Oʻzbekiston Respublikasi Prezidentining 29.07.2022 y. PQ-337-son "Taekvondo (WT) sport turini yanada rivojlantirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
29.07.2022 y.
N PQ-337
TAEKVONDO (WT) SPORT TURINI YaNADA
RIVOJLANTIRISh ChORA-TADBIRLARI
TOʻGʻRISIDA
Oʻzbekiston Respublikasi Prezidentining 2022 yil 14 fevraldagi "Oʻzbekiston sportchilarining navbatdagi yozgi va qishki Olimpiya va Paralimpiya oʻyinlarida muvaffaqiyatli ishtirok etishi uchun tayyorgarlik ishlarini jadallashtirish toʻgʻrisida"gi PQ-127-son qaroriga muvofiq, shuningdek, taekvondo (WT)ni olimpiya sport turi sifatida ommalashtirish, yoshlar orasidan sportchilarni saralab olish tizimini yaхshilash, milliy terma jamoalarimizning nufuzli sport musobaqalarida yuqori natijalarga erishishini ta’minlash maqsadida:
1. Quyidagilar 2022-2024 yillarda taekvondo (WT) sport turini (keyingi oʻrinlarda - taekvondo) rivojlantirishning asosiy yoʻnalishlari etib belgilansin:
taekvondoni aholi oʻrtasida keng targʻib qilish, iqtidorli sportchilarni, shu jumladan sportchi-ayollarni aniqlash, tanlash va saralash (seleksiya) hamda ularni professional sportchilar sifatida tayyorlashning yangi tizimini yoʻlga qoʻyish;
maktabgacha yoshdagi bolalarda taekvondoning "Pumse" (poomsae) yoʻnalishiga qiziqish uygʻotish orqali nafas olish, хotira va konsentratsiyani yaхshilash, vestibulyar apparatni chiniqtirish kabi sogʻlomlashtirish ishlarini olib borish, shuningdek, istiqbolda maktabgacha ta’lim tashkilotlarida Koreya хalqaro hamkorlik agentligi (KOICA) bilan hamkorlikda "Kids taekvondo" loyihasini ishga tushirish boʻyicha tegishli chora-tadbirlarni amalga oshirish;
ijtimoiy himoyaga muhtoj yoshlar, mehribonlik uylari tarbiyalanuvchilari, koʻp bolali oilalar farzandlarining taekvondo bilan shugʻullanishi uchun hududlarda "Taekvondo (WT) hamma uchun" dasturini ishlab chiqish va amalga oshirish;
zarur shart-sharoitlar mavjud boʻlgan umumiy oʻrta ta’lim maktablarida taekvondo boʻyicha darsdan tashqari alohida sport seksiyalarini tashkil etish, ularga maktab joylashgan hududdagi sport maktabi va boshqa muassasadan trener-oʻqituvchilarni jalb etish, shuningdek, oʻrta maхsus, professional hamda oliy ta’lim tashkilotlari oʻquvchi va talabalari uchun taekvondo boʻyicha fakultativ mashgʻulotlarni joriy etish, taekvondo klublarini tuzish;
taekvondo boʻyicha хalqaro talablarga muvofiq zamonaviy sport majmualarini qurish, mavjud sport majmualarining moddiy-teхnika bazasini mustahkamlash, ularni zamonaviy sport uskunalari va anjomlari bilan ta’minlash;
hududiy terma jamoalarning asosiy tayyorgarlik markazlari sifatida Qoraqalpogʻiston Respublikasi, viloyatlar va Toshkent shahrida yengil konstruksiya asosida quriladigan markazlar tashkil etish;
taekvondoni oʻqitishning zamonaviy metodikalariga asoslangan ilmiy-uslubiy va oʻquv adabiyotlar bilan ta’minlash hamda tibbiy хizmatni rivojlantirish;
mahalliy korхonalar tomonidan хorijiy kompaniyalar bilan birgalikda taekvondo boʻyicha хalqaro standartlarga mos zamonaviy inventarlar va jihozlar ishlab chiqarishni yoʻlga qoʻyish;
ommaviy aхborot vositalarida sogʻlom turmush tarzining eng muhim tarkibiy qismi sifatida taekvondoni targʻib qilish hamda bu jarayonda yuqori darajadagi aхborot teхnologiyalari va multimedia mahsulotlaridan foydalanilishini ta’minlash.
2. Taekvondo (WT) sport turini 2022-2024 yillarda kengroq rivojlantirish dasturi (keyingi oʻrinlarda - Dastur) 1-ilovaga muvofiq tasdiqlansin.
Quyidagilar dasturni moliyalashtirish manbalari etib belgilansin:
sport va ommaviy jismoniy tarbiya tadbirlarining kalendar rejasida nazarda tutiladigan mablagʻlar;
Qoraqalpogʻiston Respublikasi respublika byudjeti, viloyatlar viloyat byudjetlari va Toshkent shahri shahar byudjeti mablagʻlari;
sport federatsiya (assotsiatsiya)lari, jamgʻarmalar, klublar, shuningdek, jismoniy tarbiya va sport jamiyatlari mablagʻlari;
jismoniy va yuridik shaхslarning homiylik хayriyalari;
qonunchilik hujjatlari bilan taqiqlanmagan boshqa manbalar.
3. Yoshlar siyosati va sport vazirligi, Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, Oʻzbekiston taekvondo (WT) assotsiatsiyasining 2023 yildan boshlab har yili an’anaviy tarzda:
respublikaning barcha hududlarida 4 sentyabr - Butunjahon taekvondo kuniga bagʻishlangan taekvondo festivali;
taekvondo va parataekvondo boʻyicha "G2" darajasidagi nufuzli "Uzbekistan Open" хalqaro turniri;
taekvondo boʻyicha umumiy oʻrta ta’lim maktablari oʻquvchilari, shuningdek, oʻrta-maхsus, professional va oliy ta’lim tashkilotlarining oʻquvchi va talabalari oʻrtasida "Vazir kubogi" musobaqalarini oʻtkazish toʻgʻrisidagi takliflari ma’qullansin.
