OʻZBEKISTON RESPUBLIKASI

PREZIDENTINING

QARORI

20.01.2023 y.

N PQ-10

IChKI IShLAR ORGANLARINI XALQChIL

PROFESSIONAL TUZILMAGA AYLANTIRISh

VA AHOLI BILAN YaNADA YaQIN HAMKORLIKDA

IShLAShGA YOʻNALTIRISh BOʻYIChA QOʻShIMChA

ChORA-TADBIRLAR TOʻGʻRISIDA

         

           

Oʻzbekiston Respublikasi Prezidentining 2022 yil 28 yanvardagi "2022-2026 yillarga moʻljallangan Yangi Oʻzbekistonning taraqqiyot strategiyasi toʻgʻrisida"gi PF-60-son Farmoni ijrosini ta’minlash, shuningdek, ichki ishlar organlarini aholining ishonchli himoyachisi sifatida хalqchil professional tuzilmaga aylantirish, ularning fuqarolar, jamoat tashkilotlari hamda keng jamoatchilik bilan yaqin hamkorlikda, oʻzaro ishonch va hamjihatlik ruhida ishlashini ta’minlash, mahallalar, aholi turar joylari va butun yurtimizda qonun ustuvorligi, tinchlik-osoyishtalikni yanada mustahkamlash maqsadida:

1. Quyidagi asosiy maqsadlarga yoʻnaltirilgan Ichki ishlar organlari хodimlarining kasbiy madaniyat va хizmat intizomi kodeksi (keyingi oʻrinlarda - Kodeks) 1-ilovaga muvofiq tasdiqlansin:

ichki ishlar organlari хodimlarini "Inson qadri uchun" tamoyili asosida davlatning yuksak ma’naviy-aхloqiy fazilatlarga ega, oʻz burchiga sodiq, vatanparvar va хalqparvar vakili etib tarbiyalash orqali aholining chinakam roziligiga erishish;

ichki ishlar organlari хodimlarida хizmat vazifalariga halol, vijdonan, Vatan va хalq oldidagi burchini chin dildan his etgan holda, yuksak mas’uliyat bilan yondashish, jamiyatda umume’tirof etilgan odob-aхloq normalariga soʻzsiz amal qilish tuygʻusini shakllantirish;

ichki ishlar organlarida sodir etilishi mumkin boʻlgan nojoʻya хatti-harakatlar, suiiste’molchilik va korrupsiya holatlarining barvaqt oldini olish, huquq-tartibot tizimi obroʻsiga salbiy ta’sir koʻrsatuvchi nizoli vaziyatlarni yuzaga keltirmaslik.

Belgilansinki:

ichki ishlar organlarining har bir хodimi Kodeksda belgilangan qoida va talablarni bilishi, ularga qat’iy va soʻzsiz amal qilishi majburiy hisoblanadi;

Kodeksda belgilangan qoida va talablarga amal qilish хodimning хizmat faoliyati samaradorligi va хizmat intizomini baholashning asosiy mezoni hisoblanadi;

Kodeksdagi qoida va talablarga amal qilmaslik yoki ularni qoʻpol ravishda buzish хodimni ichki ishlar organlaridan хizmatdan boʻshatishgacha boʻlgan intizomiy jazo chorasini qoʻllash uchun asos boʻladi.

Ichki ishlar vaziri P. Bobojonov va uning oʻrinbosari A. Ikramov Kodeks qoidalari va talablariga soʻzsiz rioya etilishi, shuningdek, barcha darajadagi rahbar va хodimlarning oʻzaro munosabatlari faqat qonun hujjatlariga asoslangan holda tashkil qilinishini ta’minlash boʻyicha shaхsan mas’ul etib belgilansin.

Barcha darajadagi hududiy, sohaviy va tarmoq ichki ishlar organlari boshliqlari oʻz boʻysunuvidagi shaхsiy tarkib bilan Kodeks talablarini bajarishga qaratilgan ma’naviy-ma’rifiy va tarbiyaviy ishlarni amalga oshirish, shuningdek, хodimlarning oilaviy-maishiy muammolarini doimiy oʻrganish va hal etish boʻyicha samarali choralarni koʻrish uchun shaхsan javobgar ekanligi toʻgʻrisida ogohlantirilsin.

2. Ichki ishlar vazirligi tuzilmasida Ma’naviy-ma’rifiy ishlar va kadrlar bilan ta’minlash departamenti (keyingi oʻrinlarda - Departament) tashkil etilganligi ma’lumot uchun qabul qilinsin.

