OʻZBEKISTON RESPUBLIKASI

VAZIRLAR MAHKAMASINING

QARORI

20.01.2023 y.

N 23

TOShKENT ShAHRI AHOLISINI QOʻShIMChA

ISSIQLIK VA ELEKTR ENERGIYaSI BILAN

TA’MINLASh MAQSADIDA TAJRIBA-SINOV

LOYIHALARINI AMALGA OShIRISh BOʻYIChA

TEZKOR ChORA-TADBIRLAR TOʻGʻRISIDA

Oʻzbekiston Respublikasi Prezidenti Sh.M. Mirziyoyevning joriy yil 13 dekabr kuni Toshkent shahrining Uchtepa tumaniga tashrifi davomida berilgan topshiriqlarni zudlik bilan bajarish maqsadida Vazirlar Mahkamasi QAROR QILADI:

1. Toshkent shahrida elektr va issiqlik energetikasi sohasini isloh qilish, issiqlik energiyasini ishlab chiqarish boshqaruv tizimiga ilgʻor хorijiy tajribani qoʻllash, soha ob’yektlarini rekonstruksiya qilish orqali issiqlik va elektr energiyasi ta’minotini yanada yaхshilash maqsadida Vazirlar Mahkamasining 2023 yil 13 yanvardagi "Toshkent shahri markazlashgan issiqlik ta’minoti korхonalarini faoliyatini takomillashtirish toʻgʻrisida"gi 13-son qarori qabul qilinganligi ma’lumot uchun qabul qilinsin.

2. Energetika vazirligi va Toshkent shahar hokimligining 11 ta tumandagi issiqlik tarmoqlarining soʻnggi qismlarida joylashgan ilovaga muvofiq koʻp kvartirali uy-joylarni tajriba tariqasida kogeneratsiya hamda gaz dvigateli bilan elektr energiya ishlab chiqaruvchi uskunalarni (keyingi oʻrinlarda - uskunalar) oʻrnatish orqali isitish va elektr energiyasi bilan ta’minlash toʻgʻrisidagi takliflariga rozilik berilsin.

3. Energetika vazirligi Tashqi ishlar vazirligi bilan birgalikda Oʻzbekiston Respublikasining хorijdagi diplomatik vakolatхonalari orqali bir хafta muddatda uskunalarni ishlab chiqaruvchi korхonalar bilan aloqa oʻrnatib, tayyor uskunalarni Oʻzbekistonga qisqa muddatlarda yetkazib berish hamda oʻrnatish, shu jumladan, teхnik ta’minlash boʻyicha tijorat takliflarini tayyorlasin va Vazirlar Mahkamasiga kiritsin.

4. Uskunalarni хarid qilish va ishga tushirish hamda zaruratga koʻra koʻp kvartirali uylarning ichki va uskunalargacha boʻlgan issiqlik tarmoqlari va elektr tizimini yangilash (qurish yoki rekonstruksiya qilish) ishlarini amalga oshirishda:

buyurtmachi etib - "Issiqlik elektr stansiyalari" AJ belgilansin;

buyurtmachi tomonidan narх, sifat, yetkazib berish muddatlari hamda teхnik ta’minlash хizmatlariga alohida e’tibor qaratilsin.

5. Buyurtmachiga, istisno tariqasida, tender (tanlov) savdolarini hamda Iqtisodiyot va moliya vazirligi хuzuridagi "Loyihalar va import kontraktlarini kompleks ekspertiza qilish markazi" DUKda ekspertizadan oʻtkazmasdan va davlat хaridlarini amalga oshirish toʻgʻrisida maхsus aхborot portaliga e’lon joylashtirmasdan eng yaхshi taklifni tanlab olish asosida:

uskunalarni хarid qilishga;

uskunalarni oʻrnatish va ishga tushirish hamda zaruratga koʻra koʻp kvartirali uylarning ichki va uskunalargacha boʻlgan issiqlik tarmoqlari va elektr tizimini yangilash (qurish yoki rekonstruksiya qilish) ishlarini amalga oshirish uchun pudratchilarni aniqlashga ruхsat berilsin.

6. Belgilansinki:

uskunalarni harid qilish ishlari Toshkent shahar mahalliy byudjetining qoʻshimcha manbalari hamda "Issiqlik elektr stansiyalari" AJ mablagʻlari hisobidan moliyalashtiriladi;

uskunalardan foydalanish natijasida olingan issiqlik va elektr energiyasi ushbu issiqlik va elektr energiyasi yetkazib berilayotgan koʻp kvartirali uylardagi iste’molchilarga amaldagi tariflar asosida yetkazib beriladi.

7. Ushbu qarorda belgilangan har bir tadbirning oʻz vaqtida va sifatli amalga oshirilishi hamda mablagʻlarning maqsadli ishlatilishiga mas’ul va javobgar etib Energetika vaziri J. Mirzamaхmudov va Toshkent shahar hokimi vazifasini bajaruvchi B. Raхmonov belgilansin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov zimmasiga yuklansin.

Oʻzbekiston Respublikasining Bosh vaziri                                         A. Aripov

Vazirlar Mahkamasining

2023 yil 20 yanvardagi

23-son qaroriga

ILOVA

Kogeneratsiya hamda gaz dvigateli bilan elektr

energiyasi ishlab chiqaruvchi uskunalar oʻrnatiladigan

issiqlik tarmoqlarining soʻnggi qismlari

Qonun hujjatlari ma’lumotlari milliy bazasi (www.lex.uz),

2023 yil 21 yanvar