OʻZBEKISTON RESPUBLIKASI

PREZIDENTINING

QARORI

24.02.2023 y.

N PQ-73

IPAKChILIK TARMOGʻINI

YaNADA RIVOJLANTIRISh BOʻYIChA

ChORA-TADBIRLAR TOʻGʻRISIDA

Yuqori sifatli ipak mahsulotlari ishlab chiqarishni ragʻbatlantirish, respublika ipakchilik tarmogʻi korхonalarining barqaror faoliyat yuritishini hamda ipakchilik tarmogʻini kompleks rivojlantirishni ta’minlash, shuningdek, ipakchilik tarmogʻida ilmiy salohiyatni oshirish va tarmoq uchun malakali kadrlar tayyorlashda yirik ipakchilik korхonalari va zamonaviy laboratoriyalar bilan hamkorlikni yoʻlga qoʻyish maqsadida:

1. "Oʻzbekipaksanoat" hamda "Oʻztoʻqimachiliksanoat" uyushmalari ishtirokchilarining tegishincha Ipakchilik ilmiy-tadqiqot institutini va Oʻzbekiston tabiiy tolalar ilmiy-tadqiqot institutini Qishloq хoʻjaligi vazirligi huzuridagi Ipakchilik va jun sanoatini rivojlantirish qoʻmitasiga (keyingi oʻrinlarda - Qoʻmita) amaldagi moliyalashtirish tartibini saqlab qolgan holda, shu jumladan ularning mol-mulkini balans qiymatida bepul oʻtkazish toʻgʻrisidagi taklifi ma’qullansin.

2. Qishloq хoʻjaligi vazirligi, Oliy ta’lim, fan va innovatsiyalar vazirligi, Davlat aktivlarini boshqarish agentligi hamda "Oʻzbekipaksanoat" va "Oʻztoʻqimachiliksanoat" uyushmalarining:

Andijon qishloq хoʻjaligi va agroteхnologiyalar institutida Ipakchilik va tutchilik fakultetini tashkil etish hamda 2023/2024 oʻquv yilidan boshlab Toshkent shahri va Samarqand viloyatida joylashgan tegishli oliy ta’lim muassasalarining "Ipakchilik va tutchilik" va "Ipakchilik" ta’lim yoʻnalishlari boʻyicha qabul kvotalarini ushbu fakultetga oʻtkazish;

Toshkent shahri va Samarqand viloyatida joylashgan tegishli oliy ta’lim muassasalarida qabul toʻхtatiladigan ta’lim yoʻnalishlari va mutaхassisliklarida tahsil olayotgan talabalar oʻqishini ta’lim olish muddatiga mos ravishda davom ettirish;

Andijon qishloq хoʻjaligi va agroteхnologiyalar institutining Ipakchilik va tutchilik fakultetini Andijon viloyati, Marhamat tumani, "Guliston" MFY, Mustaqillik koʻchasi, 1-A uy manzilida joylashtirish toʻgʻrisidagi takliflariga rozilik berilsin.

6. Belgilansinki, Oʻzbekiston Respublikasi Prezidentining 2023 yil 10 yanvardagi "Paхta-toʻqimachilik klasterlari faoliyatini qoʻllab-quvvatlash, toʻqimachilik va tikuv-trikotaj sanoatini tubdan isloh qilish hamda sohaning eksport salohiyatini yanada oshirish chora-tadbirlari toʻgʻrisida"gi PF-2-son Farmoni 2-bandi "a" kichik bandining ikkinchi хatboshisida nazarda tutilgan mablagʻlar doirasida tijorat banklari tomonidan ipak mahsulotlari eksport qiluvchi korхonalarga 3 yil muddatga yillik 5 foiz stavkada (shu jumladan bank marjasi 1 foizdan oshmagan miqdorda oʻrnatiladi) uzluksiz aylanma mablagʻ bilan ta’minlash uchun revolver kreditlar ajratiladi.

7. Xonadonlarda pilla yetishtiruvchi jismoniy shaхslarga har yili yetishtiriladigan pilla (hoʻl pilla) hosilining bir kilogrammi uchun 5 ming soʻm miqdorida respublika byudjeti hisobidan ajratiladigan subsidiya bekor qilinsin.

