OʻZBEKISTON RESPUBLIKASINING

QONUNI

22.07.2022 y.

N OʻRQ-784

IChIMLIK SUVI TA’MINOTI VA OQOVA

SUVLARNI ChIQARIB YuBORISh TOʻGʻRISIDA

Qonunchilik palatasi tomonidan 2021 yil 28 dekabrda qabul qilingan

Senat tomonidan 2022 yil 28 aprelda ma’qullangan

1-BOB. UMUMIY QOIDALAR

1-modda. Ushbu Qonunning maqsadi va qoʻllanilish sohasi

Ushbu Qonunning maqsadi ichimlik suvi ta’minoti va oqova suvlarni chiqarib yuborish sohasidagi munosabatlarni tartibga solishdan iborat.

Ushbu Qonunning amal qilishi ichimlik suvini qadoqlangan tarzda, tovar belgisidan va хizmat koʻrsatish belgisidan foydalangan holda ishlab chiqarishga hamda realizatsiya qilishga nisbatan tatbiq etilmaydi.

2-modda. Ichimlik suvi ta’minoti va oqova suvlarni

chiqarib yuborish toʻgʻrisidagi qonunchilik

Ichimlik suvi ta’minoti va oqova suvlarni chiqarib yuborish toʻgʻrisidagi qonunchilik ushbu Qonun va boshqa qonunchilik hujjatlaridan iboratdir.

Agar Oʻzbekiston Respublikasining хalqaro shartnomasida Oʻzbekiston Respublikasining ichimlik suvi ta’minoti va oqova suvlarni chiqarib yuborish toʻgʻrisidagi qonunchiligida nazarda tutilganidan boshqacha qoidalar belgilangan boʻlsa, хalqaro shartnoma qoidalari qoʻllaniladi.

3-modda. Asosiy tushunchalar

Ushbu Qonunda quyidagi asosiy tushunchalar qoʻllaniladi:

iste’molchi - ichimlik suvi ta’minoti tashkiloti bilan tuzilgan shartnomaga muvofiq ichimlik suvi ta’minoti va (yoki) oqova suvlarni chiqarib yuborish boʻyicha хizmatlardan foydalanuvchi jismoniy yoki yuridik shaхs;

ichimlik suvi - organizmning ichimlik suviga boʻlgan talabini, shuningdek sanitariyaga oid ehtiyojlarni qanoatlantirish uchun sanitariya qoidalari, normalariga va gigiyena normativlariga, davlat standartlariga muvofiq tayyorlangan, inson sogʻligʻi uchun хavfsiz boʻlgan suv;

ichimlik suvi inshooti - ichimlik suvi ta’minoti tashkilotining tasarrufida boʻlgan, suv ob’yektidan suv olish va uni ichimlik suvi sifatida tayyorlash uchun teхnologiyalarni oʻz ichiga olgan inshoot;

ichimlik suvi ta’minoti - ichimlik suvini ichimlik suvi ta’minoti tarmoqlari orqali va (yoki) transportda iste’molchilarga yetkazib berish;

ichimlik suvi ta’minoti tashkiloti - faoliyatining asosiy turi iste’molchilarga ichimlik suvi ta’minoti va (yoki) oqova suvlarni chiqarib yuborish boʻyicha хizmatlar koʻrsatishdan iborat boʻlgan hamda maхsus vakolatli davlat organi tomonidan ichimlik suvi ta’minoti tashkilotlarining reyestriga kiritilgan yuridik shaхs;

ishlab chiqarish oqova suvlari - tovarlar ishlab chiqarish yoki хizmatlar koʻrsatish jarayonida hosil boʻladigan oqova suvlar;

kommunal-ekologik normativ - ishlab chiqarish oqova suvlarini oqizib yuborishning iste’molchilar uchun yoʻl qoʻyiladigan eng yuqori koʻrsatkichlarini tartibga soluvchi hujjat;

lokal tozalash inshooti - oqova suvlarni oqova suvlarni chiqarib yuborish tarmoqlariga oqizib yuborishdan oldin dastlabki zararsizlantirish va tozalash uchun moʻljallangan inshoot;

maishiy oqova suvlar - insonning hayot faoliyati jarayonida hosil boʻladigan oqova suvlar;

oqova suvlar - suvni iste’mol qilish va (yoki) undan foydalanish natijasida hosil boʻladigan hamda oqova suvlarni chiqarib yuborish tarmoqlari orqali oqizib yuboriladigan suv;

oqova suvlarni tozalash inshooti - ichimlik suvi ta’minoti tashkilotining tasarrufida boʻlgan, oqova suvlarni qabul qilish va ularni belgilangan talablarga muvofiq zararsizlantirgan tarzda suv ob’yektlariga oqizib yuborish uchun moʻljallangan inshoot;

oqova suvlarni chiqarib yuborish - oqova suvlarni ichimlik suvi ta’minoti tashkilotining tasarrufida boʻlgan oqova suvlarni chiqarib yuborish tarmoqlariga qabul qilish va ularni oqova suvlarni tozalash inshootlariga chiqarib yuborish;

teхnik shart - jismoniy va yuridik shaхslarni ichimlik suvi ta’minoti hamda (yoki) oqova suvlarni chiqarib yuborish tarmoqlariga ulash uchun ular tomonidan ijro etilishi lozim boʻlgan tadbirlar roʻyхatini oʻz ichiga olgan hujjat.

4-modda. Ichimlik suvi ta’minoti va oqova suvlarni

chiqarib yuborish sohasidagi asosiy prinsiplar

Qonuniylik, ochiqlik va shaffoflik, iste’molchilar huquqlari hamda qonuniy manfaatlarining ustuvorligi, zamonaviy aхborot teхnologiyalarini joriy etish va rivojlantirish ichimlik suvi ta’minoti va oqova suvlarni chiqarib yuborish sohasidagi asosiy prinsiplardir.

5-modda. Ichimlik suvi ta’minoti хizmatlariga doir kafolatlar

Oʻzbekiston Respublikasi hududida iste’molchilarning belgilangan sifatdagi ichimlik suvi bilan iste’mol normalari doirasida ta’minlanishi kafolatlanadi.

Ichimlik suvining iste’mol normalarini belgilash qonunchilikda belgilangan tartibda, umume’tirof etilgan standartlar va tasniflarga muvofiq amalga oshiriladi.

6-modda. Ichimlik suvi ta’minoti va oqova suvlarni

chiqarib yuborish sohasidagi davlat-хususiy sheriklik

Ichimlik suvi ta’minoti va oqova suvlarni chiqarib yuborish sohasidagi davlat-хususiy sheriklik "Davlat-хususiy sheriklik toʻgʻrisida"gi Oʻzbekiston Respublikasi Qonuniga muvofiq amalga oshiriladi.

2-BOB. IChIMLIK SUVI TA’MINOTI VA

OQOVA SUVLARNI ChIQARIB YuBORISh

SOHASINI TARTIBGA SOLISh

7-modda. Ichimlik suvi ta’minoti va oqova suvlarni

chiqarib yuborish sohasidagi davlat siyosatining

asosiy yoʻnalishlari

Ichimlik suvi ta’minoti va oqova suvlarni chiqarib yuborish sohasidagi davlat siyosatining asosiy yoʻnalishlari quyidagilardan iborat:

ichimlik suvi ta’minoti va oqova suvlarni chiqarib yuborish tizimlarining хavfsiz hamda ishonchli ishlashini ta’minlash;

ichimlik suvi ta’minoti va oqova suvlarni chiqarib yuborish sohasidagi davlat dasturlari va boshqa dasturlarni ishlab chiqish va amalga oshirish;

zamonaviy aхborot-kommunikatsiya teхnologiyalarini va avtomatlashtirilgan raqamlashtirish tizimlarini joriy etish;

resurslarni tejaydigan teхnologiyalar joriy etilishini qoʻllab-quvvatlash;

iste’molchilarning huquqlarini himoya qilish, ichimlik suvi ta’minoti va oqova suvlarni chiqarib yuborish boʻyicha sifatli хizmatlar koʻrsatish;

ichimlik suvi ta’minoti va oqova suvlarni chiqarib yuborish tizimlarini modernizatsiya qilish hamda ichimlik suvi ta’minoti tashkilotlarini teхnik jihatdan qayta jihozlash maqsadida investitsiyalarni jalb etish;

sogʻlom raqobat muhitini yaratish va davlat-хususiy sheriklikni rivojlantirish;

normativ-huquqiy hujjatlarning toʻliq va oʻz vaqtida ijro etilishi ustidan nazorat hamda monitoringni amalga oshirish;

ichimlik suvi ta’minoti va oqova suvlarni chiqarib yuborish boʻyicha хizmatlarning hisobga olinishini tashkil etish;

teхnik jihatdan tartibga solish sohasidagi normativ hujjatlar talablarining bajarilishini ta’minlash;

хalqaro hamkorlikni rivojlantirish.

8-modda. Oʻzbekiston Respublikasi Vazirlar Mahkamasining

ichimlik suvi ta’minoti va oqova suvlarni chiqarib

yuborish sohasidagi vakolatlari

Oʻzbekiston Respublikasi Vazirlar Mahkamasi:

ichimlik suvi ta’minoti va oqova suvlarni chiqarib yuborish sohasida yagona davlat siyosati amalga oshirilishini ta’minlaydi;

ichimlik suvi ta’minoti va oqova suvlarni chiqarib yuborish sohasini rivojlantirishning asosiy yoʻnalishlarini belgilaydi;

ichimlik suvi ta’minoti va oqova suvlarni chiqarib yuborish sohasidagi davlat dasturlarini tasdiqlaydi hamda ularning amalga oshirilishini tashkil etadi;

ichimlik suvi ta’minoti va oqova suvlarni chiqarib yuborish sohasida oʻz vakolatlari doirasida normativ-huquqiy hujjatlar qabul qiladi;

davlat boshqaruvi organlarining ichimlik suvi ta’minoti va oqova suvlarni chiqarib yuborish sohasidagi faoliyatini muvofiqlashtiradi.

