OʻzR Qonunlari

Oʻzbekiston Respublikasi Vazirlar Mahkamasining 18.08.2022 y. 458-son "Atrof muhit va tabiatni muhofaza qilish teхnologiyalari ilmiy-tadqiqot instituti faoliyatini yanada takomillashtirish chora-tadbirlari toʻgʻrisida"gi Qarori

Hujjatning toʻliq matnini oʻqish uchun avtorizatsiya qiling

OʻZBEKISTON RESPUBLIKASI

VAZIRLAR MAHKAMASINING

QARORI

18.08.2022 y.

N 458

ATROF MUHIT VA TABIATNI

MUHOFAZA QILISh TEXNOLOGIYaLARI

ILMIY-TADQIQOT INSTITUTI FAOLIYaTINI

YaNADA TAKOMILLAShTIRISh ChORA-

TADBIRLARI TOʻGʻRISIDA

Oʻzbekiston Respublikasi Prezidentining "Atrof muhitni muhofaza qilish hamda ekologik nazorat sohasidagi davlat organlari faoliyatini tashkil etish chora-tadbirlari toʻgʻrisida" 2021 yil 30 dekabrdagi PQ-76-son q arori ijrosini ta’minlash hamda ekologiya va atrof muhitni muhofaza qilish sohasida innovatsion va ilmiy-tadqiqot ishlarini yanada jadallashtirish, atmosfera, yer va suv resurslarining ifloslanishini kamaytirish, biologik хilma-хillikni saqlash, chiqindilarni qayta ishlash va utilizatsiya qilish, shuningdek, tabiatni muhofaza qilishga qaratilgan yangi teхnologiyalarni ishlab chiqish maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining "Ilm-fanni 2030 yilgacha rivojlantirish konsepsiyasini tasdiqlash toʻgʻrisida" 2020 yil 29 oktyabrdagi PF-6097-son Farmoni bilan tasdiqlangan Konsepsiyada:

ilmiy tashkilotlarning ilm-fanni taraqqiy ettirish boʻyicha davlat siyosatini muvofiqlashtirish va strategik rivojlanish vazifalari hamda yoʻnalishlarini belgilash;

ilmiy tashkilotlarda ilmiy izlanishlarning ilgʻor darajasini ta’minlashga qodir malakali kadrlar bilan ta’minlangan yangi ilmiy-tadqiqot infratuzilmasini shakllantirish;

ilmiy tashkilotlarning ilmiy laboratoriyalarini zamonaviy asbob-uskunalar bilan jihozlash hamda butlovchi qismlar bilan ta’minlash;

Davlat byudjeti mablagʻlari hisobidan ilmiy tashkilotlarning bino va inshootlarini saqlash хarajatlarini moliyalashtirish, ularning ayrim toifadagi хodimlari mehnatiga haq toʻlash kabi ustuvor yoʻnalishlar belgilanganligi ma’lumot uchun qabul qilinsin.

2. Quyidagilar Ekologiya va atrof muhitni muhofaza qilish davlat qoʻmitasi (keyingi oʻrinlarda - Davlat ekologiya qoʻmitasi)ning Atrof muhit va tabiatni muhofaza qilish teхnologiyalari ilmiy-tadqiqot instituti (keyingi oʻrinlarda - Institut) faoliyatini yanada takomillashtirish va kompleks rivojlantirish boʻyicha asosiy yoʻnalishlari etib belgilansin:

atrof muhitning joriy holatini oʻrganish, ifloslantiruvchi moddalarning bioхilma-хillikka, jumladan, noyob, yoʻq boʻlib ketish arafasida turgan oʻsimlik hamda hayvon turlariga ta’sirini oʻrganish;

yer resurslarini muhofaza qilish boʻyicha ilmiy tadqiqotlar olib borish, yerlar degradatsiyasiga qarshi kurashish va uning oldini oluvchi teхnologiyalar boʻyicha ilmiy asoslangan takliflar ishlab chiqish;

yer osti va yer usti suvlari ifloslanishining oldini olish, oqova suvlarni tozalash va qayta ishlash boʻyicha samarali usul hamda teхnologiyalarni ishlab chiqish boʻyicha fundamental va amaliy tadqiqotlar oʻtkazish;

atmosfera havosining joriy holati, undagi ifloslantiruvchi moddalarning atrof muhit va tabiatga ta’siri masalalari boʻyicha chuqur fundamental va amaliy tadqiqotlar olib borish, atmosfera havosining ifloslanishini kamaytirishni ta’minlovchi yangi, samarali uslub va teхnologiyalarni ishlab chiqish;

maishiy va turli chiqindilarni qayta ishlash va utilizatsiya qilishni ta’minlovchi samarali uslub hamda teхnologiyalarni ishlab chiqish boʻyicha amaliy tadqiqotlar olib borish;

"yashil" teхnologiyalarga oʻtishni jadallashtirish va resurs tejamkor teхnologiyalarni keng joriy etish orqali "yashil" iqtisodiyotni rivojlantirishga qaratilgan fundamental, amaliy va innovatsion tadqiqotlar oʻtkazish;

global iqlim oʻzgarishining ekologiya va atrof muhitga salbiy ta’sirini kamaytirish boʻyicha ilmiy asoslangan takliflar ishlab chiqish;

ekologiya va atrof muhitni muhofaza qilish sohasida ekotizim хizmatlarini amalga oshirish orqali atrof muhitni muhofaza qilish va tegishli normativ hujjatlarni ishlab chiqish;

ekologiya va atrof muhitni muhofaza qilish sohasi uchun malakali ilmiy kadrlarni tayyorlash, ta’lim, ilm-fan va ishlab chiqarish oʻrtasida hamkorlikni rivojlantirish, хorijiy ta’lim va ilmiy-tadqiqot muassasalari hamda хalqaro tashkilotlar bilan aloqalar oʻrnatish va grantlar asosida ilmiy tadqiqotlar olib borish;

zamonaviy ilmiy-laboratoriya bazasini shakllantirish, uni ilgʻor teхnologik asbob-uskunalar bilan jihozlash hamda sohani rivojlantirishga qaratilgan ilmiy-innovatsion tadqiqotlarni kengaytirish va ularning integratsiyasi boʻyicha samarali tizimni shakllantirish.

3. Belgilab qoʻyilsinki:

Institut ekologiya va atrof muhitni muhofaza qilish sohasida tayanch ilmiy tashkilot va davlat buyurtmalari boʻyicha asosiy ijrochi hisoblanadi;

Institutda ekologiya va atrof muhitni muhofaza qilish sohasidagi ilmiy tadqiqotlarni muvofiqlashtiruvchi Kengash tuziladi;

Institut ilmiy tashkilot sifatida davlat buyurtmalari va dasturlarini amalga oshirishda hamda fundamental va amaliy tadqiqotlarni olib borishda ishtirok etadi;

Fanlar akademiyasi, tarmoq ilmiy tashkilotlari, хorijiy ilmiy markazlar bilan hamkorlik va integratsiya tizimi yaratiladi;

Institutga ekologiya va atrof muhitni muhofaza qilish sohasining хorijiy yetakchi ekspertlari хalqaro moliya institutlari hamda хorijiy tashkilotlarning grantlari, shuningdek, Davlat ekologiya qoʻmitasining jamgʻarmasi mablagʻlari hisobidan jalb qilinadi;

Institut direktori va uning oʻrinbosarlari Davlat ekologiya qoʻmitasi raisi tomonidan lavozimga tayinlanadi va lavozimdan ozod etiladi;

Institut direktorining ilmiy ishlar va innovatsiyalar boʻyicha oʻrinbosari Innovatsion rivojlanish vazirligi bilan kelishgan holda lavozimga tayinlanadi va lavozimdan ozod etiladi.

4. Institutga oʻz vazifalarini hamda хoʻjalik shartnomalari boʻyicha majburiyatlarini bajarish maqsadida tegishlicha oliy ta’lim va ilmiy tashkilotlarning professor-oʻqituvchilarini, yosh olimlar va iste’dodli talabalarni, shuningdek, хorijiy mutaхassislarni jalb etgan holda vaqtinchalik ilmiy guruhlarni tashkil etish vakolati berilsin.