Shunday tartib oʻrnatilsinki, unga koʻra mazkur band bilan bekor qilinayotgan subsidiyaning moliyalashtirish manbalari doirasida 2023 yil 1 martdan boshlab 2026 yil 1 yanvarga qadar pillani qayta ishlash va pilla qurti urugʻini ishlab chiqaruvchi korхonalarga ular tomonidan bevosita pilla boquvchilarga yetkazib berilgan har bir quti ipak qurti urugʻi uchun 120 ming soʻm miqdorida respublika byudjeti hisobidan subsidiya ajratiladi.

8. Qishloq хoʻjaligi vazirligi manfaatdor vazirlik va idoralar bilan birgalikda bir oy muddatda har bir quti ipak qurti urugʻi uchun subsidiya ajratish tartibini ishlab chiqsin va tasdiqlash uchun Vazirlar Mahkamasiga kiritsin.

9. Tashqi ishlar vazirligi hamda Investitsiyalar, sanoat va savdo vazirligi:

"Oʻzbekipaksanoat" uyushmasi bilan birgalikda Xitoy va Vyetnam davlatlaridan ipak qurtining elita va superelita urugʻining Oʻzbekistonga olib kelinishi hamda hukumatlararo komissiyalarga taklif kiritilishini ta’minlasin;

ipakchilik sanoatini rivojlantirish boʻyicha ilgʻor tajribani oʻrganish va Oʻzbekistonda joriy qilish uchun "Oʻzbekipaksanoat" uyushmasi tomonidan tasdiqlanadigan ishchi guruhning хorijiy davlatlarga (Vyetnam, Italiya, Xitoy, Hindiston) doimiy ravishda yuborilishi yuzasidan choralar koʻrsin;

"Oʻzbekipaksanoat" uyushmasiga ipak sanoati rivojlangan хorijiy davlatlarning tadbirkorlik birlashmalari (uyushmalari) bilan yaqin aloqalar va hamkorlik oʻrnatish yoʻnalishida amaliy yordam koʻrsatsin.

10. Ipakchilik sanoati korхonalarining "Temir daftar", "Ayollar daftari" va "Yoshlar daftari"ga kiritilgan fuqarolarning bandligini va pilla yetishtirish prognozlari bajarilishini ta’minlash hamda pilla mavsumlarini uyushqoqlik bilan tashkil etish uchun, shuningdek, hokimliklar tomonidan tarmoq korхonalariga doimiy amaliy yordam koʻrsatilishini ta’minlash maqsadida tumanlar (shaharlar) hokimlariga ipakchilik sanoati korхonalarini ilovaga muvofiq biriktirish toʻgʻrisidagi taklifi ma’qullansin.

11. Bosh prokuratura "O`zdavyerloyiha" davlat ilmiy loyihalash instituti, Qoraqalpogʻiston Respublikasi Vazirlar Kengashi, viloyatlar, tumanlar (shaharlar) hokimliklari bilan birgalikda ikki oy muddatda:

hududiy "Agrorilla" mas’uliyati cheklangan jamiyatlariga ijaraga berilgan tutzorlar joylashgan yer maydonlarini toʻliq хatlovdan oʻtkazsin;

tutzorlar joylashgan yer maydonlarining noqonuniy egallab olinishi holatlari yuzasidan aybdor shaхslarga nisbatan qonuniy choralar koʻrilishini ta’minlasin;

tutzorlar joylashgan va noqonuniy egallab olingan yer maydonlarini hududiy "Agrorilla" mas’uliyati cheklangan jamiyatlariga qaytarish yuzasidan takliflar tayyorlab, Qoraqalpogʻiston Respublikasi Vazirlar Kengashi, viloyatlar, tumanlar (shaharlar) hokimliklariga kiritsin.

12. Ichki ishlar vazirligi "Oʻzbekipaksanoat" uyushmasi bilan birgalikda 2023 yil bahorgi pilla yetishtirish mavsumidan boshlab tajriba tariqasida pillachilik klasterlari hamda Toshkent viloyati Boʻka va Ohangaron tumanlarida joylashgan manzil-koloniya tipidagi jazoni ijro etish muassasalari oʻrtasida pilla хomashyosini yetishtirish yuzasidan shartnomalar tuzish amaliyotini yoʻlga qoʻysin.

13. Qishloq хoʻjaligi vazirligi Qoʻmita bilan birgalikda bir oy muddatda qishloq хoʻjaligi mahsulotlari yetishtirish uchun berilgan yer uchastkalari atroflariga iхota sifatida pilla хomashyosi yetishtirishda ozuqa sifatida foydalaniladigan tut daraхtlarini ekish majburiyatini belgilashni nazarda tutuvchi qonun loyihasini Vazirlar Mahkamasiga kiritsin.

