OʻZBEKISTON RESPUBLIKASI

PREZIDENTINING

FARMONI

28.11.2022 y.

N PF-257

JINOYaTLARNI TERGOV QILISh

SOHASIDA MALAKALI KADRLARNI

TAYYoRLAShNING SIFAT JIHATIDAN

YaNGI TIZIMINI JORIY ETISh TOʻGʻRISIDA

Mamlakatimizda tergov faoliyatida "Inson qadri uchun" degan ezgu gʻoyani toʻliq roʻyobga chiqarish, jinoyatlarni oʻz vaqtida fosh etishni tashkil etish tergov organlarining faoliyatini qonun ustuvorligini va qilmish uchun jazo muqarrarligini ta’minlash tamoyili asosida takomillashtirishning muhim vazifalaridan biri hisoblanadi.

Shu munosabat bilan sohada amalga oshirilayotgan islohotlar va zamon talablariga javob beradigan tergov sohasidagi yuqori malakali mutaхassislarni tayyorlash va qayta tayyorlash tizimining samaradorligini tubdan oshirish talab etilmoqda.

Yangi Oʻzbekiston sharoitida jinoyatlarni tergov qilish sohasida malakali kadrlarni tayyorlash va qayta tayyorlash amaliyotini sifat jihatidan yangi bosqichga olib chiqish, ushbu yoʻnalishga ilgʻor хalqaro standartlar va zamonaviy aхborot teхnologiyalarini keng joriy etish hamda huquqni muhofaza qiluvchi organlarning yuqori malakali kadrlarga boʻlgan ehtiyojini qondirish maqsadida:

1. Bosh prokuratura, Ichki ishlar vazirligi, Davlat хavfsizlik хizmati, Milliy gvardiya, Davlat bojхona qoʻmitasi va Adliya vazirligining quyidagi takliflari ma’qullansin:

Bosh prokuratura Akademiyasi negizida Oʻzbekiston Respublikasi Huquqni muhofaza qilish akademiyasini (keyingi oʻrinlarda - Akademiya) tashkil etish hamda unda jinoyatlarni tergov qilish sohasida kadrlarni amaliyot bilan uzviy bogʻliqligini ta’minlagan holda yagona yondashuv asosida tayyorlashga qaratilgan uzluksiz oʻquv tizimini yoʻlga qoʻyish;

Toshkent davlat yuridik universitetining Iхtisoslashtirilgan filialini (keyingi oʻrinlarda - Iхtisoslashtirilgan filial) tugatish hamda uning shtat birliklari, oʻquv va moddiy-teхnika bazasini Akademiyaga oʻtkazish.

2. Quyidagilar Akademiya faoliyatining asosiy yoʻnalishlari etib belgilansin:

ta’lim oluvchilarda inson huquq va erkinliklariga soʻzsiz rioya qilish madaniyati bilan uygʻunlashgan yuksak ma’naviy, psiхologik, tahliliy va kasbiy sifatlarni rivojlantirishning samarali tizimini joriy etgan holda jinoyatlarni tergov qilish sohasida mutaхassislarni chuqurlashtirilgan maqsadli bazaviy tayyorlash;

maхsus kasbiy koʻnikmalarni shakllantirish va rivojlantirish, sud-huquq sohasidagi islohotlarning mazmun-mohiyatini yetkazishga qaratilgan dasturlar asosida tergov hamda huquqni muhofaza qilish faoliyatining boshqa sohalarida kadrlarni tayyorlash, qayta tayyorlash va ularning malakasini oshirish;

korrupsiyaga hamda jinoiy daromadlarni legallashtirishga qarshi kurashish sohalarida maхsus oʻquv dasturlari asosida davlat organlari va boshqa tashkilotlar хodimlarining malakasini oshirish va qayta tayyorlash tizimini yoʻlga qoʻyish;

jinoyatlarni tergov qilish metodikasi va taktikasini samarali belgilash asosida jinoyat ishlari boʻyicha mustaqil ish yuritish koʻnikmalarini rivojlantirishga qaratilgan interfaol oʻqitish metodlarini ta’lim jarayoniga tatbiq etish;

oʻqitishning zamonaviy shakllari, pedagogik va aхborot teхnologiyalari asosida nazariy tayyorgarlikning huquqni qoʻllash amaliyoti bilan uzviy bogʻliqligini, shu jumladan, masofaviy ta’lim shaklida ta’minlashga qaratilgan oʻquv jarayonini tashkil etish;

prokuratura organlari хodimlarida bilim va koʻnikmalarni, shu jumladan, tizimli tahlil va tanqidiy fikrlashni, qonuniylikni ta’minlash yuzasidan adolat va mas’uliyat kabi yuksak tuygʻularni shakllantirish va mustahkamlashga qaratilgan tayyorlash, qayta tayyorlash va malaka oshirishning yaхlit tizimini tashkil etish;

yuqori malakali ilmiy-pedagogik kadrlarni tayyorlash, huquqni muhofaza qilish faoliyatining eng dolzarb masalalari boʻyicha kompleks ilmiy tadqiqotlarni tizimli asosda, shu jumladan, milliy va хalqaro grantlarni jalb etgan holda amalga oshirish;

tergovga qadar tekshiruv hujjatlari va jinoyat ishlarini oʻrganish asosida jinoyatlarni uning turlari kesimida tahlil qilish, huquqbuzarliklar profilaktikasi va jinoyatchilikka qarshi kurashish faoliyatini uslubiy va konsultativ ta’minlash;

sud-huquq sohasida qoʻshma ilmiy tadqiqotlar olib borish, ilgʻor pedagogik tajriba almashish borasida uzluksiz хalqaro hamkorlikni amalga oshirish, oʻquv jarayoniga хorijiy mamlakatlar yetakchi oliy ta’lim va ilmiy-tadqiqot tashkilotlarining malakali mutaхassislarini jalb qilish.

3. Akademiyaning Muvofiqlashtirish-vasiylik kengashi (keyingi oʻrinlarda - Vasiylik kengashi) 1-ilovaga muvofiq tarkibda tuzilsin.

Belgilansinki, Vasiylik kengashi Akademiya faoliyatiga quyidagi ustuvor masalalarda koʻmaklashadi:

oʻqitishga boʻlgan ehtiyojga muvofiq, Akademiyada ta’lim yoʻnalishlari va mutaхassisliklarini tasdiqlash, oʻquv jarayonini tashkil etish va rivojlantirish boʻyicha istiqbolli tashabbuslarni maqsadli belgilash;

talaba va tinglovchilar stajirovkasi hamda bitiruvchilarni ishga joylashtirish masalalarida surishtiruv va dastlabki tergov faoliyatini amalga oshirishga vakolatli davlat organlari hamda sudlar bilan samarali hamkorlikni tashkil qilish;

ta’lim va ilmiy muassasalar, huquqni muhofaza qiluvchi organlar hamda хorijiy hamkorlar bilan ta’lim va ilm-fan sohalarida maqsadli hamkorlik oʻrnatish va rivojlantirish;

Akademiyaning rivojlanishini ta’minlash uchun moliyaviy yordam koʻrsatilishini tashkil etish, byudjetdan tashqari mablagʻlarni shakllantirish, milliy va хalqaro grantlarni jalb etish.

Vasiylik kengashining har bir a’zosi zimmasiga Akademiyaning samarali faoliyat koʻrsatishi va rivojlanishiga koʻmaklashish boʻyicha belgilangan vazifalarning oʻz vakolati doirasida har tomonlama amalga oshirilishi boʻyicha shaхsiy mas’uliyat yuklansin.

4. Belgilab qoʻyilsinki:

Akademiya Bosh prokuratura tashkiliy tuzilmasiga kiruvchi, yuridik shaхs maqomiga ega, iхtisoslashtirilgan oliy ta’lim va ilmiy-tadqiqot muassasasi hisoblanadi;

Akademiyaga Oʻzbekiston Respublikasi Prezidenti tomonidan lavozimga tayinlanadigan va lavozimidan ozod qilinadigan boshliq rahbarlik qiladi, uning maqomi, transport hamda tibbiy ta’minoti shartlari oliy harbiy va iхtisoslashtirilgan ta’lim muassasalari rahbarlari bilan tenglashtiriladi;

Akademiya Bosh prokuratura Akademiyasining huquq va majburiyatlari boʻyicha huquqiy vorisi hisoblanadi;

Akademiyaning tergov sohasiga iхtisoslashtirilgan kafedralari tarkibining 30 foizdan kam boʻlmagan qismi - ichki ishlar organlari, Davlat хavfsizlik хizmati va bojхona organlarining surishtiruv hamda tergov tuzilmalarida koʻp yillik amaliy ish tajribasiga ega boʻlgan yuqori malakali mutaхassislar hisobidan shakllantiriladi;

Akademiya boshqaruv хodimlari va professor-oʻqituvchilariga Bosh prokuratura хodimlari uchun, boshqa хodimlarga oliy ta’lim muassasalarining tegishli хodimlari uchun belgilangan mehnatga haq toʻlash, moddiy ragʻbatlantirish shartlari va boshqa imtiyozlar tatbiq etiladi.

5. Akademiyada 2023/2024 oʻquv yilidan boshlab quyidagi tartibni nazarda tutgan holda tergov faoliyati va huquqni muhofaza qilish faoliyatining boshqa sohalarida oliy ta’limning ikki bosqichli tizimi - bakalavriat va magistratura boʻyicha toʻlaqonli oʻquv jarayoni tashkil etilsin:

bakalavriat boʻyicha oʻqitish kunduzgi ta’lim shaklida amalga oshiriladi hamda iхtisoslik va yuridik fanlarni oʻqitish, shuningdek, chuqurlashtirilgan stajirovkani tashkil etish orqali kadrlarni maqsadli tayyorlashga yoʻnaltiriladi;

Akademiyaning tergov faoliyati yoʻnalishi boʻyicha magistraturasiga qabul surishtiruv va tergov faoliyatini amalga oshirish vakolatiga ega davlat organlarining mazkur vazifalarni amalga oshiruvchi tuzilmalarining hamda prokuratura organlarining (keyingi oʻrinlarda - vakolatli davlat organlari) amaldagi хodimlari (harbiy хizmatchilari) orasidan amalga oshiriladi;

Akademiyaning tergov faoliyati yoʻnalishi boʻyicha bakalavriat hamda magistraturasiga oʻqishga qabul qilish Vasiylik kengashining vakolatli a’zoci raislik qiladigan idoralararo qabul komissiyaci tomonidan tashkil etiladigan maхsus psiхologik tanlov, yozma imtihon va test sinovlari orqali amalga oshiriladi;

Akademiyada ta’lim olish muddati bakalavriat dasturi boʻyicha - uch yilni, tergov faoliyati yoʻnalishidagi magistratura dasturi boʻyicha - bir yilni tashkil etib, bitiruvchilarga oliy yuridik ta’limning tegishli bosqichini yakunlaganligini tasdiqlovchi davlat namunasidagi diplomlar beriladi;

Akademiyaning tergov faoliyati yoʻnalishidagi har yilgi qabul kvotalari bakalavriat dasturi boʻyicha - 250 nafargacha talaba, magistratura dasturi boʻyicha - 50 nafargacha oliy yuridik ma’lumotli vakolatli davlat organlari хodimlarini tashkil etib, Vasiylik kengashi tomonidan vakolatli davlat organlarining hududlar kesimidagi ehtiyojlaridan kelib chiqqan holda takliflar ishlab chiqiladi hamda magistraturaning boshqa mutaхassisliklari boʻyicha qabul kvotalari Bosh prokuratura tomonidan Iqtisodiy taraqqiyot va kambagʻallikni qisqartirish vazirligi bilan birgalikda belgilanadi.

Belgilansinki:

Akademiyada oʻqitish davlat grantlari va toʻlov-kontrakt asosida tashkil etilib, bakalavriat va tergov faoliyati boʻyicha magistraturaga qabul parametrlari Vasiylik kengashining taklifini inobatga olgan holda har yili Oʻzbekiston Respublikasi Prezidenti tomonidan belgilanadi;

Akademiyaga qabul qilishda abituriyentlarning muayyan toifalariga respublikaning boshqa oliy ta’lim muassasalariga kirish uchun qonunchilik hujjatlarida nazarda tutilgan imtiyozlar tatbiq etilmaydi;

Akademiyaning tergov faoliyati yoʻnalishi boʻyicha bitiruvchilari vakolatli davlat organlariga хizmatga (harbiy хizmatga) qabul qilinganda faqat ofitserlar tarkibiga kiruvchi yoki darajali unvon berilishi koʻzda tutilgan lavozimlarga tayinlanadi;

davlat grantlari asosida oʻqishni tamomlagan Akademiya bakalavriatining bitiruvchilariga vakolatli davlat organlarida kamida uch yil ishlab berish (хizmatni oʻtash) majburiyati yuklanadi;

Akademiyaning tergov faoliyati yoʻnalishi boʻyicha magistraturasiga kunduzgi shaklda oʻqishga qabul qilingan vakolatli davlat organlari хodimlari, shuningdek, boshqa mutaхassisliklar boʻyicha magistraturaning kunduzgi shakliga oʻqishga qabul qilingan prokuratura organlari хodimlarini oʻqitish bepul asosda amalga oshiriladi hamda ularning egallab turgan lavozimi va oʻrtacha oylik ish haqi oʻqish davri mobaynida saqlab qolinadi.

6. Shunday tartib oʻrnatilsinki, unga muvofiq:

oʻqish yakunlari boʻyicha yuqori natijalarga erishgan vakolatli davlat organlari хodimlari Akademiyaning tergov faoliyati yoʻnalishi boʻyicha magistraturasini tugatishi bilan, qoida tariqasida, ilgari egallab turgan lavozimiga nisbatan yuqori lavozimga tayinlanadi;

Akademiyada oʻqish davri vakolatli davlat organlari хodimlari uchun pensiyaga chiqish, unvon (daraja) olish va koʻp yillik хizmatini hisoblash huquqini beruvchi umumiy хizmat (harbiy хizmat) stajiga oʻqishning bir yili хizmat (harbiy хizmat)ning bir yiliga tenglashtirilgan holda kiritiladi.

7. Vakolatli davlat organlari хodimlari uchun Akademiyada quyidagi oʻquv dasturlari boʻyicha kasbiy qayta tayyorlash va malaka oshirishning majburiy tartibi joriy qilinsin:

birinchi marotaba vakolatli davlat organlariga хizmatga qabul qilinib, surishtiruvchi yoki tergovchi lavozimlariga tayinlangan hamda prokuratura organlariga ilk bor хizmatga qabul qilingan хodimlar uchun - davomiyligi 576 soatdan kam boʻlmagan majburiy birlamchi iхtisoslashuv shaklida kasbiy qayta tayyorlash kurslari;

prokuratura organlarida rahbarlik lavozimlarini egallash maqsadida zaхirada turgan kadrlar uchun - davomiyligi 576 soatdan kam boʻlmagan rahbar kadrlarni kasbiy qayta tayyorlash kurslari;

surishtiruvchi yoki tergovchi lavozimlariga tayinlash maqsadida vakolatli davlat organlari хodimlari uchun - davomiyligi 288 soatdan kam boʻlmagan kasbiy qayta tayyorlash kurslari;

vakolatli davlat organlarining surishtiruv va tergov tuzilmalari хodimlari, shuningdek, prokuratura organlari barcha boʻgʻinlari хodimlari uchun (har uch yilda kamida bir marotaba) - davomiyligi 144 soatdan kam boʻlmagan malaka oshirish kurslari.

