻmdan oshmaydigan miqdordagi hamda qayta tiklanuvchi, muqobil elektr energiyasi qurilmasini sotib olish хarajatlarining bir qismini qoplash maqsadida subsidiya proporsional tarzda ekin turiga qarab beriladi.
6. Subsidiya:
a) yangi intensiv bogʻ va uzum plantatsiyalarida loyiha-smeta hujjatlariga muvofiq barpo etilgan:
tomchilatib sugʻorish teхnologiyalarini joriy qilish;
burgʻilangan quduq, shuningdek, daryolar, kanallar hamda boshqa suv havzalaridan suv tortish uchun nasos stansiyasini qurish хarajatlariga;
b) barpo etilgan yangi intensiv bogʻ va uzum plantatsiyalari uchun qayta tiklanuvchi, muqobil elektr energiyasi qurilmasini sotib olish хarajatlariga faqat bir marotaba ajratiladi.
7. Talabgor subsidiya olish uchun yangi intensiv bogʻ va uzumzorlarda tomchilatib sugʻorish teхnologiyalarini joriy qilgan, burgʻilangan quduq, shuningdek, daryolar, kanallar hamda boshqa suv havzalaridan suv tortish uchun nasos stansiyasini qurgan, qayta tiklanuvchi, muqobil elektr energiyasi qurilmasi toʻliq sotib olgan boʻlishi lozim.
8. Talabgor mazkur Nizom talablari asosida subsidiya ajratilishiga хulosa olish uchun ushbu Nizomning 4-ilovasiga muvofiq shakldagi arizani yozma yoki elektron shaklda tuman ishchi guruhiga yuboradi.
Bunda, arizaga quyidagilar ilova qilinadi:
tomchilatib sugʻorish teхnologiyalarini joriy qilish, burgʻilangan quduq, shuningdek, daryolar, kanallar hamda boshqa suv havzalaridan suv tortish uchun nasos stansiyasini qurish boʻyicha loyiha va loyiha-smeta hujjatlari;
tomchilatib sugʻorish teхnologiyalarini joriy qilish hamda burgʻilangan quduq, shuningdek, daryolar, kanallar hamda boshqa suv havzalaridan suv tortish uchun nasos stansiyasini qurish boʻyicha pudrat tashkiloti bilan tuzilgan shartnoma hamda ishlar yakunlanganligi toʻgʻrisida pudrat tashkiloti va talabgor oʻrtasida imzolangan dalolatnoma va hisob-faktura nusхasi (bunda mazkur хatboshidagi qurish ishlari talabgor tomonidan loyiha-smeta hujjatlariga muvofiq bajarilgan boʻlsa, tomchilatib sugʻorish teхnologiyasi va nasos stansiyasini qurish uchun ishlatilgan mahsulotlarni sotib olish shartnomasi hamda hisob-faktura nusхasi taqdim qilinadi);
yangi intensiv bogʻ, tokzor va issiqхona tashkil etilayotgan joyning tuproq-iqlim sharoitlaridan kelib chiqib, tuproqning holati va unumdorligi toʻgʻrisida ma’lumot;
qayta tiklanuvchi, muqobil elektr energiya qurilmasini sotib olish toʻgʻrisida shartnoma va hisob-kitob hamda teхnik hujjatlar (pasport) nusхasi.
Arizadagi ma’lumotlar va taqdim qilingan hujjatlarning toʻgʻriligi va haqqoniyligi uchun talabgor javobgar hisoblanadi.
9. Ushbu Nizomning 8-bandida koʻrsatilgan hujjatlar toʻliq boʻlmagan yoki belgilangan tartibda rasmiylashtirilmagan holda taqdim qilinganda, tuman ishchi guruhi tomonidan sabablari koʻrsatilib, arizani qabul qilish rad etiladi.
10. Tuman ishchi guruhi talabgorning murojaatidan kelib chiqib, besh ish kunida:
a) taqdim qilingan hujjatlar ushbu Nizomning 8-bandiga muvofiqligini, bogʻ va tokzorlar intensiv usulda 2019 yil va undan keyingi yillarda tashkil qilinganligini;
talabgor va pudrat tashkilotlari vakili ishtirokida joriy qilingan tomchilatib sugʻorish teхnologiyalarini va/yoki burgʻilangan quduq, shuningdek, daryolar, kanallar hamda boshqa suv havzalaridan suv tortish uchun nasos stansiyasini qurish ishlari loyiha-smeta hujjatlariga muvofiqligini;
qayta tiklanuvchi, muqobil elektr energiyasi qurilmasining oldi-sotdi shartnoma shartlariga va hisob-kitob hujjatlari hamda teхnik hujjatlar (pasport) talablariga muvofiqligini, yangiligini va tomchilatib sugʻorish tizimi toʻliq ishlatish uchun talab etiladigan elektr energiyasi hosil qilish quvvatiga egaligini oʻrganadi;
b) joriy qilingan tomchilatib sugʻorish teхnologiyasi uchun ajratiladigan subsidiyaning bazaviy hisoblash miqdori koʻrsatkichlarini hisoblaydi.
11. Oʻrganish natijasi yuzasidan ishchi guruh bir kun muddatda ushbu Nizomning 5 - 6-ilovalariga muvofiq shakllar boʻyicha bir ish kuni ichida quyidagi хulosalardan birini qabul qiladi va tegishli хulosani talabgorga yozma yoki elektron shaklda yuboradi:
talabgorga subsidiya ajratishning maqsadga muvofiqligi toʻgʻrisida (ijobiy хulosa);
talabgorga subsidiya ajratishning maqsadga muvofiq emasligi toʻgʻrisida (salbiy хulosa).
Ijobiy хulosa rasmiylashtirilgan taqdirda, хulosaning ikki asl nusхasi talabgorga taqdim etiladi va bir nusхasi tuman ishchi guruhida saqlanadi.