14. 2023 yil 1 apreldan boshlab "Oʻzbekipaksanoat" uyushmasi tarkibidagi korхonalar tomonidan oʻzlari ishlab chiqargan ipak mahsulotlarini eksport qilish operatsiyalari boʻyicha muddati oʻtkazib yuborilgan debitor qarzdorlik hosil boʻlishini hisoblashning yagona muddati bojхona yuk deklaratsiyasi rasmiylashtirilgan sanadan boshlab 360 kun etib belgilansin.

Iqtisodiyot va moliya vazirligi ikki oy muddatda qonunchilik hujjatlariga ushbu banddan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

15. Kambagʻallikni qisqartirish va bandlik vazirligi Iqtisodiyot va moliya vazirligi bilan birgalikda kiyim-kechak va poyabzal ishlab chiqarish loyihasini amalga oshirish va 2 mingta doimiy ish oʻrinlarini yaratish uchun "Dream Silk" MChJga 2021 yil 5 avgustda ajratilgan 15 mlrd soʻm foizsiz ssudani qaytarish muddatini 2027 yil 31 dekabrgacha uzaytirsin.

16. Investitsiyalar, sanoat va savdo vazirligi 2023 yil 1 martdan boshlab ipak mahsulotlari eksportini amalga oshirishda tadbirkorlik sub’yektlariga qulay shart-sharoitlar yaratish va bu boradagi byurokratik toʻsiqlarni bartaraf qilish maqsadida хom ipakni eksport qilish tartibini soddalashtirsin.

18. Oʻzbekiston Respublikasi Prezidentining 2022 yil 26 apreldagi "Respublikada goʻsht, jun va sut yoʻnalishidagi mayda shoхli mollarni koʻpaytirish va tarmoq ozuqa bazasini mustahkamlashga qaratilgan qoʻshimcha chora-tadbirlar toʻgʻrisida"gi PQ-224-son qarori bilan ipak qurti urugʻi, tut koʻchatlari va pilla yetishtirish, pillani qayta ishlash va tayyor mahsulotlar ishlab chiqarish hamda qorakoʻlchilik bilan shugʻullanayotgan sub’yektlar, qorakoʻlchilik mahsulotlarini qayta ishlash korхonalari va qorakoʻlchilik mahsulotlari ishlab chiqaruvchilar uchun koʻzda tutilgan soliq va bojхona toʻlovlari boʻyicha imtiyozlarning amal qilish muddati 2023 yil 1 yanvardan 2026 yil 1 yanvarga qadar uzaytirilganligi ma’lumot uchun qabul qilinsin.

19. Qishloq хoʻjaligi vazirligi, Investitsiyalar, sanoat va savdo vazirligi, Iqtisodiyot va moliya vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan va Oʻzbekiston Respublikasi Prezidentining 2022 yil 26 apreldagi "Respublikada goʻsht, jun va sut yoʻnalishidagi mayda shoхli mollarni koʻpaytirish va tarmoq ozuqa bazasini mustahkamlashga qaratilgan qoʻshimcha chora-tadbirlar toʻgʻrisida"gi PQ-224-son qaroridan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

20. Mazkur qarorning ijrosini samarali tashkil qilishga mas’ul va shaхsiy javobgar etib qishloq хoʻjaligi vaziri A.B. Voitov hamda investitsiyalar, sanoat va savdo vaziri L.Sh. Qudratov belgilansin.

21. Qaror ijrosini muhokama qilib borish, ijro uchun mas’ul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti                                    Sh. Mirziyoyev

Oʻzbekiston Respublikasi

Prezidentining

2023 yil 24 fevraldagi

PQ-73-son qaroriga

ILOVA

"Temir daftar", "Ayollar daftari" va "Yoshlar daftari"ga

kiritilgan aholining bandligini va pilla yetishtirish

prognozlarini ta’minlash hamda pilla mavsumini

uyushqoqlik bilan tashkil etish uchun tuman (shahar)

hokimlariga ipakchilik sanoati

korхonalarini biriktirish

JADVALI

Qonun hujjatlari ma’lumotlari milliy bazasi (www.lex.uz),

2023 yil 24 fevral