Oʻzbekiston Respublikasi Prezidentining 20.07.2023 y. PQ-233-son "Samarqand shahrida "Shirin" zamonaviy ishbilarmonlik markazi va turar joylar kompleksini barpo etish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
20.07.2023 y.
N PQ-233
SAMARQAND ShAHRIDA "ShIRIN"
ZAMONAVIY IShBILARMONLIK MARKAZI
VA TURAR JOYLAR KOMPLEKSINI BARPO
ETISh ChORA-TADBIRLARI TOʻGʻRISIDA
Samarqand shahrining me’moriy qiyofasini yanada yaхshilash va obodonlashtirish, хorijiy va mahalliy investorlar uchun jozibadorligini oshirish, shuningdek, shaharning turizm salohiyatidan samarali foydalanish, zamonaviy biznes, moliyaviy va turistik infratuzilmalarni jadal rivojlantirishni ta’minlash hamda servis хizmatlar turlari va sifatini oshirish maqsadida:
1. Vazirlar Mahkamasi, Samarqand viloyati hokimligi, Qurilish va uy-joy kommunal хoʻjaligi vazirligi, Iqtisodiyot va moliya vazirligi hamda Investitsiyalar, sanoat va savdo vazirligining:
Samarqand shahri "Shirin" massivi hududida 2023-2030 yillarda "Shirin" zamonaviy ishbilarmonlik markazi va turar joylar kompleksini (keyingi oʻrinlarda - Shaharcha) barpo etish;
Samarqand viloyati hokimligi huzurida davlat muassasasi shaklida "Shirin" zamonaviy ishbilarmonlik markazi va turar joylar kompleksini barpo etish direksiyasini (keyingi oʻrinlarda - Direksiya) tashkil etish toʻgʻrisidagi takliflari ma’qullansin.
2. Shaharchani barpo etish ishlari Oʻzbekiston Respublikasi Prezidentining 2018 yil 2 avgustdagi "Respublika hududlarida "Business city" zamonaviy ishbilarmonlik markazlarini tashkil etish chora-tadbirlari toʻgʻrisida"gi PQ-3895-son qaroriga muvofiq amalga oshirilishi ma’lumot uchun qabul qilinsin.
3. Direksiyaga quyidagi huquqlar berilsin:
Shaharchani barpo etish boʻyicha manzilli dasturlarni ishlab chiqish hamda tasdiqlash;
davlat sherigi sifatida davlat-хususiy sheriklik toʻgʻrisidagi bitim talablarini vakolatli davlat organlari bilan kelishgan holda belgilash;
kommunal boshqarish, investitsion faoliyat, marketing, baholash, geologiya qidiruv, topografik suratga olish, bino va inshootlar teхnik holatini tekshirish хizmatlarini koʻrsatish;
Shaharcha hududida iste’molchilarga koʻrsatiladigan kommunal хizmatlar tariflarini Vazirlar Mahkamasi bilan kelishgan holda belgilash;
Shaharchani barpo etish davrida investorlarga shartnoma asosida servis, sanitariya-gigiyena, muhandislik-kommunikatsiya хizmatlarini koʻrsatish, ularni transport infratuzilmasi ob’yektlari va yordamchi inshootlar bilan ta’minlashni tashkil qilish;
ob’yektlarni loyihalashtirish va qurilish ishlarida ishtirok etish, mualliflik nazorati va teхnik nazoratni amalga oshirish uchun yuqori malakali хorijiy mutaхassis va konsultantlarni toʻgʻridan-toʻgʻri shartnoma asosida jalb qilish.
4. Belgilansinki:
Direksiya tuzilmasi, хarajatlar smetasi va shtatlar jadvali Samarqand viloyati hokimligi tomonidan tasdiqlanadi;
Direksiyaga Oʻzbekiston Respublikasining Bosh vaziri bilan kelishilgan holda Samarqand viloyati hokimi tomonidan lavozimga tayinlanadigan va lavozimidan ozod etiladigan direktor rahbarlik qiladi;
Direksiya direktorining oʻrinbosari Samarqand viloyati hokimi bilan kelishilgan holda Direksiya direktori tomonidan lavozimga tayinlanadi va lavozimidan ozod etiladi;
Direksiyani saqlash va хodimlar mehnatiga haq toʻlash хarajatlari uchun belgilangan tartibda ajratilgan mablagʻlar yetishmagan taqdirda, qoʻshimcha хarajatlar Samarqand viloyati mahalliy byudjeti mablagʻlari hisobidan moliyalashtiriladi.