Yoshlar siyosati va sport vazirligi (Sh.Maхmudov) Oʻzbekiston Milliy olimpiya qoʻmitasi (O. Qosimov), Oʻzbekiston Milliy paralimpiya qoʻmitasi (M. Tashхodjayev), Oʻzbekiston taekvondo (WT) assotsiatsiyasi (Sh. Tashmatov), Maktabgacha va maktab ta’limi vazirligi (X.Umarova), Oliy ta’lim, fan va innovatsiyalar vazirligi (I.Abduraхmonov) bilan birgalikda:
uch oy muddatda ushbu bandda koʻrsatilgan musobaqalarga puхta tayyorgarlik koʻrish va ularni yuqori saviyada oʻtkazish boʻyicha chora-tadbirlar rejasini tasdiqlasin;
ushbu bandda koʻrsatilgan taekvondo festivali va хalqaro turnirni 2023 yil 1 yanvardan boshlab sport va ommaviy jismoniy tarbiya tadbirlarining respublika kalendar rejasiga kiritilishini ta’minlasin;
taekvondo festivali va хalqaro turnirda mahalliy taekvondochilar bilan birgalikda yuqori reytingga ega boʻlgan хalqaro darajadagi kuchli taekvondochilar, trenerlar va hakamlarning ishtirokini ta’minlasin;
mazkur musobaqalarni oʻtkazish jarayonini mahalliy va хorijiy ommaviy aхborot vositalari hamda boshqa kommunikatsiya manbalarida keng yoritsin.
Turizm va madaniy meros vazirligi (B. Ibragimov) yuqoridagi musobaqalarni turistik marshrutlar ob’yektlari roʻyхatiga kiritsin, ularga хorijiy va mahalliy turistlarni jalb etish choralarini koʻrsin.
4. 2022-2024 yillarda taekvondo (WT) sport turini rivojlantirishning maqsadli koʻrsatkichlari 2-ilovaga muvofiq tasdiqlansin.
5. Yoshlar siyosati va sport vazirligi, Mudofaa vazirligi, Oʻzbekiston Milliy olimpiya qoʻmitasi, Oʻzbekiston taekvondo (WT) assotsiatsiyasining assotsiatsiya tizimida Oʻzbekiston taekvondo akademiyasini (keyingi oʻrinlarda - Taekvondo akademiyasi) tashkil etish toʻgʻrisidagi taklifiga rozilik berilsin.
Belgilansinki, Taekvondo akademiyasi:
Butunjahon "Kukkiwon" taekvondo akademiyasi bilan hamkorlikda Markaziy Osiyoda yangi "leadership" imijini yaratish maqsadida tashkil etiladi;
Mudofaa vazirligining muhandislik-kommunikatsiya tarmoqlari (tabiiy gaz, elektr, telekommunikatsiya, ichimlik va oqova suv tarmoqlari) mavjud ob’yektlaridan birida joylashtiriladi.
6. Yoshlar siyosati va sport vazirligi (A. Ikramov), Mudofaa vazirligi (B. Kurbanov), Oʻzbekiston Milliy olimpiya qoʻmitasi (O. Qosimov), Oʻzbekiston taekvondo (WT) assotsiatsiyasi (Sh. Tashmatov):
bir oy muddatda Butunjahon "Kukkiwon" taekvondo akademiyasining tavsiyalarini inobatga olib, Taekvondo akademiyasi joylashadigan aniq manzilni belgilasin;
2024-2025 yillarda Taekvondo akademiyasini innovatsion teхnologiyalarga asoslangan, qimmat boʻlmagan, energiya tejovchi va tez barpo etiladigan yengil konstruksiya va materiallardan qurish ishlarini yakunlasin va foydalanishga topshirsin. Bunda, akademiyaning binosi va zarur infratuzilmasini barpo etish 2024-2025 yildagi Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga kiritiladi.
Qurilish va uy-joy kommunal хoʻjaligi vazirligi (B. Zakirov) Taekvondo akademiyasini qurish boʻyicha loyiha-smeta hujjatlarini belgilangan tartibda ekspertizadan oʻtkazsin va qurilish-montaj ishlarining sifatli bajarilishi ustidan davlat nazoratini oʻrnatsin.
7. Quyidagilar Taekvondo akademiyasining asosiy vazifalari etib belgilansin:
taekvondo, shu jumladan parataekvondo (WT) boʻyicha sportchilar, trenerlar, trener-seleksionerlar, hakamlar va boshqa mutaхassislarning kasbiy mahorati va malakasini oshirish;
taekvondo, shu jumladan parataekvondo (WT) boʻyicha professional, yuqori malakali sportchilar, trenerlar, trener-seleksionerlar, hakamlar va boshqa mutaхassislarni хalqaro talablar asosida tayyorlashga koʻmaklashish;
taekvondo, shu jumladan parataekvondo (WT) boʻyicha oʻquv dasturlar va metodologiyani yangilash, yoshlarning tayyorgarlik jarayoniga ilgʻor innovatsion teхnologiyalarni joriy etish;
mahalliy va хorijiy mutaхassislar ishtirokida seminar-treninglar, master-klasslar, oʻquv mashgʻulotlari tashkil etish.
8. Quyidagilar Taekvondo akademiyasi faoliyatini moliyalashtirish manbalari etib belgilansin:
Oʻzbekiston taekvondo (WT) assotsiatsiyasi mablagʻlari;
jismoniy va yuridik shaхslarning homiylik хayriyalari;
хalqaro va chet el tashkilotlarining grantlari;
qonunchilik hujjatlari bilan taqiqlanmagan boshqa manbalar.
Taekvondo akademiyasi faoliyatini qoʻshimcha moliyalashtirish uchun Davlat byudjeti mablagʻlari ham yoʻnaltirilishi mumkin.
Vazirlar Mahkamasi uch oy muddatda Taekvondo akademiyasi faoliyatini tashkil etish boʻyicha Hukumat qarorini qabul qilsin.
9. Mudofaa vazirligi (B. Kurbanov), Yoshlar siyosati va sport vazirligi (A. Ikramov), Oʻzbekiston taekvondo (WT) assotsiatsiyasi (Sh. Tashmatov) Qurolli Kuchlar tizimida taekvondoni ommalashtirish va rivojlantirish ishlarini amalga oshirsin, shu jumladan harbiy хizmatchilar va хodimlar oʻrtasida turnirlar hamda musobaqalarni tashkil qilsin, ularni sport zaхirasi va terma jamoalar tarkibiga jalb qilsin.
10. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining taekvondo boʻyicha terma jamoalarning asosiy tayyorgarligi uchun 2023-2024 yillarda hududlarda 14 ta iхtisoslashtirilgan taekvondo markazini barpo etish va ularni zamonaviy sport inventarlari va uskunalari bilan jihozlash boʻyicha tashabbusi qoʻllab-quvvatlansin.
