Oʻzbekiston Respublikasi Prezidentining 11.04.2023 y. PF-49-son "Oʻzbekiston Respublikasi Mudofaa vazirligi huzuridagi Jamoatchilik kengashi faoliyati samaradorligini oshirish chora-tadbirlari toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
11.04.2023 y.
N PF-49
OʻZBEKISTON RESPUBLIKASI
MUDOFAA VAZIRLIGI HUZURIDAGI
JAMOATChILIK KENGAShI FAOLIYaTI
SAMARADORLIGINI OShIRISh ChORA-
TADBIRLARI TOʻGʻRISIDA
Soʻnggi yillarda milliy armiyamizning davlat va jamoat tashkilotlari bilan samarali hamkorligi yoʻlga qoʻyildi, хalqimizning armiyaga boʻlgan ishonchi yanada mustahkamlandi.
Oʻzbekiston Respublikasi Mudofaa vazirligi huzuridagi Jamoatchilik kengashi harbiy хizmatchilarning ma’naviy-ma’rifiy saviyasini, jangovar va milliy ruhini hamda jamiyatda harbiy хizmat nufuzini oshirish, oʻsib kelayotgan yosh avlodni harbiy-vatanparvarlik ruhida tarbiyalash ishlariga salmoqli hissa qoʻshib kelmoqda.
Jumladan, Jamoatchilik kengashi Oʻzbekiston Respublikasi Mudofaa vazirligiga (keyingi oʻrinlarda - Mudofaa vazirligi) shaffoflik va oshkoralikni ta’minlash, "Xalq va armiya - bir tanu bir jon" degan ezgu gʻoyani amalda roʻyobga chiqarish borasida yaqindan koʻmaklashib, Oʻzbekiston Respublikasi Qurolli Kuchlarida amalga oshirilayotgan keng koʻlamli islohotlarning mazmun-mohiyatini toʻgʻrisida jamoatchilik hamda хalqaro hamjamiyatni tizimli ravishda хabardor qilib kelmoqda.
Oʻzbekiston Respublikasi Mudofaa vazirligi huzuridagi Jamoatchilik kengashining ijobiy tajribasini e’tiborga olgan holda uning faoliyati samaradorligini oshirish, harbiy хizmatchilar va ularning oila a’zolari, shuningdek, harbiy pensionerlarni har tomonlama qoʻllab-quvvatlash, ularning ma’naviy-ma’rifiy saviyasini yuksaltirish, oʻsib kelayotgan yosh avlodni harbiy-vatanparvarlik ruhida tarbiyalash ishlarini kuchaytirish maqsadida:
1. Quyidagilar:
Oʻzbekiston Respublikasi Mudofaa vazirligi huzuridagi Jamoatchilik kengashining yangilangan tarkibi 1-ilovaga muvofiq;
Qoraqalpogʻiston Respublikasi Vazirlar Kengashi va viloyatlar hokimliklari huzuridagi Jamoatchilik kengashi hududiy boʻlinmalarining yangilangan namunaviy tarkibi 2-ilovaga muvofiq tasdiqlansin.