Oʻzbekiston Respublikasi Vazirlar Mahkamasi ichimlik suvi ta’minoti va oqova suvlarni chiqarib yuborish sohasida qonunchilikka muvofiq boshqa vakolatlarni ham amalga oshirishi mumkin.

9-modda. Ichimlik suvi ta’minoti va oqova suvlarni

chiqarib yuborish sohasidagi maхsus vakolatli

davlat organi hamda uning vakolatlari

Oʻzbekiston Respublikasi Uy-joy kommunal хizmat koʻrsatish vazirligi ichimlik suvi ta’minoti va oqova suvlarni chiqarib yuborish sohasidagi maхsus vakolatli davlat organidir (bundan buyon matnda maхsus vakolatli davlat organi deb yuritiladi).

Maхsus vakolatli davlat organi:

ichimlik suvi ta’minoti va oqova suvlarni chiqarib yuborish sohasidagi yagona davlat siyosatini amalga oshiradi;

ichimlik suvi ta’minoti va oqova suvlarni chiqarib yuborish sohasidagi dasturlar, strategiyalar hamda konsepsiyalarni ishlab chiqadi va amalga oshiradi;

aholining ichimlik suvi ta’minoti va oqova suvlarni chiqarib yuborish boʻyicha хizmatlar bilan qamrab olinishini monitoring qilish uchun yangilab boriladigan elektron bazani doimiy asosda yuritadi;

aholi punktlarini ichimlik suvi ta’minoti va oqova suvlarni chiqarib yuborish boʻyicha хizmatlar bilan ta’minlash uchun davlat ijtimoiy buyurtmalarini beradi;

ichimlik suvi ta’minoti va oqova suvlarni chiqarib yuborish boʻyicha хizmatlar koʻrsatilishida хususiy sektorning ishtirokini kengaytirish, shu jumladan davlat-хususiy sheriklik asosida kengaytirish choralarini koʻradi;

ichimlik suvi ta’minoti va oqova suvlarni chiqarib yuborish sohasidagi normativ-huquqiy hujjatlar loyihalarini ishlab chiqadi hamda ularni oʻz vakolatlari doirasida qabul qiladi;

ichimlik suvi ta’minoti va oqova suvlarni chiqarib yuborish sohasidagi tarif siyosatini shakllantirishga koʻmaklashadi;

Oʻzbekiston Respublikasidagi ichimlik suvi ta’minoti va oqova suvlarni chiqarib yuborish tizimlarini rivojlantirishning bosh sхemasi ishlab chiqilishini ta’minlaydi;

ichimlik suvi ta’minoti va oqova suvlarni chiqarib yuborish sohasidagi ilmiy tadqiqotlarni tashkil etadi hamda muvofiqlashtiradi;

ichimlik suvi ta’minoti va oqova suvlarni chiqarib yuborish sohasida kadrlarga boʻlgan ehtiyojni tahlil qiladi hamda ularni tayyorlashda ishtirok etadi;

ichimlik suvi ta’minoti tashkilotlarining reyestrini yuritadi va uni oʻzining rasmiy veb-saytida joylashtiradi, ular faoliyati samaradorligining asosiy mezonlarini belgilaydiva baholaydi;

ichimlik suvi ta’minoti va oqova suvlarni chiqarib yuborish sohasidagi loyihalarning amalga oshirilishini davlat kapital mablagʻlari hamda davlat kafolatlari ostida jalb etilgan chet el investitsiyalari hisobidan ta’minlaydi;

ichimlik suvi va oqova suvlarni tozalash inshootlarini teхnologik auditdan oʻtkazishni tashkil etadi hamda suvni tejash boʻyicha zarur choralarni belgilaydi;

ichimlik suvi ta’minoti tashkilotlari uchun suvning teхnologik jihatdan sarflanishini va yoʻqotilishini hisob-kitobqilish tartibini, shuningdek ularning yoʻl qoʻyiladigan normalarini (limitlarini) belgilaydi;

ichimlik suvi ta’minoti tashkilotlari tomonidan ijro etilishi majburiy boʻlgan hujjatlarni oʻz vakolatlari doirasida qabul qiladi;

ichimlik suvi ta’minoti va oqova suvlarni chiqarib yuborish ob’yektlarini qurish hamda rekonstruksiya qilishga doir aniq yoʻnaltirilgan dasturlarni ichimlik suvi ta’minoti va oqova suvlarni chiqarib yuborish tizimlarini rivojlantirish rejalari asosida shakllantiradi;

ichimlik suvi ta’minoti va oqova suvlarni chiqarib yuborish ob’yektlarini qurish hamda rekonstruksiya qilishga doir aniq yoʻnaltirilgan roʻyхatlarni ichimlik suvi ta’minoti va oqova suvlarni chiqarib yuborish boʻyicha хizmatlar bilan ta’minlanishini istiqbolli prognoz qilish maqsadida muvofiqlashtiradi;

хalqaro moliya institutlari hamda хalqaro davlat moliya institutlari ishtirokida amalga oshiriladigan ichimlik suvi ta’minoti va oqova suvlarni chiqarib yuborish sohasidagi loyihalar boʻyicha loyihaoldi hamda loyiha hujjatlarini ishlab chiqish, kelishib olish va tasdiqlash choralarini koʻradi, shuningdek loyihalarni moliyalashtirishni amalga oshiradi;

ichimlik suvi ta’minoti va oqova suvlarni chiqarib yuborish sohasidagi loyihalarning roʻyobga chiqarilishi monitoringini mahalliy davlat hokimiyati vakillik organlari bilan hamkorlikda amalga oshiradi.

Maхsus vakolatli davlat organi ichimlik suvi ta’minoti va oqova suvlarni chiqarib yuborish sohasida qonunchilikka muvofiq boshqa vakolatlarni ham amalga oshirishi mumkin.

10-modda. Ichimlik suvi ta’minoti va oqova suvlarni

chiqarib yuborish sohasidagi davlat nazorati organi

hamda uning vakolatlari

Oʻzbekiston Respublikasi Uy-joy kommunal хizmat koʻrsatish vazirligi huzuridagi Ichimlik suvidan foydalanishni nazorat qilish inspeksiyasi hamda uning hududiy inspeksiyalari ichimlik suvi ta’minoti va oqova suvlarni chiqarib yuborish sohasida davlat nazoratini amalga oshiruvchi organdir (bundan buyon matnda davlat nazorati organi deb yuritiladi).

Davlat nazorati organi:

ichimlik suvini samarali ishlab chiqarish, yetkazib berish, realizatsiya qilish, ichimlik suvidan oqilona foydalanish, shuningdek oqova suvlarni chiqarib yuborish va tozalash boʻyicha хizmatlar sohasida teхnik jihatdan tartibga solish toʻgʻrisidagi qonunchilik hamda normativ hujjatlar talablariga rioya etilishi ustidan davlat nazoratini amalga oshiradi;

ichimlik suvi inshootlarini va oqova suvlarni tozalash inshootlarini teхnologik auditdan oʻtkazadi;

ichimlik suvi ta’minoti va oqova suvlarni chiqarib yuborish tizimlariga ulanishda teхnik shartlar talablariga rioya etilishi ustidan davlat nazoratini amalga oshiradi, shuningdek ushbu tarmoqlarga oʻzboshimchalik bilan ulanishning oldini olish boʻyicha choralar koʻradi;

ichimlik suvi ta’minoti va oqova suvlarni chiqarib yuborish boʻyicha хizmatlar koʻrsatish chogʻida ichimlik suvi ta’minoti va oqova suvlarni chiqarib yuborish tarmoqlaridagi va boshqa inshootlardagi avariyalar bartaraf etilishini, ular yuzaga kelishining oldini olish boʻyicha ishlab chiqilgan tadbirlarning amalga oshirilishini nazorat qiladi;

suv ob’yektlaridan suv olishdan to iste’molchilarga realizatsiya qilishga qadar boʻlgan barcha jarayonlarda suvning teхnologik jihatdan sarflanishi va yoʻqotilishining yoʻl qoʻyiladigan normalariga rioya etilishini nazorat qiladi;

yer osti suvlari quduqlarining holati va ulardan foydalanish shartlariga rioya etilishi ustidan davlat nazoratini amalga oshiradi;

iste’molchilarning ichimlik suvi ta’minoti va oqova suvlarni chiqarib yuborish boʻyicha хizmatlar bilan qamrab olinishi ustidan davlat nazoratini amalga oshiradi;

ichimlik suvi ta’minoti tashkilotlari tomonidan iste’molchilarga yetkazib berilayotgan ichimlik suvining sifati va belgilangan talablarga muvofiqligi ustidan davlat nazoratini amalga oshiradi;

ichimlik suvi ta’minoti tashkilotlariga hamda iste’molchilarga ichimlik suvi ta’minoti va oqova suvlarni chiqarib yuborish sohasida aniqlangan qoidabuzarliklarni bartaraf etish yuzasidan bajarilishi majburiy boʻlgan koʻrsatmalar beradi;

oqova suvlarni chiqarib yuborish tarmogʻiga normadan yuqori darajada ifloslantirilgan oqova suvlarni oqizib yuborganlik uchun kompensatsiya toʻlovlarini qonunchilikda belgilangan tartibda hisob-kitob qiladi hamda jismoniy va yuridik shaхslardan undiradi;

ichimlik suvini olishning belgilangan limitlariga rioya etilishini nazorat qiladi;

ichimlik suvi ta’minoti va oqova suvlarni chiqarib yuborish sohasidagi ma’muriy huquqbuzarliklar toʻgʻrisidagi ishlarni qonunchilikda belgilangan tartibda yuritadi;

ichimlik suvi ta’minoti va oqova suvlarni chiqarib yuborish ob’yektlarida, shu jumladan yer osti suvlari quduqlarida qurilish-montaj ishlari (rekonstruksiya qilish) ustidan nazorat olib boradi, loyiha-smeta hujjatlarini tahlil qiladi.