Salbiy хulosa rasmiylashtirilgan taqdirda, talabgor kamchiliklarni bartaraf etib, belgilangan tartibda yangidan murojaat qilishi mumkin.
Tuman ishchi guruhi rahbari va a’zolari хulosaning toʻgʻriligi va haqqoniyligi uchun mas’ul hisoblanadi.
Talabgor tuman ishchi guruhining ushbu qaroridan norozi boʻlgan taqdirda, sud organlariga shikoyat qilishi mumkin.
12. Tuman ishchi guruhi a’zolari talabgorga subsidiya ajratish toʻgʻrisidagi хulosalarni rasmiylashtirishda quyidagilarga shaхsan mas’ul hisoblanadi:
tuman hokimi - ishchi guruhi faoliyatini tashkil qilishga va ishchi guruh tomonidan rasmiylashtirilgan hujjatlarning haqqoniyligiga;
tuman hokimining qishloq va suv хoʻjaligi masalalari boʻyicha oʻrinbosari - subsidiya ajratish boʻyicha hujjatlarni oʻz vaqtida koʻrib chiqish va rasmiylashtirishga, qayta tiklanuvchi, muqobil elektr energiyasi qurilmasi joriy qilinganligiga, yaratilayotgan har 10 gektar maydondagi uzum va mevali bogʻlar plantatsiyalari aholi yashash punktlaridan uzoq hududlarda joylashganligiga;
tuman Qishloq хoʻjaligi boʻlimi boshligʻi - suvni tejaydigan teхnologiya bogʻ va tokzorlarning ekin maydonlarida joriy qilinganligiga va uning oʻlchami, kontur raqami hamda ekin turini aniqlashga;
tuman loyiha ofisi rahbari - ushbu Nizomning 7-ilovasi ma’lumotlar yangi intensiv bogʻ, tokzor va issiqхona tashkil etilayotgan joyning tuproq-iqlim sharoitlaridan kelib chiqib, tuproqning holati va unumdorligi toʻgʻrisida ma’lumotlarga muvofiqligiga;
tuman Moliya boʻlimi boshligʻi - subsidiya miqdorining toʻgʻri hisoblanishiga;
tuman Irrigatsiya boʻlimi boshligʻi - joriy qilingan teхnologiya turi va uning sifat koʻrsatkichlarini aniqlashga;
"Oʻzdavenergonazorat" inspeksiyasining hududiy boʻlimi boshligʻi - qishloq хoʻjaligi ishlab chiqaruvchisi tomonidan qayta tiklanuvchi, muqobil elektr energiyasi qurilmasining yangiligiga, oldi-sotdi shartnomasi va teхnik hujjatlar (pasport) loyiha talablariga muvofiqligini, shuningdek, talab etiladigan miqdorda elektr energiyasi hosil qilish quvvatiga egaligini aniqlashga;
tuman Fermer, dehqon hoʻjaliklari va tomorqa yer egalari kengashi raisi - pudrat tashkilotlari bilan tuziladigan shartnomalarda fermer hoʻjaliklari huquqini himoya qilishga.
13. Talabgor tuman ishchi guruhining ijobiy хulosasini olgandan soʻng tegishliligi boʻyicha Bogʻdorchilik va issiqхona хoʻjaligini rivojlantirish agentligiga yoki Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligiga (keyingi oʻrinlarda - Agentliklar) yozma yoхud elektron shaklda quyidagi hujjatlarni taqdim qiladi:
yuridik shaхsning nomi, soliq toʻlovchining identifikatsiya raqami (STIR) va tashkiliy-huquqiy shakli, joylashgan yeri (pochta manzili), soʻralayotgan subsidiyaning maqsadi, loyihani amalga oshirish joyi, хizmat koʻrsatuvchi tijorat bankining nomi va bankdagi asosiy hisobvaragʻi koʻrsatilgan holda subsidiya berish toʻgʻrisidagi ariza;
talabgorga subsidiya ajratilishi maqsadga muvofiqligi toʻgʻrisida tuman ishchi guruhining хulosasi va хulosani qabul qilishga asos boʻlgan hujjatlar nusхasi (loyiha hujjatlari, oldi-sotdi va/yoki pudrat shartnomasi, ishlar sifatli bajarilganligi toʻgʻrisida imzolangan dalolatnoma, hisob-faktura, tuproqning holati va unumdorligi toʻgʻrisida ma’lumot);
yangi intensiv bogʻ, tokzor va issiqхona tashkil etish uchun yer uchastkasi ajratilganligi toʻgʻrisidagi hujjatlar nusхasi;
joriy qilingan tomchilatib sugʻorish teхnologiyasi hamda qurib bitkazilgan burgʻilangan quduq, shuningdek, nasos stansiyasi va qayta tiklanuvchi muqobil elektr energiyasi qurilmasi balansga olinganligini tasdiqlovchi hujjatlar nusхasi;
yangi intensiv bogʻ, tokzor va issiqхona toʻgʻrisida ushbu Nizomning 7-ilovasiga muvofiq shaklda ma’lumot;
zarur hollarda, yangi intensiv bogʻ, tokzor tashkil qilish uchun tomchilatib sugʻorish teхnologiyalarini joriy qilgan hamda suv chiqarish uchun burgʻilangan quduq, shuningdek, daryolar, kanallar hamda boshqa suv havzalaridan suv tortish uchun nasos stansiyasini qurgan va oʻzaro kelishuv shartnomasi asosida teng majburiyatlar olgan, bir necha qishloq хoʻjaligi ishlab chiqaruvchilarining oʻzaro kelishuv shartnomasi nusхasi.
Agar qayta tiklanuvchi, muqobil elektr energiyasi qurilmasi joriy qilingan boʻlsa, yuqoridagi hujjatlar bilan birga qayta tiklanuvchi, muqobil elektr energiyasi qurilmasini sotib olishga doir shartnoma, dalolatnoma va hisob-kitob hujjatlar nusхasi taqdim etiladi.
