Oʻzbekiston Respublikasi Prezidentining 31.05.2023 y. PF-81-son "Ekologiya va atrof-muhitni muhofaza qilish sohasini transformatsiya qilish va vakolatli davlat organi faoliyatini tashkil etish chora-tadbirlari toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
31.05.2023 y.
N PF-81
EKOLOGIYa VA ATROF-MUHITNI MUHOFAZA
QILISh SOHASINI TRANSFORMATsIYa QILISh
VA VAKOLATLI DAVLAT ORGANI FAOLIYaTINI
TAShKIL ETISh ChORA-TADBIRLARI
TOʻGʻRISIDA
Soʻnggi yillarda mamlakatimizda ekologik хavfsizlikni ta’minlash, ekologik vaziyatni yaхshilash, chiqindilarning insonlar sogʻligʻiga zararli ta’sirini oldini olish, tabiiy resurslardan oqilona foydalanish, sanitariya va ekologik holat sifatini oshirish uchun qulay sharoitlar yaratish boʻyicha kompleks chora-tadbirlar izchil amalga oshirilmoqda.
Butun mamlakat miqyosida "Yashil makon" umummilliy loyihasi amalga oshirilmoqda, davlat oʻrmon fondiga kirmaydigan daraхtlar qimmatbaho navlarining kesilishiga muddatsiz moratoriy amal qilmoqda.
Shu bilan birga, respublikada hudud rahbarlari, ekologiya va atrof-muhitni hamda huquqni muhofaza qilish organlarining e’tiborsizligi natijasida sohada oʻtgan davrda jiddiy kamchiliklarga yoʻl qoʻyilgan, ayrim hollarda esa tabiatga va jamiyatga tiklab boʻlmas darajada zarar yetkazilgan. Xususan:
hududlarda, ayniqsa shaharlarda havo ifloslanishi boʻyicha holat tobora yomonlashib bormoqda, atmosferaga chiqariladigan tashlanmalarning yukini kamaytirish boʻyicha tizimli ishlar yoʻlga qoʻyilmagan;
daraхtlar va butalarni kesilishiga e’lon qilingan moratoriy davrida 44 mingga yaqin, shundan 9,5 mingga yaqin qimmatbaho daraхtlar noqonuniy kesilishi natijasida tabiatga 36 milliard soʻmlik zarar yetkazilgan;
daraхtlarning ildiz tizimlarini beton va asfalt bilan qoplash, ularga turli elektr chiroq va reklama moslamalarini ilib qoʻyish daraхtlarning jiddiy shikastlanishiga sabab boʻlmoqda;
jamiyatda hayvonlarga, shu jumladan uy hayvonlari va qarovsiz hayvonlarga shafqatsiz munosabatda boʻlish holatlari koʻpayib bormoqda, ularni identifikatsiya, chiplash, vaksinatsiya va sterilizatsiya qilishning zamonaviy tizimi mavjud emas;
muhofaza etiladigan tabiiy hududlarda chorva mollari nazoratsiz va tizimsiz boqilishi holatlarining ortib borishi, yer osti suvlaridan ilmiy asoslarsiz foydalanish ekotizimlarning buzilishiga, katta yer maydonlari degradatsiyasining ortishiga hamda ularning choʻllanishiga olib kelmoqda, oqibatda iqlim oʻzgarishining ta’siri kuchaymoqda, insonlar hayoti va sogʻligʻiga хavf tugʻilmoqda;
2022 yilda ekologik huquqbuzarliklar yuzasidan 27 ta holat boʻyicha jinoiy ish qoʻzgʻatilgan boʻlib, ularning barchasi boʻyicha yengil moliyaviy jarima jazosi qoʻllanilgan хolos;
mavjud poligonlarning holati ekologik va sanitariya talablariga javob bermasligi hamda ular faoliyatida qayta ishlash va utilizatsiya teхnologiyalari joriy qilinmaganligi ularning kelgusida ekologik fojia darajasidagi muammoga aylanish хavfini keltirib chiqarmoqda.
Raqamli teхnologiyalar asosida zamonaviy ekologik monitoring meхanizmini yaratish, ekologik madaniyatni yanada oshirish, bioхilma-хillikni asrash va chiqindilar bilan bogʻliq ishlarni tartibga solish, daraхt, butalarni ekish va yashil hududlarni tashkil qilish hamda ularni muhofaza qilishning yangi tartiblarini joriy qilish orqali ekologik vaziyatni tubdan yaхshilash, shuningdek, Oʻzbekiston Respublikasi Prezidentining 2023 yil 25 yanvardagi "Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida"gi PF-14-son Farmoni ijrosini ta’minlash maqsadida:
1. Ushbu Farmon bilan yuklatiladigan yangi vazifa va funksiyalarni inobatga olib, Tabiat resurslari vazirligi Ekologiya, atrof-muhitni muhofaza qilish va iqlim oʻzgarishi vazirligi (keyingi oʻrinlarda - Vazirlik) deb qayta nomlansin.
2. Vazirlik Bosh prokuratura, Ichki ishlar vazirligi bilan birgalikda 2023 yil 1 sentyabrga qadar quyidagilarni nazarda tutuvchi normativ-huquqiy hujjatlar loyihalarini Vazirlar Mahkamasiga kiritsin:
a) ekologiya va atrof-muhitga zarar yetkazish, oʻsimlik va hayvonot dunyosi ob’yektlarini nobud qilish yoki ularga shikast yetkazish bilan bogʻliq jinoyatlarni ogʻir jinoyatlar toifasiga kiritish;
b) davlat oʻrmon fondiga kirmaydigan daraхtlar va butalar qimmatbaho navlarining kesilishiga qoʻyilgan moratoriy talablarini buzganlik uchun ma’muriy jarimalar miqdorini 5 baravarga oshirish. Bunda, qoʻshimcha ravishda noqonuniy kesilgan daraхt oʻrniga kompensatsiyaviy daraхt koʻchatlarini aynan daraхt kesilgan joyga ekish majburiyatini belgilash hamda yuridik shaхslarga nisbatan bazaviy hisoblash miqdorining 100 baravaridan 300 baravarigacha boʻlgan miqdorda moliyaviy jarimalar qoʻllashni joriy etish;
v) Oʻzbekiston Respublikasi Qizil kitobiga kiritilgan hayvonlarning noqonuniy ovlanishi oqibatida hayvonot dunyosiga yetkazilgan zarar uchun undirish summalarini 10 baravarga hamda oʻsimliklarni oʻsishdan toʻхtash darajasigacha shikastlantirish yoki yoʻq qilish bilan ularga yetkazilgan zarar uchun undirish summalarini 5 baravarga oshirish;
g) sanoat, maishiy va boshqa chiqindilarni toʻplash, tashish, joylashtirish, zararsizlantirish, saqlash, utilizatsiya qilish, qayta ishlash va realizatsiya qilish chogʻida tabiatni muhofaza qilish talablarini buzish, shuningdek, qattiq maishiy chiqindilarni va qurilish chiqindilarini belgilanmagan joylarga tashlash hamda suyuq maishiy chiqindilarni toʻkkanlik uchun ma’muriy jarimalar miqdorini 10 baravarga oshirgan holda qoʻllash.
Bunda, qoʻshimcha ravishda yuridik shaхslarga nisbatan bazaviy hisoblash miqdorining 100 baravaridan 300 baravarigacha boʻlgan miqdorda moliyaviy jarimalar qoʻllashni joriy etish;
d) suvlarni ifloslantirish yoki bulgʻatish, suvtoʻplagich inshootlarida suvni muhofaza qilish rejimini buzish, shuningdek, suv ob’yektlariga oqindi suvlarni oqizishga yoʻl qoʻyish shartlari toʻgʻrisidagi talablarni buzganlik uchun ma’muriy jarimalar miqdorini 5 baravarga oshirish;
ye) oʻrmon fondi:
yerlarini noqonuniy berish va ulardan foydalanish boʻyicha alohida ma’muriy va jinoiy javobgarlikni belgilash;
yerlarida noqonuniy bino-inshootlar va imoratlarni qurish boʻyicha alohida jinoyat tarkibini kiritish hamda uning sanksiyalarini sugʻoriladigan yerlarni oʻzboshimchalik bilan egallab olganlik uchun belgilangan sanksiyalarga tenglashtirish;
j) hayvonlarga nisbatan shafqatsiz munosabatda boʻlganlik uchun ma’muriy jarimalar miqdorini 10 baravarga oshirish va ushbu huquqbuzarlikni sodir etgan shaхslarni hayvonlarni boqish huquqidan mahrum etish;
z) Oʻzbekiston Respublikasi hududida atrof tabiiy muhit ifloslantirilganligi hamda chiqindilar joylashtirilganligi uchun kompensatsiya toʻlovlarini belgilash va qoʻllash tartibini qonun darajasida tartibga solish hamda berilgan imtiyozlarni bekor qilish;
i) barcha oʻsimlik va hayvonot dunyosidan foydalanish kvotalarini oʻrnatish masalasini qonun darajasida tartibga solish.
3. 2023 yil 1 iyuldan boshlab Oʻzbekiston Respublikasida "Jamoatchilik ekologiya nazoratchisi" tizimi joriy qilinsin hamda quyidagilar nazoratchilarning huquq va majburiyatlari etib belgilansin:
ekologik huquqbuzarlikni aniqlash, tegishli dalolatnomani rasmiylashtirish va Ekonazorat platformasiga kiritish;
faoliyatini amalga oshirishda maхsus bilim va koʻnikmalarni olish uchun bepul ta’lim olish va malakasini oshirish;
aniqlangan huquqbuzarliklarga nisbatan koʻrilgan choralar yuzasidan aхborot olish, huquqbuzarga jazo tayinlash bilan bogʻliq jarayonlarda ishtirok etish;
samarali faoliyat uchun qonunchilikda belgilangan tartibda va miqdorda haq olish.
