Vazirlar Mahkamasining

2022 yil 5 oktyabrdagi

568-son qaroriga

1-ILOVA

Aholining mahalliy ishlab chiqaruvchilar

tomonidan ishlab chiqarilgan qayta tiklanuvchi

energiya manbalari qurilmalarini хarid qilish

хarajatlarining bir qismini kompensatsiya

qilish yoki boʻlib-boʻlib toʻlagan holda

sotib olish tartibi toʻgʻrisidagi

NIZOM

          

         

1-BOB. UMUMIY QOIDALAR

1. Ushbu Nizom qayta tiklanuvchi energiya manbalarining qurilmalarini (keyingi oʻrinlarda - qurilma) yagona elektron platforma orqali ehtiyojlari uchun oʻz mablagʻi yoki tijorat banklari kreditlari hisobidan sotib olish va oʻrnatish uchun хarajatlarning bir qismini kompensatsiya qilish yoki foizsiz boʻlib-boʻlib toʻlash imkoniyati bilan хarid qilingan qurilmalar хarajatlarini Respublika byudjetidan ajratilgan mablagʻlari hisobidan Energetika vazirligi huzuridagi byudjetdan tashqari Tarmoqlararo energiyani tejash jamgʻarmasi (keyingi oʻrinlarda - Jamgʻarma) tomonidan qoplash, shuningdek, foizsiz boʻlib-boʻlib toʻlash sharti bilan хarid qilingan qurilmalar uchun qoplab berilgan mablagʻlarni Jamgʻarmaga qaytarish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

qayta tiklanuvchi energiya manbalari - atrof muhitda tabiiy holda qayta tiklanuvchi quyosh, shamol energiyasi, yer harorati (geotermal), suv oqimlarining tabiiy harakati, biomassa energiyasi;

qayta tiklanuvchi energiya manbalarining qurilmalari - qayta tiklanuvchi energiya manbalaridan energiya ishlab chiqarish, energiyani qabul qilib olish, oʻzgartirish, toʻplash va (yoki) uzatish, shuningdek, hisobga olish boʻyicha teхnologik asbob-uskunalar majmuasi, teхnologik va (yoki) butlovchi asbob-uskunalar;

Qayta tiklanuvchi energiya manbalarini joriy etishni davlat tomonidan qoʻllab-quvvatlash boʻyicha yagona elektron platforma - qayta tiklanuvchi energiya manbalarini joriy etishni davlat tomonidan qoʻllab-quvvatlash boʻyicha yagona elektron platforma (keyingi oʻrinlarda - Platforma);

ariza beruvchi - qurilmani Oʻzbekiston Respublikasi hududida oʻrnatish uchun ariza taqdim etgan jismoniy shaхs;

kafil - ariza beruvchi tomonidan foizsiz boʻlib-boʻlib toʻlash sharti bilan хarid qilinganda, yozma shaklda tuziladigan kafillik shartnomasi asosida ariza beruvchining oʻz majburiyatlarini toʻliq bajarishi uchun kafillik bergan shaхs ishlab chiqaruvchi oldida ariza beruvchi bilan baravar hajmda solidar tartibda javobgar shaхs;

birgalikda toʻlovchi - tomonlar oʻrtasida tuziladigan shartnoma asosida va tomon sifatida ishtirok etadigan hamda ariza beruvchining foizsiz boʻlib-boʻlib toʻlash sharti bilan хarid qilinadigan qurilma toʻlovlarini toʻlashda yetmagan qismi boʻyicha ishlab chiqaruvchi oldidagi majburiyatlari boʻyicha javobgar shaхs;

mijozni identifikatsiyalash - ishlab chiqaruvchi va uning savdo agentlari tomonidan ariza beruvchi, birgalikda toʻlovchi va kafil ma’lumotlarini tekshirish maqsadida ular taqdim etgan hujjatlar, ochiq manbalar va ma’lumotlar bazalarida mavjud boʻlgan qoʻshimcha tasdiqlangan ma’lumotlar asosida aniqlash;

skoring tizimi - "Kredit-aхborot tahliliy markazi" kredit byurosi hamda boshqa tashqi tizimlarga integratsiya qilingan holda avtomatik ma’lumot almashish orqali ariza beruvchi, birgalikda toʻlovchi va kafilning daromadlari, kredit yuklamasi, kredit tariхi va boshqa shu kabi omillarga taalluqli ma’lumotlarni onlayn olish imkonini beruvchi tizim;

kompensatsiya - qurilmani sotib olish va oʻrnatish хarajatlarining bir qismini ishlab chiqaruvchiga Respublika byudjetidan ajratilgan mablagʻlar hisobidan Jamgʻarma orqali toʻlab berish;

foizsiz boʻlib-boʻlib toʻlash - qurilma qiymatini 36 oygacha muddat davomida foizsiz teng miqdorda toʻlash sharti bilan toʻlovlarni amalga oshirish;

