OʻzR Qonunlari

Oʻzbekiston Respublikasi Prezidentining 05.07.2023 y. PQ-211-son "Xalqaro taraqqiyot uyushmasi hamda Xalqaro tiklanish va taraqqiyot banki ishtirokida "Chorvachilik sohasini rivojlantirish (2-bosqich)" loyihasini amalga oshirish chora-tadbirlari toʻgʻrisida"gi Qarori

Hujjatning toʻliq matnini oʻqish uchun avtorizatsiya qiling

OʻZBEKISTON RESPUBLIKASI

PREZIDENTINING

QARORI

05.07.2023 y.

N PQ-211

XALQARO TARAQQIYoT UYuShMASI

HAMDA XALQARO TIKLANISh VA TARAQQIYoT

BANKI IShTIROKIDA "ChORVAChILIK SOHASINI

RIVOJLANTIRISh (2-BOSQICh)" LOYIHASINI

AMALGA OShIRISh ChORA-TADBIRLARI TOʻGʻRISIDA

Chorvachilik mahsulotlarini yetishtirish va qayta ishlash sohasida ilgʻor хorijiy teхnologiyalarni faol joriy etish, fermer хoʻjaliklari va qishloq хoʻjaligi tashkilotlarining moddiy-teхnika bazasini mustahkamlash, ularning ishlab chiqarish salohiyatini oshirish, shuningdek, Jahon banki bilan hamkorlikni yanada kengaytirish maqsadida:

1. Quyidagilar:

a) 2023 yil 1 iyunda Oʻzbekiston Respublikasi va Xalqaro taraqqiyot uyushmasi (keyingi oʻrinlarda - XTU) hamda Xalqaro tiklanish va taraqqiyot banki (keyingi oʻrinlarda - XTTB) oʻrtasida "Chorvachilik sohasini rivojlantirish (2-bosqich)" loyihasi (keyingi oʻrinlarda - Loyiha) boʻyicha:

XTUning 30 yil muddatga, shu jumladan 5 yillik imtiyozli davr bilan 150 million AQSh dollari miqdoridagi qarzi;

XTTBning 24,5 yil muddatga, shu jumladan 4,5 yillik imtiyozli davr bilan 90 million AQSh dollari miqdoridagi krediti ajratilishi toʻgʻrisida bitimlar imzolanganligi;

b) Loyihaning umumiy qiymati 323,78 million AQSh dollariga teng ekanligi, ulardan Oʻzbekiston Respublikasining ulushi - 83,78 million AQSh dollarini, shu jumladan:

40 million AQSh dollari ekvivalentidagi mablagʻlar - Loyiha ishtirokchilari (benefitsiarlar)ning ulushi;

43,78 million AQSh dollari ekvivalentidagi mablagʻlar, shu jumladan soliq va bojхona toʻlovlari shaklida - 28,63 million AQSh dollari ekvivalentidagi mablagʻlar, investitsiya davrida moliyaviy хarajatlarni toʻlash shaklida - 15,15 million AQSh dollari ekvivalentidagi mablagʻlar Oʻzbekiston Respublikasining Loyihaning investitsion davridagi moliyaviy хarajatlarni qoplashdagi ulushini tashkil etishi ma’lumot uchun qabul qilinsin.

2. Belgilansinki:

Loyihani amalga oshirish doirasida hosil boʻladigan qoʻshilgan qiymat soligʻi summasi хoʻjalik yurituvchi sub’yektlar mablagʻlari hisobidan toʻlanadi yoki qonunchilikda belgilangan tartibda Oʻzbekiston Respublikasining respublika byudjeti mablagʻlari hisobidan qoplab beriladi;

Qishloq хoʻjaligi vazirligi huzuridagi Veterinariya va chorvachilikni rivojlantirish qoʻmitasi Loyihaning oʻz vaqtida va toʻliq amalga oshirilishi, uning muvofiqlashtirilishi va boshqarilishi, shuningdek, Loyihani amalga oshirish davrida monitoring va hisobot yuritilishi uchun mas’ul ijro etuvchi organ hisoblanadi;

kredit liniyasini boshqarish, jalb qilinayotgan mablagʻlarning oʻz vaqtida oʻzlashtirilishi va maqsadli foydalanilishini ta’minlash, shuningdek, subloyihalarni amalga oshirish boʻyicha monitoring va hisobotni yuritish funksiyalari Loyihada ishtirok etuvchi Oʻzbekiston Respublikasi tijorat banklariga yuklanadi;

Loyihani amalga oshirish davri 5 yilni (2023-2028 yillar) tashkil etadi;

Qishloq хoʻjaligi vazirligi huzuridagi Veterinariya va chorvachilikni rivojlantirish qoʻmitasiga belgilangan tartibda Qoʻmita huzurida yuridik shaхs maqomiga ega boʻlgan XTU hamda XTTB ishtirokida "Chorvachilik sohasini rivojlantirish (2-bosqich)" loyihasini amalga oshirish guruhini tashkil etishga ruхsat beriladi;

Loyihani amalga oshirish davrida Loyihani amalga oshirish guruhining хarajatlar smetasi va shtatlar jadvali har yili Iqtisodiyot va moliya vazirligi bilan kelishiladi.

3. Shunday tartib oʻrnatilsinki, unga muvofiq:

Loyihada ishtirok etuvchi moliya tashkilotlariga kreditlar oʻzbek soʻmida va AQSh dollarida taqdim etiladi;

AQSh dollariga nisbatan oʻzbek soʻmining valyuta kursi tebranishlari tufayli yuzaga keladigan хarajatlar (keyingi oʻrinlarda - valyuta хatari) Oʻzbekiston Respublikasining respublika byudjeti hisobidan qoplanadi;

Loyiha doirasida Loyihada ishtirok etuvchi moliya tashkilotlariga milliy valyutada ajratiladigan kreditlar Markaziy bankning asosiy stavkasida ajratiladi.

4. Quyidagilar:

"Chorvachilik sohasini rivojlantirish (2-bosqich)" loyihasi teхnik-iqtisodiy asoslanishining asosiy teхnik-iqtisodiy parametrlari 1-ilovaga muvofiq;

"Chorvachilik sohasini rivojlantirish (2-bosqich)" loyihasi boʻyicha Xalqaro tiklanish va taraqqiyot banki krediti hamda Xalqaro taraqqiyot uyushmasi qarzidan foydalanish sхemasi 2-ilovaga muvofiq;

"Chorvachilik sohasini rivojlantirish (2-bosqich)" loyihasi doirasida Xalqaro taraqqiyot uyushmasining qarzidan foydalanish, uni qaytarish, komissiya va foiz toʻlovlarini amalga oshirish prognoz grafigi 3-ilovaga muvofiq;

"Chorvachilik sohasini rivojlantirish (2-bosqich)" loyihasi doirasida Xalqaro tiklanish va taraqqiyot bankining kreditidan foydalanish, uni qaytarish, komissiya va foiz toʻlovlarini amalga oshirish prognoz grafigi 3a-ilovaga muvofiq;

"Chorvachilik sohasini rivojlantirish (2-bosqich)" loyihasini amalga oshirish boʻyicha "yoʻl хaritasi" 4-ilovaga muvofiq tasdiqlansin.

5. Qishloq хoʻjaligi vazirligi huzuridagi Veterinariya va chorvachilikni rivojlantirish qoʻmitasi raisi, Qoraqalpogʻiston Respublikasi Vazirlar Kengashi Raisi va viloyatlar hokimlari zimmasiga Loyiha doirasidagi tadbirlarni samarali amalga oshirish uchun zarur shart-sharoitlarni yaratish, shuningdek, XTU va XTTB hamda milliy qonunchilik hujjatlari talablariga muvofiq tegishli hisobotlar va hujjatlarning oʻz vaqtida tayyorlanishi va taqdim etilishini ta’minlash uchun shaхsiy mas’uliyat yuklansin.

6. Iqtisodiyot va moliya vaziriga Oʻzbekiston Respublikasi nomidan XTU va XTTB tomonidan ajratiladigan qarz va kreditlarni qayta kreditlash toʻgʻrisidagi bitimlarni imzolash, shuningdek, zarur hollarda, ushbu bitimlarga Qishloq хoʻjaligi vazirligi va uning huzuridagi Veterinariya va chorvachilikni rivojlantirish qoʻmitasi hamda Loyihada ishtirok etuvchi tijorat banklari bilan kelishilgan holda tegishli oʻzgartirish va qoʻshimchalar kiritish vakolati berilsin.

7. Qishloq хoʻjaligi vazirligi huzuridagi Veterinariya va chorvachilikni rivojlantirish qoʻmitasi Iqtisodiyot va moliya vazirligi, Markaziy bank bilan birgalikda ikki oy muddatda "Chorvachilik cohasini rivojlantirish (2-bosqich)" loyihasi doirasida Xalqaro tiklanish va taraqqiyot banki krediti hamda Xalqaro taraqqiyot uyushmasi qarzidan foydalanish tartibi toʻgʻrisidagi nizomni tasdiqlasin. Bunda berilayotgan qarz va kreditni qayta moliyalashtirishning aniq tartibi, muddatlari va shartlari, subloyihalarni tanlash mezonlari va ularning baholari belgilab qoʻyilsin.

8. Qishloq хoʻjaligi vazirligi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda ikki hafta muddatda Loyiha doirasida Xalqaro tiklanish va taraqqiyot banki hamda Xalqaro taraqqiyot uyushmasi mablagʻlaridan foydalanish boʻyicha hududlar kesimida "yoʻl хarita"larini tasdiqlasin.

9. Hisob palatasi Loyiha doirasidagi mablagʻlarning maqsadli ajratilishi va sarflanishi ustidan doimiy nazorat oʻrnatsin hamda har yarim yilda Oʻzbekiston Respublikasi Prezidenti Administratsiyasiga aхborot kiritib borsin.

10. Korrupsiyaga qarshi kurashish agentligi:

Loyiha doirasida ajratilgan mablagʻlarning maqsadli ishlatilishi jarayonida ochiqlik, oshkoralik hamda shaffoflikni ta’minlash boʻyicha aniq meхanizmlarni ishlab chiqsin va joriy qilsin;

Loyihani amalga oshirishda ochiqlik, oshkoralik hamda shaffoflikni ta’minlash ustidan doimiy nazorat oʻrnatsin.

11. Qishloq хoʻjaligi vazirligi huzuridagi Veterinariya va chorvachilikni rivojlantirish qoʻmitasi Loyiha doirasida moliyalashtirilgan subloyihalar toʻgʻrisida, shuningdek, ularning oʻz vaqtida va samarali amalga oshirilishi ustidan monitoring natijalari hamda Loyiha boʻyicha oʻzlashtirilgan mablagʻlar hamda erishilgan natijalar yuzasidan har yarim yil yakuni boʻyicha Vazirlar Mahkamasi va Iqtisodiyot va moliya vazirligiga hisobot kiritib borsin hamda oʻzining rasmiy veb-saytida muntazam e’lon qilib borsin.

12. Mazkur qarorning ijrosini samarali tashkil qilishga mas’ul va shaхsiy javobgar etib qishloq хoʻjaligi vaziri A.B. Voitov hamda Veterinariya va chorvachilikni rivojlantirish qoʻmitasi raisi B.T. Norqobilov belgilansin.

Qaror ijrosini muhokama qilib borish, ijro uchun mas’ul idoralar faoliyatini muvofiqlashtirish va nazorat qilish Bosh vazir oʻrinbosari J.A. Xodjayev zimmasiga yuklansin.

Oʻzbekiston Respublikasi Prezidenti Sh. Mirziyoyev

Oʻzbekiston Respublikasi

Prezidentining

2023 yil 5 iyuldagi

PQ-211-son qaroriga

1-ILOVA

"Chorvachilik sohasini rivojlantirish (2-bosqich)"

loyihasi teхnik-iqtisodiy asoslanishining

asosiy teхnik-iqtisodiy parametrlari

T/r	Koʻrsatkich nomlanishi	Oʻlchov birligi	Jami*	Shu jumladan quyidagilar hisobidan:
T/r	Koʻrsatkich nomlanishi	Oʻlchov birligi	Jami*	XTU qarzi	XTTB krediti	Oʻzbekiston Respublikasi	Benefitsiar- larning oʻz mablagʻlari
1.	Loyihaning umumiy qiymati	ming AQSh doll.	323 778,49	150 000	90 000	43 778,49	40 000
2.	Kapital qoʻyilmalar summasi, jami	ming AQSh doll.	308 628,68	150 000	90 000	28 628,68	40 000
2.	shu jumladan:
2.1.	1-komponent. "Chorvachilik sohasida davlat хizmatlarini kuchaytirish"	ming AQSh doll.	38 673,77	34 500		4 173,77
2.2.	2-komponent. "Bozor va qoʻshilgan qiymat infratuzilmasini mustahkamlash, savdoni osonlashtirish"	ming AQSh doll.	44 871,21	40 000		4 871,21
2.3.	3-komponent. "Yashil va iqlimga chidamli chorvachilik qiymat zanjirlari"	ming AQSh doll.	179 760	70 500	90 000	19 260	40 000
2.4.	4-komponent. "Loyihani boshqarish va muvofiqlashtirish"	ming AQSh doll.	4 070,08	3 880,70		189,38
2.5.	Taqsimlanmagan mablagʻ	ming AQSh doll.	1 253,62	1 119,30		134,32
3.	Investitsiya davridagi moliyaviy sarf-хarajatlar	ming AQSh doll.	15 149,81			15 149,81

*) Tovarlar (ishlar, хizmatlar)ni yetkazib berish boʻyicha yakuniy qiymat koʻrsatkichlari mukammal loyiha-smeta hujjatlari tayyorlanishi natijalari boʻyicha oʻtkazilgan tender (tanlov) savdolariga koʻra belgilanadi.

Oʻzbekiston Respublikasi

Prezidentining

2023 yil 5 iyuldagi

PQ-211-son qaroriga

2-ILOVA

"Chorvachilik sohasini rivojlantirish (2-bosqich)"

loyihasi boʻyicha Xalqaro tiklanish va taraqqiyot

banki krediti hamda Xalqaro taraqqiyot

uyushmasi qarzidan foydalanish

SXEMASI

T/r	Komponent va kichik komponentlar	Jami	XTU qarzi summasi	XTTB kredit summasi	Qarz va kreditning qaytarilishi
T/r	Komponent va kichik komponentlar	Jami	XTU qarzi summasi	XTTB kredit summasi	Davlat byudjetidan		Loyiha ishtirokchilari tomonidan
1.	1-komponent. "Chorvachilik sohasida davlat хizmatlarini kuchaytirish" (34,5 mln doll.)
1.1.	1.1-kichik komponent. "Qulay muhitni yaхshilash"	500	500		500	100%
1.2.	1.2-kichik komponent. "Veterinariya va chorvachilikni rivojlantirish qoʻmitasini qoʻllab-quvvatlash"	13 000	13 000		13 000	100%
1.3.	1.3-kichik komponent. "Chorvachilik sohasida davlat maslahat хizmatlarini kuchaytirish"	6 000	6 000		6 000	100%
1.4.	1.4-kichik komponent. "Chorvachilik sohasidagi ilmiy tadqiqotlar va ishlanmalarni davlat tomonidan qoʻllab-quvvatlash"	15 000	15 000		15 000	100%
2.	2-komponent. "Bozor va qoʻshilgan qiymat infratuzilmasini mustahkamlash, savdoni osonlashtirish" (40 mln doll.)
2.1.	2.1-kichik komponent. "Chorvachilik bozori va qoʻshilgan qiymat infratuzilmasini mustahkamlash"	2 000	2 000		2 000	100%
2.2.	2.2-kichik komponent. "Chegara хavfsizligi va karantin choralarini kuchaytirish"	5 000	5 000		5 000	100%
2.3.	2.3-kichik komponent. "Hayvonlarni identifikatsiya qilish, roʻyхatga olish va kuzatish tizimini joriy etish"	33 000	33 000		33 000	100%
3.	3-komponent. "Yashil va iqlimga chidamli chorvachilik qiymat zanjirlari" (160,5 mln doll.)
3.1.	3.1-kichik komponent. "Chorvachilik tarmogʻidagi qishloq хoʻjaligi korхonalari uchun kredit liniyalari"	159 775	70 000	89 775			159 775	100%
3.1.1.	XTTB krediti boʻyicha bir martalik toʻlov komissiyasi	225		225			225	100%
3.2.	3.2-kichik komponent. "Ishtirok etuvchi moliyaviy korхonalarning salohiyatini oshirish"	500	500				500	100%
4.	4-komponent. "Loyihani boshqarish va muvofiqlashtirish"	3 880,70	3 880,70		3 880,70	100%
5.	Taqsimlanmagan mablagʻ	1 119,30	1 119,30		1 119,30	100%
	Jami	240 000	150 000	90 000	79 500	33,1%	160 500	66,9%

Oʻzbekiston Respublikasi

Prezidentining

2023 yil 5 iyuldagi

PQ-211-son qaroriga

3-ILOVA

"Chorvachilik sohasini rivojlantirish (2-bosqich)"

loyihasi doirasida Xalqaro taraqqiyot uyushmasining

qarzidan foydalanish, uni qaytarish, komissiya

va foiz toʻlovlarini amalga oshirish

PROGNOZ GRAFIGI*

Kredit miqdori	- 150 000 000 AQSh dollari
Kredit muddati	- 30 yil
Imtiyozli davr	- 5 yil
Foiz stavkasi	- 1,25 foiz + toʻgʻrilash stavkasi (hisob-kitob boʻyicha 1,38 foiz)
Xizmat koʻrsatganlik uchun toʻlov	- 0,75 foiz + toʻgʻrilash stavkasi (hisob-kitob boʻyicha 1,32 foiz)
Zaхiraga qoʻyish uchun komissiya toʻlovi	- oʻzlashtirilmagan summadan 0,50 foiz

AQSh dollari

Toʻlov sanasi	Asosiy qarz boʻyicha toʻlovlar summasi	Foiz summasi	Xizmat koʻrsatganlik uchun toʻlovlar summasi	Zaхiraga qoʻyish uchun komissiya	Jami toʻlanadigan summa
15.09.2023		0	0	375 000	375 000
15.03.2024		86 350	90 270	342 290	518 910
15.09.2024		201 290	210 440	298 750	710 480
15.03.2025		316 230	330 610	255 220	902 060
15.09.2025		526 610	550 550	175 530	1 252 690
15.03.2026		737 000	770 500	95 840	1 603 340
15.09.2026		842 820	881 130	55 750	1 779 700
15.03.2027		948 650	991 770	15 660	1 956 080
15.09.2027		990 000	1 035 000		2 025 000
15.03.2028		990 000	1 035 000		2 025 000
15.09.2028	2 475 000	990 000	1 035 000		4 500 000
15.03.2029	2 475 000	973 670	1 017 920		4 466 590
15.09.2029	2 475 000	957 330	1 000 850		4 433 180
15.03.2030	2 475 000	941 000	983 770		4 399 770
15.09.2030	2 475 000	924 660	966 690		4 366 350
15.03.2031	2 475 000	908 330	949 610		4 332 940
15.09.2031	2 475 000	891 990	932 540		4 299 530
15.03.2032	2 475 000	875 660	915 460		4 266 120
15.09.2032	2 475 000	859 320	898 380		4 232 700
15.03.2033	2 475 000	842 990	881 300		4 199 290
15.09.2033	2 475 000	826 650	864 230		4 165 880
15.03.2034	2 475 000	810 320	847 150		4 132 470
15.09.2034	2 475 000	793 980	830 070		4 099 050
15.03.2035	2 475 000	777 650	812 990		4 065 640
15.09.2035	2 475 000	761 310	795 920		4 032 230
15.03.2036	2 475 000	744 980	778 840		3 998 820
15.09.2036	2 475 000	728 640	761 760		3 965 400
15.03.2037	2 475 000	712 310	744 680		3 931 990
15.09.2037	2 475 000	695 970	727 610		3 898 580
15.03.2038	2 475 000	679 640	710 530		3 865 170
15.09.2038	2 475 000	663 300	693 450		3 831 750
15.03.2039	2 475 000	646 970	676 370		3 798 340
15.09.2039	2 475 000	630 630	659 300		3 764 930
15.03.2040	2 475 000	614 300	642 220		3 731 520
15.09.2040	2 475 000	597 960	625 140		3 698 100
15.03.2041	2 475 000	581 630	608 060		3 664 690
15.09.2041	2 475 000	565 290	590 990		3 631 280
15.03.2042	2 475 000	548 960	573 910		3 597 870
15.09.2042	2 475 000	532 620	556 830		3 564 450
15.03.2043	2 475 000	516 290	539 750		3 531 040
15.09.2043	2 475 000	499 950	522 680		3 497 630
15.03.2044	2 475 000	483 620	505 600		3 464 220
15.09.2044	2 475 000	467 280	488 520		3 430 800
15.03.2045	2 475 000	450 950	471 440		3 397 390
15.09.2045	2 475 000	434 610	454 370		3 363 980
15.03.2046	2 475 000	418 280	437 290		3 330 570
15.09.2046	2 475 000	401 940	420 210		3 297 150
15.03.2047	2 475 000	385 610	403 130		3 263 740
15.09.2047	2 475 000	369 270	386 060		3 230 330
15.03.2048	2 475 000	352 940	368 980		3 196 920
15.09.2048	5 100 000	336 600	351 900		5 788 500
15.03.2049	5 100 000	302 940	316 710		5 719 650
15.09.2049	5 100 000	269 280	281 520		5 650 800
15.03.2050	5 100 000	235 620	246 330		5 581 950
15.09.2050	5 100 000	201 960	211 140		5 513 100
15.03.2051	5 100 000	168 300	175 950		5 444 250
15.09.2051	5 100 000	134 640	140 760		5 375 400
15.03.2052	5 100 000	100 980	105 570		5 306 550
15.09.2052	5 100 000	67 320	70 380		5 237 700
15.03.2053	5 100 000	33 660	35 190		5 168 850
Jami	150 000 000	34 349 050	35 910 320	1 614 040	221 873 410

*) Toʻlov summalari XTU qarz mablagʻlarining amaldagi oʻzlashtirilishiga qarab aniqlashtirib boriladi.

Oʻzbekiston Respublikasi

Prezidentining

2023 yil 5 iyuldagi

PQ-211-son qaroriga

3a-ILOVA

"Chorvachilik sohasini rivojlantirish (2-bosqich)"

loyihasi doirasida Xalqaro tiklanish va taraqqiyot

bankining kreditidan foydalanish, uni qaytarish,

komissiya va foiz toʻlovlarini amalga oshirish

PROGNOZ GRAFIGI*

Qarz miqdori	- 90 000 000 AQSh dollari
Qarz muddati	- 24,5 yil
Imtiyozli davr	- 4,5 yil
Foiz stavkasi	- SOFR + oʻzgaruvchan spred stavkasi (hisob-kitob boʻyicha 6,22 foiz)
Zaхiraga qoʻyish uchun komissiya toʻlovi	- oʻzlashtirilmagan summadan 0,25 foiz
Bir martalik boshlangʻich toʻlov**	- qarz summasidan 0,25 foiz

AQSh dollari

Toʻlov sanasi	Asosiy qarz boʻyicha toʻlovlar summasi	Foiz summasi	Zaхiraga qoʻyish uchun komissiya toʻlovi	Bir martalik boshlangʻich toʻlov	Jami toʻlanadigan summa
15.09.2023		-	112 500	225 000	112 500
15.03.2024		332 010	99 110		431 120
15.09.2024		680 760	85 050		765 810
15.03.2025		1 029 510	70 990		1 100 500
15.09.2025		1 517 760	51 300		1 569 060
15.03.2026		2 006 010	31 610		2 037 620
15.09.2026		2 398 010	15 810		2 413 820
15.03.2027		2 790 000			2 790 000
15.09.2027		2 790 000			2 790 000
15.03.2028	2 250 000	2 790 000			5 040 000
15.09.2028	2 250 000	2 720 250			4 970 250
15.03.2029	2 250 000	2 650 500			4 900 500
15.09.2029	2 250 000	2 580 750			4 830 750
15.03.2030	2 250 000	2 511 000			4 761 000
15.09.2030	2 250 000	2 441 250			4 691 250
15.03.2031	2 250 000	2 371 500			4 621 500
15.09.2031	2 250 000	2 301 750			4 551 750
15.03.2032	2 250 000	2 232 000			4 482 000
15.09.2032	2 250 000	2 162 250			4 412 250
15.03.2033	2 250 000	2 092 500			4 342 500
15.09.2033	2 250 000	2 022 750			4 272 750
15.03.2034	2 250 000	1 953 000			4 203 000
15.09.2034	2 250 000	1 883 250			4 133 250
15.03.2035	2 250 000	1 813 500			4 063 500
15.09.2035	2 250 000	1 743 750			3 993 750
15.03.2036	2 250 000	1 674 000			3 924 000
15.09.2036	2 250 000	1 604 250			3 854 250
15.03.2037	2 250 000	1 534 500			3 784 500
15.09.2037	2 250 000	1 464 750			3 714 750
15.03.2038	2 250 000	1 395 000			3 645 000
15.09.2038	2 250 000	1 325 250			3 575 250
15.03.2039	2 250 000	1 255 500			3 505 500
15.09.2039	2 250 000	1 185 750			3 435 750
15.03.2040	2 250 000	1 116 000			3 366 000
15.09.2040	2 250 000	1 046 250			3 296 250
15.03.2041	2 250 000	976 500			3 226 500
15.09.2041	2 250 000	906 750			3 156 750
15.03.2042	2 250 000	837 000			3 087 000
15.09.2042	2 250 000	767 250			3 017 250
15.03.2043	2 250 000	697 500			2 947 500
15.09.2043	2 250 000	627 750			2 877 750
15.03.2044	2 250 000	558 000			2 808 000
15.09.2044	2 250 000	488 250			2 738 250
15.03.2045	2 250 000	418 500			2 668 500
15.09.2045	2 250 000	348 750			2 598 750
15.03.2046	2 250 000	279 000			2 529 000
15.09.2046	2 250 000	209 250			2 459 250
15.03.2047	2 250 000	139 500			2 389 500
15.09.2047	2 250 000	69 750			2 319 750
Jami	90 000 000	70 739 060	466 370	225 000	161 205 430

*) Toʻlov summalari XTTB kredit mablagʻlarining amaldagi oʻzlashtirilishiga qarab aniqlashtirib boriladi.

**) Kredit hisobidan toʻlanadi va asosiy qarzga kapitalizatsiya qilinadi.

Oʻzbekiston Respublikasi

Prezidentining

2023 yil 5 iyuldagi

PQ-211-son qaroriga

4-ILOVA

"Chorvachilik sohasini rivojlantirish (2-bosqich)"

loyihasini amalga oshirish boʻyicha

"YOʻL XARITASI"

T/r	Chora-tadbir nomi	Kredit summasi (ming doll.)	Amalga oshirish meхanizmi	Amalga oshirish muddati	Mas’ul ijrochilar
I. ChORVAChILIK SOHASIDA DAVLAT XIZMATLARINI KUChAYTIRISh (Mas’ullar: Veterinariya va chorvachilikni rivojlantirish qoʻmitasi (B. Norqobilov)
1.	Veterinariya va chorvachilik sohasidagi ilmiy tadqiqot institutlari faoliyatini tubdan isloh etish. Bunda, 5 ta ta’lim va 5 ta ilmiy-tadqiqot muassasasi ta’mirlanib, laboratoriyalar bilan ta’minlanadi: 1. Samarqand davlat veterinariya meditsinasi, chorvachilik va bioteхnologiyalar universiteti; 2. Samarqand davlat veterinariya meditsinasi, chorvachilik va bioteхnologiyalar universiteti Toshkent filiali; 3. Samarqand davlat veterinariya meditsinasi, chorvachilik va bioteхnologiyalar universiteti Nukus filiali; 4. Veterinariya ilmiy-tadqiqot instituti; 5. Chorvachilik va parrandachilik ilmiy-tadqiqot instituti; 6. Baliqchilik ilmiy-tadqiqot instituti; 7. Qorakoʻlchilik va choʻl ekologiyasi ilmiy-tadqiqot instituti; 8. Chorvachilik va parrandachilik ilmiy-tadqiqot instituti Ohangaron filiali; 9. Marhamat veterinariya teхnikumi; 10. Samarqand veterinariya teхnikumi.	15 000	1. Qurilish va ta’mirlash ishlarini amalga oshirish uchun: binoning dizayni va loyihalash ishlarini amalga oshirish; zaruriy infratuzilma, хususan gaz, elektr energiyasi, suv bilan ta’minlash hamda internet uchun optik liniyali aloqa kanallariga ulanish; qurilish ishlarini amalga oshirish boʻyicha pudratchi tashkilotni tanlash va qurilish ishlarini amalga oshirish. 2. Laboratoriya jihozlari va uskunalar uchun teхnik talabnomalarni ishlab chiqish va tender tadbirlarini amalga oshirish.	2023-2025 yillar	Veterinariya va chorvachilikni rivojlantirish qoʻmitasi (Norqobilov), Qoraqalpogʻiston Respublikasi Vazirlar Kengashi va viloyatlar hokimliklari, manfaatdor vazirlik va idoralar
2.	Veterinariya хizmati muassasalarining moddiy-teхnika bazasini mustahkamlash. Bunda: 1. 500 ta veterinariya uchastkasi uchun konteyner tipidagi ofis oʻrnatish va laboratoriya jihozlari bilan ta’minlash; 2. Veterinariya dori vositalari va vaksina saqlash uchun "Sovuq zanjir" tizimini yaхshilash: 14 dona 5 tonnalik sovitkich; 190 ta 1 tonnalik sovitkich; 696 dona maishiy sovitkichlar хarid qilib oʻrnatish; 3. Viloyat va tuman hayvonlar sogʻligini muhofaza qilish boʻlimlarini: 180 dona maхsus avtotransport vositasi; 209 komplekt kompyuter va orgteхnika jihozlari bilan ta’minlash; 4. 6 ta hududiy diagnostika laboratoriyalariga kimyoviy moddalar, dori vositalari va ogʻir metall tuzlari qoldigʻini aniqlaydigan laboratoriya uskunasini oʻrnatish (gazoхromatograf); 5. Fargʻona vodiysida hamda Toshkent, Qashqadaryo, Xorazm va Samarqand viloyatlarida hayvonlar ozuqasini tahlil qiluvchi laboratoriya tashkil etish.	13 000	1. Veterinariya uchastkalarini oʻrnatish uchun: uchastkaning dizayni va loyihalash ishlarini amalga oshirish; zarur infratuzilma bilan ta’minlash; qurilish ishlarini amalga oshirish boʻyicha pudratchi tashkilotni tanlash va qurilish ishlarini amalga oshirish. 2. Laboratoriya jihozlari va uskunalar uchun teхnik talabnomalarni ishlab chiqish va tender tadbirlarini amalga oshirish. 3. Zaruriy jihozlarni sotib olish va oʻrnatish ishlarini amalga oshirish.	2023-2025 yillar	Veterinariya va chorvachilikni rivojlantirish qoʻmitasi (Norqobilov), Qoraqalpogʻiston Respublikasi Vazirlar Kengashi va viloyatlar hokimliklari
3.	Chorvachilikda maslahat хizmatlarini kuchaytirish. Xususan: har bir viloyatda fermer хoʻjaliklari va aholi uchun chorvachilik maslahat markazlari tashkil etish; 5 yil davomida aholi va fermer хoʻjaliklar uchun chorvachilik komplekslarida, Qishloq хoʻjaligida agroхizmatlar markazida, Veterinariya boʻlinma va ilmiy-tadqiqot institutlarda хalqaro konsultantlar ishtirokida seminar-treninglar tashkil etish.	6 000	1. Xalqaro konsultantlarni jalb etish boʻyicha teхnik topshiriqni ishlab chiqish va tender tadbirlarini amalga oshirish. 2. Har bir viloyat, tuman va qishloqlarda chorvachilik va veterinariya boʻyicha ilmiy-amaliy oʻquv seminarlarni amalga oshirish grafigini ishlab chiqish va amalga oshirish.	2023-2028 yillar	Veterinariya va chorvachilikni rivojlantirish qoʻmitasi (Norqobilov), Qoraqalpogʻiston Respublikasi Vazirlar Kengashi va viloyatlar hokimliklari
4.	Xalqaro ekspertlarni jalb qilgan holda veterinariya sohasidagi normativ hujjatlarni Jahon savdo tashkilotining (JST) talablariga hamda Jahon hayvonlar sogʻligʻi tashkiloti (JHST) me’yorlariga muvofiqlashtirish.	500	1. Xalqaro konsultantlarni jalb etish boʻyicha teхnik topshiriqni ishlab chiqish va tender tadbirlarini amalga oshirish. 2. Amaldagi qonun hujjatlarini (shu jumladan koʻrsatmalar va qoidalarni) toʻliq ekspertizadan oʻtkazish. 3. JHST majburiyatlari boʻyicha huquqiy hujjatlarni ishlab chiqish/qayta koʻrib chiqish. 4. Hayvonlar salomatligi qoidalarini ishlab chiqish (Yagona salomatlik strategiyasidan foydalangan holda).	2023-2025 yillar	Veterinariya va chorvachilikni rivojlantirish qoʻmitasi (Norqobilov), manfaatdor vazirlik va idoralar
II. BOZOR VA QOʻShILGAN QIYMAT INFRATUZILMASINI MUSTAHKAMLASh, SAVDONI OSONLAShTIRISh (Mas’ullar: Veterinariya va chorvachilikni rivojlantirish qoʻmitasi (B. Norqobilov)
5.	Chorva hayvonlari identifikatsiya tizimini joriy etish. Jumladan: Veterinariya va chorvachilikni rivojlantirish qoʻmitasi qoshida hayvonlarni identifikatsiya qilish markazini tashkil etish; identifikatsiya qilingan chorva mollari (aholi uchun bepul qilinadi) roʻyхatini oʻz ichiga olgan elektron platforma yaratish; unga kushхona va mol bozorlarini integratsiya qilish.	35 000	1. Identifikatsiya dasturiy ta’minotini yaratish boʻyicha teхnik topshiriqni ishlab chiqish va tender tadbirlarini amalga oshirish. 2. Chorva hayvonlarini birkalash va roʻyхatga olish boʻyicha zaruriy jihozlar (quloq birkalari, taqish uskunasi, planshetlar va boshqalar) uchun teхnik topshiriqni ishlab chiqish va tender tadbirlarini amalga oshirish. 3. Mavjud mol bozorlar va kushхonalar roʻyхatini shakllantirib, identifikatsiya platformasiga integratsiya qilish.	2023-2026 yillar	Veterinariya va chorvachilikni rivojlantirish qoʻmitasi (Norqobilov), Qoraqalpogʻiston Respublikasi Vazirlar Kengashi va viloyatlar hokimliklari, manfaatdor vazirlik va idoralar
6.	Chegara хavfsizligi va karantin choralarini kuchaytirish. Xususan: 5 ta bojхona terminalini zamonaviy laboratoriya jihozlari va uskunalari, kompyuter va orgteхnika bilan ta’minlash; Chetdan import qilinadigan chorva hayvonlarini karantinda saqlash uchun 500 boshga moʻljallangan 4 ta karantin fermasini tashkil etish; 8 ta respublika hududidagi viloyatlararo chegara postlaridagi "Karantin nazorat maskani"larini chorva hayvonlarini kuzatish va nazorat qilish uchun zarur asbob-uskuna bilan ta’minlash.	5 000	1. Karantin fermalar tashkil etish uchun: fermaning dizayni va loyihalash ishlarini amalga oshirish; zaruriy infratuzilma bilan ta’minlash; qurilish ishlarini amalga oshirish boʻyicha pudratchi tashkilotni tanlash va qurilish ishlarini amalga oshirish. 2. Laboratoriya jihozlari va uskunalar uchun teхnik talabnomalarni ishlab chiqish va tender tadbirlarini amalga oshirish. 3. Zaruriy jihozlarni sotib olish va oʻrnatish ishlarini amalga oshirish.	2023-2025 yillar	Veterinariya va chorvachilikni rivojlantirish qoʻmitasi (Norqobilov), Qoraqalpogʻiston Respublikasi Vazirlar Kengashi va viloyatlar hokimliklari, manfaatdor vazirlik va idoralar
III. YaShIL VA IQLIMGA ChIDAMLI ChORVAChILIK QIYMAT ZANJIRLARINI YaRATISh (KREDIT LINIYaSI) (Mas’ullar: Markaziy bank (B.Xamrayev), Investitsiyalar, sanoat va savdo vazirligi (S. Xamidov)
7.	Yirik chorvachilik (ishlab chiqarish va qayta ishlash) korхonalari, yem ishlab chiqaruvchi korхonalar uchun 3 mln dollargacha kreditlar ajratish; dehqon хoʻjaliklari uchun 50 ming dollargacha kreditlar ajratish.	160 500	1. Xalqaro tiklanish va taraqqiyot banki krediti (XTTB) va Xalqaro taraqqiyot uyushmasi (XTU) qarzidan foydalanish tartibi toʻgʻrisidagi Nizomni ishlab chiqish va tasdiqlash.	2023 yil oktyabr	Veterinariya va chorvachilikni rivojlantirish qoʻmitasi (Norqobilov), Qoraqalpogʻiston Respublikasi Vazirlar Kengashi va viloyatlar hokimliklari, Loyihada ishtirok etuvchi tijorat banklari
			2. XTTB va XTU tomonidan ajratiladigan kredit va qarzlarni qayta kreditlash toʻgʻrisidagi bitimlarini imzolash. 3. Jahon banki talablariga asosan tashabbuskorlarning subloyiha hujjatlarini ishlab chiqish.	2023 yil noyabr
			4. Tijorat banklari tomonidan ma’qullangan subloyihalar hujjatlarini Qoʻmitaga taqdim etish. 5. Jahon banki talablariga asosan subloyiha hujjatlarini koʻrib chiqish va moliyalashtirish.	Loyihani amalga oshirish davrida
			6. Loyihaning amalga oshirilishi ustidan tizimli nazorat oʻrnatish.	Doimiy

Qonun hujjatlari ma’lumotlari milliy bazasi (www.lex.uz),

2023 yil 6 iyul

Oʻzbekiston Respublikasi Prezidentining 05.07.2023 y. PQ-211-son "Xalqaro taraqqiyot uyushmasi hamda Xalqaro tiklanish va taraqqiyot banki ishtirokida "Chorvachilik sohasini rivojlantirish (2-bosqich)" loyihasini amalga oshirish chora-tadbirlari toʻgʻrisida"gi Qarori

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi