Oʻzbekiston Respublikasi Prezidentining 04.08.2022 y. PF-182-son "Oʻzbekiston Respublikasi Prezidentining 2018 yil 27 iyuldagi "Tadbirkorlik sub’yektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari toʻgʻrisida"gi PF-5490-son Farmoniga qoʻshimcha kiritish toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
04.08.2022 y.
N PF-182
OʻZBEKISTON RESPUBLIKASI
PREZIDENTINING 2018 YIL 27 IYuLDAGI
"TADBIRKORLIK SUB’YeKTLARINING HUQUQLARI
VA QONUNIY MANFAATLARINI HIMOYa QILISh
TIZIMINI YaNADA TAKOMILLAShTIRISh
ChORA-TADBIRLARI TOʻGʻRISIDA"GI PF-5490-SON
FARMONIGA QOʻShIMChA KIRITISh TOʻGʻRISIDA
Oʻzbekiston Respublikasining "Koʻp kvartirali uylarni boshqarish toʻgʻrisida"gi Qonuni ijrosini ta’minlash maqsadida:
1. Oʻzbekiston Respublikasi Prezidentining 2018 yil 27 iyuldagi "Tadbirkorlik sub’yektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari toʻgʻrisida"gi PF-5490-son Farmoniga 2-ilova quyidagi mazmundagi 17-2-pozitsiya bilan toʻldirilsin:
" |
17-2. |
Asosli ma’lumotlar boʻlganda koʻp kvartirali uylardagi joylarning oʻzboshimchalik bilan qayta qurilishi va (yoki) qayta rejalashtirilishi holatlarini tekshirish hamda boshqarish organlari tomonidan koʻp kvartirali uylarda yuzaga kelgan avariya vaziyatlarini bartaraf etish boʻyicha choralar koʻrilganligi ustidan nazorat qilish. |
Oʻzbekiston Respublikasi Uy-joy kommunal хizmat koʻrsatish vazirligi huzuridagi Koʻp kvartirali uy-joy fondidan foydalanish sohasini nazorat qilish inspeksiyasi |
1 kundan oshmagan holda |
". |
2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. Mirziyoyev
Qonun hujjatlari ma’lumotlari milliy bazasi (www.lex.uz),
2022 yil 4 avgust