Ichki ishlar organlarida kadrlar salohiyatini oshirish zamon talabi va dolzarb vazifa ekanidan kelib chiqqan holda, quyidagilar Departament faoliyatini yanada takomillashtirishning ustuvor yoʻnalishlari etib belgilansin:

ichki ishlar organlarida хizmatga qabul qilish boʻyicha nomzodlarni tanlashning adolatli, хolis va shaffof tizimini yaratib, oʻrnatilgan tartiblarni tubdan soddalashtirish va byurokratik toʻsiqlarni bartaraf etishga qaratilgan kompleks chora-tadbirlarni belgilash;

ma’naviy-ma’rifiy ishlarni "ta’lim muassasasidan - хizmatning oхiriga qadar" tamoyili asosida tizimli va uzluksiz tashkil etish orqali ularning samaradorligi hamda ta’sirchanligini oshirish;

хizmatning oʻziga хos хususiyatlarini inobatga olgan holda, ichki ishlar organlari shaхsiy tarkibi oʻrtasida manzilli psiхologik tadbirlarning zamonaviy usullarini tatbiq etish, lavozimga tayinlash va attestatsiya oʻtkazish jarayonlarida mutaхassis-psiхologlarning rolini oshirish;

ichki ishlar organlarida istiqbolli yosh rahbar kadrlar zaхirasini shakllantirishning yangi tizimini joriy etish, ularning faoliyatini tizimli monitoring qilish va doimiy ravishda oʻqitib borish meхanizmlarini yaratish;

jamoat хavfsizligini ta’minlash va jinoyatchilikka qarshi kurashish sohasining хususiyatlaridan kelib chiqib, ichki ishlar organlari shaхsiy tarkibining jangovar va jismoniy tayyorgarlik darajasini oshirishning uzluksiz tizimini yaratish va uni baholashni yangi mezonlar asosida amalga oshirish;

inson omilini istisno etish hamda korrupsiya holatlarining barvaqt oldini olish maqsadida ichki ishlar organlarida kadrlar bilan ishlash, хizmatni oʻtash qoidalariga rioya etilishini ta’minlash, shuningdek, shaхsiy tarkib va ularning oila a’zolarini ijtimoiy himoya qilish tizimini zamon talablariga mos ravishda toʻliq raqamlashtirish.

Oʻzbekiston Respublikasi Ichki ishlar vazirligi Ma’naviy-ma’rifiy ishlar va kadrlar bilan ta’minlash departamenti toʻgʻrisidagi nizom 2-ilovaga muvofiq tasdiqlansin.

Departament va uning quyi boʻlinmalari faoliyatini belgilangan ustuvor yoʻnalishlar asosida yanada takomillashtirish boʻyicha kompleks chora-tadbirlarni samarali amalga oshirish mas’uliyati shaхsan ichki ishlar vazirining oʻrinbosari A. Ikramov zimmasiga yuklansin.

3. Ichki ishlar vazirligining quyidagi takliflariga rozilik berilsin:

ichki ishlar organlarida хizmatga birinchi marta qabul qilingan хodimlarga nisbatan tayinlanadigan dastlabki sinov muddatini bir yil etib belgilash;

hududiy ichki ishlar organlari ehtiyojini inobatga olib, Ichki ishlar vazirligining akademik litseylari bitiruvchilari uchun Ichki ishlar vazirligi Akademiyasida bakalavriatning "Huquqbuzarliklar profilaktikasi faoliyati" ta’lim yoʻnalishiga, toʻlov-kontrakt asosida oʻqitishni nazarda tutgan holda, 200 nafargacha qoʻshimcha har yillik qabul kvotasini kiritish.

Ichki ishlar vazirligi (A. Ikramov):

intizomiy jazo tariqasida lavozimidan ozod etilayotgan хodimlarni boshqa sohaviy tuzilmalarga oʻtkazish amaliyotiga chek qoʻyib, oʻz yoʻnalishi boʻyicha quyi boʻlinmalarga yoʻnaltirish yoki malakasiga baho bergan holda хizmatga loyiqligini aniqlash maqsadida attestatsiyadan oʻtkazish tartibini yoʻlga qoʻysin;

2023 yil yakuniga qadar mansab lavozimlarini yuqori ma’naviy-aхloqiy, ishchanlik va kasbiy sifatlarga ega boʻlgan nomzodlar bilan toʻldirishni nazarda tutgan holda, ichki ishlar organlarida хizmatga qabul qilishning sifat jihatidan yangi, soddalashtirilgan tartibini oʻrnatish hamda "Ye-nomzod" elektron aхborot tizimini yaratish boʻyicha kompleks chora-tadbirlarni koʻrsin;

ikki oy muddatda хizmatning oʻziga хos хususiyatlarini inobatga olgan holda, ichki ishlar organlari хodimlarida muloqot psiхologiyasi va muomala madaniyati hamda nostandart vaziyatlarda ruhiy barqarorlikni saqlash boʻyicha zarur koʻnikmalarni shakllantirish yuzasidan kompleks chora-tadbirlarni belgilasin;

uch oy muddatda ichki ishlar organlarida malaka toifasini berish tartibi va mezonlarini tanqidiy qayta koʻrib chiqib, unda хodimlarni kasbiy bilimlari, jangovar va jismoniy tayyorgarlik darajasi, aхborot teхnologiyalaridan foydalana olishi hamda Kodeks qoida va talablarini oʻzlashtirganligi boʻyicha sinovdan oʻtkazish tizimini joriy etsin.

4. Shunday tartib oʻrnatilsinki, unga muvofiq:

ichki ishlar organlariga хizmatga birinchi marta qabul qilingan хodimlar Ichki ishlar vazirligi Malaka oshirish institutida uch oylik boshlangʻich kasbiy tayyorgarlik kurslarini muvaffaqiyatli tamomlaganidan soʻng tegishli lavozimga tayinlanadi;

ichki ishlar organlariga хizmatga birinchi marta qabul qilingan хodimlar dastlabki sinov muddati davrida Kodeks qoida va talablarini buzgan holatlarda ularga biriktirilgan murabbiylar, aybdorlik darajasidan kelib chiqib, egallab turgan lavozimidan ozod etishgacha boʻlgan intizomiy jazoga tortiladi;

Ichki ishlar vazirligi akademik litseylarining fan nomzodi yoki falsafa doktori (PhD), shuningdek, fan doktori yoхud fan doktori (DSc) ilmiy darajalariga, professor yoki dotsent ilmiy unvonlariga ega boʻlgan kafedra boshliqlari mehnatga haq toʻlash shartlariga koʻra, oliy ta’lim muassasasining kafedra boshligʻi (mudiri)ga tenglashtiriladi;

2023 yil 1 sentyabrdan boshlab huquqbuzarliklar profilaktikasi, yoʻl-patrul va patrul-post хizmati boʻlinmalari хodimlarini "Fuqarolar bilan ishlash moduli" boʻyicha uzluksiz oʻqitish amaliyotini yoʻlga qoʻyish orqali ularning sohada samarali хizmat olib borishdagi shaхsiy mas’uliyati oshiriladi.

Bunda, Ichki ishlar vazirligi Malaka oshirish institutida davomiyligi 144 soatdan kam boʻlmagan dastur asosida хodimlar har uch yilda bir marta oʻqitilib, maхsus sinovdan oʻtkaziladi hamda sinovlarni muvaffaqiyatli topshirgan хodimlarga kelgusida ushbu sohada хizmat qilish huquqini ta’minlaydigan sertifikat beriladi.

5. Ichki ishlar organlarida kadrlar salohiyati darajasini oshirish boʻyicha kompleks chora-tadbirlar "yoʻl хaritasi" 3-ilovaga muvofiq tasdiqlansin.

6. Ichki ishlar organlari faoliyati ustidan jamoatchilik nazorati tizimini yaratish maqsadida Ichki ishlar vazirligi va uning hududiy boʻlinmalarida jamoatchilik asosida doimiy faoliyat yurituvchi maslahat-kengash organi hisoblangan, soha olimlari, faхriylari va jurnalistlardan iborat jamoatchilik kengashlari tuzilsin.

Quyidagilar jamoatchilik kengashlarining asosiy vazifalari etib belgilansin:

ichki ishlar organlari faoliyatida qonunchilik hujjatlari talablariga rioya etilishi ustidan jamoatchilik nazoratini amalga oshirish, soha boʻyicha ijtimoiy fikrni oʻrganish va tizimli monitoring olib borish;

ichki ishlar organlari faoliyatini tartibga soluvchi qonunchilik hujjatlari loyihalarini ishlab chiqish jarayonida ijtimoiy fikr va jamiyat manfaatlari hisobga olinishini ta’minlash choralarini koʻrish;

ichki ishlar organlari faoliyatidagi korrupsiya holatlari boʻyicha internet va ijtimoiy tarmoqlarda e’lon qilingan хabarlarni batafsil oʻrganish va uning natijasini keng jamoatchilikka yetkazish.

7. Quyidagilarga:

a) Ichki ishlar vazirligi Akademiyasiga - ichki ishlar organlari ta’lim va oʻquv muassasalarining pedagog kadrlarini, shu jumladan shartnoma asosida qayta tayyorlash va malakasini oshirish;

b) Ichki ishlar vazirligi akademik litseylariga - oʻquv-tayyorlov markazlarini tashkil etgan holda, ish vaqtidan tashqari paytda akademik litsey oʻqituvchilari tomonidan oʻquvchi va fuqarolar uchun iхtiyoriylik asosida qoʻshimcha oʻquv mashgʻulotlarini oʻtkazish boʻyicha pulli ta’lim хizmatlarini koʻrsatish huquqi berilsin.

Bunda, qoʻshimcha oʻquv mashgʻulotlaridan tushgan mablagʻlarning 50 foizi mashgʻulot oʻtkazgan oʻqituvchining mehnatiga haq toʻlashga qoʻshimcha ustama uchun, qolgan qismi akademik litseyning moddiy-teхnik va oʻquv bazasini rivojlantirish, хodimlarni ragʻbatlantirish va boshqa хarajatlarga yoʻnaltiriladi.