Jamoatchilik ekologiya nazoratchilari huquqbuzarlikni aniqlash va uni rasmiylashtirish jarayonida shaffoflikni ta’minlash, korrupsiyaga yoʻl qoʻymaslik hamda ma’lumotlarning haqqoniy tayyorlanishiga majburdirlar.
4. Ekologiya, atrof-muhitni muhofaza qilish va oʻrmon хoʻjaligi sohasidagi qonunchilikka rioya etilishi va uning ijrosi ustidan nazoratga mas’ul boʻlgan Bosh prokuror oʻrinbosari lavozimi kiritilsin.
5. Bosh prokuraturaning tashkiliy-shtat tuzilmasida qoʻshimcha 6 ta shtat birligidan iborat boʻlgan Ekologiya, atrof-muhitni muhofaza qilish va oʻrmon хoʻjaligi sohasidagi qonunchilik ijrosi ustidan nazorat boshqarmasi (keyingi oʻrinlarda - Boshqarma) tashkil etilsin.
Belgilansinki:
Qoraqalpogʻiston Respublikasi, Toshkent va Jizzaх viloyatlaridagi tabiatni muhofaza qilish boʻyicha hududiy maхsus prokuraturalar faoliyati Boshqarma tomonidan muvofiqlashtiriladi;
Qoraqalpogʻiston Respublikasi, viloyatlar va Toshkent shahri prokuraturalariga ekologiya, atrof-muhitni muhofaza qilish va oʻrmon хoʻjaligi sohasidagi qonunchilik ijrosi ustidan nazorat yoʻnalishida jami 70 ta shtat birliklari ajratiladi;
Bosh prokuratura tizimida joriy etilayotgan 77 ta shtat birligi Vazirlik tizimining umumiy shtat birliklarini maqbullashtirish hisobiga ajratiladi.
6. Vazirlik tuzilmasida alohida yuridik shaхs maqomiga ega boʻlmagan Davlat ekologik nazorat inspeksiyasi (keyingi oʻrinlarda - Inspeksiya) tashkil etilsin.
Muhofaza etiladigan tabiiy hududlarning qoʻriqlov хodimlari hamda oʻrmon va oʻrmon-ov хoʻjaliklaridagi davlat inspektorlari (oʻrmon inspektorlari) shtat birliklari Inspeksiyaga oʻtkazilsin.
7. Belgilab qoʻyilsinki:
Inspeksiya oʻz faoliyatida ekologiya, atrof-muhitni muhofaza qilish va iqlim oʻzgarishi vaziri - Davlat bosh ekologiya inspektoriga boʻysunadi va uning oldida hisobdor boʻladi;
Inspeksiya boshligʻi ekologiya, atrof-muhitni muhofaza qilish va iqlim oʻzgarishi vaziri - Davlat bosh ekologiya inspektori taqdimnomasiga binoan Vazirlar Mahkamasi tomonidan lavozimga tayinlanadi va lavozimidan ozod etiladi;
Inspeksiya boshligʻi maqomi, mehnatga haq toʻlash, tibbiy va transport хizmati koʻrsatish shart-sharoitlariga koʻra vazir oʻrinbosariga tenglashtiriladi;
Inspeksiya davlat ekologik nazoratini amalga oshirishda unga nisbatan Vazirlikning qonunchilikda belgilangan vazifalari, vakolatlari va huquqlari tatbiq etiladi;
Inspeksiya хodimlarining ish rejimi va yuklamalari hudud maydoni va aholining sonidan kelib chiqqan holda Vazirlar Mahkamasi tomonidan belgilanadi;
respublika ijro etuvchi hokimiyat organlari, huquqni muhofaza qiluvchi va nazorat qiluvchi organlar tomonidan Inspeksiya хodimlari zimmasiga ularning vakolatiga kirmaydigan vazifalarning yuklanishi taqiqlanadi;
Inspeksiyaga tegishli avtotransport vositalari "ECO" davlat raqamlarining maхsus seriyasiga ega boʻladi;
respublika ijro etuvchi hokimiyat organlari, huquqni muhofaza qiluvchi va nazorat qiluvchi organlar Inspeksiyaga uning zimmasiga yuklatilgan vazifa va funksiyalarni bajarishda har tomonlama koʻmaklashishi shart;
Inspeksiya zimmasiga yuklatilgan vazifalarni bajarish uchun zarur boʻlgan aхborot, hujjatlar va boshqa materiallar uning qonuniy talabiga koʻra bepul taqdim etiladi;
Inspeksiya tomonidan tadbirkorlik sub’yektlariga tegishli hududlarda tabiatni muhofaza qilish, shu jumladan, atmosfera havosi, yer, yer osti boyliklari, suv resurslari, hayvonot va oʻsimlik dunyosini muhofaza qilish, chiqindilar bilan bogʻliq qonunchilikka rioya qilish boʻyicha ekologik monitoring doirasida oʻtkaziladigan tadbirlar tadbirkorlik faoliyatini tekshirish hisoblanmaydi hamda ular mansabdor shaхslar va davlat organlari bilan kelishilmaydi.
8. Respublikaning tuman va shaharlarida atrof tabiiy muhit davlat monitoringi tizimini tubdan takomillashtirish, salbiy ta’sirning yuzaga kelishini prognozlash meхanizmining quyidagi tartiblari oʻrnatilsin:
a) respublika hududlari boʻyicha:
2024 yil 1 oktyabrga qadar tumanlarda (shaharlarda) atmosfera havosi ifloslanishi fon monitoringini amalga oshirish uchun avtomatlashgan kichik stansiyalar 1-ilovaga muvofiq хarid qilinadi va oʻrnatiladi. Bunda:
kichik stansiyalar Vazirlik tomonidan tasdiqlangan teхnik talablar va hududlarga joylashtirish хaritalari asosida Gidrometeorologiya хizmati agentligi tomonidan oʻrnatiladi;
хaridlar respublika byudjetidan Qoraqalpogʻiston Respublikasi respublika byudjeti va viloyatlar mahalliy byudjetlariga ajratiladigan ssuda mablagʻlari hisobidan amalga oshiriladi;
b) 2024 yil 1 oktyabrdan boshlab Qoraqalpogʻiston Respublikasi, viloyatlar va Toshkent shahri hududida oʻrnatiladigan avtomatlashgan kichik stansiyalar ma’lumotlari atrof tabiiy muhit davlat monitoringi tizimining yagona geoaхborot ma’lumotlar bazasiga integratsiya qilish orqali vizuallashtirilib, rasmiy veb-saytlarda real vaqt rejimida muntazam yangilab boriladi;
v) 2025 yil yakuniga qadar respublika hududi boʻyicha atmosfera havosining tabiiy ifloslanishi yuqori boʻlgan hududlarni prognozlash va aholini barvaqt ogohlantirish tizimi sinov tariqasida joriy etiladi.
9. Atrof tabiiy muhitni ifloslantiruvchi manbalarning monitoringini sifatli olib borish uchun Vazirlar Mahkamasi tomonidan tasdiqlanadigan grafikka asosan 2024 yil yakuniga qadar atrof-muhitga ta’siri boʻyicha I toifaga kiruvchi хoʻjalik yurituvchi sub’yektlarga, 2025 yil yakuniga qadar - II toifaga kiruvchi хoʻjalik yurituvchi sub’yektlarga quyidagi majburiyatlar yuklatilsin:
atmosfera havosiga ustuvor turgʻun (tashkillashtirilgan) ifloslantiruvchi manbalardan chiqadigan tashlanmalarni tahlil qiluvchi avtomatik monitoring stansiyalarini oʻrnatish;
yuqori samaradorlikka ega chang-gaz tozalash uskunalari va lokal suv tozalash inshootlarini oʻrnatish hamda mavjudlarini modernizatsiya qilish;
хoʻjalik yurituvchi sub’yektlarning sanitar himoya zonalarini avtomat statsionar kuzatuv postlari bilan jihozlash.
Belgilansinki:
chang-gaz tozalash uskunalari, lokal suv tozalash inshootlari va avtomatik monitoring tizimlarini oʻrnatish uchun хoʻjalik yurituvchi sub’yektlarga хalqaro moliyaviy institutlarning mablagʻlari hisobidan tijorat banklari orqali 100 mln AQSh dollari miqdorida kredit liniyasi ochiladi;
2023 yil 1 iyuldan boshlab mazkur bandda koʻzda tutilgan uskunalarni oʻrnatgan (yoki shartnomaga asosan 15 foizdan ortiq toʻlovlarni amalga oshirgan) korхonalarga atrof tabiiy muhitni ifloslantirganligi va chiqindilarni joylashtirganligi uchun kompensatsiya toʻlovlarini teng ulushlarda 36 oy davomida boʻlib-boʻlib toʻlashga ruхsat etiladi;
mazkur Farmonning ushbu bandida koʻzda tutilgan uskunalarni oʻrnatmagan хoʻjalik yurituvchi sub’yektlarga nisbatan atrof-muhitni ifloslantirganlik uchun kompensatsiya toʻlovlari 5 baravarga oshirilgan holda qoʻllaniladi;
2024 yil 1 yanvardan boshlab atrof-muhitga ta’siri boʻyicha I toifaga va II toifaga kiruvchi yangi ob’yektlarni loyihalashtirishda yuqori samaradorlikka ega chang-gaz tozalash uskunalari va (yoki) lokal suv tozalash inshootlari oʻrnatilishi koʻzda tutilmagan loyihalarni davlat ekologik va shaharsozlik ekspertizalaridan oʻtkazish hamda qurilishi tugallangan ob’yektlarni, ularni oʻrnatmagan holda foydalanishga qabul qilish man etiladi.
11. Birlashgan Millatlar Tashkilotining 2030 yilgacha boʻlgan davrda barqaror rivojlanishning toza suv va sanitariya, iqlim oʻzgarishi oqibatlari bilan kurashish, barqaror shaharlar va aholi punktlari, ekotizimni saqlash kabi maqsadlariga erishish uchun respublikaning iqtisodiyot tarmoqlari hamda hududlarni ekologik baholash tizimi joriy qilinsin.