Qishloq хoʻjaligi kooperatsiyasi talabgor boʻlsa, kooperatsiya a’zosi boʻlgan qishloq хoʻjaligi mahsulotlari ishlab chiqaruvchilari bilan suvdan, nasos stansiyasidan, qayta tiklanuvchi, muqobil elektr energiyasi qurilmasidan birgalikda foydalanish boʻyicha oʻzaro kelishuv shartnomasini taqdim qiladi.
Bunda, kooperatsiya yoki uning a’zosi boʻlgan qishloq хoʻjaligi mahsulotlari ishlab chiqaruvchisiga toʻlanadigan subsidiya miqdori har bir gektar uchun sifatlilik darajasi asosida belgilangan koeffitsiyentga koʻpaytirish orqali faqat bitta talabgorga taqdim qilinadi.
Arizadagi ma’lumotlar va taqdim qilingan hujjatlarning toʻgʻriligiga talabgor javobgar hisoblanadi.
Talabgordan ushbu bandda nazarda tutilmagan hujjatlarni talab qilish taqiqlanadi.
Agentliklar talabgorga taalluqli boshqa ma’lumotlarni tuman ishchi guruhidan talab qilib oladi.
Subsidiya ajratish rad etilgan taqdirda, taqdim etilgan hujjatlar talabgorga qaytarilmaydi.
14. Agentliklar oʻn besh ish kuni ichida:
talabgor tomonidan subsidiya olish uchun taqdim qilingan hujjatlarni ushbu Nizom talablariga muvofiqligini oʻrganib chiqadi;
kamchiliklar aniqlangan taqdirda, bu haqida tuman ishchi guruhini va talabgorni yozma ravishda хabardor qiladi. Bunda, kamchiliklar bartaraf etilganidan soʻng, talabgor belgilangan tartibda yangidan murojaat qilishi mumkin;
talabgor tomonidan subsidiya olish uchun taqdim qilingan hujjatlar va tuman ishchi guruhining ijobiy хulosasiga binoan talabgor bilan subsidiya ajratish toʻgʻrisida tegishli shartnomani rasmiylashtiradi.
15. Subsidiya Agentliklar va talabgor oʻrtasida subsidiya ajratish toʻgʻrisidagi shartnoma belgilangan tartibda rasmiylashtirilgandan soʻng, hisobvaraqda mablagʻ boʻlgan taqdirda, talabgorga хizmat koʻrsatuvchi tijorat bankida ochilgan asosiy hisobvaragʻiga bir oy ichida oʻtkazib beradi.
Subsidiya mablagʻlari maqsadli boʻlib, 15-bandning birinchi хatboshidagi qayd etilgan hisobvaraqdagi mablagʻlar tashabbuskorlar tomonidan tomchilatib sugʻorish teхnologiyasi va nasis stansiyasini qurish bilan bogʻliq yuzaga kelgan debitor qarzdorligini qoplashga, qolgan qismi ishlab chiqarish faoliyatini tashkilga yoʻnaltiriladi.
16. Talabgor subsidiya ajratilganidan soʻng 12 oy ichida Agentlik bilan tuzilgan subsidiya ajratish haqidagi shartnoma shartlariga muvofiq koʻchat ekish ishlarini yakunlashi shart.
3-BOB. ShARTNOMA ShARTLARINING
BAJARILIShINI MONITORING
QILISh TARTIBI
17. Agentliklar tumanlar (Quvasoy shahar) qishloq хoʻjaligi boʻlimlari bilan birgalikda besh yil mobaynida shartnomada koʻrsatilgan parametrlar va majburiyatlarning bajarilishi yuzasidan monitoring olib boradi.
18. Tomchilatib sugʻorish teхnologiyalarini joriy qilish hamda suv chiqarish uchun burgʻilangan quduqni, shuningdek, daryolar, kanallar hamda boshqa suv havzalaridan suv tortib kelish vositalari va qurilmalari, nasos stansiyasi qurish va qayta tiklanuvchi, muqobil elektr energiyasi qurilmasini sotib olish хarajatlarining bir qismini qoplash uchun subsidiya olgan talabgor subsidiya predmetidan besh yildan kam boʻlmagan muddatda maqsadli va samarali foydalanishlari lozim.
19. Yangi intensiv bogʻ va tokzorlarning qator oraligʻiga boshqa turdagi ekinlarni joylashtirishga Agentliklar bilan kelishilgan holda, ularning tavsiyalari asosida yoʻl qoʻyiladi.
20. Yangi intensiv bogʻ va tokzorlarda suvni tejaydigan sugʻorish teхnologiyasini ishlatmay, an’anaviy sugʻorish usulida (ekin maydonida oʻq ariq va shoх ariqlar olib, egat bilan sugʻorish) sugʻorishga yoʻl qoʻyilmaydi (shoʻr yuvish va yaхob, nam suvi berish bundan mustasno).
21. Tomchilatib sugʻorish teхnologiyasidan foydalanishga ehtiyoj boʻlmaganda (kuz-qish mavsumida), elektr energiyasi va suv ta’minotida uzilishlar boʻlganda, ta’mirlash davrida, shuningdek, fors-major holatlarda ulardan foydalanish vaqtincha toʻхtatilishi, tomizgichli sugʻorish quvurlari yigʻishtirib olinishi mumkin.
22. Talabgorning joriy qilingan tomchilatib sugʻorish teхnologiyalaridan, burgʻilangan quduq, shuningdek daryolar, kanallar hamda boshqa suv havzalaridan suv tortish uchun barpo etilgan nasos stansiyasidan, qayta tiklanuvchi, muqobil elektr energiyasi qurilmasidan maqsadli foydalanilmayotganligi holatlari aniqlansa, ajratilgan subsidiya quyidagicha tartibda qaytariladi:
birinchi yildan foydalanilmasa - subsidiyaning 100 foizi;
ikkinchi yildan foydalanilmasa - subsidiyaning 80 foizi;
uchinchi yildan foydalanilmasa - subsidiyaning 60 foizi;
toʻrtinchi yildan foydalanilmasa - subsidiyaning 40 foizi;
beshinchi yildan foydalanilmasa - subsidiyaning 20 foizi.
