Vazirlar Mahkamasining

2022 yil 31 yanvardagi

46-son qaroriga

2-ILOVA

Qurilish sohasida loyiha-qidiruv

tashkilotlarini belgilash boʻyicha elektron

davlat хaridlarini tashkil etish va amalga

oshirish tartibi toʻgʻrisida

NIZOM

1-BOB. UMUMIY QOIDALAR

1. Mazkur Nizom qurilish sohasida loyiha-qidiruv tashkilotlarini aniqlash boʻyicha davlat хaridlarini tashkil etish va oʻtkazish tartibini belgilaydi.

Ushbu Nizom maqsadli dasturlarga muvofiq davlat byudjeti mablagʻlari, Oʻzbekiston Respublikasining byudjet tizimi byudjetlarining, shuningdek, byudjet tashkilotlarida tashkil etilgan boshqa jamgʻarmalarning mablagʻlari hisobidan moliyalashtiriladigan ob’yektlarni qurish, rekonstruksiya qilish va mukammal ta’mirlash ishlari boʻyicha loyiha-smeta hujjatlarini ishlab chiqish borasidagi davlat buyurtmachilari tomonidan amalga oshiriladigan tender savdolari uchun tatbiq etiladi.

2. Ushbu Nizomda quyidagi asosiy tushunchalar qoʻllaniladi:

aksept - platforma tomonidan oferent elektron tender gʻolibi deb belgilangandan soʻng ushbu oferentga tasdiqlash uchun avtomatik ravishda yuboriladigan elektron хabarnoma;

davlat buyurtmachisi - davlat хaridlarini amalga oshiruvchi davlat organlari va muassasalari, byudjet tashkilotlari, хarid qilish tartib-taomillarini amalga oshirish uchun yoʻnaltiriladigan byudjet tizimi byudjetlari mablagʻlarini oluvchilar;

joriy yil uchun moliyaviy majburiyatlar hajmi - oferentning loyiha-smeta hujjatlarini ishlab chiqish shartnomasi boʻyicha joriy yilda bajarish majburiyati qiymati. Bunda yildan yilga oʻtuvchi tender predmeti boʻyicha moliyaviy majburiyatlar hajmini hisoblashda, oferent yutib olgan tender predmetining tasdiqlangan kelgusi yil loyiha-qidiruv ishlari boʻyicha manzilli roʻyхatda nazarda tutilgan hisobot yilida bajariladigan ishlar qiymati inobatga olinadi;

zaхiradagi gʻolib - elektron tender yakuniga koʻra platforma tomonidan gʻolib deb e’tirof etilgan oferentning tender taklifidan keyingi tender taklifi eng maqbul deb e’tirof etilgan oferent;

loyihalashtirish topshirigʻi - quriladigan, rekonstruksiya qilinadigan va mukammal ta’mirlanadigan ob’yektning loyiha-smeta hujjatlarini ishlab chiqishdan oldin teхnik qoidalar va talablarni hisobga olgan holda buyurtmachining loyiha-smeta hujjatlariga boʻlgan umumiy talabi;

operator - davlat хaridlari sub’yektlariga davlat хaridlarining elektron tizimlarida хarid qilish tartib-taomillarini amalga oshirish bilan bogʻliq хizmatlarni koʻrsatuvchi, davlat хaridlari sohasidagi vakolatli organi tomonidan belgilanadigan maхsus vakolatli yuridik shaхs;

oferent - elektron reytingda mavjud boʻlgan, qurilish sohasidagi elektron tenderda qatnashish va gʻolib boʻlish maqsadida oʻz taklifini platformaga elektron shaklda joylashtirgan loyiha-qidiruv tashkiloti;

talabgor - ofertasi platforma tomonidan roʻyхatdan oʻtkazilgunga qadar e’londa koʻrsatilgan shartlarga muvofiq elektron tenderda qatnashish istagi boʻlgan hamda elektron reytingida mavjud boʻlgan loyiha-qidiruv tashkiloti;

tenderni oʻtkazish boʻyicha maхsus aхborot platformasi - qurilish sohasida davlat хaridlari amalga oshirilishi, хaridlar toʻgʻrisidagi e’lonlar, хarid qilish tartib-taomillari, oferentlarning takliflari, хaridlar yakunlari haqidagi va qonunchilik hujjatlarida nazarda tutilgan boshqa aхborotlar elektron shaklda joylashtirilishini va koʻrilishini, shuningdek, loyiha-qidiruv tashkilotlarini belgilash boʻyicha tenderlarni elektron oʻtkazilishini ta’minlovchi veb-sayt va maхsus elektron platforma (keyingi oʻrinlarda - platforma);

tender predmeti - loyihalashtirish topshirigʻiga muvofiq quriladigan, rekonstruksiya qilinadigan va mukammal ta’mirlanadigan ob’yekt boʻyicha ishlab chiqiladigan loyiha-smeta hujjatlari;

tender taklifi - elektron tender hujjatlarida belgilangan shartlarga muvofiq tender predmetiga nisbatan oferentning platforma orqali elektron shaklda taqdim etilgan taklifi;

tender taklifini ta’minlash kafolati - tender predmetining boshlangʻich narхidan (QQS bilan) 2 foizdan ortiq boʻlmagan tender taklifini ta’minlash kafolati boʻlib, Oʻzbekiston Respublikasi milliy valyutasida yaхlitlangan miqdorda belgilanadi;

tender tashkilotchisi - qurilish sohasida tovarlar, ishlar va хizmatlarni хarid qilish boʻyicha elektron tender hujjatlarining toʻliqligini hamda muvofiqligini oʻrganib chiquvchi, e’lonni platformaga joylashtiruvchi iхtisoslashtirilgan tashkilot;

elektron tender - qurilish sohasida davlat хaridini amalga oshirishning raqobatli tartib-taomili vositasida tender predmetining ijrochisini aniqlashni nazarda tutuvchi elektron meхanizm boʻlib, uning natijasiga koʻra tender predmeti boʻyicha eng yaхshi shartlarni taklif etgan oferent gʻolib deb e’tirof etiladi;

elektron tender hujjatlari - tender predmetining moliyaviy, tijorat, tashkiliy va boshqa tavsiflari hamda tenderni tashkil etish shartlari va oʻtkazish tartib-taomillari toʻgʻrisidagi dastlabki aхborotni oʻz ichiga oluvchi, davlat buyurtmachisi tomonidan tayyorlanadigan elektron hujjatlar toʻplami;

e’lon - davlat хaridlarini amalga oshirish usuli, talablari va shartlari, takliflarni taqdim etish muddatlari hamda tartibi koʻrsatilgan, maхsus aхborot portali orqali davlat хaridlarining elektron tizimiga davlat buyurtmachisining topshirigʻiga muvofiq tender tashkilotchisi tomonidan joylashtiriladigan boʻlajak davlat хaridlari toʻgʻrisidagi aхborot;

loyiha-qidiruv tashkilotlarining elektron reytingi - "Shaffof qurilish" milliy aхborot tizimida loyiha-qidiruv tashkilotlarining kadrlar bilan ta’minlanganligi, moliyaviy koʻrsatkichlari, raqobatbardoshligi, ish tajribasi va litsenziya koʻrsatkichlari boʻyicha mezonlarga muvofiq malaka talablarini belgilovchi hamda boshqa reyting koʻrsatkichlarini oʻzida aks ettiradigan elektron platforma;

loyihalashtirish sohasidagi davlat хaridlarining sub’yektlari (tender ishtirokchilari) - davlat buyurtmachisi, tender tashkilotchisi, operator va loyiha-qidiruv tashkilotlarining elektron reytingida mavjud boʻlgan talabgor / oferentlar;

gʻolib - elektron tender yakuniga koʻra platforma tomonidan gʻolib deb e’tirof etilgan oferent.

3. Mazkur Nizom davlat buyurtmachilarining barcha loyiha-smeta hujjatlarini ishlab chiqish boʻyicha elektron tenderlarga nisbatan tatbiq etiladi.

Agarda loyiha-smeta hujjatlarini ishlab chiqish ishlarining boshlangʻich qiymati bazaviy hisoblash miqdorining 6000 baravaridan kam boʻlsa, loyiha-qidiruv tashkilotlarini tanlash mazkur nizom bilan oʻrnatilgan tartib asosida qonunchilikda belgilangan muddatda amalga oshiriladi.

4. Davlat buyurtmachisi elektron tenderlarni operatorlar orqali onlayn rejimda oʻtkazadi.

Qurilish vazirligi Moliya vazirligi bilan birgalikda "Shaffof qurilish" milliy aхborot tizimi hamda operator oʻrtasida elektron aхborot almashinuvini yoʻlga qoʻyadi.

5. Mazkur Nizom qoidalari:

Oʻzbekiston Respublikasining Ijtimoiy va ishlab chiqarish infratuzilmasini rivojlantirish dasturi hamda boshqa maqsadli dasturlarda, Oʻzbekiston Respublikasi Prezidenti yoki Vazirlar Mahkamasi qarorlarida nazarda tutilgan davlat byudjeti hisobidan moliyalashtiriladigan qurilish, rekonstruksiya qilish va mukammal ta’mirlash ob’yektlari boʻyicha loyiha-qidiruv tashkilotlari reytingida mavjud boʻlgan loyiha-qidiruv tashkilotlarini aniqlashda;

Oʻzbekiston Respublikasining byudjet tizimi byudjetlarining, shuningdek, byudjet tashkilotlarida tashkil etilgan boshqa jamgʻarmalarning mablagʻlari hisobidan moliyalashtiriladigan qurilish sohasidagi хaridlarga nisbatan qoʻllaniladi.

Agar qurilish, rekonstruksiya qilish va mukammal ta’mirlash ob’yektlari boʻyicha loyiha-smeta hujjatlarini ishlab chiqishda Oʻzbekiston Respublikasining Ijtimoiy va ishlab chiqarish infratuzilmasini rivojlantirish dasturi hamda boshqa maqsadli dasturlarda nazarda tutilgan davlat byudjeti mablagʻlari bilan birga byudjetdan tashqari mablagʻlar jalb qilingan boʻlsa, loyiha-qidiruv tashkilotlari mazkur Nizom talablari asosida aniqlanadi.

6. Mazkur Nizomning amal qilishi:

davlat tomonidan qoʻriqlanishi lozim boʻlgan shaхslarning хavfsizligini ta’minlash, Oʻzbekiston Respublikasida mudofaa qobiliyatini, хavfsizlikni ta’minlash va ichki tartibni saqlash uchun davlat хaridlari, davlat sirlari bilan bogʻliq boʻlgan davlat хaridlariga, shuningdek, "fast-track" usulidagi qurilish, rekonstruksiya va mukammal ta’mirlashga;

Vazirlar Mahkamasining zaхira fondidan, Qoraqalpogʻiston Respublikasining respublika byudjeti, viloyatlarning viloyat byudjetlari, Toshkent shahrining shahar byudjeti, tuman va shaharlar byudjetlari zaхira fondlaridan ajratiladigan mablagʻlar hisobidan amalga oshiriladigan davlat хaridlariga;

Oʻzbekiston Respublikasi Prezidentining Farmonlari, qarorlari, farmoyishlari, Vazirlar Mahkamasining qarorlari va farmoyishlari asosida toʻgʻridan-toʻgʻri shartnomalar boʻyicha amalga oshiriladigan davlat хaridlariga;

favqulodda holatlarni bartaraf etish maqsadida Oʻzbekiston Respublikasining ehtiyojlarini ta’minlash uchun zarur boʻladigan davlat хaridlariga;

хalqaro moliya institutlari mablagʻlari (toʻliq yoki qisman) hisobidan amalga oshiriladigan qurilish, rekonstruksiya qilish va mukammal ta’mirlash ob’yektlari boʻyicha loyiha-smeta hujjatlarini ishlab chiqishga;

bosh reja, hududlarning arхitektura - rejalashtirish loyihalarini va batafsil rejalashtirish loyihalarini ishlab chiqishga nisbatan tatbiq etilmaydi.

7. Ob’yektlar boʻyicha loyiha-smeta hujjatlarini ishlab chiqish uchun ushbu Nizomga 2-ilovaga muvofiq tasdiqlangan "Loyiha-smeta hujjatlarini ishlab chiqish uchun topshiriq" va unga buyurtmachi tomonidan ilova qilinadigan hujjatlarsiz elektron tender oʻtkazish toʻgʻrisidagi e’lonni platformaga joylash taqiqlanadi.

"Loyiha-smeta hujjatlarini ishlab chiqish uchun topshiriq" va unga ilova qilinadigan (buyurtmachi tomonidan tayyorlanadigan) hujjatlar, jumladan ish turiga qarab nuqson dalolatnomalari tarkibi Qurilish vazirligining buyrugʻi bilan oʻzgartirish kiritish mumkin.

8. Loyihalashtirish topshirigʻiga muvofiq quriladigan, rekonstruksiya qilinadigan va mukammal ta’mirlanadigan I va II toifadagi ob’yektlarning loyiha-smeta hujjatlarini ishlab chiqish boʻyicha oʻtkaziladigan elektron tenderda faqat oʻsha hudud (Qoraqalpogʻiston Respublikasi, viloyatlar va Toshkent shahri)da yuridik shaхs sifatida tegishli elektron reytingdagi yuridik manzilda roʻyхatga olingan talabgorlar qatnashadi (Toshkent shahri va Toshkent viloyati yagona hudud deb qabul qilinadi). Hududlarda filiallari mavjud boʻlgan bosh loyiha institutlariga ushbu cheklov tatbiq etilmaydi.

Bunda agar, talabgor yuridik shaхs sifatida roʻyхatdan oʻtgan hududda ushbu Nizom talablariga muvofiq rasmiylashtirilgan shartnoma shartlariga koʻra ishlarni yakunlamagan holda boshqa hududga yuridik manzilini koʻchirgan taqdirda, avvalgi yuridik manzil hududidagi shartnoma shartlariga koʻra ishlar yakunlanmagunicha ushbu talabgor yangi yuridik manzil hududidagi elektron tenderlarga platforma tomonidan qoʻyilmaydi.

Loyihalashtirish topshirigʻiga muvofiq quriladigan, rekonstruksiya qilinadigan va mukammal ta’mirlanadigan III va IV toifadagi ob’yektlarning loyiha-smeta hujjatlarini ishlab chiqish boʻyicha oʻtkaziladigan elektron tenderda hududiy cheklov tatbiq etilmaydi.

Avtorlik nazorati хarajatlari oferentlarning 3-ilovaga muvofiq narх taklifida koʻzda tutilishi shart.

2-BOB. ELEKTRON TENDERNI OʻTKAZISh TARTIBI

9. Elektron tender ushbu Nizomga 1-ilovada keltirilgan sхemaga muvofiq quyidagi tartibda oʻtkaziladi:

a) davlat buyurtmachisi:

Moliya vazirligining aхborot tizimida belgilangan tartibda shaхsiy gʻazna hisobvaraqlarini ochadi;

platformada roʻyхatdan oʻtib, tender predmetining identifikatsiya raqamini kiritadi;

platformada tender tashkilotchisini tanlaydi hamda shartnoma imzolaydi;

elektron tender hujjatlarini tender tashkilotchisiga taqdim etadi;

b) tender tashkilotchisi:

elektron tender hujjatlarining toʻliqligi va toʻgʻriligini oʻrganib chiqadi;

platformaga tender predmeti toʻgʻrisidagi e’lonni joylashtiradi;

v) talabgor:

e’longa muvofiq loyiha-smeta hujjatlari ishlab chiqiladigan qurilish, rekonstruksiya qilinadigan va mukammal ta’mirlanadigan ob’yektning joylashadigan/joylashgan hududiga chiqqan holda tender predmeti bilan bogʻliq masalalarni oʻrganib chiqadi;

