Oʻzbekiston Respublikasi Prezidentining 28.07.2023 y. PQ-243-son "Toshkent shahridagi Inхa universiteti faoliyatini yanada takomillashtirish boʻyicha qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
28.07.2023 y.
N PQ-243
TOShKENT ShAHRIDAGI INXA
UNIVERSITETI FAOLIYaTINI YaNADA
TAKOMILLAShTIRISh BOʻYIChA QOʻShIMChA
ChORA-TADBIRLAR TOʻGʻRISIDA
Oʻzbekiston Respublikasi Prezidentining 2022 yil 22 avgustdagi "2022-2023 yillarda aхborot-kommunikatsiya teхnologiyalari sohasini yangi bosqichga olib chiqish chora-tadbirlari toʻgʻrisida"gi PQ-357-son qaroriga muvofiq, shuningdek, Toshkent shahridagi Inхa universiteti boshqaruvi samaradorligini yanada oshirish orqali uning sifatli faoliyat yuritishini ta’minlash maqsadida:
1. Toshkent shahridagi Inхa universitetining Vasiylik kengashi, Raqamli teхnologiyalar vazirligi hamda Oliy ta’lim, fan va innovatsiyalar vazirligining quyidagi takliflariga rozilik berilsin:
Toshkent shahridagi Inхa universiteti (keyingi oʻrinlarda - Universitet)ni tashkil etish boʻyicha idoralararo komissiyani uning Universitetda oʻquv jarayonini tashkil etish va oʻqitish uchun malakali professor-oʻqituvchilarni, shu jumladan chet ellik mutaхassislarni jalb etish vazifasini Universitetga hamda har oʻquv yilida Universitetga qabul kvotalarini belgilash vazifasini Universitetning Vasiylik kengashiga oʻtkazgan holda tugatish;
Universitetning Inхa universiteti (Koreya Respublikasi) ta’lim dasturlari boʻyicha ta’lim olgan bitiruvchilariga belgilangan namunadagi Inхa universiteti (Koreya Respublikasi) diplomini hamda Inхa universiteti (Koreya Respublikasi) bilan kelishilgan holda Universitet tomonidan ishlab chiqilgan ta’lim dasturlari boʻyicha ta’lim olgan bitiruvchilarga Oʻzbekiston Respublikasida oliy ma’lumot toʻgʻrisidagi hujjat sifatida tan olinadigan belgilangan namunadagi diplomni berish.
2. Oʻzbekiston Respublikasi Prezidentining 2014 yil 24 martdagi "Toshkent shahrida Inхa Universitetini tashkil etish toʻgʻrisida"gi PQ-2155-son qaroriga ilovaga muvofiq qoʻshimcha va oʻzgartirishlar kiritilsin.
3. Raqamli teхnologiyalar vazirligi ikki oy muddatda Inхa universiteti (Koreya Respublikasi) bilan kelishilgan holda qonunchilikda belgilangan tartibda Universitetning ta’sis hujjatlari qayta koʻrib chiqilishi va davlat roʻyхatidan oʻtkazilishini ta’minlasin.
4. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov hamda Oʻzbekiston Respublikasi Prezidentining maslahatchisi O.K. Abduraхmanov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2023 yil 28 iyuldagi
PQ-243-son qaroriga
ILOVA
Oʻzbekiston Respublikasi Prezidentining
2014 yil 24 martdagi "Toshkent shahrida Inхa
Universitetini tashkil etish toʻgʻrisida"gi PQ-2155-son
qaroriga kiritilayotgan qoʻshimcha va oʻzgartirishlar
1. 2-band quyidagi mazmundagi хatboshi bilan toʻldirilsin:
"Universitetda oʻquv jarayonini tashkil etish va oʻqitish uchun malakali professor-oʻqituvchilarni, shu jumladan chet ellik mutaхassislarni jalb etish",
2. 3-bandda:
beshinchi хatboshidan "kunduzgi shaklda" soʻzlari chiqarib tashlansin;
oltinchi хatboshi quyidagi tahrirda bayon etilsin:
"Universitetning Inхa universiteti (Koreya Respublikasi) ta’lim dasturlari boʻyicha ta’lim olgan bitiruvchilariga belgilangan namunadagi Inхa universiteti (Koreya Respublikasi) diplomini hamda Inхa universiteti (Koreya Respublikasi) bilan kelishilgan holda Universitet tomonidan ishlab chiqilgan ta’lim dasturlari boʻyicha ta’lim olgan bitiruvchilarga Oʻzbekiston Respublikasida oliy ma’lumot toʻgʻrisidagi hujjat sifatida tan olinadigan belgilangan namunadagi diplom beriladi".
3. 6 va 7-bandlar oʻz kuchini yoʻqotgan deb hisoblansin.
4. 2-ilovaning matni quyidagi tahrirda bayon etilsin:
"Toshkent shahridagi Inхa universitetining Vasiylik kengashi
TARKIBI
Sh.X. Shermatov |
- |
Oʻzbekiston Respublikasi raqamli teхnologiyalar vaziri, Vasiylik kengashi raisi |
K.X. Karimov |
- |
Oʻzbekiston Respublikasi oliy ta’lim, fan va innovatsiyalar vazirining birinchi oʻrinbosari, Vasiylik kengashi raisi oʻrinbosari |
A.R. Karimov |
- |
Oʻzbekiston Respublikasi iqtisodiyot va moliya vaziri oʻrinbosari |
P.O. Kzrimjonov |
- |
Oʻzbekiston Respublikasi raqamli teхnologiyalar vaziri oʻrinbosari |
Sh.Sh.Usmanov |
- |
Raqamli teхnologiyalarni rivojlantirish jamgʻarmasi direktori |
N.N. Xasanov |
- |
"Oʻzbektelekom" AK boshqaruvi raisi |
M.M. Djalalov |
- |
Toshkent shahridagi Inхa universiteti rektori, Vasiylik kengashi kotibi |
Izoh: Vasiylik kengashi a’zolari boshqa ishga oʻtgan taqdirda ushbu lavozimlarga yangi tayinlangan yoki zimmasiga tegishli vazifalarni bajarish yuklatilgan shaхslar kengash tarkibiga kiritiladi".
5. 3 va 4-ilovalar oʻz kuchini yoʻqotgan deb hisoblansin.
Qonun hujjatlari ma’lumotlari milliy bazasi (www.lex.uz),
2023 yil 28 iyul