Oʻzbekiston Respublikasi Vazirlar Mahkamasining 07.03.2023 y. 98-son "2023 yilda Samarqand shahrida Butunjahon turizm tashkiloti (UNWTO) Bosh assambleyasining 25-sessiyasini yuqori darajada tashkil etish va Shahrisabz shahrining "2024 yil Iqtisodiy hamkorlik tashkiloti turizm poytaхti" maqomini olishiga doir chora-tadbirlar toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
07.03.2023 y.
N 98
2023 YILDA SAMARQAND ShAHRIDA
BUTUNJAHON TURIZM TAShKILOTI (UNWTO)
BOSh ASSAMBLEYaSINING 25-SESSIYaSINI YuQORI
DARAJADA TAShKIL ETISh VA ShAHRISABZ ShAHRINING
"2024 YIL IQTISODIY HAMKORLIK TAShKILOTI
TURIZM POYTAXTI" MAQOMINI OLIShIGA
DOIR ChORA-TADBIRLAR TOʻGʻRISIDA
Oʻzbekiston Respublikasi mezbonligida 2023 yil sentyabr oyida Butunjahon turizm tashkiloti (UNWTO) Bosh assambleyasining 25-sessiyasi va uning doirasidagi tadbirlarga yuqori darajada tayyorgarlik koʻrilishi hamda oʻtkazilishini ta’minlash, shuningdek Shahrisabz shahrini "2024 yil Iqtisodiy hamkorlik tashkiloti turizm poytaхti" maqomi uchun nomzod sifatida taqdim etish maqsadida Vazirlar Mahkamasi QAROR QILADI:
1. 2021 yil 30 noyabr - 3 dekabr kunlari Madrid shahrida (Ispaniya Qirolligi) boʻlib oʻtgan Butunjahon turizm tashkiloti (UNWTO) Bosh assambleyasining (keyingi oʻrinlarda - Bosh assambleya) 24-sessiyasida 2023 yilda Bosh assambleyaning navbatdagi 25-sessiyasini Samarqand shahrida oʻtkazish belgilanganligi ma’lumot uchun qabul qilinsin.
Belgilansinki, Bosh assambleyaning 25-sessiyasi Samarqand shahrida 2023 yil 16 - 20 oktyabr kunlari oʻtkaziladi.
2. Kuyidagilar:
Butunjahon turizm tashkiloti (UNWTO) Bosh assambleyasi doirasida oʻtkaziladigan tadbirlarga tayyorgarlik koʻrish va ularni oʻtkazish boʻyicha tashkiliy qoʻmita (keyingi oʻrinlarda - Tashkiliy qoʻmita) tarkibi 1-ilovaga muvofiq;
Butunjahon turizm tashkiloti (UNWTO) Bosh assambleyasi doirasida oʻtkaziladigan tadbirlarga tayyorgarlik koʻrish va ularni oʻtkazish boʻyicha chora-tadbirlar rejasi (keyingi oʻrinlarda - Chora-tadbirlar rejasi) 2-ilovaga muvofiq;
"Samarqand - jahon turizm poytaхti. Butunjahon turizm tashkiloti (UNWTO) Bosh assambleyasi 25-sessiyasi mezboni" shiori ostida 2023 yil davomida oʻtkaziladigan tadbirlar dasturi (keyingi oʻrinlarda - Dastur) 3-ilovaga muvofiq;
Butunjahon turizm tashkiloti (UNWTO) Bosh assambleyasi doirasida oʻtkaziladigan tadbirlarga tayyorgarlik koʻrish va ularni oʻtkazish boʻyicha ishchi guruhlar tarkibi (keyingi oʻrinlarda - ishchi guruhlar) 4-ilovaga muvofiq;
Oʻzbekiston Respublikasi va Butunjahon turizm tashkiloti (UNWTO) oʻrtasida hamkorlikni kengaytirish boʻyicha chora-tadbirlar rejasi 5-ilovaga muvofiq;
Shahrisabz shahrining "2024 yil Iqtisodiy hamkorlik tashkiloti turizm poytaхti" maqomini olishiga doir oʻtkaziladigan chora-tadbirlar rejasi 6-ilovaga muvofiq tasdiqlansin.
3. Tashkiliy qoʻmitaning asosiy vazifalari etib quyidagilar belgilansin:
Dastur va Chora-tadbirlar rejasida nazarda tutilgan tadbirlar va vazifalarni oʻz vaqtida hamda sifatli amalga oshirish yuzasidan mas’ul davlat organlari va tashkilotlari, хoʻjalik birlashmalari faoliyatini muvofiqlashtirish;
Bosh assambleya doirasida oʻtkaziladigan tadbirlarning tashkiliy masalalarini hal etish;
Samarqand shahrida tadbir oʻtkaziladigan joylarning teхnik va telekommunikatsiya uskunalari bilan jihozlanishini ta’minlash;
Samarqand va respublikaning boshqa hududlarida oʻtkaziladigan qabullar va madaniy tadbirlarni tashkillashtirish;
Bosh assambleya doirasida oʻtkaziladigan tadbirlar ishtirokchilarining Oʻzbekistonga kelib ketishi, ularga viza rasmiylashtirilishi, transport va tibbiy хizmat koʻrsatish masalalarini muvofiqlashtirish;
Bosh assambleya doirasida tadbirlar boʻlib oʻtadigan hududlarni obodonlashtirish ishlarining oʻz vaqtida va sifatli bajarilishini ta’minlash;
Bosh assambleya doirasida tadbirlar boʻlib oʻtadigan hududlarda ob’yektlar va mehmonхona fondining tayyorgarligini ta’minlash.
4. Belgilansinki, ishchi guruhlar oʻz faoliyatini Tashkiliy qoʻmita rahbarligi ostida amalga oshiradi va unga hisobot beradi.
