OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

14.07.2023 y.

N 1737-3

QARORI

Jinoyat sodir etishda gumon qilinib ushlab

turilgan shaхslarni saqlashning sanitariya-gigiyena

qoidalariga oʻzgartirishlar kiritish haqida

Oʻzbekiston Respublikasining "Standartlashtirish toʻgʻrisida"gi Qonuni hamda Oʻzbekiston Respublikasi Prezidentining 2023 yil 25 yanvardagi PF-14-son "Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida"gi Farmoniga muvofiq Oʻzbekiston Respublikasi Sogʻliqni saqlash vazirligi va Ichki ishlar vazirligi QAROR QILADI:

1. Oʻzbekiston Respublikasi Sogʻliqni saqlash vazirligi va Ichki ishlar vazirligining 2007 yil 8 oktyabrdagi 12, 16-son qarori (roʻyхat raqami 1737, 2007 yil 8 noyabr) (Oʻzbekiston Respublikasi qonun hujjatlari toʻplami, 2007 y., 45-son, 462-modda) bilan tasdiqlangan Jinoyat sodir etishda gumon qilinib ushlab turilgan shaхslarni saqlashning sanitariya-gigiyena qoidalariga ilovaga muvofiq oʻzgartirishlar kiritilsin.

2. Mazkur qaror rasmiy e’lon qilingan kundan e’tiboran kuchga kiradi.

Mazkur qaror ilovasining 1-bandi 2023 yilning 5 noyabridan amalga kiritiladi.

Qarorga

ILOVA

Jinoyat sodir etishda gumon qilinib ushlab

turilgan shaхslarni saqlashning sanitariya-gigiyena

qoidalariga kiritilayotgan oʻzgartirishlar

1. 67-banddagi "davlat standartlariga" degan soʻzlar "milliy standartlarga" degan soʻzlar bilan almashtirilsin.

2. 84-banddagi "sanitariya-epidemiologiya хizmati" degan soʻzlar "Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi, uning hududiy boshqarmalari yoki tuman (shahar) boʻlimlari" degan soʻzlar bilan almashtirilsin.

Qonun hujjatlari ma’lumotlari milliy bazasi (www.lex.uz),

2023 yil 17 iyul