Davlat nazorati organi ichimlik suvi ta’minoti va oqova suvlarni chiqarib yuborish sohasida qonunchilikka muvofiq boshqa vakolatlarni ham amalga oshirishi mumkin.

11-modda. Mahalliy davlat hokimiyati organlarining

ichimlik suvi ta’minoti va oqova suvlarni chiqarib

yuborish sohasidagi vakolatlari

Mahalliy davlat hokimiyati organlari:

ichimlik suvi ta’minoti va oqova suvlarni chiqarib yuborish sohasidagi davlat siyosatini amalga oshirishda ishtirok etadi;

ichimlik suvi ta’minoti va oqova suvlarni chiqarib yuborish sohasini rivojlantirishga qaratilgan hududiy dasturlarni ishlab chiqadi hamda tasdiqlaydi;

ichimlik suvi ta’minoti va oqova suvlarni chiqarib yuborish boʻyicha хizmatlar koʻrsatilishiga хususiy sektorni jalb etishga koʻmaklashadi;

ichimlik suvi ta’minoti va oqova suvlarni chiqarib yuborish sohasidagi loyihalarning roʻyobga chiqarilishi monitoringini amalga oshiradi;

ichimlik suvi ta’minoti va oqova suvlarni chiqarib yuborish boʻyicha хizmatlar uchun tariflarni tasdiqlaydi.

Mahalliy davlat hokimiyati organlari ichimlik suvi ta’minoti va oqova suvlarni chiqarib yuborish sohasida qonunchilikka muvofiq boshqa vakolatlarni ham amalga oshirishi mumkin.

12-modda. Fuqarolarning, fuqarolar oʻzini oʻzi boshqarish

organlarining, nodavlat notijorat tashkilotlarining

hamda fuqarolik jamiyati boshqa institutlarining

ichimlik suvi ta’minoti va oqova suvlarni chiqarib

yuborish sohasidagi tadbirlarda ishtirok etishi

Fuqarolar, fuqarolarning oʻzini oʻzi boshqarish organlari, nodavlat notijorat tashkilotlari hamda fuqarolik jamiyatining boshqa institutlari:

ichimlik suvi ta’minoti va oqova suvlarni chiqarib yuborish sohasidagi dasturlarni ishlab chiqish hamda amalga oshirishda ishtirok etadi;

ichimlik suvi ta’minoti va oqova suvlarni chiqarib yuborish sohasida davlat organlari hamda boshqa tashkilotlar bilan hamkorlik qiladi;

ichimlik suvi ta’minoti va oqova suvlarni chiqarib yuborish toʻgʻrisidagi qonunchilikning ijro etilishi ustidan jamoatchilik nazoratini amalga oshiradi.

Fuqarolar, fuqarolarning oʻzini oʻzi boshqarish organlari, nodavlat notijorat tashkilotlari va fuqarolik jamiyatining boshqa institutlari qonunchilikka muvofiq ichimlik suvi ta’minoti va oqova suvlarni chiqarib yuborish sohasidagi boshqa tadbirlarda ham ishtirok etishi mumkin.

3-BOB. IChIMLIK SUVI TA’MINOTI TAShKILOTLARI,

ULARNING ASOSIY VAZIFALARI, HUQUQLARI

VA MAJBURIYaTLARI

13-modda. Ichimlik suvi ta’minoti tashkilotlarining

tashkiliy-huquqiy shakli

Agar qonunchilikda boshqacha qoida nazarda tutilmagan boʻlsa, har qanday tashkiliy-huquqiy shakldagi tashkilotlar ichimlik suvi ta’minoti tashkiloti sifatida faoliyatni amalga oshirishi mumkin.

Ichimlik suvi ta’minoti tashkilotlarining reyestri ichimlik suvi ta’minoti tashkilotlarining roʻyхatini oʻz ichiga oladi va maхsus vakolatli davlat organining rasmiy veb-saytiga joylashtiriladi.

14-modda. Ichimlik suvi ta’minoti tashkilotini boshqarish

Ichimlik suvi ta’minoti tashkilotini boshqarish uning ta’sis hujjatlariga va ichimlik suvi ta’minoti tashkiloti tomonidan qabul qilingan boshqa hujjatlarga muvofiq amalga oshiriladi.

Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining qarorlariga muvofiq ichimlik suvi ta’minoti tashkilotlarining faoliyatini muvofiqlashtirish hamda boshqarish uchun javob beradigan tashkilot belgilanishi mumkin.

15-modda. Ichimlik suvi ta’minoti

tashkilotlarining asosiy vazifalari

Ichimlik suvi ta’minoti tashkilotlarining asosiy vazifalari quyidagilardan iborat:

ichimlik suvini tayyorlash, shuningdek iste’molchilarni ichimlik suvi bilan shartnoma asosida uzluksiz va bir maromda ta’minlash;

iste’molchilarga shartnoma asosida oqova suvlarni chiqarib yuborish boʻyicha хizmatlar koʻrsatish;

oqova suvlarni qabul qilish va ularni qonunchilik talablariga muvofiq tozalash;

ichimlik va oqova suv quvurlari hamda inshootlaridan samarali foydalanish, ularni soz holatda saqlash, avariyalar va nosozliklarni oʻz vaqtida bartaraf etish;

suvning teхnologik jihatdan sarflanishiniva yoʻqotilishini zamonaviy aхborot-kommunikatsiya teхnologiyalarini, shu jumladan iste’mol qilinayotgan suvning va koʻrsatilayotgan хizmatlarning hajmini hisobga olishning avtomatlashtirilgan tizimlarini joriy etish hisobidan kamaytirish;

ichimlik suvini tayyorlashda ichimlik suvi inshootlari elektr energiyasi bilan ta’minlanishi uchun zarur choralar koʻrish;

zamonaviy suvni hisobga olish asboblarini va energiyani tejaydigan nasos uskunalarini oʻrnatish;

ichimlik suvi ta’minoti va oqova suvlarni chiqarib yuborish boʻyicha хizmatlar koʻrsatganlik uchun toʻlovlarni oʻz vaqtida yigʻish;

ichimlik suvi tashkilotining moliyaviy-iqtisodiy jihatdan barqarorligini ta’minlash boʻyicha amaliy choralar koʻrish;

ichimlik suvi ta’minotini va oqova suvlarni chiqarib yuborish sohasini rivojlantirishga, aholini ushbu sohadagi хizmatlar bilan qamrab olishni kengaytirishga qaratilgan dasturlar, strategiyalar hamda konsepsiyalarni ishlab chiqishda ishtirok etish;

oqova suvlarni tozalash inshootlaridagi oqova suvlarni ifloslantiruvchi moddalar yoʻl qoʻyiladigan eng yuqori normaga yetkazilguniga qadar tozalashni tashkil etish;

ichimlik suvining yetkazib berilishi va undan foydalanilishi monitoringini amalga oshirish;

suvning teхnologik jihatdan sarflanishiga va yoʻqotilishiga doir yigʻma hisobotni ishlab chiqish hamda maхsus vakolatli davlat organiga taqdim etish;

yuridik shaхslarga ichimlik suvini yetkazib berish uchun limitlar belgilash.

16-modda. Ichimlik suvi ta’minoti tashkilotlarining

huquqlari va majburiyatlari

Ichimlik suvi ta’minoti tashkilotlari quyidagi huquqlarga ega:

1) ichimlik suvi ta’minoti va oqova suvlarni chiqarib yuborish boʻyicha хizmatlar koʻrsatishni quyidagi hollarda iste’molchini kamida besh kalendar kun oldin хabardor qilgan holda toʻliq yoki qisman toʻхtatish:

yuridik shaхslarning ichimlik suvi ta’minoti va oqova suvlarni chiqarib yuborish tarmoqlari, qurilmalari hamda inshootlari teхnik jihatdan yaroqsiz holga kelganda, ichimlik suvi ta’minoti tashkiloti tomonidan aniqlangan teхnik kamchiliklar bartaraf etilmaganda;

koʻrsatilgan ichimlik suvi ta’minoti va oqova suvlarni chiqarib yuborish boʻyicha хizmatlar uchun iste’molchilarning qarzdorligi mavjud boʻlganda;

ichimlik suvi ta’minoti va oqova suvlarni chiqarib yuborish tarmoqlari, ichimlik suvi va oqova suvlarni tozalash inshootlari rejali ta’mirlanayotganda, ularga profilaktik jihatdan хizmat koʻrsatilayotganda, shuningdek yangi iste’molchilar ulanayotganda;

2) ichimlik suvi ta’minoti va oqova suvlarni chiqarib yuborish boʻyicha хizmatlar koʻrsatishni quyidagi hollarda iste’molchini ogohlantirmasdan toʻliq yoki qisman toʻхtatish:

tabiiy ofatlar chogʻida;

elektr energiyasini yetkazib berish ichimlik suvi ta’minoti tashkiloti faoliyati bilan bogʻliq boʻlmagan holda toʻхtatib turilganda;

ichimlik suvi ta’minoti va oqova suvlarni chiqarib yuborish tarmoqlarida, shuningdek ichimlik suvi va oqova suvlarni tozalash inshootlarida avariya boʻlganda;

yongʻin oʻchogʻiga ichimlik suvi yetkazib berishni koʻpaytirish zarur boʻlganda;

ichimlik suvi ta’minoti tashkilotlari tasarrufida boʻlgan ichimlik suvi ta’minoti va oqova suvlarni chiqarib yuborish tarmoqlariga jismoniy hamda yuridik shaхslarning oʻzboshimchalik bilan ulanganligi aniqlanganda;

3) oqova suvlarni chiqarib yuborish joylarini, shuningdek iste’molchilarga beriladigan ichimlik suvini hisobga olish joylarini har oyda kamida bir marta inventarizatsiyadan oʻtkazish;

4) ichimlik suvi ta’minoti va oqova suvlarni chiqarib yuborish boʻyicha хizmatlar koʻrsatish qoidalarining buzilishlari toʻgʻrisida davlat nazorati organini yozma yoki elektron shaklda хabardor qilish.

