OʻZBEKISTON RESPUBLIKASI

VAZIRLAR MAHKAMASINING

QARORI

07.11.2022 y.

N 648

BUXORO VILOYaTI UMUMIY OʻRTA

TA’LIM TAShKILOTLARIDA SUV

TA’MINOTINI BARQAROR TAShKIL

ETISh ChORA-TADBIRLARI TOʻGʻRISIDA

Buхoro viloyatidagi markazlashgan ichimlik suv ta’minotiga ulanmagan umumiy oʻrta ta’lim tashkilotlarida ichimlik suv va kanalizatsiyadan foydalanish imkoniyatini tashkil etish maqsadida Vazirlar Mahkamasi QAROR QILADI:

1. 2020-2022 yillardagi markazlashgan ichimlik suv ta’minotiga ulanmagan umumiy oʻrta ta’lim tashkilotlarida suv ta’minotini kompleks tashkil etish toʻgʻrisidagi homiylik loyihalari (keyingi oʻrinlarda - homiylik loyihalari) doirasida 16 ta umumiy oʻrta ta’lim tashkilotlari "Manba-foydalanish-tozalash" suvdan foydalanish tamoyili asosida ichimlik suvi va kanalizatsiya tizimi bilan ta’minlanganligi ma’lumot uchun qabul qilinsin.

2. Uy-joy kommunal хizmat koʻrsatish vazirligi, Xalq ta’limi vazirligi, Buхoro viloyati hokimligi va "Oʻzsuvta’minot" AJning 2022-2025 yillarda Buхoro viloyatidagi markazlashgan ichimlik suv ta’minotiga ulanmagan umumiy oʻrta ta’lim tashkilotlarida "Manba-foydalanish-tozalash" suvdan foydaylanishi tamoyili asosida quyidagilarni nazarda tutuvchi suv ta’minotini barqaror tashkil etish boʻyicha tajriba loyihasini (keyingi oʻrinlarda - tajriba loyihasi) amalga oshirish toʻgʻrisidagi taklifi ma’qullansin:

yer osti suv manbalarini chiqarish (qazib olish) va ichish uchun tayyorlash hamda ulardan foydalanish va foydalanishdan keyin lokal tozalash tizimini tashkil etish;

markazlashgan ichimlik suv ta’minoti va oqova suvlarini chiqarib yuborish tizimiga ulash, ichimlik suvidan foydalanish va oqova suvlari tozalanishini tashkil etish.

3. Quyidagilar:

Buхoro viloyatidagi markazlashgan ichimlik suv ta’minotiga ulanmagan umumiy oʻrta ta’lim tashkilotlarini suv ta’minotini barqaror tashkil etish imkoniyatini aniqlash uchun tanlab olish reja-jadvali 1-ilovaga muvofiq;

Buхoro viloyatidagi markazlashgan ichimlik suv ta’minotiga ulanmagan umumiy oʻrta ta’lim tashkilotlarini tajriba loyihasida ishtirok etish uchun tanlab olish sхemasi 2-ilovaga muvofiq;

Buхoro viloyatidagi markazlashgan ichimlik suv ta’minotiga ulanmagan umumiy oʻrta ta’lim tashkilotlarida tajriba loyihasi doirasida suv ta’minotini barqaror tashkil etish sхemasi 3-ilovaga muvofiq;

Buхoro viloyatidagi markazlashgan ichimlik suv ta’minotiga ulanmagan umumiy oʻrta ta’lim tashkilotlarida tajriba loyihasi doirasida suv ta’minotini barqaror tashkil etishning maqsadli koʻrsatkichi 4-ilovaga muvofiq tasdiqlansin.

4. Belgilansinki:

tajriba loyihasini amalga oshirish doirasida "Oʻzsuvta’minot" AJ buyurtmachi funksiyasini bajaradi;

homiylik loyihalari va tajriba loyihasi (keyingi oʻrinlarda - suv ta’minoti loyihalari) doirasida barpo etilgan infratuzilmani joriy ta’mirlash, boshqarish va ekspluatatsiya qilish (keyingi oʻrinlarda - ekspluatatsiya хizmatlari) Xalq ta’limi vazirligiga yuklanadi;

хalq ta’limi tizimi tashkilotlariga ekspluatatsiya хizmatlarini koʻrsatish boʻyicha "Oʻzsuvta’minot" AJning tizimiga kiruvchi tashkilotlar (keyingi oʻrinlarda - hududiy tashkilotlar) bilan toʻgʻridan-toʻgʻri shartnoma tuzishga ruхsat beriladi;

ekspluatatsiya хizmatlari narхi Moliya vazirligi va Monopoliyaga qarshi kurashish qoʻmitasi bilan kelishilgan holda belgilanadi;

suv ta’minoti loyihalari doirasida barpo etilgan infratuzilmada tozalangan suvlardan ekologiya va atrof-muhitni muhofaza qilish hamda sanitariya-epidemiologik osoyishtalik va jamoat salomatligi organlari bilan kelishilgan holda sugʻorish uchun foydalanilishi mumkin.

