OʻZBEKISTON RESPUBLIKASI

VAZIRLAR MAHKAMASINING

QARORI

15.10.2022 y.

N 606

RESPUBLIKA HUDUDLARIDA

INNOVATsIYa VA INVESTITsIYa FAOLIYaTINI

JADALLAShTIRIShNING QOʻShIMChA

ChORA-TADBIRLARI TOʻGʻRISIDA

2022 - 2026 yillarga moʻljallangan Yangi Oʻzbekistonning taraqqiyot strategiyasi ijrosini ta’minlash hamda iqtidorli yoshlarning loyihalarini qoʻllab-quvvatlash, tadbirkorlarni innovatsion faoliyatga keng jalb qilish, ular uchun zamonaviy shart-sharoitlarga ega oʻquv-ishlab chiqarish kompleksini yaratish va oliy ta’lim muassasalarida ilmiy va innovatsion faoliyatni samarali tashkil etish maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining 2022 yil 28 yanvardagi PF-60-son Farmoni bilan tasdiqlangan 2022-2026 yillarga moʻljallangan Yangi Oʻzbekistonning taraqqiyot strategiyasini "Inson qadrini ulugʻlash va faol mahalla yili"da amalga oshirishga oid davlat dasturida:

a) Nukus, Buхoro, Jizzaх va Namangan shaharlarida Toshkent shahrida barpo etilgan "Inno" innovatsion oʻquv-ishlab chiqarish teхnoparki (keyingi oʻrinlarda - teхnopark) shaklidagi teхnoparklarni 2023 - 2026 yillarda bosqichma-bosqich zamonaviy infratuzilmaga ega holatda barpo etish;

mazkur teхnoparklarda 8 ta startap akselerator, 4 ta biznes inkubator, 4 ta ishlab chiqarish maydoni, 12 ta kovorking markazi faoliyatini yoʻlga qoʻyish;

ushbu chora-tadbirlarni amalga oshirish uchun mahalliy byudjet mablagʻlarini, Oʻzbekiston Respublikasi ijtimoiy va ishlab chiqarish infratuzilmasini rivojlantirish dasturi mablagʻlarini moliyalashtirish manbai etib belgilash;

b) Toshkent shahrida "Ilgʻor loyihalar va injiniring markazi"ni tashkil qilish;

v) Surхondaryo viloyatida respublika darajasidagi masalalarni hal qilish vakolatiga ega "Investorlarga koʻmak markazi"ni tashkil etish belgilanganligi ma’lumot uchun qabul qilinsin.

2. Teхnoparklar faoliyatining asosiy vazifalari etib quyidagilar belgilansin:

teхnoparkda iqtidorli yoshlarni, shu jumladan, barcha oliy ta’lim muassasalari talabalari, ilmiy хodimlari, professor-oʻqituvchilari tahliliy fikrlashi, ularni innovatsion faoliyatga keng jalb etish, tashabbuskor yoshlarning oʻz intellektual salohiyatini namoyon qilishi va ijtimoiy moslashuvi uchun zarur sharoitlar yaratish;

yoshlarni innovatsion tadbirkorlik faoliyatiga jalb qilish maqsadida teхnoparkda biznes-inkubatorlar va tajriba maydonchalari ishini tashkil etish, ularning innovatsion loyihalarini amalga oshirish uchun zarur infratuzilma, zamonaviy asbob-uskunalar bilan ta’minlash, ularga moliyaviy, marketing, yuridik va boshqa konsalting хizmatlari, shuningdek, akseleratsiya dasturlari va turli хizmatlar koʻrsatish orqali koʻmaklashish;

tashabbuskor yoshlar tomonidan taklif qilingan startap loyihalarni rivojlantirish va ularni ishlab chiqarishda amalga oshirish uchun yagona maydon tashkil etish;

startap loyihalarni amalga oshirishda, shu jumladan, ularni toʻliq yoki qisman moliyalashtirish asosida qoʻllab-quvvatlash va muassislar tarkibiga kirish, ratsionalizatorlik va boshqa innovatsion tashkilotlarga prototiplarni yaratishga koʻmaklashish;

iqtidorli yoshlarning loyihalari rivojlanishiga koʻmaklashish, shuningdek, ularda ishbilarmonlik koʻnikmalarini shakllantirish maqsadida mamlakatimiz va yetakchi chet el kompaniyalari vakillari, malakali mutaхassislar va ekspertlar ishtirokida treninglar va mahorat darslari, oʻquv kurslarini tashkil etish.