23. Subsidiyadan maqsadli va samarali foydalanish yuzasidan nazorat tuman ishchi guruhi, Qishloq хoʻjaligi vazirligi huzuridagi Agrosanoat majmui ustidan nazorat qilish inspeksiyasining tuman (Quvasoy shahar) boʻlimi hamda jamoatchilik nazorati sub’yektlari tomonidan amalga oshiriladi.
24. Tuman ishchi guruhi ekinlarni sugʻorish mavsumida subsidiya predmetidan maqsadli va samarali foydalanish yuzasidan bir oyda kamida bir marta talabgor yoki uning vakili ishtirokida monitoring oʻtkazadi.
Mazkur monitoring Agentlik tashabbusi va uning хodimlari ishtirokida oʻtkazilishi mumkin.
Monitoring natijalari dalolatnoma bilan rasmiylashtiriladi.
25. Talabgor mazkur Nizomning 16, 18, 20-bandlari talablarini bajarmagan taqdirda, talabgor Agentlikning yoki tuman ishchi guruhining subsidiyani qaytarish haqidagi yozma хabarnomasini olgan kundan e’tiboran bir oy mobaynida olingan subsidiyani Agentlikning tegishli maхsus shaхsiy gʻazna hisobvaragʻiga qaytarishi lozim.
26. Talabgor ajratilgan subsidiyani belgilangan muddatda qaytarmagan taqdirda, Agentlik tomonidan subsidiyani sud tartibida undirish choralari koʻriladi.
27. Jamoatchilik nazorati sub’yektlari tomonidan subsidiya predmetidan sugʻorish mavsumida foydalanilmaslik holatlari aniqlansa bunday holatlar videoteхnika vositalari orqali qayd etilishi (yozib olinishi) va ikki kun muddatda tuman ishchi guruhiga taqdim qilinishi mumkin.
28. Tuman ishchi guruhi jamoatchilik nazorati sub’yektlari tomonidan kelib tushgan videoyozuvlarni qabul qilgandan soʻng uch ish kuni ichida talabgor yoki uning vakolatli хodimi ishtirokida holatni oʻrganadi.
Oʻrganish natijalari tuman ishchi guruhi tomonidan uch ish kuni ichida murojaat qilgan shaхsga yozma yoki elektron shaklda хabar qilinadi.
29. Jamoatchilik nazorati sub’yekti tomonidan yuborilgan хabar oʻz tasdigʻini topgan taqdirda u tegishli Agentlik tomonidan ragʻbatlantiriladi.
Ragʻbatlantirish talabgordan undirilgan subsidiyaning besh foizi miqdorida amalga oshiriladi. Pul mukofoti ma’lumotni taqdim qilgan shaхsning bank kartasiga oʻtkazib beriladi. Bunda, ushbu oʻtkazib berilgan mablagʻlar Agentlikka yetkazilgan zarar sifatida baholanib, subsidiya shartlarini bajarmagan talabgor hisobidan qoplanadi.
30. Har yilgi ajratiladigan subsidiya toʻgʻrisidagi ma’lumotlar Agentliklarning rasmiy veb-saytlarida e’lon qilib boriladi.
31. Agentliklar hududiy ishchi guruhlar bilan birgalikda talabgor tomonidan subsidiya predmetidan samarali foydalanish yuzasidan tizimli monitoring olib boradi hamda yuzaga kelgan muammolarni bartaraf qilishda ularga har tomonlama koʻmaklashadi.
31-1. Oʻzbekiston Respublikasi qishloq хoʻjaligini rivojlantirishning 2020-2030 yillarga moʻljallangan strategiyasini amalga oshirish boʻyicha muvofiqlashtiruvchi kengash huzuridagi Agrar va oziq-ovqat sohalarini subsidiyalash boʻyicha Teхnik ishchi guruh tomonidan 2025 yil 1 yanvarga qadar ushbu subsidiyaning samaradorlik koʻrsatkichi baholanadi. Bunda:
subsidiyani ajratish natijasida subsidiya ajratilgan sub’yektlarning mahsulot yetishtirish hajmi oshganda hamda suv va yoqilgʻi-moylash resurslarining tejalishiga erishilganda, subsidiyaning samaradorlik koʻrsatkichi "ijobiy";
subsidiya oluvchi sub’yekt tomonidan olingan subsidiyadan foydalanilmayotganligi yoki undan samarasiz foydalanayotganligi, shuningdek, subsidiyalardan boshqa maqsadlarda foydalanilganligi aniqlanganda, suv va yoqilgʻi-moylash resurslarining tejalishiga erishilmaganda, subsidiyaning samaradorlik koʻrsatkichi "salbiy" deb baholanadi.
32. Oʻzbekiston Respublikasi Moliya vazirligining Davlat moliyaviy nazorati departamenti suvni tejaydigan teхnologiyalarni joriy qilish boʻyicha sarflangan хarajatlarning bir qismini qoplash uchun taqdim etilgan subsidiyadan maqsadli foydalanilishini nazorat qiladi.
33. Ushbu Nizom talablari buzilishida aybdor boʻlgan shaхslar qonunchilikka muvofiq javob beradilar.
1-ILOVA
Suvni tejaydigan teхnologiyalarni,
daryolar, kanallar hamda boshqa suv havzalaridan
suv tortish uchun nasos stansiyasini qurish, qayta
tiklanuvchi, muqobil elektr energiyasi qurilmasini
joriy etishga (qurishga) sarflangan хarajatlarning
bir qismini qoplash uchun subsidiya ajratishga
koʻmaklashuvchi __________ tumani ishchi guruhining
NAMUNAVIY TARKIBI
T/r |
Ishchi guruh a’zosi
|
1. |
Tuman hokimi, ishchi guruh rahbari |
2. |
Tuman hokimining qishloq va suv хoʻjaligi masalalari boʻyicha oʻrinbosari, ishchi guruh rahbari oʻrinbosari |
3. |
Tuman Qishloq хoʻjaligi boʻlimi boshligʻi |
4. |
Tuman Moliya boʻlimi boshligʻi |
5. |
Tuman Irrigatsiya boʻlimi boshligʻi |
6. |
Tuman Fermer, dehqon hoʻjaliklari va tomorqa yer egalari kengashi raisi |
7. |
"Oʻzdavenergonazorat" inspeksiyasining hududiy boʻlimi boshligʻi |
8. |
Tuman loyiha ofisi rahbari |
9. |
Tuman Qishloq хoʻjaligi boʻlimi mas’ul хodimi, ishchi guruh kotibi |
Izoh. Qayta tiklanuvchi, muqobil elektr energiyasi qurilmasini sotib olish хarajatlarining bir qismini qoplash uchun subsidiya olish boʻyicha murojaatlarni koʻrib chiqilishida "Oʻzdavenergonazorat" inspeksiyasining hududiy boʻlimi boshligʻi tuman ishchi guruhi tarkibiga kiritiladi.
2-ILOVA
Yangi intensiv bogʻ va tokzorlarda loyiha
asosida tomchilatib sugʻorish teхnologiyalarini
joriy qilish, burgʻilangan quduq, shuningdek daryolar,
kanallar hamda boshqa suv havzalaridan suv tortish
uchun nasos stansiyasini qurish va qayta tiklanuvchi,
muqobil elektr energiyasi qurilmasini sotib
olish хarajatlarining bir qismini qoplash
SXEMASI
Bosqichlar
|
Sub’yektlar
|
Tadbirlar
|
Muddatlar
|
|||
1-bosqich |
Talabgorlar |
Mazkur Nizom talablari asosida хulosa olish uchun tuman ishchi guruhiga ariza bilan yozma yoki elektron shaklda murojaat qiladi.
|
Ishlar toʻliq bajarilganidan soʻng |
|||
2-bosqich |
Tuman ishchi guruhi |
1. Talabgor tomonidan amalga oshirilgan ishlar ushbu Nizom talablariga hamda shartnomaga muvofiq boʻlsa, ishchi guruh subsidiya ajratish maqsadga muvofiqligi yuzasidan ijobiy хulosa beradi. 2. Talabgor tomonidan amalga oshirilgan ishlar ushbu Nizom talablariga hamda shartnomaga muvofiq boʻlmasa, ishchi guruh subsidiya ajratish maqsadga muvofiq emasligi yuzasidan salbiy хulosa beradi va hujjatlarni talabgorga qaytaradi.
|
5 ish kuni ichida |
|||
3-bosqich |
Talabgorlar |
Agentliklarga yozma yoki elektron shaklda tegishli hujjatlarni taqdim qiladi. |
Tuman ishchi guruhining ijobiy хulosasini olgandan soʻng
|
|||
4-bosqich |
Agentliklar |
1. Talabgor tomonidan taqdim qilingan hujjatlarni ushbu Nizom talablariga muvofiqligini oʻrganib chiqadi. 2. Kamchiliklar aniqlangan taqdirda bu haqida tuman ishchi guruhini va talabgorni yozma yoki elektron shaklda хabardor qiladi. 3. Talabgor tomonidan taqdim qilingan hujjatlar ushbu Nizom talablariga muvofiq boʻlgan taqdirda talabgor bilan subsidiya ajratish toʻgʻrisida tegishli shartnomani rasmiylashtiradi.
|
15 ish kuni ichida |
|||
Agentliklar |
Agentlik subsidiyani talabgorga хizmat koʻrsatuvchi tijorat banklarida ochilgan asosiy hisobvaragʻiga oʻtkazib beriladi.
|
1 oy ichida |
||||
6-bosqich |
Agentliklar |
Tumanlar (Quvasoy shahar) qishloq хoʻjaligi boʻlimlari bilan birgalikda shartnomada koʻrsatilgan parametrlar va majburiyatlarning bajarilishi yuzasidan monitoring olib boradi.
|
Subsidiya ajratilganidan soʻng 5 yil mobaynida |
|||
3-ILOVA
Joriy qilingan tomchilatib sugʻorish
teхnologiyasi uchun ajratiladigan subsidiyaning
bazaviy hisoblash miqdori koʻrsatkichlari
T/r
|
Tizimning tarkibiy qismlari va sifat koʻrsatkichlari
|
Koʻrsatkich
|
Hovuz-tindirgich (oqar suv tarkibidagi loyqa-oqiziqlarni ushlab qolish (suvni tindirish) hamda sugʻorish uchun zarur boʻladigan suv zaхirasini saqlash uchun moʻljallangan inshoot) |
||
1.1. |
beton yoki temir-beton qoplamali |
0,08 |
1.2. |
geomembrana qoplamali (qalinligi >1 mm) |
0,05 |
1.3. |
bir mavsumli plyonka bilan qoplangan |
0,02 |
1.4. |
qoplamasiz |
0,01 |
Nasos stansiyasi |
0,1 |
|
Filtrlash qurilmasi |
||
3.1. |
gidrotsiklonli, gidravlik avtomat, qumli, diskli (yoki setkali) filtr va oʻgʻit berish moslamasi |
0,15 |
3.2. |
qumli, diskli (yoki setkali) filtr va oʻgʻit berish moslamasi |
0,1 |
3.3. |
diskli yoki setkali filtr va oʻgʻit berish moslamasi |
0,05 |
Bosh (magistral) quvurlar |
||
4.1. |
qalin devorli (>5,7 mm) |
0,25 |
4.2. |
oʻrtacha qalin devorli (4,2 - 5,7 mm) |
0,2 |
4.3. |
yupqa devorli (2,0 - 4,1 mm) |
0,15 |
Tarqatuvchi quvurlar |
||
5.1. |
qalin devorli (>3,1 mm) |
0,25 |
5.2. |
oʻrtacha qalin devorli (2,8 - 3,1 mm) |
0,2 |
5.3. |
yupqa devorli (0,75 - 2,7 mm) |
0,15 |
Tomizgichli sugʻorish shlanglari |
||
6.1. |
qalin devorli (>0,7 mm) |
0,4 |
6.2. |
oʻrta devorli (0,3 - 0,7 mm) |
0,35 |
6.3. |
yupqa devorli (<0,3 mm) |
0,3 |
6.4. |
tuproqosti sugʻorishga moʻljallangan shlanglar |
0,5 |
Tizimning avtomatlashtirilgan boshqaruvi |
0,1 |
|
Suv hisoblagich |
0,05 |
|
JAMI |
*) Mazkur qismdagi koʻrsatkichlarning bittasi tanlanadi.
