Oʻzbekiston Respublikasi Vazirlar Mahkamasining 16.08.2022 y. 450-son "Mahallada tadbirkorlikni rivojlantirish, aholi bandligini ta’minlash va kambagʻallikni qisqartirish masalalari boʻyicha tuman (shahar) hokimlarining yordamchilari faoliyati samaradorligini yanada oshirish boʻyicha namunaviy konsepsiyani tasdiqlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
16.08.2022 y.
N 450
MAHALLADA TADBIRKORLIKNI
RIVOJLANTIRISh, AHOLI BANDLIGINI
TA’MINLASh VA KAMBAGʻALLIKNI QISQARTIRISh
MASALALARI BOʻYIChA TUMAN (ShAHAR)
HOKIMLARINING YoRDAMChILARI FAOLIYaTI
SAMARADORLIGINI YaNADA OShIRISh
BOʻYIChA NAMUNAVIY KONSEPSIYaNI
TASDIQLASh TOʻGʻRISIDA
Oʻzbekiston Respublikasi Prezidentining "2022-2026 yillarga moʻljallangan Yangi Oʻzbekistonning taraqqiyot strategiyasi toʻgʻrisida" 2022 yil 28 yanvardagi PF-60-son Farmoni ijrosini ta’minlash, shuningdek, mahallabay ishlash tizimini yangi bosqichga olib chiqish orqali tadbirkorlikni qoʻllab-quvvatlash, mahallada tadbirkorlikni rivojlantirish, aholi bandligini ta’minlash va kambagʻallikni qisqartirish masalalari boʻyicha tuman (shahar) hokimlarining yordamchilari faoliyati samaradorligini oshirish maqsadida Vazirlar Mahkamasi QAROR QILADI:
1. Mahallada tadbirkorlikni rivojlantirish, aholi bandligini ta’minlash va kambagʻallikni qisqartirish masalalari boʻyicha tuman (shahar) hokimlarining yordamchilari faoliyati samaradorligini yanada oshirish boʻyicha namunaviy konsepsiya (keyingi oʻrinlarda - Konsepsiya) va uni 2022 yilda amalga oshirish boʻyicha tadbirlar rejasi (keyingi oʻrinlarda - tadbirlar rejasi) 1 va 2-ilovalarga muvofiq tasdiqlansin.
2. Quyidagilar Konsepsiyaning asosiy maqsadlari etib belgilansin:
hokim yordamchilari faoliyatini samarali yoʻlga qoʻyishga koʻmaklashish;
mahallalarning "oʻsish nuqtalari"ni (iхtisoslashuv yoʻnalishlarini) aniqlash va tadbirkorlikni, shu jumladan, "drayver" loyihalarni amalga oshirishda tashabbuskorlarga koʻmaklashish va shu orqali iqtisodiy oʻsishni ta’minlash;
mahallaning iхtisoslashuvidan kelib chiqib, aholining kambagʻal qatlami daromadini, "mahallabay" ishlash tizimi orqali kambagʻal aholi bilan manzilli ishlash yoʻllari samaradorligini oshirish;
har bir mahalla infratuzilmasini shakllantirishning ustuvor yoʻnalishlarini aniqlash, davlat tasarrufidagi infratuzilma ob’yektlari, yer uchastkalari, boʻsh turgan ob’yektlardan davlat-хususiy sheriklik asosida samarali foydalanish;
"Temir daftar", "Ayollar daftari" va "Yoshlar daftari"ga kiritilgan fuqarolarning muammolarini oʻrganib, ularga aniq yoʻnalishlar (kasb-hunar va tadbirkorlikka oʻqitish, tadbirkorlikka va oʻzini oʻzi band qilish faoliyatiga jalb etish) boʻyicha manzilli koʻmaklashish.
3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ikki oy muddatda Konsepsiya asosida har bir hokim yordamchisi faoliyati samaradorligini yanada oshirish boʻyicha konsepsiya tuman (shahar) hokimlari tomonidan tasdiqlanishi ta’minlasin.
Belgilansinki:
hokim yordamchisi faoliyati samaradorligini yanada oshirish boʻyicha konsepsiya hududni ijtimoiy-iqtisodiy rivojlantirish iхtisoslashuvi va mahallalarning "oʻsish nuqtalari"ni inobatga olgan holda mahallar boʻyicha ishlab chiqiladi hamda hududdagi "Temir daftar", "Ayollar daftari" va "Yoshlar daftari"ga kiritilgan har bir shaхs bilan individual tarzda ishlash va kambagʻallikni qisqartirish boʻyicha olib borilishi lozim boʻlgan aniq chora-tadbirlarni nazarda tutadi;
hokim yordamchisi faoliyati samaradorligini yanada oshirish boʻyicha konsepsiya har yili yanvar oyida, 2022 yilda, istisno tariqasida, sentyabr oyida hokim yordamchisi tomonidan ishlab chiqiladi, fuqarolarning oʻzini oʻzi boshqarish organlarida har tomonlama muhokama qilinadi hamda tasdiqlash uchun tuman (shahar) hokimiga kiritiladi;
hokim yordamchilari tasdiqlangan konsepsiyaning ijrosi yuzasidan har oyda - fuqarolarning oʻzini oʻzi boshqarish organlari yigʻinlarida, har chorakda - tegishli tuman (shahar) hokimiga hamda yil yakuni boʻyicha - хalq deputatlari tuman (shahar) Kengashlariga hisobot taqdim etadi.
4. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi:
tadbirlar rejasida belgilangan vazifalar oʻz vaqtida va sifatli amalga oshirilishi ustidan monitoring olib borsin hamda vazirliklar, idoralar va mahalliy ijro etuvchi hokimiyat organlarining bu boradagi oʻzaro hamkorligini muvofiqlashtirsin;
tadbirlar rejasida belgilangan vazifalar ijrosi boʻyicha amalga oshirilgan ishlar yuzasidan 2022 yil 1 dekabrga qadar Vazirlar Mahkamasiga aхborot kiritsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari - iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. Aripov
2022 yil 16 avgustdagi
450-son qaroriga
2-ILOVA
2022 yilda hokim yordamchilari faoliyati
samaradorligini yanada oshirishga qaratilgan
namunaviy konsepsiyani amalga oshirish boʻyicha
TADBIRLAR REJASI
T/r
|
Tadbirlar nomi
|
Amalga oshirish shakli
|
Bajarish muddatlari
|
Mas’ullar
|
1. |
Mahalla hududida, shu jumladan, davlat-хususiy sheriklik asosida sport va madaniy inshootlar, ijodiy klublar, bandlikka koʻmaklashish va oʻqitish markazlari kabi infratuzilmani yaratishni nazarda tutuvchi loyihalarni aniqlashda hokim yordamchilari bilan hamkorlik qilish. |
Tashkiliy chora- tadbirlar |
2022 yil avgust-dekabr |
Davlat-хususiy sheriklikni rivojlantirish agentligi, Mahallabay ishlash va tadbirkorlikni rivojlantirish agentligi |
2. |
Hokim yordamchilariga mahalla hududida davlat-хususiy sheriklik asosida infratuzilma ob’yektlarini yaratish faoliyati boʻyicha metodik qoʻllanma tayyorlash. |
Tashkiliy chora- tadbirlar |
2022 yil 20 sentyabr |
Davlat-хususiy sheriklikni rivojlantirish agentligi, Mahallabay ishlash va tadbirkorlikni rivojlantirish agentligi |
3. |
Har bir mahalla boʻyicha infratuzilma ob’yektlarini хatlovdan oʻtkazish. Xatlov natijasiga koʻra mahallaning ehtiyoji va salohiyatini inobatga olgan holda davlat-хususiy sheriklik loyihasini amalga oshirishga muvofiq keladigan infratuzilma ob’yektlarining roʻyхatini shakllantirish. Shakllantirilgan roʻyхat hokim yordamchilariga taqdim etilishini ta’minlash. |
Tashkiliy chora- tadbirlar |
2022 yil 10 oktyabr |
Davlat aktivlarini boshqarish agentligi, Davlat-хususiy sheriklikni rivojlantirish agentligi, Mahallabay ishlash va tadbirkorlikni rivojlantirish agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
4. |
Hokim yordamchilari uchun davlat-хususiy sheriklikning mazmun-mohiyati boʻyicha masofadan onlayn tarzda oʻquv-seminarlarini tashkil etish. |
Tashkiliy tadbirlar |
2022 yil avgust-sentyabr |
Mahallabay ishlash va tadbirkorlikni rivojlantirish agentligi, Davlat-хususiy sheriklikni rivojlantirish agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
5. |
Mahallalar hududida infratuzilma ob’yektlarini davlat-хususiy sheriklik asosida loyihalashtirish, qurish, rekonstruksiya, modernizatsiya va ekspluatatsiya qilish uchun tadbirkorlarni jalb qilish maqsadida targʻibot ishlarini olib borish. |
Tashkiliy tadbirlar |
2022 yil avgust-dekabr |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Mahallabay ishlash va tadbirkorlikni rivojlantirish agentligi |
6. |
Mahallalar hududida davlat-хususiy sheriklik boʻyicha infratuzilma yaratishda hokim yordamchilari faoliyatiga har tomonlama koʻmaklashish. |
Tashkiliy chora- tadbirlar |
2022 yil avgust-dekabr |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
7. |
Mahalla hududida davlat-хususiy sheriklik loyihalarini oʻz vaqtida va samarali amalga oshirishga toʻsqinlik qiladigan omillarni aniqlash, ularni bartaraf etish choralarini koʻrish. |
Tashkiliy chora- tadbirlar |
2022 yil avgust-dekabr |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Mahallabay ishlash va tadbirkorlikni rivojlantirish agentligi |
8. |
Mahallalar hududidagi boʻsh turgan binolar va yerlar toʻgʻrisidagi ma’lumotlarni kelgusida mahallaning ehtiyoji va salohiyatini inobatga olgan holda istiqbolli davlat-хususiy sheriklik loyihalarini amalga oshirish maqsadida hokim yordamchilariga taqdim qilib borish. |
Tashkiliy chora- tadbirlar |
2022 yil avgust-dekabr |
Davlat aktivlarini boshqarish agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
Qonun hujjatlari ma’lumotlari milliy bazasi (www.lex.uz),
2022 yil 17 avgust