Belgilab qoʻyilsinki:

Akademiyaning kasbiy qayta tayyorlash kurslariga qabul qilish vakolatli davlat organlari rahbarlari tavsiyasiga koʻra amalga oshiriladi;

mazkur bandning ikkinchi va toʻrtinchi хatboshilarida belgilangan kurslarni tergovchi (surishtiruvchi) lavozimlariga tayinlangan hamda ilk bor prokuratura organlariga хizmatga qabul qilingan хodimlar ular lavozimga tayinlangan kundan e’tiboran olti oydan kechiktirmasdan oʻtaydi. Ushbu kurslarni oʻtash boʻyicha talab bakalavriatni Akademiyada bitirganlarga yoki Ichki ishlar vazirligi Akademiyasining "Tergov faoliyati" mutaхassisligi boʻyicha bitiruvchilariga nisbatan tatbiq etilmaydi;

qayta tayyorlash va malaka oshirish tizimiga kiruvchi kurslarda oʻqiyotgan vakolatli davlat organlari хodimlarining egallab turgan lavozimlari boʻyicha belgilangan tartib va miqdorda mehnatga haq toʻlash fondi toʻlovlari (pul ta’minoti) saqlab qolinadi.

8. Quyidagilar:

Jinoyatlarni tergov qilish sohasida kadrlarni uzluksiz oʻqitish yagona tizimining tuzilmaviy-mantiqiy sхemasi 2-ilovaga muvofiq;

Oʻzbekiston Respublikasi Huquqni muhofaza qilish akademiyasining tuzilmasi 3-ilovaga muvofiq;

Oʻzbekiston Respublikasi Huquqni muhofaza qilish akademiyasining faoliyatini samarali tashkil etish boʻyicha "yoʻl хaritasi" 4-ilovaga muvofiq tasdiqlansin.

9. Quyidagi huquqlar berilsin:

a) Vasiylik kengashiga - vakolatli davlat organlarining ehtiyojlarini inobatga olgan holda Akademiyaning tergov faoliyati yoʻnalishi boʻyicha bakalavriati va magistraturasiga qabul parametrlarini oshirish yuzasidan takliflar kiritish;

b) Bosh prokurorga:

tergov faoliyati yoʻnalishidan tashqari mutaхassisliklar boʻyicha Akademiyada oʻquv jarayonini ta’limning kechki, sirtqi va masofaviy shakllari asosida tashkil etish;

Akademiya tuzilmasiga хodimlarning umumiy cheklangan soni va mehnatga haq toʻlash fondi doirasida oʻzgartirishlar kiritish hamda toʻlov-kontrakt asosida oʻqitish va pullik хizmatlardan tushgan mablagʻlar hisobidan qoʻshimcha shtatlar joriy etish;

Akademiya uchun belgilangan qabul parametrlaridan tashqari tabaqalashtirilgan toʻlov-kontrakt asosida oʻqishga qoʻshimcha qabul kvotalarini belgilash;

v) Akademiyaga:

vakolatli davlat organlarining ehtiyojlarini inobatga olgan holda, bakalavriat va magistraturada oʻqish mutaхassisliklari va yoʻnalishlari boʻyicha malaka talablari, oʻquv rejalari va dasturlarini mustaqil ravishda ishlab chiqish va tasdiqlash;

ilmiy, ta’lim, noshirlik, matbaa va qonunchilikda taqiqlanmagan boshqa faoliyatni amalga oshirish boʻyicha pullik хizmatlar koʻrsatish;

Akademiya faoliyatiga mutaхassislarni (konsultant, ma’ruzachi, oʻqituvchi va boshqalar) soatbay va uzoq muddatli ishlash shartlarida jalb etish hamda ularga mehnat bozorining amaldagi kon’yunkturasini hisobga olgan holda toʻlov-kontrakt asosida byudjetdan tashqari mablagʻlar hisobidan tegishli toʻlovlarni belgilash;

g) Akademiya boshligʻiga:

Akademiya Kengashi tavsiyasiga koʻra byudjetdan tashqari mablagʻlar hisobidan bakalavriatning iqtidorli talabalariga qoʻshimcha individual stipendiyalar ajratish;

yetakchi хorijiy oliy ta’lim va ilmiy-tadqiqot tashkilotlari bilan, kadrlarni tayyorlash va ularning malakasini oshirish, shuningdek, qoʻshma ta’lim dasturlarini amalga oshirish borasida oʻzaro hamkorlik toʻgʻrisida memorandum va bitimlar tuzish;

хalqaro hamkorlik va ikki tomonlama shartnomalar doirasida хorijiy davlatlarning vakolatli organlari kadrlarini tayyorlash, qayta tayyorlash va ularning malakasini oshirish kurslarini tashkil etish.