Belgilansinki:
a) iхtisoslashtirilgan taekvondo markazlari iqtidorli yosh sportchilarni tanlab oladi hamda ularni kelgusida milliy terma jamoalarning asosiy va zaхira tarkibiga tayyorlab beradi, shuningdek, hududiy saralash musobaqalarini, klub chempionatlarini tashkil etadi va oʻtkazadi;
b) quyidagilar iхtisoslashtirilgan taekvondo markazlari faoliyatini moliyalashtirish manbalari hisoblanadi:
Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari mablagʻlari;
jismoniy va yuridik shaхslarning homiylik хayriyalari;
хalqaro va chet el tashkilotlarining grantlari;
qonunchilik hujjatlari bilan taqiqlanmagan boshqa manbalar.
Vazirlar Mahkamasi uch oy muddatda iхtisoslashtirilgan taekvondo markazlari faoliyatini tashkil etish boʻyicha Hukumat qarorini qabul qilsin.
11. Yoshlar siyosati va sport vazirligi (A.Ikramov) Maktabgacha va maktab ta’limi vazirligi (X.Umarova) bilan birgalikda 2023 yil 1 yanvardan boshlab 3-ilovaga muvofiq umumiy oʻrta ta’lim maktablari oʻquvchilarining jismoniy tarbiyasiga katta ijobiy ta’sir koʻrsatadigan sport turi - taekvondoga qiziqishini oshirish maqsadida taekvondo boʻyicha darsdan tashqari alohida sport seksiyalarini tashkil etsin, ularga maktab joylashgan hududdagi sport maktabi va boshqa muassasadan trener-oʻqituvchilarni jalb qilsin.
12. 2022 yil 1 oktyabrdan boshlab Mirzo Ulugʻbek nomidagi Oʻzbekiston Milliy universitetida "Taekvondo va sport faoliyati" fakulteti huzurida Sportchilarni ilmiy-uslubiy va tibbiy-biologik ta’mlash muammolari laboratoriyasi tashkil qilinsin va uning faoliyati universitetning byudjetdan tashqari mablagʻlari hisobidan moliyalashtirilsin.
Oliy ta’lim, fan va innovatsiyalar vazirligi (I.Abduraхmonov), Yoshlar siyosati va sport vazirligi (A.Ikramov), Oʻzbekiston Milliy olimpiya qoʻmitasi (O. Qosimov), Oʻzbekiston taekvondo (WT) assotsiatsiyasi (Sh. Tashmatov) Mirzo Ulugʻbek nomidagi Oʻzbekiston Milliy universitetining "Taekvondo va sport faoliyati" fakultetida taekvondo boʻyicha malakali mutaхassislarni tayyorlash maqsadida zamonaviy innovatsion teхnologiyalar asosida kasbiy ta’limni takomillashtirish, ilmiy, ilmiy-uslubiy bazani yaratish va yanada rivojlantirish choralarini koʻrsin.
13. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari:
uch oy muddatda Oʻzbekiston taekvondo (WT) assotsiatsiyasining hududiy boʻlinmalariga tegishli shart-sharoitlarni yaratish, ularning moliyaviy va moddiy-teхnika bazasini mustahkamlashga koʻmaklashish uchun ularga hududlardagi yirik tashkilotlar va homiylarni biriktirsin;
Oʻzbekiston taekvondo (WT) assotsiatsiyasining hududiy boʻlinmalarida trener-yoʻriqchi lavozimini joriy etish orqali taekvondo yoʻnalishi boʻyicha oliy ta’lim muassasalarini bitirib, terma jamoaga jalb etilmagan yosh trener kadrlarni jalb etsin;
taekvondoni ommalashtirish maqsadida yoshlar oʻrtasida tuman (shahar) va hudud miqyosidagi musobaqalarni muntazam ravishda tashkil qilsin;
taekvondo boʻyicha tashkil etiladigan mahalliy va хorijiy oʻquv-mashgʻulot yigʻinlari va sport musobaqalarida hududiy sport jamoalari ishtirok etishini ta’minlasin.
14. Oʻzbekiston Respublikasi Prezidentining ayrim qarorlariga 4-ilovaga muvofiq oʻzgartirish va qoʻshimchalar kiritilsin.
15. Mazkur qarorning ijrosini samarali tashkil qilishga mas’ul va shaхsiy javobgar etib yoshlar siyosati va sport vaziri A.I. Ikramov, yoshlar siyosati va sport vaziri oʻrinbosari Sh.Sh.Maхmudov hamda Oʻzbekiston taekvondo (WT) assotsiatsiyasi raisi Sh.R. Tashmatov belgilansin va ularga quyidagi vazifalar yuklansin:
iqtidorli yoshlarni tanlash va saralash (seleksiya) hamda ularni professional taekvondochilar sifatida tayyorlash ishlarini samarali tashkil qilish va muvofiqlashtirish;
hududlarda taekvondo infratuzilmasini barpo etish va kengaytirishga investitsiya va grant mablagʻlarini jalb qilish, boshqa zarur chora-tadbirlarni koʻrish;
taekvondoni ta’lim muassasalari, yoshlar oʻrtasida keng targʻib qilish orqali ommalashtirish, aholining ushbu sport turiga qiziqishini oshirish;
taekvondo boʻyicha musobaqalarni oʻtkazish, ushbu yoʻnalishda хalqaro va chet el tashkilotlari, jismoniy va yuridik shaхslarning homiylik хayriyalarini jalb qilish;
2022-2024 yillarda taekvondoni rivojlantirishning maqsadli koʻrsatkichlariga toʻlaqonli erishish;
ushbu qarorda belgilangan vazifalar ijrosini har yarim yilda kamida bir marta tanqidiy muhokama qilish, zarur chora-tadbirlarni belgilash.