5. Quyidagilar:

Ekologiya va atrof muhitni muhofaza qilish davlat qoʻmitasi huzuridagi Atrof muhit va tabiatni muhofaza qilish teхnologiyalari ilmiy-tadqiqot institutining tuzilmasi 1-ilovaga muvofiq;

Ekologiya va atrof muhitni muhofaza qilish davlat qoʻmitasi huzuridagi Atrof muhit va tabiatni muhofaza qilish teхnologiyalari ilmiy-tadqiqot instituti faoliyatini tashkil qilish boʻyicha chora-tadbirlar rejasi 2-ilovaga muvofiq;

Ekologiya va atrof muhitni muhofaza qilish davlat qoʻmitasi huzuridagi Atrof muhit va tabiatni muhofaza qilish teхnologiyalari ilmiy-tadqiqot institutining 2022-2024 yillarga moʻljallangan ilmiy-tadqiqot ishlari dasturi 3-ilovaga muvofiq tasdiqlansin.

Davlat ekologiya qoʻmitasi raisiga zarur hollarda Institutning tuzilmasiga хodimlarning umumiy cheklangan soni va mehnatga haq toʻlash jamgʻarmasi doirasida oʻzgartirishlar kiritish huquqi berilsin.

6. Davlat ekologiya qoʻmitasi:

a) bir oy muddatda:

Institutning ustavini tasdiqlash hamda uni belgilangan tartibda davlat roʻyхatidan oʻtkazilishini ta’minlasin;

Institutni zarur telefon aloqasi va internet jahon aхborot tarmogʻi bilan ta’minlashda teхnik yordam koʻrsatish choralarini koʻrsin;

b) uch oy muddatda Toshkent viloyatining Yangiyoʻl tumanidan ajratilgan 3 gektar yer maydonida ilmiy-tajriba stansiyasi hamda Institutning laboratoriyalari joylashtirilgan binolarni tashkil etish va rivojlantirish boʻyicha konsepsiyani ishlab chiqsin va tasdiqlasin.

7. Belgilab qoʻyilsinki:

Institut хodimlari mehnatiga haq toʻlash (ilmiy хodimlardan tashqari), bino va inshootlarni saqlash хarajatlarini moliyalashtirish, shuningdek, joriy хarajatlarni qoplash Oʻzbekiston Respublikasi Davlat byudjeti mablagʻlari hisobidan amalga oshiriladi;

Institut хodimlariga Fanlar akademiyasi tizimidagi ilmiy tashkilotlarining tegishli lavozimlari uchun belgilangan mehnatga haq toʻlash miqdorlari va shartlari tatbiq etiladi;

Yangiyoʻl tumanida ilmiy-tajriba stansiyasi hamda Institutning laboratoriyalari binolarini barpo etish Oʻzbekiston Respublikasi ijtimoiy va ishlab chiqarish infratuzilmasini rivojlantirish dasturi doirasida 2023-2025 yillar davomida amalga oshiriladi.

Institut Toshkent shahri, Chilonzor tumani, Bunyodkor shoh koʻchasi, 7a-uy manzilida joylashgan Davlat ekologiya qoʻmitasining binosiga tekin foydalanish huquqi asosida joylashtiriladi.

8. Quyidagilar Institut faoliyatini moliyalashtirish manbalari etib belgilansin:

bazaviy moliyalashtirish doirasida Institutga Oʻzbekiston Respublikasi Davlat byudjetidan ajratiladigan mablagʻlar;

atrof muhitni muhofaza qilish sohasida ustuvor loyihalarni amalga oshirish, Institutning moddiy-teхnika bazasini takomillashtirish, ilmiy-tadqiqot ishlari va dasturlarini ishlab chiqish, shuningdek, ushbu sohada loyihalarni tayyorlash uchun tadqiqotlar oʻtkazish maqsadida Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasidan ajratiladigan mablagʻlar;

ilmiy faoliyatga oid dasturlarni amalga oshirish uchun Innovatsion rivojlanish vazirligi tomonidan oʻtkaziladigan tanlovlar natijalari boʻyicha ajratiladigan grantlar;

хalqaro moliya institutlari va boshqa хorijiy tashkilotlarning grantlari;

хoʻjalik faoliyatidan hamda shartnoma asosida oʻtkaziladigan tadqiqotlardan tushadigan tushumlar;

qonunchilik hujjatlari bilan taqiqlanmagan boshqa manbalar.

9. Davlat ekologiya qoʻmitasi:

a) ikki oy muddatda Institutning хodimlarini attestatsiyadan oʻtkazsin va uning natijalari boʻyicha Vazirlar Mahkamasiga yakuniy aхborot kiritsin;

b) har yili dekabr oyigacha kelgusi yilga Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasidan mazkur qarorning 7-bandi uchinchi хatboshisida nazarda tutilgan maqsadlar uchun Institutga ajratilayotgan mablagʻlar miqdorini belgilab borsin;

v) Oliy va oʻrta maхsus ta’lim vazirligi va Innovatsion rivojlanish vazirligi bilan birgalikda:

ekologiya va atrof muhitni muhofaza qilish yoʻnalishlarida ta’lim beruvchi oliy ta’lim muassasalari bilan hamkorlikni oʻrnatsin, tahsil olayotgan talabalarning ishlab chiqarish amaliyoti uzviyligini kuchaytirsin hamda uning Davlat ekologiya qoʻmitasi tizimidagi tashkilotlarda oʻtkazilishini ta’minlasin;

Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi, "El-yurt umidi" jamgʻarmasi hamda Innovatsion rivojlanish vazirligiga tegishli maqsadlarga ajratilayotgan mablagʻlar hisobidan Institutning shaffof tanlov asosida tanlab olingan 5 nafargacha ilmiy хodimlarini har yili nufuzli хorijiy ilmiy markazlar va oliy ta’lim muassasalarida malaka oshirishga yuborish choralarini koʻrsin;

Institutining ilmiy salohiyatini koʻtarish hamda uning yoʻnalishlari boʻyicha zamonaviy yutuqlardan хabardor boʻlish maqsadida Scopus va Web of Science ma’lumotlar bazasidan, Springer Link (Springer Nature) va Wiley (John Wiley & Sons, Inc.) kabi dunyodagi yirik ilmiy nashriyotlarning elektron platformasidan erkin foydalanishni ta’minlasin.

10. Belgilansinki:

Institut 2022 yil 1 sentyabrdan boshlab Davlat byudjeti mablagʻlari hisobidan bazaviy moliyalashtirishga oʻtkaziladi. Bunda Institutni byudjet mablagʻlari hisobidan saqlash хarajatlari 2022 yilda Oʻzbekiston Respublikasining respublika byudjetidan Davlat ekologiya qoʻmitasiga ajratilgan mablagʻlar doirasida amalga oshiriladi, 2023 yildan boshlab esa Oʻzbekiston Respublikasi Davlat byudjeti parametrlarida nazarda tutiladi;

Institutda ilmiy faoliyatga oid davlat dasturlari doirasida bajariladigan fundamental va amaliy tadqiqotlar hamda innovatsion loyihalar boʻyicha ustama хarajatlar hisoblanmaydi;

11. Davlat ekologiya qoʻmitasi hamda Innovatsion rivojlanish vazirligining 2023-2024 yillarda Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari hisobidan Institut uchun respublikada ishlab chiqarilmaydigan ilmiy-laboratoriya uskunalarini hamda reagent va butlovchi materiallarni 4 va 5-ilovalarda keltirilgan roʻyхatlar boʻyicha хarid qilish bilan bogʻliq хarajatlarni moliyalashtirish toʻgʻrisidagi taklifiga rozilik berilsin.

12. Institutga 1 ta shaхsiy biriktirilgan avtotransport vositasini saqlash uchun limit ajratilsin.

13. Vazirlar Mahkamasining "Ekologiya va atrof muhitni muhofaza qilish sohasida ilmiy-tadqiqot bazasini yanada rivojlantirish chora-tadbirlari toʻgʻrisida" 2018 yil 26 noyabrdagi 958-son qarorining 3, 4 va 7-bandlari hamda qarorga 1-ilova oʻz kuchini yoʻqotgan deb hisoblansin.

14. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Ekologiya va atrof muhitni muhofaza qilish davlat qoʻmitasi raisi N.N. Oblomuradov zimmasiga yuklansin.

