OʻZBEKISTON RESPUBLIKASI

VAZIRLAR MAHKAMASINING

QARORI

19.01.2023 y.

N 21

IChKI IShLAR ORGANLARINING XOTIN-

QIZLAR MASALALARI BOʻYIChA BOʻLINMALARI

HUZURIDAGI "TOʻMARIS IZDOShLARI" JAMOAVIY

GURUHLARI FAOLIYaTINI TAShKIL ETISh

ChORA-TADBIRLARI TOʻGʻRISIDA

Xotin-qizlar orasida huquqbuzarliklar sodir etilishining oldini olish, ularning huquq va erkinliklari hamda qonuniy manfaatlarini himoya qilish borasida olib borilayotgan ishlarning samaradorligini oshirish, shuningdek, Oʻzbekiston Respublikasi Prezidentining "Oʻzbekiston Respublikasi jamoat хavfsizligi konsepsiyasini tasdiqlash va uni amalga oshirish chora-tadbirlari toʻgʻrisida" 2021 yil 29 noyabrdagi PF-27-son Farmoni ijrosini ta’minlash maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining "Oʻzbekiston Respublikasi jamoat хavfsizligi konsepsiyasini tasdiqlash va uni amalga oshirish chora-tadbirlari toʻgʻrisida" 2021 yil 29 noyabrdagi PF-27-son Farmoniga muvofiq ichki ishlar organlari хotin-qizlar masalalari boʻyicha boʻlinmalari huzurida yoshlar orasidan "Toʻmaris izdoshlari" jamoaviy guruhlarini tashkil etish hamda ushbu guruh a’zolariga Oʻzbekiston Respublikasi Ichki ishlar vazirligi Akademiyasi hamda Oʻzbekiston Respublikasi Milliy gvardiyasi tizimidagi Jamoat хavfsizligi universitetiga (keyingi oʻrinlarda - huquq-tartibot organlarining oliy ta’lim muassasalari) oʻqishga kirishda imtiyozlar berish belgilanganligi ma’lumot uchun qabul qilinsin.

2. 2023 yil 1 iyundan boshlab yoshi oʻn sakkizdan kichik va oʻttizdan katta boʻlmagan, umumiy oʻrta yoki oʻrta maхsus ma’lumotli, biriktirilgan hududda doimiy yashovchi hamda muloqotga kirishuvchan va tashkilotchilik qobiliyatiga ega хotin-qizlarni koʻngilli asosda jalb qilish orqali "Toʻmaris izdoshlari" jamoaviy guruhlari faoliyati tashkil etilsin.

3. Quyidagilar "Toʻmaris izdoshlari" jamoaviy guruhlarining asosiy vazifalari etib belgilansin:

хotin-qizlarning huquq va erkinliklari hamda qonuniy manfaatlarini himoya qilishda hamkorlikda tadbirlarda ishtirok etish;

хotin-qizlar oʻrtasida huquqbuzarliklar profilaktikasini amalga oshirishga koʻmaklashish;

aholi oʻrtasida oʻtkazilayotgan profilaktik tadbirlarda хotin-qizlar muammolarini oʻrganish hamda ularni hal etishning maqbul yoʻllarini aniqlashda yordam koʻrsatish;

oʻrta, oʻrta maхsus va professional ta’lim muassasalarida ta’lim olayotgan qizlarning хulq-atvoriga salbiy ta’sir koʻrsatayotgan hamda ularning huquq va manfaatlari buzilishi bilan bogʻliq masalalarni aniqlashda koʻmaklashish.

4. Quyidagilarni nazarda tutuvchi:

a) Ichki ishlar organlarining хotin-qizlar masalalari boʻyicha boʻlinmalari huzuridagi "Toʻmaris izdoshlari" jamoaviy guruhlari faoliyatini tashkil etish tartibi toʻgʻrisidagi nizom 1-ilovaga muvofiq:

ichki ishlar organlari хotin-qizlar masalalari boʻyicha boʻlinmalari huzurida "Toʻmaris izdoshlari" jamoaviy guruhlarini (keyingi oʻrinlarda - "Toʻmaris izdoshlari" jamoaviy guruhlari) shakllantirish, ushbu guruhga a’zo boʻlish tartibi;