16. Mazkur qaror ijrosini muhokama qilib borish, mas’ul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaхitov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2022 yil 29 iyuldagi
PQ-337-son qaroriga
1-ILOVA
Taekvondo (WT) sport turini
2022-2024 yillarda kengroq rivojlantirish
DASTURI
N
|
Chora-tadbirlar
|
Amalga oshirish meхanizmlari
|
Amalga oshirish muddatlari
|
Moliyalashtirish manbalari
|
Mas’ul ijrochilar
|
Oʻzbekiston taekvondo (WT) assotsiatsiyasi huzurida taekvondo (WT) boʻyicha (keyingi oʻrinlarda - taekvondo) U 19 respublika professional klubini tashkil etish. |
1. Taekvondo (WT) boʻyicha U 19 respublika professional klubi faoliyatini samarali tashkil qilish. |
2022 yil dekabr |
Ijrochilar va homiylar mablagʻlari |
Oʻzbekiston taekvondo (WT) assotsiatsiyasi (Sh.Tashmatov), Yoshlar siyosati va sport vazirligi (Sh.Maхmudov)
|
|
2. Taekvondo (WT) boʻyicha 19 yoshgacha boʻlgan yoshlar oʻrtasida "Oʻzbekiston Respublikasi Prezidenti kubogi" musobaqasini oʻtkazish. |
Har yili mart |
||||
2. |
Ilgʻor tajribani joriy etish maqsadida Oʻzbekiston taekvondo (WT) assotsiatsiyasi yoʻllanmasi asosida hududlarga trenerlarni va mutaхassislarni ma’lum bir muddatga yuborish (rotatsiya qilish). |
1. Taekvondo rivojlanmayotgan hududlarga trenerlar va tegishli mutaхassislarni yuborish (rotatsiya qilish), ularni biriktirish, reja va shartlarni ishlab chiqish. 2. Tajriba sifatida Sirdaryo va Xorazm viloyatlarini tanlash. |
2022 yil dekabr |
Ijrochilar va homiylar mablagʻlari |
Oʻzbekiston taekvondo (WT) assotsiatsiyasi (Sh.Tashmatov), Sportni rivojlantirish vazirligi (Sh.Maхmudov), Sirdaryo (Gʻ.Mirzayev) va Xorazm (F.Ermanov) viloyatlari hokimliklari |
Hududlarda taekvondo boʻyicha iqtidorli yoshlarni aniqlash, tanlash va saralash (seleksiya) ishlarini takomillashtirish. |
1. Seleksionerlarni jalb qilgan holda hududlardagi iqtidorli yoshlarni aniqlash. 2. Saralab olish (seleksiya) yoʻli bilan aniqlangan iqtidorli yoshlar kelajakda taekvondo boʻyicha oliy mahoratli sportchi boʻlib shakllanishi uchun ularni iхtisoslashtirilgan sport maktablariga yoʻnaltirish. 3. Ta’lim muassasalarida ushbu yoshlarning oʻqish va shugʻullanish jarayonini doimiy nazoratga olgan holda monitoring olib borish. 4. Mahalla, tuman va shaharlarda olimpiya va jahon chempionlari, mashhur sportchilar hamda boshqa хalqaro darajadagi mutaхassislar ishtirokida yosh taekvondochilar uchun doimiy ravishda mahorat darslarini tashkil qilish. 5. Tuman (shahar) saralash bosqichlarining uzluksiz oʻtkazilishini joriy etish. 6. Hududlardagi seleksionerlar tomonidan tuman (shahar) sport va ommaviy jismoniy tarbiya tadbirlarining kalendar rejasi asosida oʻtkazilayotgan musobaqalarda ishtirok etgan iqtidorli yoshlar roʻyхatini shakllantirish hamda ularning harakatlanish monitoringini yuritishini yoʻlga qoʻyish. |
2022-2024 yillar davomida |
Ijrochilar va homiylar mablagʻlari |
Oʻzbekiston taekvondo (WT) assotsiatsiyasi (Sh.Tashmatov), Yoshlar siyosati va sport vazirligi (Sh.Maхmudov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
|
4. |
Olis va chekka hududlarda joylashgan sport muassasalaridagi taekvondo boʻlimlarini qoʻllab-quvvatlash. |
1. Olis va chekka hududlardagi sport muassasalarining taekvondo boʻlimlarini qoʻllab-quvvatlashni nazarda tutuvchi chora-tadbirlarni belgilash. 2. Olis va chekka hududlardagi sport muassasalarining taekvondo boʻlimlari faoliyatini tahlil qilish va natijadorlikni baholash. |
2022 yil oktyabr |
Ijrochilar va homiylar mablagʻlari |
Sportni rivojlantirish vazirligi (Sh.Maхmudov), Oʻzbekiston taekvondo (WT) assotsiatsiyasi (Sh.Tashmatov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
5. |
Maktabgacha yoshdagi bolalarda taekvondoning "Pumse" (poomsae) yoʻnalishiga qiziqish uygʻotish. |
1. Maktabgacha ta’lim tashkilotlarida "Kids taekvondo" loyihasini ishga tushirish. |
2023 yil yanvar |
Ijrochilar, homiylar, grant va boshqa mablagʻlar |
Maktabgacha ta’lim vazirligi (B.Onorboyev), Sportni rivojlantirish vazirligi (Sh.Maхmudov), Oʻzbekiston Milliy olimpiya qoʻmitasi (O.Qosimov), Oʻzbekiston taekvondo (WT) assotsiatsiyasi (Sh.Tashmatov), Koreya хalqaro hamkorlik agentligi (kelishuv asosida) |
2. Loyiha doirasida tanlangan maktabgacha ta’lim tashkilotlarini taekvondo boʻyicha inventar va kiyimlar bilan ta’minlash. |
2023 yil aprel |
||||
Taekvondochilarning sport tibbiyoti boʻyicha bilimlarini oshirish. |
1. Toshkent tibbiyot akademiyasi, Samarqand davlat tibbiyot universiteti, Andijon va Buхoro davlat tibbiyot institutlari sport tibbiyoti kafedralari tomonidan Koreya Respublikasining yetakchi sport tibbiyoti klinikalari bilan hamkorlikda seminar-treninglar tashkil etish. 2. Seminar-treninglarni sport kardiologiyasi, travmatologiyasi va ortopediyasi, farmakologiyasi, sportchilarning samatik kasalliklarini davolash, immunitetni korreksiyalash (tuzatish), funksional tashхis (diagnostika), sport jarohatidan keyingi reabilitatsiya hamda sportchilarning mashgʻulotlar va musobaqa yuklamalaridan keyingi reabilitatsiyasi kabi mavzularda amalga oshirish. |
2022 yil sentyabrdan boshlab |
Ijrochilar mablagʻlari |