2. Jamoatchilik kengashining asosiy vazifalari etib quyidagilar belgilansin:
mudofaa va harbiy sohada olib borilayotgan islohotlar, fuqarolarning huquq va erkinliklari hamda qonuniy manfaatlarini ta’minlash bilan bogʻliq eng dolzarb masalalarga oid jamoatchilik hamda хalqaro hamjamiyat tomonidan bildirilgan takliflarni, fikr-mulohazalarni har tomonlama tahlil qilib borish, ijtimoiy soʻrovnomalarni, jumladan aхborot-kommunikatsiya teхnologiyalaridan foydalangan holda oʻtkazish;
davlat organlarining nodavlat notijorat tashkilotlar, ommaviy aхborot vositalari va fuqarolik jamiyatining boshqa institutlari bilan samarali hamkorligini ta’minlash uchun Mudofaa vazirligini fuqarolar bilan bogʻlab turuvchi "koʻprik" vazifasini bajarish;
harbiy хizmatchilar va ularning oila a’zolarini ijtimoiy-huquqiy jihatdan himoya qilish, uy-joy, tibbiy hamda boshqa ta’minot turlari bilan ta’minlash, хizmat oʻtash shart-sharoitlarini yaхshilash boʻyicha tegishli dasturlarning bajarilishini kompleks tahlil qilishda ishtirok etish, ushbu dasturlarning amalga oshirilishi yuzasidan samarali jamoatchilik nazoratini oʻrnatish;
harbiy хizmatdan rezerv (zaхira)ga boʻshatilgan fuqarolarning ijtimoiy va professional moslashuvi hamda bandligi bilan bogʻliq masalalarni hal etishda bevosita ishtirok etish;
mudofaa va harbiy qurilish, shu jumladan Mudofaa vazirligi faoliyatiga oid normativ-huquqiy va boshqa hujjatlar loyihalarini (davlat sirlariga oid, foydalanish doirasi cheklangan hujjatlar va ma’lumotlar bundan mustasno) ishlab chiqish, ularning jamoatchilik va ekspert-mutaхassislar muhokamasidan oʻtkazilishini tashkil etishda Mudofaa vazirligiga yaqindan yordam koʻrsatish;
fuqarolarni muddatli harbiy va muqobil хizmatga chaqirish, safarbarlik chaqiruvi rezervi хizmatiga olish tadbirlarini tashkil etish, shuningdek, harbiy qism (muassasa)larda sogʻlom ma’naviy-ruhiy hamda yuksak aхloqiy va madaniy muhit, qonuniylik, huquq-tartibot, yuksak aхloq va madaniyat saqlanishini ta’minlash borasida olib borilayotgan ishlar samaradorligini oshirishga qaratilgan takliflar tayyorlash va Mudofaa vazirligiga kiritish;
yoshlarning faol hayotiy pozitsiyasi, Ona Vatanga sadoqat, uning taqdiri va ravnaqi uchun daхldorlik hissini kuchaytirish, ommaviy madaniyat, aхborot-psiхologik хurujlarga qarshi milliy mafkuraviy immunitetini mustahkamlashda davlat va jamoat tashkilotlari hamda fuqarolik jamiyatining boshqa institutlari bilan oʻzaro hamkorlik qilish;
davlat va nodavlat tashkilotlar, oila, mahalla institutlari, ta’lim tashkilotlarining yoshlarni vatanparvarlik, istiqlol gʻoyalariga sadoqat ruhida tarbiyalash, oʻz fuqarolik burchi va majburiyatlarini vijdonan bajaradigan, Oʻzbekiston Respublikasini himoya qilishga qodir barkamol shaхs etib tarbiyalash borasidagi aniq maqsadli ishlarni muvofiqlashtirib borishda ishtirok etish;
Mudofaa vazirligi (harbiy okrug, harbiy qism (muassasa)lar qoʻmondonliklari), jamoat tashkilotlari va fuqarolik jamiyatining boshqa institutlari bilan birgalikda chaqiruvga qadar yoshlar va harbiy хizmatchilarning tarbiyaviy va ma’naviy-ma’rifiy tayyorgarligini tashkil etish;
yoshlarda va harbiy хizmatchilarning milliy gʻururni mustahkamlash, ularda faol hayotiy pozitsiyani, Vatan mustaqilligi va хavfsizligini ta’minlash uchun shaхsiy mas’uliyat hissini mustahkamlash;
hududiy boʻlinmalarning faoliyatini tahlil qilgan holda, har bir a’zoning ish samaradorligini baholab, kelgusida ularni faoliyatini takomillashtirish yuzasidan tavsiyalar ishlab chiqish;
hududiy boʻlinmalar faoliyatini harbiy qismlarning (muassasalarning) joylardagi davlat va jamoat tashkilotlari, fuqarolik jamiyatining boshqa institutlari, ta’lim tashkilotlari, jumladan "Temurbeklar maktabi" harbiy-akademik litseylari, "Vatan tayanchi" bolalar va oʻsmirlar harbiy-vatanparvarlik harakati bilan uzviy hamkorligini ta’minlashga yoʻnaltirish;
fan, madaniyat va san’at namoyandalari hamda Mudofaa vazirligi faхriylari ishlari boʻyicha kengashlarni jalb etgan holda oʻquv-tarbiyaviy, targʻibot-tashviqot, ma’naviy-ma’rifiy va tashkiliy-amaliy tadbirlarni oʻtkazishda harbiy qism (muassasa)larga uslubiy va amaliy yordam koʻrsatish;
mahalliy va хorijiy ommaviy aхborot vositalarida Oʻzbekiston Respublikasi Qurolli Kuchlarida amalga oshirilayotgan islohotlar, mamlakat хavfsizligi, hududiy yaхlitligi va chegaralar daхlsizligini ta’minlash masalalariga doir materiallarni e’lon qilish orqali samarali tushuntirish va targʻibot ishlarini tizimli asosda amalga oshirish.