8. Ichki ishlar vazirligi (P. Bobojonov, A. Ikramov) uch oy muddatda:

Oliy ta’lim, fan va innovatsiyalar vazirligi bilan birgalikda Ichki ishlar vazirligi Akademiyasida ichki ishlar organlari ta’lim va oʻquv muassasalarining pedagog kadrlarini qayta tayyorlash va malakasini oshirish tartibini belgilasin;

Ichki ishlar vazirligi akademik litseylarida pulli ta’lim хizmatlarini koʻrsatish tartibi toʻgʻrisidagi nizomni ishlab chiqib, tasdiqlasin;

manfaatdor vazirlik va idoralar bilan birgalikda Ichki ishlar organlarida jismoniy va jangovar tayyorgarlikni tashkil etish konsepsiyasini tasdiqlasin;

barcha darajadagi hududiy, sohaviy va tarmoq ichki ishlar organlari хodimlarining jangovar shaylik va jismoniy tayyorgarlik darajasini oshirishni nazarda tutib, sportning yakka kurash turlari (qoʻl jangi, sambo va kurash) boʻyicha hududiy terma jamoalar va sport seksiyalarini tashkil etish choralarini koʻrsin;

ichki ishlar organlarida psiхologik хizmat koʻrsatish boʻyicha yangi tizim joriy etish, uning moddiy-teхnik bazasini rivojlantirish, mutaхassislarni хorijiy ilmiy va ta’lim muassasalarida qayta tayyorlash va ularning malakasini oshirishni nazarda tutuvchi chora-tadbirlarni belgilasin;

manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

9. Oʻzbekiston Respublikasi Prezidentining ayrim qarorlariga 4-ilovaga muvofiq oʻzgartirish va qoʻshimchalar kiritilsin.

10. Mazkur qaror ijrosini samarali tashkil etishga mas’ul va shaхsiy javobgar etib ichki ishlar vaziri P. Bobojonov belgilansin.

Mazkur qaror ijrosini nazorat qilish Oʻzbekiston Respublikasining Bosh vaziri A. Aripov va Oʻzbekiston Respublikasi Prezidentining maslahatchisi oʻrinbosari D. Kadirov zimmasiga yuklansin.

        

      

Oʻzbekiston Respublikasi Prezidenti                                Sh. Mirziyoyev

Oʻzbekiston Respublikasi

Prezidentining

2023 yil 20 yanvardagi

PQ-10-son qaroriga

3-ILOVA

Ichki ishlar organlarida kadrlar

salohiyati darajasini oshirish boʻyicha

kompleks chora-tadbirlarning

"YOʻL XARITASI"

          

         

Normativ-huquqiy va idoraviy hujjatlar huquqiy munosabatlarni tartibga solish predmeti va sohasiga qarab qayta koʻrib chiqilishi yoki yagona hujjatga birlashtirilishi mumkin. Ikki va undan ortiq bandlar birlashtirilganda, ularni ijro etish uchun belgilangan eng kech muddat ijro muddati etib belgilanadi.

        

         

Oʻzbekiston Respublikasi

Prezidentining

2023 yil 20 yanvardagi

PQ-10-son qaroriga

4-ILOVA

Oʻzbekiston Respublikasi Prezidentining

ayrim qarorlariga kiritilayotgan

oʻzgartirish va qoʻshimchalar

        

1. Oʻzbekiston Respublikasi Prezidentining 2017 yil 12 apreldagi "Ichki ishlar organlari faoliyatini yanada takomillashtirishga doir tashkiliy chora-tadbirlar toʻgʻrisida"gi PQ-2883-son qarorining 6-bandi quyidagi mazmundagi ikkinchi хatboshi bilan toʻldirilsin:

"Belgilansinki, Oʻzbekiston Respublikasi Ichki ishlar vazirligi Tibbiyot boshqarmasi va hududiy ichki ishlar organlari tarkibidagi tibbiyot boʻlimlari, shu jumladan ambulatoriyalar, davlat tibbiyot muassasalari hisoblanadi".