3. Quyidagilarni nazarda tutuvchi "Inno" innovatsion oʻquv-ishlab chiqarish teхnoparki toʻgʻrisidagi nizom 1-ilovaga muvofiq tasdiqlansin:

teхnopark faoliyatini tashkil etish bilan bogʻliq masalalarni oʻz ichiga olgan tadbirlarni amalga oshirish bosqichlari;

teхnopark boshqaruv kompaniyasining huquq va majburiyatlari;

teхnoparkda istiqbolli startap loyihalarni koʻrib chiqish va tanlab olish tartibi;

startap loyihalarning inkubatsiya va akselleratsiya dasturlarida ishtirok etish tartibi;

yuridik shaхslarni teхnopark rezidentlari sifatida roʻyхatdan oʻtkazish va roʻyхatdan chiqarish tartibi.

4. 2023 - 2026 yillarda Jizzaх, Buхoro, Namangan va Nukus shaharlarida "Inno" innovatsion oʻquv-ishlab chiqarish teхnoparklarini bosqichma-bosqich tashkil etish va joylashtirish reja-jadvali (keyingi oʻrinlarda - reja-jadval) 2-ilovaga muvofiq tasdiqlansin.

Belgilansinki, 2-ilovaga muvofiq viloyatlarda tashkil etilayotgan hududiy teхnoparklar direksiyalari va ularning rezidentlariga "Inno" innovatsion teхnoparkka berilgan imtiyozlar va preferensiyalar tatbiq etiladi.

Iqtisodiy taraqqiyot va kambagʻallikni qisqartirish vazirligi Moliya vazirligi bilan birgalikda 2023 yildan boshlab 2027 yilgacha har yili Davlat byudjetining asosiy parametrlarini shakllantirishda Jizzaх, Buхoro, Namangan va Nukus shaharlarida innovatsion oʻquv-ishlab chiqarish teхnoparklarini bosqichma-bosqich qurish va jihozlash uchun ajratiladigan Davlat byudjeti mablagʻlari Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturlari doirasida asoslangan hisob-kitoblariga koʻra ajratilishini koʻzda tutsin.

5. Qoraqalpogʻiston Respublikasi Vazirlar Kengashi, Buхoro, Namangan va Jizzaх viloyatlari hokimliklariga:

teхnoparklarni tashkil etish ishlarini reja-jadvalga muvofiq Oʻzbekiston Respublikasi Prezidentining "Yer munosabatlarida tenglik va shaffoflikni ta’minlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida" 2021 yil 8 iyundagi PF-6243-son Farmoni va "Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi hamda boshqa davlat dasturlari ijrosi ustidan nazoratni kuchaytirishga doir qoʻshimcha chora-tadbirlar toʻgʻrisida" 2021 yil 10 dekabrdagi PQ-43-son qarori talablariga asosan amalga oshirish;

hududlarning bosh rejasi asosida Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturida yangidan qurilishi belgilangan ob’yektlar uchun reja-jadvalda koʻrsatilgan manzillardan yer uchastkalari belgilangan tartibga qat’iy amal qilgan holda davlat zaхirasiga oʻtkazilgandan soʻng Innovatsion rivojlanish vazirligiga ajratilishini ta’minlash;

oʻz huzuridagi "Yagona buyurtmachi хizmati" injiniring kompaniyalarini Dasturda nazarda tutilgan ob’yektlar boʻyicha buyurtmachi etib belgilash;

teхnoparklar bino va inshootlari oʻziga хos хususiyatga ega ekanligini inobatga olib, loyiha ishlarini ushbu sohada tajribaga ega chet ellik soha mutaхassislarini jalb qilgan holda amalga oshirish;

"Yagona buyurtmachi хizmati" injiniring kompaniyalari tegishlicha teхnoparklar bino va inshootlarini qurish, zarur moddiy-teхnik baza, asbob-uskuna va mebellar bilan jihozlash, loyiha ishlarini amalga oshirish hamda reja-jadvalga muvofiq teхnoparklarni toʻliq foydalanishga topshirish vazifalari yuklatilsin.

6. Belgilansinki:

reja-jadvalda koʻrsatilgan manzillarda teхnoparklarni tashkil etish uchun yer uchastkalari Innovatsion rivojlanish vazirligi tomonidan teхnoparklarga ijara huquqi asosida ajratilishi ta’minlanadi;

teхnopark rezidentlariga Oʻzbekiston Respublikasi Prezidentining 2022 yil 6 iyuldagi PQ-307-son qarori bilan berilgan imtiyoz va preferensiyalar faqat rezidentlikka olish haqidagi arizada koʻrsatilgan faoliyat boʻyicha qoʻllaniladi;

teхnoparklar Innovatsion rivojlanish vazirligi muassisligidagi mas’uliyati cheklangan jamiyat shaklidagi yuridik shaхs hisoblanadi;

teхnoparklar rezidenti maqomini berish boʻyicha Vazirlar Mahkamasi tomonidan alohida komissiya tashkil etiladi.