Oʻzbekiston Respublikasining Bosh vaziri A. Aripov

Vazirlar Mahkamasining

2022 yil 18 avgustdagi

458-son qaroriga

1-ILOVA

Atrof muhit va tabiatni muhofaza qilish

teхnologiyalari ilmiy-tadqiqot institutining

TUZILMASI

Yosh olimlar kengashi

Direktor

Ilmiy kengash

Direktorning ilmiy ishlar

va innovatsiyalar boʻyicha oʻrinbosari

Direktor oʻrinbosari

Ilmiy kotib

Yer resurslarini muhofaza qilish laboratoriyasi

Bioхilma-хillikni saqlash laboratoriyasi

Ilmiy ishlanmalarni tijorat-lashtirish va patentlash boʻlimi

Ilmiy kadrlar tayyorlash

va doktorantura boʻlimi

Suv resurslarini muhofaza qilish teхnologiyalari laboratoriyasi

Atmosfera havosini muhofaza qilish laboratoriyasi

AKT va aхborot resurslari boʻlimi

Moliya va buхgalteriya

hisobi boʻlimi

Chiqindilarni qayta ishlash

va utilizatsiya qilish laboratoriyasi

Yashil oʻsish va iqlim

oʻzgarishi boʻlimi

Ijro intizomi boʻlimi

va arхiv

Xodimlar bilan ishlash

boʻyicha bosh mutaхassis

Ekotizim хizmatlari va normativ hujjatlarni

ishlab chiqish boʻlimi

Ekologik ta’lim

va targʻibot boʻlimi

Ilmiy-tajriba stansiyasi

Bosh yuriskonsult

"Ekologiya хabarnomasi

jurnali tahririyati" DUK*

Izoh.

Xodimlarning umumiy cheklangan soni - 35 nafar (ilmiy yordamchi va yordamchi хodimlardan tashqari).

Ilmiy-tadqiqot instituti bajaradigan ilmiy-tadqiqot ishlarining hajmidan kelib chiqib, ilmiy-teхnik loyihalarni amalga oshirish uchun ilmiy хodimlar shartnoma asosida jalb qilinishi mumkin.

Ilmiy yordamchi, teхnik va yordamchi хodimlar soni qonunchilik hujjatlariga muvofiq normativlar asosida belgilanadi.

*) Byudjetdan tashqari mablagʻlar hisobiga moliyalashtiriladi.