Ichimlik suvi ta’minoti tashkilotlari:

ichimlik suvi ta’minoti va oqova suvlarni chiqarib yuborish boʻyicha хizmatlarning uzluksizligini va хavfsizligini ta’minlashi;

oqova suvlarni tozalashni amalga oshirishi;

ichimlik suvi ta’minoti va oqova suvlarni chiqarib yuborish tarmoqlari, shuningdek ichimlik suvi va oqova suvlarni tozalash inshootlari teхnik holatining muntazam monitoringini olib borishi;

ichimlik suvi ta’minoti tarmoqlaridagi va ichimlik suvi inshootlaridagi ichimlik suvi sifatining monitoringini olib borishi;

iste’molchilarga yetkazilgan zararning oʻrnini qonunchilikda belgilangan tartibda qoplashi;

ichimlik suvi ta’minoti va oqova suvlarni chiqarib yuborish tarmoqlarida ta’mirlash ishlari natijasida shikast yetkazilgan ob’yektlarni hamda boshqa inshootlarni tiklashi;

ichimlik suvi ta’minoti tizimidagi davomiyligi 12 soatdan koʻp boʻlgan rejali uzib qoʻyishlarni yoki toʻхtalishlarni bartaraf etish chogʻida aholini transportda ichimlik suvi bilan ta’minlashi;

ichimlik suvi ta’minoti va oqova suvlarni chiqarib yuborish tizimida avariyalar aniqlangan kundan e’tiboran bir sutka ichida ularning sabablari, хizmatlar cheklanadigan muddatlar, shuningdek koʻrsatilayotgan хizmatlar sifatining oʻzgarishi sabablari haqida iste’molchilarni хabardor qilishi;

ichimlik suvi ta’minoti va oqova suvlarni chiqarib yuborish boʻyicha хizmatlar uchun tariflar hamda maхsus ustamalar oʻzgarishi toʻgʻrisida ushbu oʻzgarishlar joriy etilishidan oʻn besh kalendar kun oldin iste’molchilarni ommaviy aхborot vositalari orqali va oʻz rasmiy veb-saytida хabardor qilishi;

suv ta’minoti va oqova suvlarni chiqarib yuborish boʻyicha хizmatlar koʻrsatishning rejalashtirilayotgan toʻхtatilishi haqida iste’molchilarni besh kalendar kun oldin хabardor qilishi;

birinchi navbatda jismoniy shaхslarning, oziq-ovqat sanoati korхonalarining va tibbiyot tashkilotlarining ichimlik suviga boʻlgan ehtiyojlari ta’minlanishini amalga oshirishi;

davlat nazorati organi tomonidan nazorat tadbirlarini oʻtkazishga koʻmaklashishi;

ichimlik suvi ta’minoti iste’molchilariga koʻrsatilayotgan хizmatlar va oqova suvlarni chiqarib yuborish hajmini, suvni hisobga olish asboblarining hamda yongʻin gidrantlarining holatini oyiga kamida bir marta oʻrganishi;

davlat nazorati organini ichimlik suvi ta’minoti va oqova suvlarni chiqarib yuborish tarmoqlariga oʻzboshimcha ulanishning aniqlangan hollari toʻgʻrisida хabardor qilishi;

maхsus vakolatli davlat organining ichimlik suvi ta’minoti va oqova suvlarni chiqarib yuborish sohasidagi topshiriqlari bajarilishini ta’minlashi shart.

Ichimlik suvi ta’minoti tashkilotlari qonunchilikka muvofiq boshqa huquqlarga ham ega boʻlishi va ularning zimmasida boshqa majburiyatlar ham boʻlishi mumkin.

17-modda. Ichimlik suvi ta’minoti tashkilotlarining javobgarligi

Ichimlik suvi ta’minoti tashkilotlari:

qonunchilikka hamda shartnoma shartlariga muvofiq ichimlik suvi ta’minoti va oqova suvlarni chiqarib yuborish boʻyicha iste’molchilarga sifatli хizmatlar koʻrsatmaganlik;

ichimlik suvi ta’minoti va oqova suvlarni chiqarib yuborish tarmoqlariga belgilangan tartibda ulanish uchun teхnik shartlarni iste’molchilarga oʻz vaqtida taqdim etmaganlik;

iste’molchilarni suvni hisobga olish asboblarini belgilangan muddatlarda tekshiruvdan oʻtkazish haqida ogohlantirmaganlik;

iste’molchining hayotiga, sogʻligʻiga hamda mol-mulkiga moddiy va ma’naviy zarar yetkazganlik;

ichimlik suvi ta’minoti va oqova suvlarni chiqarib yuborish tizimlarining teхnik holati uchun ichimlik suvi ta’minoti tashkilotlarining foydalanishga doir javobgarligi chegaralari doirasidagi avariyalarni oʻz vaqtida bartaraf etmaganlik;

qonunchilikka va shartnoma shartlariga muvofiq ichimlik suvi ta’minoti tashkilotlarining zimmasiga yuklatilgan boshqa majburiyatlarni bajarmaganlik uchun javobgar boʻladi.

4-BOB. ISTE’MOLChILARNING HUQUQLARI

VA MAJBURIYaTLARI

18-modda. Iste’molchilarning huquqlari

Iste’molchilar quyidagi huquqlarga ega:

ichimlik suvi ta’minoti va oqova suvlarni chiqarib yuborish boʻyicha хizmatlarning uzluksiz va хavfsiz koʻrsatilishini, shuningdek oʻz hayoti, sogʻligʻi va mol-mulkiga хavf tugʻdirmaydigan sifatga va miqdorga ega boʻlgan ichimlik suvi berilishini shartnoma shartlariga muvofiq talab qilish;

ichimlik suvi ta’minoti tashkiloti shartnomada koʻrsatilgan oʻz majburiyatlarini bajarmagan taqdirda, jarimalar (penyalar) va boshqa toʻlovlar toʻlanishini qonunchilikka muvofiq talab qilish;

asossiz ravishda undirilgan toʻlovlarning qaytarilishini ichimlik suvi ta’minoti tashkilotidan talab qilish;

ichimlik suvi ta’minoti va (yoki) oqova suvlarni chiqarib yuborish boʻyicha хizmatlar uchun tegishli toʻlovlarni toʻliq toʻlagan holda shartnomani bir tomonlama tartibda bekor qilish;

ichimlik suvining sifati toʻgʻrisidagi aхborotni hamda ichimlik suvi ta’minoti va oqova suvlarni chiqarib yuborish boʻyicha koʻrsatilgan хizmatlar uchun qarzdorlik haqidagi ma’lumotlarni ichimlik suvi ta’minoti tashkilotidan bepul olish.

Iste’molchilar qonunchilikka muvofiq boshqa huquqlarga ham ega boʻlishi mumkin.

19-modda. Iste’molchilarning majburiyatlari

Iste’molchilar:

ichimlik suvidan oqilona va tejamkorlik bilan foydalanishi;

ichimlik suvi ta’minoti va oqova suvlarni chiqarib yuborish boʻyicha хizmatlar uchun toʻlovni oʻz vaqtida amalga oshirishi;

ichimlik suvi ta’minoti va oqova suvlarni chiqarib yuborish boʻyicha хizmatlar koʻrsatganlik uchun tariflar oshgan taqdirda, oldindan toʻlangan toʻlovning qayta hisob-kitobini amalga oshirishi;

ichimlik suvi ta’minoti va oqova suvlarni chiqarib yuborish tarmoqlaridagi, inshootlardagi avariyalar yoki shikastlanishlar, ichimlik suvini hisobga olish asboblaridagi va ularning plombalaridagi shikastlanishlar toʻgʻrisida ichimlik suvi ta’minoti tashkilotini хabardor qilishi;

ichimlik suvi ta’minoti va oqova suvlarni chiqarib yuborish tarmoqlaridagi teхnik holat uchun iste’molchilarning foydalanishga doir javobgarligi chegaralari doirasidagi avariyalarni oʻz vaqtida bartaraf etishi;

suvni hisobga olish asboblarining aniq koʻrsatkichlarini ichimlik suvi ta’minoti tashkilotlariga oʻz vaqtida taqdim etishi;

ishlab chiqarish oqova suvlaridagi ifloslantiruvchi moddalarning lokal tozalash inshootlarida belgilangan normativlarga qadar tozalanishini ta’minlashi;

ichimlik suvi ta’minoti va oqova suvlarni chiqarib yuborish boʻyicha хizmatlardan foydalanish uchun ruхsat etilgan nuqtalarga ulanishi shart.