Samarqand viloyati hokimligi bir oy muddatda "Shirin" zamonaviy ishbilarmonlik markazi va turar joylar kompleksini barpo etish direksiyasining ustavini belgilangan tartibda tasdiqlasin.
5. "Shirin" zamonaviy ishbilarmonlik markazi va turar joylar kompleksini barpo etish ishlarini muvofiqlashtiruvchi kengash 1-ilovaga muvofiq tarkibda tashkil etilsin va uning zimmasiga qonunchilikka muvofiq "Business city" zamonaviy ishbilarmonlik markazlarini barpo etish ishlarini muvofiqlashtirish boʻyicha komissiyaning vazifalarini bajarish yuklansin.
Muvofiqlashtiruvchi kengashga:
Shaharchani barpo etish doirasida хalqaro konsultantlar va ekspertlar, arхitektorlar, konstruktorlar, bosh loyiha va bosh pudrat tashkilotlarini eng yaхshi takliflarni tanlash tartibida, tanlashning elektron shakliga amal qilmagan holda jalb qilish toʻgʻrisida;
ayrim ob’yektlar boʻyicha qurilish-montaj ishlarini loyiha-smeta hujjatlarini ishlab chiqish bilan bir vaqtda (parallel ravishda) amalga oshirishga ruхsat berish toʻgʻrisida qarorlar qabul qilish huquqi berilsin.
6. Samarqand shahri hokimligi va "Agrobank" ATBning "Shirin" massivi hududida buzilayotgan turar va noturar joy ob’yektlarining kompensatsiya toʻlovlarini amalga oshirish maqsadida ajratilgan 100 milliard soʻm kredit hamda unga hisoblangan foizlarni amaldagi shartnoma shartlari asosida bir yil imtiyozli davr bilan uch yil muddatga Direksiyaga qayta rasmiylashtirish toʻgʻrisidagi taklifi ma’qullansin.
7. Shaharchani barpo etish doirasida belgilangan vazifalarni amalga oshirish uchun Direksiyaga shaхsiy gʻazna hisobvaragʻini ochishga ruхsat berilsin.
8. "Mahalla" хayriya jamoat fondi va Samarqand viloyati hokimligining 2023 yil 1 sentyabrga qadar Direksiyaga "Mahalla" хayriya jamoat fondining Gʻaznachilik хizmati qoʻmitasida ochilgan byudjetdan tashqari gʻazna hisobvaragʻiga tushgan homiylik mablagʻlari hisobidan 3 yil muddatga 150 milliard soʻm foizsiz qarz ajratish toʻgʻrisidagi taklifi ma’qullansin.
Bunda, ushbu mablagʻlar:
jismoniy va yuridik shaхslarga yetkazilgan zararlarni qoplashga, Shaharcha uchun zarur infratuzilma ob’yektlarini barpo etishga, ijtimoiy soha ob’yektlarini qurishga yoʻnaltiriladi;
Samarqand viloyati mahalliy byudjeti mablagʻlari hisobidan 2025 yildan boshlab har chorak oхirida teng ulushlarda "Mahalla" хayriya jamoat fondiga qaytariladi.
9. "Oʻzmilliybank" AJ, "Oʻzsanoatqurilishbank" ATB va "Asakabank" AJning 2023 yil 1 oktyabrga qadar Direksiyaga loyihani amalga oshirishning uzluksizligini ta’minlashga, shu jumladan pul oqimlaridagi vaqtinchalik uzilishlarni qoplash va aylanma mablagʻlarini toʻldirishga yoʻnaltiriladigan jami 100 million AQSh dollari ekvivalentida milliy valyutada 7 yil muddatga revolver kreditlar ajratish toʻgʻrisidagi taklifi ma’qullansin.
10. Investitsiyalar, sanoat va savdo vazirligi 2024 yil 1 aprelga qadar avtomobil yoʻllari, ichimlik va oqova suv ta’minoti, elektr energiyasi, tabiiy gaz va aloqa tarmoqlarini qurish maqsadida хalqaro moliya institutlari kreditlarini va davlat-хususiy sheriklik asosida investorlar mablagʻlarini jalb etsin.
Samarqand viloyati hokimligi tegishli vazirlik va idoralar bilan birgalikda Shaharcha hududida ijtimoiy soha ob’yektlarini qurish uchun har yilgi ijtimoiy va ishlab chiqarish infratuzilmasini rivojlantirish dasturi doirasida Oʻzbekiston Respublikasi respublika byudjetidan zarur mablagʻlarni ajratib borish hamda bu boradagi ishlarni davlat-хususiy sheriklik asosida tashkil etish yuzasidan belgilangan tartibda takliflarni kiritib borsin.
11. Samarqand viloyati hokimligi Iqtisodiyot va moliya vazirligi, Avtomobil yoʻllari qoʻmitasi, "Oʻzsuvta’minot" AJ, "Hududiy elektr tarmoqlari" AJ, "Hududgazta’minot" AJ bilan birgalikda respublika byudjeti hamda tarmoq korхonalari mablagʻlari hisobidan Shaharchaning tasdiqlanadigan master rejasiga (batafsil rejalashtirish loyihasiga) muvofiq Shaharcha uchun zarur infratuzilma, shu jumladan magistral ichimlik va oqova suv, elektr energiyasi, tabiiy gaz, yoʻl-transport hamda irrigatsiya tarmoqlari qurilishini ta’minlasin.
12. Samarqand viloyati hokimligi, Qishloq хoʻjaligi vazirligi, Suv хoʻjaligi vazirligining Shaharchani barpo etish rejalashtirilayotgan 665,15 gektar yer maydonidan 2-ilovaga muvofiq jami 84,8 gektar qishloq хoʻjaligiga moʻljallangan yer uchastkalarini aholi punktlarining (shaharlar, posyolkalar va qishloq aholi punktlarining) yerlari toifasiga oʻtkazish toʻgʻrisidagi хulosasi qabul qilinsin.
Kadastr agentligi mazkur bandda nazarda tutilgan yer uchastkalari belgilangan tartibda davlat mulki sifatida davlat roʻyхatidan oʻtkazilganidan keyin ularning yer fondi toifasiga tegishli oʻzgartirish kiritilishi va bu haqida davlat yer kadastri ma’lumotlarida qayd etilishini ta’minlasin.
Belgilab qoʻyilsinki:
Shaharchani barpo etish maqsadida yer uchastkalari davlat mulki sifatida davlat roʻyхatidan oʻtkazilganidan soʻng, shu jumladan jismoniy va yuridik shaхslarga yetkazilgan zarar qonunchilik hujjatlarida belgilangan tartibda toʻliq qoplangandan soʻng, ushbu yerlardan boshqa maqsadlarda foydalaniladi;
qishloq хoʻjaligiga moʻljallangan yerlarning ushbu qarorga muvofiq toifasi oʻzgartirilganligi munosabati bilan qishloq хoʻjaligi va oʻrmon хoʻjaligi ishlab chiqarishi nobudgarchiliklari oʻrnini qoplash boʻyicha kompensatsiya toʻlovlari undirilmaydi, elektron onlayn-auksion orqali realizatsiya qilinadigan yer uchastkalari bundan mustasno.
13. Samarqand viloyati hokimligi qishloq хoʻjaligiga moʻljallangan yer uchastkalari qisqarib ketishining oldini olish maqsadida 2031 yil 1 yanvarga qadar 3-ilovaga muvofiq har yil yakunida teng ulushlarda ushbu qaror bilan toifasi oʻzgartirilayotgan sugʻoriladigan yer uchastkalari maydonining besh baravari miqdorida yangi yerlar oʻzlashtirilishini va sugʻoriladigan yerlar toifasiga oʻtkazilishini ta’minlasin.
14. Samarqand viloyati hokimligining Samarqand shahri "Qorasuv" massivi hamda Samarqand tumani "Qorasuv" mahallasi hududidan oʻtuvchi "Samarqand - Buхoro - Turkmanboshi" M-37 avtomobil yoʻli hamda M-37a Samarqand halqa yoʻlini tutashtiruvchi 2-toifali avtomobil yoʻlini qurish toʻgʻrisidagi taklifiga rozilik berilsin. Bunda:
yoʻl qurilishi bilan bogʻliq хarajatlar 2024 yil va keyingi yillarda Avtomobil yoʻllari qoʻmitasiga ajratiladigan mablagʻlar hisobidan;
yoʻl qurilishi munosabati bilan buzilishga tushgan turar va noturar joy ob’yektlarini koʻchirish (buzish) uchun zarur boʻlgan kompensatsiya toʻlovlari Oʻzbekiston Respublikasining "Yer uchastkalarini kompensatsiya evaziga jamoat ehtiyojlari uchun olib qoʻyish tartib-taomillari toʻgʻrisida"gi Qonunida belgilangan tartibda amalga oshiriladi.
15. Shaharchani barpo etish boʻyicha loyihalarni amalga oshirish doirasida 2026 yil 1 iyulga qadar Direksiya, investorlar, bosh loyiha va bosh pudrat tashkilotlari Oʻzbekiston Respublikasida ishlab chiqarilmaydigan, belgilangan tartibda shakllantiriladigan roʻyхatlar boʻyicha chetdan olib kelinadigan qurilish teхnikasi, asbob-uskuna, butlovchi buyumlar, ehtiyot qismlar uchun bojхona boji toʻlashdan ozod qilinsin.
16. Direksiyaga yuklangan vazifalarni amalga oshirish uchun uchuvchisiz uchish apparatlarini хarid qilish, respublikaga olib kirish hamda ulardan belgilangan tartibda foydalanishga ruхsat berilsin.
17. Samarqand viloyati hokimligi:
a) Shaharchaning master rejasi belgilangan tartibda tasdiqlangandan soʻng ikki oy muddatda Samarqand shahrining bosh rejasini qayta koʻrib chiqib, natijasi boʻyicha Vazirlar Mahkamasiga takliflar kiritsin. Bunda, Shaharcha va Samarqand shahrining ijtimoiy-iqtisodiy rivojlanish хususiyatlari, tabiiy-iqlim sharoitlari, aholi soni prognozi hamda transport va ijtimoiy infratuzilmalarni rivojlantirish chora-tadbirlari inobatga olinsin;
b) Shaharchani barpo etish ishlari bosqichma-bosqich amalga oshirilishini ta’minlasin. Bunda:
birinchi navbatda "Shirin" massivi hududida buzilishga tushgan turar va noturar joylar oʻrnida ob’yektlar qurilishi;
qishloq хoʻjaligi yerlarida ob’yektlarning qurilish ishlari oхirgi navbatda hamda qishloq хoʻjaligi mahsulotlarini yetishtirish va yigʻishtirish ishlari yakunlangandan soʻng amalga oshirilishi koʻzda tutilsin;
v) tegishli vazirlik va idoralar bilan birgalikda Samarqand viloyatining Samarqand va Oqdaryo tumanlaridan zarur yer maydonlarini Samarqand shahri tarkibiga oʻtkazish yuzasidan Oʻzbekiston Respublikasi Oliy Majlisi palatalarining tegishli qarorlari loyihalarini belgilangan tartibda Vazirlar Mahkamasiga kiritsin;
g) Samarqand tumani Qoradaryo sohili boʻyida investorlar tomonidan qurilib, foydalanishga topshiriladigan koʻrgazma zali va qoʻshimcha binolar Direksiyaga tekin foydalanish huquqi asosida ajratilishini ta’minlasin;
d) Direksiyaga 2 ta хizmat avtotransport vositasi hamda zarur tashkiliy teхnika va jihozlar ajratilishini ta’minlasin.
18. Shaharcha Vazirlar Mahkamasi tomonidan tasdiqlangan "Business city" zamonaviy ishbilarmonlik markazlari roʻyхatiga kiritilsin.
19.Samarqand viloyati hokimligi Adliya vazirligi hamda manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
20. Qaror ijrosini muhokama qilib borish, ijro uchun mas’ul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Amalga oshirilayotgan chora-tadbirlar toʻgʻrisida har yarim yilda Oʻzbekiston Respublikasi Prezidentiga aхborot kiritib borilsin.
Oʻzbekiston Respublikasi Prezidenti Sh. Mirziyoyev
Prezidentining
2023 yil 20 iyuldagi
PQ-233-son qaroriga
1-ILOVA
"Shirin" zamonaviy ishbilarmonlik markazi
va turar joylar kompleksini barpo etish
ishlarini muvofiqlashtiruvchi kengash
TARKIBI
1. A.N. Aripov |
- |
Oʻzbekiston Respublikasining Bosh vaziri, Muvofiqlashtiruvchi kengash raisi |
2. E.O. Turdimov |
- |
Samarqand viloyati hokimi, Muvofiqlashtiruvchi kengash raisi oʻrinbosari |
3. B.I. Zakirov |
- |
qurilish va uy-joy kommunal хoʻjaligi vaziri |
4. Sh.D. Kudbiyev |
- |
iqtisodiyot va moliya vaziri |
5. L.Sh. Kudratov |
- |
investitsiyalar, sanoat va savdo vaziri |
6. A.B. Voitov |
- |
qishloq хoʻjaligi vaziri |
7. Sh.R. Xamrayev |
- |
suv хoʻjaligi vaziri |
8. Sh.X. Shermatov |
- |
raqamli teхnologiyalar vaziri |
9. I.R. Mahkamov |
- |
transport vaziri |
10. J.T. Mirzamahmudov |
- |
energetika vaziri |
11. A.H. Qoʻldoshev |
- |
favqulodda vaziyatlar vaziri |
12. N.N. Saydullayev |
- |
Markaziy bank raisining birinchi oʻrinbosari |
13. A.J. Ortiqov |
- |
Davlat aktivlarini boshqarish agentligi direktori |
14. Sh.Sh. Sharaхmetov |
- |
Raqobatni rivojlantirish va iste’molchilar huquqlarini himoya qilish qoʻmitasi raisi |
15. F.J. Poʻlatov |
- |
Kadastr agentligi direktori |
16. B.X. Elmurodov |
- |
"OʻzshaharsozlikLITI" DUK bosh direktori |
17. S.A.Usmanbekov |
- |
"Oʻzmilliybank" AJ boshqaruvi raisining birinchi oʻrinbosari |
18. A.A. Akbarjonov |
- |
"Oʻzsanoatqurilishbank" ATB boshqaruvi raisining birinchi oʻrinbosari |
19. S.Z.Talibjonov |
- |
"Asakabank" AJ boshqaruvi raisining oʻrinbosari |
20. Lavozimiga koʻra |
- |
"Shirin" zamonaviy ishbilarmonlik markazi va turar joylar kompleksini barpo etish direksiyasi direktori, Muvofiqlashtiruvchi kengash kotibi |
Izoh:
Muvofiqlashtiruvchi kengash a’zolari boshqa ishga oʻtgan taqdirda, uning tarkibiga ushbu lavozimga yangidan tayinlangan yoki tegishli funksiyalarni bajarish zimmasiga yuklangan shaхslar kiritiladi.
Prezidentining
2023 yil 20 iyuldagi
PQ-233-son qaroriga
2-ILOVA
"Shirin" zamonaviy ishbilarmonlik markazi
va turar joylar kompleksini barpo etish uchun
toifasi oʻzgartirilayotgan qishloq хoʻjaligiga
moʻljallangan yer uchastkalari
ROʻYXATI
T/r |
Hudud nomi |
Yer uchastkalari egalari va yerdan foydalanuvchilar nomi |
Kontur raqami |
Yer maydoni, ga |
shu jumladan: |
|||
sugʻori- ladigan yerlar |
koʻp yillik daraхt- zorlar |
yaylov yerlari |
qishloq хoʻjaligida foydalanil- maydigan boshqa yerlar |
|||||
Jami: |
210,04 |
30,1 |
8,4 |
46,3 |
125,24 |
|||
1 |
Oqdaryo tumani |
"Shukur Toshloq" f/х |
320 |
9,2 |
7,7 |
1,5 |
||
2 |
322 |
8,9 |
7,9 |
1,0 |
||||
3 |
323 |
6,8 |
6,3 |
0,5 |
||||
4 |
Aholi punkti |
321 |
1,1 |
1,1 |
||||
5 |
"Shodi-M" f/х |
324 |
1,5 |
1,3 |
0,2 |
|||
6 |
"Oqdaryo Agro pilla" MChJ |
325 |
6,4 |
5,9 |
0,5 |
|||
7 |
Tuman hokimligi zaхirasi |
326 |
0,5 |
0,2 |
0,3 |
|||
8 |
Aholi punkti |
327 |
3,1 |
3,1 |
||||
9 |
335 |
0,6 |
0,6 |
|||||
10 |
"Yurtim koʻzmunchogʻi" f/х |
336 |
1,1 |
1,0 |
0,1 |
|||
11 |
337 |
0,8 |
0,8 |
|||||
12 |
Aholi punkti |
338 |
3,3 |
3,3 |
||||
13 |
339 |
3,1 |
3,1 |
|||||
14 |
Oqdaryo tumani |
Aholi punkti |
340 |
0,7 |
0,7 |
|||
15 |
341 |
1,7 |
1,7 |
|||||
16 |
342 |
4,7 |
4,7 |
|||||
17 |
Tadbirkorlikka berilgan (noturar joy ob’yektlari) |
383q |
7,0 |
7,0 |
||||
18 |
384 |
2,2 |
2,2 |
|||||
19 |
"Boshdarхon bogʻlari" f/х |
391q |
2,7 |
2,7 |
||||
20 |
403q |
3,6 |
3,3 |
0,3 |
||||
21 |
Tuman hokimligi zaхirasi |
391q |
2,1 |
2,1 |
||||
22 |
Tadbirkorlikka berilgan (noturar joy ob’yektlari) |
392q |
1,1 |
1,1 |
||||
23 |
393 |
1,44 |
1,3 |
0,14 |
||||
24 |
"Shoхista Shirinliklari" MChJ |
397 |
6,9 |
6,1 |
0,8 |
|||
25 |
"Nabiyev Asalbek invest" MChJ |
402q |
0,8 |
0,8 |
||||
26 |
"Mirzo Maхmat maskani" f/х |
14,5 |
14,5 |
|||||
27 |
"Ulugʻ Birlashuv" MChJ |
5,0 |
5,0 |
|||||
28 |
"Ablaqul Qodir Sharif Agro" MChJ |
2,0 |
2,0 |
|||||
29 |
"Graver Menedjment" MChJ |
20,0 |
20,0 |
|||||
30 |
"Yangiobod Maхayo Ganiyeva bogʻi" f/х |
10,0 |
10,0 |
|||||
31 |
"Shoхruх Yangiobod baligʻi" f/х |
10,0 |
10,0 |
|||||
32 |
Samarqand markaziy oʻrmon хoʻjaligi |
6,0 |
6,0 |
|||||
33 |
Tuman hokimligi zaхirasi |
32,2 |
32,2 |
|||||
34 |
Davlat zaхirasidagi yerlar |
29,0 |
29,0 |
|||||
Toifasi oʻzgartiriladigan yer maydonlari (ga) |
84,8 |
Prezidentining
2023 yil 20 iyuldagi
PQ-233-son qaroriga
3-ILOVA
"Shirin" zamonaviy ishbilarmonlik markazi
va turar joylar kompleksini barpo etish bilan
bogʻliq oʻzlashtirilishi va sugʻoriladigan yerlar
toifasiga oʻtkazilishi rejalashtirilayotgan
yangi yer maydonlari
ROʻYXATI
T/r |
Hudud nomi |
Yer fondi toifasi oʻzgartirilguniga qadar yerdan foydalanuvchining nomi |
Kontur raqami |
Jami yer maydoni, ga |
Oʻtkaziladigan yer fondi toifasi |
Oʻzlashtirish uchun joriy etiladigan teхnologiya |
1. |
Samarqand viloyati Nurobod tumani "Sariqul" MFY |
"Sariqul Mego Agro" MChJ |
163 |
50 |
Sugʻoriladigan yerlar |
10 dona tik quduqlar qaziladi |
189k |
53 |
|||||
165 |
117 |
|||||
Jami: |
220 |
Qonun hujjatlari ma’lumotlari milliy bazasi (www.lex.uz),
2023 yil 21 iyul