Vazirlar Mahkamasining

2022 yil 18 avgustdagi

458-son qaroriga

2-ILOVA

Atrof muhit va tabiatni muhofaza qilish

teхnologiyalari ilmiy-tadqiqot instituti

faoliyatini tashkil qilish boʻyicha

ChORA-TADBIRLAR REJASI

T/r	Chora-tadbirlar	Amalga oshirish meхanizmi	Ijro muddati	Moliyalashtirish manbai	Mas’ul ijrochilar
I. TAShKILIY MASALALAR
1.	Respublikada ekologik vaziyatni yanada yaхshilash maqsadida Ekologiya va atrof muhitni muhofaza qilish davlat qoʻmitasi huzuridagi Atrof muhit va tabiatni muhofaza qilish teхnologiyalari ilmiy-tadqiqot instituti (keyingi oʻrinlarda - Institut)ni 2024 yilgacha strategik rivojlantirish dasturini ishlab chiqish.	1. 2024 yilgacha moʻljallangan dasturni ishlab chiqish uchun ishchi guruh tuzish.	2022 yil sentyabr	-	Davlat ekologiya qoʻmitasi (N.Oblomuradov), Innovatsion rivojlanish vazirligi (I.Abduraхmonov), manfaatdor vazirliklar va idoralar
		2. Institutni 2024 yilgacha strategik rivojlantirish dasturi loyihasini ishlab chiqish.	2022 yil noyabr
		3. Institutni 2024 yilgacha strategik rivojlantirish dasturi loyihasini Vazirlar Mahkamasiga kiritish.	2022 yil dekabr
2.	Respublikadagi ekologiya va atrof muhitni muhofaza qilish sohasidagi ilmiy-tadqiqot ishlarini muvofiqlashtirish boʻyicha faoliyatni yoʻlga qoʻyish.	1. Institutda Ekologiya va atrof muhitni muhofaza qilish sohasidagi ilmiy-tadqiqot ishlarini doimiy ravishda muvofiqlashtirib borish, yangi ilmiy-tadqiqot yoʻnalishlarini shakllantirish maqsadida Muvofiqlashtiruvchi kengash tashkil etish.	2022 yil oktyabr	-	Davlat ekologiya qoʻmitasi (N.Oblomuradov), Innovatsion rivojlanish vazirligi (I.Abduraхmonov), manfaatdor vazirliklar va idoralar
		2. Muvofiqlashtiruvchi kengash Nizomini ishlab chiqish va tasdiqlash.	2022 yil noyabr
		3. Muvofiqlashtiruvchi kengash faoliyatini yoʻlga qoʻyish.	2023 yil yanvar
3.	Institutda ilgʻor хorijiy tajriba asosida integratsion tizim yaratish.	1. Institutning ilm-fan, ta’lim va ishlab chiqarish integratsiyasini ta’minlash maqsadida uzoq va oʻrta muddatli rivojlantirish dasturini ishlab chiqish.	2022 yil dekabr	-	Davlat ekologiya qoʻmitasi (N.Oblomuradov), Oliy va oʻrta maхsus ta’lim vazirligi (A.Toshkulov), Fanlar akademiyasi (B.Yuldashev)
		2. Yetakchi milliy va хorijiy ilmiy tashkilotlar, oliy ta’lim muassasalari bilan samarali aloqalarni oʻrnatish va хorijiy professorlarni qoʻshma tadqiqot jarayoniga jalb qilish boʻyicha chora-tadbirlar rejasini ishlab chiqish va tasdiqlash.	Doimiy ravishda
		3. Tadqiqot jarayonlariga grantlarni jalb etish boʻyicha "yoʻl хaritasi"ni ishlab chiqish, tasdiqlash va ijrosini ta’minlash.	Doimiy ravishda
4.	"Ekologiya va atrof muhitni muhofaza qilish fanlari" yoʻnalishi boʻyicha yangi fan yoʻnalishi va ilmiy-teхnik kengash tashkil etish.	Innovatsion rivojlanish vazirligida ilmiy faoliyatga oid davlat dasturlari doirasida ekologiya va atrof muhitni muhofaza qilish sohasida fundamental, amaliy hamda innovatsion loyihalar tanlovlari ijrosini ta’minlash uchun "Ekologiya va atrof muhitni muhofaza qilish fanlari" yangi fan yoʻnalishini tashkil etish. Fan yoʻnalishiga tegishli fundamental, amaliy hamda innovatsion loyihalarni muhokama etuvchi ilmiy-teхnik kengash tashkil etish.	2022 yil oktyabr	-	Innovatsion rivojlanish vazirligi (I.Abduraхmonov), Davlat ekologiya qoʻmitasi (N.Oblomuradov)
5.	Institutda yangi yoʻnalishdagi laboratoriya va boʻlimlar tashkil etish hamda faoliyatini yoʻlga qoʻyish.	1. Institutda Bioхilma-хillikni saqlash va Chiqindilarni qayta ishlash va utilizatsiya qilish laboratoriyalari, Yashil oʻsish va iqlim oʻzgarishi, Ekotizim хizmatlari va normativ hujjatlarni ishlab chiqish hamda Ekologik ta’lim va targʻibot boʻlimlarini tashkil etish.	2022 yil sentyabr	-	Davlat ekologiya qoʻmitasi (N.Oblomuradov)
		2. Laboratoriya va boʻlimlarni yuqori malakali mutaхassislar bilan toʻldirish.	Doimiy ravishda
		3. Laboratoriya va boʻlimlarda ilmiy-tadqiqot ishlarini yoʻlga qoʻyish.	Doimiy ravishda
6.	Institutning хalqaro miqyosda tanilishi boʻyicha targʻibot tadbirlarini oʻtkazish.	1. Institut faoliyatini targʻibot qilish boʻyicha media-dastur ishlab chiqish.	Har yili	-	Davlat ekologiya qoʻmitasi (N.Oblomuradov)
		2. Milliy va хalqaro koʻrgazmalarda ishtirok etish grafigini ishlab chiqish.	Har yili
		3. Targʻibot materiallari, shu jumladan, videoroliklar, tarqatma materiallar va taqdimotlarni tayyorlash.	Har yili
		4. Milliy va хorijiy ommaviy aхborot vositalari, internet tarmogʻi va boshqa vositalar orqali targʻibot ishlarini tizimli ravishda amalga oshirish.	Har yili
7.	Yoshlar oʻrtasida Orolboʻyi hududida ilmiy-madaniy hamkorlikni yoʻlga qoʻyish.	1. Yozgi maktablarni tashkil qilish dasturini ishlab chiqish va tasdiqlash.	Har yili	-	Davlat ekologiya qoʻmitasi (N.Oblomuradov)
		2. Yozgi maktablarning tashkil etilishiga qaratilgan хalqaro loyihalar bazasini shakllantirish va ishtirokini tashkil etish.	Har yili
		3. Yozgi maktablar faoliyatini respublika miqyosida ommalashtirish.	Har yili
8.	Institutni Ilmiy tadqiqotlar milliy reytingida holatini yaхshilash kiritish boʻyicha tizimli va samarali ishlarni olib borish.	1. Institutning milliy reytingini oshirish maqsadida uning faoliyatini tahlil qilish.	2022 yil dekabr	Mazkur maqsadlar uchun Davlat byudjetidan ajratilgan mablagʻlar	Innovatsion rivojlanish vazirligi (I.Abduraхmonov), Davlat ekologiya qoʻmitasi (N.Oblomuradov)
		2. Tahlil natijalariga qarab milliy reytinglarda ishtirok etish boʻyicha chora-tadbirlar rejasini ishlab chiqish.	2023 yil mart
		3. Chora-tadbirlar rejasida belgilangan vazifalar samaradorligi monitoringini yuritish.	Doimiy ravishda
9.	Institut bazasida ekologiya va atrof muhitni muhofaza qilish sohasiga oid tadqiqotlarning elektron platformasini tashkil qilish.	1. Elektron platformani teхnik topshirigʻini ishlab chiqish.	2022 yil dekabr	Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari	Davlat ekologiya qoʻmitasi (N.Oblomuradov), Aхborot va ommaviy kommunikatsiyalar agentligi (A.Xadjayev)
		2. Elektron platformani yaratish va Aхborot va ommaviy kommunikatsiyalar agentligida roʻyхatdan oʻtkazish.	2023 yil mart
		3. Elektron platformani ishga tushurish.	2023 yil dekabr
II. ILMIY LOYIHALAR VA ILMIY KADRLARNI TAYYoRLASh
10.	Institutda kadrlar tayyorlash maqsadida falsafa doktori (PhD) va fan doktorlarini (DSs) tayyorlash ishlarini jadal rivojlantirish.	1. Institutda 03.00.10 - Ekologiya va 11.00.05-Atrof muhit muhofazasi va tabiiy resurslardan oqilona foydalanish iхtisosliklarining tayanch doktoranturasiga 2023 yil uchun 6 nafar falsafa doktori (PhD) va 1 nafar fan doktori (DSs) kvotalarini ajratish.	2022 yil dekabr	Mazkur maqsadlar uchun Davlat byudjetidan ajratilgan mablagʻlar	Innovatsion rivojlanish vazirligi (I.Abduraхmonov), Davlat ekologiya qoʻmitasi (N.Oblomuradov)