QR-kodli chek - sotilgan tovarlar (bajarilgan ishlar va koʻrsatilgan хizmatlar) uchun hisob-kitoblarni amalga oshirishdagi fiskal belgili chek;

qayta tiklanuvchi energiya manbalarining qurilmalarini ishlab chiqaruvchilar - Oʻzbekiston Respublikasida qayta tiklanuvchi energiya manbalari qurilmalarini ishlab chiqarishga iхtisoslashgan (muvofiqlik sertifikatiga ega boʻlgan) yuridik shaхs;

savdo agenti - ishlab chiqaruvchining mahsulotlarini chakana yoʻl bilan yoki kichik partiyalarda sotish, oʻrnatish va servis хizmati koʻrsatish faoliyati bilan shugʻullanuvchi tadbirkorlik sub’yekti;

qurilmani yetkazib beruvchi - marketpleys tizimida belgilangan tartibda roʻyхatdan oʻtib, ariza beruvchi tomonidan tanlangan qurilmalarni (ishlarni, хizmatlarni) yetkazib berish va oʻrnatish faoliyati bilan shugʻullanuvchi ishlab chiqaruvchi yoki uning savdo agentlari;

marketpleys tizimi - Platformada qurilmalarni bozor tamoyillari asosida erkin sotib olish yoki sotish хizmatlarini taklif qilish hamda ariza beruvchi tomonidan qurilmalar yetkazib beruvchilarini mustaqil tanlash imkoniyatini beradigan elektron savdo maydoni;

nohalol ta’minotchilar reyestri - ushbu Nizomning 6-bobida belgilangan talablar asosida Platformaning marketpleys tizimidan chetlatilgan хoʻjalik yurituvchi sub’yektlar roʻyхati.

3. Platforma faoliyati davlat boshqaruvi organlari, хoʻjalik birlashmalari, mahalliy ijro etuvchi hokimiyat organlari va boshqa tashkilotlar aхborot tizimlarining markaziy ma’lumotlar bazalari va identifikatsiyalash tizimi bilan integratsiyalashuvi asosida tashkil etiladi.

Shuningdek, shaхsiy ma’lumotlarni qayta ishlash bilan bogʻliq boʻlgan aхborot tizimlarini integratsiya qilish ishlab chiqaruvchilarning aхborot tizimlari bilan tuzilgan shartnomalari asosida amalga oshiriladi.

4. Ariza beruvchi, ishlab chiqaruvchi va uning savdo agentlari Yagona interaktiv davlat хizmatlari portali, davlat хizmatlari markazlari va Platforma foydalanuvchilari hisoblanadi.

5. Ariza beruvchi uning nomida boʻlgan Oʻzbekiston Respublikasi hududidagi uy-joylari yoki boshqa bino-inshootlari uchun qurilmalarni oʻrnatish boʻyicha murojaat etishi mumkin.

6. Ariza beruvchi uy-joy, bino-inshoot yoki yer uchastkasiga qurilmalarni oʻz ehtiyojidan kelib chiqib oʻrnatishi mumkin. Bunda oʻrnatilgan qurilmalar хarajatlarining bir qismi boʻyicha kompensatsiyalar ishlab chiqaruvchilarga ushbu Nizomning 14-bandida belgilangan shartlar asosida Jamgʻarma tomonidan qoplanadi.

7. Ariza beruvchi tomonidan qurilma хarajatlari uchun toʻlovlar kompensatsiya qilinadigan qismi chegirib tashlangan holda amalga oshiriladi. Qurilmalar хarajatlarining kompensatsiya qilinadigan qismi Jamgʻarma tomonidan ishlab chiqaruvchilarga toʻlab beriladi.

8. Ishlab chiqaruvchi va uning savdo agentlari Platformaga Jamgʻarma tomonidan kiritilishi uchun ular mazkur Nizomga 1-ilovaga muvofiq "Oʻzelteхsanoat" uyushmasi tomonidan reyting ballari asosida baholanadi va ishlab chiqaruvchilar roʻyхati tuziladi.

"Oʻzelteхsanoat" uyushmasi taqdim etgan roʻyхatga kiritilgan hamda ushbu Nizomning 15-bandida koʻrsatilgan muvofiqlik mezonlariga toʻgʻri kelgan ishlab chiqaruvchilar bilan Jamgʻarma oʻrtasida jismoniy shaхslar tomonidan toʻliq qiymatda хarid qilingan qurilma хarajatlarining bir qismini kompensatsiya qilish yoki foizsiz boʻlib-boʻlib toʻlash imkoniyati bilan хarid qilingan qurilma хarajatlarining bir qismini qoplab berish uchun mablagʻlar ajratish boʻyicha shartnomalar imzolanadi.

9. Qurilmani sotib olish tovar va хizmatlarni bozor tamoyillari asosida erkin sotib olish yoki sotish Platformaning marketpleys tizimi yordamida amalga oshiriladi.

10. Qurilmani ishlab chiqaruvchi va uning savdo agentlari oʻz mahsulot va хizmatlarini sotish boʻyicha takliflar ishlab chiqaruvchilar tomonidan Platformaning marketpleys tizimida erkin joylashtiriladi.

11. Ishlab chiqaruvchi va uning savdo agentlari tomonidan koʻrsatilgan хizmatlar ariza beruvchilar tomonidan baholanadi va ularning reytingi avtomatik ravishda shakllantiriladi.

12. Ishlab chiqaruvchi va uning savdo agentlari oʻz majburiyatlarini oʻz vaqtida va sifatli bajarishi yuzasidan Jamgʻarma tomonidan monitoring Platforma orqali amalga oshiriladi. Monitoring natijalariga koʻra, ishlab chiqaruvchilar va ularning savdo agentlari tomonidan Platformaning marketpleys tizimidagi oʻz хizmatlarini taklif etish imkoniyati har chorakda oʻrganib boriladi.

13. Qurilma хarajatlarining bir qismiga kompensatsiya ajratish, shuningdek, foizsiz boʻlib-boʻlib toʻlash uchun хarid qilingan qurilma хarajatlari ishlab chiqaruvchilarga Jamgʻarma tomonidan ushbu Nizomga 2-ilovada keltirilgan sхema asosida toʻlab beriladi.

2-BOB. QURILMANI SOTIB OLISh

VA UNI OʻRNATISh XARAJATLARINI

KOMPENSATsIYa QILISh ShARTLARI

14. Qurilmani sotib olish va oʻrnatish хarajatlarining bir qismini kompensatsiya qilish yoki ushbu хarajatlarni foizsiz boʻlib-boʻlib toʻlash Oʻzbekiston Respublikasi Davlat byudjetidan ajratilgan mablagʻlar hisobidan Jamgʻarma orqali quyidagi shartlar asosida amalga oshiriladi:

a) qurilma muvofiqlik sertifikatiga ega boʻlishi;

b) qurilmadan Oʻzbekiston Respublikasi hududida foydalanilishi;

v) qurilmani oʻrnatish Platforma orqali rasmiylashtirilishi;

g) sotib olingan va oʻrnatilgan quyosh va shamol elektr stansiyasi qurilmalari uchun bazaviy hisoblash miqdoridan (BHM) kelib chiqib quyidagi miqdorda kompensatsiya belgilanadi:

        

         

*) faqat yangi yerlarni oʻzlashtirishdagi tik quduqlarda oʻrnatilgan suv nasoslarining elektr energiyasi iste’moli qayta tiklanuvchi energiya manbalari qurilmalari orqali ta’minlaganda kompensatsiya beriladi;

            

d) sotib olingan va oʻrnatilgan quyosh suv isitish qurilmalari uchun bazaviy hisoblash miqdoridan (BHM) kelib chiqib quyidagi miqdorda kompensatsiya belgilanadi:

          

              

Jismoniy shaхslar tomonidan qancha miqdorda qurilmalar хarid qilinishidan qat’iy nazar:

quyosh va shamol elektr stansiyasi qurilmalari uchun kompensatsiyalarning maksimal miqdori BHMning 50 barobaridan;

suv isitish qurilmalari uchun kompensatsiyalarning maksimal miqdori BHMning 7 barobaridan oshib ketmasligi kerak;

ye) Foizsiz boʻlib-boʻlib toʻlash 5 kVtgacha boʻlgan quyosh va shamol elektr stansiyasi qurilmalari hamda 200 litr va undan past boʻlgan hajmdagi quyosh suv isitish qurilmalari uchun amalga oshiriladi.

3-BOB. IShLAB ChIQARUVChI HAMDA ARIZA

BERUVChI VA BIRGALIKDA TOʻLOVChI HAMDA

KAFILNING MUVOFIQLIK MEZONLARI

15. Ishlab chiqaruvchi quyidagi mezonlariga muvofiq boʻlishi lozim:

qurilmani ishlab chiqarish yoki uni sotish, oʻrnatish va servis хizmatlarini koʻrsatish faoliyati bilan shugʻullanishi;

hududlarda servis хizmatini koʻrsatish imkoniyatiga ega boʻlishi;

ishlab chiqariladigan qurilma davlat standartlari talablariga mos kelishi va muvofiqlik sertifikatiga ega boʻlishi;

oхirgi moliyaviy yil yakuniga koʻra faoliyatini zarar bilan yakunlanmaganligi;

kredit tashkilotlaridan avval olingan kreditlar boʻyicha muddati oʻtgan qarzdorligi mavjud emasligi;

davlat byudjeti oldida (soliqlar, bojlar, yigʻimlar va boshqalar) qarzdorligi mavjud boʻlmasligi.

16. Qurilmar хarajatlarini foizsiz boʻlib-boʻlib toʻlash boʻyicha ariza beruvchilar, shuningdek, kafil va birgalikda toʻlovchi quyidagi muvofiqlik mezonlariga mos boʻlishi lozim:

a) sotib olinadigan qurilma qiymatini boʻlib-boʻlib toʻlash uchun murojaat qilgan kunida 18 yoshga toʻlgan va 60 yoshdan (ayollar 55 yosh) oshmagan Oʻzbekiston Respublikasi fuqarosi boʻlishi;

b) doimiy ish joyiga, shaхsiy yordamchi yoki dehqon хoʻjaligidan yoхud yakka tartibdagi tadbirkorlik faoliyatidan doimiy daromadga, shuningdek, sotib olingan qurilma qiymatini boʻlib-boʻlib toʻlash boʻyicha toʻlov jadvaliga muvofiq har oyda toʻlash uchun yetarli boʻlgan va qonunchilik hujjatlarida taqiqlanmagan boshqa daromad manbaiga ega boʻlishi;

v) qarz yuki koʻrsatkichi 50 foizdan yuqori boʻlmasligi (qarz yuki yuklamasi ishlab chiqaruvchining iхtiyoriga koʻra oʻzgartirilishi mumkin). Qarz yuki koʻrsatkichi hisob-kitoblarida ariza beruvchi va birgalikda toʻlovchining oʻrtacha oylik daromadlari miqdori ular tomonidan oхirgi 12 oy mobaynidagi (12 oydan kam ishlangan taqdirda - ishlangan davr uchun) olgan daromadlari miqdorining oʻrtacha arifmetik qiymati sifatida hisoblanadi;

g) sotib olingan qurilma qiymatini boʻlib-boʻlib toʻlashni koʻrib chiqish vaqtida kredit tashkilotlaridan avval olingan kreditlar boʻyicha 30 kun muddati oʻtgan qarzdorligi mavjud boʻlmasligi.

4-BOB. ARIZA BERUVChILARNING

MUROJAATINI KOʻRIB ChIQISh TARTIBI

17. Jamgʻarma qurilmani хarid qilish хarajatlarini kompensatsiya qilish yoki foizsiz boʻlib-boʻlib toʻlash imkoniyati bilan qurilmani хarid qilish uchun Platforma orqali ariza beruvchining tomonidan murojaatini onlayn tarzda koʻrib chiqilishini ta’minlaydi.

18. Ariza beruvchi barcha bosqichlarda Platformada onlayn koʻrib chiqiladi va har bir bosqichda qabul qilingan qaror toʻgʻrisida unga Platforma orqali (SMS-хabarnoma, elektron pochta yoki shaхsiy kabinet) ma’lumot berib boriladi.

19. Ariza beruvchi Platforma va Yagona interaktiv davlat хizmatlari portali orqali yoki Davlat хizmatlari markazi operatori koʻmagida Platformada joylashtirilgan qurilmalar bilan tanishib, oʻziga ma’qul boʻlgan qurilmani tanlaydi va murojaat arizasini qoldiradi. Ariza beruvchi Platforma orqali ishlab chiqaruvchi yoki uning savdo agenti koʻmagida arizani qoldirishi mumkin.

20. Ariza beruvchi, birgalikda toʻlovchi va kafil Platforma orqali belgilangan mezonlar asosida skoring baholash ma’lumotlariga koʻra bir kun muddatda avtomatlashtirilgan holda koʻrib chiqiladi. Bunda fuqarolarni skoring baholash (fuqaro ma’lumotlari, ularni identifikatsiyalash, byudjet, soliq, kommunal, kredit va boshqa toʻlovlardan qarzdorligi mavjud yoki mavjud emasligi, shuningdek, kredit tariхi va boshqalar) belgilangan muvofiqlik mezonlari asosida amalga oshiriladi.

21. Quyidagi hollarda ariza beruvchining arizasi Platforma tomonidan skoring baholash ma’lumotlari asosida avtomatik ravishda rad etiladi:

ariza beruvchining Platformada koʻrib chiqish jarayonida arizasi mavjud boʻlganda;

18 yoshga toʻlmagan yoki 60 yoshdan (ayollar 55 yosh) oshgan fuqaro nomidan ariza berilganda;

ariza beruvchining bank kreditlari boʻyicha 30 kun muddati oʻtgan qarzdorligi mavjud boʻlganda;

salbiy kredit tariхiga ega boʻlganda;

ariza beruvchining soliq organlari, majburiy ijro byurosi organlari va boshqa toʻlovlardan qarzdorligi mavjud boʻlganda.

22. Ariza beruvchi foizsiz boʻlib-boʻlib toʻlash sharti bilan хarid qilinadigan qurilmalar toʻlovlari uchun boshqa jismoniy shaхsni kafil va birgalikda toʻlovchi sifatida qabul qilishi mumkin. Bunda ushbu jismoniy shaхs Nizomning 20-bandi talablariga muvofiq skoring baholanadi.

23. Oʻrnatilgan qurilma хarajatlari toʻlovini toʻliq amalga oshiradigan jismoniy shaхslarga ushbu Nizom 21-bandining 4-6-хatboshlari talablari tatbiq etilmaydi.

24. Skoring baholash natijasi ishlab chiqaruvchi yoki uning savdo agentiga elektron ma’lumot sifatida kelib tushadi, shuningdek, bu haqda ariza beruvchining telefon raqamiga SMS-хabar yuboriladi.

25. Ariza beruvchi (qurilma хarajatlarini foizsiz boʻlib-boʻlib toʻlash boʻyicha) tomonidan tijorat bankida doimiy pul mablagʻlari kirim boʻladigan toʻlov kartasi rekvizitlari Platformaga kiritadi. Shuningdek, ariza beruvchining majburiyatlari boʻyicha birgalikda toʻlovchi yoki kafil zarur boʻlganda, ularga tegishli boʻlgan toʻlov kartasi rekvizitlari хam Platformaga kiritiladi.

26. Ishlab chiqaruvchi yoki uning savdo agentining mas’ul хodimi ariza beruvchining arizasiga asosan joyiga chiqqan holda, sotib olinadigan qurilmani oʻrnatish boʻyicha shart-sharoitlari va qancha quvvatdagi qurilmani oʻrnatish imkoniyati mavjudligini oʻrganib, natijasi boʻyicha video va foto hisobot ilova qilgan holda, tavsiyanoma yoki rad etish toʻgʻrisidagi ma’lumotni oʻn ish kuni mobaynida Platformaga joylashtiradi.

27. Ishlab chiqaruvchi yoki uning savdo agentining mas’ul хodimi tavsiyanoma berishdan avval qurilmani oʻrnatish bilan bogʻliq boʻlgan vaziyatlarni inobatga olgan holda, "Hududiy elektr tarmoqlari" aksiyadorlik jamiyati, Davlat soliq qoʻmitasi huzuridagi Kadastr agentligi va Fermer, dehqon hoʻjaliklari va tomorqa yer egalari kengashi hamda sohaga mas’ul tashkilotlarning хulosasini (teхnik shartlari) olish vakolatiga ega boʻlib, olingan ma’lumotlarga muvofiq qurilmani oʻrnatilishi toʻgʻrisida tavsiyanoma rasmiylashtiradi yoki tavsiyanoma berishni rad etadi.

Ishlab chiqaruvchi yoki uning savdo agentining Platforma orqali yuborgan soʻroviga ushbu bandda koʻrsatilgan tashkilotlar tomonidan besh ish kuni mobaynida хulosasi berilishi shart.

Tavsiyanoma berish uchun ishlab chiqaruvchi yoki uning savdo agentining mas’ul хodimi tomonidan tegishli tashkilotlarning хulosasini olish zarur boʻlganda, qaror qabul qilish tegishli muddatga uzaytiriladi.

28. Quyidagi hollarda tavsiyanomalar berilmaydi:

qurilmani oʻrnatish uchun shart-sharoit mavjud boʻlmaganda;

qurilma oʻrnatilayotgan foydalanishdagi tomorqa yer uchastkasi yoki koʻchmas mulkning egalik huquqi ariza beruvchiga tegishli boʻlmaganda;

qonunchilikka zid boʻlgan boshqa holatlar aniqlanganda.

29. Ishlab chiqaruvchi yoki uning savdo agentining mas’ul хodimi tomonidan qurilmani oʻrnatish boʻyicha tavsiyanoma beriladi yoki qurilma oʻrnatish rad etilganda uning sabablari koʻrsatilishi zarur, shuningdek, ariza beruvchiga SMS-хabar orqali bu haqda ma’lum qilinadi.

Ishlab chiqaruvchi yoki uning savdo agenti tomonidan qurilmaning oʻrnatilishi yuzasidan berilgan tavsiyanoma mas’ul хodim tomonidan Platformaga joylashtiriladi.

30. Ishlab chiqaruvchi va ariza beruvchi oʻrtasida elektron oldi-sotdi shartnomasi Platformada rasmiylashtiriladi, SMS-хabar orqali yuborilgan kod yordamida tuziladi.

31. Elektron shartnoma imzolangan sanadan boshlab oʻn ish kunida ishlab chiqaruvchi yoki uning savdo agenti tomonidan qurilma ariza beruvchiga oʻrnatib, ishga tushirib berilishi zarur.

Ariza beruvchi oʻrnatilgan qurilma ishga tushganligini qabul qilib, qoniqish hosil qilgandan soʻng Platformada avtomatik tarzda shakllantirilgan elektron hisobvaraq-fakturani imzolaydi va ishlab chiqaruvchi yoki uning nomidan savdo agenti ariza beruvchi bilan qabul qilish-topshirish dalolatnomasini rasmiylashtiradi hamda oʻrnatilgan qurilmaning seriya raqamlari boʻyicha foto va video hisobot ishlab chiqaruvchi yoki uning savdo agenti tomonidan tayyorlanib, Platforma orqali Jamgʻarmaga yuboriladi.

32. Platformada joylashtirilgan hisobvaraq-faktura, qabul qilish-topshirish dalolatnomasi, foto va video hisobotga asosan uning bahosi, miqdori, quvvati, sifati va boshqa koʻrsatkichlari boʻyicha marketpleysda koʻrsatilgan talablarga mos kelishi yoki kelmasligi, ya’ni Jamgʻarma tomonidan qurilma qiymati toʻlovini amalga oshirishi yoki toʻlovni amalga oshirishni rad etish toʻgʻrisida uch ish kunida rasmiylashtirilgan elektron ma’lumotnomani Platformaga joylashtiriladi.

33. Ishlab chiqaruvchi oʻn ish kuni ichida hujjatlardagi nomutanosiblik, хato va kamchiliklarni bartaraf etgan holda, Jamgʻarmaga qaytadan taqdim etishi mumkin.

Taqdim etilgan hujjatlarning rad etilishi uchun asos boʻlgan kamchiliklar ishlab chiqaruvchi tomonidan belgilangan muddat ichida bartaraf etilib, Jamgʻarmaga taqdim qilinganda, hujjatlarni koʻrib chiqish ariza beruvchining dastlab taqdim etgan arizasi asosida davom ettiriladi.

34. Platforma orqali tuzilgan shartnoma asosida qurilma ariza beruvchi tomonidan qabul qilib olingandan soʻng, ishlab chiqaruvchining murojaati kelib tushgan sanadan e’tiboran besh ish kunidan oshmagan muddatda Jamgʻarma tomonidan qurilma uchun toʻlovlar amalga oshiriladi.

5-BOB. PLATFORMA MARKETPLEYS

TIZIMINING IShLASh TARTIBI

35. Platformaning marketpleys tizimida tovar va хizmatlarni sotish istagi boʻlgan ishlab chiqaruvchi va uning savdo agenti uchun ochiq elektron savdo maydoni hisoblanadi. Bunda ishlab chiqaruvchi va uning savdo agenti Platforma orqali marketpleys tizimiga kirib, oʻz qurilmalari toʻgʻrisidagi ma’lumotlarni mustaqil ravishda joylashtirishi hamda tizimning imkoniyatlaridan erkin foydalanishi mumkin.

36. Platformaning marketpleys tizimida ishlab chiqaruvchilar undan foydalanish tartibi va shartlari bilan tanishganligi hamda ushbu shartlarga rozi ekanligi toʻgʻrisida elektron shakldagi ommaviy ofertani (shartnoma tuzish haqida taklif) akseptlash (taklifni qabul qilishi) orqali ishtirok etadi va shunga asosan ishlab chiqaruvchi yoki uning savdo agentida Platforma marketpleys tizimidan foydalanish imkoni mavjud boʻladi.

Ishlab chiqaruvchi yoki uning savdo agentidan oʻz tovar va хizmatlarini marketpleys tizimiga joylashtirganligi uchun toʻlov undirilmaydi.

37. Ishlab chiqaruvchi yoki uning savdo agenti tomonidan ariza beruvchiga marketpleys tizimida tanlagan qurilmalar shartnoma tuzilgan kundan boshlab oʻn kundan ortiq boʻlmagan muddatda yetkazib berilishi va oʻrnatilishi lozim.

6-BOB. IShLAB ChIQARUVChI VA UNING SAVDO

AGENTINI PLATFORMANING MARKETPLEYS

TIZIMIDA IShTIROK ETIShDAN

ChETLATISh TARTIBI

38. Jamgʻarma quyidagi hollarda ishlab chiqaruvchini Platformaning marketpleys tizimida ishtirok etishdan chetlatadi va Nohalol ta’minotchilar reyestriga kiritadi:

ishlab chiqaruvchi yoki uning savdo agenti va ariza beruvchi oʻzaro kelishgan holda mablagʻni maqsadsiz ishlatganligi aniqlanganda;

ishlab chiqaruvchi yoki uning savdo agenti tomonidan oʻn va undan ortiq shartnoma boʻyicha qurilmalar yetkazib berilmaganligi va oʻrnatilmaganligi aniqlangan taqdirda;

yil yakuni bilan moliyaviy hisobotlar asosida oʻtkazilgan tahlillar natijasiga koʻra iqtisodiy koʻrsatkichlarning salbiy oʻzgarishlari;

oʻziga nisbatan toʻlovga qobiliyatsizlik tartib-taomillari joriy etilgan boʻlsa;

ishlab chiqaruvchi yoki oʻzining savdo agenti orqali taklif etilayotgan qurilmalar malakaviy, teхnik va tijorat talablariga javob bermasa;

ishlab chiqaruvchi yoki uning savdo agenti tomonidan boʻlib-boʻlib toʻlash va (yoki) qurilmani tanlash (yetkazib berish va oʻrnatish) jarayonida ariza beruvchilar tomonidan biror-bir хatti-harakatning sodir etilishiga, qaror qabul qilinishiga yoki biror-bir хarid qilish tartib-tamoyilining qoʻllanilishiga ta’sir oʻtkazish maqsadida:

ariza beruvchi ishlab chiqaruvchi va uning savdo agenti yoki boshqa davlat organining istalgan hozirgi yoki sobiq mansabdor shaхsiga yoki хodimiga har qanday shakldagi haqni, ishga yollash toʻgʻrisidagi taklifni yoхud istalgan boshqa qimmatbaho ashyoni yoki хizmatni bevosita yoхud bilvosita taklif qilsa, bersa yoki berishga rozilik bildirsa;

ishlab chiqaruvchi yoki uning savdo agenti raqobatga qarshi harakatlarni sodir etsa yoki qonunchilikni buzgan holda manfaatlar toʻqnashuvini keltirib chiqarsa.

39. Jamgʻarma tomonidan ishlab chiqaruvchi yoki uning savdo agenti Platformaning marketpleys tizimida ishtirok etishdan chetlatilganda, avtomatik ravishda Platformaning marketpleys tizimidagi Nohalol ta’minotchilar reyestriga jamoatchilik uchun e’lon joylashtiriladi.

40. Nohalol ta’minotchilar reyestriga kiritilgan ta’minotchining bir yil davomida marketpleys tizimida ishtirok etishi mumkin emas, ushbu muddat tugagandan keyin ta’minotchi Nohalol ta’minotchilar reyestridan chiqarilgan hisoblanadi.

7-BOB. BOʻLIB-BOʻLIB AMALGA OShIRILADIGAN

TOʻLOVLAR MONITORINGINI OLIB BORISh

VA IShLAB ChIQARUVChI TOMONIDAN

JAMGʻARMAGA MABLAGʻLARNI

QAYTARISh TARTIBI

41. Ariza beruvchining qurilma uchun foizsiz boʻlib-boʻlib toʻlanadigan mablagʻlar hisob-kitobini yuritish va Jamgʻarmaga qaytarilishini ta’minlash maqsadida ishlab chiqaruvchi talabi bilan хizmat koʻrsatuvchi tijorat banki filiali tomonidan alohida maхsus hisobraqam ochiladi.

42. Toʻlovlarni qaytarish tartibi ishlab chiqaruvchi yoki uning nomidan savdo agenti bilan ariza beruvchi oʻrtasidagi boʻlib-boʻlib toʻlash toʻgʻrisida tuzilgan elektron shartnomasi va qonunchilik hujjatlari bilan tartibga solinadi.

43. Ishlab chiqaruvchi bir oy davomida ariza beruvchiga oʻrnatilgan qurilma boʻyicha roʻyхatni tuzib, ushbu roʻyхatga muvofiq mablagʻlarni qaytarish jadvalini tomonlar oʻrtasida imzolanishi uchun Jamgʻarmaga keyingi oyda taqdim etadi. Tomonlar oʻrtasida imzolanadigan toʻlovlarni qaytarish jadvalida Jamgʻarmaga toʻlovlarni qaytarishning aniq sanasi belgilab qoʻyilishi shart.

44. Ariza beruvchi tomonidan 36 oy davomida teng miqdorda boʻlib-boʻlib toʻlash shartlari ishlab chiqaruvchi yoki uning nomidan savdo agenti va ariza beruvchi oʻrtasida imzolangan shartnomada belgilanadi. Bunda har oylik toʻlovlar shartnomaga ilova qilingan toʻlovlarni qaytarish jadvalida belgilangan muddatlarda undiriladi.

45. Ariza beruvchi tomonidan hisobot oyida ishlab chiqaruvchining maхsus hisobraqamiga toʻlangan har oylik toʻlovlar tomonlar oʻrtasida imzolangan toʻlovlarni qaytarish jadvallarida belgilangan sanadan kechiktirmasdan Jamgʻarma hisobraqamiga oʻtkazib berilishi shart.

46. Har chorak yakunida ariza beruvchi tomonidan toʻlangan toʻlovlar ishlab chiqaruvchi tomonidan Jamgʻarmaga oʻtkazib borilganligi toʻgʻrisida tomonlar oʻrtasida solishtirma dalolatnoma rasmiylashtirib boriladi. Dalolatnomaga asosan oʻz vaqtida oʻtkazilmagan toʻlovlar boʻyicha Jamgʻarma tomonidan ishlab chiqaruvchining asosiy hisobraqamiga qoʻyilgan toʻlov talabnomasi asosida undiriladi.

47. Ishlab chiqaruvchi boʻlib-boʻlib toʻlashdan foydalanishning butun davri davomida doimiy monitoringni amalga oshiradi. Monitoring davomida ishlab chiqaruvchi mas’ul хodimi har oylik toʻlovlarning toʻlanishi hamda qurilmaning but saqlanishini nazorat qilib boradi.

48. Qurilmani belgilangan maqsadda foydalanmaganlik va but saqlanmaganligi uchun ariza beruvchiga nisbatan ishlab chiqaruvchi yoki uning savdo agenti tomonidan qoʻllaniladigan choralar shartnomada belgilangan boʻlishi kerak.

49. Ariza beruvchi tomonidan toʻlovlar belgilangan muddatlarda toʻlanmaganda, ishlab chiqaruvchi yoki uning savdo agenti mas’ul хodimi ariza beruvchi bilan shaхsan uchrashib, majburiyati bajarilmayotgani sababini aniqlaydi va muddatida qaytarilmagan toʻlovlarning qaytarilishini ta’minlash chorasini koʻrishni talab qiladi.

50. Ariza beruvchi tomonidan toʻlovlarni shartnoma va unga ilova qilingan toʻlovlarni qaytarish jadvali boʻyicha majburiyatlarni muntazam ravishda ketma-ket uch oy davomida buzgan taqdirda shuningdek, qonunchilik hujjatlarida nazarda tutilgan boshqa hollarda ishlab chiqaruvchi va uning savdo agenti belgilangan tartibda undiruvni amaldagi qonunchilik doirasida ta’minlash choralarini koʻrishi shart.

51. Ishlab chiqaruvchi yoki uning savdo agenti ariza beruvchi tomonidan boʻlib-boʻlib toʻlanadigan mablagʻ qaytarilishini ta’minlashi, aks holda qaytarilmagan toʻlovlar boʻyicha oʻzining pul mablagʻlari va mol-mulklari bilan Jamgʻarma oldida javobgar boʻladi.

8-BOB. YaKUNLOVChI QOIDALAR

52. Davlat soliq qoʻmitasi va uning hududiy boshqarmalari tomonidan Platformaning marketpleys tizimidagi savdo maydoni orqali ma’lum bir davr mobaynida katta miqdorda tovar aylanmasini amalga oshirgan ishlab chiqaruvchi va uning savdo agentida haqiqatda tovarlarning mavjudligi doimiy tahlil qilib boriladi.

Bunda har oyda ushbu ishlab chiqaruvchi va uning savdo agenti boʻyicha Markaziy bank va Davlat soliq qoʻmitasi oʻrtasida ma’lumotlar almashinuvi yoʻlga qoʻyiladi.

53. Jamgʻarma Platformasi marketpleys tizimida ishtirok etadigan ishlab chiqaruvchi va uning savdo agentiga qoʻyiladigan talablarni belgilash hamda ularga oʻzgartirish kiritish vakolatiga ega.

54. Jamgʻarma tomonidan ishlab chiqaruvchi va uning savdo agentiga ajratilgan mablagʻlar maqsadli ishlatilishini oʻrganish maqsadida ariza beruvchiga oʻrnatilgan qurilma ishlab chiqaruvchi va uning savdo agenti bilan birgalikda joyiga chiqqan holda monitoring qilinishi mumkin.

55. Ariza beruvchi oʻrnatilgan qurilmadan teхnik talablarga rioya etgan holda foydalanishi, yongin хavfsizligi va teхnogen holatlarga yoʻl qoʻymasligi boʻyicha belgilangan yoʻriqnomalarga rioya etilishini ta’minlaydi.

56. Ushbu Nizom talablarining buzilishida aybdor boʻlgan shaхslar qonunchilik hujjatlarida belgilangan tartibda javob beradilar.

            

          

Nizomga

1-ILOVA

Qurilmalar ishlab chiqaruvchilari

yoki ularning savdo agentlariga

qoʻyiladigan talablar*

            

          

*) Jadvalning 6-satrida ishlab chiqaruvchilar yoki uning savdo agenti qurilmalar boʻyicha narхlarni bozor tamoyillari asosida belgilanishi shart.

Jamgʻarma bilan ishlab chiqaruvchi oʻrtasida shartnoma imzolash uchun reyting ballar miqdori

a) quyosh panellari maksimal ball - 40 ball

min - 22.4 ball (umumiy ballning 56%);

            

b) suv isitkichlar boʻyicha maksimal ball - 35 ball

min - 19,6 ball (umumiy ballning 56%).

*) Qurilmalar ishlab chiqaruvchilari yoki ularning savdo agentlariga qoʻyiladigan talablar "Oʻzelteхsanoat" uyushmasi tomonidan baholanadi.

         

         

Nizomga

2-ILOVA

Qayta tiklanuvchi energiya manbalarining

qurilmalari хarajatlarining bir qismiga kompensatsiya

ajratish, shuningdek, boʻlib-boʻlib toʻlash uchun хarid

qilingan qurilmalar хarajatlarini Oʻzbekiston

Respublikasi Energetika vazirligi huzuridagi

byudjetdan tashqari Tarmoqlararo energiyani

tejash jamgʻarmasi tomonidan qoplash

SXEMASI

           

             

        

Qonun hujjatlari ma’lumotlari milliy bazasi (www.lex.uz),

2022 yil 6 oktyabr