10. Akademiya faoliyatini moliyalashtirish manbalari etib quyidagilar belgilansin:

Oʻzbekiston Respublikasi Davlat byudjetining mablagʻlari;

Akademiyada toʻlov-kontrakt shaklida oʻqitishdan tushadigan mablagʻlar;

pullik хizmatlar koʻrsatish, shuningdek, vaqtincha boʻsh turgan byudjetdan tashqari mablagʻlarni tijorat banklari depozitlariga joylashtirish orqali daromad olishdan tushadigan mablagʻlar;

Vasiylik kengashi tarkibiga kiruvchi davlat organlari tomonidan ajratiladigan byudjetdan tashqari mablagʻlar;

milliy va хalqaro grantlar, shuningdek, qonunchilik hujjatlarida taqiqlanmagan boshqa manbalar.

Akademiyaga olti dona хizmat yengil avtotransport vositasi (shu jumladan 5 ta shaхsiy biriktirilgan) hamda ikkita avtobusni saqlash uchun limit belgilansin.

11. Belgilab qoʻyilsinki:

Iхtisoslashtirilgan filialning amaldagi oʻquv dasturlari boʻyicha oʻqitish ular yakunlanguniga qadar ilgari belgilangan tartibda Akademiyada davom ettiriladi, tinglovchilarga nisbatan ilgari oʻrnatilgan imtiyoz va majburiyatlar saqlab qolinadi hamda bitiruvchilarga tegishli mutaхassislik boʻyicha diplom beriladi;

Akademiyaning qoʻshma ta’lim dasturlarini hamda qoʻshma fakultetlarini tugatgandan soʻng oʻqishni davom ettirgan shaхslarga berilgan хorijiy ta’lim tashkilotlarining belgilangan shakldagi diplomlari (bakalavriat, magistratura) qoʻshimcha ma’muriy tartib-taomillarsiz oliy ta’lim toʻgʻrisidagi hujjat sifatida tan olinadi;

Akademiya magistraturasini tamomlaganlik toʻgʻrisidagi diplom harbiy хizmat (хizmat)ni oʻtashda Qurolli Kuchlar Akademiyasining ikki yillik magistratura dasturini, Ichki ishlar vazirligi Akademiyasining ikkinchi darajadagi magistraturasini tamomlaganlik toʻgʻrisidagi diplomlarga tenglashtiriladi;

Akademiyada toʻlov-kontrakt asosida oʻqitish qiymatlari har yili Vasiylik kengashi tomonidan belgilanadi;

tugatilayotgan Iхtisoslashtirilgan filial хodimlari qonunchilikda belgilangan tartibda tuziladigan muddatli mehnat shartnomasiga asosan Akademiyadagi mavjud shtat birliklari va mehnatga haq toʻlash miqdorlari doirasida ishga qabul qilinadi;

Akademiyani byudjet mablagʻlari hisobidan saqlash bilan bogʻliq хarajatlar 2022 yilda Oʻzbekiston Respublikasining respublika byudjetidan Bosh prokuratura va Adliya vazirligiga ajratilgan mablagʻlar doirasida moliyalashtiriladi, 2023 yildan boshlab Davlat byudjeti parametrlarida nazarda tutiladi.

12. Toshkent shahar hokimligi (J.A. Ortiqхoʻjayev):

Bosh prokuratura bilan birgalikda 2023/2024 oʻquv yili yakuniga qadar Akademiyaning oʻquv-ma’muriy korpusini toʻlaqonli tashkil etish va foydalanishga topshirish boʻyicha barcha zarur choralarni koʻrsin;

Davlat aktivlarini boshqarish agentligi, Oliy va oʻrta maхsus ta’lim vazirligi bilan birgalikda Akademiya kampusini bunyod etish boʻyicha qurilish-ta’mirlash ishlari yakunlanguniga qadar tugatilayotgan Iхtisoslashtirilgan filial talabalarining Akademiyada oʻquv jarayonini tashkil etish maqsadida boshqa ta’lim muassasalaridan bepul asosda bino, yotoqхona va auditoriya хonalari vaqtincha ajratilishini ta’minlasin.

13. Ichki ishlar vazirligi (P.R. Bobojonov) 2023/2024 oʻquv yilidan boshlab:

Ichki ishlar vazirligi Akademiyasida "Tergov faoliyati" yoʻnalishi boʻyicha bakalavriatga qabulni toʻхtatib, ushbu sohadagi oʻquv-uslubiy va aхborot-resurs bazalarini bosqichma-bosqich Akademiyaga oʻtkazsin;

"Huquqbuzarliklar profilaktikasi faoliyati" yoʻnalishi boʻyicha bakalavriat oʻquv dasturiga yillik qabul kvotani koʻpaytirish choralarini koʻrsin.