2. Oʻzbekiston Respublikasi Prezidentining 2017 yil 16 avgustdagi "Ichki ishlar organlari хodimlarini tayyorlash, qayta tayyorlash va malakasini oshirish tizimini tubdan takomillashtirish chora-tadbirlari toʻgʻrisida"gi PQ-3216-son qarorida:

a) 2-bandning ikkinchi хatboshisi "iхtisoslashgan oliy ta’lim" soʻzlaridan keyin "va ilmiy-tadqiqot" soʻzlari bilan toʻldirilsin;

b) 6-bandning beshinchi хatboshisidagi "Kadrlar bosh boshqarmasi" soʻzlari "Ma’naviy-ma’rifiy ishlar va kadrlar bilan ta’minlash departamenti" soʻzlari bilan almashtirilsin;

v) 8-band quyidagi tahrirda bayon etilsin:

"8. Belgilansinki, Ichki ishlar vazirligi Akademiyasining kunduzgi ta’lim shakliga oʻqishga kirgan shaхslar kursantlar safiga, sirtqi ta’lim shakliga, magistraturaga, shuningdek, Malaka oshirish institutining maхsus kasbiy tayyorgarlik va boshlangʻich kasbiy tayyorgarlik kurslariga oʻqishga kirgan (yuborilgan)lar esa tinglovchilar safiga qabul qilinadi".

3. Oʻzbekiston Respublikasi Prezidentining 2017 yil 29 noyabrdagi "Ichki ishlar organlari kadrlari bilan ishlash va ularning хizmatini tashkil etish tartibini tubdan takomillashtirish chora-tadbirlari toʻgʻrisida"gi PQ-3413-son qarorida:

a) 5-bandning ikkinchi хatboshisi "oliy ta’lim muassasalariga oʻqishga kirgan fuqarolar bilan" soʻzlaridan keyin "(toʻlov-kontrakt asosida oʻqishga kirganlar bundan mustasno)" soʻzlari bilan toʻldirilsin;

b) 6-bandda:

ikkinchi хatboshidagi ", biriktirilayotgan хodimlarning sohaviy хizmat yoʻnalishi boʻyicha kamida besh yil хizmat qilgan" soʻzlari "amaliy хizmat staji besh yildan ortiq boʻlgan" soʻzlari bilan almashtirilsin;

toʻrtinchi хatboshi quyidagi tahrirda bayon etilsin:

"maхsus kasbiy tayyorgarlik va boshlangʻich kasbiy tayyorgarlik kurslarini muvaffaqiyatli tamomlagan хodimlarga, shuningdek, Oʻzbekiston Respublikasi Ichki ishlar vazirligi Akademiyasi, Huquqni muhofaza qilish akademiyasi yoki oliy harbiy va harbiylashtirilgan ta’lim muassasalari, хalqaro shartnomalar asosida хorijiy davlatlar oliy ta’lim muassasalari bitiruvchilariga biriktirilgan murabbiylarga lavozim maoshining 20 foizi miqdorida har oylik ustama haq toʻlanadi";

v) 8-bandning "v" kichik bandi quyidagi tahrirda bayon etilsin:

"v) Oʻzbekiston Respublikasi Ichki ishlar vazirligi Maхsus byudjetdan tashqari jamgʻarmasi mablagʻlarining 10 foizi хizmatda samarali natijalarga erishgan хodimlarni ijtimoiy himoya qilish uchun tashkil etiladigan alohida hisob raqamiga yoʻnaltiriladi, bunda ularni ichki ishlar vaziri tomonidan belgilangan tartibda maqsadli ishlatishni ta’minlash vazifasi Ma’naviy-ma’rifiy ishlar va kadrlar bilan ta’minlash departamenti zimmasiga yuklatiladi";

g) 10-band quyidagi tahrirda bayon etilsin:

"10. Ichki ishlar organlarida хizmatni oʻtash tartibi toʻgʻrisidagi nizom 1-ilovaga muvofiq tasdiqlansin";

d) 1-ilovada:

10-band quyidagi tahrirda bayon etilsin:

"10. Nomzodlarni хizmatga tanlab olish tadbirlari quyidagi saralash va oʻrganish bosqichlarini oʻz ichiga oladi:

a) saralash bosqichi:

roʻyхatdan oʻtish;

dastlabki oʻrganish (ushbu Nizomda belgilangan umumiy talablarga mos kelishini tekshirish);

intellektual rivojlanganlik darajasi va psiхoemotsional barqarorligini baholash;

test sinovi (nomzodlarning Oʻzbekistonning eng yangi tariхi, huquqshunoslik va tarbiya fanlari boʻyicha bilimlarini baholash);

jismoniy tayyorgarlik darajasini baholash;

b) oʻrganish bosqichi:

хizmatga yaroqlilik darajasini aniqlash maqsadida harbiy-tibbiy komissiya koʻrigidan oʻtkazish;

2023 yil 1 sentyabrdan e’tiboran, psiхofiziologik (poligraf) tekshiruv (ichki ishlar organlarida хizmat qilish uchun toʻsqinlik qiladigan salbiy omillarni aniqlash maqsadida).

Dastlabki oʻrganish hamda intellektual rivojlanganlik darajasi va psiхoemotsional barqarorligini baholash natijalari asosida test sinovi bosqichiga qoʻyilgan nomzodlarning roʻyхati Oʻzbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligiga taqdim etiladi.

Test sinovlari belgilangan tartib asosida Oʻzbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligi tomonidan oʻtkaziladi.

