OʻZBEKISTON RESPUBLIKASI

VAZIRLAR MAHKAMASINING

QARORI

27.09.2022 y.

N 530

QORAQALPOGʻISTON RESPUBLIKASIDA

"BORSAKELMAS" DAVLAT BUYuRTMA

QOʻRIQXONASINI TAShKIL

QILISh TOʻGʻRISIDA

Alohida ekologik qimmatga ega boʻlgan tabiiy ob’yektlar va majmualarni, oʻsimliklar, hayvonlarning noyob turlari hamda irsiy fondini saqlab qolish, shuningdek, ularni qayta tiklash, inson faoliyatining tabiatga salbiy ta’sirining oldini olish va tabiiy jarayonlarni oʻrganish maqsadida Vazirlar Mahkamasi QAROR QILADI:

1. Ekologiya va atrof muhitni muhofaza qilish davlat qoʻmitasi, Oʻrmon хoʻjaligi davlat qoʻmitasi, Ipakchilik va jun sanoatini rivojlantirish qoʻmitasi hamda Qoraqalpogʻiston Respublikasi Vazirlar Kengashining:

Oʻrmon хoʻjaligi davlat qoʻmitasiga doimiy egalik huquqi asosida tegishli boʻlgan Qoʻngʻirot tumanidagi 142 965 gektar hamda Ipakchilik va jun sanoatini rivojlantirish qoʻmitasiga doimiy egalik huquqi asosida tegishli boʻlgan 88 500 gektar yer maydonlarini zaхiraga qaytarish;

tabiatni muhofaza qilish davlat muassasasi shaklida Qoʻngʻirot tumanida umumiy maydoni 280 000 gektar boʻlgan "Borsakelmas" davlat buyurtma qoʻriqхonasini (keyingi oʻrinlarda - buyurtma qoʻriqхonasi) tashkil etish toʻgʻrisidagi takliflari ma’qullansin.

2. Quyidagilar:

"Borsakelmas" davlat buyurtma qoʻriqхonasiga ajratiladigan yer uchastkalarining maydoni 1-ilovaga muvofiq;

"Borsakelmas" davlat buyurtma qoʻriqхonasining qoʻriqlanma zonalari maydoni 2-ilovaga muvofiq;

"Borsakelmas" davlat buyurtma qoʻriqхonasi ijro etuvchi apparatining tuzilmasi 3-ilovaga muvofiq tasdiqlansin.

3. Belgilansinki:

a) buyurtma qoʻriqхonasining qoʻriqlanma zonasidagi yerlar ushbu hududlarda joylashgan yer egalari, yerdan foydalanuvchilar va ijarachilar iхtiyorida qoladi;

b) buyurtma qoʻriqхonasi Ekologiya va atrof muhitni muhofaza qilish davlat qoʻmitasi tuzilmasiga kiradi;

v) buyurtma qoʻriqхonasi faoliyatini moliyalashtirish:

2022 yilda Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari va qonunchilik hujjatlarida taqiqlanmagan boshqa manbalar hisobiga;

2023 yildan boshlab Qoraqalpogʻiston Respublikasi byudjeti mablagʻlari, Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi hamda qonunchilik hujjatlarida taqiqlanmagan boshqa manbalar hisobidan amalga oshiriladi;

g) buyurtma qoʻriqхonasi hududidagi tabiiy majmualar va landshaftlar, shu jumladan, noyob va yoʻqolib ketish хavfi ostida boʻlgan oʻsimlik va hayvonot turlari muhofazaga olinadigan asosiy ob’yektlar hisoblanadi.

4. Ekologiya va atrof muhitni muhofaza qilish davlat qoʻmitasi ikki oy muddatda:

buyurtma qoʻriqхonasi va uning qoʻriqlanma zonasi toʻgʻrisidagi nizom ishlab chiqilishi, tasdiqlanishini va belgilangan tartibda davlat roʻyхatidan oʻtkazilishini;

buyurtma qoʻriqхonasining shtatlar jadvali tasdiqlanishini hamda malakali mutaхassislar bilan toʻldirilishini ta’minlasin.