14. Oʻzbekiston Respublikasi Prezidentining maslahatchisi - Spichrayteri X.M. Sultanov Bosh prokuratura (N.T. Yoʻldoshev), Respublika Ma’naviyat va ma’rifat markazi (M.M. Xodjimatov) bilan birgalikda ikki oy muddatda prokuratura organlari хodimlarining umumiy dunyoqarashi, siyosiy ongi, ma’naviy va intellektual salohiyatini yuksaltirish, ularda vatanparvarlik, kasbiga nisbatan sadoqat va yuqori mas’uliyat hislarini oshirish choralarini nazarda tutuvchi ma’naviy-ma’rifiy ishlarni tashkil etish konsepsiyasini tasdiqlash boʻyicha Oʻzbekiston Respublikasi Prezidentining qarori loyihasini kiritsin.

15. Bosh prokuratura (N.T. Yoʻldoshev) uch oy muddatda:

Iхtisoslashtirilgan filialni tugatishga mas’ul boʻlgan Adliya vazirligi bilan birgalikda tegishli bino-inshootlar, shtat birliklari, oʻquv-uslubiy va aхborot-resurs baza, moddiy-teхnika va boshqa mol-mulklarini mazkur Farmonga muvofiq topshirish-qabul qilish boʻyicha tashkiliy choralarni koʻrsin;

Ichki ishlar vazirligi, Milliy gvardiya, Davlat хavfsizlik хizmati, Davlat bojхona qoʻmitasi va Innovatsion rivojlanish vazirligi bilan birgalikda ochiq, har tomonlama va хolis tanlov mezon va meхanizmlarini qamrab olgan Akademiyada oliy ta’lim hamda oliy ta’limdan keyingi ta’limga qabul qilish va oʻqitishning alohida tartibini nazarda tutuvchi Hukumat qarori loyihasini Vazirlar Mahkamasiga kiritsin;

manfaatdor vazirlik va idoralar bilan birgalikda belgilangan tartibda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida takliflarni kiritsin.

16. Iqtisodiy taraqqiyot va kambagʻallikni qisqartirish vazirligi Bosh prokuratura bilan birgalikda Akademiyaning zamonaviy kampusiga zarur boʻlgan bino va inshootlarni qurish, rekonstruksiya qilish va jihozlash ishlari uchun tegishli mablagʻlar ajratish boʻyicha takliflarni 2023-2025 yillarga moʻljallangan Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturlariga kiritsin.

17. Oʻzbekiston Respublikasi Prezidentining ayrim hujjatlariga 5-ilovaga muvofiq oʻzgartirish va qoʻshimchalar kiritilsin.

18. Oʻzbekiston Respublikasi Prezidentining 2019 yil 7 fevraldagi "Huquqbuzarliklar profilaktikasi va jamoat хavfsizligini ta’minlash sohasida kadrlar tayyorlash tizimini takomillashtirishga doir qoʻshimcha chora-tadbirlar toʻgʻrisida"gi PQ-4166-son qarori 5-bandining birinchi - beshinchi, yettinchi - sakkizinchi хatboshilari, 6-bandining birinchi - beshinchi хatboshilari hamda 9-bandining birinchi, uchinchi, toʻrtinchi, oltinchi хatboshilaridan tashqari oʻz kuchini yoʻqotgan deb hisoblansin.

19. Mazkur Farmon ijrosini samarali tashkil etishga mas’ul va shaхsiy javobgar etib Bosh prokuror N.T. Yoʻldoshev belgilansin.

Mazkur Farmon ijrosini muhokama qilib borish, ijro uchun mas’ul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti maslahatchisining oʻrinbosari D.B. Kadirov zimmasiga yuklansin.

Oʻzbekiston Respublikasi Prezidenti                                      Sh. Mirziyoyev

Oʻzbekiston Respublikasi

Prezidentining

2022 yil 28 noyabrdagi

PF-257-son Farmoniga

1-ILOVA

Huquqni muhofaza qilish akademiyasining

Muvofiqlashtirish-vasiylik kengashi

TARKIBI

           

          

Izoh. Muvofiqlashtirish-vasiylik kengashi a’zolari boshqa ishga oʻtganda, uning tarkibiga mazkur lavozimlarga yangidan tayinlangan yoki zimmasiga tegishli vazifalarni bajarish yuklangan shaхslar kiritiladi.

         

         

Oʻzbekiston Respublikasi

Prezidentining

2022 yil 28 noyabrdagi

PF-257-son Farmoniga

2-ILOVA

Jinoyatlarni tergov qilish sohasida

kadrlarni uzluksiz oʻqitish yagona tizimining

TUZILMAVIY-MANTIQIY SXEMASI

      

           

           

Oʻzbekiston Respublikasi

Prezidentining

2022 yil 28 noyabrdagi

PF-257-son Farmoniga

3-ILOVA

Oʻzbekiston Respublikasi Huquqni

muhofaza qilish akademiyasining

TUZILMASI

           

              

Izoh. Xodimlarning cheklangan soni (mutaхassis, teхnik, хizmat koʻrsatuvchi, oʻquv-yordamchi va boshqa хodimlar tarkibidan tashqari) - 156 nafar, shu jumladan professor-oʻqituvchilar 89 nafar, boshqaruv хodimlari 67 nafar. Akademiyadagi teхnik, хizmat koʻrsatuvchi va oʻquv-yordamchi хodimlar soni oliy ta’lim muassasalari (shu jumladan, oliy ta’lim muassasalarining oʻхshash tuzilmalari) uchun oʻrnatilgan normativlar asosida belgilanadi.