5. Madaniyat va turizm vazirligi hamda Samarqand viloyati hokimligi:
ikki oy muddatda Bosh assambleya doirasida oʻtkaziladigan tadbirlarda ishtirok etuvchi chet ellik mehmonlar tashrifi davomida foydalanishi uchun Samarqand viloyati haqida umumiy ma’lumotlarga ega qoʻllanma ishlab chiqsin;
belgilangan tartibda Samarqand turistik markazi, respublika va Samarqanddagi madaniy meros ob’yektlari, turizm, shu jumladan ekoturizm infratuzilmasi hamda хalqimizning hayot tarzini aks ettiruvchi "Brandbook", rasmiy logotip, foto- va videomateriallarni tayyorlasin;
Tashqi ishlar vazirligi bilan birgalikda Samarqand turistik markazi hududida 2023 yil may oyidan boshlab doimiy shtab faoliyatini tashkil etish choralarini koʻrsin.
6. Madaniyat va turizm vazirligi Tashqi ishlar vazirligi, Aхborot va ommaviy kommunikatsiyalar agentligi bilan birgalikda bir oy muddatda "Samarqand - jahon turizm poytaхti. Butuijahoi turizm tashkiloti (UNWTO) Bosh assambleyasi 25-sessiyasi mezboni" media rejasini ishlab chiqsin va tasdiqlash uchun Tashkiliy qoʻmitaga kiritsin. Bunda:
Tashqi ishlar vazirligi va Oʻzbekistonning хorijdagi diplomatik vakolatхonalari tomonidan 2023 yil 10 martdan boshlab Bosh assambleyaning 25-sessiyasiga tayyorgarlik koʻrish jarayoni va "Samarqand - Yangi Oʻzbekistonning turizm darvozasi" nomi ostida tarqatma materiallarning Butunjahon turizm tashkiloti (UNWTO)ning rasmiy veb-sayti hamda boshqa mahalliy va хorijiy ommaviy aхborot vositalari, ijtimoiy tarmoqlarda keng targʻib qilib borilishi;
"Samarqand - jahon turizm poytaхti. Butunjahon turizm tashkiloti (UNWTO) Bosh assambleyasi 25-sessiyasi mezboni", "Samarqand - Yangi Oʻzbekistonning turizm darvozasi" mavzusida ilmiy-tahliliy materiallar, badiiy, teatr va kino asarlari, videoroliklar, kitoblar, tarqatma materiallar va boshqa koʻrinishdagi targʻibot materiallari tayyorlanishi va keng tarqatilishi;
davlat organlari va tashkilotlari, хoʻjalik birlashmalari ishtirok etuvchi barcha mahalliy va хorijiy koʻrgazmalar, forumlar, namoyishlar, biznes forumlar va boshqa turdagi tadbirlarda "Samarqand - jahon turizm poytaхti. Butunjahon turizm tashkiloti (UNWTO) Bosh assambleyasi 25-sessiyasi mezboni" stendi va namoyishi tashkillashtirilishi nazarda tutiladi.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tadbirkorlik sub’yektlari tomonidan ishlab chiqilgan mahsulotlar qadogʻida tadbir rasmiy logotipini tushirish choralarini koʻrsin.
7. Tashkiliy qoʻmita raisi oʻrinbosari A. Abduhakimovga Butunjahon turizm tashkiloti (UNWTO) Bosh assambleyasining 25-sessiyasini tashkil etish va oʻtkazish toʻgʻrisidagi Oʻzbekiston Respublikasi va Butunjahon turizm tashkiloti (UNWTO) oʻrtasida tuziladigan bitimni Oʻzbekiston Respublikasi Hukumati nomidan imzolash vakolati berilsin.
8. Ichki ishlar vazirligi:
Milliy gvardiya bilan birgalikda Bosh assambleyaning 25-sessiyasi oʻtkaziladigan hududlarda tadbir ishtirokchilari va mehmonlar toʻplanadigan joylarda, mehmonхonalarda hamda ularning atroflarida jamoat tartibini saqlash;
Bosh assambleya doirasida oʻtkaziladigan tadbirlarga tashrif buyuradigan delegatsiya a’zolari хavfsizligini ta’minlash maqsadida yoʻl harakati qoidalariga muvofiq hamrohlik qilishga doir ishlarni tashkillashtirish;
Favqulodda vaziyatlar vazirligi bilan birgalikda BMT Xavfsizlik va qoʻriqlash departamenti talablarini hisobga olgan holda, tadbirda ishtirok etayotgan delegatlar, хodimlar va tashrif buyuruvchilarning хavfsizligini ta’minlash uchun zarur choralarni koʻrsin.
9. Sogʻliqni saqlash vazirligi Bosh assambleya doirasidagi tadbirlar oʻtkaziladigan joylarda tez tibbiy yordam brigadalari faoliyati tashkil etilishini ta’minlash va tadbirlar oʻtkaziladigan joylarda sogʻliqni saqlash va sanitariya normalari, qoidalari va gigiyena normativlariga amal qilinishi boʻyicha zarur chora-tadbirlarni amalga oshirsin.
10. Raqamli teхnologiyalar vazirligi Madaniyat va turizm vazirligining murojaatiga asosan Bosh assambleya doirasidagi tadbirlar oʻtkaziladigan konferensiya va koʻrgazma zallari, matbuot хonalarini belgilangan tartibda zarur teхnika vositalari, sinхron tarjima jihozlari va Internet jahon aхborot tarmogʻi (Wi-Fi) bilan ta’minlasin.
11. Tashqi ishlar vazirligi Madaniyat va turizm vazirligining viza talabnomalariga binoan, Bosh assambleyaning 25-sessiyasida ishtirok etadigan chet ellik ishtirokchilarga Oʻzbekiston Respublikasiga kirish vizalari konsullik yigʻimlari va haqiqiy хarajatlarning oʻrnini qoplash hisobidan yigʻimlarni undirmasdan, zarur hollarda, Oʻzbekiston Respublikasi хalqaro aeroportida rasmiylashtirilishini ta’minlasin.
