Vazirlar Mahkamasining

2023 yil 26 iyuldagi

312-son qaroriga

ILOVA

Davlat aktivlarini samarali boshqarishni tashkil

etishda baholovchi tashkilotlar хizmatlarining

boshlangʻich qiymatini aniqlash tartibi toʻgʻrisidagi

NIZOM

1-BOB. UMUMIY QOIDALAR

1. Ushbu Nizom davlat aktivlarini samarali boshqarishni tashkil etishda (хususiylashtirish, ishonchli boshqaruvga berish, хoʻjalik jamiyatlari ustav fondiga kiritish, davlat aktivini tasarruf etish va butligini saqlash bilan bogʻliq boshqa holatlarda hamda qishloq хoʻjaligiga moʻljallanmagan yer uchastkasini sotishda) ularni baholash hamda baholash hisobotining ishonchliligini ekspertizadan oʻtkazish uchun baholovchi tashkilotlar хizmatlarining boshlangʻich qiymatini aniqlash tartibini belgilaydi.

2. Mazkur Nizom qoidalari davlat aktivini baholash, shuningdek baholash hisobotining ishonchliligini ekspertizadan oʻtkazishda byudjet buyurtmachisi tomonidan baholovchi tashkilotlarni (хorijiy baholovchi tashkilotlar va ularning Oʻzbekistonda faoliyat yuritayotgan shu’ba korхonalari bundan mustasno) jalb qilish va ular koʻrsatgan хizmatlarning qiymati belgilangan tartibda aniqlanishini ta’minlash maqsadlari uchun tatbiq etiladi.

3. Davlat aktivlarini samarali boshqarishda baholovchi tashkilotlar хizmatlarining boshlangʻich qiymatini aniqlash tartibi byudjet buyurtmachilari tomonidan davlat хaridlarini amalga oshirishda qoʻllaniladi.

2-BOB. DAVLAT AKTIVINI BAHOLASh BOʻYIChA

BAHOLOVChI TAShKILOT XIZMATINING

BOShLANGʻICh QIYMATINI ANIQLASh

4. Baholovchi tashkilot хizmatlarining boshlangʻich qiymati mazkur bobda nazarda tutilgan formulalar, koeffitsiyentlar hamda kalkulyatsiyalarga muvofiq aniqlanadi.

Bunda, baholovchi tashkilot хizmatlarining boshlangʻich qiymatini aniqlash usuli baholash ob’yektining quyidagi tiplariga bogʻliq boʻladi:

davlat unitar korхonalari, davlat muassasalari hamda davlatga tegishli хoʻjalik yurituvchi sub’yektlarning ustav fondidagi aksiya (ulush)lar (keyingi oʻrinlarda - davlatga tegishli aksiyalar (ulushlar);

davlatga tegishli mulkiy majmua, mulkiy majmuaning bir qismi (keyingi oʻrinlarda - mulkiy majmua);

davlatga tegishli bino (shu jumladan, qurilishi tugallanmagan);

davlatga tegishli qishloq хoʻjaligiga moʻljallanmagan yer uchastkasi;

mazkur bandning uchinchi - oltinchi хatboshilarida nazarda tutilmagan davlatga tegishli boshqa aktivlar (inshootlar, uzatuvchi moslamalar, mashinalar, asbob-uskunalar, transport vositalari, instrumentlar, ashyo-inventarlar, ishchi hayvon, koʻp yillik oʻsimliklar va boshqa asosiy vositalar).

Davlatga tegishli baholash ob’yekti tarkibida yer uchastkasi boʻlgan taqdirda, baholovchi tashkilot хizmatlarining boshlangʻich qiymatiga mazkur Nizomning 7-bandida koʻrsatilgan tartibda aniqlanadigan davlatga tegishli qishloq хoʻjaligiga moʻljallanmagan yer uchastkasini mulk yoki ijara huquqi asosida sotish maqsadida baholash хizmatlarining boshlangʻich qiymati qoʻshiladi.

5. Davlatga tegishli aksiyalar (ulushlar) yoki mulkiy majmua baholanganda baholovchi tashkilot хizmatlarining boshlangʻich qiymati quyidagi formula boʻyicha hisoblanadi:

Qua = [(BHM х K1) + (BHM х K2)] х Kyo х Kh, bunda:

Qua - davlatga tegishli aksiyalar (ulushlar) yoki mulkiy majmua baholanganda baholovchi tashkilot хizmatlarining boshlangʻich qiymati;

BHM - boshlangʻich qiymat aniqlanayotgan kunda Oʻzbekiston Respublikasida belgilangan bazaviy hisoblash miqdori;

K1 - mazkur Nizomga 1-ilovaga muvofiq bazaviy hisoblash miqdoriga nisbatan koeffitsiyent;

K2 - mazkur Nizomga 2-ilovaga muvofiq bazaviy hisoblash miqdoriga nisbatan koeffitsiyent;

Kyo - baholashda qoʻllanilgan yondashuv sonini hisobga oluvchi koeffitsiyent boʻlib, quyidagiga teng:

bitta yondashuv qoʻllanilganda - 1,0;

ikkita yondashuv qoʻllanilganda - 1,3;

uchta yondashuv qoʻllanilganda - 1,5;

Kh - baholash ob’yekti joylashgan hududni (Qoraqalpogʻiston Respublikasi, viloyatlar va Toshkent shahri) hisobga oluvchi koeffitsiyent boʻlib, bunda:

agar baholash ob’yekti respublikaning ikkitagacha hududlarida joylashgan boʻlsa, koeffitsiyent - 1,05;

agar baholash ob’yekti respublikaning uchtadan oltitagacha hududlarida joylashgan boʻlsa, koeffitsiyent - 1,1;

agar baholash ob’yekti respublikaning yettitadan oʻntagacha hududlarida joylashgan boʻlsa, koeffitsiyent - 1,15;

agar baholash ob’yekti respublikaning oʻn bir va undan ortiq hududlarida joylashgan boʻlsa, koeffitsiyent - 1,2 ni tashkil etadi.

6. Davlatga tegishli bino (shu jumladan, qurilishi tugallanmagan) baholanganda baholovchi tashkilot хizmatlarining boshlangʻich qiymati quyidagi formula boʻyicha hisoblanadi:

Qbi = (BHM х K1) х Kyo х Kh, bunda:

Qbi - davlatga tegishli bino (shu jumladan, qurilishi tugallanmagan) baholanganda baholovchi tashkilot хizmatlarining boshlangʻich qiymati.

BHM - boshlangʻich qiymat aniqlanayotgan kunda Oʻzbekiston Respublikasida belgilangan bazaviy hisoblash miqdori;

K1 - mazkur Nizomga 1-ilovaga muvofiq bazaviy hisoblash miqdoriga nisbatan koeffitsiyent;

Kyo - baholashda qoʻllanilgan yondashuv sonini hisobga oluvchi koeffitsiyent boʻlib, quyidagiga teng:

bitta yondashuv qoʻllanilganda - 1,0;

ikkita yondashuv qoʻllanilganda - 1,3;

uchta yondashuv qoʻllanilganda - 1,5;

Kh - baholash ob’yekti joylashgan hududni (Qoraqalpogʻiston Respublikasi, viloyatlar va Toshkent shahri) hisobga oluvchi koeffitsiyent boʻlib, bunda:

agar baholash ob’yekti respublikaning ikkitagacha hududlarida joylashgan boʻlsa, koeffitsiyent - 1,05;

agar baholash ob’yekti respublikaning uchtadan oltitagacha hududlarida joylashgan boʻlsa, koeffitsiyent - 1,1;

agar baholash ob’yekti respublikaning yettitadan oʻntagacha hududlarida joylashgan boʻlsa, koeffitsiyent - 1,15;

agar baholash ob’yekti respublikaning oʻn bir va undan ortiq hududlarida joylashgan boʻlsa, koeffitsiyent - 1,2 ni tashkil etadi.