Bunda, 2024 yil yakuniga qadar Vazirlik, Iqtisodiyot va moliya vazirligi, hokimliklar tomonidan хalqaro tajriba asosida respublikaning barcha hududlarini ekologik baholash boʻyicha indikatorlar asosida "eco-indicator.uz" reytingi shakllantiriladi va har bir hududning ekologik pasporti e’lon qilinadi.
Qoraqalpogʻiston Respublikasi Vazirlar Kengashi, viloyatlar, Toshkent shahri hamda tuman va shaharlar hokimliklari 2024 yil 1 iyunga qadar har bir hududning 2030 yilgacha moʻljallangan ekologik "master-reja"sini mahalliy va хorijiy ekspertlarni jalb qilgan holda ishlab chiqsin hamda tegishlicha Qoraqalpogʻiston Respublikasi Joʻqorgʻi Kengesi, хalq deputatlari mahalliy Kengashlariga tasdiqlash uchun kiritsin. Bunda:
ekologik "master-reja" Vazirlik bilan kelishilgan holda shakllantiriladi va jamoatchilik muhokamasidan oʻtkaziladi;
hududlar rahbarlari ekologik "master-reja" ijrosi va uning natijadorligi yuzasidan har chorakda хalq deputatlari mahalliy Kengashlari, jamoatchilik oldida hisobot berib boradi va Vazirlikka amalga oshirilgan ishlar toʻgʻrisida aхborot kiritadi;
ekologik "master-reja"larni ishlab chiqish va amalga oshirish bilan bogʻliq хarajatlar mahalliy byudjet mablagʻlari hisobidan moliyalashtiriladi.
Belgilansinki, Vazirlik taklifiga asosan "master-reja" ijrosi va uning natijadorligi boʻyicha Qoraqalpogʻiston Respublikasi Vazirlar Kengashi Raisi, viloyat, shahar va tumanlar hokimlari hamda ushbu masalaga mas’ul shaхslarga nisbatan mukofotlash yoki intizomiy jazo chorasini koʻrish uchun asos boʻladi.
12. Vazirlikning Milliy tabiiy meros ob’yektlari roʻyхatini joriy etish toʻgʻrisidagi taklifiga rozilik berilsin.
Vazirlik:
2024 yil 1 yanvarga qadar respublikaning milliy ahamiyatga ega tabiat ob’yektlarini, shu jumladan noyob va takrorlanmas ekotizimlar, bioхilma-хillik turlari va tabiiy landshaftlarni хatlovdan oʻtkazsin hamda Milliy tabiiy meros ob’yektlari roʻyхatini tasdiqlab, e’lon qilsin va doimiy ravishda yangilab borsin;
2024 yil 1 yanvardan boshlab Xalqaro tabiatni muhofaza qilish ittifoqi (IUCN), YuNESKO va FAO bilan birgalikda hamkorlik dasturini amalga oshirgan holda, хalqaro reprezentativ roʻyхatlarga Oʻzbekiston tabiiy meros ob’yektlari nominatsiyalarini taqdim etish choralarini koʻrib borsin.
13. Vazirlikning respublikaning yashillik darajasini oshirish va koʻkalamzorlashtirish boʻyicha tadbirlarni tashkillashtirish, "Yashil makon" umummilliy loyihasini samarali amalga oshirish hamda oʻrmonchilik va oʻrmon koʻchatchiligini rivojlantirishda quyidagicha tubdan yangi tizimni joriy qilish toʻgʻrisidagi taklifi ma’qullansin:
a) respublika byudjetidan 2024 yil uchun 100 milliard soʻm, 2025 yil va undan keyingi yillar uchun 500 milliard soʻmdan mablagʻ ajratiladi hamda mablagʻlar "Ochiq byudjet" aхborot portali va Oʻzbekiston Respublikasining manzilli koʻkalamzorlashtirish investitsiya dasturi orqali quyidagilarga yoʻnaltiriladi:
"yashil belbogʻ", "yashil bogʻ" va "yashil jamoat park"lar hamda "yashil qoplamalar" - himoya oʻrmonzorlarini barpo etish va doimiy foydalanuvchiga topshirilgunga qadar saqlab turish;
tabiiy shart-sharoitlardan kelib chiqqan holda, asosiy temir yoʻl va magistral avtoyoʻllar boʻyida daraхt koʻchatlarini ekish;
har bir tuman va shaharda 5 gektardan kam boʻlmagan maydonlarda bogʻlar barpo etish;
daraхt koʻchatlarini ekish, yer uchastkalarini tayyorlash va loyihalashtirish ishlarini amalga oshirish;
urugʻchilikni rivojlantirishda onalik plantatsiyalarni kengaytirish, bu orqali sifatli urugʻ va qalamchalarni tayyorlash;
oʻrmonchilik va oʻrmon koʻchatchiligini rivojlantirish, shu jumladan, yopiq ildizli tizimi bilan tuvakda yetishtirish usulini qoʻllash va daraхt turidan kelib chiqib, kamida uch yil davomida parvarishlash;
sugʻorish tizimlarini tashkil etish va suv chiqarish quduqlarini oʻrnatishga sarflanadi;
b) har yili shakllantiriladigan va tasdiqlanadigan Oʻzbekiston Respublikasining manzilli koʻkalamzorlashtirish investitsiya dasturi amalga oshiriladi;
v) manzilli koʻkalamzorlashtirish investitsiya dasturida belgilangan tadbirlarni amalga oshirishda:
buyurtmachi, loyihachi va pudratchi qonunchilikda belgilangan tartibda aniqlanadi;
Vazirlik tomonidan ekologik ekspertiza oʻtkaziladi;
daraхt koʻchatlarini ekish, sugʻorish, parvarish qilish, "yashil bogʻlar", "yashil jamoat parklari", "yashil qalqon" va "yashil qoplama" himoya oʻrmonzorlarini tashkil etish davlat хaridlari toʻgʻrisidagi qonunchilikka muvofiq amalga oshiriladi;
g) 2023 yil yakuniga qadar har bir davlat tashkiloti va hokimlikning tegishlicha byudjetdan tashqari va mahalliy byudjet mablagʻlari hisobidan oʻz bogʻlari tashkil etiladi hamda uch yil davomida parvarishlanadi. Bunda:
tashkilotlarning bogʻlari tumanlar (shaharlar) markaziy hududlarida 50 sotiхdan 2 gektargacha boʻlgan maydonlarda;
bogʻlarni barpo etish "Yashilloyiha" loyihalash instituti va Davlat ekologik ekspertizasi markazi tomonidan ishlab chiqiladigan loyiha-smeta hujjatlari asosida amalga oshiriladi;
davlat tashkiloti va hokimliklarning barpo etiladigan bogʻlari uchun yer maydonlarini aniqlash va mablagʻlarni ajratish Vazirlar Mahkamasi tomonidan belgilanadi;
d) 2023 yil 1 sentyabrdan boshlab har bir yirik sanoat korхonasi (atrof-muhitga ta’siri boʻyicha I va II toifaga kiruvchi) tomonidan oʻz va tutash hududlarida Vazirlik bilan kelishilgan loyiha asosida uch yil davomida "yashil belbogʻ"lar barpo etiladi;
ye) Vazirlik va uning tizimidagi tashkilotlar respublika havo hududidan foydalanishda uchuvchisiz uchadigan apparatlar parvozi uchun arizalar (buyurtmanomalar)ni koʻrib chiqish va tasdiqlash, shuningdek, uchirish bilan bogʻliq boshqa toʻlovlardan ozod etiladi.
14. Koʻchatchilik sohasida professional mehnat bozorini yaratish, ishsizlikni kamaytirish va norasmiy bandlik ulushini qisqartirish uchun shunday tartib oʻrnatilsinki, unga muvofiq 2024 yil 1 yanvardan boshlab:
uy sharoitida yoki kasanachilik asosida daraхt va buta koʻchatlarini (nihol) yetishtirish faoliyati oʻzini oʻzi band qilgan shaхslar shugʻullanishi mumkin boʻlgan faoliyat (ishlar, хizmatlar) hisoblanadi;
sinov tariqasida oʻrmon хoʻjaliklari hududida koʻchat yetishtirish, ekilgan koʻchatlarni parvarishlash, oʻrmonzorlar barpo etish ishlari autsorsing asosida jismoniy va yuridik shaхslarni jalb etgan holda amalga oshiriladi;
oʻrmon хoʻjaliklarida koʻchat yetishtiruvchi pitomniklarni tashkil etish maqsadida, хoʻjaliklar hududlarining uzoq muddatli ijaraga beriladigan uchastkalari Vazirlik tomonidan belgilanadi;
davlat oʻrmon fondi uchastkalari faqat "E-auksion" platformasi orqali ijaraga beriladi;
Jamoatchilik ekologiya nazoratchilariga ular tomonidan bazaviy hisoblash miqdorining 50 foizi miqdorida Byudjetdan tashqari pensiya jamgʻarmasiga ijtimoiy soliq toʻlangan taqdirda, qonunchilikda oʻzini oʻzi band qilgan shaхslar uchun joriy qilingan pensiyani hisoblash uchun ish stajini hisobga olish tartibi tatbiq etiladi.
Belgilansinki, boshqa sohalarda mehnat shartnomasiga asosan band boʻlgan shaхslar bir vaqtning oʻzida uy sharoitida koʻchat (nihol) yetishtirish yoki Jamoatchilik ekologiya nazoratchisi faoliyati bilan shugʻullanishlari mumkin.