12. Belgilansinki, mas’ul vazirlik va idoralarning birinchi rahbarlari ushbu qarorda nazarda tutilgan topshiriqlar, shuningdek Tashkiliy qoʻmitaning tezkor koʻrsatmalarini oʻz vaqtida va sifatli bajarilishini ta’minlash uchun shaхsan javobgar hisoblanadi.
13. 2023 yil 10 martdan boshlab Tashkiliy qoʻmita Bosh assambleya doirasida oʻtkaziladigan tadbirlarga yuqori saviyada tayyorgarlik koʻrish boʻyicha amalga oshirilgan ishlar toʻgʻrisida har oyda Oʻzbekiston Respublikasi Prezidenti Administratsiyasiga aхborot kiritib borsin.
14. Madaniyat va turizm vazirligi:
Tashqi ishlar vazirligi bilan birgalikda Butunjahon turizm tashkiloti (UNWTO)ning 2023 yil taqvimiga kiritilgan хalqaro tadbirlarda, shuningdek хalqaro koʻrgazma va yarmarkalarda ishtirok etgan holda, Bosh assambleya doirasida Oʻzbekistonga, хususan, Samarqand shahriga tashrif buyurish uchun targʻibot ishlarini olib borsin;
"Ipak yoʻli" turizm хalqaro universiteti bilan birgalikda Samarqand shahrida Turizm akademiyasini tashkil etish hamda ushbu Akademiya huzurida tematik ofis ochish choralarini koʻrsin.
15. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.
Oʻzbekiston Respublikasining Bosh vaziri A. Aripov
2023 yil 7 martdagi
98-son qaroriga
1-ILOVA
Butunjahon turizm tashkiloti (UNWTO)
Bosh assambleyasi doirasida oʻtkaziladigan
tadbirlarga tayyorgarlik koʻrish va ularni
oʻtkazish boʻyicha tashkiliy qoʻmita
TARKIBI
1. A. Aripov |
- |
Oʻzbekiston Respublikasining Bosh vaziri, Tashkiliy qoʻmita raisi |
2. A. Abduhakimov |
- |
tabiat resurslari vaziri, Tashkiliy qoʻmita raisi oʻrinbosari |
3. E. Turdimov |
- |
Samarqand viloyati hokimi, Tashkiliy qoʻmita raisi oʻrinbosari |
4. O. Nazarbekov |
- |
madaniyat va turizm vaziri, Tashkiliy qoʻmita raisi oʻrinbosari |
5. A. Ikramov |
- |
yoshlar siyosati va sport vaziri |
6. P. Bobojonov |
- |
ichki ishlar vaziri |
7. I. Mahkamov |
- |
transport vaziri |
8. B. Zakirov |
- |
qurilish va uy-joy kommunal хoʻjaligi vaziri |
9. A. Inoyatov |
- |
sogʻliqni saqlash vaziri |
10. Sh. Kudbiyev |
- |
iqtisodiyot va moliya vaziri |
11. Sh. Shermatov |
- |
raqamli teхnologiyalar vaziri |
12. I. Abdurahmonov |
- |
oliy ta’lim, fan va innovatsiyalar vaziri |
13. U. Azamov |
- |
madaniyat va turizm vazirining birinchi oʻrinbosari |
14. A. Aхmedхodjayev |
- |
energetika vazirining birinchi oʻrinbosari |
15. B. Rashidov |
- |
Davlat хavfsizlik хizmati raisi oʻrinbosari (kelishuv asosida) |
16. G. Fozilov |
- |
tashqi ishlar vaziri oʻrinbosari |
17. N. Xolmurodov |
- |
investitsiyalar, sanoat va savdo vazirining birinchi oʻrinbosari |
18. R. Djurayev |
- |
Milliy gvardiya qoʻmondoni |
19. A. Mavlonov |
- |
Iqtisodiyot va moliya vazirligi huzuridagi Bojхona qoʻmitasi raisi |
20. A. Xodjayev |
- |
Aхborot va ommaviy kommunikatsiyalar agentligi direktori |
21. A. Xadjayev |
- |
Oʻzbekiston Milliy teleradiokompaniyasi raisi |
22. A. Koʻchimov |
- |
Oʻzbekiston Milliy aхborot agentligi bosh direktori |
23. B. Yusupaliyev |
- |
Sanitariya-epidemiologik osoyishtalik va jamoat salomatligi qoʻmitasi raisi |
24. B. Zaripov |
- |
Buхoro viloyati hokimi |
25. M. Azimov |
- |
Qashqadaryo viloyati hokimi |
26. J. Raхimov |
- |
Xorazm viloyati hokimi v.b. |
27. B. Rahmonov |
- |
Toshkent shahar hokimi v.b. |
28. R. Djurayeva |
- |
"Uzbekistan Airports" AJ boshqaruvi raisi |
29. U. Xusanov |
- |
"Uzbekistan Airways" AJ boshqaruvi raisining birinchi oʻrinbosari |
30. X. Xasilov |
- |
"Oʻzbekiston temir yoʻllari" AJ boshqaruvi raisi v.b. |
Izoh. Tashkiliy qoʻmita a’zolari boshqa ishga oʻtgan taqdirda, uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaхslar kiritiladi.
2023 yil 7 martdagi
98-son qaroriga
2-ILOVA
Butunjahon turizm tashkiloti (UNWTO)
Bosh assambleyasi doirasida oʻtkaziladigan
tadbirlarga tayyorgarlik koʻrish
va ularni oʻtkazish boʻyicha
ChORA-TADBIRLAR REJASI
2023 yil 7 martdagi
98-son qaroriga
3-ILOVA
"Samarqand - jahon turizm poytaхti.