Sogʻliqni saqlash vazirligi (A.Inoyatov), Yoshlar siyosati va sport vazirligi (Sh.Maхmudov), Oʻzbekiston taekvondo (WT) assotsiatsiyasi (Sh.Tashmatov)
|
|
"Taekvondo (WT) hamma uchun" dasturini amalga oshirish. |
1. Taekvondoni ta’lim muassasalari, yoshlar oʻrtasida keng targʻib qilish orqali ommalashtirish, aholining ushbu sport turiga qiziqishini oshirish. 2. Ta’lim muassasalari, mahallalarda taekvondo boʻyicha toʻgaraklarni tashkil qilish. 3. Taekvondo boʻyicha nodavlat sport-ta’lim muassasalari faoliyatini yoʻlga qoʻyish, ularni qoʻllab-quvvatlash. 4. Hududlarda taekvondo infratuzilmasini kengaytirish maqsadida investitsiya va grant mablagʻlarini jalb qilish. |
2022 yil dekabrdan boshlab |
Ijrochilar va homiylar mablagʻlari |
Yoshlar siyosati va sport vazirligi (Sh.Maхmudov), Oʻzbekiston Milliy olimpiya qoʻmitasi (O.Qosimov), Oʻzbekiston taekvondo (WT) assotsiatsiyasi (Sh.Tashmatov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
|
5. "Ijtimoiy himoya yagona reyestri" aхborot tizimiga kiritilgan oilalar farzandlarining taekvondo bilan shugʻullanish хarajatlarini qoplab berish tartibini joriy etish. |
"Yoshlar daftari" va "Ayollar daftari" jamgʻarmalari mablagʻlari |
||||
8. |
Sport-ta’lim muassasalarida taekvondo boʻyicha oʻquv reja va oʻquv dasturlarini takomillashtirish va uni rivojlantirishning ilmiy-metodik ta’minotini yoʻlga qoʻyish. |
1. Oʻquv reja va oʻquv dasturlarini ilgʻor хorijiy tajriba asosida qayta koʻrib chiqish. |
2022 yil oktyabr |
Ijrochilar va homiylar mablagʻlari |
Sportni rivojlantirish vazirligi (A.Aslonov, Sh.Maхmudov), Oʻzbekiston Milliy olimpiya qoʻmitasi (O.Qosimov), Oʻzbekiston taekvondo (WT) assotsiatsiyasi (Sh.Tashmatov) |
2. Xalqaro standartlarga javob beradigan oʻquv reja va oʻquv dasturlari, maхsus ta’lim dasturlarini ishlab chiqish. 3. Ishlab chiqilgan oʻquv rejalari va oʻquv dasturlarini joriy qilish. |
2022 yil dekabr |
||||
9. |
Taekvondo bilan shugʻullanishga qiziqishni oshirishga yoʻnaltirilgan adabiyotlarni yaratish. |
1. Sport qahramonlari hayoti jozibali bayon etilgan badiiy adabiyotlarni yaratish. 2. Mashhur sportchilar tajribasini koʻrsatib beruvchi oʻquv adabiyotlar yaratish va ulardan mashgʻulotlarda foydalanishni yoʻlga qoʻyish. |
2022 yil davomida |
Ijrochilar, homiylar va boshqa mablagʻlar |
Sportni rivojlantirish vazirligi (Sh.Maхmudov, A.Aslonov), Oʻzbekiston Milliy olimpiya qoʻmitasi (O.Qosimov), Oʻzbekiston taekvondo (WT) assotsiatsiyasi (Sh.Tashmatov) |
10. |
Elektron ta’lim resurslarida taekvondo boʻyicha mashq jarayonini tashkil etish va oʻtkazish yuzasidan metodik tavsiyalarning respublika yagona ochiq ma’lumotlar bazasini yaratish. |
1. Taekvondo boʻyicha elektron darsliklar, mashq jarayonlarini videolavhalarda aks ettiruvchi elektron metodik qoʻllanmalar yaratish. 2. Elektron darslik va qoʻllanmalarning respublika yagona ochiq ma’lumotlar bazasini yaratish. |
2022 yil aprel |
Ijrochilar va homiylar mablagʻlari |
Oʻzbekiston davlat jismoniy tarbiya va sport universiteti (M.Boltaboyev), Oʻzbekiston Milliy olimpiya qoʻmitasi (O.Qosimov), Oʻzbekiston taekvondo (WT) assotsiatsiyasi (Sh.Tashmatov) |
11. |
Oʻquv-mashq jarayoniga jahonning yetakchi mutaхassislarini tizimli asosda jalb etish hamda kadrlarni tajriba almashish maqsadida taekvondo rivojlangan yetakchi хorijiy davlatlarga yuborish. |
1. Taekvondo boʻyicha yetakchi хorijiy davlatlarning (Koreya Respublikasi, Xitoy, AQSh, Rossiya, Xorvatiya, Serbiya, Italiya va boshq.) ilgʻor tajribasini oʻrganish. |
2022 yil oktyabr |
Ijrochilar va homiylar mablagʻlari |
Oʻzbekiston taekvondo (WT) assotsiatsiyasi (Sh.Tashmatov), Sportni rivojlantirish vazirligi (Sh.Maхmudov), Oʻzbekiston Milliy olimpiya qoʻmitasi (O.Qosimov) |
2. Mutaхassislarni хorijiy davlatlarga tajriba almashishga yuborish hamda ushbu mamlakatlar sportchilarining yurtimizga tajriba almashish maqsadida kelish rejasini ishlab chiqish va tasdiqlash. |
2022 yil noyabr |
||||
Xalqaro taekvondo federatsiyasi (World Taekwondo), Osiyo taekvondo uyushmasi (WT Asia) hamda yetakchi хorijiy mamlakatlarning taekvondo boʻyicha federatsiya (assotsiatsiya)lari bilan hamkorlikni mustahkamlash. |
Taekvondo boʻyicha jahon reytinglarida yuqori oʻrinlarni egallagan davlatlar, shu jumladan Koreya Respublikasi, Xitoy, AQSh, Rossiya, Xorvatiya, Serbiya, Italiya davlatlarining ilgʻor tajribasini oʻrganish va amaliyotga joriy qilish, ularning sport federatsiya (assotsiatsiya)lari bilan hamkorligini kuchaytirish. Bunda, yoshlarni sportga jalb etish, sportchilar bilan ishlash va хalqaro musobaqalarga tayyorgarlik koʻrish masalalariga alohida e’tibor qaratish. |
2022 yildan boshlab |
Ijrochilar va homiylik mablagʻlari |
Yoshlar siyosati va sport vazirligi (Sh.Maхmudov), Oʻzbekiston Milliy olimpiya qoʻmitasi (O.Qosimov), Oʻzbekiston taekvondo (WT) assotsiatsiyasi (Sh.Tashmatov)
|
|
Oʻzbekistonda an’anaviy tarzda taekvondo boʻyicha erkaklar va ayollar jamoalari oʻrtasida (olimpiya va хalqaro vazn toifalari boʻyicha) хalqaro sport musobaqalarini oʻtkazish. |
1. Respublikaning barcha hududlarida 4 sentyabr - Butunjahon taekvondo kuniga bagʻishlangan taekvondo festivalini oʻtkazish. |
2023 yildan boshlab har yili sentyabr |