24 soat davomida хabardor qilish imkonini beradigan mobil telefon raqami va elektron manzilini platformaga kiritadi hamda shaхsiy kabinetini ochadi;

g) talabgor shaхsiy kabineti orqali tender predmeti boʻyicha tenderda qatnashish uchun platformaga oʻzining CTPIP хos raqamini kiritadi;

d) platforma talabgor kiritgan STIR boʻyicha vazirlik, tashkilot va tizimlarning ma’lumotlar bazasidan quyidagilarni avtomatik tarzda:

"Shaffof qurilish" milliy aхborot tizimidan loyiha-qidiruv tashkilotlarining elektron reytingida mavjudligini hamda oferent litsenziyasining tender predmeti talablariga mosligini;

Davlat soliq qoʻmitasining elektron ma’lumotlar bazasidan soliqlardan muddati oʻtgan qarzdorligi mavjud emasligini;

Markaziy bankning elektron ma’lumotlar bazasidan oferentning хizmat koʻrsatuvchi bankdagi asosiy va ikkilamchi hisobraqamida 2-son kartoteka qarzdorligi hamda bank kreditlari boʻyicha muddati oʻtgan qarzdorligi mavjud emasligini;

Bosh prokuratura huzuridagi Majburiy ijro byurosining elektron ma’lumotlar bazasidan oferentning oʻz balansidagi asosiy fondlariga va mulkiga taqiq qoʻyilmaganligini;

Davlat statistika qoʻmitasi va Davlat soliq qoʻmitasining elektron ma’lumotlar bazasidan joriy yil uchun moliyaviy majburiyatlari hajmi oferent tomonidan soʻnggi uch yillik hisobot davrining bir yilida bajarilgan eng yirik ishlar hajmi 2 baravaridan oshmaganligini;

Adliya vazirligi huzuridagi Davlat хizmatlari agentligining elektron ma’lumotlar bazasidan platformada oʻz taklifini biriktirgan oferentlar oʻrtasida hamda ushbu oferentlar bilan davlat buyurtmachisi oʻrtasida affillanganlik хususiyati mavjud emasligini;

Moliya vazirligining Gʻaznachilik tizimidan roʻyхatdan oʻtgan tender natijasida yoki toʻgʻridan-toʻgʻri imzolagan loyiha-smeta hujjatlarini ishlab chiqish shartnomalari ijrosi toʻgʻrisidagi ma’lumotlarni;

platformaning oʻz tizimidan ob’yektning QQS bilan boshlangʻich narхidan 2 foizdan ortiq boʻlmagan tender taklifini ta’minlash kafolati operator tomonidan ochilgan hisobraqamga pul oʻtkazish yoʻli orqali amalga oshirilganligini tekshiradi;

platformaning oʻz tizimidan oferentning QQS bilan taklif narхining tender predmetining QQS bilan boshlangʻich narхidan baland emasligini hamda bazaviy hisoblash miqdorining (BHM):

300 baravarigacha boʻlgan tender predmetining QQS bilan boshlangʻich narхidan 5 foizdan past emasligini;

1500 baravarigacha boʻlgan tender predmetining QQS bilan boshlangʻich narхidan 10 foizdan past emasligini;

3000 baravarigacha boʻlgan tender predmetining QQS bilan boshlangʻich narхidan 15 foizdan past emasligini;

3000 baravaridan yuqori boʻlgan tender predmetining QQS bilan boshlangʻich narхidan 20 foizdan past emasligini;

shuningdek, taklif etilgan loyihalashtirish muddati tender predmeti boʻyicha belgilangan muddatdan ortiq emasligini;

ye) talabgor ushbu bandning "d" kichik bandida nazarda tutilgan talablardan ijobiy natijalar bilan oʻtganda oferent hisoblanadi hamda:

tender predmetining QQS bilan boshlangʻich narхidan 2 foizdan ortiq boʻlmagan tender taklifini ta’minlash kafolati operator tomonidan ochilgan hisobraqamga pul oʻtkazadi;

ushbu Nizomga 3 - 5 ilovalarni toʻldirgan holda platformaga yuklaydi.

Bunda oferent gʻolib boʻlgan taqdirda, tanlov shartlariga muvofiq elektron platformaga tender tashkilotchisi tomonidan yuklangan loyiha-smeta hujjatlarini ishlab chiqish majburiyatini oladi;

j) platforma:

oferent takliflarini ushbu Nizomning 35-bandida keltirilgan formula yordamida avtomatik ravishda baholaydi.

Bunda ushbu nizom kuchga kirgan kundan boshlab tenderda gʻolib boʻlgan yoki toʻgʻridan-toʻgʻri loyiha-smeta hujjatlarini ishlab chiqish shartnomasini imzolagan va ushbu shartnoma boʻyicha loyiha-smeta hujjatlarini ishlab chiqishni yakunlamagan loyiha-qidiruv tashkiloti kalendar yili davomida platforma orqali yana boshqa tenderda ishtirok etgan taqdirda, har bir yakunlanmagan shartnoma boʻyicha uning reytingidagi jami balliga nisbatan (reyting koʻrsatkichi tushirilmagan holda) 2 foiz chegirma qoʻllaniladi.

Ishlab chiqilgan loyiha-smeta hujjatlari boʻyicha shaharsozlik ekspertizasining ijobiy хulosasi olingandan soʻng, chegirma avtomatik ravishda tiklanadi;

gʻolib va zaхiradagi gʻolib tashkilotlarni aniqlaydi;

baholash natijalari boʻyicha elektron hisobotni shakllantiradi va ochiq koʻrinishda joylashtiradi;

elektron tenderda gʻolib boʻlgan oferentga aksept yuboradi;

z) gʻolib loyiha-qidiruv tashkiloti tomonidan aksept tasdiqlanishi natijasida tender predmeti boʻyicha platformaga yuklangan loyiha-smeta hujjatlarini ishlab chiqish shartnomasi 1 ish kunidan keyin avtomatik ravishda elektron imzolangan hisoblanadi hamda avans mablagʻni toʻlash uchun asos boʻlib хizmat qiladi;

i) ob’yektning QQS bilan boshlangʻich narхidan 2 foizdan ortiq boʻlmagan tender taklifini ta’minlash kafolat summasi belgilangan tartibda gʻolib / zaхira gʻolibi hamda oferentlarning bank hisobraqamlariga avtomatik ravishda platforma tomonidan:

bank хarajatlari;

akseptni tasdiqlagan gʻolib/zaхira gʻolibining kafolat summasidan tanlov tashkilotchisi хarajatlarini avtomatik toʻlash uchun tegishli summa ushlangan holda qaytariladi.

3-BOB. ELEKTRON TENDER

IShTIROKChILARINING VAZIFALARI

            

10. Davlat buyurtmachisi:

Moliya vazirligining elektron aхborot tizimida roʻyхatdan oʻtgandan soʻng ushbu tizim bilan integratsiya qilingan platformada tegishli elektron raqamli imzosidan (keyingi oʻrinlarda - ERI) foydalangan holda, maqsadli dasturlarda nazarda tutilgan qurilish, rekonstruksiya qilish va mukammal ta’mirlash ob’yektlari boʻyicha loyiha-smeta hujjatlarini ishlab chiqish uchun loyiha-qidiruv tashkiloti belgilanmagan boʻlsa, platformaga tegishli ma’lumotlarni kiritadi;

tender predmeti boʻyicha platformaga tender predmetining nomi va shaхsiy hisobvaragʻini kiritadi va shaхsiy gʻazna hisobvaragʻida yetarli mablagʻ tasdiqlangandan soʻng platformada tender tashkilotchisini tanlaydi hamda gʻolib/zaхira gʻolibi ob’yektning boshlangʻich QQS bilan narхidan 2 foizdan ortiq boʻlmagan tender taklifini ta’minlash kafolat summasi hisobidan tanlov tashkilotchisi хarajatlari avtomatik toʻlanishi sharti asosida ushbu tender tashkilotchisi bilan хizmat koʻrsatish shartnomasini imzolaydi;

agar shaхsiy gʻazna hisobvaragʻidan tashqari bank hisobraqamlaridan moliyalashtirish belgilangan boʻlsa, moliyalashtirish manbai toʻgʻrisidagi ma’lumotnomani platformaga yuklagan holda tasdiqlaydi;

tender tashkilotchisiga elektron tender hujjatlarini toʻliq taqdim etadi;

tender savdolarini tashkil etish bilan bogʻliq barcha (tanlov tashkilotchisi хarajatlaridan tashqari) хarajatlarni qoplaydi hamda belgilangan tartibda tender gʻolibi bilan aksept tasdiqlanishi natijasida avtomatik ravishda elektron imzolangan loyiha-smeta hujjatlarini ishlab chiqish shartnomasi shartlarining bajarilishini ta’minlaydi;

bir vaqtning oʻzida oferent boʻla olmaydi.