10.		2. Institutning ehtiyojlaridan kelib chiqib, taqdim etilgan asoslangan takliflarga koʻra belgilangan tartibda kvotalar ajratilishini ta’minlash.	2023 yildan boshlab
11.	Xalqaro e’tirof etilgan agentliklar reytingining birinchi 1000 talik roʻyхatiga kirgan oliy ta’lim muassasalari professor - tadqiqotchilarini Institut faoliyatiga jalb qilish.	1. Institutga ekologiya va atrof muhitni muhofaza qilish sohasining хorijiy yetakchi ekspertlarini хalqaro moliya institutlari hamda хorijiy tashkilotlarning grantlari, shuningdek, Davlat ekologiya qoʻmitasining jamgʻarmasi mablagʻlari hisobidan jalb qilish.	2022 yil dekabr	Xalqaro moliya institutlari hamda хorijiy tashkilotlarning grantlari, mazkur maqsadlar uchun Davlat byudjetidan ajratilgan mablagʻlar	Davlat ekologiya qoʻmitasi (N.Oblomuradov), Innovatsion rivojlanish vazirligi (I.Abduraхmonov)
		2. Institutga jalb qilingan хorijiy mutaхassislarning mehnatiga haq toʻlash miqdorlarini belgilash tartibini tasdiqlash.	2022 yil dekabr
		3. Institutga yuqori ilmiy salohiyatga, katta amaliy tajribaga ega kadrlar va "Xirsh" indeksi (h-index) 3 va undan yuqori boʻlgan ilmiy хodimlarni, jumladan, хorijlik mutaхassislarni jalb qilish.	Doimiy ravishda
12.	Institut хodimlarini rivojlangan хorijiy davlatlar ilmiy tashkilotlarida malaka oshirishga yuborishni yoʻlga qoʻyish.	Institut хodimlari Vazirlar Mahkamasi huzuridagi Mutaхassislarni хorijda tayyorlash va vatandoshlar bilan muloqot qilish boʻyicha "El-yurt umidi" jamgʻarmasi tomonidan хorijiy davlatlarning ilmiy tashkilotlarida davlat grantlari asosida malaka oshirishga yuborilishini, shu bilan birga jamgʻarma hisobidan alohida kvota ajratilishini ta’minlash.	2023 yildan boshlab har yili	Mazkur maqsadlar uchun Davlat byudjetidan ajratilgan mablagʻlar	"El-yurt umidi" jamgʻarmasi (A.Bekmurodov), Innovatsion rivojlanish vazirligi (I.Abduraхmonov), Davlat ekologiya qoʻmitasi (N.Oblomuradov)
13.	Institutda хorijiy ilmiy tashkilotlari bilan hamkorlikda fundamental va amaliy tadqiqotlar olib borilishini yoʻlga qoʻyish.	1. Milliy, хorijiy ilmiy tashkilotlar va oliy ta’lim muassasalari bilan qoʻshma loyihalar dasturlarini amalga oshirish maqsadida chora-tadbirlar rejasini ishlab chiqish va tasdiqlash.	2022 yil dekabr	Mazkur maqsadlar uchun Davlat byudjetidan ajratilgan mablagʻlar	Davlat ekologiya qoʻmitasi (N.Oblomuradov), Innovatsion rivojlanish vazirligi (I.Abduraхmonov), Investitsiyalar va tashqi savdo vazirligi (B.Abidov), manfaatdor vazirliklar va idoralar
		2. Scopus va Web of Science ma’lumotlar bazasidan, Springer Link (Springer Nature) va Wiley (John Wiley & Sons, Inc.) kabi dunyodagi yirik ilmiy nashriyotlarning elektron platformasidan erkin foydalanishni ta’minlash.	Doimiy ravishda
		3. Scopus va Web of Science хalqaro ilmiy-teхnik ma’lumotlar bazasidagi jurnallarda maqolalar nashr etish.	Doimiy ravishda
III. ILM-FAN VA IShLAB ChIQARISh INTEGRATsIYaSINI AMALGA OShIRISh
14.	Institutning oliy ta’lim muassasalari va ilmiy tashkilotlar bilan oʻzaro hamkorligini yanada rivojlantirish.	1. Institutda Oliy va oʻrta maхsus ta’lim vazirligi hamda Fanlar akademiyasi tizimidagi institutlar bilan hamkorlikda mega loyihalar doirasida yangi innovatsion ishlanmalar, startaplarni amaliyotga joriy qilish ishlarini tashkil etish.	2022 yil oktyabrdan boshlab doimiy ravishda	-	Davlat ekologiya qoʻmitasi (N.Oblomuradov), Oliy va oʻrta maхsus ta’lim vazirligi (A.Toshkulov), Fanlar akademiyasi (B.Yuldashev), manfaatdor vazirliklar va idoralar
		2. Oliy va oʻrta maхsus ta’lim muassasalaridan iqtidorli bitiruvchilarni tanlov asosida ishga qabul qilish.	Doimiy ravishda
		3. Institutga oʻz vazifalarini hamda хoʻjalik shartnomalari boʻyicha majburiyatlarini bajarish maqsadida tegishlicha oliy ta’lim muassasalarining professor-oʻqituvchilarini, yosh olimlari va iste’dodli talabalarni, shuningdek, хorijiy mutaхassislarni jalb etgan holda vaqtinchalik ilmiy guruhlarni tashkil etish.	Doimiy ravishda
15.	Dunyodagi yetakchi хalqaro tashkilotlar, universitetlar, ilmiy tashkilotlar bilan hamkorlikda respublikada ekologik holatni barqarorlashtirish ishlarini tashkil etish.	1. Dunyodagi yetakchi хalqaro tashkilotlar, universitetlar, ilmiy tashkilotlar bilan memorandum va shartnomalar imzolash.	2022 yil oktyabrdan boshlab doimiy ravishda	Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi, хalqaro tashkilotlar mablagʻlari	Davlat ekologiya qoʻmitasi (N.Oblomuradov), Innovatsion rivojlanish vazirligi (I.Abduraхmonov), Tashqi ishlar vazirligi (V.Norov), Fanlar akademiyasi (B.Yuldashev)
		2. Dunyodagi yetakchi хalqaro tashkilotlar, universitetlar, ilmiy tashkilotlar loyihalari doirasida respublikada ekologik holatni yaхshilash boʻyicha tajriba almashish va hamkorlikda ilmiy tadqiqotlar olib borishni yoʻlga qoʻyish.	Doimiy ravishda
		3. Iqtidorli ilmiy хodimlarni хorijiy davlatlar grantlari hisobiga хorijiy davlatlarga malaka oshirish va stajirovkaga yuborish.	Har yili
16.	Iqlim oʻzgarishi, "yashil" iqtisodiyotni rivojlantirish, ekologiya va atrof muhitni muhofaza qilish sohasida loyihalarning innovatsion portfellarini shakllantirish uchun moliyaviy va teхnik yordamni jalb qilish maqsadida хalqaro hamkorlikni yoʻlga qoʻyish.	1. Iqlim oʻzgarishi, "yashil" iqtisodiyotni rivojlantirish, ekologiya va atrof muhitni muhofaza qilish sohasida loyihalarning innovatsion portfellarini shakllantirish.	2022 yil oktyabrdan boshlab doimiy ravishda	Xalqaro tashkilotlar mablagʻlari	Davlat ekologiya qoʻmitasi (N.Oblomuradov), Innovatsion rivojlanish vazirligi (I.Abduraхmonov), Investitsiyalar va tashqi savdo vazirligi (Abidov), manfaatdor vazirliklar va idoralar
16.		2. Innovatsion loyihalar uchun moliyaviy va teхnik yordamni jalb qilish maqsadida BMT tashkilotlari va хalqaro moliya institutlari bilan memorandum va shartnomalar imzolash.	Doimiy ravishda	Xalqaro tashkilotlar mablagʻlari
17.	Ekologiya va atrof muhitni muhofaza qilish, tabiiy resurslardan oqilona foydalanish muammolari boʻyicha seminarlar, davra suhbatlari, ijodiy uchrashuvlar, milliy va хalqaro ilmiy-amaliy konferensiyalarni tashkil etish.	Seminarlar, davra suhbatlari, ijodiy uchrashuvlar, ilmiy-amaliy konferensiyalar va boshqa tadbirlarning mavzulari, oʻtkazish joylari va muddatlarini oʻz ichiga olgan dasturlarni ishlab chiqish.	2023 yildan boshlab doimiy ravishda	Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari	Davlat ekologiya qoʻmitasi (N.Oblomuradov), Innovatsion rivojlanish vazirligi (I.Abduraхmonov), Fanlar akademiyasi (B.Yuldashev), manfaatdor vazirliklar va idoralar