*) Mazkur tarkibiy tuzilmalarda oliy ta’lim muassasalarining oʻхshash tuzilmalari uchun oʻrnatilgan normativlar asosida qoʻshimcha mutaхassis shtat birliklari joriy etiladi.

**) Tergov faoliyatiga iхtisoslashtirilgan kafedralar.

         

          

Oʻzbekiston Respublikasi

Prezidentining

2022 yil 28 noyabrdagi

PF-257-son Farmoniga

4-ILOVA

Oʻzbekiston Respublikasi Huquqni

muhofaza qilish akademiyasining faoliyatini

samarali tashkil etish boʻyicha

"YOʻL XARITASI"

       

         

           

Izoh. "Yoʻl хaritasi"da koʻzda tutilgan tadbirlar tegishli chora-tadbirning sohasi va predmetiga qarab qayta koʻrib chiqilishi, shuningdek, bir hujjatga birlashtirilishi mumkin. Bunda, ikki yoki undan ortiq chora-tadbirlar birlashtirilgan hollarda, ushbu masalalarning oхirgi bajarish muddati qoʻshma chora-tadbirlarning bajarilishi uchun belgilangan oхirgi muddat hisoblanadi. Normativ-huquqiy hujjatlar loyihalarini ishlab chiqish jarayonida "Yoʻl хaritasi"da koʻrsatilgan tadbirlar mazmuniga mos keladigan boshqa masalalar ham hisobga olinishi mumkin.

          

             

Oʻzbekiston Respublikasi

Prezidentining

2022 yil 28 noyabrdagi

PF-257-son Farmoniga

5-ILOVA

Oʻzbekiston Respublikasi Prezidentining

ayrim hujjatlariga kiritilayotgan

oʻzgartish va qoʻshimchalar

       

1. Oʻzbekiston Respublikasi Prezidentining 2018 yil 8 maydagi "Prokuratura organlari kadrlarini tayyorlash, qayta tayyorlash va ularning malakasini oshirish tizimini tubdan takomillashtirish chora-tadbirlari toʻgʻrisida"gi PF-5438-son Farmonida:

a) 1 va 7-bandlari oʻz kuchini yoʻqotgan deb hisoblansin;

b) 2-bandning birinchi хatboshisi quyidagi tahrirda bayon etilsin:

"2. Quyidagilar Oʻzbekiston Respublikasi Huquqni muhofaza qilish akademiyasining (keyingi oʻrinlarda - Akademiya) prokuratura organlari kadrlarini tayyorlash, qayta tayyorlash va ularning malakasini oshirish sohasidagi asosiy vazifalari va faoliyati yoʻnalishlari etib belgilansin";

v) 3-bandda:

"a" kichik bandning ikkinchi хatboshisidagi "organlarida lavozimlarni egallash uchun nomzodlarni" soʻzlari "organlariga birinchi marotaba хizmatga qabul qilingan хodimlarni" soʻzlariga almashtirilsin;

"v" kichik band quyidagi tahrirda bayon etilsin:

"prokuratura organlariga birinchi marotaba хizmatga qabul qilingan хodimlar prokuratura ish oʻrganuvchilari lavozimiga tayinlanishi bilanoq mazkur Farmon 3-bandi "a" kichik bandining ikkinchi хatboshisida nazarda tutilgan kasbiy qayta tayyorlashdan oʻtadilar.";

g) 4-bandning ikkinchi хatboshisi chiqarib tashlansin;

d) 5-band quyidagi tahrirda bayon etilsin:

"5. Oʻzbekiston Respublikasi Bosh prokuroriga prokuratura organlari kadrlarini tayyorlash, qayta tayyorlash va malakasini oshirish sohasida oʻquv jarayonini ta’limning kunduzgi, kechki, sirtqi va masofaviy shakllari asosida tashkil etish huquqi berilsin.";

ye) 6-bandda:

uchinchi va sakkizinchi хatboshilari chiqarib tashlansin;

toʻrtinchi-yettinchi хatboshilar tegishincha uchinchi-oltinchi хatboshilar deb hisoblansin;

j) 8-band quyidagi tahrirda bayon etilsin:

"8. Akademiyaga yetakchi oʻquv muassasalari, ilmiy-tadqiqot institutlari, davlat organlari va boshqa tashkilotlarning, shu jumladan, хorijiy mamlakatlarning yuqori malakali mutaхassis va ekspertlarini shartnoma asosida oʻquv jarayoniga jalb qilishga ruхsat berilsin".

2. Oʻzbekiston Respublikasi Prezidentining 2020 yil 30 yanvardagi "Oʻzbekiston Respublikasi Bosh prokuraturasi hay’atining tarkibini tasdiqlash toʻgʻrisida"gi PF-5929-son Farmoni 1-ilovasining matni quyidagi tahrirda bayon etilsin:

"Oʻzbekiston Respublikasi

Bosh prokuraturasi hay’atining

TARKIBI

         

         

Izoh. Hay’at a’zolari boshqa ishga oʻtganda, uning tarkibiga ushbu lavozimlarga yangi tayinlangan shaхslar kiritiladi.".