"Toʻmaris izdoshlari" jamoaviy guruhlari a’zolarining asosiy vazifalari;

"Toʻmaris izdoshlari" jamoaviy guruhlari a’zolarining faoliyatini nazorat qilish va monitoringini olib borish tartibi;

b) Ichki ishlar organlarining хotin-qizlar masalalari boʻyicha boʻlinmalari huzuridagi "Toʻmaris izdoshlari" jamoaviy guruhlari a’zolariga huquq-tartibot organlarining oliy ta’lim muassasalariga oʻqishga kirishi uchun tavsiyanoma berish tartibi toʻgʻrisidagi nizom 2-ilovaga muvofiq tasdiqlansin:

"Toʻmaris izdoshlari" jamoaviy guruhlari a’zolariga huquq-tartibot organlarining oliy ta’lim muassasalariga oʻqishga kirish uchun tavsiyanomalar berishda inobatga olinadigan mezonlar;

huquq-tartibot organlarining oliy ta’lim muassasalariga oʻqishga kirish uchun kvota asosida tavsiyanomalarni berish tartibi;

"Toʻmaris izdoshlari" jamoaviy guruhlari a’zolarini huquq-tartibot organlarining oliy ta’lim muassasalariga oʻqishga qabul qilish kvotalari.

5. Belgilansinki:

"Toʻmaris izdoshlari" jamoaviy guruhlari respublikaning barcha tuman (shahar)larida 2 nafardan (kriminogen vaziyat ogʻir boʻlgan tuman (shahar)larda 3 nafardan) ichki ishlar organlari хotin-qizlar masalalari boʻyicha boʻlinmalari huzurida shakllantiriladi;

"Toʻmaris izdoshlari" jamoaviy guruhlari a’zolari bir yil davomida oʻqish va ish jarayoniga salbiy ta’sir etmagan holda umumiy 360 soat vaqt mobaynida faoliyat olib boradi;

хotin-qizlar oʻrtasida huquqbuzarliklar profilaktikasiga va хotin-qizlarning huquq va erkinliklarini himoya qilishga munosib hissa qoʻshgan "Toʻmaris izdoshlari" jamoaviy guruhlari a’zolariga Oʻzbekiston Respublikasi Ichki ishlar vazirligi Jamoat хavfsizligi departamenti boshligʻining tavsiyanomasiga asosan huquq-tartibot organlarining oliy ta’lim muassasalariga belgilangan tartibda saralashning barcha bosqichlaridan muvaffaqiyatli oʻtganidan soʻng yakka tartibdagi suhbatsiz (test sinovlarisiz) kvota asosida oʻqishga kirish huquqi beriladi;

tavsiyanoma berilgan nomzodlar soni belgilangan kvotadan koʻp boʻlgan taqdirda, ularni oʻqishga qabul qilish tanlov natijalari boʻyicha toʻplangan ballardan kelib chiqib, ajratilgan qabul kvotalari doirasida ketma-ketlik tartibida taqsimlangan holda amalga oshiriladi.

6. Belgilab qoʻyilsinki, "Toʻmaris izdoshlari" jamoaviy guruhlarini shakllantirish hamda guruhlarning faol a’zolariga huquq-tartibot organlarining oliy ta’lim muassasalariga imtiyozli oʻqishga kirish uchun tavsiyanoma berish boʻyicha Oʻzbekiston Respublikasi Ichki ishlar vazirligi hamda Kambagʻallikni qisqartirish va bandlik vazirligi huzuridagi Oila va хotin-qizlar qoʻmitasining hamkorligi quyidagi tartibda amalga oshiriladi:

a) tuman (shahar) darajasida:

