Sogʻliqni saqlash vazirligining 30.12.2022 y. 30-son, Bandlik va mehnat munosabatlari vazirligining 21.12.2022 y. 35-2022/qq-son, Moliya vazirligining 29.12.2022 y. 71-son "Tibbiyot muassasalarini moddiy ragʻbatlantirish va rivojlantirish jamgʻarmasi toʻgʻrisidagi nizomni tasdiqlash haqida"gi Qarori (AV tomonidan 16.01.2023 y. 3416-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
16.01.2023 y.
N 3416
OʻZBEKISTON RESPUBLIKASI SOGʻLIQNI SAQLASh VAZIRLIGINING 30.12.2022 y. N 30 |
OʻZBEKISTON RESPUBLIKASI BANDLIK VA MEHNAT MUNOSABATLARI VAZIRLIGINING 21.12.2022 y. N 35-2022/qq |
OʻZBEKISTON RESPUBLIKASI MOLIYa VAZIRLIGINING 29.12.2022 y. N 71 |
QARORI
Tibbiyot muassasalarini moddiy ragʻbatlantirish
va rivojlantirish jamgʻarmasi toʻgʻrisidagi
nizomni tasdiqlash haqida
Oʻzbekiston Respublikasi Prezidentining 2022 yil 17 maydagi PF-136-son "Tibbiyot muassasalari хodimlarini moddiy qoʻllab-quvvatlash hamda ragʻbatlantirishni kuchaytirish chora-tadbirlari toʻgʻrisida" Farmoni va Oʻzbekiston Respublikasi Vazirlar Mahkamasining 2005 yil 21 dekabrdagi 276-son "Tibbiyot хodimlari mehnatiga haq toʻlashning takomillashtirilgan tizimini tasdiqlash toʻgʻrisida"gi qaroriga muvofiq Oʻzbekiston Respublikasi Sogʻliqni saqlash vazirligi, Bandlik va mehnat munosabatlari vazirligi hamda Moliya vazirligi QAROR QILADI:
1. Tibbiyot muassasalarini moddiy ragʻbatlantirish va rivojlantirish jamgʻarmasi toʻgʻrisidagi nizom ilovaga muvofiq tasdiqlansin.
2. Quyidagilar oʻz kuchini yoʻqotgan deb topilsin:
Oʻzbekiston Respublikasi Sogʻliqni saqlash vazirligi, Mehnat va aholini ijtimoiy muhofaza qilish vazirligi hamda Moliya vazirligining 2005 yil 31 dekabrdagi 06-3/436-son, 5083-son va 107-son "Tibbiyot muassasalarini moddiy ragʻbatlantirish va rivojlantirish jamgʻarmasi toʻgʻrisidagi nizomni tasdiqlash haqida"gi qarori (roʻyхat raqami 1537, 2006 yil 14 yanvar) (Oʻzbekiston Respublikasi qonun hujjatlari toʻplami, 2006 yil, 3-son, 15-modda);
Oʻzbekiston Respublikasi Sogʻliqni saqlash vazirligi, Bandlik va mehnat munosabatlari vazirligi va Moliya vazirligining 2017 yil 25 oktyabrdagi 17, 31-k/k, 147-son "Tibbiyot muassasalarini moddiy ragʻbatlantirish va rivojlantirish Jamgʻarmasi toʻgʻrisidagi Nizomga oʻzgartirish va qoʻshimcha kiritish haqida"gi qarori (roʻyхat raqami 1537-1, 2017 yil 10 noyabr) (Qonun hujjatlari ma’lumotlari milliy bazasi, 13.11.2017 y., 10/17/1537-1/0240-son).
3. Mazkur qaror rasmiy e’lon qilingan kundan e’tiboran kuchga kiradi.
Sogʻliqni saqlash vaziri
|
B. Musayev |
Bandlik va mehnat munosabatlari vaziri
|
N. Xusanov |
Moliya vaziri |
T. Ishmetov |
Qonun hujjatlari ma’lumotlari milliy bazasi (www.lex.uz),
2023 yil 17 yanvar