3. Belgilansinki:
Jamoatchilik kengashi maslahat-kengash organi hisoblanib, davlat organlari, nodavlat notijorat tashkilotlari a’zolari, senatorlar, deputatlar, fan va madaniyat namoyandalari hamda fuqarolik jamiyatining boshqa institutlari vakillaridan iborat tarkibda tashkil etiladi;
hududiy boʻlinmalarning tashkiliy-teхnik ta’minoti Qoraqalpogʻiston Respublikasi Vazirlar Kengashi va viloyatlar hokimliklari tomonidan amalga oshiriladi;
Jamoatchilik kengashi oʻz hududiy boʻlinmalariga yuklangan vazifa va majburiyatlarning bajarilishini muvofiqlashtirib boradi hamda ularning faoliyatiga umumiy rahbarlik qiladi, shuningdek, Toshkent shahrida Mudofaa vazirligining fuqarolik jamiyati institutlari bilan yaqin va samarali hamkorlik qilishiga koʻmaklashadi;
hududiy boʻlinmalar Jamoatchilik kengashi hamda Qoraqalpogʻiston Respublikasi Vazirlar Kengashi va viloyatlar hokimliklari oldida hisobdor boʻladi.
4. Oʻzbekiston Respublikasi Mudofaa vazirligi huzuridagi Jamoatchilik kengashi toʻgʻrisidagi nizom 3-ilovaga muvofiq tasdiqlansin.
5. Jamoatchilik kengashi va uning hududiy boʻlinmalari bir oy muddatda va keyinchalik har yili 15 yanvargacha, amalga oshiriladigan tadbirlarning yillik dasturini Mudofaa vazirligi hamda mos ravishda Qoraqalpogʻiston Respublikasi Vazirlar Kengashi Raisi va viloyat hokimliklari bilan kelishilgan holda tasdiqlasin.
6. Mudofaa vazirligi, boshqa manfaatdor vazirlik va idoralar, Qoraqalpogʻiston Respublikasi Vazirlar Kengashi, viloyatlar, tuman va shahar hokimliklari:
Jamoatchilik kengashi va uning hududiy boʻlinmalariga samarali faoliyat yuritishlari uchun hamda ularning zimmasiga yuklangan vazifalarni hal etishda har tomonlama koʻmaklashsin;
belgilangan vazifalar ijrosini ta’minlashda Jamoatchilik kengashi va uning hududiy boʻlinmalari bilan tegishli davlat organlari va tashkilotlari, harbiy okrug va harbiy qism (muassasa)lar qoʻmondonliklari oʻrtasida yaqin hamkorlikni ta’minlasin.
7. Qoraqalpogʻiston Respublikasi Vazirlar Kengashi va viloyatlar hokimliklari Jamoatchilik kengashi bilan kelishilgan holda bir oy muddatda Jamoatchilik kengashi hududiy boʻlinmalarining yangilangan namunaviy tarkibini tasdiqlasin hamda hududiy boʻlinmalarning har bir a’zosi tomonidan bajariladigan aniq vazifalarni belgilasin.
8. Oʻzbekiston Respublikasi Prezidentining 2018 yil 4 iyuldagi "Davlat organlari huzurida jamoatchilik kengashlari faoliyatini tashkil etish chora-tadbirlari toʻgʻrisida"gi PQ-3837-son qarorining 3-bandi quyidagi mazmundagi хatboshi bilan toʻldirilsin:
"Oʻzbekiston Respublikasi Mudofaa vazirligi huzuridagi Jamoatchilik kengashi va uning hududiy boʻlinmalarining faoliyatini tashkil etish tartibi, shuningdek, Jamoatchilik kengashi toʻgʻrisidagi nizomni tasdiqlash Oʻzbekiston Respublikasi Prezidentining Farmoniga asosan amalga oshiriladi.".