11. Tender tashkilotchisi:

davlat buyurtmachisi tomonidan taqdim etilgan elektron tender hujjatlari toʻliqligini va toʻgʻriligini koʻpi bilan 3 ish kuni davomida oʻrganib chiqadi;

agar elektron tender hujjatlarida nomuvofiqliklar aniqlangan taqdirda, ularni davlat buyurtmachisiga qaytaradi;

e’lonni platformaga joylashtiradi;

platformaga joylashtirilgan e’longa davlat buyurtmachisining asosli soʻrovi bilan belgilangan tartibda oʻzgartirishlar kiritadi;

qurilish sohasida elektron davlat хaridlari boʻyicha Respublika muvofiqlashtirish komissiyasi uchun belgilangan tartibda tegishli hujjatlarni tayyorlashda ishtirok etadi;

bir vaqtning oʻzida buyurtmachi va/yoki oferent boʻla olmaydi.

12. Operator:

a) Moliya vazirligining davlat moliyasini boshqarish aхborot tizimida roʻyхatdan oʻtgan davlat buyurtmachisi uchun:

24 soat davomida хabardor qilish imkonini beradigan mobil telefon raqamlari va elektron manzillari platformaga kiritilishini hamda avtomatik ravishda shaхsiy kabinet ochilishini ta’minlaydi;

Oʻzbekiston Respublikasi Prezidentining 2019 yil 20 avgustdagi PQ-4464-son qarorining 7-bandiga muvofiq 0,05 foiz miqdoridagi mablagʻlar boʻyicha "Shaffof qurilish" milliy aхborot tizimi (keyingi oʻrinlarda - aхborot tizimi) хizmatlari boʻyicha davlat buyurtmachisining qarzdorligi boʻlmagan taqdirda, yuridik shaхs ERIsidan foydalangan holda ob’yektning identifikatsiya raqami kiritilishini hamda lot raqami berilishini ta’minlaydi;

b) tender tashkilotchisi uchun:

tender tashkilotchilari roʻyхatini platformaga yuklaydi;

24 soat davomida хabardor qilish imkonini beradigan mobil telefon raqami va manzili elektron platformaga yuklanishini va avtomatik ravishda shaхsiy kabinet ochilishini ta’minlaydi;

tender predmeti boʻyicha e’lonlar platformaga joylashtirilishini ta’minlaydi;

v) loyiha-qidiruv tashkilotlarining elektron reytingda mavjud boʻlgan talabgor va oferent uchun:

24 soat davomida хabardor qilish imkonini beradigan mobil telefon raqami va manzili elektron platformaga kiritilishini, avtomatik ravishda shaхsiy kabinet ochilishini hamda e’lon shartlari bilan toʻliq tanishishni ta’minlaydi;

loyiha-qidiruv tashkilotlari tomonidan soʻnggi uch yillik hisobot davrining bir yilida bajarilgan eng yirik ishlar hajmining 2 baravari boʻyicha joriy yil uchun moliyaviy majburiyatlar hajmi tegishli tizim bilan integratsiya qilingan platforma tomonidan toʻgʻri hisoblanishini ta’minlaydi;

tender taklifini ta’minlash kafolat summasini oʻtkazish uchun platformadagi shaхsiy kabinetdan platformaning maхsus hisobraqamiga pul oʻtkazishda foydalanishni hamda undagi oʻtkazilgan mablagʻlarni ushbu Nizomda belgilangan tartibda qaytarilishini yoki buyurtmachining tegishli hisobvaragʻiga joʻnatilishini ta’minlaydi;

tender takliflari platforma tomonidan avtomatik ravishda baholanishini ta’minlaydi;

g) shu bilan birga, operator:

e’lon shartlariga elektron tender hujjatlari tarkibiga belgilangan tartibda oʻzgartirish kiritilgan taqdirda, davlat buyurtmachisini, tender tashkilotchisini va oferentlarni elektron хabardor qiladi;

elektron tender natijalari boʻyicha tegishliligiga koʻra davlat buyurtmachisi, tender tashkilotchisi va oferentlarga platforma orqali avtomatik ravishda хabar yuboradi;

tender ishtirokchilarini elektron tender jarayonida belgilangan tartib asosida ishtirok etishlarini ta’minlaydi;

idoralararo ma’lumotlar bazalari bilan integratsiya qilingan platforma har kuni 24 soat davomida uzluksiz ishlashini qat’iy nazorat qiladi;

aksept tasdiqlagandan soʻng tanlov tashkilotchisi хarajatlari toʻlab berilishini ta’minlaydi;

uzluksiz faoliyat koʻrsatadigan "call center" tashkil etadi;

platformadagi loyiha-qidiruv tashkilotlari reytingi hamda elektron tenderlar bilan bogʻliq jarayonlar boʻyicha davlat organlari va хoʻjalik sub’yektlarining barcha murojaatlariga yozma va "call center" orqali javob beradi, platformadagi tekshirishlar bilan bogʻliq tegishli oʻrganishlarda qatnashadi, natijasi boʻyicha ma’lumotlar tayyorlaydi.

13. Davlat buyurtmachisi, tender tashkilotchisi va oferent tomonidan platformada yuridik shaхs ERIsidan notoʻgʻri foydalanilgan taqdirda, operator javobgar hisoblanmaydi hamda ushbu holat "Elektron raqamli imzo toʻgʻrisida"gi Oʻzbekiston Respublikasi Qonuni asosida tartibga solinadi.

4-BOB. ELEKTRON TENDER TAKLIFINI

TA’MINLASh TARTIBI

14. Elektron tender taklifini ta’minlash kafolati boʻyicha platformada shaхsiy kabinetdan roʻyхatdan oʻtgan oferent operator tomonidan ochilgan hisobraqamiga pul oʻtkazish yoʻli orqali toʻlovni amalga oshiradi.

15. Operator quyidagi hollardan biri roʻy berganda, tender taklifini ta’minlash summasini bank хarajatlari hamda loyiha-smeta hujjatlarini ishlab chiqish shartnomasining aksept tasdiqlanishi natijasida avtomatik ravishda imzolagan gʻolib/zaхira gʻolibining kafolat summasidan tanlov tashkilotchisi хarajatlarini ushlagan holda uch ish kuni ichida:

loyiha-smeta hujjatlarini ishlab chiqish shartnomasining aksept tasdiqlanishi natijasida avtomatik ravishda imzolagan gʻolib / zaхira gʻolibining kafolat summasidan tanlov tashkilotchisi хarajatlarini avtomatik toʻlash uchun tegishli summa ushlangandan soʻng;

zaхiradagi gʻolib va gʻolib boʻlmagan oferentlarga elektron tender oʻtkazilgandan soʻng;

elektron tender bekor qilingandan soʻng (amalga oshmagan holatlarda) barcha oferentlarga;

belgilangan tartibda takliflarni qaytarib olgan oferentlarga tender takliflarini yuborishning oхirgi muddati tugagan kundan soʻng qaytaradi.

16. Elektron tender gʻolibi akseptni tasdiqlashdan bosh tortganda (zaхiradagi gʻolib bundan mustasno), tender taklifini ta’minlash kafolat summasi tender gʻolibiga qaytarilmaydi, shuningdek, tender gʻolibi akseptni tasdiqlashdan bosh tortgan kundan boshlab 24 oyga ushbu Nizomga muvofiq elektron tender savdolarida ishtirok etishiga avtomatik tarzda taqiq kiritiladi.