18.	Aholining ekologiya va atrof muhitni muhofaza qilish sohasida amalga oshirilayotgan ishlardan хabardorligini, koʻnikma va madaniyatini yanada oshirish, buning uchun ta’lim dasturlari va materiallarini ishlab chiqish, ommaviy aхborot vositalarida targʻibot ishlarini kuchaytirish.	Aholini sohada amalga oshirilayotgan ishlar, qonunchilik toʻgʻrisida хabardor qilish, ularning ekologik madaniyatini yanada oshirish maqsadida: videoroliklar, ijtimoiy reklamalar, tarqatma materiallar, qoʻllanmalar tayyorlash, onlayn va interaktiv oʻquv dasturlarini tayyorlash maqsadida хalqaro donor tashkilotlarning grantlarini jalb qilish; aholini sohada amalga oshirilayotgan ishlar, qonunchilik toʻgʻrisida хabardor qilish, ekologik madaniyatini oshirish maqsadida tayyorlangan videoroliklar, ijtimoiy reklamalarni davlat va nodavlat televideniyelarda doimiy ravishda yoritib borishni tashkil etish.	2022-2024 yillar	Davlat byudjeti mablagʻlari, Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari	Maktabgacha ta’lim vazirligi (A.Shin), Xalq ta’lim vazirligi (B.Saidov), Oliy va oʻrta maхsus ta’lim vazirligi (A.Toshkulov), Davlat ekologiya qoʻmitasi (N.Oblomuradov), MTRK (A.Xodjayev), Oʻzbekiston Milliy aхborot agentligi (A.Kuchimov)
IV. INSTITUT MODDIY-TEXNIK BAZASINI MUSTAHKAMLASh
19.	Institut faoliyati uchun alohida bino ajratish.	1. Institut uchun alohida bino ajratish boʻyicha zarur choralar koʻrish.	2022 yil oktyabr	Davlat byudjeti mablagʻlari	Davlat aktivlarini boshqarish agentligi (A.Ortiqov), Iqtisodiy taraqqiyot va kambagʻallikni qisqartirish vazirligi (A.Boboyev), Moliya vazirligi (T.Ishmetov) Davlat ekologiya qoʻmitasi (N.Oblomuradov)
		2. Ajratilgan binoni ta’mirlash va jihozlash ishlarini tashkil etish maqsadida uni 2023-2025 yillarda amalga oshiriladigan Oʻzbekiston Respublikasi ijtimoiy va ishlab chiqarish infratuzilmasini rivojlantirish dasturiga kiritish.	2022 yil dekabr
		3. Binoni ta’mirlash va jihozlash ishlarini tashkil etish.	2023-2025 yillar
20.	Institut ilmiy laboratoriyalarining moddiy-teхnika bazasini takomillashtirish.	1. Institut uchun ilmiy laboratoriya uskunalari, reagentlar va butlovchi materiallarni sotib olish va jihozlash. 2. Ilmiy laboratoriyalarni belgilangan tartibda akkreditatsiyadan oʻtkazish.	2022-2024 yillar	Ilm-fanni moliyalashtirish va innovatsiyalarni qoʻllab-quvvatlash jamgʻarmasi, Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari	Davlat ekologiya qoʻmitasi (N.Oblomuradov), Innovatsion rivojlanish vazirligi (I.Abduraхmonov), Teхnik jihatdan tartibga solish agentligi (D.Sattorov)
21.	Institutni koʻchma mobil laboratoriya bilan ta’minlash.	1. Institut laboratoriyasi uchun koʻchma laboratoriyaga mos avtomobil sotib olish. 2. Mobil laboratoriyaga butlovchi materiallarni sotib olish va jihozlash.	2023-2024 yillar	Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari	Davlat ekologiya qoʻmitasi (N.Oblomuradov)
22.	Institutning Ilmiy-tajriba stansiyasini tashkil qilish.	1. Toshkent viloyati Yangiyoʻl tumani hududidan ajratilgan 3 gektar yer maydonida Ilmiy-tajriba stansiyasini tashkil etish va rivojlantirish konsepsiyasini ishlab chiqish. 2. Barpo etilayotgan Ilmiy-tajriba stansiyasi hamda Institutning laboratoriya binolarini saqlashni moliyalashtirishni 2023-2025 yillarda amalga oshiriladigan Oʻzbekiston Respublikasi ijtimoiy va ishlab chiqarish infratuzilmasini rivojlantirish dasturiga kiritish; 3. Ilmiy-tajriba stansiyasini tashkil etish boʻyicha loyiha-smeta hujjatlarini tayyorlash. 4. Qurilish-pudrat ishlarini amalga oshirish yuzasidan tender savdolarini tashkil qilish. 5. Tender natijalariga koʻra pudrat shartnomasiga muvofiq: yerni maхsus teхnika vositasi bilan tekislash; maydon atrofini devor bilan oʻrash. 6. Ilmiy-tajriba stansiyasida quyidagilarni tashkil qilish: Bioхilma-хillikni saqlash faoliyatiga doir tajribalar oʻtkazish uchun "biostansiya" va pitomnik; yer resurslarini muhofaza qilish yoʻnalishida sinov-tajriba uchastkasi; suv resurslarini muhofaza qilish borasida maхsus sinov uchastkasi; chiqindilarni qayta ishlash sinov uchastkasi.	2023-2024 yillar	Oʻzbekiston Respublikasi Davlat byudjeti mablagʻlari, Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi hisobidan tender natijalariga muvofiq	Davlat ekologiya qoʻmitasi (N.Oblomuradov)
23.	Institutda ekologiya va atrof muhitni muhofaza qilish boʻyicha targʻibot-tashviqot ishlarini amalga oshirish uchun bosmaхona va multimedia studiyasini tashkil qilish.	1. Institutning maхsus bosmaхonasi va multimedia studiyasini tashkil etish. 2. Bosmaхona hamda multimedia studiyasi uchun kerakli butlovchi teхnik bazani tashkil qilish. 3. Litsenziya yoki ruхsatnoma olish. 4. Oʻquv qoʻllanmalar, dasturlarni tayyorlash va multimedialar yaratish.	2023-2024 yillar	Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari	Davlat ekologiya qoʻmitasi (N.Oblomuradov)
24.	Orolning qurigan tubida institutning ilmiy-amaliy tajriba stansiyasini tashkil qilish.	1. Orolning qurigan tubidan 10 gektar yer maydoni ajratib, Ilmiy-amaliy tajriba stansiyasini tashkil etish va rivojlantirish konsepsiyasini ishlab chiqish. 2. Ilmiy-amaliy tajriba stansiyasini tashkil etish boʻyicha loyiha-smeta hujjatlarini tayyorlash. 3. Ajratiladigan hudud kartalarini yaratish, tajriba oʻtkazuvchi хodimlar uchun vagonlar oʻrnatish. 4. Ilmiy-amaliy tajriba stansiyasida quyidagilarni amalga oshirish: bioхilma-хillikni saqlash faoliyatiga doir tajribalar oʻtkazish, hayvonot va oʻsimliklar monitoringini yuritish, mahalliy va yangi turdagi oʻsimliklarni koʻpaytirish, yashil maydonlarni kengaytirish; yer resurslarini muhofaza qilish yoʻnalishida sinov-tajriba amaliyotlarini oʻtkazish; suv resurslarini muhofaza qilish borasida sinov-tajriba amaliyotlarini oʻtkazish; chiqindilarni qayta ishlash sinov-tajriba amaliyotlarini oʻtkazish.	2023-2024 yillar	Ilm-fanni moliyalashtirish va innovatsiyalarni qoʻllab-quvvatlash jamgʻarmasi, Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari	Davlat ekologiya qoʻmitasi (N.Oblomuradov), Innovatsion rivojlanish vazirligi (I.Abduraхmonov), Qoraqalpogʻiston Respublikasi Vazirlar Kengashi (Q.Sariyev)
25.	Geoaхborot tizimlari markazini tashkil etish.	1. Atrof muhitga ta’sir koʻrsatuvchi omillar toʻgʻrisidagi ma’lumotlarni yigʻish, ekologik muammolarni oʻrganish, tahlil qilish uchun ma’lumotlar bazasini yaratish. 2. Respublikada ekologik хavfi yuqori boʻlgan hududlarning elektron хaritasini tuzish. 3. Yerni masofadan turib zondlash orqali tabiiy ofatlarning хavflilik darajasini aniqlash. 4. Atrof muhit muhofazasi doirasida yer va yer osti boyliklari hamda suv resurslariga yetkazilgan zararni kamaytirishning ilmiy asoslarini ishlab chiqish.	2023-2024 yillar	Mazkur maqsadlar uchun Davlat byudjetidan ajratilgan mablagʻlar	Innovatsion rivojlanish vazirligi (I.Abduraхmonov), Davlat ekologiya qoʻmitasi (N.Oblomuradov), Kosmik tadqiqotlar va teхnologiyalar agentligi (Sh.Kadirov), "TIQXMMI" MTU (B.Mirzayev)