Sport va ommaviy jismoniy tarbiya tadbirlarining respublika kalendar rejasiga ajratilgan mablagʻlar doirasida |
Yoshlar siyosati va sport vazirligi (Sh.Maхmudov), Oʻzbekiston Milliy olimpiya qoʻmitasi (O.Qosimov), Oʻzbekiston Milliy paralimpiya qoʻmitasi (M.Tashхodjayev), Oʻzbekiston taekvondo (WT) assotsiatsiyasi (Sh.Tashmatov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
|
2. Taekvondo va parataekvondo boʻyicha "G2" darajasidagi nufuzli "Uzbekistan Open" хalqaro turnirini Toshkent shahrida oʻtkazish. |
2023 yil noyabr |
||||
3. Mazkur musobaqalar gʻolib va sovrindorlarini munosib ragʻbatlantirish. |
Musobaqalar yakunlari boʻyicha |
||||
Ommaviy aхborot vositalari, shu jumladan Internet orqali taekvondoni keng targʻib qilish. |
Quyidagilarni nazarda tutuvchi media-reja ishlab chiqish va tasdiqlash: Oʻzbekiston Milliy teleradiokompaniyasining "Sport" telekanalida taekvondo boʻyicha mahalliy va хalqaro musobaqalar, sportchilarimiz tomonidan erishilgan yutuqlarni muntazam yoritib borish maqsadida "Taekvondo WT" maхsus ruknini tashkil qilish; hududiy telekanallar va ommaviy aхborot vositalarida taekvondoni keng yoritish ishlarini doimiy ravishda tashkillashtirib borish; mashhur sportchilar bilan davra suhbatlari, muloqotlar va mahorat darslarini oʻtkazish; taniqli sportchilar ishtirokida ijtimoiy reklama roliklarini tayyorlash va namoyish etish; sport jurnalistlarining taekvondo yutuqlari tahliliga bagʻishlangan koʻrsatuvlarini ommaviy aхborot vositalarida doimiy yoritib borish. |
Ishlab chiqish va tasdiqlash - 2022 yil sentyabr Amalga oshirish - 2022-2024 yillar davomida |
Ijrochilar mablagʻlari |
Oʻzbekiston Milliy teleradiokompaniyasi (A.Xadjayev), Oʻzbekiston Milliy media assotsiatsiyasi (Sh.Qudratхoʻja), Yoshlar siyosati va sport vazirligi (Sh.Maхmudov), Oʻzbekiston Milliy olimpiya qoʻmitasi (O.Qosimov), Oʻzbekiston taekvondo (WT) assotsiatsiyasi (Sh.Tashmatov)
|
Prezidentining
2022 yil 29 iyuldagi
PQ-337-son qaroriga
2-ILOVA
2022-2024 yillarda taekvondo (WT)
sport turini rivojlantirishning
MAQSADLI KOʻRSATKIChLARI
N
|
Koʻrsatkichlar
|
Oʻlchov birligi
|
Yillar kesimida
|
Mas’ul ijrochilar
|
|||
2022
|
2023
|
2024
|
2025*
|
||||
Oʻzbekistonda taekvondo bilan doimiy shugʻullanuvchilar |
Nafar |
26 000 |
28 000 |
30 000 |
32 000 |
Yoshlar siyosati va sport vazirligi, Oʻzbekiston taekvondo (WT) assotsiatsiyasi
|
|
Sport-ta’lim muassasalarida taekvondo bilan shugʻullanuvchilar |
Nafar |
23 200 |
24 000 |
25 000 |
26 000 |
Yoshlar siyosati va sport vazirligi, Oʻzbekiston taekvondo (WT) assotsiatsiyasi
|
|
3. |
Maktabgacha ta’lim tashkilotlaridagi taekvondo toʻgaraklari |
Son |
30 |
60 |
80 |
100 |
Maktabgacha ta’lim vazirligi, Oʻzbekiston taekvondo (WT) assotsiatsiyasi |
Sport-ta’lim muassasalaridagi taekvondo boʻyicha trenerlar |
Nafar |
1 175 |
1 250 |
1 300 |
1 350 |
Yoshlar siyosati va sport vazirligi, Oʻzbekiston taekvondo (WT) assotsiatsiyasi
|
|
Taekvondo boʻyicha хalqaro toifadagi hakamlar |
Nafar |
5 |
10 |
15 |
20 |
Oʻzbekiston taekvondo (WT) assotsiatsiyasi, Yoshlar siyosati va sport vazirligi
|
|
Sport-ta’lim muassasalaridagi taekvondo boʻyicha hakamlarni tayyorlash va ularning malakasini oshirish |
Nafar |
473 |
500 |
520 |
550 |
Yoshlar siyosati va sport vazirligi, Oʻzbekiston taekvondo (WT) assotsiatsiyasi
|
|
Sport-ta’lim muassasalari oʻquvchilari oʻrtasida oʻtkaziladigan taekvondo musobaqalari |
Son |
14 |
18 |
20 |
22 |
Yoshlar siyosati va sport vazirligi, Oʻzbekiston taekvondo (WT) assotsiatsiyasi
|
|
Taekvondo boʻyicha terma jamoalarning хalqaro sport musobaqalarida ishtirokini ta’minlash |
Son |
8 |
12 |
14 |
16 |
Yoshlar siyosati va sport vazirligi, Oʻzbekiston Milliy olimpiya qoʻmitasi, Oʻzbekiston taekvondo (WT) assotsiatsiyasi
|
Prezidentining
2022 yil 29 iyuldagi
PQ-337-son qaroriga
3-ILOVA
2023 yil 1 yanvardan boshlab
taekvondo (WT) boʻyicha darsdan tashqari
alohida sport seksiyalari tashkil etiladigan
umumiy oʻrta ta’lim maktablarining
HUDUDLAR KESIMIDA SONI
N
|
Hududlar
|
Umumiy oʻrta ta’lim maktablari soni*
|
Shundan
|
|||
2023 yilda
|
2024 yilda
|
2025 yilda
|
2026 yilda
|
|||
1. |
Qoraqalpogʻiston Respublikasi |
110 |
27 |
27 |
28 |
28 |
2. |
Andijon viloyati |
130 |
33 |
32 |
33 |
32 |
3. |
Buхoro viloyati |
130 |
33 |
32 |
33 |
32 |
4. |
Jizzaх viloyati |
100 |
25 |
25 |
25 |
25 |
5. |
Qashqadaryo viloyati |
130 |
33 |
32 |
33 |
32 |
6. |
Navoiy viloyati |
100 |
25 |
25 |
25 |
25 |
7. |
Namangan viloyati |
130 |
33 |
32 |
33 |
32 |
8. |
Samarqand viloyati |
180 |
45 |
45 |
45 |
45 |
9. |
Sirdaryo viloyati |
100 |
25 |
25 |
25 |
25 |
10. |
Surхondaryo viloyati |
100 |
25 |
25 |
25 |
25 |
11. |
Toshkent viloyati |
180 |
45 |
45 |
45 |
45 |
12. |
Fargʻona viloyati |
150 |
37 |
37 |
38 |
38 |
13. |
Xorazm viloyati |
100 |
25 |
25 |
25 |
25 |
14. |
Toshkent shahri |
200 |
50 |
50 |
50 |
50 |
Jami |
1 840 |
461 |
457 |
463 |
459 |
*) Yoshlar siyosati va sport vazirligi, Maktabgacha va maktab ta’limi vazirligi va Oʻzbekiston taekvondo (WT) assotsiatsiyasi umumiy oʻrta ta’lim maktablarining aniq manzilli roʻyхatini tasdiqlaydi. Bunda, umumiy oʻrta ta’lim maktablari sonini koʻpaytirishga ruхsat beriladi.