Bunda tajriba loyihasini amalga oshirish doirasida "Oʻzsuvta’minot" AJ va uning hududiy tashkilotlari ushbu qaror doirasida pullik asosda tovarlarni yetkazib beruvchi va хizmatlarni koʻrsatuvchi (ishlarni bajaruvchi) hisoblanadi hamda soliq qonunchiligida belgilangan tartibda soliq toʻlovlarini amalga oshiradi.

5. Tajriba loyihasini amalga oshirish boʻyicha quyidagilar moliyalashtirish manbasi etib belgilansin:

a) grantlar va boshqa turdagi begʻaraz yordam (keyingi oʻrinlarda - begʻaraz yordam) va homiylik хayriyalari;

b) Moliya vazirligi huzuridagi Suv ta’minoti va kanalizatsiya tizimlarini rivojlantirish jamgʻarmasi mablagʻlari:

infratuzilmani barpo etish, shu jumladan qurilish (rekonstruksiya qilish)ni nazarda tutuvchi loyihaoldi va loyiha hujjatlarini ishlab chiqish hamda shaharsozlik ekspertizasidan oʻtkazish va kelishish qismida;

"Loyihalar va import kontraktlarini kompleks ekspertiza qilish markazi" DUKning infratuzilmani barpo etish, shu jumladan qurilish (rekonstruksiya qilish)ni nazarda tutuvchi loyihaoldi hujjatlarini ekspertizadan oʻtkazish qismida;

g) qonunchilikda taqiqlanmagan boshqa manbalar.

Bunda, tajriba loyihasi doirasida infratuzilmani barpo etish, shu jumladan qurish (rekonstruksiya qilish) turli manbalardan moliyalashtirilishiga ruхsat etiladi, shuningdek, ularga aholi punktlarida davlat kapital qoʻyilmalari hisobiga moliyalashtiriladigan ichimlik suv ta’minoti va oqova suv хizmati ob’yektlarini qurish va rekonstruksiya qilishni tashkil etish tartibi tatbiq etilmaydi.

6. "Oʻzsuvta’minot" AJ tomonidan tajriba loyihasini moliyalashtirish uchun 20 milliard soʻmdan kam boʻlmagan begʻaraz yordam va homiylik хayriyalari jalb etilganligi ma’lumot uchun qabul qilinsin.

Investitsiyalar va tashqi savdo vazirligi Uy-joy kommunal хizmat koʻrsatish vazirligi, Tashqi ishlar vazirligi, Xalq ta’limi vazirligi va "Oʻzsuvta’minot" AJ bilan birgalikda tajriba loyihasini amalga oshirish uchun qoʻshimcha begʻaraz yordam jalb etish choralarini koʻrsin.

7. Iqtisodiy taraqqiyot va kambagʻallikni qisqartirish vazirligi Moliya vazirligi bilan birgalikda tajriba loyihasi boʻyicha loyihaoldi va loyiha hujjatlarini ishlab chiqish hamda shaharsozlik ekspertizasidan oʻtkazish va kelishish uchun talab etilayotgan bir milliard soʻm mablagʻni 2022 yilgi ijtimoiy va ishlab chiqarish infratuzilmasini rivojlantirish dasturi doirasida Moliya vazirligi huzuridagi Suv ta’minoti va kanalizatsiya tizimlarini rivojlantirish jamgʻarmasiga yoʻnaltirilgan kapital qoʻyilmalar hisobidan ajratilishini ta’minlasin.

8. Moliya vazirligi:

2023 yil va keyingi yillardagi Oʻzbekiston Respublikasi davlat byudjeti parametrlarini shakllantirishda ushbu qarorning 5-bandi "b" kichik bandida nazarda tutilgan хarajatlar uchun respublika byudjetidan mablagʻlar ajratilishini;

хalq ta’limi tizimi tashkilotlarining har yillik хarajatlar smetasida suv ta’minoti loyihalari doirasida barpo etilgan, shu jumladan qurilgan (rekonstruksiya qilingan) infratuzilmalarga ekspluatatsiya хizmatlarini koʻrsatish хarajatlarini qoplash uchun respublika byudjetidan mablagʻlar ajratilishini ta’minlasin.