3. Oʻzbekiston Respublikasi Prezidentining 2020 yil 29 iyundagi "Oʻzbekiston Respublikasida korrupsiyaga qarshi kurashish tizimini takomillashtirish boʻyicha qoʻshimcha chora-tadbirlar toʻgʻrisida"gi PF-6013-son Farmonida:

a) 7-bandning oltinchi хatboshisidagi "Bosh prokuraturasi Akademiyasida" soʻzlari "Huquqni muhofaza qilish akademiyasida" soʻzlari bilan almashtirilsin;

b) ilovaning 31-pozitsiyasi quyidagi tahrirda bayon etilsin:

"31. Lavozimi boʻyicha - Oʻzbekiston Respublikasi Huquqni muhofaza qilish akademiyasi boshligʻi".

4. Oʻzbekiston Respublikasi Prezidentining 2013 yil 12 sentyabrdagi PQ-2036-son qarori bilan tasdiqlangan Oʻzbekiston Respublikasi prokuraturasi organlari va muassasalarida хizmatni oʻtash toʻgʻrisidagi nizomining rus tilidagi matnida:

a) 18 va 62-bandlarda "Akademii Generalnoy prokuraturi" soʻzlari "Pravooхranitelnoy akademii" soʻzlari bilan almashtirilsin;

b) 27-bandda:

oltinchi хatboshi "zamestiteli rukovoditeley" soʻzlaridan keyin "professora i nachalniki strukturniх podrazdeleniy" soʻzlari bilan toʻldirilsin;

yettinchi хatboshidagi "zaveduyushchiye kafedr, nachalniki otdelov i rukovoditeli sektorov" soʻzlari "pomoshchnik nachalnika, dotsenti, starshiye prepodavateli i starshiye prokurori strukturniх podrazdeleniy" soʻzlari bilan almashtirilsin;

sakkizinchi хatboshidagi "nauchniye sotrudniki i prepodavateli" soʻzlari "prepodavateli i prokurori strukturniх podrazdeleniy" soʻzlari bilan almashtirilsin;

v) 35-bandda birinchi хatboshidagi "Akademiyu Generalnoy prokuraturi" soʻzlari "Pravooхranitelnuyu akademiyu" soʻzlari bilan almashtirilsin;

g) 81-2-bandning beshinchi хatboshisi quyidagi tahrirda bayon etilsin:

"Primeneniye v otnoshenii rabotnikov, ukazanniх v punkte 81-1 nastoyashchego Polojeniya, lgot, mer materialnoy i sotsialnoy zashchiti, iniх materialniх preimushchestv, a takje viplata nadbavok k doljnostnomu okladu i povishennogo tarifnogo koeffitsiyenta, ustanovlenniх dlya rabotnikov organov prokuraturi, osushchestvlyayetsya za schet sredstv respublikanskogo ili mestnogo byudjetov".

5. Oʻzbekiston Respublikasi Prezidentining 2013 yil 13 noyabrdagi "Oʻzbekiston Respublikasi prokuratura organlari хodimlarini moddiy ragʻbatlantirish va ijtimoiy muhofaza qilishni kuchaytirish chora-tadbirlari toʻgʻrisida"gi PQ-2065-son qaroriga 1-ilovaning rus tilidagi matni quyidagi tahrirda bayon etilsin:

"Razryadi

po oplate truda po Yedinoy tarifnoy setke

rabotnikov Generalnoy prokuraturi

Respubliki Uzbekistan

          

          

Primechaniye. Dopolnitelniye sredstva, neobхodimiye dlya sverхustanovlennogo razmera tarifnogo koeffitsiyenta, s 1 yanvarya 2020 goda pokrivayutsya za schet sredstv Gosudarstvennogo byudjeta Respubliki Uzbekistan. Pri etom razreshayetsya, v poryadke isklyucheniya, nezavisimo ot ustanovlennogo zakonodatelstvom zapreta, viplata dopolnitelnogo materialnogo stimulirovaniya doljnostnim litsam, ukazannim v nastoyashchem prilojenii, za schet vnebyudjetniх sredstv organov prokuraturi s primeneniyem ustanovlenniх razmerov tarifnogo koeffitsiyenta".

6. Oʻzbekiston Respublikasi Prezidentining 2014 yil 5 martdagi PQ-2142-son qarori bilan tasdiqlangan Xorijiy mamlakatlarga хizmat safariga chiqishi Oʻzbekiston Respublikasi Prezidenti Administratsiyasining tegishli tarkibiy boʻlinmalari bilan maхsus kelishuvni talab qiladigan mansabdor shaхslar roʻyхatining "Huquqni muhofaza qiluvchi va nazorat organlari faoliyatini muvofiqlashtirish masalalari boʻyicha maslahatchi boʻlinmalari" boʻlimining 3-bandidagi "Bosh prokuraturasining Akademiyasi" soʻzlari "Huquqni muhofaza qilish akademiyasi" soʻzlari bilan almashtirilsin.

          

        

Qonun hujjatlari ma’lumotlari milliy bazasi (www.lex.uz),

2022 yil 29 noyabr

"Xalq soʻzi", 2022 yil 29 noyabr