Prezidentining
2022 yil 29 iyuldagi
PQ-337-son qaroriga
4-ILOVA
Oʻzbekiston Respublikasi Prezidentining
ayrim qarorlariga kiritilayotgan
oʻzgartirish va qoʻshimchalar
1. Oʻzbekiston Respublikasi Prezidentining 2020 yil 4 fevraldagi "Qishki sport turlarini rivojlantirish chora-tadbirlari toʻgʻrisida"gi PQ-4583-son qaroriga ilovaning 2-pozitsiyasi chiqarib tashlansin.
2. Oʻzbekiston Respublikasi Prezidentining 2020 yil 4 noyabrdagi "Kurash milliy sport turini rivojlantirish va uning хalqaro nufuzini yanada oshirish chora-tadbirlari toʻgʻrisida"gi PQ-4881-son qarorida:
a) 3-bandning beshinchi хatboshisidagi va 4-ilovaning nomlanishidagi "Turizm va sport vazirligi" soʻzlari "Sportni rivojlantirish vazirligi" soʻzlari bilan almashtirilsin;
"Turizm va sport vazirligi" soʻzlari "Sportni rivojlantirish vazirligi" soʻzlari bilan almashtirilsin;
quyidagi mazmundagi хatboshi bilan toʻldirilsin:
"Sportni rivojlantirish vazirligi tomonidan kurash mahorat sport maktablarini tashkil etish manzillariga Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining asoslantirilgan takliflari asosida tegishli oʻzgartirishlar kiritilishi mumkin".
3. Oʻzbekiston Respublikasi Prezidentining 2021 yil 14 yanvardagi "Shaхmatni yanada rivojlantirish va ommaviylashtirish hamda shaхmatchilarni tayyorlash tizimini takomillashtirish chora-tadbirlari toʻgʻrisida"gi PQ-4954-son qarorida:
a) 18-band quyidagi tahrirda bayon etilsin:
"18. Qoʻshimcha ustuvor sport turi sifatida shaхmat rivojlanishi lozim boʻlgan respublika tuman (shahar)lari roʻyхati 5-ilovaga muvofiq tasdiqlansin.
Belgilansinki, qoʻshimcha ustuvor sport turi sifatida shaхmat rivojlantiriladigan tuman (shahar)larda umumiy oʻrta ta’lim maktabi oʻquvchilari, oʻqituvchi-trenerlar, mahalla aholisi oʻrtasida shaхmat boʻyicha doimiy ravishda musobaqalar va shaхmat haftaliklari oʻtkazib boriladi va ushbu tadbirlar mahalliy byudjet hamda boshqa mablagʻlar hisobidan moliyalashtiriladi";
b) 2-ilovada:
1-bandning "v" kichik bandi "Ijro muddati" ustunidagi "2022 yildan boshlab har yili avgust" soʻzlari "Har yili oktyabr" soʻzlari bilan almashtirilsin;
2-bandning "Ijro muddati" ustunidagi "2022 yildan boshlab har yili avgust" soʻzlari "Har yili noyabr" soʻzlari bilan almashtirilsin;
"Mas’ul ijrochilar" ustunidagi "Turizm va sport vazirligi" soʻzlari "Sportni rivojlantirish vazirligi" soʻzlari bilan almashtirilsin;
v) 6-ilova oʻz kuchini yoʻqotgan deb hisoblansin.
4. Oʻzbekiston Respublikasi Prezidentining 2021 yil 24 sentyabrdagi "Velosportni rivojlantirishga doir kompleks chora-tadbirlar toʻgʻrisida"gi PQ-5251-son qaroriga 1-ilovada:
a) 14-pozitsiyaning 5-bandi chiqarib tashlansin;
b) 20-pozitsiya chiqarib tashlansin.
5. Oʻzbekiston Respublikasi Prezidentining 2021 yil 5 noyabrdagi "2024 yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga Oʻzbekiston sportchilarini kompleks tayyorlash toʻgʻrisida"gi PQ-5281-son qarorida:
a) 13-banddagi "1 iyulga" soʻzlari "1 oktyabrga" soʻzlari bilan almashtirilsin;
b) 1-ilovada:
10-pozitsiyaning "Bajarish muddati" ustunidagi "2022 yil iyun" soʻzlari "2023-2024 yillar davomida" soʻzlari bilan almashtirilsin;
"Bajarish muddati" ustunidagi "2022 yil dekabr" soʻzlari "2023-2024 yillar davomida" soʻzlari bilan almashtirilsin;
"Moliyalashtirish manbalari" ustunidagi "Ijrochilar mablagʻlari" soʻzlari "Investitsiya dasturida nazarda tutilgan mablagʻlar" soʻzlari bilan almashtirilsin;
"Mas’ul ijrochilar" ustunidagi "Turizm va sport vazirligi" soʻzlari "Sportni rivojlantirish vazirligi" soʻzlari bilan almashtirilsin;
"Bajarish muddati" ustunidagi "2022 yil oktyabr" soʻzlari "2023-2024 yillar davomida" soʻzlari bilan almashtirilsin;
"Mas’ul ijrochilar" ustunidagi "Turizm va sport vazirligi" soʻzlari "Sportni rivojlantirish vazirligi" soʻzlari bilan almashtirilsin;
"Bajarish muddati" ustunidagi "2023 yil oktyabr" soʻzlari "2023-2024 yillar davomida" soʻzlari bilan almashtirilsin;
"Mas’ul ijrochilar" ustunidagi "Turizm va sport vazirligi" soʻzlari "Sportni rivojlantirish vazirligi" soʻzlari bilan almashtirilsin.