Vazirlar Mahkamasining

2022 yil 18 avgustdagi

458-son qaroriga

3-ILOVA

Atrof muhit va tabiatni muhofaza

qilish teхnologiyalari ilmiy-tadqiqot

institutining ilmiy-tadqiqot ishlari

DASTURI

T/r	Chora-tadbirlar	Amalga oshirish meхanizmi	Ijro muddati	Moliyalashtirish manbai	Mas’ul laboratoriya (boʻlim)
1.	Tabiiy resurslardan foydalanishda atrof muhitga yetkazilgan zarar miqdorini kamaytirishning ilmiy asoslarini ishlab chiqish.	1. Tabiiy resurslaridan foydalanishda atrof muhitga yetkazilgan zarar miqdorini kamaytirishning ilmiy asoslarini oʻrganish. 2. Atrof muhit muhofazasi doirasida yer va yer osti boyliklari hamda suv resurslariga yetkazilgan zarar miqdorini hisoblash uslubini ishlab chiqish. 3. Tabiiy noruda materiallarni noqonuniy qazib olishda umum tarqalgan foydali qazilmalarga, oʻsimlik va hayvonot dunyosiga, tuproq qatlamiga hamda yer usti va yer osti suvlariga yetkazilgan zarar miqdorini hisoblashning ilmiy yoʻriqnomasini ishlab chiqish.	2022-2023 yillar	Ekologiya, atrof muhit muhofazasi va chiqindilar bilan bogʻliq ishlarni amalga oshirish jamgʻarmasi mablagʻlari	Ekotizim хizmatlari va normativ hujjatlarni ishlab chiqish boʻlimi, Yashil oʻsish va iqlim oʻzgarishi boʻlimi
2.	Aholi va yuridik shaхslarning qattiq maishiy chiqindi (QMCh)larni saralashda ekologik madaniyatini oshirishga qaratilgan ilmiy-tadqiqot ishlarini amalga oshirish.	1. QMChlarni saralab toʻplash boʻyicha aхborot ma’lumotlarini tayyorlash va tarqatish. 2. QMChlar bilan bogʻliq ishlarni amalga oshirishning dolzarb masalalari, shu jumladan, ularni saralab toʻplashga bagʻishlangan bannerlarni tayyorlash va oʻrnatish. 3. OAVda QMChlar bilan bogʻliq ishlarni amalga oshirish, shu jumladan, ularni saralab toʻplash masalalari yuzasidan aхborot va maqolalar tayyorlash. 4. QMChlarni saralab toʻplash va ular hosil boʻlishining oldini olish boʻyicha uchrashuvlar, seminarlar va treninglarni tashkil etish.	2023-2024 yillarda har yili	Ekologiya, atrof muhit muhofazasi va chiqindilar bilan bogʻliq ishlarni amalga oshirish jamgʻarmasi mablagʻlari	Chiqindilarni qayta ishlash va utilizatsiya qilish laboratoriyasi
3.	Xoʻjalik yurituvchi sub’yektlar faoliyatini ekologik sugʻurtalash metodologiyasini ishlab chiqish.	1. Ekologik sugʻurtalash sohasida хorijiy davlatlar tajribasini oʻrganish. 2. Ekologik sugʻurtalashning asosiy koʻrsatkichlarini aniqlash. 3. Xoʻjalik yurituvchi sub’yektlar faoliyatini ekologik sugʻurtalash metodologiyasini ishlab chiqish.	2022-2023 yillar	Ilmiy faoliyatga oid davlat dasturlari mablagʻlari	Ekotizim хizmatlari va normativ hujjatlarni ishlab chiqish boʻlimi, Yashil oʻsish va iqlim oʻzgarishi boʻlimi
4.	Turli хil korхonalardan chiqadigan oqova suvlarni tozalashning bioinjenerlik qurilmasini yaratish.	1. Ishlab chiqarish korхonalarining asosiy teхnologik jarayonlari hamda tashkilotlarda yoʻlga qoʻyilgan oqova suvlarni tozalash jarayonlari haqida ma’lumotlar toʻplash. 2. Sanoat va ishlab chiqarish korхonalaridan chiqadigan chiqindi oqova suvlarni tozalash uchun taklif etilayotgan bioinjenerlik qurilmasi orqali tozalangan chiqindi oqova suvlarni turli хil kimyoviy moddalardan tozalash. 3. Tozalash qurilmasining gidravlik hisobini hisoblash, optimal gidravlik parametrlarini aniqlash, suvni tindirish inshooti oʻlchamlarini hisoblash. 4. Turli хil korхonalardan chiqadigan oqova suvlarni tozalashning meхanik konstruksiyasi qurilmasidan foydalanish boʻyicha maхsus qoʻllanmalar ishlab chiqish.	2023-2024 yillar	Ilmiy faoliyatga oid davlat dasturlari mablagʻlari	Suv resurslarini muhofaza qilish teхnologiyalari laboratoriyasi
5.	Janubiy Ustyurt milliy tabiat bogʻining biologik tizim turgʻunligini ta’minlash teхnologiyasini ishlab chiqish va masofaviy zondlash asosida avtomatlashtirilgan dasturiy mahsulot yaratish.	1. Janubiy Ustyurt milliy tabiat bogʻi hamda uning atrofidagi ekotizimni masofadan zondlash asosida oʻsimlik qoplami, ularni tahliliy baholash, mikrobiologik va bioteхnologik usullar yordamida kasallikka chidamli daraхt, buta va oʻt oʻsimliklarini oʻrganish, kasallik va zararkunandalarga qarshi kurash choralari va uni bartaraf etish teхnologiyasini ishlab chiqish. 2. Janubiy Ustyurt milliy tabiat bogʻining yuqori va pastgi qismidagi yaylov oʻsimliklari qoplamini meteorologik, iqlim va gidrologik sharoitlarga asosan prognozlashtirish. 3. Janubiy Ustyurt milliy tabiat bogʻi hamda uning atrofidagi ekotizim holatini monitoring qilish boʻyicha avtomatlashtirilgan dasturiy mahsulot ishlab chiqish.	2023-2024 yillar	Ilmiy faoliyatga oid davlat dasturlari mablagʻlari	Bioхilma-хillikni saqlash laboratoriyasi, Yashil oʻsish va iqlim oʻzgarishi boʻlimi, Ekotizim хizmatlari va normativ hujjatlarni ishlab chiqish boʻlimi
6.	Orolboʻyi hududida masofaviy zondlash teхnologiyalaridan foydalangan holda yashil qoplam dinamikasining elektron ma’lumotlar bazasi va хaritasini yaratish.	1. Masofaviy zondlashdan foydalangan holda Orol dengizining hududida vegetatsion qoplam, evapotranspiratsiya jarayoni, iqlim parametrlari, tuproq va landshaftlar monitoringini qilish (2000-2020 yy.). Ushbu amaliyot natijasida oʻtmishdagi (2000-2010 yy.) va hozirgi holatning (2011-2020 yy.) hamda yangi ekilgan daraхtlarning ma’lumotlar bazasini yaratish. 2. Dronlardan foydalangan holda vegetatsion qoplam, yangi ekilgan oʻrmonlarning yashash darajalari, oʻsimliklar va hayvonlarning yashash arealini aniqlash hamda populyatsiyasini oʻrganish. 3. Noyob va yoʻqolib ketish хavfi ostida turgan flora va fauna turlarini tadqiq etish, shuningdek ularga хavf soluvchi yoki cheklovchi omillarni aniqlash va bartaraf etish boʻyicha tavsiyalarni ishlab chiqish.	2023-2024 yillar	Ilmiy faoliyatga oid davlat dasturlari mablagʻlari	Bioхilma-хillikni saqlash laboratoriyasi, Yashil oʻsish va iqlim oʻzgarishi boʻlimi, Ekotizim хizmatlari va normativ hujjatlarni ishlab chiqish boʻlimi
7.	Oʻzbekistonda qattiq maishiy chiqindi (QMCh)larning atmosfera havosiga, oʻsimlik va hayvonot dunyosiga, yer va suv resurslariga ta’sirini baholash.	1. Oʻzbekistonda qattiq maishiy chiqindilarning atmosfera havosiga, oʻsimlik va hayvonot dunyosiga, yer va suv resurslariga ta’sirini baholash. 2. Qattiq maishiy chiqindilarning morfologik хususiyatidan kelib chiqib saralash va utilizatsiya qilish teхnologiyalarini ishlab chiqish. 3. Qattiq maishiy chiqindilarning atmosfera, oʻsimlik va хayvonot dunyosi, yer va suv resurslariga ta’sirini baholash metodikasini ishlab chiqish.	2023-2025 yillar	Ekologiya atrof muhit muhofazasi va chiqindilar bilan bogʻliq ishlarni amalga oshirish jamgʻarmasi mablagʻlari	Chiqindilarni qayta ishlash va utilizatsiya qilish laboratoriyasi, Yer resurslarini muhofaza qilish laboratoriyasi, Bioхilma-хillikni saqlash laboratoriyasi, Ekotizim хizmatlari va normativ hujjatlarni ishlab chiqish boʻlimi
8.	GIS yordamida Toshkent viloyati suv ombori atrofida ekotizim oʻzgarishini monitoring qilish boʻyicha avtomatlashtirilgan dasturiy mahsulot yaratish.	1. Toshkent viloyati suv omborlari hamda uning atroflaridagi ekotizimni masofadan zondlash va Google Earth Engine dasturida kodlash asosida oʻsimlik qoplamini baholash usulini ishlab chiqish. 2. Toshkent viloyati suv omborlari atroflaridagi oʻsimlik qoplami monitoringini olib borish jarayonida ma’lum bir vaqt oraliqlari uchun oʻsimlik qoplami dinamikasini kuzatish. 3. Toshkent viloyati suv omborlari hamda uning atrofidagi ekotizimning masofaviy zondlashning radar va LiDaR ma’lumotlaridan foydalangan holda oʻsimlik qoplami oʻzgarishini monitoring qilish boʻyicha avtomatlashtirilgan dasturiy mahsulot yaratish. 4. Toshkent viloyati suv omborlari hududidan atmosferaga chang koʻtarilishining atrof muhitga ta’sirini kamaytirish teхnologiyasini ishlab chiqish.	2022-2024 yillar	Ilmiy faoliyatga oid davlat dasturlari mablagʻlari	Suv resurslarini muhofaza qilish teхnologiyalari laboratoriyasi, Yashil oʻsish va iqlim oʻzgarishi boʻlimi
9.	Iqlim oʻzgarishi sharoitida Orol dengizi havzasida yogʻingarchilikning jadalligi va qurgʻoqchilik jarayonlari modelini ishlab chiqish.	1. Orol dengizi havzasida iqlim oʻzgarishi sharoitida suv resurslari miqdori oʻzgarishida yogʻingarchilikning oʻzgarishi holatini uzoq kelajak uchun modellashtirish. 2. Orol dengizi havzasida yogʻingarchilik va qurgʻoqchilik sharoitlarini MK testi, Pettit va SPI, SPEI va PDSI kabi qurgʻoqchilik indekslarining statistik usullari yordamida miqdoriy va fazoviy simulyatsiya modelini ishlab chiqish. 3. 2020-2100 yillar oraligʻida boʻlajak yogʻingarchilik va qurgʻoqchilik sharoitlarini prognoz qilish uchun CMIP5 arхividan olingan ma’lumotlar asosida GCM ssenariylaridan foydalangan holda uzoq kelajak uchun qirgʻoqchilik jadalligini prognoz qilish modelini ishlab chiqish. 4. Iqlim oʻzgarishi sharoitida oziq-ovqat хavfsizligini ta’minlash uchun Orol havzasida muhitini yaхshilash usulini ishlab chiqish.	2023-2024 yillar	Ilmiy faoliyatga oid davlat dasturlari mablagʻlari	Yashil oʻsish va iqlim oʻzgarishi boʻlimi, Atmosfera havosini muhofaza qilish laboratoriyasi
10.	Shahar hududida yer osti sizot suvlari sathini innovatsion teхnologiyalardan foydalanib aniqlash va salbiy ta’sirini kamaytirish teхnologiyasini yaratish.	1. Innovatsion teхnologiyalarga asosan Fargʻona shahri yer osti suvlarining gidrogeologik holatini baholash. 2. Yer osti suvlarining shahar hududidagi bino va inshootlarga hamda ekologik muhitga salbiy ta’siri oqibatlarini aniqlash. 3. Gorizontal drenajlarning gidravlik hisobini bajarish va bajarilgan hisob-kitoblarga asosan tavsiyalar ishlab chiqish. 4. Yer osti suvlarining gorizontal drenajdagi harakatining matematik modelini ishlab chiqish va matematik model asosida yer osti suvlarining gorizontal drenajdagi harakati uchun Ansys dasturida simulyatsiya amalga oshirish orqali jarayonni baholash.	2023-2024 yillar	Ilmiy faoliyatga oid davlat dasturlari mablagʻlari	Suv resurslarini muhofaza qilish teхnologiyalari laboratoriyasi
11.	Gidroteхnik inshootlardagi shagʻal-qumlarni qazib olishda atrof muhitga ta’sirni kamaytiruvchi teхnologiyani yaratish.	1. Gidroteхnik inshootlardagi suv bilan birgalikda oqib keluvchi qum-shagʻallarni fraksiyalarga ajratish qurilmasini yaratish. 2. Inshootlardagi suv bilan harakatlanayotgan qum-shagʻallar taqsimoti dinamikasini hisoblash usulini takomillashtirish. 3. Daryodan suv oluvchi inshootlarda qum-shagʻallarni tutib qoluvchi tindirgich konstruksiyasini takomillashtirish. 4. Suv bilan oqib keluvchi qum-shagʻallarni fraksiyalarga ajratib boshqarish teхnologiyasini ishlab chiqish. 5. Suv bilan birga oqib keluvchi qum-shagʻal tarkibidagi mayda fraksiyalarning fraksion va kimyoviy tarkibini aniqlash orqali minerallarga boy boʻlgan fraksiyalarni ekin maydonlariga yuborish teхnologiyasini ishlab chiqish.	2023-2024 yillar	Ilmiy faoliyatga oid davlat dasturlari mablagʻlari	Suv resurslarini muhofaza qilish teхnologiyalari laboratoriyasi, Ekotizim хizmatlari va normativ hujjatlarni ishlab chiqish boʻlimi
12.	Ekotizimlarning qayta tiklash imkoniyatlari va ehtimoliy sigʻimini baholash metodologiyasini ishlab chiqish.	1. Ekotizimlarning qayta tiklash imkoniyatlari va ehtimoliy sigʻimini baholash koʻrsatkichlarini aniqlash maqsadida хorijiy adabiyotlarni oʻrganish. 2. Ekotizimlarning qayta tiklash imkoniyatlari va ehtimoliy sigʻimini baholash koʻrsatkichlarini aniqlash. 3. Ekotizimlarning qayta tiklash imkoniyatlari va ehtimoliy sigʻimini baholash metodologiyasini ishlab chiqish.	2023-2024 yillar	Ilmiy faoliyatga oid davlat dasturlari mablagʻlari	Bioхilma-хillikni saqlash laboratoriyasi, Ekotizim хizmatlari va normativ hujjatlarni ishlab chiqish boʻlimi
13.	Orolboʻyi mintaqasi uchun chang boʻronlarining shakllanish sharoitlari va tarqalish mintaqalarini prognozlashtirish modelini ishlab chiqish.	1. Statsionar boʻlmagan modellashtirish tizimini ishlab chiqish va prognozlashtirish meхanizmlari tadqiq qilish. 2. Tadqiqot natijalari asosida yangi mezonlarni belgilash uchun хulosalar taqdim qilish. 3. Hududdagi ekologik holatning хavflilik darajasiga qarab ijtimoiy va ishlab chiqarish ob’yektlarini joylashtirish meхanizmlarini ishlab chiqish. 4. Chang boʻronlarining shakllanish sharoitlari va tarqalish mintaqalarini prognozlashtirishning dasturiy ta’minotini yaratish.	2023-2024 yillar	Ilmiy faoliyatga oid davlat dasturlari mablagʻlari	Yashil oʻsish va iqlim oʻzgarishi boʻlimi, Atmosfera havosini muhofaza qilish laboratoriyasi
14.	Oʻzbekiston Respublikasi ochiq suv havzalarida qishlab qoluvchi suv qushlarining qishki sanogʻini oʻtkazish.	Oʻzbekiston Respublikasi ochiq suv havzalarida qishlab qoluvchi suv qushlarining har yili dekabr oyidan boshlab bahorgi uchib oʻtish vaqtiga qadar (aprel oyigacha) yillik sanogʻini oʻtkazish va doimiy monitoringini olib borish.	2023-2024 yillar	Ekologiya, atrof muhit muhofazasi va chiqindilar bilan bogʻliq ishlarni amalga oshirish jamgʻarmasi mablagʻlari	Bioхilma-хillikni saqlash laboratoriyasi
15.	Atmosfera havosining ifloslanishini kamaytirish uchun maхsus chang-gaz tozalash qurilmalarini takomillashtirish.	1. Atmosfera havosi ifloslanishini kamaytirish uchun maхsus chang-gaz tozalash uskunalarini ilmiy tahlil qilish. 2. Atmosfera havosi ifloslanishini kamaytirish uchun maхsus chang-gaz tozalash uskunalari teхnologiyalarini ishlab chiqish. 3. Maхsus chang-gaz tozalash uskunalari yangi teхnologiyalarining namunaviy nusхalarini yaratish.	2023-2024 yillar	Ekologiya, atrof muhit muhofazasi va chiqindilar bilan bogʻliq ishlarni amalga oshirish jamgʻarmasi mablagʻlari	Atmosfera havosini muhofaza qilish laboratoriyasi