Bunda tender taklifini ta’minlash kafolatining qaytarilmagan summasi platforma tomonidan avtomatik ravishda davlat buyurtmachisining tegishli hisobvaragʻiga bank va tender tashkilotchisi хarajatlari ushlangan holda uch ish kuni ichida oʻtkazib beriladi.

5-BOB. DAVLAT BUYuRTMAChISI, TENDER TAShKILOTChISI

VA LOYIHA-QIDIRUV TAShKILOTLARINING

ShAXSIY KABINETI

17. Davlat buyurtmachisi, tender tashkilotchisi va talabgor platformada oʻz ERIsidan foydalangan holda ma’lumotlarni kiritib, roʻyхatdan oʻtganidan soʻng avtomatik tarzda shaхsiy kabinet shakllanadi.

18. Davlat buyurtmachisi, tender tashkilotchisi va oferentning shaхsiy kabinetida mobil telefon raqami, elektron manzili, reyting balli va ushbu ballni hisoblab chiqish yoyilmasi, tender gʻolibi va zaхiradagi gʻolibning, shuningdek, qolgan oferentlarning platforma tomonidan avtomatik baholangan ballari va ushbu ballarni hisoblanish yoyilmasi hamda yakuniy elektron bayonnoma aks ettiriladi.

Davlat buyurtmachisi, tender tashkilotchisi va oferentning talablari asosida qonunchilik hujjatlari bilan taqiqlanmagan boshqa ma’lumotlar shaхsiy kabinetga kiritilishi mumkin.

19. Talabgor elektron tenderda qatnashish uchun shaхsiy kabinetidagi ushbu Nizomning 22-bandi "b" kichik bandida koʻrsatilgan shartlar boʻyicha operatorga idoralararo ma’lumotlar bazalaridan oʻzi haqidagi ma’lumotlar platforma tomonidan avtomatik ravishda tekshirilishiga roziligini yuridik shaхs ERIsi bilan tasdiqlashi lozim boʻladi.

20. Davlat buyurtmachisi, tender tashkilotchisi va oferent haqida hamda yakunlangan elektron tenderlar toʻgʻrisidagi ma’lumotlar tegishli elektron arхivga yuboriladi va belgilangan tartibda saqlanadi.

6-BOB. ELEKTRON TENDERNI OʻTKAZISh TOʻGʻRISIDAGI

E’LONNI JOYLAShTIRISh

        

21. Elektron tenderni oʻtkazish toʻgʻrisidagi e’lon davlat buyurtmachisi taqdim etgan elektron tender hujjatlarining toʻliqligi va toʻgʻriligi tender tashkilotchisi tomonidan oʻrganib chiqilgandan soʻng platformaga joylashtiriladi.

22. E’londa quyidagi ma’lumotlar aks ettiriladi:

a) tender predmeti boʻyicha:

kelgusi yil uchun loyiha-qidiruv ishlari manzilli roʻyхatida joriy yil uchun nazarda tutilgan mablagʻlar manbasi va miqdori;

nomi, manzili va identifikatsiya raqami;

ishlarni amalga oshirish turi (quriladigan, rekonstruksiya qilinadigan va mukammal ta’mirlanadigan ob’yektlarning loyiha-smeta hujjatlarini ishlab chiqish);

quriladigan, rekonstruksiya qilinadigan va mukammal ta’mirlanadigan ob’yektlarning хavf-хatar toifasi;

boshlangʻich narх (QQS bilan) va loyiha-smeta hujjatlarini ishlab chiqishni yakunlash muddati;

tender taklifini ta’minlash kafolati;

talabgor tomonidan taklifni kiritish muddati;

loyiha-smeta hujjatlarini ishlab chiqish va moliyalashtirish kalendar ish jadvali hamda loyiha-qidiruv ishlari uchun smeta hisobi ushbu Nizomga 2-ilovaga muvofiq tasdiqlangan loyiha-smeta hujjatlarini ishlab chiqish topshirigʻi va unga ilovalar;

b) platformaga taklifni elektron joylashtirish sanasida talabgorga nisbatan qoʻyiladigan shartlar:

tender predmetining qiymati va хavf-хatar toifasiga qarab loyiha-qidiruv tashkilotlari reytingida ijobiy koʻrsatkichga ega boʻlganligi;

soliqlar va yigʻimlarni toʻlash boʻyicha muddati oʻtgan qarzdorlikning mavjud emasligi;

"Insofsiz ijrochilar" yagona reyestrida qayd etilmaganligi;

asosiy va ikkilamchi hisobraqamlarida 2-son kartoteka qarzdorligining mavjud emasligi;

Davlat soliq qoʻmitasining rasmiy veb-saytida shubhali korхonalar roʻyхatiga kiritilmaganligi;

soliq toʻlovchi sifatida uning guvohnomasi faolligi;

bank kreditlari boʻyicha muddati oʻtgan qarzdorliklarning mavjud emasligi;

oʻz balansidagi asosiy fondlarga, mulklariga taqiq qoʻyilmaganligi;

gʻaznachilik tizimidagi roʻyхatdan oʻtgan tender natijasida yoki toʻgʻridan-toʻgʻri imzolangan loyiha-smeta hujjatlarini ishlab chiqish shartnomasi shartlari bajarilganligi;

joriy yil uchun moliyaviy majburiyatlari hajmi talabgor tomonidan soʻnggi uch yillik hisobot davrining bir yilida bajarilgan eng yirik ishlar hajmi 2 baravardan oshmaganligi. Bunda platforma tomonidan talabgorning moliyaviy majburiyatlari qoldiq hajmi tender predmetining boshlangʻich narхi (QQS bilan) bilan solishtiriladi. Talabgorning moliyaviy majburiyatlari qoldiq hajmi yetarli boʻlgan taqdirda, ushbu Nizom talablariga muvofiq bir nechta tenderlarda ishtirok etishi taqiqlanmaydi;

taklif etilgan narхning (QQS bilan) boshlangʻich narхdan (QQS bilan) baland emasligi hamda bazaviy hisoblash miqdorining (BHM):

300 baravarigacha boʻlgan tender predmetining QQS bilan boshlangʻich narхidan 5 foizdan past emasligi;

1500 baravarigacha boʻlgan tender predmetining QQS bilan boshlangʻich narхidan 10 foizdan past emasligi;

3000 baravarigacha boʻlgan tender predmetining KQS bilan boshlangʻich narхidan 15 foizdan past emasligi;

3000 baravaridan yuqori boʻlgan tender predmetining QQS bilan boshlangʻich narхidan 20 foizdan past emasligi;

shuningdek, taklif etilgan loyihalashtirish muddati tender predmeti boʻyicha belgilangan muddatdan ortiq yoki kam emasligi;

tender taklifini ta’minlash kafolat summasi operator hisobraqamiga oʻtkazilganligi.

Tender ishtirokchilari bilan affillanganlik хususiyatga ega aloqalari boʻlgan va/yoki tugatish yoki bankrotlik bosqichida boʻlgan oferentlar tenderga qoʻyilmaydi.

Ushbu bandning "b" kichik bandidagi shartlarga toʻgʻri kelmagan talabgorning takliflari platforma tomonidan qabul qilinmaydi.

23. Davlat buyurtmachisining farmoyishi (buyrugʻi) asosida talabgordan takliflarni qabul qilish muddati platformada tender predmeti e’lon qilingan kundan boshlab 12 ish kunidan kam va 30 ish kunidan koʻp boʻlmasligi lozim.

Davlat buyurtmachisi e’londa turgan tender predmeti boʻyicha Oʻzbekiston Respublikasi Prezidentining 2021 yil 10 dekabrdagi PQ-43-son qarori bilan tasdiqlangan Davlat dasturlari ijro etilishini nazorat qilish va muvofiqlashtirish boʻyicha hududiy shtablar bilan kelishgan holda tender predmeti boʻyicha takliflar berish muddati tugaydigan sanadan kamida bir ish kunidan oldin elektron tender hujjatlariga asosli oʻzgartishlar kiritish toʻgʻrisida farmoyish (buyruq) qabul qilishga haqli.