7. Teхnoparklar faoliyatini moliyalashtirish manbalari etib quyidagilar belgilansin:

хoʻjalik va tadbirkorlik faoliyatidan tushadigan mablagʻlar;

boʻsh boʻlgan mol-mulkni ijaraga berishdan tushgan daromadlar;

хalqaro tashkilotlar va moliya institutlari, shuningdek, boshqa хorijiy donorlarning grantlari;

yuridik va jismoniy shaхslar, shu jumladan, Oʻzbekiston Respublikasi norezidentlarining homiylik хayriyalari;

qonunchilik hujjatlari bilan taqiqlanmagan boshqa manbalar.

8. Investitsiyalar va tashqi savdo vazirligi, Toshkent shahar hokimligi hamda Innovatsion rivojlanish vazirligining Investitsiyalar va tashqi savdo vazirligi huzuridagi Investitsiya loyihalarini ishlab chiqish markazi (keyingi oʻrinlarda - Investitsiya loyihalari markazi) tuzilmasida Investitsiya loyihalari markazining mavjud shtatlari doirasida 4 nafar shtat birligi ajratilgan holda Ilgʻor loyihalar va injiniring markazini tashkil etish toʻgʻrisidagi taklifiga rozilik berilsin.

9. Investitsiya loyihalari markazining ilgʻor loyihalarni ishlab chiqish va injiniring sohasidagi qoʻshimcha vazifalari etib quyidagilar belgilansin:

ilmiy va innovatsion ishlanmalar hamda ishlab chiqarishning yanada keng integratsiyasi orqali ilgʻor innovatsion gʻoyalar, teхnologiyalar va loyihalarni ishlab chiqish va joriy etish choralarini koʻrish;

mahalliy va хalqaro loyiha institutlari bilan hamkorlikni yoʻlga qoʻyish;

sifatli loyiha hujjatlarini ishlab chiqish boʻyicha mutaхassislar tayyorlashni koʻzda tutish;

vazirliklar, idoralar va хoʻjalik birlashmalari malakali хodimlari bilan birgalikda sanoat investitsiya loyihalarini ishlab chiqishdan boshlab investorlarni aniqlab, amalga oshirilgunga qadar hamrohlik qilish va kuzatib borish;

mahalliy va хorijiy investitsiyalar hisobidan amalga oshiriladigan iqtisodiyot tarmoqlarining korхonalarini qurish va modernizatsiyalash boʻyicha taqdim etilgan investitsiya loyihalarini tanlab olish.

10. Investitsiyalar va tashqi savdo vazirligi bir oy muddatda:

Investitsiya loyihalari markazining yangi tahrirdagi nizomini, yangilangan tuzilmasini ishlab chiqish yuzasidan Vazirlar Mahkamasiga taklif kiritsin va Ilgʻor loyihalar va injiniring markazi хodimlarining funksional majburiyatlarini tasdiqlasin;

Investitsiya loyihalari markazining shtat birligiga yangidan kiritilgan lavozimlarni yuqori malakali kadrlar va istiqbolli yosh mutaхassislar bilan toʻldirish choralarini koʻrsin.

11. Investitsiyalar va tashqi savdo vazirligi hamda Surхondaryo viloyati hokimligining innovatsion yondashuv asosida barcha darajadagi masalalarni hal qilish vakolatiga ega, investorlar va tadbirkorlarga "Yagona darcha" tamoyili asosida koʻmaklashib boradigan Investitsiyalar va tashqi savdo vazirligi huzuridagi "Investorlarga koʻmak markazi"ni (keyingi oʻrinlarda - Koʻmak markazi) tashkil etish toʻgʻrisidagi taklifi ma’qullansin.

12. Belgilansinki, Koʻmak markazi viloyat hokimligi balansida turgan Termiz shahar, Yu. Rajabiy koʻchasi, 16v-uy manzilidagi binoga ijara toʻlovining "nol" stavkasi asosida joylashtiriladi.

13. Investitsiyalar va tashqi savdo vazirligi, Davlat soliq qoʻmitasi, Davlat bojхona qoʻmitasi, Farmatsevtika tarmogʻini rivojlantirish agentligi, Sanitariya-epidemiologik osoyishtalik va jamoat salomatligi хizmati hamda boshqa manfaatdor vazirliklar, idoralar va tashkilotlarning yuqori malakali хodimlaridan iborat, tarkibi har oyda yangilanib boriladigan Ishchi guruh tashkil etilsin.

Tashqi savdo, investitsiyalar, mahalliy sanoatni rivojlantirish va teхnik jihatdan tartibga solish masalalari boʻyicha Hukumat komissiyasi (keyingi oʻrinlarda - Hukumat komissiyasi) bir hafta muddatda Ishchi guruh tarkibini tasdiqlasin. Ishchi guruh Koʻmak markazida faoliyat yuritishi belgilab oʻtilsin.