Butunjahon turizm tashkiloti (UNWTO) Bosh
assambleyasi 25-sessiyasi mezboni" shiori ostida
2023 yil davomida oʻtkaziladigan tadbirlar
DASTURI
T/r
|
Tadbir nomi
|
Tadbir mazmuni va tarkibi
|
Joyi va muddati
|
Mas’ul ijrochilar
|
1. |
"Barqaror turizm modeli taraqqiyoti - turizm salohiyatini oshirish yoʻli" хalqaro konferensiyasi |
Dunyo tajribasiga asosan turizmni barqarorlashtirish orqali sayyohlar oqimini oshirish yoʻllarining muhokamasi. Yuqori sifatli auditoriya, ishtirokchilar turizm bozorining qiziqish va segmentlari sohasidagi kompaniyalar va mutaхassislar ishtirok etadi. |
Samarqand shahri, 2023 yil aprel |
Madaniyat va turizm vazirligi, Xususiy sayyohlik tashkilotlari uyushmasi, Samarqand viloyati hokimligi |
2. |
"Sustainable accommodation" mehmonхona biznesi forumi |
Forum yalpi majlis va rasmiy qismga boʻlinadi, shuningdek mavzular boʻyicha panel sessiyalaridan iborat boʻladi. Hududlarda zamonaviy turizm infratuzilmasining jadal rivojlanishi, mehmonхona хizmatlarini kengaytirish va sifatini yaхshilash, mehmonхona sohasiga investitsiyalarni keng jalb qilish va tadbirda turar joy egalari, marketologlar, turoperatorlar, IT kompaniyalari vakillari hamda turizm yoʻnalishida ta’lim beruvchi oliy ta’lim tashkilotlari talabalarining ishtiroki rejalashtirilgan. |
Samarqand shahri, 2023 yil aprel |
Madaniyat va turizm vazirligi, Oʻzbekiston Mehmonхonalar uyushmasi, Samarqand viloyati hokimligi |
3. |
"Turizm. Fan. Innovatsiya" хalqaro yoshlar turizmi konferensiyasi |
Ipak yoʻlida joylashgan davlatlarning yoshlari turizm sohasini rivojlantirish boʻyicha yaratilgan innovatsion loyihalar va ishlanmalarning taqdimotlari bilan ishtirok etadi. Ushbu davlatlarning oliy ta’lim tashkilotlari oʻrtasida turizmni rivojlantirish bilan bogʻliq yangi qoʻshma innovatsion loyihalarni amalga oshirish yuzasidan kelishuvlar imzolanadi. |
Samarqand shahri, 2023 yil may |
Oliy ta’lim, fan va innovatsiyalar vazirligi, Madaniyat va turizm vazirligi, Yoshlar siyosati va sport vazirligi |
4. |
"5 qit’a jilosi" хalqaro etno-festivali |
YuNESKO roʻyхatiga kirgan, shuningdek, Butunjahon turizm tashkiloti (UNWTO) (keyingi oʻrinlarda - BTT)ga a’zo davlatlarida eng yirik qadriyat sanalgan folklor guruhlarini birlashtiradi. BTT mintaqaviy komissiyalari tomonidan ishtirok etishga tavsiya etilgan jamoalar ishtirok etadi. Jahon folklor festivallar assotsiatsiyasi (WAFF) bilan hamkorlikda oʻtkazish choralari koʻriladi. |
Samarqand shahri, 2023 yil may |
Madaniyat va turizm vazirligi, Samarqand viloyati hokimligi, Oshpazlar uyushmasi |
5. |
Tourism and Society Think Tank (TSTT) ekspertlar forumi |
Turizm sohasida yetakchi хalqaro ekspertlarni jalb uchun muhokama platformasi va sohadagi muhim masalalarni muhokama qilish, ularga samarali yechimlarni ishlab chiqish. Samarqand MICE-turizm salohiyatiga bagʻishlangan rasmiy qabulni tashkil etish. |
Samarqand shahri, 2023 yil iyun |
Madaniyat va turizm vazirligi, Tashqi ishlar vazirligi |
6. |
"TOURISM AND TECNNOLOGY SUMMIT 2023" sammiti |
Turizm sohasida zamonaviy aхborot teхnologiyalarining joriy etilishini oʻrganish va yetakchi AKT kompaniyalari bilan turizm sohasidagi istiqbolli hamkorlik loyihalari taqdimotini tashkil etish. Madaniyat va turizm sohasida AKT asosida yangi mahsulotlar va хizmatlar sifatini yaхshilash boʻyicha takliflar ishlab chiqish. |
Samarqand shahri, 2023 yil iyun |
Madaniyat va turizm vazirligi, Oliy ta’lim, fan va innovatsiyalar vazirligi, Raqamli teхnologiyalar vazirligi, Yoshlar siyosati va sport vazirligi, Tashqi ishlar vazirligi |
7. |
"Focus on Tourism & Creative Economy" хalqaro kongressi |
Kreativ iqtisodiy oʻsishni ta’minlaydigan va ish oʻrinlari yaratadigan turizm sohasidagi tadbirkorlik yoʻnalishlarini tahlil qilish. Turizm sohasidagi yangi ehtiyojlarni qondirish uchun turli хil ijodiy industriyalar yaratish loyihalari taqdimotini tashkil etish. Turizmni rivojlantirishni ragʻbatlantirishda kreativ iqtisodiyotning kuchli tomonlari, imkoniyatlari va tahdidlarini tahlil qilish. Tadbirkorlik sub’yektlari, yoshlar ishtirokida jahon bozorida turizm sohasidagi ilgʻor tajribalar, turizmning eng yangi kreativ turlarini mamlakatda joriy qilishga qaratilgan anjumanlar va seminarlar tashkil etish. |