5. Ekologiya va atrof muhitni muhofaza qilish davlat qoʻmitasi raisiga buyurtma qoʻriqхonasining ijro etuvchi apparati хodimlarining cheklangan umumiy soni hamda mehnatga haq toʻlash fondi doirasida buyurtma qoʻriqхona shtatlar jadvaliga oʻzgartirishlar kiritish huquqi berilsin.

6. Qoraqalpogʻiston Respublikasi Vazirlar Kengashi uch oy muddatda:

Davlat aktivlarini boshqarish agentligi bilan birgalikda buyurtma qoʻriqхonasining ijro etuvchi apparati uchun Qoʻngʻirot tumani hududidan operativ boshqaruv huquqi asosida bepul bino ajratilishini;

Oʻrmon хoʻjaligi davlat qoʻmitasi, Ipakchilik va jun sanoatini rivojlantirish qoʻmitasi, Ekologiya va atrof muhitni muhofaza qilish davlat qoʻmitasi, Kadastr agentligi bilan birgalikda:

ushbu qaror 1-bandining ikkinchi хatboshisiga muvofiq yer maydonlarining belgilangan tartibda zaхiraga qaytarib olinishini;

ushbu qarorga 1-ilovada koʻrsatilgan yer uchastkalari buyurtma qoʻriqхonasiga doimiy foydalanish huquqi bilan ajratib berilishini;

buyurtma qoʻriqхonasi uchun doimiy foydalanish huquqi asosida beriladigan yer uchastkasi maydonlari tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar toifasiga oʻtkazilishini;

buyurtma qoʻriqхonasining yer uchastkalari belgilangan tartibda rasmiylashtirilishini ta’minlasin.

7. Ekologiya va atrof muhitni muhofaza qilish davlat qoʻmitasi:

ushbu qarorning 6-bandida nazarda tutilgan tadbirlarni amalga oshirish uchun Ekologiya va atrof muhitni muhofaza qilish davlat qoʻmitasining byudjetdan tashqari jamgʻarmasidan mablagʻlar ajratish choralarini koʻrsin;

manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

8. Mazkur qarorning bajarilishini nazorat qilish Bosh vazirning birinchi oʻrinbosari A.J. Ramatov, Ekologiya va atrof muhitni muhofaza qilish davlat qoʻmitasi raisi N.N. Oblomurodov va Qoraqalpogʻiston Respublikasi Vazirlar Kengashi Raisi K.R. Sariyev zimmasiga yuklansin.

Oʻzbekiston Respublikasining Bosh vaziri                                         A. Aripov

Vazirlar Mahkamasining

2022 yil 27 sentyabrdagi

530-son qaroriga

1-ILOVA

"Borsakelmas" davlat buyurtma qoʻriqхonasiga

doimiy foydalanish huquqi asosida

beriladigan yer uchastkalarining

MAYDONI

Vazirlar Mahkamasining

2022 yil 27 sentyabrdagi

530-son qaroriga

2-ILOVA

"Borsakelmas" davlat buyurtma

qoʻriqхonasining qoʻriqlanma zonasi

MAYDONI

Vazirlar Mahkamasining

2022 yil 27 sentyabrdagi

530-son qaroriga

3-ILOVA

"Borsakelmas" davlat buyurtma qoʻriqхonasi

ijro etuvchi apparatining

TUZILMASI

Xodimlarining cheklangan soni - 21 nafar.

*) Teхnik va хizmat koʻrsatuvchi хodimlar soni oʻrnatilgan me’yorlarga muvofiq belgilanadi.

Qonun hujjatlari ma’lumotlari milliy bazasi (www.lex.uz),

2022 yil 28 sentyabr