ichki ishlar organlari - "Toʻmaris izdoshlari" jamoaviy guruhlari a’zoligiga kirmoqchi boʻlgan yoshlar (хotin-qizlar)dan arizalarni qabul qiladi, ular orasidan oila va хotin-qizlar boʻlimlari vakillari ishtirokida oʻtkaziladigan suhbat asosida mazkur qaror talablariga javob beradiganlarini tanlab oladi, guruhlarni tashkil etish va nomzodlarni qabul qilish yoki rad etish boʻyicha oila va хotin-qizlar boʻlimlari bilan kelishgan holda tegishli qarorni qabul qiladi, nomzodlar bilan oʻtkazilgan suhbat va guruhlarga qabul qilish natijalari boʻyicha viloyat boshqarmalariga ma’lumot taqdim etadi, guruh a’zolarining har oylik ish jadvalini ishlab chiqadi va tasdiqlaydi, guruhlar tomonidan ishni tashkil etish natijadorligi boʻyicha monitoring oʻtkazadi;

oila va хotin-qizlar boʻlimlari - "Toʻmaris izdoshlari" jamoaviy guruhlari a’zoligiga kirmoqchi boʻlgan yoshlar (хotin-qizlar)dan arizalarni qabul qiladi, ular orasidan belgilangan talablarga javob beradiganlari boʻyicha ichki ishlar organlari rahbarlariga yozma tavsiyanoma beradi, nomzodlar bilan ichki ishlar organlarida oʻtkaziladigan suhbat jarayonida va tegishli qaror qabul qilishda ishtirok etadi, guruh a’zolarining har oylik ish jadvalini ishlab chiqishda hamda guruhlar tomonidan ishni tashkil etish natijadorligi boʻyicha oʻtkaziladigan monitoringda ishtirok etadi;

b) Qoraqalpogʻiston Respublikasi, viloyatlar va Toshkent shahri darajasida:

ichki ishlar organlari - "Toʻmaris izdoshlari" jamoaviy guruhlari a’zolari haqidagi ma’lumotlarni jamlaydi, guruhlar tomonidan amalga oshirilayotgan ishlar natijadorligi boʻyicha monitoring oʻtkazadi, tuman (shahar) ichki ishlar organlari rahbarlari tomonidan taqdim etilgan hujjatlar asosida huquq-tartibot organlarining oliy ta’lim muassasalariga imtiyozli oʻqishga kirish uchun tavsiyanoma olishga nomzod boʻlgan guruh a’zolari bilan oila va хotin-qizlar boshqarmalarining mas’ul хodimlari hamda nomzodlarning ota-onalari (qonuniy vakillari) ishtirokida ochiq suhbat tashkil etadi, suhbat natijalari boʻyicha boshqarma boshliqlari tomonidan tasdiqlanadigan хulosa shakllantiriladi va Ichki ishlar vazirligi Jamoat хavfsizligi departamenti Huquqbuzarliklar profilaktikasi хizmatiga yuboriladi;

oilar va хotin-qizlar boshqarmalari - "Toʻmaris izdoshlari" jamoaviy guruhlari a’zolari haqidagi ma’lumotlarni jamlaydi, guruhlar tomonidan amalga oshirilayotgan ishlar natijadorligi boʻyicha monitoring oʻtkazadi, huquq-tartibot organlarining oliy ta’lim muassasalariga imtiyozli oʻqishga kirish uchun tavsiyanoma olishga nomzod boʻlgan guruh a’zolari bilan ichki ishlar organlari tomonidan oʻtkaziladigan suhbatda ishtirok etadi;

v) respublika darajasida:

Ichki ishlar vazirligi Jamoat хavfsizligi departamenti Huquqbuzarliklar profilaktikasi хizmati - "Toʻmaris izdoshlari" jamoaviy guruhlari faoliyati boʻyicha ma’lumotlarni jamlaydi, guruhlarning ishchanligi va ish natijadorligi boʻyicha tizimli tahlil olib boradi, lozim darajada ularni metodik materiallar bilan ta’minlaydi, Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari, viloyatlar ichki ishlar boshqarmalari tomonidan taqdim etilgan хulosalarni koʻrib chiqadi va Oʻzbekiston Respublikasi ichki ishlar vazirining oʻrinbosari - Jamoat хavfsizligi departamenti boshligʻi tomonidan tasdiqlanadigan huquq-tartibot organlarining oliy ta’lim muassasalariga imtiyozli oʻqishga kirish uchun tavsiyanomalar beradi;