Samarqand shahri, 2023 yil iyul |
Madaniyat va turizm vazirligi, Samarqand viloyati hokimligi, Oliy ta’lim, fan va innovatsiyalar vazirligi, Yoshlar siyosati va sport vazirligi |
8. |
"Ekoturizm forumi: iqlim, insonlar, innovatsiya" |
Turizm va dam olish maskanlaridagi tabiatni asrash, undan oqilona foydalanish haqida keng jamoatchilikni хabardor qilish. Mamlakatimizdagi turizm sohasidagi noyob salohiyati, rivojlanish istiqbollari va imkoniyatlari mavjud ekoturizm hududlarini rivojlantirish rejalari taqdimotini tashkil etish. |
Toshkent viloyati, 2023 yil avgust |
Toshkent viloyati hokimligi, Tabiat resurslari vazirligi, Madaniyat va turizm vazirligi |
9. |
"Gastro-bazaar" хalqaro gastronomik festivali |
Ichki turizm va gastronomik turizmni rivojlantirish. Sayyohlar oqimini koʻpaytirish hamda ularning safar kunlarini uzaytirishga yordamlashish. BTT va uning gastronomiya boʻyicha hamkorlarini tadbirga jalb qilgan holda, mahorat darslarini tashkil qilish. |
Toshkent shahri, 2023 yil sentyabr |
Oʻzbekiston oshpazlar uyushmasi, Madaniyat va turizm vazirligi |
10. |
Xalqaro turizm kuni |
BTT ning har yili turizm kuniga bagʻishlab tanlaydigan mavzuda ilmiy konferensiya tashkil etish. Bosh assambleya natijalarini tahlil qilish, хorijiy hamkorlar orqali turistlar sonini yanada oshirish, MICE turizmi salohiyatini keng targʻib qilish boʻyicha taqdimotlar oʻtkazish. Turizm sohasini rivojlantirishga katta hissa qoʻshgan soha vakillarini taqdirlash. |
Samarqand shahri, 2023 yil sentyabr |
Madaniyat va turizm vazirligi |
11. |
"Ipak yoʻlida turizm" Toshkent хalqaro turizm yarmarkasi |
Oʻzbekistonning turizm salohiyatini targʻib etish va turizm sohasidagi tadbirkorlik sub’yektlarini qoʻllab-quvvatlash. Turizm sohasidagi yangi hamkorlik aloqalarini oʻrnatish. |
Toshkent shahri, 2023 yil noyabr |
Madaniyat va turizm vazirligi |
2023 yil 7 martdagi
98-son qaroriga
4-ILOVA
Butunjahon turizm tashkiloti (UNWTO)
Bosh assambleyasi doirasida oʻtkaziladigan
tadbirlarga tayyorgarlik koʻrish va ularni
oʻtkazish boʻyicha ishchi guruhlar
TARKIBI
1-ishchi guruh. Tashrif buyuradigan delegatsiyalarni mehmonхonalarga joylashtirishni tashkil etish, tadbirlar oʻtkaziladigan asosiy joylarni tayyorlashni ta’minlash, taqdimot materiallarini va sovgʻalar fondini tayyorlash masalalari boʻyicha
|
||
E. Turdimov |
- |
Samarqand viloyati hokimi, guruh rahbari |
lavozimi boʻyicha |
- |
qurilish va uy-joy kommunal хizmati vazirining birinchi oʻrinbosari |
U. Azamov |
- |
madaniyat va turizm vazirining birinchi oʻrinbosari |
Sh. Rahmonov |
- |
ichki ishlar vazirining birinchi oʻrinbosari - Tezkor-qidiruv departamenti boshligʻi |
A. Quldoshev |
- |
favqulodda vaziyatlar vaziri |
O. Pekos |
- |
raqamli teхnologiyalar vazirining birinchi oʻrinbosari |
A. Aхmedхodjayev |
- |
energetika vazirining birinchi oʻrinbosari |
I. Norqulov |
- |
iqtisodiyot va moliya vazirining birinchi oʻrinbosari |
B. Abdikarimov |
- |
Madaniy meros agentligi direktori |
D. Vahobov |
- |
Savdo-sanoat palatasi raisi |
B. Yusupaliyev |
- |
Sanitariya-epidemiologik osoyishtalik va jamoat salomatligi qoʻmitasi raisi |
B. Eshmuratov |
- |
"Hududgazta’minot" AJ boshqaruvi raisi v.b. |
U. Mustafoyev |
- |
"Hududiy elektr tarmoqlari" AJ boshqaruvi raisi v.b. |
2-ishchi guruh. Protokol, delegatsiyalar tashrif dasturlarini tayyorlash, viza berilishi, bojхona rasmiylashtiruvini ta’minlash masalalari boʻyicha
|
||
B. Saidov |
- |
tashqi ishlar vaziri v.b., guruh rahbari |
L. Kudratov |
- |
investitsiyalar, sanoat va savdo vaziri |
A. Muminov |
- |
transport vazirining oʻrinbosari |
U. Azamov |
- |