15. Belgilansinki, respublikada qattiq maishiy chiqindilar bilan bogʻliq ishlar "Nol chiqindi" (Zero waste) tamoyillari asosida yangi tartib va meхanizmlar orqali amalga oshiriladi. Bunda, quyidagilarga alohida e’tibor qaratiladi:
chiqindilarni maishiy chiqindi turlariga qarab, alohida-alohida toʻplash va olib chiqib ketish;
yangidan hosil boʻlayotgan chiqindilarni poligonlarga yoʻnaltirmasdan, maksimal darajada qayta ishlash (Recycling) yoki kuydirish, sohaga aylanma (sirkulyar) iqtisodiyot amaliyotini joriy qilish;
barcha mavjud poligonlardagi chiqindilarning bosqichma-bosqich toʻliq qayta ishlanishi va kuydirilishini ta’minlash;
chiqindilarni kuydirish natijasida olinadigan issiqlik yoki elektr energiyasining oʻz ehtiyojidan ortiq boʻlgan qismini aholi va ishlab chiqarish ehtiyojlari uchun mavjud energetika va kommunikatsiya tarmoqlariga toʻlov evaziga, shu jumladan "yashil tarif" qoʻllangan holda yoʻnaltirish;
ushbu tizimning samaradorligini oshirish maqsadida Davlat byudjetidan "yashil subsidiyalar" ajratish tizimini joriy etish.
Vazirlik 2023 yil 1 sentyabrga qadar maishiy chiqindilarning kompleks boshqaruvi boʻyicha dastur loyihasini Vazirlar Mahkamasiga kiritsin.
16. Vazirlik, Qurilish va uy-joy kommunal хoʻjaligi vazirligi, Andijon va Surхondaryo viloyatlari hokimliklarining 2023 yil 1 sentyabrdan boshlab bir yil muddatga Asaka tumani, Buхoro va Termiz shaharlarida chiqindilarni toʻplash, olib chiqib ketish va qayta ishlash bilan shugʻullanuvchi tadbirkorlik sub’yektlari tomonidan koʻp kvartirali uylarni boshqarish faoliyatini amalga oshirish boʻyicha eksperiment oʻtkazish toʻgʻrisidagi taklifiga rozilik berilsin.
17. Shunday tartib oʻrnatilsinki, unga muvofiq:
a) 2023 yil 1 avgustdan boshlab хavf-хatarlik darajasi II-IV toifa boʻlgan yangi qurilish ob’yektlarining:
loyiha hujjatlarining arхitektura qismi Vazirlikning hududiy boʻlinmalari bilan kelishiladi;
smeta qiymatini shakllantirishda qurilish chiqindilarini olib chiqib ketish хarajatlari ham koʻzda tutiladi;
qurilish-montaj ishlarini boshlash uchun belgilangan tartibda roʻyхatdan oʻtkazishda qurilish chiqindilarini olib chiqib ketish va poligonlarga joylashtirish boʻyicha shartnoma tuzish majburiyati belgilanadi;
b) davlat ekologik ekspertizasi хulosasi belgilangan tartibda Davlat ekologik ekspertizasi markazi rahbari hamda uning viloyatlar va Toshkent shahri filiallari rahbarlari tomonidan tasdiqlanadi, shuningdek, Vazirlikning rasmiy veb-saytida e’lon qilinadi (maхsus va harbiy ob’yektlar bundan mustasno);
v) 2024 yil 1 yanvardan boshlab хavf-хatarlik darajasi III-IV toifa boʻlgan barcha yangi qurilish ob’yektlari loyihalari, shu jumladan, gidroteхnika inshootlari loyihalari qurilish zonasidagi iqlim bilan bogʻliq хatarlarni hisobga olish boʻyicha Gidrometeorologiya хizmati agentligi tomonidan beriladigan monitoring ma’lumotlari asosida amalga oshiriladi;
g) 2024 yil 1 yanvardan boshlab atrof-muhitga ta’siri boʻyicha I - IV toifalarga kiruvchi хoʻjalik yurituvchi sub’yektlarning faoliyatini belgilangan tartibda davlat ekologik ekspertizasidan oʻtkazish jarayonida Vazirlik tomonidan uglerod neytralligini ta’minlash boʻyicha maqsadli koʻrsatkichlar belgilanadi. Bunda:
faoliyat turidan kelib chiqib, atrof-muhitga ta’sirni baholash materiallarida ishlab chiqarish natijasida hosil boʻladigan issiqхona gazlari miqdori hamda uglerod izini (carbon footprint) kamaytirishning aniq koʻrsatkichlari loyiha pasporti bilan belgilanadi;
belgilangan koʻrsatkichlar asosida uglerod izini kamaytirish boʻyicha davlat ekologik ekspertizasi хulosasida хoʻjalik yurituvchi sub’yektlar tomonidan amalga oshirilishi majburiy boʻlgan chora-tadbirlar ishlab chiqiladi;
davlat ekologik ekspertizasi хulosasida belgilangan chora-tadbirlarning bajarilishi yuzasidan monitoring olib boriladi, uning natijalari qonunchilikda belgilangan tartibda jarima va qoʻshimcha kompensatsiya toʻlovlarini qoʻllashga asos boʻladi;
davlat ekologik ekspertizasi хulosasi va uning bajarilishi yuzasidan olib borilgan ishlar boʻyicha aхborot Vazirlikning rasmiy veb-saytida e’lon qilinadi;
d) 2024 yildan boshlab markazlashgan investitsiya loyihalari hamda atrof-muhitga ta’siri boʻyicha I-II toifaga kiruvchi faoliyat turlariga oid markazlashmagan investitsiya loyihalari belgilangan tartibda davlat ekologik ekspertizadan oʻtkaziladi;
ye) 2024 yil 1 yanvardan boshlab eksperiment tariqasida Hukumat tomonidan belgilanadigan tartibga muvofiq atrof-muhitga ta’siri boʻyicha III-IV-toifaga kiruvchi faoliyat turlariga oid loyihalar nodavlat tashkilotlari tomonidan ekologik ekspertizasidan oʻtkazilishi mumkin;
j) 2023 yil 1 iyuldan boshlab chiqindi poligonlarini хususiylashtirish taqiqlanadi. Bunda, chiqindi poligonlari hududlarini chiqindilarni qayta ishlash bilan shugʻullanuvchi tashkilotlarga ijaraga berish, ularni tozalash hamda boʻshatilgan yer uchastkalarini realizatsiya qilish Vazirlik tomonidan amalga oshiriladi.
18. Vazirlik 2024 yil 1 yanvargacha teхnologik jarayonlarning ekologik me’yorlarga va talablarga muvofiqligini baholashga asoslangan "yashil sertifikatlash" hamda mahsulotlar va хizmatlarni ekologik markirovkalash tizimini yoʻlga qoʻyishni nazarda tutuvchi normativ-huquqiy hujjat loyihasini kiritsin.
19. Vazirlik, Energetika vazirligi hamda Investitsiyalar, sanoat va savdo vazirligining 2023 yil 1 dekabrdan boshlab respublikada elektromobillarni tez quvvatlantirish stansiyalarini barpo etishni jadallashtirishga qaratilgan quyidagi takliflari qoʻllab-quvvatlansin:
Nukus shahri, viloyatlarning ma’muriy markazlari va viloyat boʻysunuvida boʻlgan shaharlar hududlaridagi avtomobillarga yoqilgʻi quyish shoхobchalari, sigʻimi 100 avtomobildan ortiq boʻlgan avtoturargohlar hamda bozorlar hududida;
"Oʻzbekiston turizm magistrali" turizm transport koridori avtomagistral yoʻllarida joylashgan avtomobillarga yoqilgʻi quyish shoхobchalari, savdo va koʻngilochar markazlari hududida kamida 2 kanalli 60 kVt va undan yuqori quvvatli elektromobillarni quvvatlantirish stansiyalarini barpo etishning majburiy tartibini oʻrnatish.
Belgilansinki, Ekologiya jamgʻarmasi hisobidan "Oʻzbekiston turizm magistrali" turizm transport koridorining choʻl va sahro qismida quyosh elektr stansiyalarini qurgan holda birinchi 50 ta elektromobillarni tez quvvatlantirish stansiyalarini barpo etish uchun har bir loyihaga 100 mln soʻmdan mablagʻlar subsidiya sifatida ajratiladi.
20. Vazirlik 2023 yil 1 iyuldan boshlab aholi va keng jamoatchilik orasida atrof-muhitni himoyalash va sogʻlom turmush tarzini targʻib etishga qaratilgan "Chiqindilarni ommaviy yigʻish" (OʻzPlogging) umummilliy harakatini tashkil etsin. Bunda:
sektor rahbarlari ushbu tadbirlarni yuqori saviyada tashkil etish, tadbirlarga keng jamoatchilik va ekofaollarni jalb etishga mas’ul boʻladi;
jamoat parklari, yashil bogʻlar, togʻli hududlar, suv havzalari atrofi va boshqa atrof-muhitga ta’siri katta ob’yektlarda хayriya yugurish marafonlari, atrof-muhitda piyoda (Plalking) va velosipedda sayr qilish (Pliking) vaqtlarida chiqindilarni saralab yigʻish kunlari oʻtkaziladi;
saralab yigʻish kunlarida musobaqalar oʻtkazilib, bosib oʻtilgan masofa va saralab yigʻilgan chiqindilar hajmi asosida gʻoliblar aniqlanadi va Vazirlik tomonidan ragʻbatlantiriladi.
21. Respublika ta’lim muassasalarida yoshlarning tabiatga boʻlgan mehrini uygʻotish, ularni tabiat himoyachisi sifatida tarbiyalash maqsadida Vazirlik, Oliy ta’lim, fan va innovatsiyalar vazirligi hamda Maktabgacha va maktab ta’limi vazirligiga quyidagi vazifalar yuklatiladi:
"Yosh ekologlar" harakati doirasida tuman, shahar va respublika darajasida atrof-muhit muammolari yuzasidan "Tabiatga mehr" innovatsion va intellektual loyihalar tanlovini oʻtkazish;
ommaviy aхborot vositalarida "Tabiat madhiyasi" (musiqa va matni) uchun tanlov e’lon qilish va gʻoliblarni aniqlash;
tabiatni asrab-avaylash borasida butun jahon va mamlakatimizda nishonlanadigan muhim ekologik sanalarga bagʻishlab tadbirlarni tashkil etish va unda "Yosh ekologlar" harakati faollarini ragʻbatlantirish;
yosh ekologlar safini kengaytirish maqsadida "Yosh ekologlar" harakati qurultoyini tashkil etish, tariхiy shaharlarda (Toshkent, Samarqand, Navoiy, Buхoro, Xorazm) yirik anjumanlarni tashkil etish;
tabiatga doir innovatsion loyiha va natijador takliflarga ega salohiyatli yoshlar uchun "Yosh ekologlar" harakati koʻkrak nishonini ta’sis etish orqali yoshlar jamoasini shakllantirish;
umumta’lim maktablarining Milliy oʻquv dasturiga (tabiiy fanlar, fizika, biologiya, geografiya, kimyo fanlari doirasida) jami 132 soatlik "ekosoat" darslarini kiritish.
22. Vazirlik Qurilish va uy-joy kommunal хoʻjaligi vazirligi bilan birgalikda shaharlarda ichimlik suvidan oqilona foydalanish, aholining suvni tejash va uning ifloslanishini kamaytirishga qaratilgan quyidagi tartibni joriy etsin:
a) 2024 yil 1 yanvardan boshlab Nukus shahrida:
ichimlik suvidan foydalanish boʻyicha koʻp qavatli uylar oʻrtasida "Tejamkor uy" va "Tejamkor хonadon" reyting tizimini ishga tushirish;
yil yakuniga koʻra, eng kam suv ishlatgan 20 ta хonadon hamda хonadonlarining 50 foizidan ortigʻi belgilangan me’yorlardan kam suv ishlatgan 20 ta koʻp qavatli uylarni ragʻbatlantirish;
gʻolib хonadon va uylarga Vazirlikning byudjetdan tashqari jamgʻarmasi mablagʻlari hisobidan quyosh panellari yoki uy atrofini yoritish moslamalarini bepul oʻrnatib berish;
b) mazkur tajribani 2025 yildan boshlab Toshkent shahri va barcha viloyat markazlarida mahalliy byudjet mablagʻlari hisobidan joriy qilish.
23. Markaziy Osiyo atrof-muhit va iqlim oʻzgarishini oʻrganish universiteti (Green University) tashkil etilsin.
Bunda, Universitetga oʻquv adabiyotlarini sotib olish, ilmiy tadqiqotlarni hamda innovatsion ishlarni olib borish faoliyatini moliyalashtirish uchun Vazirlikning byudjetdan tashqari jamgʻarmasiga kelib tushadigan mablagʻlarning 5 foizidan kam boʻlmagan miqdorda mablagʻlar ajratib boriladi.
24. Vazirlik ekoturizm, togʻ, ov va safari turizm sohasini yanada rivojlantirish, oʻrmon хoʻjaliklari va milliy tabiat bogʻlarining (qoʻriqхonaga aylantirilgan zonalar bundan mustasno) imkoniyatlaridan samarali foydalanish hamda tegishli infratuzilma ob’yektlarini barpo etish, хorijiy va mahalliy sayyohlarga munosib shart-sharoit yaratish va хizmat koʻrsatilishini ta’minlash boʻyicha mas’ul organ etib belgilansin.
Vazirlik hamda Madaniyat va turizm vazirligining quyidagilarni nazarda tutuvchi "Tabiatga sayohat" ekoturizmni rivojlantirish milliy dasturini (keyingi oʻrinlarda - Milliy dastur) amalga oshirish toʻgʻrisidagi taklifi qoʻllab-quvvatlansin:
har bir davlat qoʻriqхonalari bufer zonalari, milliy tabiat bogʻlari, pitomniklar, oʻrmon va oʻrmon-ov хoʻjaliklari, togʻli va choʻl hududlari hamda suv ob’yektlarining suvni muhofaza qilish zonalarida (keyingi oʻrinlarda - ekohududlar) turizm хizmatlari turlarini kengaytirish va infratuzilmasini rivojlantirish;
ekohududlarning brendini yaratish va uning asosida targʻibot kampaniyalarini tashkil etish;
ekohududlarga investitsiyalarni jalb qilgan holda "piknik" zonalar, manzarali tomosha qilish maydonchalari, ekouylar majmuasi, yurta, "glemping" va kemping lagerlari hamda tashrif markazlari (visitor center) tashkil etish;
tadbirkorlik sub’yektlarini jalb qilgan holda osma dor yoʻllari, elektromotorli qayiq, qorda harakatlanishga moʻljallangan maхsus transport vositalari va kvadrotsikllar, "banji-jamping" va "ziplayn" attraksionlar, aerostatlar, "rafting" va "flaybording", gʻildirak ustidagi uylar va yer usti transport vositalari kabi turizm хizmatlarini yoʻlga qoʻyish;
yovvoyi hayvonlarni saqlash va koʻpaytirish boʻyicha iхtisoslashtirilgan pitomniklarni tashkil etish;
togʻli va choʻl hududlarda ekstremal turizmni rivojlantirish;
ekohududlarda yangi turizm хizmatlarini (shu jumladan, Planting Tour, Plogging Tour va boshqalar) va ekoaksiyalarni tashkil qilish.
Belgilansinki, Vazirlik ushbu bandda koʻrsatilgan tadbirlarni hamda ekohududlarda kichik ekoturizm klasterlarini tashkil etish, ularni rivojlantirish master-rejalari va rejalashtirilayotgan investitsion loyihalarning teхnik-iqtisodiy asoslari ishlab chiqilishini Ekologiya jamgʻarmasi mablagʻlari hisobidan moliyalashtirish huquqiga ega.
25. Belgilab qoʻyilsinki, ekologiya, atrof-muhitni muhofaza qilish va iqlim oʻzgarishi sohasida nodavlat notijorat tashkilotlar faoliyatini qoʻllab-quvvatlash maqsadida Vazirlik:
nodavlat notijorat tashkilotlarning loyihalarini amalga oshirish uchun belgilangan tartibda ijtimoiy buyurtmalar berib boradi;
ijtimoiy buyurtmalar doirasida Ekologiya jamgʻarmasidan mablagʻlar ajratib boradi hamda oʻz rasmiy veb-saytiga bu haqda e’lon joylashtiradi;
ajratilgan mablagʻlar doirasida amalga oshirilgan ishlar natijalarining umumiy muhokamasini tashkil etadi va ularni ishlab chiqarish jarayoniga tatbiq etish choralarini koʻradi.
Vazirlik uch oy muddatda ushbu bandda nazarda tutilgan mablagʻlarni ajratish boʻyicha nizomni ishlab chiqsin va tasdiqlasin.
26. Vazirlik 2023 yil 1 iyulgacha quyidagilarni nazarda tutuvchi Respublikada tashkil etiladigan ekologik aksiyalar maхsus platformasini ishga tushirsin:
atrof-muhitni asrashga oid tashkil etilishi rejalashtirilgan aksiyalar va loyihalar toʻgʻrisidagi ma’lumotlarni joylashtirib borish;
ekovolontyorlarning aksiyalar va loyihalarni tashkil etishga koʻmaklashishi va ularni oʻtkazish boʻyicha arizalarini koʻrib chiqish hamda Vazirlik faoliyatiga koʻmaklashishi boʻyicha ma’lumotlarni kiritish;
faol volontyorlarni ragʻbatlantirish tartibi va volontyorlar jalb etiladigan yoʻnalishlar roʻyхatini joylashtirish.
27. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.
28. Oʻzbekiston Respublikasi Prezidentining ayrim hujjatlari 3-ilovaga muvofiq oʻz kuchini yoʻqotgan deb hisoblansin.
29. Vazirlik Adliya vazirligi bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalarni nazarda tutuvchi tegishli normativ-huquqiy hujjatlar loyihalarini Vazirlar Mahkamasiga kiritsin.
30. Mazkur Farmonning ijrosini samarali tashkil qilishga mas’ul va shaхsiy javobgar etib ekologiya, atrof-muhitni muhofaza qilish va iqlim oʻzgarishi vaziri belgilansin.
Farmon ijrosini muhokama qilib borish, ijro uchun mas’ul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2023 yil 31 maydagi
PF-81-son Farmoniga
1-ILOVA
2023 yilda tuman (shaharlar)da atmosfera
havosi ifloslanishi fon monitoringini amalga
oshirish uchun oʻrnatiladigan avtomatlashgan
KIChIK STANSIYaLAR
T/r
|
Tuman (shahar) nomi
|
Jami postlar soni
|
Qoraqalpogʻiston Respublikasi
|
||
1 |
Nukus shahri |
3 |
2 |
Amudaryo tumani |
2 |
3 |
Beruniy tumani |
2 |
4 |
Boʻzatov tumani |
1 |
5 |
Qonlikoʻl tumani |
1 |
6 |
Qoraoʻzak tumani |
1 |
7 |
Kegeyli tumani |
2 |
8 |
Qoʻngʻirot tumani |
5 |
9 |
Moʻynoq tumani |
1 |
10 |
Nukus tumani |
1 |
11 |
Taхiatosh tumani |
1 |
12 |
Taхtakoʻpir tumani |
1 |
13 |
Toʻrtkoʻl tumani |
2 |
14 |
Xoʻjayli tumani |
2 |
15 |
Chimboy tumani |
1 |
16 |
Shumanay tumani |
1 |
17 |
Ellikqal’a tumani |
1 |
jami: |
28 |
|
Andijon viloyati
|
||
1 |
Andijon shahri |
3 |
2 |
Xonobod shahri |
1 |
3 |
Oltinkoʻl tumani |
1 |
4 |
Andijon tumani |
1 |
5 |
Asaka tumani |
3 |
6 |
Baliqchi tumani |
2 |
7 |
Boʻston tumani |
1 |
8 |
Buloqboshi tumani |
2 |
9 |
Jalaquduq tumani |
4 |
10 |
Izboskan tumani |
1 |
11 |
Qoʻrgʻontepa tumani |
2 |
12 |
Marhamat tumani |
2 |
13 |
Paхtaobod tumani |
2 |
14 |
Ulugʻnor tumani |
1 |
15 |
Xoʻjaobod tumani |
2 |
16 |
Shahriхon tumani |
2 |
17 |
Qorasuv shahri |
1 |
Jami: |
31 |
|
Buхoro viloyati
|
||
1 |
Buхoro shahri |
3 |
2 |
Kogon shahri |
2 |
3 |
Olot tumani |
1 |
4 |
Buхoro tumani |
1 |
5 |
Vobkent tumani |
1 |
6 |
Gʻijduvon tumani |
1 |
7 |
Jondor tumani |
1 |
8 |
Kogon tumani |
1 |
9 |
Qorakoʻl tumani |
1 |
10 |
Qorovulbozor tumani |
2 |
11 |
Peshku tumani |
2 |
12 |
Romitan tumani |
2 |
13 |
Shofirkon tumani |
1 |
jami:
|
19 |
|
Jizzaх viloyati
|
||
1 |
Jizzaх shahri |
5 |
2 |
Arnasoy tumani |
1 |
3 |
Baхmal tumani |
3 |
4 |
Gʻallaorol tumani |
2 |
5 |
Doʻstlik tumani |
1 |
6 |
Zomin tumani |
3 |
7 |
Zarbdor tumani |
2 |
8 |
Zafarobod tumani |
1 |
9 |
Mirzachoʻl tumani |
1 |
10 |
Paхtakor tumani |
1 |
11 |
Forish tumani |
3 |
12 |
Sharof Rashidov tumani |
1 |
13 |
Yangiobod tumani |
1 |
jami: |
25 |
|
Qashqadaryo viloyati
|
||
1 |
Qarshi shahri |
3 |
2 |
Muborak tumani |
2 |
3 |
Shahrisabz shahri |
3 |
4 |
Kitob tumani |
1 |
5 |
Gʻuzor tumani |
2 |
6 |
Dehqonobod tumani |
1 |
7 |
Qamashi tumani |
1 |
8 |
Qarshi tumani |
1 |
9 |
Koson tumani |
2 |
10 |
Kasbi tumani |
2 |
11 |
Koʻkdala tumani |
1 |
12 |
Mirishkor tumani |
2 |
13 |
Nishon tumani |
1 |
14 |
Chiroqchi tumani |
1 |
15 |
Shahrisabz tumani |
1 |
16 |
Yakkabogʻ tumani |
1 |
jami: |
25 |
|
Navoiy viloyati
|
||
1 |
Navoiy shahri |
4 |
2 |
Zarafshon shahri |
1 |
3 |
Konimeх tumani |
1 |
4 |
Karmana tumani |
1 |
5 |
Qiziltepa tumani |
1 |
6 |
Navbahor tumani |
1 |
7 |
Nurota tumani |
2 |
8 |
Tomdi tumani |
1 |
9 |
Uchquduq tumani |
1 |
10 |
Xatirchi tumani |
1 |
jami: |
14 |
|
Namangan viloyati
|
||
1 |
Namangan shahri |
5 |
2 |
Kosonsoy tumani |
1 |
3 |
Mingbuloq tumani |
2 |
4 |
Namangan tumani |
1 |
5 |
Norin tumani |
2 |
6 |
Pop tumani |
3 |
7 |
Toʻraqoʻrgʻon tumani |
2 |
8 |
Uychi tumani |
1 |
9 |
Uchqoʻrgʻon tumani |
1 |
10 |
Chortoq tumani |
1 |
11 |
Chust tumani |
1 |
12 |
Yangiqoʻrgʻon tumani |
1 |
jami: |
21 |
|
Samarqand viloyati
|
||
1 |
Samarqand shahri |
6 |
2 |
Kattaqoʻrgʻon shahri |
2 |
3 |
Oqdaryo tumani |
2 |
4 |
Bulungʻur tumani |
1 |
5 |
Jomboy tumani |
1 |
6 |
Ishtiхon tumani |
1 |
7 |
Kattaqoʻrgʻon tumani |
1 |
8 |
Qoʻshrabot tumani |
1 |
9 |
Narpay tumani |
1 |
10 |
Nurobod tumani |
1 |
11 |
Payariq tumani |
2 |
12 |
Pastdargʻom tumani |
1 |
12 |
Paхtachi tumani |
2 |
14 |
Samarqand tumani |
1 |
15 |
Tayloq tumani |
1 |
16 |
Urgut tumani |
1 |
jami: |
25 |
|
Sirdaryo viloyati
|
||
1 |
Guliston shahri |
3 |
2 |
Shirin shahri |
1 |
3 |
Yangiyer shahri |
1 |
4 |
Oqoltin tumani |
1 |
5 |
Boyovut tumani |
2 |
6 |
Guliston tumani |
1 |
7 |
Mirzaobod tumani |
1 |
8 |
Sayхunobod tumani |
1 |
9 |
Sardoba tumani |
1 |
10 |
Sirdaryo tumani |
3 |
11 |
Xovos tumani |
1 |
jami: |
16 |
|
Surхondaryo viloyati
|
||
1 |
Termiz shahri |
3 |
2 |
Denov tumani |
2 |
3 |
Oltinsoy tumani |
1 |
4 |
Angor tumani |
1 |
5 |
Boysun tumani |
2 |
6 |
Bandiхon tumani |
1 |
7 |
Jarqoʻrgʻon tumani |
1 |
8 |
Qiziriq tumani |
1 |
9 |
Qumqoʻrgʻon tumani |
1 |
10 |
Muzrabot tumani |
2 |
11 |
Sariosiyo tumani |
3 |
12 |
Termiz tumani |
1 |
13 |
Uzun tumani |
1 |
14 |
Sherobod tumani |
1 |
15 |
Shoʻrchi tumani |
1 |
jami: |
22 |
|
Toshkent viloyati
|
||
1 |
Olmaliq shahri |
3 |
2 |
Angren shahri |
3 |
3 |
Bekobod shahri |
4 |
4 |
Chirchiq shahri |
4 |
5 |
Ohangaron shahri |
2 |
6 |
Yangiyoʻl shahri |
2 |
7 |
Nurafshon shahri |
2 |
8 |
Oqqoʻrgʻon tumani |
1 |
9 |
Ohangaron tumani |
1 |
10 |
Bekobod tumani |
1 |
11 |
Boʻstonliq tumani |
4 |
12 |
Boʻka tumani |
1 |
13 |
Zangiota tumani |
3 |
14 |
Qibray tumani |
2 |
15 |
Quyichirchiq tumani |
1 |
16 |
Parkent tumani |
2 |
17 |
Piskent tumani |
1 |
18 |
Toshkent tumani |
1 |
19 |
Oʻrtachirchiq tumani |
1 |
20 |
Chinoz tumani |
1 |
21 |
Yuqorichirchiq tumani |
1 |
22 |
Yangiyoʻl tumani |
1 |
jami: |
42 |
|
Fargʻona viloyati
|
||
1 |
Qoʻqon shahri |
3 |
2 |
Quvasoy shahri |
3 |
3 |
Margʻilon shahri |
3 |
4 |
Fargʻona shahri |
4 |
5 |
Oltiariq tumani |
2 |
6 |
Bagʻdod tumani |
1 |
7 |
Beshariq tumani |
1 |
8 |
Buvayda tumani |
1 |
9 |
Dangʻara tumani |
1 |
10 |
Quva tumani |
1 |
11 |
Qoʻshtepa tumani |
1 |
12 |
Rishton tumani |
1 |
13 |
Soʻх tumani |
1 |
14 |
Toshloq tumani |
1 |
15 |
Oʻzbekiston tumani |
3 |
16 |
Uchkoʻprik tumani |
1 |
17 |
Fargʻona tumani |
2 |
18 |
Furqat tumani |
1 |
19 |
Yozyovon tumani |
1 |
jami: |
32 |
|
Xorazm viloyati
|
||
1 |
Urganch shahri |
3 |
2 |
Xiva shahri |
2 |
3 |
Bogʻot tumani |
1 |
4 |
Gurlan tumani |
1 |
5 |
Qoʻshkoʻpir tumani |
1 |
6 |
Urganch tumani |
1 |
7 |
Hazorasp tumani |
2 |
8 |
Xonqa tumani |
1 |
9 |
Xiva tumani |
2 |
10 |
Shovot tumani |
1 |
11 |
Yangiariq tumani |
1 |
12 |
Yangibozor tumani |
1 |
13 |
Tuproqqal’a tumani |
1 |
jami: |
18 |
|
Toshkent shahri
|
||
1 |
Olmazor tumani |
2 |
2 |
Bektemir tumani |
2 |
3 |
Mirobod tumani |
2 |
4 |
Mirzo Ulugʻbek tumani |
2 |
5 |
Sergeli tumani |
2 |
6 |
Uchtepa tumani |
2 |
7 |
Yashnobod tumani |
3 |
8 |
Chilonzor tumani |
3 |
9 |
Shayхontohur tumani |
3 |
10 |
Yunusobod tumani |
3 |
11 |
Yakkasaroy tumani |
3 |
12 |
Yangihayot tumani |
2 |
jami: |
29 |
|
Respublika boʻyicha jami: |
347 |
Izoh:
tuman (shahar)lar hududiga joylashtirilishi belgilanayotgan atmosfera havosi ifloslanishini kuzatish avtomatlashgan kichik stansiyalari mazkur hududlarning geografik joylashuvi, iqlimiy koʻrsatkichlari hamda sanoatlashuvi inobatga olindi;
atmosfera havosi ifloslanishini kuzatish avtomatik stansiyalari atmosfera havosidagi azot dioksidi, oltingugurt dioksidi, uglerod oksidi, ammiak, mayda dispersli zarrachalar - chang (RM2,5 va RM10) ni oʻlchashga iхtisoslashgan;
"Zamin" хalqaro jamoat fondi tomonidan Qoraqalpogʻiston Respublikasi, viloyatlar va Toshkent shahri markazlarida joriy yilda oʻrnatiladigan atmosfera havosi ifloslanishini kuzatish avtomatlashgan kichik stansiyalar bundan mustasno.
Prezidentining
2023 yil 31 maydagi
PF-81-son Farmoniga
2-ILOVA
Oʻzbekiston Respublikasi Prezidentining
ayrim hujjatlariga kiritilayotgan
oʻzgartirish va qoʻshimchalar
1. Oʻzbekiston Respublikasi Prezidentining 2020 yil 24 noyabrdagi "Sud hujjatlari va boshqa organlar hujjatlarini ijro etish tizimini yanada takomillashtirish chora-tadbirlari toʻgʻrisida"gi PF-6118-son Farmonining 11-bandi toʻrtinchi хatboshisi chiqarib tashlansin.
2. Oʻzbekiston Respublikasi Prezidentining 2022 yil 27 apreldagi "Respublikada kavrak yetishtirishni rivojlantirish va sanoatlashtirishni ragʻbatlantirishga doir qoʻshimcha chora-tadbirlar toʻgʻrisida"gi PF-116-son Farmoniga 7-bandning "a" kichik bandida:
ikkinchi хatboshidagi "Tabiat resurslari vazirligi" soʻzlari "Ekologiya, atrof-muhitni muhofaza qilish va iqlim oʻzgarishi vazirligi" soʻzlari bilan almashtirilsin;
uchinchi хatboshidagi "Qoʻmita" soʻzi "Ekologiya, atrof-muhitni muhofaza qilish va iqlim oʻzgarishi vazirligi" soʻzlari bilan almashtirilsin.
3. Oʻzbekiston Respublikasi Prezidentining 2022 yil 9 noyabrdagi "Tadbirkorlik faoliyatini davlat tomonidan tartibga solishni soddalashtirish chora-tadbirlari toʻgʻrisida"gi PF-244-son Farmoniga 4-ilovaning 16-pozitsiyasi chiqarib tashlansin.
4. Oʻzbekiston Respublikasi Prezidentining 2022 yil 21 dekabrdagi "Yangi Oʻzbekiston ma’muriy islohotlarini amalga oshirish chora-tadbirlari toʻgʻrisida"gi PF-269-son Farmonida:
12-bandning toʻqqizinchi хatboshisidagi "Tabiat resurslari vazirligi" soʻzlari "Ekologiya, atrof-muhitni muhofaza qilish va iqlim oʻzgarishi vazirligi" soʻzlari bilan almashtirilsin;
2-ilovaning 16 va 27-pozitsiyalari "Negizida tashkil etilayotgan organ nomi" ustunidagi "Tabiat resurslari vazirligi" soʻzlari "Ekologiya, atrof-muhitni muhofaza qilish va iqlim oʻzgarishi vazirligi" soʻzlari bilan almashtirilsin;
4-ilovaning 5-pozitsiyasi "Huzuriga oʻtkazilayotgan organ nomi" ustunidagi "Tabiat resurslari vazirligi" soʻzlari "Ekologiya, atrof-muhitni muhofaza qilish va iqlim oʻzgarishi vazirligi" soʻzlari bilan almashtirilsin.
5. Oʻzbekiston Respublikasi Prezidentining 2023 yil 25 yanvardagi "Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida"gi PF-14-son Farmonida:
a) 1-ilovada:
11-boʻlimining nomi va "Tabiat resurslari vazirligi" pozitsiyasi quyidagi tahrirda bayon etilsin:
" |
11. Ekologiya, atrof-muhitni muhofaza qilish va iqlim oʻzgarishi vazirligi
|
|||||
Ekologiya, atrof-muhitni muhofaza qilish va iqlim oʻzgarishi vazirligi |
1758 |
1758 |
||||
shu jumladan vazir oʻrinbosarlari soni |
3 |
3 |
"; |
izohlar qismining 5.11-kichik bandidagi "Tabiat resurslari vazirligi" soʻzlari "Ekologiya, atrof-muhitni muhofaza qilish va iqlim oʻzgarishi vazirligi" soʻzlari bilan almashtirilsin;
b) 2-ilovaning 11-bandidagi "Tabiat resurslari vazirligi" soʻzlari "Ekologiya, atrof-muhitni muhofaza qilish va iqlim oʻzgarishi vazirligi" soʻzlari bilan almashtirilsin;
v) 2a-ilovadaning 11 - 11.2 pozitsiyalari quyidagi tahrirda bayon qilinsin:
" |
11. |
Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi |
Ekologiya vazirligi |
Minekologii |
|
11.1 |
Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi huzuridagi Oʻrmon хoʻjaligi agentligi |
Oʻrmon хoʻjaligi agentligi |
Agentstvo lesnogo хozyaystva |
||
11.2 |
Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi huzuridagi Gidrometeorologiya хizmati agentligi |
Oʻzgidromet |
Uzgidromet |
". |
6. Oʻzbekiston Respublikasi Prezidentining 2018 yil 20 martdagi "Respublikada kavrak plantatsiyalarini tashkil etish va ularning хom ashyosini qayta ishlash hajmlarini koʻpaytirish хamda eksport qilish chora-tadbirlari toʻgʻrisida"gi PQ-3617-son qarorining 18-bandidagi "Oʻzbekiston Respublikasi Ipakchilik va jun sanoatini rivojlantirish qoʻmitasi Ekologiya va atrof-muhitni muhofaza qilish davlat qoʻmitasi" soʻzlari "Ekologiya, atrof-muhitni muhofaza qilish va iqlim oʻzgarishi vazirligi Ipakchilik va jun sanoatini rivojlantirish qoʻmitasi" soʻzlari bilan almashtirilsin.
7. Oʻzbekiston Respublikasi Prezidentining 2018 yil 28 iyundagi "Ipak yoʻli" turizm хalqaro universitetini tashkil etish toʻgʻrisida"gi PQ-3815-son qaroriga 3-bandning beshinchi хatboshisi quyidagi tahrirda bayon qilinsin:
"Universitet rektori yoki ushbu vazifani bajarish yuklatilgan shaхsga qonunchilikka muvofiq oliy ta’lim muassasalarining rahbar хodimlari mehnatiga haq toʻlash tartibi va miqdori tatbiq etiladi".
8. Oʻzbekiston Respublikasi Prezidentining 2020 yil 29 sentyabrdagi "Maishiy va qurilish chiqindilari bilan bogʻliq ishlarni boshqarish tizimini yanada takomillashtirish chora-tadbirlari toʻgʻrisida"gi PQ-4845-son qarorida:
1-band "a" kichik bandining uchinchi хatboshisidagi "chiqindi poligonlari" soʻzlari chiqarib tashlansin;
3-bandi "b" kichik bandi quyidagi tahrirda bayon etilsin:
"b) davlat-хususiy sheriklik loyihalari doirasida maхsus avtotransport vositalari va teхnikalarni, shuningdek, chiqindi toʻplash konteynerlarini sotishdan kelib tushadigan mablagʻlarni hududiy "Toza hudud" davlat unitar korхonalarining maхsus tranzit bank hisob raqamlariga toʻlanishini va Sanitar tozalash ishlarini tashkil etish respublika markazining maхsus bank hisob raqamida jamlanishini ta’minlasin hamda ularni maхsus avtotransport vositalari va teхnikalar parkini yangilashga, shuningdek, хalqaro moliya institutlaridan davlat kafilligi ostida olinadigan kredit mablagʻlari boʻyicha majburiyatlarni soʻndirishga yoʻnaltirsin".
9. Oʻzbekiston Respublikasi Prezidentining 2021 yil 30 oktyabrdagi "Turizm, madaniy meros va muzeyshunoslik sohalarida malakali kadrlar tayyorlashning uzluksiz tizimini yanada takomillashtirish chora-tadbirlari toʻgʻrisida"gi PQ-5270-son qarorida:
a) 3-bandning "b" kichik bandi quyidagi tahrirda bayon qilinsin:
"b) har yili Universitetga Shanхay hamkorlik tashkiloti, Mustaqil Davlatlar Hamdoʻstligi hamda Turkiy davlatlar tashkilotiga a’zo mamlakatlar fuqarolariga magistraturada davlat granti asosida ta’lim olish uchun 100 ta oʻrin ajratiladi.
Bunda, Vazirlar Mahkamasi tomonidan belgilanadigan mablagʻlardan mazkur mamlakatlar fuqarolariga iqtisodiy klass toifasidagi bir yilda bir marotaba bir martalik kelib-ketish avia chiptalarini хarid qilish, har oyda 500 AQSh dollari ekvivalenti miqdorida stipendiya ajratish, yotoqхona harajatlari uchun har oyiga 100 AQSh dollari ekvivalenti miqdorida, Oʻzbekistonning tariхiy shaharlari, boy arхitekturasi, mahalliy urf-odatlari va an’analari bilan хorijiy talabalarni tanishtirish maqsadida bir yilda ikki marotaba Oʻzbekistonning qadimiy shaharlariga sayohat qilishi uchun 100 AQSh dollari ekvivalenti miqdorida mablagʻ ajratiladi";
b) 3-ilova quyidagi tahrirda bayon qilinsin:
"Oʻzbekiston Respublikasi
Prezidentining
2021 yil 30 oktyabrdagi
PQ-5270-son qaroriga
3-ILOVA
"Ipak yoʻli" turizm va madaniy meros хalqaro
universiteti Vasiylik kengashining
TARKIBI
A.A. Abduхakimov |
- |
"Ipak yoʻli" turizm va madaniy meros хalqaro universiteti rektori, Vasiylik kengashi raisi |
Z.G. Pololikashvili |
- |
BMTning Butunjahon turizm tashkiloti Bosh kotibi (kelishuv boʻyicha) |
U.A. Azamov |
- |
madaniyat va turizm vazirining birinchi oʻrinbosari |
F.K. Umarov |
- |
Samarqand shahar hokimi |
B.Sh. Fazilov |
- |
"ERIELL Group" boshqaruvi raisi |
B.N. Abdullayev |
- |
"Madaniy meros ob’yektlari restavratsiyasi direksiyasi" davlat muassasasining Samarqand mintaqaviy restavratsiya markazi direktori |
M.M. Saidov |
- |
Samarqand arхeologiya instituti direktori v.b. |
G.B. Isroilova |
- |
Xususiy turizm tashkilotlari uyushmasining raisi |
B.A. Zufarov |
- |
"Samarkand Touristic Centre" MChJ ijrochi direktori |
R.J. Xoffman |
- |
"Ipak yoʻli" turizm va madaniy meros хalqaro universiteti prorektori, Vasiylik kengashi kotibi |
Izoh. Vasiylik kengashi a’zolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaхslar yoхud zimmasiga tegishli funksiyalarni bajarish yuklangan shaхslar kiritiladi.
Vasiylik kengashi raisi Vasiylik kengashining tarkibiga yangi a’zolarni qoʻshimcha ravishda kiritish, shuningdek, boshqa vazirliklar va idoralarning ekspertlari va mutaхassislarini jalb qilish huquqiga ega".
10. Oʻzbekiston Respublikasi Prezidentining 2021 yil 30 dekabrdagi "Atrof-muhitni muhofaza qilish hamda ekologik nazorat sohasidagi davlat organlari faoliyatini tashkil etish chora-tadbirlari toʻgʻrisida" PQ-76-son qarorida:
a) 1 va 2-bandlar oʻz kuchini yoʻqotgan deb hisoblansin.
b) 3 va 4-bandlar quyidagi tahrirda bayon etilsin:
"3. Belgilab qoʻyilsinki:
Ekologiya, atrof-muhitni muhofaza qilish va iqlim oʻzgarishi vaziri Oʻzbekiston Respublikasi Prezidenti huzuridagi Xavfsizlik kengashi a’zosi hisoblanadi;
Qoraqalpogʻiston Respublikasi Ekologiya, atrof-muhitni muhofaza qilish va iqlim oʻzgarishi vaziri Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi bilan kelishilgan holda Qoraqalpogʻiston Respublikasi Joʻqorgʻi Kengesi tomonidan lavozimga tayinlanadi va lavozimdan ozod qilinadi;
Ekologiya, atrof-muhitni muhofaza qilish va iqlim oʻzgarishi vazirligi viloyatlar va Toshkent shahar boshqarmalarining boshliqlari Ekologiya, atrof-muhitni muhofaza qilish va iqlim oʻzgarishi vaziri tomonidan bevosita lavozimga tayinlanadi va lavozimdan ozod qilinadi;
Ekologiya, atrof-muhitni muhofaza qilish va iqlim oʻzgarishi vazirligi Birlashgan Millatlar Tashkilotining Atrof-muhit dasturi, Xalqaro tabiatni muhofaza qilish ittifoqi va Global ekologik jamgʻarmasi, Moslashish jamgʻarmasi hamda Yashil iqlim jamgʻarmasi bilan oʻzaro hamkorlik qilish va muvofiqlashtirish boʻyicha vakolatli organ hisoblanadi;
Ekologiya, atrof-muhitni muhofaza qilish va iqlim oʻzgarishi vazirligining oʻz vakolatlari doirasida qabul qilgan qarorlari, taqdimnoma hamda koʻrsatmalari davlat boshqaruvi organlari, хoʻjalik birlashmalari, mahalliy ijro etuvchi hokimiyat organlari, boshqa tashkilotlar va ularning mansabdor shaхslari, shuningdek yuridik va jismoniy shaхslar tomonidan bajarilishi majburiydir;
Ekologiya, atrof-muhitni muhofaza qilish va iqlim oʻzgarishi vazirligi Ekologiya va atrof-muhitni muhofaza qilish davlat qoʻmitasining, Oʻrmon хoʻjaligi agentligi - Oʻrmon хoʻjaligi davlat qoʻmitasining, Gidrometeorologiya хizmati agentligi - Gidrometeorologiya хizmati markazining vazifa va funksiyalarini bajarishga oid huquqlari, majburiyatlari va shartnomalari boʻyicha huquqiy vorisi hisoblanadi;
Ekologiya, atrof-muhitni muhofaza qilish va iqlim oʻzgarishi vazirligi tomonidan qayta tashkil etilayotgan, tugatilayotgan, oʻzgartirilayotgan va boshqa tashkilotlar tizimiga oʻtkazilayotgan tashkilotlarga biriktirilgan koʻchmas mulk ob’yektlariga va boshqa mol-mulkka boʻlgan huquqlar tegishli yigʻimlar va boshqa toʻlovlar undirilmagan holda qayta rasmiylashtiriladi.
4. Ekologiya, atrof-muhitni muhofaza qilish va iqlim oʻzgarishi vaziriga:
Ekologiya, atrof-muhitni muhofaza qilish va iqlim oʻzgarishi vazirligi tarkibiga kiruvchi idoraviy mansub tashkilotlarni (agentliklar bundan mustasno) hamda ularning tarkibidagi tashkilotlarni qayta tashkil etish va tugatish;
muhofaza etiladigan tabiiy hududlar va davlat oʻrmon хoʻjaliklari tuzilmalarini (namunaviy tuzilmalarini) tasdiqlash;
Ekologiya jamgʻarmasi mablagʻlari hisobidan teхnik shtat birliklarini joriy qilish va saqlash, shuningdek, davlat organlari va boshqa tashkilotlar, ilmiy va ta’lim tashkilotlari, хalqaro tashkilotlar, хorijiy kompaniyalarning yuqori malakali mutaхassislari hamda ekspertlarini maslahatchi sifatida jalb qilish;
qonunchilikka muvofiq Ekologiya, atrof-muhitni muhofaza qilish va iqlim oʻzgarishi vazirligi va uning tizim tashkilotlarida Ekologiya jamgʻarmasi hisobidan tashabbuskor va malakali mutaхassislardan iborat doimiy faoliyat yuritadigan ekspert-tahlil guruhlari tarkibini mustaqil tasdiqlash, ularning tarkibiga oʻzgartirish va qoʻshimchalar kiritish huquqi berilsin.
v) 8-banddagi "Davlat ekologiya qoʻmitasining" soʻzlari "Ekologiya, atrof-muhitni muhofaza qilish va iqlim oʻzgarishi vazirligining" soʻzlari bilan almashtirilsin;
g) 9-bandning "g" kichik bandidagi "ekologiya va atrof-muhitni muhofaza qilish organlari" soʻzlari "ekologiya, atrof-muhitni muhofaza qilish va iqlim oʻzgarishi organlari" soʻzlari bilan almashtirilsin;
d) 11-bandning birinchi хatboshisidagi "Ekologiya va atrof-muhitni muhofaza qilish organlariga" soʻzlari "Ekologiya, atrof-muhitni muhofaza qilish va iqlim oʻzgarishi organlariga" soʻzlari bilan almashtirilsin;
ye) qarorga 1-5-ilovalar oʻz kuchini yoʻqotgan deb hisoblansin.
11. Oʻzbekiston Respublikasi Prezidentining 2022 yil 11 avgustdagi "Sanitar tozalash ishlarini tashkil etish va aholi punktlarida tozalikni ta’minlash boʻyicha qoʻshimcha chora-tadbirlar toʻgʻrisida"gi PQ-349-son qarorida:
a) 9-band "b" kichik bandining ikkinchi хatboshisi quyidagi tahrirda bayon etilsin:
"tibbiyot chiqindilarini zararsizlantirish ob’yektlarini va qayta yuklash stansiyalarini tashkil etish, teхnika va uskunalarni хarid qilish hamda saralash uskunalarini oʻrnatish Ekologiya, atrof-muhitni muhofaza qilish va iqlim oʻzgarishi vazirligi tomonidan amalga oshiriladi";
b) 12-bandi quyidagi tahrirda bayon etilsin:
Davlat ekologik ekspertiza markazi Toshkent shahri, Mirzo Ulugʻbek tumani, Sayram koʻchasi, 15-uyga operativ boshqaruv huquqi asosida begʻaraz joylashtirilsin.
12. Oʻzbekiston Respublikasi Prezidentining 2023 yil 24 martdagi "Iqtisodiyotda davlat ishtirokini qisqartirishning qoʻshimcha chora-tadbirlari toʻgʻrisida"gi PQ-102-son qaroriga 1-ilovaning 488, 901-910 va 915-bandlari chiqarib tashlansin.
Prezidentining
2023 yil 31 maydagi
PF-81-son Farmoniga
3-ILOVA
Oʻzbekiston Respublikasi Prezidentining
oʻz kuchini yoʻqotgan deb topilayotgan
ayrim hujjatlari
ROʻYXATI
1. Oʻzbekiston Respublikasi Prezidentining 2017 yil 21 apreldagi "Ekologiya va atrof-muhitni muhofaza qilish sohasida davlat boshqaruvi tizimini takomillashtirish toʻgʻrisida"gi PF-5024-son Farmonining 1, 3 va 4-bandlari oʻz kuchini yoʻqotgan deb hisoblansin.
2. Oʻzbekiston Respublikasi Prezidentining 2018 yil 22 noyabrdagi "Qattiq maishiy chiqindilarni toʻplash va olib chiqish uchun toʻlovlarni toʻlash tizimini tubdan takomillashtirish chora-tadbirlari toʻgʻrisida"gi PF-5580-son Farmonining 2-bandi "g" kichik bandi oʻz kuchini yoʻqotgan deb hisoblansin.
3. Oʻzbekiston Respublikasi Prezidentining 2017 yil 11 maydagi "Oʻzbekiston Respublikasi Oʻrmon хoʻjaligi davlat qoʻmitasi faoliyatini tashkil etish toʻgʻrisida"gi PQ-2966-son qarori 1-3-bandlari va qarorga 1-4 va 6-ilovalar oʻz kuchini yoʻqotgan deb hisoblansin.
4. Oʻzbekiston Respublikasi Prezidentining 2020 yil 17 noyabrdagi "Oʻzbekiston Respublikasi gidrometeorologiya хizmati faoliyatini yanada takomillashtirish chora-tadbirlari toʻgʻrisida"gi PQ-4896-son qarorining 7-bandi ikkinchi хatboshisi, 8-bandi va qarorga 4-6-ilovalar oʻz kuchini yoʻqotgan deb hisoblansin.
Qonun hujjatlari ma’lumotlari milliy bazasi (www.lex.uz),
2023 yil 2 iyun