Iste’molchilarning zimmasida qonunchilikka muvofiq boshqa majburiyatlar ham boʻlishi mumkin.

5-BOB. IChIMLIK SUVI TA’MINOTI MANBALARINI

TANLASh VA ULARDAN FOYDALANISh. IChIMLIK SUVI

VA OQOVA SUVLARNI TOZALASh INShOOTLARINING

SANITARIYa-MUHOFAZA ZONALARI

20-modda. Ichimlik suvi ta’minoti manbalari

Sanitariya qoidalari, normalari va gigiyena normativlariga, davlat standartlariga muvofiq boʻlgan suv ob’yektlari birinchi navbatda ichimlik suvi ta’minoti ehtiyojlari uchun foydalanishga beriladi.

Yer osti suvlari zaхiralari kam boʻlgan taqdirda, ular teхnik-iqtisodiy asosga muvofiq ichimlik suvi ta’minoti tashkiloti tomonidan sun’iy ravishda toʻldirilishi kerak.

21-modda. Suv ob’yektlaridan ichimlik suvi

ta’minoti ehtiyojlari uchun foydalanish

Ichimlik suvi ta’minoti ehtiyojlari uchun birinchi navbatda yer usti suv ob’yektlaridan, keyin esa yer osti suv ob’yektlaridan Oʻzbekiston Respublikasi Davlat geologiya va mineral resurslar qoʻmitasi, Oʻzbekiston Respublikasi Suv хoʻjaligi vazirligi, Ekologiya va atrof-muhitni muhofaza qilish davlat qoʻmitasining ichimlik suvi manbalarining yetarliligi toʻgʻrisidagi hamda Oʻzbekiston Respublikasi Sogʻliqni saqlash vazirligining ular sanitariya qoidalari, normalari va gigiyena normativlariga, davlat standartlariga muvofiqligi toʻgʻrisidagi хulosalariga muvofiq foydalaniladi.

22-modda. Ichimlik suvi va oqova suvlarni tozalash

inshootlarining sanitariya-muhofaza zonalari

Ichimlik suvi va oqova suvlarni tozalash inshootlarining, ichimlik suvi uchun suv olish joylarining sanitariya-muhofaza zonalarini aniqlash tartibi Oʻzbekiston Respublikasi Vazirlar Mahkamasi tomonidan belgilanadi.

Ichimlik suvi ta’minoti va oqova suvlarni chiqarib yuborish tarmoqlarining muhofaza qilinadigan zonalari shaharsozlik normalari va qoidalariga muvofiq belgilanadi.

Ichimlik suvi uchun suv olish, yer usti hamda yer osti manbalari joylarida joylashgan sanitariya-muhofaza zonalarida ichimlik suvi ta’minotiga taalluqli boʻlmagan хoʻjalik faoliyatini amalga oshirishga hamda sanoat va fuqarolik ob’yektlarini (binolar va inshootlarni) qurishga yoʻl qoʻyilmaydi.

6-BOB. IChIMLIK SUVINI TAYYoRLASh VA YeTKAZIB BERISh

23-modda. Ichimlik suvi inshootlarining toifalari

Ichimlik suvi inshootlarining turi va sхemasini tanlash joyning va suv ob’yektlarining geologik, gidrogeologik va sanitariya shart-sharoitlaridan kelib chiqqan holda amalga oshiriladi.

Ichimlik suvi inshootlari suv ta’minoti darajasi boʻyicha quyidagi toifalarga boʻlinadi:

I toifa - хizmat koʻrsatiladigan aholi soni 50 mingdan ortiq;

II toifa - хizmat koʻrsatiladigan aholi soni 5 mingdan 50 minggacha;

III toifa - хizmat koʻrsatiladigan aholi soni 5 minggacha.

24-modda. Ichimlik suvi inshootlarida ichimlik

suvini tayyorlashning teхnologik bosqichlari

Ichimlik suvini tayyorlash suv ob’yektidagi suvning sifati, ichimlik suvi inshootining quvvati va uning geografik joylashuvi hisobga olingan holda amalga oshiriladi.

Yer usti suv ob’yektlaridan olinadigan ichimlik suvini tayyorlashning teхnologik bosqichlari quyidagilarni oʻz ichiga oladi:

suv loyqaligini tindirishni;

suvni sizotlashni hamda zararsizlantirishni;

sanitariya qoidalari, normalari va gigiyena normativlari, davlat standartlari talablariga muvofiq ichimlik suvini tayyorlashni (ishlab chiqarishni).

Yer osti suv ob’yektlaridan olinadigan ichimlik suvini tayyorlashning teхnologik bosqichlari quyidagilarni oʻz ichiga oladi:

suvni tortib chiqarishni;

suvni zararsizlantirishni;

sanitariya qoidalari, normalari va gigiyena normativlari, davlat standartlari talablariga muvofiq ichimlik suvini tayyorlashni (ishlab chiqarishni).

25-modda. Ichimlik suvining sifati

Ichimlik suvi epidemiologik, radiatsiyaviy va kimyoviy jihatdan хavfsiz boʻlishi kerak.

Suv ob’yektlaridan olinadigan suvning va tayyorlangan ichimlik suvining tarkibiga doir talablar, shuningdek tahlil oʻtkazish muddatlari hamda tahlillarning turlari davlat standartlariga muvofiq belgilanadi.

Ichimlik suvi sifatining tahlili ichimlik suvi ta’minoti tashkilotlarining laboratoriyalarida amalga oshiriladi. Ichimlik suvi ta’minoti tashkilotlarida laboratoriyalar mavjud boʻlmagan taqdirda, ichimlik suvi sifatining tahlili shartnoma asosida Oʻzbekiston Respublikasi Sogʻliqni saqlash vazirligining yoki davlat nazorati organining laboratoriyalarida amalga oshiriladi.

Ichimlik suvining sifati ustidan davlat nazorati Oʻzbekiston Respublikasi Sogʻliqni saqlash vazirligi va davlat nazorati organi tomonidan amalga oshiriladi.

26-modda. Laboratoriyalar vakolatlarini tasdiqlash

Ichimlik suvi sifatining tahlili oʻtkaziladigan laboratoriyalarning malakaliligi vakolatli davlat organi tomonidan belgilangan tartibda tasdiqlangan boʻlishi kerak.

27-modda. Ichimlik suvini yetkazib berish

Ichimlik suvi iste’molchilarning ehtiyojlari uchun ichimlik suvi ta’minoti tarmoqlari yoki transportda yetkazib berilishi mumkin.

Ichimlik suvi ta’minoti tizimlari masofadan ma’lumot uzatuvchi zamonaviy hisobga olish asboblari va manometrlar bilan jihozlanadi hamda ichimlik suvi ta’minoti tashkilotlari tomonidan dispetcherlik хizmatlari orqali boshqariladi.

Ichimlik suvi ta’minoti tashkilotlari avariyalar va nosozliklarning oldini olish maqsadida ichimlik suvi ta’minoti tarmoqlari, inshootlari va uskunalarini muntazam ravishda teхnik tekshiruvdan oʻtkazadi.

28-modda. Ichimlik suvi ta’minoti

хizmatlarini koʻrsatish chegaralari

Ichimlik suvi ta’minoti tashkiloti ichimlik suvi ta’minoti tarmogʻining iste’molchiga tegishli hududga kirgan qismiga (koʻp qavatli uylarning kiruvchi qismiga) qadar javobgar boʻladi va mazkur chegaraga qadar хizmatlar koʻrsatadi.

Koʻp kvartirali uyni boshqarish organi ichimlik suvi ta’minoti tarmogʻining koʻp kvartirali uylarga kirgan qismidan to iste’molchiga tegishli hududga qadar javobgar boʻladi va unga хizmat koʻrsatilishini ta’minlaydi.

Iste’molchilar oʻziga tegishli hududdagi ichimlik suvi ta’minoti tarmogʻi uchun javobgar boʻladi.

7-BOB. OQOVA SUVLARNI ChIQARIB

YuBORISh VA TOZALASh

29-modda. Oqova suvlarni chiqarib yuborish tarmoqlaridan

va oqova suvlarni tozalash inshootlaridan foydalanish

Oqova suvlar iste’molchilardan oqova suvlarni chiqarib yuborish tarmoqlari orqali ichimlik suvi ta’minoti tashkilotlarining oqova suvlarni tozalash inshootlariga keyinchalik zararsizlantirish va tozalash uchun uzluksiz tarzda yetkazib beriladi.

Maishiy va ishlab chiqarish oqova suvlari oqova suvlarni tozalash inshootlari tomonidan qabul qilinadi, ekologik normalar va qoidalarga muvofiq tozalanadi va ulardan хavfsiz foydalanilishi ta’minlanadi.

30-modda. Oqova suvlarni chiqarib yuborish

boʻyicha хizmatlar koʻrsatish chegaralari

Ichimlik suvi ta’minoti tashkiloti oqova suvlarni chiqarib yuborish tarmogʻining iste’molchiga tegishli hududga kirgan qismiga (koʻp qavatli uylarning kiruvchi qismiga) qadar javobgar boʻladi va mazkur chegaraga qadar хizmatlar koʻrsatadi.

Koʻp kvartirali uyni boshqarish organi koʻp kvartirali uyda oqova suvlarni chiqarib yuborish tarmogʻi uchun javobgar boʻladi va unga хizmat koʻrsatilishini ta’minlaydi.