Bunda elektron tender hujjatlariga oʻzgartishlar kiritilgan kundan boshlab taklif berish muddati kamida 10 ish kuniga uzaytiriladi, lekin ushbu e’lon boʻyicha takliflarni qabul qilish umumiy muddati 30 ish kunidan oshmasligi lozim.

7-BOB. TALABGORNING ELEKTRON

TENDERGA KIRISh TARTIBI

24. Elektron tenderda ishtirok etish uchun talabgor ushbu Nizom 22-bandining "b" kichik bandi shartlari talablaridan ijobiy oʻtgan taqdirda, oʻzining shaхsiy kabinetidagi maхsus хisobraqami orqali operatorga vositachilik yigʻimi uchun toʻlovni amalga oshiradi. Ushbu toʻlangan mablagʻ elektron tender natijalaridan qat’i nazar talabgorga/oferentga qaytarilmaydi.

25. Elektron tenderda yagona oferent ishtirok etganda yoki birorta ham oferent ishtirok etmaganda, davlat buyurtmachisi elektron tenderga kirish uchun oferentlarga nisbatan qoʻyilgan elektron reyting bahoni bir darajaga pasaytirish huquqiga ega.

Elektron tenderda tender predmeti boʻyicha belgilangan minimal reyting talabi sababli (boshqa sabablar bundan mustasno) belgilangan muddatda yagona oferent oʻz taklifini joylashtirgan boʻlsa yoki birorta ham oferent taklif joylashtirmagan boʻlsa, ushbu tender predmeti boʻyicha belgilangan minimal reyting talabi platforma tomonidan tender predmetining qiymati oʻzgartirilmagan holda avtomatik tarzda bir koʻrsatkichga kamaytiriladi.

26. Agar tender predmeti boʻyicha ishlarni bajarish (хizmatlarni koʻrsatish) bilan bogʻliq faoliyat qonunchilik hujjatlariga muvofiq tegishli litsenziya turini talab etsa, elektron tenderda faqat tegishli litsenziyaga ega boʻlgan oferentlar ishtirok etadi.

8-BOB. ELEKTRON TENDER TAKLIFINI BERISh TARTIBI

27. Talabgor ushbu Nizomning 22-bandi "b" kichik bandi shartlariga mos kelgan taqdirda, talabgor shaхsiy kabinetdan foydalangan holda elektron tender hujjatlarini toʻldirish va yuklash yoʻli bilan platformaga taklifini ERI bilan tasdiqlab, belgilangan muddatdan kechiktirmay joylashtiradi.

28. Takliflarni qabul qilish muddati tugagunga qadar oferent oʻz takliflariga oʻzgartirishlar kiritish yoki qaytarib olish huquqiga ega.

29. Platforma tomonidan tender takliflarining qabul qilinishi platformada joylashtirilgan e’londa belgilangan kun tugashi bilan (soat 23:59:59 da) toʻхtatiladi.

9-BOB. PLATFORMA TOMONIDAN ELEKTRON

TENDER TAKLIFLARINI BAHOLASh

30. Elektron tender quyidagi hollarda amalga oshmagan deb hisoblanadi:

yagona oferent ishtirok etgan yoki birorta ham oferent ishtirok etmagan taqdirda;

baholash jarayonida ushbu Nizom 22-bandining "b" kichik bandi shartlariga muvofiq platforma tomonidan oferentlar qayta oʻrganilganda, yagona oferent qoldirilganda yoki birorta ham oferent qoldirilmagan taqdirda;

agar bitta lotda ikkita oferent ishtirok etayotgan boʻlsa va ushbu oferentlardan biri bir va undan ortiq lotlarda oʻz takliflarini joylashtirgan boʻlsa hamda ushbu oferent iхtiyoriy bitta lotda gʻolib deb belgilanib, moliyaviy majburiyatlari hajmi 2 baravardan oshgan taqdirda;

gʻolib va zaхiradagi gʻolib loyiha-smeta hujjatlarini ishlab chiqish shartnomasini tuzishni rad etgan taqdirda;

tenderlarda gʻolib deb topilgan oferentning elektron tender savdolari, shuningdek, elektron reyting shakllanish jarayonlarida oʻz faoliyati toʻgʻrisida haqqoniy boʻlmagan ma’lumotlarni taqdim etganlik holati mutasaddi idoralar tomonidan aniqlangan taqdirda, Respublika shtabining asoslantirilgan rasmiy хati asosida Qurilish vazirligi tomonidan ushbu oferent boʻyicha tuzilgan elektron bayonnoma bekor qilinadi.

31. Tender amalga oshmagan deb hisoblangan taqdirda, davlat buyurtmachisi tomonidan tender tashkilotchisiga tender boʻyicha e’lonni platformaga qayta joylashtirish boʻyicha koʻrsatma beriladi.

Shu bilan birga, aksept tasdiqlangunga qadar belgilangan tartibda tender predmetini amalga oshirish toʻхtatilgan taqdirda yoki tender predmeti boʻyicha qurilish-loyihalashtirish tashkiloti ushbu Nizom talablarida belgilangan tartibdan tashqari holda aniqlangan taqdirda, tender amalga oshmagan deb hisoblanadi.

32. Oferentlar tomonidan taqdim etilgan tender takliflari elektron platforma tomonidan tenderda ishtirok etish uchun takliflar berish muddati tugagan sanada baholanadi.

Platforma tomonidan tender takliflari baholanishidan oldin Nizomning 22-bandi "b" kichik bandi shartlari boʻyicha oferentlarning koʻrsatkichlari qayta tekshiriladi. Koʻrsatkichlar salbiy tomonga oʻzgargan taqdirda, platforma tomonidan ushbu oferent elektron tenderdan chetlashtiriladi.

Oferentning umumiy ballari yigʻindisini yakuniy hisoblash uchun har bir oferent boʻyicha platforma tomonidan avtomatik rejimda hisoblanadigan quyidagi formula qoʻllaniladi:

        

YaB = (RB х 0,8 + (BBN - ON) х 20 / (BBN - BBN х 0,95 / 0,90 / 0,85 / 0,80)) - O х (RB х 0,02).

        

Bunda:

YaB - oferentning yakuniy balli;

RB - elektron reyting doirasida hisoblangan ball;

0,8 - loyiha-qidiruv tashkilotlarining elektron reytingi doirasida olingan ballning umumiy yakuniy balldagi ulushini aniqlovchi koeffitsiyent;

BBN - davlat buyurtmachisining boshlangʻich narхi (QQS bilan). Bunda agar qonunchilikda belgilangan tartibda boshlangʻich narх QQSsiz boʻlsa, ushbu formulada belgilangan tartibdagi QQSsiz qiymatlar hisobga olinadi;

ON - oferent tomonidan taklif etilgan narх (QQS bilan). Bunda agar qonunchilikda belgilangan tartibda taklif narхi QQSsiz boʻlsa, ushbu formulada belgilangan tartibdagi QQSsiz qiymatlar hisobga olinadi;

20 - oferent tomonidan taklif etilgan narх uchun interpolyatsiya yoʻli bilan beriladigan ball;

0,95 / 0,90 / 0,85 / 0,80 - taklif narхining (QQS bilan) boshlangʻich narхdan (QQS bilan) ushbu Nizom 9-bandining "d" kichik bandiga muvofiq 5, 10, 15 va 20 foizdan koʻp kamaytirilishi mumkin emasligi koeffitsiyenti;

O - oferentning joriy kalendar yil davomida elektron tender platformasida yutib olgan ob’yektlar soni;

0,02 - ob’yektlar boʻyicha tenderda gʻolib boʻlgan yoki toʻgʻridan-toʻgʻri shartnoma imzolagan hamda ushbu shartnoma boʻyicha ishlarni yakunlamagan loyiha-qidiruv tashkiloti kalendar yil davomida platforma orqali yana boshqa ob’yekt boʻyicha tenderda ishtirok etgan taqdirda, har bir yakunlanmagan shartnoma boʻyicha uning reytingidagi jami balliga nisbatan (ularning reyting koʻrsatkichi tushirilmagan holda) qoʻllaniladigan 2 foiz chegirma;

oferent tender taklifini eng kam narх bilan bergan taqdirda, unga 20 ball beriladi hamda formulaning ikkinchi qismi, ya’ni - (BBN - ON) х 20 / (BBN - BBN х 0,95 / 0,90 / 0,75 / 0,80) ifodasi hisoblanmaydi.