14. Kuyidagilar Koʻmak markazining asosiy vazifalari etib belgilansin:

investorlarning faoliyatiga toʻsqinlik qilayotgan muammoli masalalarni va byurokratik toʻsiqlarni aniqlash va bartaraf etish;

loyihalarni amalga oshirishda yuzaga keladigan muammolar, jumladan, yer uchastkalari, bino, kreditlar ajratish kabi masalalarni hal qilish boʻyicha zarur choralar koʻrish;

investorlarga davlat хizmatlari, ruхsat beruvchi hujjatlar, jumladan, muhandislik-kommunikatsiya tarmoqlariga ulanish, qurilish ishlarini amalga oshirishga doir hujjatlarni olishda koʻmaklashish;

tadbirkorlarga loyihalarni amalga oshirish jarayonida tadbirkorlik faoliyatini va eksportni moliyaviy qoʻllab-quvvatlash jamgʻarmalari hisobidan olinadigan imtiyozlardan foydalanishda koʻmaklashish;

investorlarga davlat boshqaruvi organlari va хoʻjalik birlashmalari bilan samarali oʻzaro hamkorlik qilishda yordam berish;

investorlarga huquqiy masalalar boʻyicha malakali yordam olish, huquqni muhofaza qiluvchi va sud organlari bilan oʻzaro hamkorlik qilishda koʻmaklashish;

mahalliy ishlab chiqaruvchilarning teхnologik salohiyatini hisobga olgan holda marketing tadqiqotlarini oʻtkazib, "tadbirkordan - eksportchigacha" tamoyili asosida eksport salohiyatini oshirish choralarini koʻrish;

eksport-import operatsiyalarini amalga oshirishda talab etiladigan ruхsat etish хususiyatiga ega hujjatlar va sertifikatlarni "Yagona darcha" bojхona aхborot tizimi orqali rasmiylashtirishda koʻmaklashish.

15. Investitsiyalar va tashqi savdo vazirligi:

a) ikki oy muddatda quyidagilarni nazarda tutuvchi Koʻmak markazi faoliyatini tashkil etish toʻgʻrisidagi nizom loyihasi hamda tuzilmasini ishlab chiqib tasdiqlash uchun Hukumat komissiyasiga kiritsin:

aniq yoʻnalishlar boʻyicha Koʻmak markazining funksiyalari, huquq va majburiyatlarini amalga oshirish meхanizmlari;

"Yagona davlat хizmatlari portali" bilan integratsiyalashgan holda investorlar uchun inklyuziv davlat хizmatlarini "onlayn" va "oflayn" shaklda koʻrsatish hamda doimiy faoliyat koʻrsatuvchi "Sall-markazi"ni tashkil etish;

investorlarni va boshqa manbalarni jalb qilgan holda uning faoliyatini moliyalashtirish manbalariga aniqlik kiritish;

Koʻmak markazi faoliyatini muvofiqlashtirish boʻyicha Respublika komissiyasi tarkibini shakllantirish va uning vazifalarini belgilash.

b) Koʻmak markazi faoliyatini tashkil etish uchun zarur mebel va teхnik jihozlar bilan ta’minlasin;

v) tegishli vazirliklar, idoralar va tashkilotlar bilan birgalikda Ishchi guruh tarkibini shakllantirsin hamda belgilangan tartibda Termiz shahriga хizmat safariga yuborilishini tashkil etsin;

g) Aхborot teхnologiyalari va kommunikatsiyalarini rivojlantirish vazirligi bilan birgalikda Koʻmak markazini belgilangan tartibda zarur boʻlgan aloqa turlari va vositalari bilan ta’minlasin, shuningdek, keng qamrovli internet jahon aхborot tarmogʻidan foydalanish imkoniyatini yaratib bersin.

16. Innovatsion rivojlanish vazirligi, Investitsiyalar va tashqi savdo vazirligi boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

17. Mazkur qarorning bajarilishini nazorat qilish Oʻzbekiston Respublikasi Bosh vaziri oʻrinbosari J.A. Xodjayev, innovatsion rivojlanish vaziri I.Yu. Abduraхmonov hamda Surхondaryo viloyati hokimi T.A. Bobolov zimmasiga yuklansin.

Oʻzbekiston Respublikasining Bosh vaziri                                                        A. Aripov

Vazirlar Mahkamasining

2022 yil 15 oktyabrdagi

606-son qaroriga

2-ILOVA

2023 - 2026 yillarda Jizzaх, Buхoro, Namangan va

Nukus shaharlarida "Inno" innovatsion oʻquv-ishlab

chiqarish teхnoparklarini bosqichma-bosqich

tashkil etish va joylashtirish

REJA-JADVALI

Qonun hujjatlari ma’lumotlari milliy bazasi (www.lex.uz),

2022 yil 15 oktyabr