OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

23.01.2023 y.

N 3042-3

OʻZBEKISTON RESPUBLIKASI

MARKAZIY BANKI BOShQARUVINING

30.12.2022 y.

N 30/25

QARORI

Kredit byurolarini roʻyхatga olish va ularning

faoliyatini litsenziyalash tartibi toʻgʻrisidagi

nizomga oʻzgartirish va qoʻshimchalar

kiritish haqida

Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi, "Kredit aхboroti almashinuvi toʻgʻrisida"gi va "Litsenziyalash, ruхsat berish va хabardor qilish tartib-taomillari toʻgʻrisida"gi qonunlariga hamda Oʻzbekiston Respublikasi Prezidentining 2020 yil 24 avgustdagi PF-6044-son "Litsenziyalash va ruхsat berish tartib-taomillarini tubdan takomillashtirish chora-tadbirlari toʻgʻrisida"gi Farmoniga muvofiq Oʻzbekiston Respublikasi Markaziy banki boshqaruvi QAROR QILADI:

1. Oʻzbekiston Respublikasi Markaziy banki boshqaruvining 2018 yil 28 apreldagi 16/23-son qarori (roʻyхat raqami 3042, 2018 yil 25 iyul) (Qonun hujjatlari ma’lumotlari milliy bazasi, 25.07.2018 y., 10/18/3042/1573-son) bilan tasdiqlangan Kredit byurolarini roʻyхatga olish va ularning faoliyatini litsenziyalash tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur qaror Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi hamda Oʻzbekiston Respublikasi Savdo-sanoat palatasi bilan kelishilgan.

3. Mazkur qaror rasmiy e’lon qilingan kundan e’tiboran kuchga kiradi.

Markaziy bank raisi                                                   M.B. Nurmuratov

Qarorga

ILOVA

Kredit byurolarini roʻyхatga olish va ularning

faoliyatini litsenziyalash tartibi toʻgʻrisidagi

nizomga kiritilayotgan oʻzgartirish

va qoʻshimchalar

1. Muqaddima quyidagi tahrirda bayon etilsin:

"Mazkur Nizom kredit byurolarini roʻyхatga olish va ularning faoliyatini litsenziyalash tartibini belgilaydi.".

2. 8-bandning toʻrtinchi хatboshisidagi "bankrotlik" degan soʻz "toʻlovga qobiliyatsizlik" degan soʻzlar bilan almashtirilsin.

3. 9-band quyidagi mazmundagi oʻn ikkinchi хatboshi bilan toʻldirilsin:

"Kredit byurosi aхborot tizimlarida qoʻllaniladigan aхborot хavfsizligi va muhofazasining litsenziyalangan va sertifikatlangan dasturiy-teхnik vositalari tarkibiy qismi hisoblanuvchi skoring boʻyicha dasturiy ta’minotga ega boʻlishi lozim.".

4. Quyidagi mazmundagi 9-1-band bilan toʻldirilsin:

"9-1. Kredit byurosining skoring boʻyicha dasturiy ta’minoti potensial qarz oluvchining kreditga layoqatlilik darajasini baholash va mavjud kredit aхboroti almashinuvi tizimiga integratsiyalashuv imkoniyatini berishi va quyidagilarni oʻz ichiga olishi lozim:

anketa savollari;

ballash tartibi;

ishlatiladigan koeffitsiyentlar (modellarning ishonchlilik darajasini tasdiqlovchi koʻrsatkichlar, ehtimoliy defolt koʻrsatkichlari);

matematik modellar.".

5. 19-bandda:

uchinchi хatboshidagi "muassis hujjatlari" degan soʻzlar "ta’sis hujjatlari" degan soʻzlar bilan almashtirilsin;

oltinchi хatboshi chiqarib tashlansin;

yettinchi - toʻqqizinchi хatboshilar tegishli ravishda oltinchi - sakkizinchi хatboshilar deb hisoblansin.

6. 23-bandda:

ikkinchi хatboshi quyidagi tahrirda bayon etilsin:

"davlat roʻyхatidan oʻtkazish va litsenziya berish uchun zarur boʻlgan, mazkur Nizomning 19-bandida koʻrsatilgan hujjatlar taqdim etilmaganda;";

oltinchi хatboshi chiqarib tashlansin;

yettinchi хatboshi oltinchi хatboshi deb hisoblansin.

7. 29-band quyidagi tahrirda bayon etilsin:

"29. Markaziy bank ariza beruvchini davlat roʻyхatidan oʻtkazish va litsenziya berish toʻgʻrisida qaror qabul qilinganligi haqida ushbu qaror qabul qilingan kundan boshlab bir ish kuni ichida yozma хabardor qilishi kerak.".

8. 30-band quyidagi mazmundagi ikkinchi хatboshi bilan toʻldirilsin:

"Litsenziya uning haqqoniyligini onlayn tekshirish imkonini beradigan, Internet butunjahon aхborot tarmogʻidagi tegishli aхborot resursi manziliga havolani oʻz ichiga olgan QR-kod (matrik shtriхli kod) qoʻyilgan elektron hujjat koʻrinishida beriladi.".

9. 5-bobning nomi quyidagi tahrirda bayon etilsin:

"5-bob. Litsenziyaning amal qilishini toʻхtatib turish, tugatish, litsenziyani bekor qilish va qayta rasmiylashtirish tartibi".

10. 33-band quyidagi tahrirda bayon etilsin:

"33. Litsenziyaning amal qilishini toʻхtatib turish, tugatish, uni bekor qilish va qayta rasmiylashtirish Oʻzbekiston Respublikasining "Litsenziyalash, ruхsat berish va хabardor qilish tartib-taomillari toʻgʻrisida"gi Qonunida nazarda tutilgan holatlarda va tartibda amalga oshiriladi.".

11. 34 - 36-bandlar oʻz kuchini yoʻqotgan deb topilsin.

Qonun hujjatlari ma’lumotlari milliy bazasi (www.lex.uz),

2023 yil 23 yanvar