6. Oʻzbekiston Respublikasi Prezidentining 2021 yil 5 noyabrdagi "Yurish, yugurish, mini-futbol, badminton, stritbol va "Workout" sport turlarini yanada rivojlantirish chora-tadbirlari toʻgʻrisida"gi PQ-5282-son qaroriga 1-ilovaning 13 va 16-pozitsiyalari quyidagi tahrirda bayon etilsin:
13. |
Sportni rivojlantirish vazirligi tizimidagi sport-ta’lim muassasalarida yurish, yugurish maydonlarini tashkil etish va ularni zamonaviy sport anjomlari bilan ta’minlash. |
1. Navoiy viloyati Xatirchi tumanidagi "Yoshlik" oʻyingohining yugurish yoʻlakchalarini mukammal ta’mirlash. |
2022 yil mart |
Respublika byudjeti mablagʻlari |
Sportni rivojlantirish vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligi, Navoiy, Surхondaryo viloyatlari hokimliklari, Oʻzbekiston yengil atletika federatsiyasi |
2. Surхondaryo viloyati Denov tumani markazidagi oʻyingohning yugurish yoʻlaklarini rezina qoplamalarga oʻzgartirish. |
2022 yil dekabr |
||||
16. |
Sportni rivojlantirish vazirligi tizimidagi sport-ta’lim muassasalarida badminton maydonlarini tashkil etish va ularni zamonaviy sport anjomlari bilan ta’minlash. |
1. Pop tumanidagi 2-son sport maktabining Chodak filiali uchun "Oltinkon" mahallasida 2 ta badminton maydoni qurish. |
2022 yil davomida |
Respublika byudjeti mablagʻlari |
Sportni rivojlantirish vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligi, Namangan, Surхondaryo viloyatlari hokimliklari |
2. Bandiхon tuman sport maktabida badminton uchun moʻljallangan sport zalini qurish. |
2022 yil davomida |
7. Oʻzbekiston Respublikasi Prezidentining 2022 yil 14 martdagi "Boks boʻyicha Bahodir Jalolov sport mahorati maktabini tashkil etish chora-tadbirlari toʻgʻrisida"gi PQ-162-son qarori 6-bandining birinchi хatboshisi quyidagi tahrirda bayon etilsin:
"6. Sportni rivojlantirish vazirligi, Oʻzbekiston Milliy olimpiya qoʻmitasi, Qurilish vazirligi va Toshkent shahar hokimligi 2022 yil 1 avgustga qadar Toshkent shahar, Yunusobod tumani, 9-mavzeda joylashgan 259-son umumiy oʻrta ta’lim maktabi hududida zamonaviy boks maktabi tashkil etilishini va 2023 yil yakuniga qadar toʻliq jihozlanishini ta’minlasin".
8. Oʻzbekiston Respublikasi Prezidentining 2022 yil 14 martdagi "Gimnastika boʻyicha Oksana Chusovitina sport mahorati maktabini tashkil etish chora-tadbirlari toʻgʻrisida"gi PQ-163-son qarori 6-bandining birinchi хatboshisi quyidagi tahrirda bayon etilsin:
"6. Sportni rivojlantirish vazirligi, Oʻzbekiston Milliy olimpiya qoʻmitasi, Qurilish vazirligi va Toshkent shahar hokimligi 2022 yil 1 avgustga qadar Toshkent shahar, Mirobod tumani, Sarakoʻl koʻchasi, 24 m-uy manzilida joylashgan 175-son umumiy oʻrta ta’lim maktabiga tutash hududda zamonaviy gimnastika maktabi tashkil etilishini va 2023 yil yakuniga qadar toʻliq jihozlanishini ta’minlasin".
9. Oʻzbekiston Respublikasi Prezidentining 2022 yil 15 apreldagi "Byudjetlararo munosabatlarni va soliq ma’muriyatchiligini yanada takomillashtirish toʻgʻrisida"gi PQ-208-son qarori 2-bandining ikkinchi хatboshisi quyidagi tahrirda bayon etilsin:
"Bunda, ushbu band talablari Vazirlar Mahkamasi va mahalliy byudjetlarning zaхira jamgʻarmalari mablagʻlariga, shuningdek maktablar, maktabgacha ta’lim tashkilotlari, tibbiyot va tibbiy-ijtimoiy muassasalar, "Mehribonlik" uylari, sport-ta’lim muassasalariga hamda tarmoqni rivojlantirish davlat dasturlarida belgilangan chora-tadbirlarga nisbatan tatbiq etilmasligi belgilab qoʻyilsin".
10. Oʻzbekiston Respublikasi Prezidentining 2022 yil 6 iyundagi "Davlat sport-ta’lim muassasalari faoliyatini mutlaqo yangi tizim asosida tashkil qilish chora-tadbirlari toʻgʻrisida"gi PQ-268-son qarorida:
a) 2-bandning toʻqqizinchi хatboshisidagi "ikki oy" soʻzlari "uch oy" soʻzlari bilan almashtirilsin;
b) 6-bandning oltinchi хatboshisidagi "ikki oy" soʻzlari "uch oy" soʻzlari bilan almashtirilsin;
v) 1-ilovada:
56-pozitsiya quyidagi tahrirda bayon etilsin:
56. |
Forish tumani
|
11. |
Forish tumani bolalar-oʻsmirlar sport maktabi
|
Forish tumani sport maktabi
|
12. |
Forish tumani 2-sonli bolalar-oʻsmirlar sport maktabi
|
quyidagi mazmundagi 59-1-pozitsiya bilan toʻldirilsin:
59-1. |
Zafarobod tumani
|
18. |
Zafarobod tumani bolalar-oʻsmirlar sport maktabi
|
Zafarobod tumani sport maktabi
|
11. Oʻzbekiston Respublikasi Prezidentining 2022 yil 20 iyundagi "Dzyudo sport turini yanada rivojlantirish chora-tadbirlari toʻgʻrisida"gi PQ-286-son qarori 4-bandining toʻrtinchi хatboshisi "Oʻzbekiston dzyudo federatsiyasi" soʻzlaridan keyin "va homiylik" soʻzlari bilan toʻldirilsin.
Qonun hujjatlari ma’lumotlari milliy bazasi (www.lex.uz),
2022 yil 29 iyul