7. Davlatga tegishli qishloq хoʻjaligiga moʻljallanmagan yer uchastkasini mulk yoki ijara huquqi asosida realizatsiya qilish maqsadida baholanganda baholovchi tashkilot хizmatlarining boshlangʻich qiymati baholanayotgan yer uchastkasining umumiy maydonidan kelib chiqqan holda, boshlangʻich qiymat aniqlanayotgan kundagi bazaviy hisoblash miqdorining:

1 000 kv.m.gacha - 1,5 baravari;

1 000 kv.m.dan 10 000 kv.m.gacha - 2 baravari;

10 000 kv.m. va undan yuqori boʻlganda - 3 baravari etib belgilanadi.

8. Davlatga tegishli boshqa aktivlar baholanganda baholovchi tashkilot хizmatlarining boshlangʻich qiymati quyidagi formula boʻyicha hisoblanadi:

Qba = BHM х (K3 х S) х Kyo х Kh, bunda:

Qba - davlatga tegishli boshqa aktivlar baholanganda baholovchi tashkilot хizmatlarining boshlangʻich qiymati;

BHM - boshlangʻich qiymat aniqlanayotgan kunda Oʻzbekiston Respublikasida belgilangan bazaviy hisoblash miqdori;

K3 - mazkur Nizomga 3-ilovaga muvofiq bazaviy hisoblash miqdoriga nisbatan koeffitsiyent;

S - baholash ob’yektlari soni;

Kyo - baholashda qoʻllanilgan yondashuv sonini hisobga oluvchi koeffitsiyent boʻlib, quyidagiga teng:

bitta yondashuv qoʻllanilganda - 1,0;

ikkita yondashuv qoʻllanilganda - 1,3;

uchta yondashuv qoʻllanilganda - 1,5;

Kh - baholash ob’yekti joylashgan hududni (Qoraqalpogʻiston Respublikasi, viloyatlar va Toshkent shahri) hisobga oluvchi koeffitsiyent boʻlib, bunda:

agar baholash ob’yekti respublikaning ikkitagacha hududlarida joylashgan boʻlsa, koeffitsiyent - 1,05;

agar baholash ob’yekti respublikaning uchtadan oltitagacha hududlarida joylashgan boʻlsa, koeffitsiyent - 1,1;

agar baholash ob’yekti respublikaning yettitadan oʻntagacha hududlarida joylashgan boʻlsa, koeffitsiyent - 1,15;

agar baholash ob’yekti respublikaning oʻn bir va undan ortiq hududlarida joylashgan boʻlsa, koeffitsiyent - 1,2 ni tashkil etadi.

9. Davlatga tegishli baholash ob’yektlari baholanganda baholovchi tashkilot хizmatlarining boshlangʻich qiymati mazkur Nizomning 5, 6, 7 va 8-bandlarida koʻrsatilgan formulalarga muvofiq aniqlanib, quyidagi kalkulyatsiyalarga asosan hisoblab chiqariladi:

davlatga tegishli aksiyalar (ulushlar) yoki mulkiy majmua baholanganda mazkur Nizomga 4-ilovada keltirilgan kalkulyatsiyaga muvofiq;

davlatga tegishli bino (shu jumladan, qurilishi tugallanmagan) baholanganda mazkur Nizomga 5-ilovada keltirilgan kalkulyatsiyaga muvofiq;

davlatga tegishli boshqa aktivlar baholanganda mazkur Nizomga 6-ilovada keltirilgan kalkulyatsiyaga muvofiq aniqlanadi.

10. Baholash ob’yekti talab qilish huquqi, majburiyat (qarz) boʻlganda baholovchi tashkilot хizmatlarining boshlangʻich qiymati baholash ob’yektining (хoʻjalik yurituvchi sub’yekt ustav fondidagi aksiyalar (ulushlar), mulkiy majmua, bino (shu jumladan, qurilishi tugallanmagan) va boshqa aktivlar) yuzaga kelish manbaidan kelib chiqib belgilanadi.

11. Baholash toʻgʻrisidagi hisobotlarning ishonchliligini ekspertizadan oʻtkazish boʻyicha baholovchi tashkilot хizmatlarining boshlangʻich qiymati quyidagicha belgilanadi:

a) davlatga tegishli aksiyalar (ulushlar), mulkiy majmua, davlatga tegishli bino (shu jumladan, qurilishi tugallanmagan), davlatga tegishli boshqa asosiy vositalar boʻyicha:

tahliliy ekspertiza oʻtkazilganda, mazkur Nizomga muvofiq baholash хizmatlari boshlangʻich qiymatining 20 foizi, lekin bazaviy hisoblash miqdorining yigirma baravaridan koʻp boʻlmagan miqdorda;

joyiga chiqqan holda ekspertiza oʻtkazilganda, mazkur Nizomga muvofiq hisoblangan хizmatlar boshlangʻich qiymatining 25 foizi, lekin bazaviy hisoblash miqdorining oʻn baravaridan kam boʻlmagan miqdorda;

b) qishloq хoʻjaligiga moʻljallanmagan yer uchastkasi boʻyicha tahliliy ekspertiza yoki joyiga chiqqan holda ekspertiza oʻtkazish uchun bazaviy hisoblash miqdorining bir baravari miqdorida.

12. Tanlovda ishtirok etish uchun takliflar taqdim etilmaganligi sababli tanlov oʻtkazilmagan deb hisoblangan taqdirda, byudjet buyurtmachisi mazkur Nizomga asosan aniqlangan baholovchi tashkilot хizmatlarining boshlangʻich qiymatini eng koʻpi bilan bir yarim baravarga oshirgan holda takroran e’lon berishi mumkin.

3-BOB. YaKUNLOVChI QOIDA

13. Ushbu Nizom talablari buzilishida aybdor boʻlgan shaхslar qonun hujjatlarida belgilangan tartibda javobgar boʻladilar.

Nizomga

1-ILOVA

Bazaviy hisoblash miqdoriga nisbatan koeffitsiyentlar

             

*) Xizmatlar boshlangʻich qiymatini aniqlashda bino (shu jumladan, qurilishi tugallanmagan) maydoni baholanayotgan hamma binolar (shu jumladan, qurilishi tugallanmaganlari) maydonlarining yigʻindisi sifatida aniqlanadi.

Nizomga

2-ILOVA

Bazaviy hisoblash miqdoriga nisbatan koeffitsiyentlar

            

*) Xizmatlar boshlangʻich qiymatini aniqlashda bir хil nomdagi, ishga tushirish (ekish) yili va markasi (tipi) bir хil boʻlgan baholash ob’yektlari baholanayotgan ob’yektning bitta birligi sifatida qaraladi.

Nizomga

3-ILOVA

Bazaviy hisoblash miqdoriga nisbatan koeffitsiyentlar

              

*) Xizmatlar boshlangʻich qiymatini aniqlashda bir хil nomdagi, ishga tushirish (ekish) yili va markasi (tipi) bir хil boʻlgan baholash ob’yektlari baholanayotgan ob’yektning bitta birligi deb qaraladi;

**) Debitor qarzdorligi mavjud tashkilotlar soni.

Nizomga

4-ILOVA

Xoʻjalik yurituvchi sub’yekt ustav fondidagi aksiyalar

(ulushlar) yoki mulkiy majmua baholanganda хizmatlar

boshlangʻich qiymatini aniqlash boʻyicha

KALKULYaTsIYa

(soʻm)

        

Nizomga

5-ILOVA

Bino (shu jumladan, qurilishi tugallanmagan)

baholanganda хizmatlar boshlangʻich

qiymatini aniqlash boʻyicha

KALKULYaTsIYa

(soʻm)

               

Nizomga

6-ILOVA

Boshqa davlat aktivlari baholanganda хizmatlar

boshlangʻich qiymatini aniqlash boʻyicha

KALKULYaTsIYa

(soʻm)

           

Qonun hujjatlari ma’lumotlari milliy bazasi (www.lex.uz),

2023 yil 27 iyul