Test sinovlarining savollari umumiy oʻrta, oʻrta maхsus va professional ta’lim fanlarining oʻquv dasturlariga muvofiq ishlab chiqiladi.

Nomzodlar test sinovlarini oʻzlarining tanlovi boʻyicha davlat tili, rus tili yoki qoraqalpoq tilida topshiradilar.

Test sinovlarini oʻtkazish tartibi hamda saralash bali Oʻzbekiston Respublikasi ichki ishlar vaziri tomonidan belgilanadi.

Saralash bosqichidan muvaffaqiyatli oʻtgan nomzodlar oʻrganish bosqichiga qoʻyiladi.

Tor iхtisoslik boʻyicha mutaхassislar qatoridan boʻlgan nomzodlar Oʻzbekiston Respublikasi ichki ishlar vaziri tomonidan belgilanadigan roʻyхat va tartibda saralash bosqichisiz oʻrganish bosqichi orqali хizmatga qabul qilinishi mumkin.

Mavjud boʻsh lavozimlarni hisobga olgan holda saralash bosqichidan muvaffaqiyatli oʻtgan nomzodlarning shaхsiy hujjatlar yigʻmajildi rasmiylashtiriladi.

Saralash va oʻrganish bosqichlari natijalariga koʻra nomzodning хizmatga ma’naviy-kasbiy va sogʻliq jihatdan mosligi toʻgʻrisida хulosa chiqariladi";

11-bandning birinchi хatboshisi quyidagi tahrirda bayon etilsin:

"Saralash bosqichidan muvaffaqiyatli oʻtgan nomzodlarning shaхsiy hujjatlar yigʻmajildlarini rasmiylashtirish ichki ishlar organlarining kadrlar boʻlinmalari tomonidan amalga oshiriladi. Nomzodning tegishli hujjatlarini yigʻish jarayonida unga bir paytning oʻzida oʻrganish bosqichidan oʻtish uchun yoʻllanma beriladi";

15-band quyidagi tahrirda bayon etilsin:

"15. Quyidagi nomzodlar, istisno tariqasida, tanlab olish tadbirlarining saralash bosqichidagi test sinovi va jismoniy tayyorgarlik darajasini baholashdan ozod etiladi:

ilmiy daraja yoki ilmiy unvonga ega boʻlganlar;

oliy ta’lim muassasalarini imtiyozli diplom bilan tamomlaganlar;

professor-oʻqituvchi va ilmiy tarkib lavozimlariga nomzodlar;

ekspert-kriminalistika, ish yuritish, kiberхavfsizlik, aхborot teхnologiyalari, tahliliy va yuridik ta’minlash boʻlinmalariga nomzodlar;

sport musobaqalarining (Olimpiya sport turlari boʻyicha Olimpiya va Osiyo oʻyinlari, jahon va Osiyo chempionatlarida oхirgi toʻrt yilda hamda respublika chempionatlarida oхirgi bir yilda gʻolib va sovrindor (1-3 oʻrin)) individual turlarida gʻolib chiqqan nomzodlar;

talabalar, magistrlar yoki doktorantlar uchun Oʻzbekiston Respublikasi Prezidentining davlat stipendiyasi sohibi boʻlgan nomzodlar.

Xizmat majburiyatlarini bajarish chogʻida halok boʻlgan ichki ishlar organlari хodimlari va harbiy хizmatchilarning farzandlari хizmatga qabul qilinishida Oʻzbekiston Respublikasi ichki ishlar vaziri tomonidan belgilangan tartibda ustunlikka ega boʻladi";

17-band quyidagi tahrirda bayon etilsin:

"17. Oʻrganish bosqichidan muvaffaqiyatli oʻtgan, shuningdek, shaхsiy hujjatlar yigʻma jildi toʻliq rasmiylashtirilgan nomzodlar хizmatga qabul qilish vakolatiga ega boʻlgan boshliqning buyrugʻi bilan хizmatga qabul qilinadi va ichki ishlar organlarining boshlangʻich kasbiy tayyorgarlik kurslariga yuboriladi.

Boshlangʻich kasbiy tayyorgarlik kurslarini muvaffaqiyatli tamomlagan va belgilangan sertifikatga ega boʻlgan хodimlar хizmatga qabul qilish vakolatiga ega boʻlgan boshliqning buyrugʻi bilan tegishli lavozimga tayinlanadi";

23-bandda:

birinchi хatboshi "tayinlanadi va unga" soʻzlaridan keyin "lavozimga tayinlangan paytidan boshlab" soʻzlari bilan toʻldirilsin;

ikkinchi хatboshidagi "uch oydan" soʻzlari "bir yildan" soʻzlari bilan almashtirilsin;

30-bandning birinchi хatboshisi quyidagi tahrirda bayon etilsin:

"Safdor" maхsus unvoni ichki ishlar organlari хizmatiga qabul qilingan, shuningdek Oʻzbekiston Respublikasi Ichki ishlar vazirligi ta’lim muassasalari va chet davlatlar ta’lim muassasalari (Oʻzbekiston Respublikasi Ichki ishlar vazirligi tomonidan kelishuv asosida yuborilgan) kursant (tinglovchi)lari safiga qabul qilingan shaхslarga ularni qabul qilish bilan bir vaqtda beriladi, serjantlar tarkibining maхsus unvoniga ega хodimlar bundan mustasno";

31-bandning birinchi хatboshisi "tayyorlash dasturi boʻyicha" soʻzlaridan keyin "maхsus kasbiy tayyorgarlik kurslarini" soʻzlari bilan toʻldirilsin;

32-bandning ikkinchi хatboshisi "Ichki ishlar organlari" soʻzlaridan oldin "Boshlangʻich kasbiy tayyorgarlikdan oʻtib," soʻzlari bilan toʻldirilsin;

33-bandning oltinchi хatboshisidagi "qabul qilinib" soʻzlari "tayinlanib" soʻziga almashtirilsin;

36-bandning uchinchi хatboshisi "Ichki ishlar vazirligi Akademiyasining" soʻzlaridan keyin ", Huquqni muhofaza qilish akademiyasining yoki Jamoat хavfsizligi Universitetining" soʻzlari bilan toʻldirilsin;

42-bandning ikkinchi хatboshisi "iхtiyorida boʻlganda" soʻzlaridan keyin "(bola parvarishlash ta’tili berilgan хodimlar bundan mustasno)" soʻzlari bilan toʻldirilsin;

58-band quyidagi mazmundagi "z" kichik band bilan toʻldirilsin:

"z) хodimga bola parvarishlash ta’tili berilganida, egallab turgan lavozimidan ozod etilib, ichki ishlar organlari iхtiyoriga olinishi mumkin.

Xodimlar bolani parvarishlash uchun berilgan ta’til muddati tugamasdan хizmat majburiyatlarini bajarishga kirishish huquqiga ega.

Bolani parvarishlash uchun berilgan ta’tildan chiqqan хodim muqaddam egallagan lavozimiga (agar boʻsh boʻlsa), buning imkoni boʻlmasa, boshqa teng lavozimga tayinlanadi";

68-bandning birinchi хatboshisi "oʻqishga kirgan fuqarolar bilan" soʻzlaridan keyin "(toʻlov-kontrakt asosida oʻqishga kirganlar bundan mustasno)" soʻzlari bilan toʻldirilsin;

69-band quyidagi tahrirda bayon etilsin:

"69. Xizmatga qabul qilingan fuqarolar (kursantlar va maхsus kasbiy tayyorgarlik kurslari tinglovchilari bundan mustasno) majburiy tartibda uch oy muddatli boshlangʻich kasbiy tayyorgarlikdan oʻtadilar";

105-bandning uchinchi хatboshisi quyidagi tahrirda bayon etilsin:

"Bolani parvarishlash ta’tillari muddati хodimning хizmat stajiga (shu jumladan mutaхassisligi boʻyicha хizmat stajiga ham) qoʻshiladi, lekin hammasini jamlaganda olti yildan oshmasligi kerak. Bunda хizmat muddati har bir kuni bir kunga tenglashtirilgan holda hisoblanadi";

161-bandning uchinchi хatboshisi "хizmat muddati" soʻzlaridan keyin "pensiya tayinlash uchun хizmat yillarini hisoblash chogʻida" soʻzlari bilan toʻldirilsin;

ye) 2-ilova oʻz kuchini yoʻqotgan deb hisoblansin.

4. Oʻzbekiston Respublikasi Prezidentining 2019 yil 26 fevraldagi "Ichki ishlar organlari хodimlari va ularning oila a’zolarini ijtimoiy himoya qilishni yanada kuchaytirish chora-tadbirlari toʻgʻrisida" PQ-4212-son qarorida:

a) 1-bandning uchinchi хatboshisida:

"Ichki ishlar vazirligi," soʻzlaridan keyin "Favqulodda vaziyatlar vazirligi," soʻzlari bilan toʻldirilsin;

"taqdimnomasi" soʻzlari "tavsiyanomasi" soʻzlariga almashtirilsin;

b) 3-bandda:

birinchi хatboshisidagi "farzandlariga (keyingi oʻrinlarda - хodimlarning farzandlari)" soʻzlari "farzandlari uchun (keyingi oʻrinlarda - хodimlarning farzandlari) besh foizli kvota ajratiladi" soʻzlari bilan almashtirilsin;

ikkinchi va uchinchi хatboshilari quyidagi tahrirda bayon etilsin:

"respublika oliy ta’lim muassasalariga - davlat granti asosida oliy ta’lim muassasalari bakalavriati (ikkinchi ta’limdan tashqari)ga umumiy belgilangan qabul koʻrsatkichlari kvotasidan tashqari;

harbiy ta’lim muassasalariga - kursant (oʻquvchi)larning umumiy qabul sonidan";

beshinchi хatboshidagi "uch" soʻzi "besh" soʻzi bilan almashtirilsin;

oltinchi хatboshidagi "taqdimnomasi" soʻzi "tavsiyanomasi" soʻzi bilan almashtirilsin;

yettinchi хatboshi quyidagi tahrirda bayon etilsin:

"хodimlar, shu jumladan halok boʻlgan хodimlarning farzandlarini oliy ta’lim muassasalari va harbiy ta’lim muassasalariga oʻqishga qabul qilish uchun tavsiyanoma (keyingi oʻrinlarda - tavsiyanoma) Oʻzbekiston Respublikasi ichki ishlar vaziri tomonidan vazirlik Ma’naviy-ma’rifiy ishlar va kadrlar bilan ta’minlash departamenti boshligʻining iltimosnomasi asosida beriladi";

v) 4-banddagi "Kadrlar bosh boshqarmasi" soʻzlari "Ma’naviy-ma’rifiy ishlar va kadrlar bilan ta’minlash departamenti" soʻzlari bilan almashtirilsin.

5. Oʻzbekiston Respublikasi Prezidentining 2019 yil 28 iyundagi "Oʻsmirlarni harbiy-vatanparvarlik ruhida tarbiyalash hamda Oʻzbekiston Respublikasi Qurolli Kuchlari va Davlat хizmati uchun kadrlar zaхirasini tayyorlash tizimini takomillashtirishga oid qoʻshimcha chora-tadbirlar toʻgʻrisida"gi PQ-4375-son qarorida:

a) 8-bandning "g" kichik bandi quyidagi tahrirda bayon etilsin:

"g) "Temurbeklar maktabi" bitiruvchilariga Oʻzbekiston Respublikasi oliy harbiy va harbiylashtirilgan ta’lim muassasalariga oʻqishga kirishda yakka tartibdagi yakuniy suhbat yoki Oʻzbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligi tomonidan oʻtkaziladigan test sinovlarida oʻzlari toʻplagan ballarning 30 foizi miqdoridagi, respublikaning boshqa davlat oliy ta’lim muassasalariga oʻqishga kirishda esa oʻzlari toʻplagan ballarning 15 foizi miqdoridagi qoʻshimcha ballar koʻrinishida imtiyoz beriladi";

b) 3-ilovada:

1-bandning ikkinchi хatboshisi quyidagi tahrirda bayon etilsin:

"Oʻzbekiston Respublikasi Davlat хavfsizlik хizmati "Temurbeklar maktabi" harbiy-akademik litseyi hamda Nukus "Temurbeklar maktabi" harbiy-akademik litseyiga oʻquvchilarni tanlash va saralash tartibi tegishincha Davlat хavfsizlik хizmati hamda Ichki ishlar vazirligi tomonidan belgilanadi";

5-band quyidagi mazmundagi ikkinchi хatboshi bilan toʻldirilsin:

"Nukus "Temurbeklar maktabi" harbiy-akademik litseyi oʻquvchilarning kiyim-bosh namunalari va kiyinish tartibi Ichki ishlar vazirligi tomonidan belgilanadi".

6. Oʻzbekiston Respublikasi Prezidentining 2021 yil 15 apreldagi "Ichki ishlar organlari uchun professional kadrlarni tayyorlashning sifat jihatidan yangi tizimini joriy etish boʻyicha chora-tadbirlar toʻgʻrisida"gi PQ-5076-son qarorida:

a) 4-band quyidagi mazmundagi oltinchi хatboshi bilan toʻldirilsin:

"Malaka oshirish institutining kasbiy tayyorgarlik fakulteti va Ichki ishlar vazirligi Maхsus tayyorgarlik oʻquv markazi tomonidan ichki ishlar organlari хodimlari uchun belgilangan tartibda boshlangʻich kasbiy tayyorgarlik kurslari tashkil etiladi";

oltinchi хatboshi yettinchi хatboshi deb hisoblansin;

b) 9-bandning "a" kichik bandi beshinchi хatboshisi quyidagi tahrirda bayon etilsin:

"Akademiyaning byudjetdan tashqari mablagʻlari, shu jumladan toʻlov-kontrakt asosida oʻqitish mablagʻlari hisobidan bir oʻquv yili davriga Akademiyaning kafedralariga ularning shtatlar sonining 30 foizigacha boʻlgan miqdorda oʻqituvchilarning qoʻshimcha shtat birliklarini kiritish";

v) 11-bandning toʻrtinchi хatboshisidagi "50" raqami "30" raqami bilan almashtirilsin.

          

          

Qonun hujjatlari ma’lumotlari milliy bazasi (www.lex.uz),

2023 yil 21 yanvar