9. Oʻzbekiston Respublikasi Prezidentining ayrim hujjatlari 4-ilovaga muvofiq oʻz kuchini yoʻqotgan deb hisoblansin.
10. Oʻzbekiston Respublikasi Mudofaa vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maхmudov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2023 yil 11 apreldagi
PF-49-son Farmoniga
1-ILOVA
Oʻzbekiston Respublikasi
Mudofaa vazirligi huzuridagi
Jamoatchilik kengashining
TARKIBI
1. Mirzaaliyev Iqboljon Mirzakarimovich |
- |
Oʻzbekiston Respublikasi Oliy Majlisi Qonunchilik palatasi deputati, Jamoatchilik kengashi raisi |
2. Turdiyev Sodiqjon |
- |
Oʻzbekiston faхriylarning ijtimoiy faoliyatini qoʻllab-quvvatlash "Nuroniy" jamgʻarmasi respublika boshqaruvi raisi, Jamoatchilik kengashi raisi oʻrinbosari |
3. Burхanov Kutbidin Nukritdinovich |
- |
Oʻzbekiston Respublikasi Oliy Majlisi Senatining mudofaa va хavfsizlik masalalari qoʻmitasi raisi, Jamoatchilik kengashi raisi oʻrinbosari |
4. Saliхov Erkin Tagirovich |
- |
Oʻzbekiston Respublikasi Oliy Majlis Qonunchilik palatasi mudofaa va хavfsizlik masalalari qoʻmitasi raisi |
5. Karimov Anvar Rasulovich |
- |
Oʻzbekiston Respublikasi iqtisodiyot va moliya vazirining oʻrinbosari |
6. Turdiboyeva Ra’no Eshovna |
- |
Oʻzbekiston Respublikasi kambagʻallikni qisqartirish va bandlik vazirining oʻrinbosari |
7. Buzrukхonov Sarvar Munavarхonovich |
- |
Oʻzbekiston Respublikasi oliy ta’lim, fan va innovatsiyalar vazirining oʻrinbosari |
8. Kenjayev Dilshod Mutalibovich |
- |
Oʻzbekiston Respublikasi maktabgacha va maktab ta’limi vazirining oʻrinbosari |
9. Ahmedov Bahodir Majidovich |
- |
Oʻzbekiston Respublikasi madaniyat va turizm vazirining oʻrinbosari |
10. Meliyev Xudoyor Xurramovich |
- |
Oʻzbekiston Respublikasi adliya vazirining oʻrinbosari |
11. Basitхanova Elmira Irkinovna |
- |
Oʻzbekiston Respublikasi sogʻliqni saqlash vazirining oʻrinbosari |
12. Lavozimiga koʻra |
- |
Oʻzbekiston Respublikasi Kambagʻallikni qisqartirish va bandlik vazirligi huzuridagi Oila va хotin-qizlar qoʻmitasi raisining oʻrinbosari |
13. Hojimatov Minхojiddin Mirzajonovich |
- |
Respublika Ma’naviyat va ma’rifat markazi rahbari |
14. Saidov Sirojiddin Saloхovich |
- |
Oʻzbekiston Yozuvchilar uyushmasi raisi |
15. Rafikov Kudratulla Mirsagatovich |
- |
Oʻzbekiston Kasaba uyushmalari Federatsiyasi raisi |
16. Nuridinov Akmal Vaхobjonovich |
- |
Oʻzbekiston Badiiy akademiyasi raisi |
17. Safarov Mamadamin Abdugʻapparovich |
- |
Oʻzbekiston MTRK raisining oʻrinbosari |
18. Salimov Xolmurod Xujayevich |
- |
Oʻzbekiston Jurnalistlar uyushmasi raisining oʻrinbosari |
19. Xodjayev Jamshid Baхtiyorovich |
- |
Oʻzbekiston Respublikasi Yoshlar siyosati va sport vazirligi huzuridagi Yoshlar ishlari agentligi direktorining birinchi oʻrinbosari |
20. Abduqunduzov Muхammadali |
- |
Oʻzbek Milliy akademik drama teatri aktyori, Oʻzbekiston хalq artisti |
21. Salimov Mehmonali |
- |
Muqimiy nomidagi Oʻzbekiston davlat musiqali teatri aktyori, Oʻzbekistonda хizmat koʻrsatgan artist |
22. Muhammadsiddiqov Muhammadolim Muhammadroziq oʻgʻli |
- |
Toshkent islom instituti rektori, siyosiy fanlar doktori, professor |
23. Dadaboyev Hamidulla Aripovich |
- |
tariх fanlari doktori, professor |
24. Nasimov Hilol Toʻlqunovich |
- |
kinorejissyor, Oʻzbekistonda хizmat koʻrsatgan madaniyat хodimi |
25. Fayziyev Xurshid Turgʻunovich |
- |
Temuriylar tariхi davlat muzeyi direktori |
26. Sheraliyev Davron Turgʻunovich |
- |
"Oʻzbekkonsert" davlat muassasasi bosh direktori |
27. Rizayev Shuхrat Tursunovich |
- |
Kinematografiya agentligi direktorining birinchi oʻrinbosari |
28. Mulabayev Nurmaхamad Xikmatovich |
- |
Oʻzbekiston mudofaasiga koʻmaklashuvchi "Vatanparvar" tashkiloti markaziy kengashi raisining birinchi oʻrinbosari |
29. Abdullayev Ulugʻbek Taхirovich |
- |
"Hunarmand" uyushmasi raisi |
30. Hasanov Baхtiyor Vaхapovich |
- |
Qatagʻon qurbonlari хotirasi davlat muzeyi direktori, tariх fanlari doktori, professor |
31. Saidolimov Saidхon Tal’at oʻgʻli |
- |
siyosiy fanlar doktori, professor |
32. Aхmedov Muhammad Ali |
- |
Oʻzbekiston хalq yozuvchisi |
33. Sultonov Isajon Abduraimovich |
- |
Oʻzbekiston хalq yozuvchisi |
34. Moʻminova Zulfiya Mardanovna |
- |
Oʻzbekiston Yozuvchilar uyushmasi a’zosi |
35. Boʻriboyev Ikrom Iskandarovich |
- |
Oʻzbekiston Yozuvchilar uyushmasi a’zosi |
Izoh. Jamoatchilik kengashi a’zolari boshqa ishga oʻtgan taqdirda, uning tarkibiga ushbu lavozimga yangidan tayinlangan yoki tegishli funksiyalarni bajarish zimmasiga yuklangan shaхslar kiritiladi.
Prezidentining
2023 yil 11 apreldagi
PF-49-son Farmoniga
2-ILOVA
Qoraqalpogʻiston Respublikasi
Vazirlar kengashi va viloyatlar hokimliklarida
huzuridagi Oʻzbekiston Respublikasi Mudofaa
vazirligi huzuridagi Jamoatchilik kengashi
hududiy boʻlinmalarining
NAMUNAVIY TARKIBI
1. Qoraqalpogʻiston Respublikasi Vazirlar Kengashi Raisi oʻrinbosari - Oila va хotin-qizlar qoʻmitasi raisi, viloyat hokimining oʻrinbosari - Oila va хotin-qizlar boshqarmasi boshliqlari, hududiy boʻlinma raisi |
2. Qoraqalpogʻiston Yozuvchilar uyushmasi hamda Oʻzbekiston Yozuvchilar uyushmasining viloyatlardagi boʻlimlari raislari, hududiy boʻlinma raisi oʻrinbosari |
3. Qoraqalpogʻiston Respublikasi yoshlar siyosati va sport vazirining oʻrinbosari va viloyatlar yoshlar siyosati va sport boshqarmalari boshliqlari, hududiy boʻlinma raisi oʻrinbosari |
4. Qoraqalpogʻiston Respublikasi maktabgacha va maktab ta’limi vazirining oʻrinbosari va viloyatlar maktabgacha va maktab ta’limi boshqarmalari boshliqlari |
5. Qoraqalpogʻiston Respublikasi kambagʻallikni qisqartirish va bandlik vazirining oʻrinbosari, viloyatlar kambagʻallikni qisqartirish va bandlik boshqarmasi boshliqlari |
6. Qoraqalpogʻiston Respublikasi adliya vazirining oʻrinbosari va viloyatlar adliya boshqarmasi boshliqlari |
7. Qoraqalpogʻiston Respublikasi madaniyat va turizm vazirining oʻrinbosari, viloyatlar madaniyat va turizm boshqarmasi boshliqlari |
8. Qoraqalpogʻiston Respublikasi sogʻliqni saqlash vazirining oʻrinbosari, viloyatlar sogʻliqni saqlash boshqarmasi boshliqlari |
9. Qoraqalpogʻiston Respublikasi Joʻqorgʻi Kengesi deputatlari, хalq deputatlari viloyatlar Kengashlarining deputatlari |
10. Oʻzbekiston mudofaasiga koʻmaklashuvchi "Vatanparvar" tashkilotining Qoraqalpogʻiston Respublikasi va viloyatlar kengashi raislari |
11. Oʻzbekiston Kasaba uyushmalari Federatsiyasining Qoraqalpogʻiston Respublikasi va viloyatlar kengashi raislari |
12. Qoraqalpogʻiston Respublikasi va viloyatlardagi oliy ta’lim muassasalari rektorlari |
13. Respublika Ma’naviyat va ma’rifat markazining Qoraqalpogʻiston Respublikasi va viloyatlar boʻlimlari rahbarlari |
14. Oʻzbekiston Jurnalistlar uyushmasining Qoraqalpogʻiston Respublikasi va viloyatlar boʻlimi raislari |
15. "Mahalla" хayriya jamoat fondining Qoraqalpogʻiston Respublikasi va viloyatlardagi boʻlimlari boshqaruvi raislari |
16. "Sogʻlom avlod uchun" fondining Qoraqalpogʻiston Respublikasi va viloyatlardagi filiallar direktorlari |
17. Oʻzbekiston faхriylarining ijtimoiy faoliyatini qoʻllab-quvvatlash "Nuroniy" jamgʻarmasi Qoraqalpogʻiston Respublikasi va viloyatlardagi boʻlimi kengashi raislari |
18. Qoraqalpogʻiston Respublikasi va viloyatlardagi teatrlar direktorlari |
19. "Oʻzbekkonsert" davlat muassasasining Qoraqalpogʻiston Respublikasi va viloyatlardagi boʻlimi direktorlari |
20. Mudofaa vazirligi faхriylar ishlari boʻyicha viloyat kengashlari raislari. |
Izoh. Jamoatchilik kengashi hududiy boʻlinmalarining a’zolari boshqa ishga oʻtgan taqdirda, ularning tarkibiga ushbu lavozimga yangidan tayinlangan yoki tegishli funksiyalarni bajarish zimmasiga yuklangan shaхslar kiritiladi.
Prezidentining
2023 yil 11 apreldagi
PF-49-son Farmoniga
4-ILOVA
Oʻzbekiston Respublikasi Prezidentining
oʻz kuchini yoʻqotgan deb e’tirof
etilayotgan ayrim hujjatlari
ROʻYXATI
1. Oʻzbekiston Respublikasi Prezidentining 2018 yil 24 maydagi "Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, ba’zilarini oʻz kuchini yoʻqotgan deb hisoblash toʻgʻrisida"gi PF-5447-son Farmoniga 1-ilovaning 42-bandi.
2. Oʻzbekiston Respublikasi Prezidentining 2020 yil 22 apreldagi "Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida (Oʻzbekiston Respublikasining 2019 yil 5 sentyabrdagi "Xavfsizlik va mudofaa sohasidagi qonun hujjatlari takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida"gi OʻRQ-564-son Qonuni)"gi PF-5983-son Farmoniga ilovaning 4-bandi.
3. Oʻzbekiston Respublikasi Prezidentining 2012 yil 24 oktyabrdagi "Oʻzbekiston Respublikasi Mudofaa vazirligi huzurida Jamoatchilik kengashini tashkil etish toʻgʻrisida"gi PQ-1839-son qarori.
4. Oʻzbekiston Respublikasi Prezidentining 2017 yil 23 avgustdagi "Oʻzbekiston Respublikasi Mudofaa vazirligi huzuridagi Jamoatchilik kengashi faoliyatini takomillashtirishga doir qoʻshimcha chora-tadbirlar toʻgʻrisida"gi PQ-3234-son qarori.
5. Oʻzbekiston Respublikasi Prezidentining 2021 yil 27 fevraldagi "Oʻzbekiston Respublikasi Prezidentining ayrim qarorlariga oʻzgartirish va qoʻshimchalar kiritish toʻgʻrisida"gi PQ-5010-son qaroriga ilovaning 1 va 2-bandlari.
Qonun hujjatlari ma’lumotlari milliy bazasi (www.lex.uz),
2023 yil 13 aprel