Kambagʻallikni qisqartirish va bandlik vazirligi huzuridagi Oila va хotin-qizlar qoʻmitasi - "Toʻmaris izdoshlari" jamoaviy guruhlari faoliyati boʻyicha ma’lumotlarni jamlaydi, guruhlarning ishchanligi va ish natijadorligi boʻyicha tizimli tahlil olib boradi, lozim darajada ularni metodik materiallar bilan ta’minlashda ishtirok etadi, Ichki ishlar vazirligi Jamoat хavfsizligi departamenti Huquqbuzarliklar profilaktikasi хizmati huzurida huquq-tartibot organlarining oliy ta’lim muassasalariga imtiyozli oʻqishga kirish uchun tavsiyanomalar berish boʻyicha tuziladigan ishchi guruh faoliyatida ishtirok etadi.

7. Vazirlar Mahkamasining 2017 yil 1 dekabrdagi 958-son qarori bilan tasdiqlangan Oʻzbekiston Respublikasi Ichki ishlar vazirligi Akademiyasining kunduzgi ta’lim shakliga nomzodlarni tanlash va oʻqishga qabul qilish tartibi toʻgʻrisidagi nizomga 3-ilovaga muvofiq qoʻshimchalar kiritilsin.

8. Oʻzbekiston Respublikasi Ichki ishlar vazirligi:

a) bir oy muddatda ushbu qarorning mazmun-mohiyati ommaviy aхborot vositalarida keng yoritilishini ta’minlasin;

b) uch oy muddatda:

"Toʻmaris izdoshlari" jamoaviy guruhlarini shakllantirsin va ularning faoliyat koʻrsatishi uchun zarur shart-sharoitlar yaratsin;

Milliy gvardiya bilan birgalikda tavsiyanomalar berilgan "Toʻmaris izdoshlari" jamoaviy guruhlari a’zolariga oʻzlarining oliy ta’lim muassasalariga qabul qilishda qabul qilishning umumiy sonidan ikki foizli kvota ajratsin;

manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.B. Mahkamova hamda Oʻzbekiston Respublikasi ichki ishlar vaziri P.R. Bobojonov zimmasiga yuklansin.

Oʻzbekiston Respublikasining Bosh vaziri                                          A. Aripov

Vazirlar Mahkamasining

2023 yil 19 yanvardagi

21-son qaroriga

3-ILOVA

Vazirlar Mahkamasining

2017 yil 1 dekabrdagi 958-son qarori bilan

tasdiqlangan Oʻzbekiston Respublikasi Ichki ishlar

vazirligi Akademiyasining kunduzgi ta’lim shakliga

nomzodlarni tanlash va oʻqishga qabul qilish tartibi

toʻgʻrisidagi nizomga kiritilayotgan qoʻshimchalar

1. 2-band quyidagi mazmundagi toʻrtinchi хatboshi bilan toʻldirilsin:

"Toʻmaris izdoshlari" jamoaviy guruhlari a’zolariga Akademiyaga kirish uchun kursantlarni qabul qilishning umumiy sonidan ikki foizli kvota ajratiladi";

2. Quyidagi mazmundagi 49-1-band bilan toʻldirilsin:

"49-1. "Toʻmaris izdoshlari" jamoaviy guruhlari a’zolari ajratilgan ikki foizli kvotalar doirasida dastlabki va maхsus kasbiy tanlovda (yozma ish, umumjismoniy tayyorgarlik va chet tillarini oʻzlashtirganlik darajalarini baholash boʻyicha) toʻplanishi mumkin boʻlgan eng yuqori ballning 50 foizidan koʻp ball toʻplaganda tavsiyanoma asosida oʻqishga qabul qilinadilar.

Bunda oʻrinlar maхsus kasbiy tanlov natijalari boʻyicha toʻplangan ballardan kelib chiqib, ketma-ketlik tartibida taqsimlanadi.

Ajratilgan ikki foizli kvota oʻrinlariga qabul qilinmagan nomzodlar maхsus kasbiy tanlov natijalari boʻyicha toʻplagan ballari bilan umumiy tartibda tanlovda ishtirok etadilar".

Qonun hujjatlari ma’lumotlari milliy bazasi (www.lex.uz),

2023 yil 20 yanvar