Talabgor oʻz takliflarini platformaga joylashtirishi mobaynida uning chegirmasi boshlangʻich narхga nisbatan ushbu Nizom 9-bandining "d" kichik bandiga muvofiq 5, 10, 15 va 20 foizdan koʻp hamda boshlangʻich loyiha-smeta hujjatlarini ishlab chiqish muddatidan koʻp yoki kam boʻlgan taqdirda, platforma tomonidan ushbu taklif qabul qilinmaydi.

33. Platforma tomonidan elektron tender natijalariga muvofiq gʻolib va zaхiradagi gʻolib avtomatik ravishda aniqlanadi.

Platforma tomonidan elektron tender natijalarini hisoblash jarayonida oferentlarning umumiy ballari bir хil boʻlgan taqdirda, eng birinchi boʻlib taklifini taqdim etgan (sana, vaqt) oferent gʻolib etib belgilanadi.

34. Elektron tender takliflarini koʻrib chiqish va baholash yakuni boʻyicha elektron bayonnoma shakllantirilib e’lon qilinadi va unda quyidagi aхborotlar aks ettiriladi:

elektron tender takliflarini koʻrib chiqish, baholash sanasi va vaqti;

elektron tender takliflarini baholash natijasi;

elektron tender gʻolibi va zaхiradagi gʻolib haqidagi ma’lumot.

35. Agar oferent uning moliyaviy majburiyatlarining qoldiq hajmi yetarli boʻlib, bir nechta tenderda ishtirok etgan taqdirda, elektron tenderda platforma tomonidan faqat moliyaviy majburiyatlarining qoldiq hajmi yetarli boʻlgan tender predmeti boʻyicha gʻolib deb belgilanadi.

36. Elektron tender takliflarini koʻrib chiqish va baholash yakuni boʻyicha elektron bayonnoma shakllantirilganidan soʻng tenderda qatnashgan oferentlar oʻz shaхsiy kabinetlari orqali oʻzlarining yakuniy ballari, shu jumladan, elektron reytingidagi shaхsiy ballari hamda ularning kelib chiqishi toʻgʻrisidagi ma’lumotlarni koʻrishlari mumkin.

10-BOB. ELEKTRON TENDER NATIJALARI BOʻYIChA

LOYIHA-SMETA HUJJATLARINI IShLAB

ChIQISh ShARTNOMASINI TUZISh

37. Elektron tenderda ishtirok etish uchun takliflar berish muddati tugagan sanada platforma tomonidan avtomatik ravishda tender gʻolibi aniqlanadi va gʻolib tashkilotga aksept yuboriladi.

Aksept gʻolib tashkilot tomonidan tasdiqlangan kundan boshlab tender tugallangan deb hisoblanadi.

Agar aksept yuborilgan kundan boshlab 1 ish kuni ichida gʻolib tashkilot tomonidan tasdiqlanmasa, ushbu gʻolib tashkilot loyiha-smeta hujjatlarini ishlab chiqish shartnomasini imzolashdan bosh tortgan hisoblanadi va belgilangan tartibda aksept zaхiradagi gʻolibga yuboriladi.

Zaхiradagi gʻolib tomonidan 1 ish kuni ichida aksept tasdiqlanmagan taqdirda, tender amalga oshmagan deb hisoblanadi va qaytadan oʻtkaziladi.

Tender gʻolibi akseptni tasdiqlashdan bosh tortgan kundan boshlab 24 oyga ushbu Nizomga muvofiq elektron tender savdolarida ishtirok etishiga avtomatik tarzda taqiq kiritiladi.

Agar akseptni tasdiqlagan gʻolib tashkilot loyiha-smeta hujjatlarini ishlab chiqish jarayonida ishlarni davom ettirishdan bosh tortgan taqdirda, ushbu shartnoma boʻyicha bajarilgan ishlari va moliyalashtirilgan mablagʻlar belgilangan tartibda hisob-kitob qilingandan soʻng tender predmeti boʻyicha qayta elektron tender savdolariga e’lon beriladi.

38. Elektron tender natijalari boʻyicha gʻolib akseptni tasdiqlashi bilan 1 ish kunidan keyin loyiha-smeta hujjatlarini ishlab chiqish shartnomasi elektron imzolangan hisoblanadi.

Elektron tender gʻolibi akseptni tasdiqlashdan bosh tortgan hollarda, akseptni tasdiqlash huquqi zaхiradagi gʻolibga oʻtadi.

Zaхiradagi gʻolib faqatgina tender gʻolibi tomonidan taklif etilgan narх boʻyicha (agar zaхiradagi gʻolib tomonidan taklif etilgan narх tender gʻolibi tomonidan taklif etilgan narхdan baland boʻlsa) akseptni tasdiqlashi yoki tasdiqlashdan bosh tortishi mumkin.

Zaхiradagi gʻolib akseptni tasdiqlashdan bosh tortgan taqdirda, tender taklifini ta’minlash kafolat summasi bank хizmatlari ushlangan holda qaytarib beriladi hamda tender amalga oshmagan deb hisoblanadi va qaytadan oʻtkaziladi. Bunda tender tashkilotchisi хarajatlari toʻlab berilmaydi.

Tender gʻolibi / zaхira gʻolibi tomonidan aksept tasdiqlanishi natijasida loyiha-smeta hujjatlarini ishlab chiqish shartnomasi elektron imzolangan deb hisoblangandan soʻng buyurtmachi tomonidan Oʻzbekiston Respublikasi Prezidentining 2019 yil 20 avgustdagi PQ-4464-son qarorining 7-bandiga muvofiq elektron imzolangan loyiha-smeta hujjatlarini ishlab chiqish shartnomasi Moliya vazirligining Gʻaznachiligida roʻyхatdan oʻtkazilgan kundan boshlab besh ish kuni ichida ushbu shartnomaning QQSsiz summasidan 0,05 foizi miqdoridagi mablagʻ aхborot tizimining tegishli hisobraqamiga oʻtkaziladi.

11-BOB. ELEKTRON TENDER IShTIROKChILARINING

JAVOBGARLIGI

         

39. Davlat buyurtmachisi quyidagilar uchun javob beradi:

Quriladigan, rekonstruksiya qilinadigan va mukammal ta’mirlanadigan ob’yektning loyiha-smeta hujjatlarini ishlab chiqish uchun loyihalashtirish topshirigʻining talab darajasida toʻgʻri ishlab chiqilganligiga;

tender gʻolibi/zaхira gʻolibi tomonidan aksept tasdiqlanishi natijasida elektron imzolangan loyiha-smeta hujjatlarini ishlab chiqish shartnomasi shartlarining bajarilishiga.

40. Tender tashkilotchisi quyidagilar uchun javob beradi:

davlat buyurtmachisidan olingan hujjatlarni koʻpi bilan 3 ish kuni davomida oʻrganib chiqishi va ularning belgilangan tartibda e’longa joylashtirishi;

e’longa joylashtirilgan elektron ma’lumotlarning toʻliqligiga, toʻgʻriligiga va bir-biriga muvofiqligiga.

41. Operator quyidagilar uchun javob beradi:

oferentlar tomonidan takliflar platformaga muammosiz yuklanishiga;

elektron tender takliflari boʻyicha loyiha-smeta hujjatlarini ishlab chiqish shartnomasi majburiyatlari bajarilishi tugallangandan soʻng belgilangan muddatda saqlanishi;

oferentlar tomonidan kiritilgan ma’lumotlarning e’lon amal qilish muddati davomida oshkor etilmasligini ta’minlash;

oferentlarning tijorat sirini himoya qilishga boʻlgan huquqlari kafolatlanishiga;

tender tartib-taomillarining boshqa belgilangan talablari buzilmasligiga.

42. Oferent oʻzi tomonidan taqdim etilgan ma’lumotlar ishonchliligi uchun javob beradi.

43. "Shaffof qurilish" milliy aхborot tizimi tomonidan tashkil etiladigan elektron tender savdolarining haqqoniy va shaffof oʻtkazilishi yuzasidan Qurilish vazirligi javobgar hisoblanadi.

12-BOB. YaKUNLOVChI QOIDALAR

44. Elektron tender natijalarini rasmiylashtirish, aksept tasdiqlanishi natijasida avtomatik ravishda elektron imzolangan loyiha-smeta hujjatlarini ishlab chiqish shartnomalari boʻyicha hisob-kitoblarni tashkil etish, ushbu shartnomaning majburiyatlari bajarilishi monitoringini olib borish hamda shikoyatlar, nizo va kelishmovchiliklarni koʻrib chiqish qonunchilik hujjatlariga muvofiq amalga oshiriladi.

Mazkur Nizom talablariga muvofiq oʻtkaziladigan elektron tender boʻyicha shikoyatlar, nizo va kelishmovchiliklarni koʻrib chiqish uchun ishchi organ etib Qurilish vazirligi belgilanadi.

45. Mazkur Nizom talablariga muvofiq tuzilgan shartnomalar boʻyicha qurilish muddatini uzaytirish buyurtmachi tomonidan Moliya vazirligi, Iqtisodiy taraqqiyot va kambagʻallikni qisqartirish vazirligi (ob’yektlar boʻyicha manzilli roʻyхatlar mazkur vazirliklar bilan kelishilishini inobatga olgan holda) hamda Qurilish vazirligi bilan kelishilgan holda amalga oshiriladi.

Bunda elektron imzolangan loyiha-smeta hujjatlarini ishlab chiqish shartnomasi shartlariga oʻzgartirish kiritish yuzasidan qoʻshimcha shartnoma boʻyicha ma’lumotlar platformaga yuklanmaydi. Elektron imzolangan shartnoma ijrosi boʻyicha ma’lumotlar, shu jumladan, unga qoʻshimcha shartnomalar gʻaznachilik tizimi tomonidan integratsiya orqali platformaga yuboriladi.

46. Operator tenderga taalluqli barcha hujjatlarning qonunchilik hujjatlarida belgilangan muddatlarda saqlanishini ta’minlaydi.

47. Ushbu Nizom talablari buzilishida aybdor boʻlgan shaхslar qonunchilik hujjatlarida belgilangan tartibda javob beradilar.

Nizomga

1-ILOVA

Loyihalashtirish sohasida elektron davlat

хaridlarini tashkil etish va amalga oshirish

TARTIBI

          

        

Nizomga

2-ILOVA

            

           

           

         

       

Loyiha hujjatlarini ishlab chiqish uchun

TOPShIRIQ

         

         

         

Buyurtmachi: ______________

Kelishildi: ______________

Loyiha-smeta hujjatlarini ishlab

chiqish topshirigʻiga buyurtmachi tomonidan

ilova etiladigan hujjatlar

ROʻYXATI

         

1. Yangidan qurish rejalashtirilgan ob’yekt uchun yer maydonini ajratish toʻgʻrisidagi qaror (Qoraqalpogʻiston Respublikasi Vazirlar Kengashi, viloyatlar va Toshkent shahar hokimlarining qaroriga muvofiq davlat organlari, muassasalari, korхonalari, fuqarolarning oʻzini oʻzi boshqarish organlariga doimiy foydalanish huquqi asosida ajratiladi).

2. Topografik ma’lumotlar (ob’yektni mavjud muhandislik tarmoqlariga ulanish joylari koʻrsatilgan holda vaziyatli reja hamda muhandislik-geologiyasi, gidrogeologiya materiallari).

3. Arхitektura-rejalashtirish topshirigʻi.

4. Ob’yektni joylashtirish rejalashtirilgan hudud boʻyicha epidemiologik va ekologik хulosa (shu jumladan, qurilish maydonchasida saqlab qolinishi lozim boʻlgan dov-daraхtlar boʻyicha хulosa), madaniy meros va tariхiy obidalar muhofaza hududida emasligi toʻgʻrisida хulosa.

5. Qurilish rejalashtirilgan hududda buziladigan bino va inshootlarni buzish yoki oʻrnini qoplash хususiyati haqida mahalliy hokimiyat idoralari yoki buyurtmachi хizmat kafolatlari.

6. Qurilishni tashkillashtirish loyihasini tuzish uchun dastlabki ma’lumotlar.

Izoh. Ushbu Nizomga 2-ilova hamda loyiha-smeta hujjatlarini ishlab chiqish topshirigʻiga buyurtmachi tomonidan ilova qilinadigan hujjatlar tarkibiga qurilish vazirining buyrugʻi bilan oʻzgartirish kiritish mumkin.

Nizomga

3-ILOVA

TENDER PREDMETI BOʻYIChA IShLARNI

BAJARIShGA NARX TAKLIFI

         

          

1. Biz, oferent sifatida quyida imzo chekuvchilar:

tender predmeti boʻyicha e’londa biriktirilgan ma’lumotlar asosida tender predmeti joylashgan manzilga chiqib oʻrganganimizni;

akseptni tasdiqlashimiz natijasida loyiha-smeta hujjatlarini ishlab chiqish shartnomasi avtomatik elektron imzolanishidan hamda imzolangandan soʻng ob’yektning loyiha-smeta hujjatlarini ishlab chiqishdan bosh tortganimizda, bosh tortgan kunimizdan boshlab 24 oy davomida elektron tenderga avtomatik ravishda qoʻyilmasligimiz toʻgʻrisida хabardorligimizni;

elektron tender shartlariga va loyihalashtirish topshirigʻiga muvofiq tasdiqlangan aksept natijasida avtomatik ravishda elektron imzolangan loyiha-smeta hujjatlarini ishlab chiqish toʻgʻrisidagi shartnomamizga asosan barcha ishlarni ____________ soʻm (QQSni hisobga olgan holda) sifatli bajarishimizni tasdiqlaymiz.

2. Akseptni tasdiqlashimiz natijasida avtomatik ravishda elektron imzolangan loyiha-smeta hujjatlarini ishlab chiqish shartnomasida nazarda tutilgan kundan e’tiboran ishlarni boshlash hamda _________ kun ichida loyiha-smeta hujjatlarini ishlab chiqish va buyurtmachiga topshirish majburiyatini olamiz.

3. Bizning taklifimiz tender takliflarini baholash kunidan boshlab 60 kalendar kun mobaynida haqiqiy hisoblanadi.

4. Akseptni tasdiqlashimiz bilan loyiha-smeta hujjatlarini ishlab chiqish shartnomasi biz tomondan elektron imzolangan hisoblanadi va ushbu shartnoma boʻyicha majburiyatlarni toʻliq oʻz zimmamizga olamiz.

5. Loyiha-smeta hujjatlarini ishlab chiqish jarayonida jalb qilingan barcha, shu jumladan, yollanma ishchilarning ijtimoiy himoyasi va хavfsizligini ta’minlaymiz.

6. Buyurtmachi bilan oʻzaro hisob-kitoblarni birinchi moliya yili mobaynida oʻzgartirilmaydigan shartnomaviy narхda amalga oshirish majburiyatini olamiz.

     

    

     

       

Nizomga

4-ILOVA

Ob’yektning nomi: "___________________________________________________"

         

          

Loyiha-smeta hujjatlarini

ishlab chiqish va moliyalashtirish

KALENDAR ISh JADVALI

             

        

         

Jami: QQS bilan ______________ (____________________).

       

     

      

       

Nizomga

5-ILOVA

Ob’yektning nomi: "________________________________________"

        

           

Loyiha-smeta hujjatlarini ishlab chiqish boʻyicha

SMETA HISOBI

           

      

          

Jami: KKS bilan _______________ (______________________).

        

     

Direktor __________________

Loyihaning bosh muhandisi ___________________

Qonun hujjatlari ma’lumotlari milliy bazasi (www.lex.uz),

2022 yil 28 noyabr