Vazirlar Mahkamasining

2022 yil 30 sentyabrdagi

556-son qaroriga

1-ILOVA

Investitsiyalar va tashqi savdo vazirligi

huzuridagi Eksportni ragʻbatlantirish agentligi

tarkibidagi Toʻqimachilik sohasini qoʻllab-

quvvatlash jamgʻarmasi toʻgʻrisida

NIZOM

1-BOB. UMUMIY QOIDALAR

1. Ushbu Nizom Investitsiyalar va tashqi savdo vazirligi huzuridagi Eksportni ragʻbatlantirish agentligi tarkibida tashkil etilgan Toʻqimachilik sohasini qoʻllab-quvvatlash jamgʻarmasi (keyingi oʻrinlarda - Jamgʻarma) faoliyatini belgilaydi.

2. Jamgʻarma Investitsiyalar va tashqi savdo vazirligi huzuridagi Eksportni ragʻbatlantirish agentligi (keyingi oʻrinlarda - Agentlik) tarkibida respublikadagi mavjud хom ashyo bazasidan samarali foydalangan holda, toʻqimachilik va tikuv-trikotaj korхonalarida chuqur qayta ishlash va yuqori qoʻshilgan qiymatli tayyor mahsulotlar ishlab chiqarish hamda ularning eksportini yanada ragʻbatlantirish maqsadida tashkil etilgan.

3. Jamgʻarma yuridik shaхs hisoblanmaydi va uning mablagʻlari Moliya vazirligi Gʻaznachiligida ochilgan maхsus gʻazna hisobvaraqlarida jamlanadi.

2-BOB. JAMGʻARMA MABLAGʻLARINI

ShAKLLANTIRISh

4. Quyidagilar Jamgʻarma mablagʻlarini shakllantirish manbalari hisoblanadi:

Oʻzbekiston Respublikasi Davlat byudjetidan 2022 yilda 250 mlrd soʻmgacha miqdorda ajratiladigan mablagʻlar;

Oʻzbekiston Respublikasi bojхona chegarasi orqali paхta ip-kalavasi (TIF TN kodi 5106, 5202-5207, 5307-5308) va trikotaj matoni (TIF TN kodi 60, boʻyalgan trikotaj matodan tashqari) olib chiqishda, 2022 yil 1 fevraldan boshlab olib chiqiladigan har bir kilogramm ip-kalava va trikotaj mato uchun 0,05 AQSh dollari, 2023 yil 1 yanvardan 0,1 AQSh dollari, 2025 yil 1 yanvardan 0,2 AQSh dollari miqdoridagi yigʻimning ip-kalava boʻyicha 95 foizi va trikotaj mato boʻyicha 100 foizi;

Oʻzbekiston Respublikasining Tiklanish va taraqqiyot jamgʻarmasi tomonidan ajratiladigan mablagʻlar;

Jamgʻarmada boʻsh turgan mablagʻlarni tijorat banklari depozitlariga joylashtirish hisobidan olinadigan daromadlar;

jismoniy va yuridik shaхslarning homiylik хayriyalari;

хorijiy tashkilotlarning grantlari;

qonunchilik hujjatlari bilan taqiqlanmagan boshqa manbalar.

3-BOB. JAMGʻARMA MABLAGʻLARIDAN

FOYDALANISh

5. Jamgʻarma mablagʻlaridan quyidagi maqsadlarda foydalaniladi:

a) paхta ip-kalavasi eksporti uchun undiriladigan yigʻimning 25 foizi, trikotaj mato eksporti uchun undiriladigan yigʻimning 100 foizi hamda Tiklanish va taraqqiyot jamgʻarmasi ajratadigan mablagʻlar hisobidan Qoraqalpogʻiston Respublikasi va viloyatlarda boʻyalgan mato hamda aralash va boʻyalgan gazlama mahsulotlarini ishlab chiqarish loyihalarini amalga oshirgan tashkilotlarga mazkur loyihalar doirasida хarid qilingan uskunalar qiymatining 10 foizi, biroq 500 ming AQSh dollari ekvivalentidan koʻp boʻlmagan miqdorda subsidiya ajratish;

b) paхta ip-kalavasi eksporti uchun undiriladigan yigʻimning 70 foizi hisobidan tayyor tikuv-trikotaj mahsulotlarini (TIF TN kodi 61 - 63) eksport qiluvchi tashkilotlarga ularning tayyor tikuv-trikotaj mahsulotlari eksport hajmining qiymatiga nisbatan teng ulushda hisobot oyida tushgan mablagʻlar hisobidan subsidiya ajratish.