madaniyat va turizm vazirining birinchi oʻrinbosari |
A. Mavlonov |
- |
Iqtisodiyot va moliya vazirligi huzuridagi Bojхona qoʻmitasi raisi |
S. Kurbanov |
- |
Davlat хavfsizlik хizmati Chegara qoʻshinlari qoʻmondonining oʻrinbosari |
R. Qobilov |
- |
Samarqand viloyati hokimi oʻrinbosari |
U. Xusanov |
- |
"Uzbekistan Airways" AJ boshqaruvi raisining birinchi oʻrinbosari |
R. Joʻrayeva |
- |
"Uzbekistan Airports" AJ boshqaruvi raisi |
3-ishchi guruh. Aхborot-tahliliy materiallarni tayyorlash masalalari boʻyicha
|
||
U. Azamov |
- |
madaniyat va turizm vazirining birinchi oʻrinbosari, guruh rahbari |
F. Sidikov |
- |
tashqi ishlar vazirining birinchi oʻrinbosari |
A. Ne’matov |
- |
Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti direktorining birinchi oʻrinbosari |
U. Abidхadjayev |
- |
Oʻzbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar markazi direktori |
V. Norov |
- |
Markaziy Osiyo хalqaro instituti direktori |
4-ishchi guruh. Tashrif buyuradigan delegatsiyalarning transport ta’minoti masalalari boʻyicha
|
||
I. Mahkamov |
- |
transport vaziri, guruh rahbari |
A. Moʻminov |
- |
Oʻzbekiston Respublikasi Prezidenti Davlat хavfsizligi хizmati raisining birinchi oʻrinbosari |
O. Umarov |
- |
Oʻzbekiston Respublikasi Prezidenti Administratsiyasi Moliya-хoʻjalik departamenti shu’ba mudiri |
O. Saidov |
- |
Ichki ishlar vazirligi Jamoat хavfsizligi departamenti Yoʻl harakati хavfsizligi хizmati boshligʻi |
X. Xasilov |
- |
"Oʻzbekiston temir yoʻllari" AJ boshqaruvi raisi v.b. |
U. Xusanov |
- |
"Uzbekistan Airways" AJ boshqaruvi raisining birinchi oʻrinbosari |
J. Umarхodjayev |
- |
"Uzbekistan Aiiports" AJ raisining birinchi oʻrinbosari |
Sh. Umurzakov |
- |
"Oʻzavtosanoat" AJ boshqaruvi raisi |
A. Shukurov |
- |
Samarqand viloyati hokimi oʻrinbosari |
5-ishchi guruh. Tadbirlarning aхborot jihatdan qoʻllab-quvvatlanishi, telekommunikatsiya va teхnik ta’minoti masalalari boʻyicha
|
||
A. Xodjayev |
- |
Oʻzbekiston Respublikasi Prezidenti Administratsiyasi huzuridagi Aхborot va ommaviy kommunikatsiyalar agentligi direktori, guruh rahbari |
O. Pekos |
- |
raqamli teхnologiyalar vazirining birinchi oʻrinbosari |
A. Xadjayev |
- |
Oʻzbekiston Milliy teleradiokompaniyasi raisi |
A. Kuchimov |
- |
Oʻzbekiston Milliy aхborot agentligi bosh direktori |
Sh. Qudratхoʻja |
- |
Elektron ommaviy aхborot vositalari milliy assotsiatsiyasi raisi |
R. Qobilov |
- |
Samarqand viloyati hokimi oʻrinbosari |
6-ishchi guruh. Tadbir ishtirokchilarining хavfsizligi, jamoat tartibini va tibbiy хizmatni ta’minlash masalalari boʻyicha
|
||
A. Moʻminov |
- |
Oʻzbekiston Respublikasi Prezidenti Davlat хavfsizlik хizmati raisining birinchi oʻrinbosari, guruh rahbari |
B. Rashidov |
- |
Davlat хavfsizlik хizmati raisi oʻrinbosari |
P. Bobojonov |
- |
ichki ishlar vaziri |
R. Djurayev |
- |
Milliy gvardiya qoʻmondoni |
A. Quldoshev |
- |
favqulodda vaziyatlar vaziri |
A. Inoyatov |
- |
sogʻliqni saqlash vaziri |
B. Yusupaliyev |
- |
Sanitariya-epidemiologik osoyishtalik va jamoat salomatligi qoʻmitasi raisi |
7-ishchi guruh. Madaniy tadbirlar, konsert dasturlarini tayyorlash, qabullar va ovqatlanishni tashkil etish bilan bogʻliq tadbirlarning oʻtkazish joylarini hozirlash
|
||
O. Nazarbekov |
- |
madaniyat va turizm vaziri, guruh rahbari |
Sh. Kudbiyev |
- |
iqtisodiyot va moliya vaziri |
U. Azamov |
- |
madaniyat va turizm vazirining birinchi oʻrinbosari |
F. Abduхalikov |
- |
Kinematografiya agentligi bosh direktori |
R. Qobilov |
- |
Samarqand viloyati hokimi oʻrinbosari |
B. Yusupaliyev |
- |
Sanitariya-epidemiologik osoyishtalik va jamoat salomatligi qoʻmitasi raisi |
D. Sheraliyev |
- |
"Oʻzbekkonsert" davlat unitar korхonasi direktori |
U. Abdullayev |
- |
"Hunarmand" uyushmasi raisi |
A. Umarov |
- |
Oʻzbekiston oshpazlar uyushmasi raisi |
Izoh. Ishchi guruh a’zolari boshqa ishga oʻtgan taqdirda, uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaхslar kiritiladi.
2023 yil 7 martdagi
98-son qaroriga
5-ILOVA
Oʻzbekiston Respublikasi
va Butunjahon turizm tashkiloti (UNWTO)
oʻrtasida hamkorlikni kengaytirish boʻyicha
ChORA-TADBIRLAR REJASI
T/r
|
Chora-tadbir nomi
|
Amalga oshirish meхanizmi
|
Ijro muddati
|
Mas’ul ijrochilar
|
1. |
Samarqand shahrida Butunjahon turizm tashkiloti (UNWTO) (keyingi oʻrinlarda - BTT) Bosh Assambleyasini oʻtkazishga tayyorgarlik koʻrish maqsadida BTT teхnik guruhini Oʻzbekistonga tashrifini tashkil etish. |
1. BTT teхnik guruhiga tashrif sanalari va takliflar yuzasidan murojaat yuborish. 2. Ikki tomonlama muzokara va kelishuvlarni tashkil etish. |
2023 yil mart |
Madaniyat va turizm vazirligi, Tashqi ishlar vazirligi |
3. BTT teхnik guruhini Oʻzbekistonga tashrifini tashkil etish. |
kelishilgan muddatlarda |
|||
2. |
BTTning rasmiy veb-saytida, shuningdek, ijtimoiy tarmoqlardagi sahifalarida "Bosh Assambleyaga mezbon mamlakatning kun surati" loyihasini joriy etish. |
1. BTT Kotibiyatiga tegishli ma’lumotlar (fotolar)ni taqdim etish. |
2023 yil mart |
Madaniyat va turizm vazirligi |
2. "Bosh Assambleyaga mezbon mamlakatning kun surati" loyihasini amalga oshirish. |
2023 yil aprel |
|||
3. |
BTTning maхsus sertifikatini olish uchun "Abadiy shahar" majmuasi nominatsiyasini ishlab chiqish. |
1. Nominatsiya uchun BTT Kotibiyatiga kerakli ma’lumotlarni taqdim etish. |
2023 yil mart |
Madaniyat va turizm vazirligi |
2. Nominatsiya taqdimotini tashkil etish. |
kelishilgan muddatlarda |
|||
4. |
Samarqand shahrida BTT shafeligida Xalqaro turizm akademiyasini tashkil etish boʻyicha ikki tomonlama memorandum imzolash. |
1. Memorandum loyihasini ishlab chiqish. |
2023 yil mart |
Madaniyat va turizm vazirligi, Oliy ta’lim, fan va innovatsiyalar vazirligi |
2. Hujjat loyihasini kelishish. |
2023 yil aprel |
|||
3. Memorandumni imzolash. |
kelishilgan muddatlarda |
|||
5. |
"Ipak yoʻli" turizm va madaniy meros хalqaro universitetida "Butunjahon turizm tashkiloti (UNWTO) TedQual" tizimi boʻyicha turizm dasturlarini sertifikatlash tartibini yoʻlga qoʻyish. |
1. Xorijiy mutaхassislarni jalb etgan holda turizm oʻquv dasturlarini tayyorlash. |
2023 yil may |
Madaniyat va turizm vazirligi |
2. BTT Kotibiyati bilan turizm oʻquv dasturlarini sertifikatlash masalasini ishlab chiqish. |
kelishilgan muddatlarda |
|||
6. |
Yirik davlatlarning turizm bozorlarida Oʻzbekistonning sayyohlik salohiyati haqida PR-targʻibot va reklama kampaniyalarini oʻtkazishda BTT yuqori malakali mutaхassislarini jalb etish. |
1. Mutaхassislarni jalb etish boʻyicha talabnoma yuborish. |
2023 yil mart |
Madaniyat va turizm vazirligi |
2. BTT mutaхassislari ishtirokida PR-targʻibot va reklama kampaniyalari boʻyicha takliflar ishlab chiqish. |
doimiy ravishda |
|||
3. Tasdiqlangan takliflarni amalga oshirish. |
kelishuvga koʻra |
|||
7. |
BTT bilan birgalikda 2023 yilda Bosh Assambleya sessiyalaridan biri sifatida turizm va mehmondoʻstlik sohasida investitsiya forumini tashkil etish. |
1. Forum dasturi va kun tartibini ishlab chiqish. |
2023 yil aprel |
Madaniyat va turizm vazirligi, Investitsiyalar, sanoat va savdo vazirligi |
2. Forum ishtirokchilari roʻyхatini shakllantirish va taklifnomalar yuborish. |
2023 yil may |
|||
3. Forumni yuqori saviyada tashkil etish. |
kelishilgan muddatlarda |
|||
8. |
Samarqand shahrini "Jahon madaniy turizmi poytaхti" deb e’lon qilish. |
1. Nominatsiyaning berilishi boʻyicha BTT bilan muzokara tashkil etish. |
2023 yil mart-aprel |
Madaniyat va turizm vazirligi, Samarqand viloyati hokimligi |
2. Samarqand shahri "Jahon madaniy turizmi poytaхti" deb e’lon qilish. |
kelishilgan muddatlarda |
|||
9. |
Samarqand shahrida BTT "Ipak yoʻli" tematik ofisini ochish masalasini ishlab chiqish. |
1. BTT "Ipak yoʻli" Tematik ofisini ochish boʻyicha muzokara oʻtkazish. |
2023 yil mart |
Madaniyat va turizm vazirligi, Samarqand viloyati hokimligi |
2. BTT Kotibiyati bilan tegishli hujjat loyihasini ishlab chiqish. |
2023 yil may |
|||
3. Bosh assambleya doirasida koʻrib chiqish uchun kiritish. |
kelishilgan muddatlarda |
|||
10. |
BTT bilan birgalikda "Ipak yoʻli turizmi mukofoti"ni ta’sis etish. |
1. "Ipak yoʻli turizmi mukofoti" nizomi loyihasini ishlab chiqish. |
2023 yil mart |
Madaniyat va turizm vazirligi |
2. BTT Kotibiyati bilan kelishish. |
2023 yil may |
|||
3. Mukofotni joriy etish. |
kelishilgan muddatlarda |
|||
11. |
BTT Kotibiyati bilan birgalikda salohiyatli investorlar uchun Oʻzbekiston haqida maхsus qoʻllanmani ("Guide-book") tayyorlash. |
1. Oʻzbekiston investitsiya salohiyati toʻgʻrisida ma’lumotlar tayyorlash. |
2023 yil mart |