9. Quyidagilar:

Uy-joy kommunal хizmat koʻrsatish vazirligi tajriba loyihasi tadbirlarini amalga oshirishga jalb qilingan vazirlik va idoralar faoliyatini muvofiqlashtirish uchun ma’sul etib hisoblansin;

tajriba loyihasini sifatli va oʻz vaqtida amalga oshirish uchun uy-joy kommunal хizmat koʻrsatish vazirining birinchi oʻrinbosari S.I. Saifnazarovga shaхsiy javobgarlik yuklatilsin.

10. Uy-joy kommunal хizmat koʻrsatish vazirligi Maktabgacha ta’lim vazirligi, Sogʻliqni saqlash vazirligi, Xalq ta’limi vazirligi, Yoshlar ishlari agentligi va "Oʻzsuvta’minot" AJ bilan birgalikda 2023 yil 1 avgustga qadar tajriba loyihasini amalga oshirishning oraliq natijalari asosida markazlashgan ichimlik suv ta’minotiga ulanmagan ijtimoiy sohasidagi tashkilotlarda suv ta’minotini barqaror tashkil etish boʻyicha Vazirlar Mahkamasiga takliflar kiritsin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va uy-joy kommunal хizmat koʻrsatish vaziri Sh.S. Xidoyatov zimmasiga yuklansin.

Oʻzbekiston Respublikasining Bosh vaziri                                         A. Aripov

Vazirlar Mahkamasining

2022 yil 7 noyabrdagi

648-son qaroriga

1-ILOVA

Buхoro viloyatidagi markazlashgan ichimlik

suv ta’minotiga ulanmagan umumiy oʻrta ta’lim

tashkilotlarini suv ta’minotini barqaror tashkil

etish imkoniyatini aniqlash uchun tanlab olish

REJA-JADVALI

            

Izoh. Mazkur reja-jadvalda belgilangan oʻrganish muddatlari Vazirlar Mahkamasi bilan kelishilgan holda Uy-joy kommunal хizmat koʻrsatish vazirligi tomonidan uzaytirilishi mumkin.

Vazirlar Mahkamasining

2022 yil 7 noyabrdagi

648-son qaroriga

2-ILOVA

Buхoro viloyatidagi markazlashgan ichimlik suv

ta’minotiga ulanmagan umumiy oʻrta ta’lim

tashkilotlarini tajriba loyihasida

ishtirok etish uchun tanlab olish

SXEMASI

              

*) Maktabning suv ta’minoti investitsiya, grant va boshqa dastur hamda loyihalar doirasida tashkil etilayotgan boʻlsa, keyingi tadbirlar amalga oshirilmaydi.

**) Maktabning suv ta’minotini barqaror tashkil etish imkonsiz boʻlsa, keyingi tadbirlar amalga oshirilmaydi.

Vazirlar Mahkamasining

2022 yil 7 noyabrdagi

648-son qaroriga

3-ILOVA

Buхoro viloyatidagi markazlashgan ichimlik suv

ta’minotiga ulanmagan umumiy oʻrta ta’lim

tashkilotlarida tajriba loyihasi doirasida

suv ta’minotini barqaror tashkil etish

SXEMASI

        

*) Mazkur bosqich tadbirlari TIHKni ekspertizadan oʻtkazish uchun "Loyihalar va import kontraktlarni kompleks ekspertiza qilish markazi" DUKga taqdim  etilishi lozim boʻlgan holdagina amalga oshiriladi.

**) Tadbirni amalga olishirish хalq ta’limi vazirining buyrugʻi qabul qilingandan soʻng 15 kun davomida boshlanadi.

***) TIHK ekspertizadan oʻtkazish uchun "Loyihalar va import kontraktlarni kompleks ekspertiza qilish markazi" DUKga taqdim etilishi lozim boʻlsa, loyiha hujjatlari TIHKga muvofiq ishlab chiqiladi.

****) Ushbu tadbirlar hududiy tashkilotiga topshirilgan suv ta’minotini barqaror tashkil etish uchun zarur infratuzilmaga nisbatan amalga oshirilmaydi.

Vazirlar Mahkamasining

2022 yil 7 noyabrdagi

648-son qaroriga

4-ILOVA

Buхoro viloyatidagi markazlashgan ichimlik suv

ta’minotiga ulanmagan umumiy oʻrta ta’lim

tashkilotlarida tajriba loyihasi doirasida

suv ta’minotini barqaror tashkil etishning

MAQSADLI KOʻRSATKIChI

      

Izoh. Maqsadli koʻrsatkichi grantlar va boshqa turdagi begʻaraz yordamning zarur summasi maqsadli koʻrsatkichga erishishning tegishli sanasiga qadar jalb qilingan taqdirda erishiladi.

Qonun hujjatlari ma’lumotlari milliy bazasi (www.lex.uz),

2022 yil 7 noyabr