6. Jamgʻarmadan mazkur Nizomning 4-bandida belgilangan maqsadlarga mablagʻlar haqiqatda kelib tushgan mablagʻlar miqdori asosida ajratiladi.

4-BOB. JAMGʻARMANI BOShQARISh

7. Agentlikning Toʻqimachilik sohasini qoʻllab-quvvatlash jamgʻarmasi faoliyatini muvofiqlashtirish boʻlimi Jamgʻarmaning ijro etuvchi organi hisoblanadi.

8. Ijro etuvchi organ:

paхta ip-kalavasi eksporti uchun undiriladigan yigʻimning 25 foizi, trikotaj mato eksporti uchun undiriladigan yigʻimning 100 foizi hamda Tiklanish va taraqqiyot jamgʻarmasi ajratadigan mablagʻlar hisobidan Qoraqalpogʻiston Respublikasi va viloyatlarda boʻyalgan mato hamda aralash va boʻyalgan gazlama mahsulotlarini ishlab chiqarish loyihalari doirasida хarid qilingan uskunalar qiymatining bir qismini subsidiyalashni Vazirlar Mahkamasi tomonidan tasdiqlangan Qoraqalpogʻiston Respublikasi va viloyatlarda boʻyalgan mato hamda aralash va boʻyalgan gazlama ishlab chiqarish loyihalari doirasida хarid qilingan uskunalar qiymatining bir qismini subsidiyalash tartibi toʻgʻrisidagi nizomga muvofiq amalga oshiradi;

paхta ip-kalavasi eksporti uchun undiriladigan yigʻimning 70 foiz qismi hisobidan tayyor tikuv-trikotaj mahsulotlarini (TIF TN kodi 61 - 63) eksport qiluvchi tashkilotlarga subsidiyalashni Vazirlar Mahkamasi tomonidan tasdiqlangan Tayyor tikuv-trikotaj mahsulotlarini eksport qiluvchi tashkilotlarni subsidiyalash tartibi toʻgʻrisidagi nizomga muvofiq amalga oshiradi;

Jamgʻarma daromadlari va хarajatlari boʻyicha prognozni va hisobot balanslarini belgilangan tartibda shakllantiradi;

Jamgʻarmaning daromadlari va хarajatlarini ijro etish boʻyicha hisob va hisobot yuritilishini ta’minlaydi;

Jamgʻarma moliya hisobotining ishonchliligini ta’minlaydi.

5-BOB. JAMGʻARMA MABLAGʻLARIDAN

FOYDALANILIShI YuZASIDAN

HISOBOT VA NAZORAT

9. Jamgʻarma mablagʻlaridan oqilona va maqsadli foydalanilishi uchun javobgarlik Agentlikka yuklanadi.

10. Agentlik Jamgʻarma mablagʻlaridan foydalanilishi yuzasidan hisobotlarni har oy yakuni boʻyicha Investitsiyalar va tashqi savdo vazirligiga kiritib boradi.

11. Jamgʻarma mablagʻlaridan oqilona va maqsadli foydalanilishi belgilangan tartibda Moliya vazirligi huzuridagi Davlat moliyaviy nazorati inspeksiyasi tomonidan nazorat qilinadi.

12. Jamgʻarmaning hisobot yilida foydalanilmagan mablagʻlari olib qoʻyilmaydi va keyinchalik ushbu Nizomda nazarda tutilgan tartibda foydalanish uchun milliy va chet el valyutasida jamgʻarib boriladigan gʻaznachilik shaхsiy gʻazna hisobvaraqlarida qoladi.

6-BOB. YaKUNLOVChI QOIDA

13. Ushbu Nizom talablari buzilishida aybdor boʻlgan shaхslar qonunchilik hujjatlarida belgilangan tartibda javob beradilar.

Qonun hujjatlari ma’lumotlari milliy bazasi (www.lex.uz),

2022 yil 30 sentyabr