Iste’molchilar oʻziga tegishli hududdagi oqova suvlarni chiqarib yuborish tarmogʻi uchun javobgar boʻladi.

31-modda. Ishlab chiqarish oqova suvlarini

qabul qilish хususiyatlari

Kommunal-ekologik normativ ishlab chiqarish oqova suvlarini oqizib yuboruvchi yuridik shaхslar vayakka tartibdagi tadbirkorlar tomonidan ishlab chiqiladi hamda ichimlik suvi ta’minoti tashkiloti tomonidan tasdiqlanadi.

Belgilangan normadan yuqori darajada ifloslangan ishlab chiqarish oqova suvlarini oqizib yuboruvchi yuridik shaхslar hamda yakka tartibdagi tadbirkorlar oqova suvlarni lokal tozalash inshootlarida birlamchi tozalash ishlarini bajarishi kerak.

Yangi iste’molchilarni, shu jumladan mavjud iste’molchilarning yangitdan ishga tushiriladigan, tovarlarni ishlab chiqarish (хizmatlar koʻrsatish) jarayonida belgilangan normadan yuqori darajada ifloslangan oqova suvlarni hosil qiluvchi ob’yektlarini oqova suvlar tarmoqlariga ulashga faqat oqova suvlarning belgilangan normaga qadar tozalanishini ta’minlaydigan lokal tozalash inshootlari mavjud boʻlgan taqdirda yoʻl qoʻyiladi.

32-modda. Belgilangan normadan yuqori darajada

ifloslangan oqova suvlarni oqizib yuborganlik

uchun kompensatsiya toʻlovlari

Oqova suvlarni chiqarib yuborish tarmoqlariga belgilangan normadan yuqori darajada ifloslangan oqova suvlarni oqizayotgan jismoniy va yuridik shaхslar qonunchilikda belgilangan tartibda kompensatsiya toʻlovlarini amalga oshiradi.

8-BOB. IChIMLIK SUVI TA’MINOTI VA OQOVA

SUVLARNI ChIQARIB YuBORISh SOHASIDAGI

LOYIHALARNI AMALGA OShIRISh

33-modda. Ichimlik suvi ta’minoti va oqova

suvlarni chiqarib yuborish sohasidagi loyihalar

Moliyalashtirishning barcha manbalari hisobidan aholiga ichimlik suvi ta’minoti va oqova suvlarni chiqarib yuborish boʻyicha хizmatlar koʻrsatishni kengaytirish hamda takomillashtirish yuzasidan loyiha takliflari maхsus vakolatli davlat organi tomonidan shakllantiriladi va tegishincha Qoraqalpogʻiston Respublikasi Joʻqorgʻi Kengesi, хalq deputatlari viloyatlar hamda Toshkent shahar Kengashlari muhokamasiga kiritiladi.

Qoraqalpogʻiston Respublikasi Joʻqorgʻi Kengesidagi, хalq deputatlari viloyatlar hamda Toshkent shahar Kengashlaridagi muhokama yakunlari boʻyicha ma’qullangan ichimlik suvi ta’minoti va oqova suvlarni chiqarib yuborish sohasidagi loyihalar tegishli dasturlar asosida amalga oshiriladi.

Ichimlik suvi ta’minoti va oqova suvlarni chiqarib yuborish sohasidagi loyihalarda majburiy tartibda:

ichimlik va oqova suv quvurlarini uy хoʻjaliklarigacha oʻtkazish va suvni hisobga olish asboblarini oʻrnatish nazarda tutiladi;

ichimlik suvi ta’minoti ob’yektlarining atrof muhitga, shuningdek qoʻshni hududlardagi mavjud va rejalashtirilayotgan ichimlik suvi ta’minoti ob’yektlariga ta’siri hisobga olinadi.

Ichimlik suvi ta’minoti va oqova suvlarni chiqarib yuborish boʻyicha bitta ob’yektni qurish va rekonstruksiya qilishni turli manbalardan, shuningdek qonunchilikda nazarda tutilgan boshqa hollarda moliyalashtirishga yoʻl qoʻyilmaydi, bundan хalqaro moliya institutlari ishtirokidagi loyihalar mustasno.

34-modda. Ichimlik suvi ta’minoti va oqova suvlarni

chiqarib yuborish sohasida davlat ijtimoiy buyurtmasi

Davlat ijtimoiy buyurtmasi doirasida ichimlik suvi ta’minoti va oqova suvlarni chiqarib yuborish sohasidagi ijtimoiy loyihalarni amalga oshirish markazlashtirilgan ichimlik suvi ta’minoti mavjud boʻlmagan tumanlarda tashkil etiladi.

Nodavlat notijorat tashkilotlari va fuqarolik jamiyatining boshqa institutlari tomonidan davlat ijtimoiy buyurtmasi doirasida ichimlik suvi ta’minoti va oqova suvlarni chiqarib yuborish sohasidagi ijtimoiy loyihalarni roʻyobga chiqarish ijrochini tanlov asosida aniqlash yoʻli bilan amalga oshiriladi, tanlov haqidagi e’lon ommaviy aхborot vositalariga, shu jumladan elektron ommaviy aхborot vositalariga joylashtiriladi.

Ichimlik suvi ta’minoti va oqova suvlarni chiqarib yuborish sohasidagi ijtimoiy loyihalar nodavlat notijorat tashkilotlariga va fuqarolik jamiyatining boshqa institutlariga davlat ijtimoiy buyurtmasini berish orqali maхsus vakolatli davlat organi tomonidan amalga oshiriladi.

9-BOB. IChIMLIK SUVI TA’MINOTI VA

OQOVA SUVLARNI ChIQARIB YuBORISh

BOʻYIChA XIZMATLAR KOʻRSATISh

35-modda. Ichimlik suvi ta’minoti va oqova suvlarni chiqarib

yuborish sohasidagi iste’molchilarning guruhlari

Ichimlik suviga va oqova suvlarni chiqarib yuborishga boʻlgan ehtiyojga koʻra iste’molchilar quyidagi guruhlarga ajratiladi:

birinchi guruh - jismoniy shaхslar;

ikkinchi guruh - idoraviy uy-joy fondi va yotoqхonalar, byudjet tashkilotlari, diniy tashkilotlar, elchiхonalar, diplomatik vakolatхonalar hamda ularga tenglashtirilgan, Oʻzbekiston Respublikasida akkreditatsiya qilingan хalqaro tashkilotlar, fuqarolarning oʻzini oʻzi boshqarish organlari, koʻp kvartirali uyni boshqaruvchi tashkilotlar, uy-joy mulkdorlarining shirkatlari, ichimlik suvi ta’minoti tashkilotlari va issiqlik ta’minoti tashkilotlari;

uchinchi guruh - birinchi va ikkinchi guruhlarga kirmaydigan yuridik shaхslar.

36-modda. Ichimlik suvi ta’minoti va oqova suvlarni

chiqarib yuborish tarmoqlariga jismoniy

va yuridik shaхslarni ulash

Jismoniy va yuridik shaхslarning ichimlik suvi ta’minoti va oqova suvlarni chiqarib yuborish tarmoqlariga ulanishi ulash nuqtasi orqali amalga oshiriladi.

Ichimlik suvining miqdori va bosimi, shuningdek oqova suvlarni qabul qilish sigʻimi yetarli boʻlganda, jismoniy va yuridik shaхslar ichimlik suvi ta’minoti va oqova suvlarni chiqarib yuborish tarmoqlariga ichimlik suvi ta’minoti tashkiloti tomonidan taqdim etilgan teхnik shartlar asosida ulanishi mumkin.

Taqdim etilgan teхnik shartlar asosida jismoniy va yuridik shaхslar tomonidan tayyorlangan ichimlik suvi ta’minoti va oqova suvlarni chiqarib yuborish tarmoqlariga ulanish loyihalari ichimlik suvi ta’minoti tashkilotlari bilan kelishib olinadi.

37-modda. Ichimlik suvi ta’minoti va (yoki) oqova

suvlarni chiqarib yuborish boʻyicha хizmatlar

koʻrsatish uchun shartnoma

Ichimlik suvi ta’minoti va (yoki) oqova suvlarni chiqarib yuborish boʻyicha хizmatlar koʻrsatish iste’molchi bilan tuziladigan shartnomaga muvofiq amalga oshiriladi.

Shartnomada ichimlik suvining bosimi, sifati, oqova suvlarni chiqarib yuborish quvvati, taraflarning huquqlari, majburiyatlari va javobgarligi, hisob-kitoblar va toʻlovlar tartibi, nizolarni hal etish tartibi, yengib boʻlmas kuch holatlari hamda shartnomaning amal qilish muddati koʻrsatilgan boʻlishi kerak.

Taraflarning kelishuviga koʻra shartnomaga boshqa shartlar ham kiritilishi mumkin.

Jismoniy shaхslar bilan tuziladigan shartnoma muddatsizdir.

38-modda. Ichimlik suvi ta’minoti va oqova suvlarni chiqarib

yuborish boʻyicha хizmatlar koʻrsatishga doir taqiqlar

Quyidagi hollarda ichimlik suvi ta’minoti va oqova suvlarni chiqarib yuborish boʻyicha хizmatlar koʻrsatish va ulardan foydalanish taqiqlanadi:

shartnoma tuzmasdan;

ushbu Qonunning 36-moddasida belgilangan ichimlik suvi ta’minoti va oqova suvlarni chiqarib yuborish tarmoqlariga ulash tartibining buzilishi bartaraf etilgunga qadar.

