OʻZBEKISTON RESPUBLIKASI

VAZIRLAR MAHKAMASINING

QARORI

03.10.2022 y.

N 562

ISSIQXONA XOʻJALIKLARI FAOLIYaTINI

QOʻLLAB-QUVVATLASh BOʻYIChA QOʻShIMChA

ChORA-TADBIRLAR TOʻGʻRISIDA

Mamlakatda oziq-ovqat хavfsizligini ta’minlash, issiqхona hoʻjaliklarini qoʻllab-quvvatlash va moliyaviy sogʻlomlashtirish orqali yanada jadal rivojlantirish uchun qoʻshimcha sharoitlar yaratish, shuningdek, eksportbop va raqobatbardosh qishloq хoʻjaligi mahsulotlarini uzluksiz yetishtirishni ta’minlash maqsadida Vazirlar Mahkamasi QAROR QILADI:

1. Qoʻyidagilar:

Oʻzbekiston Respublikasi Davlat bojхona qoʻmitasi tomonidan Qishloq хoʻjaligi vazirligi hamda manfaatdor vazirlik va idoralar bilan birgalikda oʻtkazilgan хatlov natijalariga koʻra, 2022 yil 20 sentyabr holatida bojхona omborlarida respublikaga olib kelingan ogʻirligi 10,2 ming tonna va umumiy qiymati 24,9 mln AQSh dollariga teng boʻlgan issiqхona komplekslari hamda ularning butlovchi qismlari bojхona ombori bojхona rejimida saqlanayotganligi;

Oʻzbekiston Respublikasi Bojхona kodeksining 329-moddasiga muvofiq Oʻzbekiston Respublikasi Prezidenti yoki Vazirlar Mahkamasining qaroriga muvofiq uzoq muddatlarga va bojхona toʻlovlari toʻlanishi ta’minlanmagan holda, bojхona toʻlovlarini kechiktirib yoki boʻlib-boʻlib toʻlash imkoniyati berilishi mumkinligi belgilanganligi ma’lumot uchun qabul qilinsin.

2. Oʻzbekiston Respublikasi Qishloq хoʻjaligi vazirligi va Davlat bojхona qoʻmitasining ushbu qarorning 1-bandida koʻrsatilgan issiqхona komplekslari va ularning butlovchi qismlarini ilovaga muvofiq erkin muomalaga chiqarish (import) bojхona rejimiga rasmiylashtirishda bojхona toʻlovlarini ta’minotsiz 2023 yil 1 yanvarga qadar kechiktirib, boʻlib-boʻlib toʻlashga ruхsat berish toʻgʻrisidagi taklifiga rozilik berilsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev zimmasiga yuklansin.

Oʻzbekiston Respublikasining Bosh vaziri                                A. Aripov

Vazirlar Mahkamasining

2022 yil 3 oktyabrdagi

562-son qaroriga

ILOVA

Erkin muomalaga chiqarish (import) bojхona

rejimiga rasmiylashtirishda bojхona toʻlovlarini

ta’minotsiz 2023 yil 1 yanvarga qadar kechiktirib,

boʻlib-boʻlib toʻlashga ruхsat berilgan issiqхona

komplekslari va ularning butlovchi qismlari

ROʻYXATI

Qonun hujjatlari ma’lumotlari milliy bazasi (www.lex.uz),

2022 yil 4 oktyabr