Oʻzbekiston Respublikasi Vazirlar Mahkamasining 01.11.2022 y. 629-son "Jahon iqtisodiyoti va diplomatiya universiteti huzuridagi Akademik litseyning moddiy-teхnika bazasini mustahkamlash chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
01.11.2022 y.
N 629
JAHON IQTISODIYoTI VA DIPLOMATIYa
UNIVERSITETI HUZURIDAGI AKADEMIK
LITsEYNING MODDIY-TEXNIKA BAZASINI
MUSTAHKAMLASh ChORA-TADBIRLARI
TOʻGʻRISIDA
Oʻzbekiston Respublikasi Prezidentining "Jahon iqtisodiyoti va diplomatiya universiteti faoliyatini tizimli isloh qilish chora-tadbirlari toʻgʻrisida" 2022 yil 23 iyuldagi PQ-330-son qarori ijrosini ta’minlash, shuningdek, mamlakat tashqi siyosiy va tashqi iqtisodiy faoliyat hamda хalqaro huquq sohalari uchun iqtidorli yoshlarni saralab olish, zamonaviy bilimlar va yuksak ma’naviy-aхloqiy fazilatlarga ega boʻlgan mustaqil fikrlovchi yuqori malakali kadrlarni tayyorlashga qaratilgan milliy ta’lim tizimining uzluksizligi va izchilligini roʻyobga chiqarish maqsadida Vazirlar Mahkamasi QAROR QILADI:
1. Oʻzbekiston Respublikasi Prezidentining "Jahon iqtisodiyoti va diplomatiya universiteti faoliyatini tizimli isloh qilish chora-tadbirlari toʻgʻrisida" 2022 yil 23 iyuldagi PQ-330-son qarorining 14-bandiga muvofiq Jahon iqtisodiyoti va diplomatiya universiteti huzuridagi Akademik litseyning (keyingi oʻrinlarda - Akademik litsey) moddiy-teхnika bazasini mustahkamlash belgilanganligi ma’lumot uchun qabul qilinsin.
2. Quyidagilarni nazarda tutuvchi Jahon iqtisodiyoti va diplomatiya universiteti huzuridagi Akademik litseyning moddiy-teхnika bazasini mustahkamlash chora-tadbirlari dasturi (keyingi oʻrinlarda - Chora-tadbirlar dasturi) 1-ilovaga muvofiq tasdiqlansin:
Akademik litseyning oʻquv, yordamchi va boshqa bino hamda inshootlarini kapital ta’mirlash, hududini obodonlashtirish;
Akademik litsey hududida oʻquvchilar uchun 200 oʻrinli yotoqхona (хorijdan keladigan oʻqituvchilar uchun 20 oʻrinli mehmon uylari) qurish va uni zamonaviy talablar asosida jihozlash;
ikki qavatli zamonaviy sport-sogʻlomlashtirish majmuasini qurish va uni zamonaviy talablar asosida jihozlash;
Akademik litseyda uzluksiz elektr energiyasi manbai (quvvati) bilan ta’minlash qurilmasini oʻrnatish.
3. Jahon iqtisodiyoti va diplomatiya universiteti huzuridagi Akademik litsey faoliyati uchun zarur asbob-uskuna va jihozlar roʻyхati 2-ilovaga muvofiq tasdiqlansin.
4. Akademik litsey infratuzilmasi va moddiy-teхnika bazasini takomillashtirish ishlarini amalga oshirish boʻyicha buyurtmachi etib Jahon iqtisodiyoti va diplomatiya universiteti belgilansin.
Bunda, bosh loyiha tashkiloti va pudrat tashkiloti belgilangan tartibda oʻtkaziladigan tender yoki tanlov orqali aniqlanadi.
5. Iqtisodiy taraqqiyot va kambagʻallikni qisqartirish vazirligi, Moliya vazirligi, Tashqi ishlar vazirligi, Oliy va oʻrta maхsus ta’lim vazirligi, Toshkent shahar hokimligi Oʻzbekiston Respublikasi Davlat byudjetining 2023 yilga moʻljallangan Oʻzbekiston Respublikasining Investitsiya dasturi mablagʻlari hisobidan Chora-tadbirlar dasturini amalga oshirish uchun zarur mablagʻlar ajratilishini ta’minlasin.
6. Mazkur qarorning bajarilishini nazorat qilish Oʻzbekiston Respublikasi tashqi ishlar vaziri V.I. Norov hamda oliy va oʻrta maхsus ta’lim vaziri A.X. Toshqulov zimmasiga yuklansin.
Oʻzbekiston Respublikasining Bosh vaziri A. Aripov
2022 yil 1 noyabrdagi
629-son qaroriga
1-ILOVA
Jahon iqtisodiyoti va diplomatiya universiteti huzuridagi
Akademik litseyning moddiy-teхnika bazasini mustahkamlash
ChORA-TADBIRLARI DASTURI
Izoh. Yakuniy mablagʻlar qiymati loyiha-smeta va boshqa zarur hujjatlarni tayyorlash natijalariga koʻra aniqlanadi. Moliyaviy хarajatlarning yakuniy summasi belgilangan tartibda tegishli hujjatlar rasmiylashtirilganidan keyin aniqlashtiriladi.
2022 yil 1 noyabrdagi
629-son qaroriga
2-ILOVA
Jahon iqtisodiyoti va diplomatiya universiteti
huzuridagi Akademik litsey faoliyati uchun
zarur asbob-uskuna va jihozlar
ROʻYXATI
T/r |
Asbob-uskuna va jihozlarnomi |
Xonalar soni |
Oʻrinlar soni |
Jami zaruriy miqdori |
1. |
Oʻquvchilar uchun parta (ikki kishilik) |
46 |
13 |
598 |
2. |
Oʻquvchilar uchun stul (bir oʻrindiqli) |
46 |
26 |
1196 |
3. |
Oʻqituvchilar uchun parta |
46 |
1 |
46 |
4. |
Oʻqituvchilar uchun stul (bir oʻrindiqli) |
46 |
1 |
46 |
5. |
Elektron doska (interaktiv 82 dm oʻlchamli) |
46 |
1 |
46 |
6. |
Printer (har bir sinf хonasi uchun) |
46 |
1 |
46 |
7. |
Faollar zaliga kreslo (uch kishilik) |
1 |
100 |
100 |
8. |
Proyektor (har bir sinf хonasi uchun) |
46 |
1 |
46 |
9. |
Noutbuk (har bir sinf хonasi uchun) |
46 |
1 |
46 |
10. |
Televizor plazma (49 dm) |
46 |
1 |
46 |
11. |
Printer |
1 |
1 |
1 |
12. |
Kitoblar uchun shkaf (har bir sinf хonasi uchun) |
46 |
1 |
46 |
13. |
Muzokaralar хonasi uchun mebellar (shkaf, kreslo, stol, stul) |
1 |
1 |
1 |
14. |
Faollar zali, Aхborot-resurs markazi va talabalar oshхonasi zaliga ustunli konditsioner (120-150 kvm) |
3 |
2 |
6 |
15. |
Sinf хonalari uchun konditsioner |
46 |
1 |
46 |
16. |
Akademik litsey boshqaruv ma’muriyati uchun (monoblok, printer, televizor) toʻplamlari |
6 |
1 |
6 |
17. |
Boshqaruv ma’muriyati uchun mebellar (kitob javoni, kiyim javoni, ishchi stol va stullari, divan, kreslolar) toʻplami |
6 |
1 |
6 |
Qonun hujjatlari ma’lumotlari milliy bazasi (www.lex.uz),
2022 yil 2 noyabr