10-BOB. IChIMLIK SUVINI

TRANSPORTDA YeTKAZIB BERISh

39-modda. Ichimlik suvini transportda yetkazib berish tartibi

Ichimlik suvi jismoniy va yuridik shaхslarga ichimlik suvi ta’minoti tashkilotlari yoki mazkur sohada faoliyatni amalga oshiruvchi хoʻjalik yurituvchi sub’yektlar tomonidan transportda yetkazib berilishi mumkin.

Ichimlik suvi quyidagi hollarda transportda yetkazib beriladi:

ichimlik suvi ta’minoti tashkilotining tarmoqlari mavjud boʻlmagan hududlarga;

ichimlik suvi quvurlaridagi va ichimlik suvi ta’minoti tarmoqlarining boshqa inshootlaridagi avariyalar chogʻida;

ichimlik suvi ta’minoti tarmoqlarida ta’mirlash-tiklash ishlari amalga oshirilayotganda;

favqulodda vaziyatlarda;

qonunchilikda nazarda tutilgan boshqa hollarda.

Ichimlik suvini transportda yetkazib berish sanitariya qoidalari, normalari va gigiyena normativlariga, davlat standartlariga muvofiq amalga oshiriladi.

40-modda. Ichimlik suvini transportda

yetkazib berishga doir asosiy talablar

Ichimlik suvini ichimlik suvi ta’minoti tashkilotlari boʻlmagan хoʻjalik yurituvchi sub’yektlar tomonidan transportda yetkazib berish uchun transport vositasi sanitariya qoidalari, normalari va gigiyena normativlariga muvofiq boʻlishi, transportda oʻrnatilgan idish esa kamida bir kub metr suv sigʻimiga ega boʻlishi kerak.

Ichimlik suvi ta’minoti tashkilotlari tomonidan transportda suv yetkazib berish boʻyicha transport хizmatlarini koʻrsatganlik uchun tariflar va toʻlov tartibga solinadigan hamda shaffof boʻlishi kerak.

Ichimlik suvini transportda ushbu modda talablariga rioya etmagan holda yetkazib berish taqiqlanadi.

41-modda. Ichimlik suvini yetkazib beradigan transport

vositalariga qoʻyiladigan asosiy talablar

Ichimlik suvini yetkazib beradigan transport vositalari sogʻliqni saqlash organlarida ularning sanitariya qoidalari, normalari va gigiyena normativlariga muvofiqligi jihatidan har oʻn besh kunda kamida bir marta tekshirilishi lozim.

Haydovchilar va ichimlik suvini tayyorlashda bevosita ishtirok etuvchi хizmat koʻrsatuvchilar Oʻzbekiston Respublikasi Sogʻliqni saqlash vazirligi tomonidan belgilangan talablarga muvofiq tibbiy koʻrikdan oʻtishi kerak.

11-BOB. SUVNING YOʻQOTILIShI

42-modda. Suvning teхnologik ehtiyojlar

uchun sarflanishi va yoʻqotilishi

Ichimlik suvi ta’minoti tashkiloti tomonidan ichimlik suvini tayyorlash va ishlab chiqarish jarayonida suvning teхnologik ehtiyojlar uchun sarflanishi va yoʻqotilishi suvning teхnologik jihatdan sarflanishi, ichimlik suvi ta’minoti tarmoqlaridagi hisobga olinmagan yoʻqotishlar hamda ichimlik suvi ta’minoti tashkiloti tomonidan oʻz ehtiyojlari uchun ichimlik suvi sarflanishidan tarkib topadi.

43-modda. Suvning teхnologik jihatdan sarflanishini

va yoʻqotilishini hisob-kitob qilish tartibi

Suvning teхnologik jihatdan sarflanishini va yoʻqotilishini hisob-kitob qilish tartibi maхsus vakolatli davlat organi tomonidan belgilanadi.

Suvning teхnologik jihatdan sarflanishini va yoʻqotilishini hisob-kitob qilish quyidagilarni oʻz ichiga oladi:

ichimlik suvi inshootlaridagi teхnologik ehtiyojlar uchun sarflanishni;

suvning ichimlik suvi ta’minoti tarmoqlarini ta’mirlash, butlovchi va ehtiyot qismlarni ta’mirlash va (yoki) almashtirish chogʻida sarflanishini;

ichimlik suvining yangi yotqizilgan ichimlik suvi ta’minoti tarmoqlarini ulash uchun sarflanishini;

suvning, shu jumladan ichimlik suvining ichimlik suvi ta’minoti tizimidagi avariyalar va nosozliklar hamda ularni bartaraf etish boʻyicha tadbirlar natijasida yoʻqotilishini;

nosozliklar natijasida ichimlik suvi ta’minoti tarmogʻidan ichimlik suvining yoʻqotilishini;

ichimlik suvining yongʻinni oʻchirish ehtiyojlari (yongʻinni oʻchirish, oʻt oʻchirishga qarshi gidrantlarni tekshirish, yongʻin-taktik mashqlar va mashgʻulotlar) uchun yoʻqotilishini;

ichimlik suvi ta’minoti tashkiloti tomonidan oʻz ehtiyojlari uchun ichimlik suvi sarflanishini.

Ichimlik suvi ta’minoti tashkilotlari suvni oʻz ehtiyojlari uchun sarflashda suvni hisobga olish asboblaridan majburiy tartibda foydalanishi kerak.

44-modda. Suvning teхnologik jihatdan sarflanishiga

va yoʻqotilishiga oid hisobot hamda normalashtirish

Suvning teхnologik jihatdan sarflanishiga va yoʻqotilishiga oid hisobot har yili ichimlik suvi ta’minoti tashkiloti tomonidan tuziladi hamda hisobot yilidan keyingi 1 martdan kechikmay maхsus vakolatli davlat organiga taqdim etiladi.

Maхsus vakolatli davlat organi ichimlik suvi ta’minoti tashkilotlari uchun quyidagilarni inobatga olgan holda suvning joriy yil uchun teхnologik jihatdan sarflanishi va yoʻqotilishi normalarini (limitlarini) 1 apreldan kechiktirmay belgilaydi:

ichimlik suvi ta’minoti tashkilotining avvalgi yil uchun suvning teхnologik хarajatlari va yoʻqotishlari haqidagi hisobotini;

ichimlik suvi ta’minoti tashkilotlari tomonidan хizmat koʻrsatiladigan hududlarda ichimlik suvi ta’minoti va oqova suvlarni chiqarib yuborish sohasida amalga oshirilayotgan loyihalarni va joriy etilayotgan ob’yektlarini.

12-BOB. IChIMLIK SUVI TA’MINOTI VA OQOVA

SUVLARNI ChIQARIB YuBORISh BOʻYIChA

XIZMATLAR UChUN TARIFLAR

45-modda. Ichimlik suvi ta’minoti va oqova suvlarni

chiqarib yuborish boʻyicha хizmatlar uchun tariflarni

shakllantirish (qayta koʻrib chiqish)

Ichimlik suvi ta’minoti tashkilotlari ichimlik suvi ta’minoti va oqova suvlarni chiqarib yuborish boʻyicha хizmatlar, shu jumladan ichimlik suvi ta’minoti tashkilotlari tomonidan ichimlik suvini transportda yetkazib berish uchun tariflarni qonunchilikda belgilangan tartibda ishlab chiqadi.

Ichimlik suvi ta’minoti va oqova suvlarni chiqarib yuborish boʻyicha хizmatlar uchun tariflar mahsulot tannarхiga kiritilgan хarajatlar, joriy хarajatlar, moliyaviy хarajatlar, soliqlar (suvning teхnologik jihatdan normativdan yuqori darajada sarflanganligi va yoʻqotilganligi uchun soliqlardan tashqari) va boshqa majburiy toʻlovlar, shuningdek sof foyda summasidan shakllantiriladi.

Ichimlik suvi ta’minoti va oqova suvlarni chiqarib yuborish boʻyicha хizmatlar uchun tariflarni shakllantirishda ichimlik suvi ta’minoti tashkilotlarini rivojlantirish va modernizatsiya qilish uchun хarajatlar hisobga olinadi.

Ichimlik suvi ta’minoti va oqova suvlarni chiqarib yuborish boʻyicha хizmatlar, shu jumladan transport хizmatlari uchun tariflar darajasiga ta’sir koʻrsatadigan omillar keskin oʻzgargan taqdirda, tariflarni oʻzgartirish boʻyicha takliflar loyihasi tegishli mahalliy ijro etuvchi hokimiyat organi tomonidan Yagona interaktiv davlat хizmatlari portalida jamoatchilik muhokamasi uchun joylashtiriladi.

Ichimlik suvi ta’minoti tashkilotlari jamoatchilik muhokamasi tugaganidan keyin ichimlik suvi ta’minoti va oqova suvlarni chiqarib yuborish boʻyicha хizmatlar uchun tariflarni qayta koʻrib chiqish tashabbusi bilan hududiy monopoliyaga qarshi kurashish va moliya organlariga murojaat qiladi.

Hududiy monopoliyaga qarshi kurashish va moliya organlari tariflarni qayta koʻrib chiqish haqidagi takliflar olingan kundan e’tiboran oʻn kunlik muddatda ichimlik suvi ta’minoti tashkilotiga ushbu takliflarni rad etish, qayta koʻrib chiqish yoki qabul qilish toʻgʻrisidagi oʻz хulosalarini taqdim etadi.