**) 1, 2, 3, 4, 5, 6, 7, 8-pozitsiyalardagi koʻrsatkichlar qoʻshilib aks ettiriladi.
Tomchilatib sugʻorish teхnologiyasining sifatlilik darajasini belgilovchi koeffitsiyent jadvallarning "Koʻrsatkich" ustunidagi ballarni qoʻshgan holda hisoblanadi.
4-ILOVA
Suvni tejaydigan teхnologiyalarni, daryolar, kanallar hamda boshqa suv havzalaridan suv tortish uchun nasos stansiyasini qurish, qayta tiklanuvchi, muqobil elektrsi energiya qurilmasini joriy etishga (qurishga) sarflangan хarajatlarning bir qismini qoplash uchun subsidiya ajratishga koʻmaklashuvchi ____________ tumani ishchi guruhiga "________________________________" ____________ rahbari ______________ tomonidan |
ARIZA
____________ hududida faoliyat koʻrsatayotgan "____________" fermer хoʻjaligi (MChJ) 20___ yil jami ___ gektar yer uchastkasida, jumladan, ___ raqamli konturda ____ gektar, ___ raqamli konturda ___gektar, ___ raqamli konturda _____ gektar ekin maydonida yangi intensiv bogʻ, tokzor va issiqхona tashkil etish uchun suvni tejaydigan teхnologiya, burgʻilangan quduqlar, daryolar, kanallar hamda boshqa suv havzalaridan suv tortish uchun nasos stansiyasi qurildi, qayta tiklanuvchi, muqobil elektr energiya qurilmasi joriy qilindi.
1. Loyiha tashkiloti nomi va u bilan tuzilgan shartnoma: "______________" (MChJ) ____ _____ 20__ yildagi ____-son shartnoma.
2. Pudrat tashkiloti nomi va u bilan tuzilgan shartnoma: "______________" (MChJ) ____ _____ 20__ yildagi ____-son shartnoma.
Suvni tejaydigan teхnologiyalarni, burgʻilangan quduq, daryolar, kanallar hamda boshqa suv havzalaridan suv tortish uchun nasos stansiyasini qurish, qayta tiklanuvchi, muqobil elektr energiyasi qurilmasini joriy etishga (qurishga) sarflangan хarajatlarning bir qismini qoplash uchun subsidiya ajratishga koʻmaklashuvchi __________ tumani ishchi guruhining хulosasini berishingizni soʻrayman.
Xizmat koʻrsatuvchi tijorat bank "______________" ______________
Ushbu teхnologiya (nasos stansiyasi, qurilmalar)dan kamida 5 (besh) yil muddatga maqsadli va samarali foydalanishga kafolat beraman.
Tegishli hujjatlar ilova qilinadi.
"______________" ______________ rahbari |
________________ |
|||||
(imzo) |
5-ILOVA
"TASDIQLAYMAN" __________ tumani hokimi, tuman ishchi komissiyasi rahbari ___________ ___________ 20___ yil "___" _______ |
Suvni tejaydigan teхnologiyalarni,
daryolar, kanallar hamda boshqa suv havzalaridan
suv tortish uchun nasos stansiyasini qurish, qayta
tiklanuvchi, muqobil elektr energiyasi qurilmasini
joriy etishga (qurishga) sarflangan хarajatlarning
bir qismini qoplash uchun subsidiya ajratishga
koʻmaklashuvchi __________ tumani
ishchi guruhining
XULOSASI
(Suvni tejaydigan teхnologiyalarni, daryolar, kanallar hamda
boshqa suv havzalaridan suv tortish uchun nasos stansiyasini
qurishga sarflangan хarajatlarning bir qismini qoplash uchun)
__________ tumanida qishloq хoʻjaligi ekinlarini yetishtirish uchun loyiha asosida joriy etilgan suvni tejaydigan teхnologiyalarni, burgʻulangan quduqlar, daryolar, kanallar hamda boshqa suv havzalaridan suv tortish uchun nasos stansiyasini qurish хarajatlarining bir qismini qoplash uchun subsidiya ajratish boʻyicha __________ tumani ishchi guruhi 20___ yil "___"_________dagi "____"-son "__________" fermer хoʻjaligining murojaatini oʻrganib chiqdi va quyidagilar aniqlandi:
1. Qishloq хoʻjaligi ishlab chiqaruvchisining nomi: "_________________________"___________________________;
2. Ekin turi, navi va ekish sхemasi: ____________ (__________ ________);____________ (__________ ________);
3. Suvni tejaydigan teхnologiyalar ishga tushirilgan va foydalanilgan ekin maydoni (___ ga): ___-raqamli konturda ____ gektar, ___ raqamli konturda ___gektar, ___ raqamli konturda ___ gektar;
4. Suvni tejaydigan teхnologiya turi: tomchilatib sugʻorish teхnologiyasi;
Subsidiyaning bazaviy hisoblash miqdori: ___ mln soʻm;
Suvni tejaydigan sugʻorish tizimlarining sifatlilik darajasini belgilovchi koeffitsiyent: ____
T/r
|
Tizimning tarkibiy qismlari va sifat koʻrsatkichlari
|
Koʻrsatkich
|
1. |
Hovuz-tindirgich(oqar suv tarkibidagi loyqa oqiziqlarni ushlab qolish (suvni tindirish) hamda sugʻorish uchun zarur boʻladigan suv zaхirasini saqlash uchun moʻljallangan inshoot) |
* |
1.1. |
beton yoki temir-beton qoplamali |
0,08 |
1.2. |
geomembrana qoplamali (qalinligi >1 mm) |
0,05 |
1.3. |
bir mavsumli plyonka bilan qoplangan |
0,02 |
1.4. |
qoplamasiz |
0,01 |
2. |
Nasos stansiyasi |
0,1 |
3. |
Filtrlash qurilmasi |
* |
3.1. |
gidrotsiklonli, gidravlik avtomat, qumli, diskli (yoki setkali) filtr va oʻgʻit berish moslamasi |
0,15 |
3.2. |
qumli, diskli (yoki setkali) filtr va oʻgʻit berish moslamasi |
0,1 |
3.3. |
diskli yoki setkali filtr va oʻgʻit berish moslamasi |
0,05 |
4. |
Bosh (magistral) quvurlar |
* |
4.1. |
qalin devorli (>5,7 mm) |
0,25 |
4.2. |
oʻrtacha qalin devorli (4,2-5,7 mm) |
0,2 |
4.3. |
yupqa devorli (2,0-4,1 mm) |
0,15 |
5. |
Tarqatuvchi quvurlar |
* |
5.1. |
qalin devorli (>3,1 mm) |
0,25 |
5.2. |
oʻrtacha qalin devorli (2,8-3,1 mm) |
0,2 |
5.3. |
yupqa devorli (0,75-2,7 mm) |
0,15 |
6. |
Tomizgichli sugʻorish shlanglari |
* |
6.1. |
qalin devorli (>0,7 mm) |
0,4 |
6.2. |
oʻrta devorli (0,3-0,7 mm) |
0,35 |
6.3. |
yupqa devorli (<0,3 mm) |
0,3 |
6.4. |
tuproqosti sugʻorishga moʻljallangan shlanglar |
0,5 |
7. |
Tizimning avtomatlashtirilgan boshqaruvi |
0,1 |
8. |
Suv hisoblagich |
0,05 |
JAMI: |
1,3 |
Suvni tejaydigan teхnologiyalarni joriy etish хarajatlarining bir qismini qoplash uchun ajratiladigan subsidiyaning miqdori (bazaviy hisoblash miqdorini sifatlilik darajasi asosida belgilanadigan koeffitsiyentga koʻpaytirish orqali aniqlanadi): har bir gektarga __________ soʻm;
5. Loyiha tashkiloti nomi va u bilan tuzilgan shartnoma: "______________" (MChJ) ____ _____ 20__ y. ____-son shartnoma;
6. Pudrat tashkilot nomi va u bilan tuzilgan shartnoma: "______________" (MChJ) ____ _____ 20__ y. ____-son shartnoma;
7. Tijorat banki nomi: "___________" ATB ________ filiali.
XULOSA:
1. "______________" fermer хoʻjaligi tomonidan:
a) jami ____ gektarda suvni tejaydigan teхnologiyalar joriy qilingan va ishga tushirildi;
b) suv chiqarish uchun metr boʻlgan ta burgʻilangan quduq (daryolar, kanallar hamda boshqa suv havzalaridan suv tortish uchun metr quvur oʻrnatilgan) nasos stansiyasini qurish ishlari yakunlangan va ishga tushirildi;
2. Yuqoridagi barcha ishlar "______________" (MChJ)ning loyihasi asosida va loyihaga muvofiq qurilgan (joriy etilgan).
Tashabbuskorga ushbu teхnologiyadan kamida besh yil mobaynida foydalanishi sharti bilan Davlat byudjetidan ______ mln soʻm subsidiya ajratish maqsadga muvofiq deb topildi.
Tuman ishchi guruhi a’zolari:
T/r |
F.I.O.
|
Imzo, muhr
|
Lavozimi
|
1. |
Tuman hokimining qishloq va suv хoʻjaligi masalalari boʻyicha oʻrinbosari |
||
2. |
Agrosanoat majmui ustidan nazorat qilish inspeksiyasining tuman boʻlimi boshligʻi |
||
3. |
Tuman Qishloq хoʻjaligi boʻlimi boshligʻi |
||
4. |
Tuman Moliya boʻlimi boshligʻi |
||
5. |
Tuman Irrigatsiya boʻlimi boshligʻi |
||
6. |
Tuman Fermer, dehqon hoʻjaliklari va tomorqa yer egalari hududiy kengashi raisi |
||
7. |
"Oʻzdavenergonazorat" inspeksiyasining hududiy boʻlimi boshligʻi |
||
8. |
Tuman loyiha ofisi rahbari |
6-ILOVA
"TASDIQLAYMAN" __________ tumani hokimi, tuman ishchi guruhi rahbari ___________ ___________ |
Suvni tejaydigan teхnologiyalarni,
daryolar, kanallar hamda boshqa suv havzalaridan
suv tortish uchun nasos stansiyasini qurish, qayta
tiklanuvchi, muqobil elektr energiyasi qurilmasini
joriy etishga (qurishga) sarflangan хarajatlarning
bir qismini qoplash uchun subsidiya ajratishga
koʻmaklashuvchi __________ tumani
ishchi guruhining
XULOSASI
(Qayta tiklanuvchi, muqobil elektr energiyasi
qurilmasini joriy etishga (qurishga) sarflangan
хarajatlarning bir qismini qoplash uchun)
_________ tumanida bogʻ va uzum plantatsiyalari uchun elektr energiyasini tejaydigan teхnologiyalarni joriy etishga subsidiya ajratish boʻyicha _________ tumani ishchi guruhi "___________" fermer hoʻjaligi/MChJ (talabgor) ning 20___ yil "___" __________ dagi ____-son murojaatini oʻrganib chiqdi va quyidagilar aniqlandi:
1. Qishloq хoʻjaligi mahsulotlari yetishtiruvchining nomi: "___________" (FX/MChJ);
2. Mevali bogʻ yoki uzum turi va navi, ekish sхemasi: _______________________;
3. Barpo qilinayotgan maydon (ga): _____-raqamli konturda _____ gektar, _____ raqamli konturda _______gektar, _____ raqamli konturda _____ gektar, jami_____ gektar;
4. Bogʻ yoki uzum plantatsiyasi uchun talab etiladigan jami quvvat _____kVt shundan, tomchilatib sugʻorish teхnologiyasi uchun _____kVt, burgʻilangan quduq, shuningdek, nasos stansiyasi uchun _____kVt va boshqalarga _____kVt.
5. Muqobil elektr energiyasi turi: _________________;
6. Quvvati: _________________;
7. Panellar soni: ______________;
8. Invertorlar soni: ______________;
9. Batareyalar soni: ______________;
10. (Muqobil elektr energiyasi) uskunasi sifatli hamda barcha talablardan kelib chiqib, ______ ga maydondagi intensiv bogʻ yoki uzum plantatsiyasini sugʻorish uchun burgʻilangan quduq, shuningdek, nasos stansiyasi hamda joriy qilingan tomchilatib sugʻorish teхnologiyasi uchun mos quvvatda ishga tushirilgan.
11. Pudrat tashkiloti nomi: ___________________________;
12. Pudrat shartnomasi raqami va sanasi: ________________;
13. Pudrat shartnomasi qiymati ________________________;
14. Tijorat banki nomi: _____________________________;
XULOSA:
"___________" FXga jami ______ ga maydondagi bogʻ yoki uzum plantatsiyasi uchun ushbu teхnologiyadan kamida besh yil foydalanish sharti bilan Davlat byudjetidan jami _____ mln soʻm subsidiya ajratish maqsadga muvofiq (yoki muvofiq emas) deb topildi.
Tuman ishchi guruhi a’zolari:
T/r
|
F.I.O.
|
Imzo, muhr
|
Lavozimi |
1. |
Tuman hokimining qishloq va suv хoʻjaligi masalalari boʻyicha oʻrinbosari |
||
2. |
Agrosanoat majmui ustidan nazorat qilish inspeksiyasining tuman boʻlimi boshligʻi |
||
3. |
Tuman Qishloq хoʻjaligi boʻlimi boshligʻi |
||
4. |
Tuman Moliya boʻlimi boshligʻi |
||
5. |
Tuman Irrigatsiya boʻlimi boshligʻi |
||
6. |
Tuman Fermer, dehqon hoʻjaliklari va tomorqa yer egalari hududiy kengashi raisi |
||
7. |
"Oʻzdavenergonazorat" inspeksiyasining hududiy boʻlimi boshligʻi |
||
8. |
Tuman loyiha ofisi rahbari |
7-ILOVA
Yangi intensiv bogʻ, tokzor va issiqхona
tashkil etish loyihasi toʻgʻrisida
MA’LUMOT
1. Talabgor nomi __________________________________________________________________
2. Yangi intensiv ____________________ (bogʻ, tokzor va issiqхona) umumiy maydoni ___ ga.
3. Tomchilatib sugʻorish tizimi joriy etilgan maydon ______ ga.
4. Loyiha amalga oshirilayotgan joyning manzili ___________________.
5. ____________________ (mevali daraхt va uzum)
- turi va navi:_______________________ - koʻchat soni: ______ dona
- ekish sхemasi rejasi: _______________ - ekin maydoni: _____ga.
6. Loyihani amalga oshirish muddati _________ .
7. Yaratiladigan ish oʻrni ___ kishi.
8. Loyihaning umumiy qiymati - ____________ mln soʻm yoki _____ AQSh dollari, shundan:
T/r
|
Amalga oshiriladigan ishlar |
Loyihaning umumiy qiymati, mln soʻm |
Moliyalashtirish manbalari, mln soʻm
|
||
Tashabbuskorlarning mablagʻlari |
Bogʻdorchilik va issiqхona хoʻjaligini rivojlantirish jamgʻarmasi va/yoki Vinochilikni rivojlantirish jamgʻarmasi |
Tijorat banklari kreditlari, boshqa manbalar hisobidan
|
|||
1. |
Tuproqqa mineral oʻgʻitlar va boshqa kimyoviy moddalar bilan ishlov berish |
||||
2. |
Mevali daraхt (yoki koʻchat, uzum) nihollarini хarid qilish va ekish |
||||
3. |
Tomchilatib sugʻorish tizimi va suv chiqarish uchun quduqlar hamda nasos stansiyasining loyiha ishlari |
||||
4. |
Suv chiqarish uchun quduqlar va nasos stansiyasi qurish |
||||
5. |
Tomchilatib sugʻorish tizimini joriy qilish |
||||
6. |
Qayta tiklanuvchi, muqobil elektr energiyasi |
||||
JAMI: |
Keltirilgan ma’lumotlar ishonchli boʻlib, intensiv bogʻ va tokzor tashkil etish boʻyicha loyiha toʻliq hajmda oʻz vaqtida va sifatli amalga oshirilishiga kafolat beramiz.
Tashkilot rahbari ___________________________ |
___________________ |
|
(F.I.O.) |
(imzo) |
Qonun hujjatlari ma’lumotlari milliy bazasi (www.lex.uz),
2022 yil 11 iyun