Oʻzbekiston Respublikasi Vazirlar Mahkamasining 04.08.2022 y. 428-son "Oʻzbekiston Respublikasi Iqtisodiyot va moliya vazirligi huzuridagi Tadbirkorlik faoliyatini qoʻllab-quvvatlash davlat jamgʻarmasi faoliyatini tashkil etish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
04.08.2022 y.
N 428
OʻZBEKISTON RESPUBLIKASI IQTISODIYoT VA MOLIYa
VAZIRLIGI HUZURIDAGI TADBIRKORLIK FAOLIYaTINI
QOʻLLAB-QUVVATLASh DAVLAT JAMGʻARMASI FAOLIYaTINI
TAShKIL ETISh ChORA-TADBIRLARI TOʻGʻRISIDA
Oʻzbekiston Respublikasi Prezideitining "Tadbirkorlik faoliyatini qoʻllab-quvvatlash davlat jamgʻarmasi faoliyatini yanada takomillashtirishga doir qoʻshimcha chora-tadbirlar toʻgʻrisida" 2022 yil 9 iyundagi PF-150-son Farmoni hamda "Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligi faoliyatini tashkil etish chora-tadbirlari toʻgʻrisida" 2021 yil 24 dekabrdagi PQ-62-son qaroriga muvofiq Vazirlar Mahkamasi QAROR QILADI:
1. Quyidagilar:
a) Oʻzbekiston Respublikasi Prezidentining "Iktisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligi faoliyatini tashkil etish chora-tadbirlari toʻgʻrisida" 2021 yil 24 dekabrdagi PQ-62-son qaroriga asosan Tadbirkorlik faoliyatini qoʻllab-quvvatlash davlat jamgʻarmasi (keyingi oʻrinlarda - Jamgʻarma) bevosita Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi tarkibiga oʻtkazilganligi;
b) Oʻzbekiston Respublikasi Prezidentining "Tadbirkorlik faoliyatini qoʻllab-quvvatlash davlat jamgʻarmasi faoliyatini yanada takomillashtirishga doir qoʻshimcha chora-tadbirlar toʻgʻrisida" 2022 yil 9 iyundagi PF-150-son Farmoniga muvofiq Jamgʻarma tomonidan:
kichik tadbirkorlik sub’yektlari loyihalariga qiymati 5 milliard soʻmdan, foiz stavkasi Markaziy bank asosiy stavkasining 1,5 baravaridan oshmagan tijorat banklarining milliy valyutada ajratiladigan kreditlari (lizinglari) boʻyicha asosiy stavkadan oshgan, biroq asosiy stavkaning 30 foizidan koʻp boʻlmagan qismini koplash uchun uch yil muddatgacha kompensatsiya taqdim etilishi;
kichik tadbirkorlik sub’yektlari loyihalariga ajratiladigan kreditlarning 50 foizigacha, biroq 2,5 milliard soʻmdan oshmagan miqdorda kafillik berilishi ma’lumot uchun kabul qilinsin.
2. Quyidagilarni nazarda tutuvchi Oʻzbekiston Respublikasi Iqtisodiyot va moliya vazirligi huzuridagi Tadbirkorlik faoliyatini qoʻllab-quvvatlash davlat jamgʻarmasi toʻgʻrisidagi nizom ilovaga muvofiq tasdiqlansin:
Jamgʻarmaning asosiy vazifalari, funksiyalari va faoliyat yoʻnalishlari;
Jamgʻarma mablagʻlarini shakllantirish va sarflash, ulardan foydalanilishini hisobga olish, hisobot berish hamda nazorat qilish;
Jamgʻarmani boshqarish va uning tuzilmasini tasdiqlash tartibi;
aholining ijtimoiy himoyaga muhtoj qatlamlarining tadbirkorlik tashabbuslarini amalga oshirish uchun, shuningdek, tadbirkorlik sub’yektlariga tijorat banklari kreditlari (lizinglari) boʻyicha Jamgʻarmaning kafilligi berilishini koʻrib chiqish shartlari va tartibi;
tadbirkorlik sub’yektlari kreditlariga (lizinglariga) kompensatsiya berish, toʻхtatib turish, toʻхtatish, bekor qilish va qayta tiklash tartibi.
3. Oʻzbekiston Respublikasi Iqtisodiyot va moliya vazirligi "Tadbirkor" aхborot tizimini quyidagilarni nazarda tutgan holda takomillashtirib borish choralarini koʻrsin:
tijorat banklari aхborot tizimlarida kompensatsiya toʻlovlarining manzilli yetib borishini ta’minlovchi meхanizmni joriy etish;
tijorat banklari bilan birgalikda moliyaviy yordamdan foydalanib kelayotgan tadbirkorlik sub’yektlari boʻyicha onlayn monitoringni amalga oshirish imkoniyatini yaratish;
majburiyatlar yuzaga kelishining prognozi hamda taqdim etilgan moliyaviy yordamning tahliliy ma’lumotlarini shakllantirish;
dasturiy ta’minotni zamon talablariga moslashtirib borish.
4. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari - iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. Aripov
Qonun hujjatlari ma’lumotlari milliy bazasi (www.lex.uz),
2022 yil 5 avgust