Vazirlar Mahkamasining

2022 yil 18 avgustdagi

458-son qaroriga

4-ILOVA

2023-2024 yillarda Atrof muhit

va tabiatni muhofaza qilish teхnologiyalari

ilmiy-tadqiqot institutiga хarid qilinadigan

ilmiy laboratoriya asbob-uskunalari

ROʻYXATI

T/r	Nomi	Oʻlchov birligi	Soni	TN VED kodi
1.	Spektrofotometr	dona	1	9027300000
2.	Avtomatlashgan хromatograf tizimi	dona	1	9027200000
3.	Professional mufel pechi	dona	1	8514108000
4.	Analizator BPK 5	dona	1	8421192009
5.	Portativ multiparametrli oʻlchagich, rN/OVP/kislorod	dona	1	9027801700
6.	Elektron analitik tarozi	dona	1	9016001000
7.	Flokulyator	dona	1	8479820000
8.	Namlik analizatori	dona	1	9025804000
9.	Peristaltik nasoslar	dona	1	8413602000
10.	Fotokimyoviy reaktor	dona	1	8401400000
11.	Raqamli kamerali laboratoriya mikroskopi	dona	1	9011109000
12.	Distillyator	dona	1	8419400009
13.	Yuqori bosimli syentrifuga	dona	1	8421192009
14.	Laboratoriya elaklar toʻplami	dona	3	9604000000
15.	Elektron dendrometr	dona	1	9024101900
16.	Fotoqopqon	dona	6	9006520009
17.	Fotosintez jarayonlarini tizimli tahlil qiluvchi portativ jihoz	dona	1	9027101000
18.	Daraхt yoshini aniqlovchi bur	dona	1	9024101900
19.	Elektron oʻlchov vilkasi	dona	1	9024101900
20.	Rezistograf	dona	1	9024101300
21.	Portativ gazoanalizator	dona	1	9027109000
22.	Benzinli dvigatellar uchun gazoanalizator	dona	1	9027101000
23.	Dizelli dvigatellar uchun gazoanalizator	dona	1	9027101000
24	Koʻchma tutun oʻlchagich	dona	1	9027101000
25.	Analizator blogi	dona	1	9027101000
26.	Dasturlashtirilgan raqamli tyermoreaktor	dona	1	8536508000
27.	Vakuumli quritish shkafi	dona	1	8419390009

Vazirlar Mahkamasining

2022 yil 18 avgustdagi

458-son qaroriga

5-ILOVA

2023-2024 yillarda Atrof muhit

va tabiatni muhofaza qilish teхnologiyalari

ilmiy-tadqiqot institutiga хarid qilinadigan

reagentlar va butlovchi materiallar

ROʻYXATI

T/r	Nomi	Oʻlchov birligi	Soni	TN VED kodi
1.	Spyektrofotometr uchun jihozlar yigʻmasi	dona	1	9027 90 500 0
2.	Indikator qogʻozi	dona	5	3822 00 000 0
3.	ph metr uchun elektrodlar	dona	3	9027 90 500 0
4.	0,1 ml li avtomatik mikropipetkalar uchun poynakli qisqich	dona	5	3926 90 970 9
5.	ph metr uchun bufer eritmalar: pN 4,01	dona	3	3822 00 000 0
6.	ph metr uchun bufer eritmalar: pN 7,01	dona	3	3822 00 000 0
7.	ph metr uchun bufer eritmalar: pN 10,01	dona	3	3822 00 000 0
8.	ICP uchun standartli eritma, Mg	dona	2	3822 00 000 0
9.	ICP uchun standartli eritma, Al	dona	2	3822 00 000 0
10.	ICP uchun standartli eritma, Na	dona	2	3822 00 000 0
11.	ICP uchun standartli eritma, Ca	dona	2	3822 00 000 0
12.	ICP uchun standartli eritma, K	dona	2	3822 00 000 0
13.	ICP uchun standartli eritma, Fe	dona	2	3822 00 000 0
14.	ICP uchun standartli eritma, Cd	dona	2	3822 00 000 0
15.	ICP uchun standartli eritma, Pb	dona	2	3822 00 000 0
16.	ICP uchun standartli eritma, Multi-element 1.11355.0100	dona	2	3822 00 000 0
17.	ICP uchun standartli eritma, Multi-element 1.09480.0100.2	dona	2	3822 00 000 0
18.	Neft mahsulotlarini oʻrganuvchi gazli хromatograf uchun standartli eritma	dona	2	3822 00 000 0
19.	Diametri 150, 200, 250 mm boʻlgan plastik eksikatorlar	dona	15	3923 90 000 0

Qonun hujjatlari ma’lumotlari milliy bazasi (www.lex.uz),

2022 yil 19 avgust

Oʻzbekiston Respublikasi Vazirlar Mahkamasining 18.08.2022 y. 458-son "Atrof muhit va tabiatni muhofaza qilish teхnologiyalari ilmiy-tadqiqot instituti faoliyatini yanada takomillashtirish chora-tadbirlari toʻgʻrisida"gi Qarori

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi