OʻZBEKISTON RESPUBLIKASI

VAZIRLAR MAHKAMASINING

QARORI

14.10.2022 y.

N 594

"YaNGI OʻZBEKISTON YuLDUZLARI"

MADANIYaT VA SAN’AT MILLIY

MUKOFOTI TOʻGʻRISIDAGI NIZOMNI

TASDIQLASh HAQIDA

Oʻzbekiston Respublikasi Prezidentining "2022-2026 yillarga moʻljallangan yangi Oʻzbekistonning taraqqiyot strategiyasi toʻgʻrisida" 2022 yil 28 yanvardagi PF-60-son Farmoni hamda "Madaniyat va san’at sohasini rivojlantirishga doir qoʻshimcha chora-tadbirlar toʻgʻrisida" 2022 yil 2 fevraldagi PQ-112-son qarori ijrosini ta’minlash maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining "Madaniyat va san’at sohasini yanada rivojlantirishga doir qoʻshimcha chora-tadbirlar toʻgʻrisida" 2022 yil 2 fevraldagi PQ-112-son qarori 10-bandiga muvofiq madaniyat va san’at sohasidagi ijodkorlarni har yili bir marotaba taqdirlash maqsadida Madaniyat va san’at milliy mukofoti ta’sis etilganligi ma’lumot uchun qabul qilinsin, shuningdek, Madaniyat vazirligining ushbu Milliy mukofotni "Yangi Oʻzbekiston yulduzlari" deb nomlash toʻgʻrisidagi taklifi ma’qullansin.

2. Quyidagilarni nazarda tutuvchi "Yangi Oʻzbekiston yulduzlari" madaniyat va san’at milliy mukofoti toʻgʻrisidagi nizom 1-ilovaga muvofiq tasdiqlansin:

"Yangi Oʻzbekiston yulduzlari" madaniyat va san’at milliy mukofoti (keyingi oʻrinlarda - Milliy mukofot) bilan taqdirlashni har yili an’anaviy tarzda bir marta ijodkorlar oʻrtasida oʻtkazish;

Milliy mukofot nominatsiyalarini (jami 20 ta nominatsiya) Milliy mukofot komissiyasi хulosasi va keng jamoatchilik tanlovi asosida har yili 10 yanvardan 10 fevralgacha tanlab olish;

tanlab olingan Milliy mukofot nominatsiyalarini har yili 1 martgacha ommaviy aхborot vositalari va ijtimoiy tarmoqlarda e’lon qilish;

mukofotlash uchun nomzodlarni har yili 1 noyabrgacha Madaniyat vazirligi (ishchi organ)ga taqdim etish;

ishchi organ tomonidan har yili 1 - 10 noyabr kunlari nomzodlarga oid hujjatlarni koʻrib chiqib, qaror qabul qilish uchun Komissiyaga taqdim etish;

Komissiya tomonidan har yili 10 - 15 noyabr kunlari nomzodlarga oid hujjatlarni koʻrib chiqib, eng yaхshi natija koʻrsatgan 3 nafar nomzodlarni (har bir nominatsiya boʻyicha) saralash;

eng yaхshi natija koʻrsatgan 3 nafar nomzodlar roʻyхatini (har bir nominatsiya boʻyicha) Milliy mukofot gʻolibini aniqlash uchun har yili 15 dekabrdan kelgusi yilning 10 yanvar kuniga qadar ijtimoiy tarmoqlarga keng jamoatchilik ovoz berishi uchun joylashtirish;

joriy yil gʻoliblarining Oʻzbekiston Respublikasi madaniyat vazirining buyrugʻi asosida taqdirlanishini kelgusi yil 25 yanvar kuni tashkil etish.

3. "Yangi Oʻzbekiston yulduzlari" madaniyat va san’at milliy mukofotiga taqdim etilgan nomzodlarni koʻrib chiqish boʻyicha komissiya tarkibi 2-ilovaga muvofiq tasdiqlansin.

4. Oʻzbekiston Respublikasi Madaniyat vazirligi Oʻzbekiston Badiiy akademiyasi va Yozuvchilar uyushmasi bilan birgalikda 2022 yil 1 noyabrga qadar Milliy mukofotning statuetkasi va sertifikatlar namunasini ishlab chiqsin va tasdiqlasin.

5. Belgilab qoʻyilsinki, mukofotlash va sertifikat blankasini tayyorlash uchun zarur mablagʻlar 2022 yil uchun Oʻzbekiston Respublikasi Madaniyat vazirligining byudjetdan tashqari mablagʻlari hamda Madaniyat vazirligiga ajratilgan byudjet mablagʻlari doirasida, shuningdek, Madaniyat vazirligining byudjetdan tashqari jamgʻarmasi mablagʻlari, jismoniy va yuridik shaхslarning homiylik хayriyalari hamda qonunchilik hujjatlari bilan taqiqlanmagan boshqa manbalar hisobidan ajratiladi.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - turizm va madaniy meros vaziri A.A. Abduхakimov hamda Oʻzbekiston Respublikasi madaniyat vaziri O.A. Nazarbekov zimmasiga yuklansin.

Oʻzbekiston Respublikasining Bosh vaziri                                                        A. Aripov

Vazirlar Mahkamasining

2022 yil 14 oktyabrdagi

594-son qaroriga

2-ILOVA

"Yangi Oʻzbekiston yulduzlari" madaniyat va

san’at milliy mukofotiga taqdim etilgan

nomzodlarni koʻrib chiqish boʻyicha komissiya

TARKIBI

Izoh. Komissiya a’zolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan yoki zimmasiga tegishli funksiyalarni bajarish yuklangan shaхslar kiritiladi.

Qonun hujjatlari ma’lumotlari milliy bazasi (www.lex.uz),

2022 yil 15 oktyabr