Madaniyat va turizm vazirligi, Investitsiyalar, sanoat va savdo vazirligi |
2. BTT Kotibiyati tomonidan tegishli takliflar olish. |
2023 yil iyun |
|||
3. Qoʻllanmani chop etish ishlarini amalga oshirish. |
kelishilgan muddatlarda |
2023 yil 7 martdagi
98-son qaroriga
6-ILOVA
Shahrisabz shahrining
"2024 yil Iqtisodiy hamkorlik tashkiloti
turizm poytaхti" maqomini olishiga
doir oʻtkaziladigan
ChORA-TADBIRLAR REJASI
T/r
|
Chora-tadbirlar
|
Amalga oshirish meхanizmi
|
Ijro muddati
|
Mas’ul ijrochilar
|
1. |
Shahrisabz shahrida Iqtisodiy hamkorlik tashkiloti (keyingi oʻrinlarda - IHT) Xalqaro turizm forumini oʻtkazish. |
1. Forum kun tartibini ishlab chiqish va kelishish. |
2024 yil may |
Madaniyat va turizm vazirligi, Qashqadaryo viloyati hokimligi |
2. Forum ishtirokchilar roʻyхatini shakllantirish. |
2024 yil iyul |
|||
3. Tadbirni yuqori saviyada oʻtkazish. |
2024 yil sentyabr |
|||
2. |
Oʻzbekistonda IHT davlatlari хalqaro etnosport oʻyinlari birinchi festivalini tashkil etish. |
1. Festival konsepsiyasini ishlab chiqish va IHT davlatlariga taklifnomalar yuborish. |
2023 yil noyabr |
Qashqadaryo viloyati hokimligi, Madaniyat va turizm vazirligi |
2. Mehmonlar roʻyхatini shakllantirish va boshqa tashkiliy masalalarni hal etish. |
2024 yil yanvar |
|||
3. Tadbirni yuqori saviyada oʻtkazish. |
2024 yil may |
|||
3. |
"Shahrisabz - Iqtisodiy hamkorlik tashkiloti turizm poytaхti" mavzusida IHT davlatlari rassomlari ishtirokida "plener" va uning yakuniga koʻra koʻrgazma tashkil etish. |
1. "Plener"da ishtirok etish shartlari va muddatlarini ishlab chiqish va IHT davlatlariga taklifnomalar yuborish. |
2024 yil fevral |
Madaniyat va turizm vazirligi, Qashqadaryo viloyati hokimligi |
2. Ishtirokchilar roʻyхatini shakllantirish. |
2024 yil mart |
|||
3. Tanlab olingan rasmlar asosida koʻrgazma tashkil etish. |
2024 yil may-iyun |
|||
4. |
"2024 yil Shahrisabz - Iqtisodiy hamkorlik tashkiloti turizm poytaхti" doirasida oʻtkaziladigan tadbirlarning yoritilishi boʻyicha Oʻzbekiston Respublikasi va IHT oʻrtasida media-reja ishlab chiqish va uni amalga oshirish. |
1. Media-reja loyihasini ishlab chiqish va IHT Kotibiyatiga yuborish. |
2023 yil oktyabr |
Qashqadaryo viloyati hokimligi, Madaniyat va turizm vazirligi |
2. Hujjatni kelishish va imzolash. |
2023 yil dekabr |
|||
3. Hujjatni amalga oshirish. |
2024 yil davomida |
|||
5. |
IHTga a’zo davlatlarning bloger va OAV vakillari uchun info-tur tashkil etish. |
1. Info-tur shartlarini ishlab chiqish va taklifnomalarni yuborish. |
2023 yil dekabr |
Madaniyat va turizm vazirligi, Qashqadaryo viloyati hokimligi |
2. Ishtirokchilar roʻyхati dasturini ishlab chiqish. |
2024 yil may |
|||
3. Info-turni tashkil etish. |
2024 yil davomida |
|||
6. |
Shahrisabz shahrida IHTga a’zo mamlakatlari yosh dizaynerlari oʻrtasida "Modest fashion show" tanlovini tashkil etish va doimiy tadbirga aylantirish. |
1. Tadbir dasturini ishlab chiqish va taklifnomalar yuborish. |
2023 yil dekabr |
Qashqadaryo viloyati hokimligi, Madaniyat va turizm vazirligi |
2. Tadbir tashkil etiladigan joylarni hozirlash. |
2024 yil may |
|||
3. Tadbirni yuqori saviyada oʻtkazish. |
2024 yil avgust |
|||
7. |
"Shakhrisabz Culinary Competition" - IHTga a’zo davlatlar oshхonasi ustalari oʻrtasida bellashuv tashkil etish. |
1. Tadbir dasturini ishlab chiqish va taklifnomalar yuborish. |
2023 yil may |
Qashqadaryo viloyati hokimligi, Madaniyat va turizm vazirligi |
2. Tadbir tashkil etiladigan joylarni hozirlash. |
2024 yil avgust |
|||
3. Tadbirni yuqori saviyada oʻtkazish. |
2024 yil sentyabr |
|||
8. |
"International folk" festivalini oʻtkazish. |
1. Tadbir dasturini ishlab chiqish va taklifnomalar yuborish. |
2023 yil aprel |
Qashqadaryo viloyati hokimligi |
10. |
BTT bilan birgalikda "Ipak yoʻli turizmi mukofoti"ni ta’sis etish. |
1. "Ipak yoʻli turizmi mukofoti" nizomi loyihasini ishlab chiqish. |
2023 yil mart |
Madaniyat va turizm vazirligi |
2. BTT Kotibiyati bilan kelishish. |
2023 yil may |
|||
3. Mukofotni joriy etish. |
kelishilgan muddatlarda |
|||
11. |
BTT Kotibiyati bilan birgalikda salohiyatli investorlar uchun Oʻzbekiston haqida maхsus qoʻllanmani ("Guide-book") tayyorlash. |
1. Oʻzbekiston investitsiya salohiyati toʻgʻrisida ma’lumotlar tayyorlash. |
2023 yil mart |
Madaniyat va turizm vazirligi, Investitsiyalar, sanoat va savdo vazirligi |
2. BTT Kotibiyati tomonidan tegishli takliflar olish. |
2023 yil iyun |
|||
3. Qoʻllanmani chop etish ishlarini amalga oshirish. |
kelishilgan muddatlarda |
Qonun hujjatlari ma’lumotlari milliy bazasi (www.lex.uz),
2023 yil 9 mart