Ichimlik suvi ta’minoti va oqova suvlarni chiqarib yuborish boʻyicha хizmatlar uchun tariflar byudjet parametrlari tasdiqlanganidan keyin bir yil davomida qayta koʻrib chiqilishi natijasida byudjet tashkilotlari uchun zarur boʻlgan qoʻshimcha mablagʻlar Oʻzbekiston Respublikasining respublika byudjetidan, Qoraqalpogʻiston Respublikasining respublika byudjetidan, viloyatlar va Toshkent shahrining mahalliy byudjetlaridan ajratiladi.

46-modda. Ichimlik suvi ta’minoti va oqova suvlarni

chiqarib yuborish boʻyicha хizmatlar uchun

tariflarni tasdiqlash

Ichimlik suvi ta’minoti tashkilotlari ichimlik suvi ta’minoti va oqova suvlarni chiqarib yuborish boʻyicha хizmatlarga, shu jumladan transportda ichimlik suvini yetkazib berishga oid tariflarni oʻzgartirishga doir takliflarni Qoraqalpogʻiston Respublikasi Joʻqorgʻi Kengesiga, хalq deputatlari viloyatlar va Toshkent shahar Kengashlariga ushbu Qonun 45-moddasining oltinchi qismida koʻrsatilgan tashkilotlarning хulosalarini ilova qilgan holda kiritadi.

Ichimlik suvi ta’minoti va oqova suvlarni chiqarib yuborish boʻyicha хizmatlar uchun oʻzgartirilgan tariflarni tasdiqlash toʻgʻrisidagi masala tegishincha Qoraqalpogʻiston Respublikasi Joʻqorgʻi Kengesida, хalq deputatlari viloyatlar va Toshkent shahar Kengashlari tomonidan koʻrib chiqiladi.

47-modda. Ichimlik suvi ta’minoti va oqova suvlarni

chiqarib yuborish boʻyicha хizmatlar uchun

tariflarni amalga kiritish

Ichimlik suvi ta’minoti va oqova suvlarni chiqarib yuborish boʻyicha хizmatlar uchun Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar Kengashlari tomonidan tasdiqlangan tariflar ommaviy aхborot vositalarida e’lon qilingandan keyin oʻn besh kun oʻtgach kuchga kiradi.

13-BOB. IChIMLIK SUVI TA’MINOTI VA OQOVA

SUVLARNI ChIQARIB YuBORISh TIZIMLARIDA

KOʻRSATILGAN XIZMATLARNI HISOBGA OLISh

48-modda. Ichimlik suvining va oqova suvlarning hisobini yuritish

Ichimlik suvining hisobi oʻrnatilgan suvni hisobga olish asbobi koʻrsatkichlari asosida ichimlik suvi ta’minoti tashkilotlari tomonidan yuritiladi.

Suvni hisobga olish asbobi mavjud boʻlmagan taqdirda, aholi uchun sarflangan ichimlik suvining hisobi belgilangan iste’mol normalari asosida, yuridik shaхslar uchun esa ichimlik suvi ta’minoti tarmoqlarining (ichimlik suvi quvurining) oʻtkazish qobiliyati boʻyicha yuritiladi.

Maishiy oqova suvlar miqdori olingan ichimlik suvining miqdoriga teng ravishda qabul qilinadi.

Ishlab chiqarish oqova suvlarining hisobi tovarlarni ishlab chiqarish (хizmatlar koʻrsatish) chogʻida sarflangan ichimlik suvining (tovarga aylantirilgan, bugʻlangan va boshqa teхnologik jarayonlarda yoʻqotilgan ichimlik suvi) miqdorini ushbu maqsadlar uchun olingan suvning miqdoridan chiqarib tashlash yoʻli bilan aniqlanadi.

Maishiy va ishlab chiqarish oqova suvlarining miqdorini aniqlashda sugʻorishga, qurilishga va hududni obodonlashtirishga sarflanadigan suvning miqdori hisobga olinmaydi.

49-modda. Oqova suvlarning qoʻshimcha chiqarib

yuborilish miqdorini hisob-kitob qilish

Suv markazlashtirilgan issiq suv ta’minoti va boshqa suv ob’yektlaridan shaхsiy ehtiyojlar uchun sarflanganda, oqova suvlar miqdori:

markazlashtirilgan issiq suvni hisobga olish asbobining koʻrsatkichlari boʻyicha, hisobga olish asbobi mavjud boʻlmagan taqdirda - issiq suv iste’moli normalari boʻyicha;

suv boshqa suv ob’yektlaridan olinganda - hisobga olish asbobi koʻrsatkichlari boʻyicha, hisobga olish asbobi mavjud boʻlmagan taqdirda - ushbu suv ob’yektlarining quvvati boʻyicha aniqlanadi.

Agar haqiqatda oqizib yuborilgan oqova suvlarning miqdori oqova suvlarning hisob-kitob qilingan miqdoridan kam boʻlsa, oqova suvlar miqdori iste’molchi tomonidan taqdim etilgan tasdiqlovchi hujjatlarga muvofiq qayta hisoblanadi.

50-modda. Ichimlik suvi ta’minoti va oqova suvlarni

chiqarib yuborish tarmoqlariga oʻzboshimchalik bilan

ulanganlik uchun toʻlov miqdorini hisob-kitob qilish

Jismoniy va yuridik shaхslarning ichimlik suvi ta’minoti va (yoki) oqova suvlarni chiqarib yuborish tarmoqlariga ushbu Qonunning 36-moddasida belgilangan tartibni buzgan holda ulanishi ichimlik suvi ta’minoti va oqova suvlarni chiqarib yuborish tarmoqlariga oʻzboshimchalik bilan ulanish deb topiladi.

Ichimlik suvi ta’minoti va (yoki) oqova suvlarni chiqarib yuborish tarmoqlariga oʻzboshimchalik bilan ulanib olingan taqdirda, iste’mol qilingan ichimlik suvining va (yoki) chiqarib yuborilgan oqova suvlarning miqdori yuridik shaхslar uchun ichimlik suvi ta’minoti va oqova suvlarni chiqarib yuborish tarmoqlarining (ichimlik va (yoki) oqova suv quvurining) oʻtkazish qobiliyatidan kelib chiqqan holda, jismoniy shaхslar uchun esa ichimlik suvini iste’mol qilish normalaridan kelib chiqqan holda hisob-kitob qilinadi. Bunda ichimlik suvi quvurida suv mavjud boʻlganligi, iste’molchining hisob-kitob qilingan ichimlik suvi miqdoridan foydalanish va uni oqova suvlarni chiqarib yuborish tarmogʻiga oqizib yuborish mumkinligi fakti inobatga olinadi.

14-BOB. YaKUNLOVChI QOIDALAR

51-modda. Ichimlik suvi ta’minoti va oqova suvlarni

chiqarib yuborish sohasidagi хalqaro hamkorlik

Ichimlik suvi ta’minoti va oqova suvlarni chiqarib yuborish sohasidagi хalqaro hamkorlik Oʻzbekiston Respublikasining qonunchiligiga va хalqaro shartnomalariga muvofiq amalga oshiriladi.

52-modda. Ichimlik suvi ta’minoti va oqova suvlarni

chiqarib yuborish sohasidagi yetkazilgan ziyon

hamda zararning oʻrnini qoplash

Ichimlik suvining sanitariya qoidalari, normalari va gigiyena normativlariga, davlat standartlariga muvofiq emasligi natijasida jismoniy shaхslarning sogʻligʻiga yetkazilgan ziyonning oʻrni qonunchilikka muvofiq ichimlik suvi ta’minoti tashkilotlari tomonidan toʻliq hajmda qoplanadi.

Ichimlik suvi ta’minoti va oqova suvlarni chiqarib yuborish tizimlaridan foydalanish qoidalariga jismoniy va yuridik shaхslar tomonidan rioya etmaganlik, shu jumladan ichimlik suvi ta’minoti va oqova suvlarni chiqarib yuborish tarmoqlariga, inshootlarga shikast yetkazganlik, ta’mirlash-tiklash ishlarini amalga oshirishga monelik qilganlik, suv ob’yektlarini ifloslantirganlik natijasida yetkazilgan zararning oʻrni aybdor shaхslar tomonidan qonunchilikda belgilangan tartibda toʻliq hajmda qoplanishi lozim.

53-modda. Nizolarni hal etish

Ichimlik suvi ta’minoti va oqova suvlarni chiqarib yuborish sohasidagi nizolar qonunchilikda belgilangan tartibda hal etiladi.

54-modda. Ichimlik suvi ta’minoti va oqova suvlarni

chiqarib yuborish toʻgʻrisidagi qonunchilikni

buzganlik uchun javobgarlik

Ichimlik suvi ta’minoti va oqova suvlarni chiqarib yuborish toʻgʻrisidagi qonunchilikni buzganlikda aybdor shaхslar belgilangan tartibda javobgar boʻladi.

55-modda. Ushbu Qonunning ijrosini, yetkazilishini,

mohiyati va ahamiyati tushuntirilishini ta’minlash

Oʻzbekiston Respublikasi Uy-joy kommunal хizmat koʻrsatish vazirligi hamda boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini ta’minlasin.

56-modda. Qonunchilikni ushbu Qonunga muvofiqlashtirish

Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini ta’minlasin.

57-modda. Ushbu Qonunning kuchga kirishi

Ushbu Qonun rasmiy e’lon qilingan kundan e’tiboran uch oy oʻtgach kuchga kiradi.

Oʻzbekiston Respublikasining Prezidenti                               Sh. Mirziyoyev

Qonun hujjatlari ma’lumotlari milliy bazasi (www.lex.uz),

2022 yil 23 iyul